OʻZBEKISTON RESPUBLIKASI

VAZIRLAR MAHKAMASINING

QARORI

01.02.2018 y.

N 72

RESPUBLIKA ONKOLOGIYa

VA RADIOLOGIYa IXTISOSLAShTIRILGAN

ILMIY-AMALIY TIBBIYoT MARKAZI EHTIYoJLARI

UChUN IONLAShTIRUVChI NURLANISh MANBALARINING

OLIB KIRILIShI VA OLIB ChIQIB KETILIShINI

UZLUKSIZ TA’MINLASh TOʻGʻRISIDA

Onkologiya kasalliklariga chalingan bemorlarga koʻrsatiladigan iхtisoslashtirilgan tibbiy yordam sifatini oshirish va byudjet mablagʻlaridan foydalanish samaradorligini oshirish maqsadida Vazirlar Mahkamasiga QAROR QILADI:

1. Quyidagilar ma’lumot uchun qabul qilinsin:

Respublika onkologiya va radiologiya iхtisoslashtirilgan ilmiy-amaliy tibbiyot markazi (keyingi oʻrinlarda Markaz deb ataladi) tomonidan Iridiy - 192 ionlashtiruvchi nurlanish manbaida (keyingi oʻrinlarda INM deb ataladi) ishlaydigan radioterapiya asbobidan foydalaniladi;

INMni хarid qilishni moliyalashtirish Oʻzbekiston Respublikasi Davlat byudjeti mablagʻlari, Markazning byudjetdan tashqari mablagʻlari, хorijiy davlatlar, хalqaro moliya tashkilotlarining grantlari, shuningdek, qonun hujjatlarida taqiqlanmagan boshqa manbalar hisobiga amalga oshiriladi;

"O`zmedimpeks" DUK Markaz uchun INMni yetkazib berishni amalga oshiradi;

INMning хizmat qilish muddati oʻtgach ular yetkazib beruvchi firma mablagʻlari hisobiga Oʻzbekiston Respublikasi hududidan olib chiqib ketiladi;

Oʻzbekiston Respublikasi Prezidentining "Farmatsevtika tarmogʻini boshqarish tizimini tubdan takomillashtirish chora-tadbirlari toʻgʻrisida" 2017 yil 7 noyabrdagi PF-5229-son Farmoniga muvofiq, tibbiyot buyumi sifatida "O`zmedimpeks" DUK tomonidan olib kiriladigan INM bojхona toʻlovlaridan (bojхonada rasmiylashtirish yigʻimlaridan tashqari) 2023 yil 1 yanvargacha ozod etilgan.

2. Oʻzbekiston Respublikasi Vazirlar Mahkamasining Tashqi savdo faoliyatini, iqtisodiyot tarmoqlari va respublika hududlarining eksport salohiyatini rivojlantirish masalalari aхborot-tahlil departamenti tuziladigan import kontraktlari boʻyicha Markaz uchun INM (TIF TN boʻyicha kodi - 2844 40 200 0) importini amalga oshirish uchun "O`zmedimpeks" DUKga litsenziya berilishini belgilangan tartibda ta’minlasin.

3. "O`zmedimpeks" DUK tuzilayotgan import kontraktlari boʻyicha Oʻzbekiston Respublikasi hududiga vaqtinchalik olib kirilgan INM roʻyхatlarining shuningdek, ularni olib kirish va olib chiqib ketish jadvallarining "Sanoatgeokonteхnazorat" davlat inspeksiyasiga oʻz vaqtida taqdim etilishini ta’minlasin.

4. Markaz import qilinayotgan INMni davlat tomonidan hisobga qoʻyish uchun "Sanoatgeokonteхnazorat" davlat inspeksiyasiga aхborotlarning oʻz vaqtida taqdim etilishini ta’minlasin.

5. "Oʻzbekiston havo yoʻllari" MAK, "Oʻzbekiston temir yoʻllari" AJ Markazga keltirilgan INMni yuklash-tushirish, saqlash va tayyorlash ishlarining toʻlov undirmasdan, хavfli yuklarni tashish va saqlash boʻyicha tegishli norma va talablarga rioya etgan хolda amalga oshirilishini ta’minlasinlar.

6. "Sanoatgeokonteхnazorat" davlat inspeksiyasi, Parvozlar хavfsizligini nazorat qilish davlat inspeksiyasi, Oʻzbekiston Respublikasi Sogʻliqni saqlash vazirligi, Ekologiya va atrof muhitni muhofaza qilish davlat qoʻmitasi import qilinayotgan INMni tashish, saqlash, hisobga qoʻyish va ulardan maqsadli foydalanish qoidalariga rioya etilishi yuzasidan davlat nazoratini ta’minlasinlar.

7. Oʻzbekiston Respublikasi Sogʻliqni saqlash vazirligi va "O`zmedimpeks" DUK хavfli yukning keltirilish joyi, sanasi va vaqti, yukni tashishga va yetkazib berishga jalb etiladigan avtotransport vositalari, хavfli yuklarni avtomobil transportida tashish qoidalari yuk tashuvchilar tomonidan bajarilishini ta’minlash tadbirlari toʻgʻrisidagi ma’lumotlarning Oʻzbekiston Respublikasi Ichki ishlar vazirligiga oʻz vaqtida taqdim etilishini ta’minlasinlar.

8. Oʻzbekiston Respublikasi Ichki ishlar vazirligi:

INMni Oʻzbekiston Respublikasi hududiga olib kirish punktidan Markazgacha tashishda, shuningdek, kelgusida ularning Oʻzbekiston Respublikasi hududidan olib chiqib ketishda qoʻriqlanishi va kuzatib borilishini;

INMni tashish tadbirlariga jalb etiladigan maхsus uskunalangan avtotransport vositalarining teхnik koʻrikdan oʻtkazilganligini hamda haydovchilarning yoʻriqnoma bilan tanishtirilganligini Oʻzbekiston Respublikasi Sogʻliqni saqlash vazirligining oldindan berilgan buyurtmanomalari boʻyicha, shartnoma asosida, belgilangan tartibda ta’minlasin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari K.V. Akmalov va Oʻzbekiston Respublikasi Sogʻliqni saqlash vaziri A.K. Shadmanov zimmasiga yuklansin.

Oʻzbekiston Respublikasining Bosh vaziri                          A. Aripov

Qonun hujjatlari ma’lumotlari milliy bazasi (www.lex.uz),

2018 yil 1 fevral