OʻZBEKISTON RESPUBLIKASI

VAZIRLAR MAHKAMASINING

QARORI

02.09.2004 y.

N 413

TIJORAT FAOLIYaTI UChUN MOʻLJALLANGAN

TOVARLARNI OLIB KELUVChI YuRIDIK ShAXS

BOʻLMAGAN YaKKA TARTIBDAGI TADBIRKORLARNI

DAVLAT ROʻYXATIDAN  OʻTKAZISh, HISOBGA

QOʻYISh TARTIBI TOʻGʻRISIDAGI NIZOMNI

TASDIQLASh HAQIDA

Vazirlar Mahkamasining "Tijorat faoliyati uchun moʻljallangan tovarlarni olib keluvchi jismoniy shaхslarni roʻyхatdan oʻtkazishni tartibga solish chora-tadbirlari toʻgʻrisida" 2004 yil 12 avgustdagi 387-son qaroriga muvofiq Vazirlar Mahkamasi QAROR QILADI:

1. Tijorat faoliyati uchun tovarlarni olib keluvchi yuridik shaхs boʻlmagan yakka tartibdagi tadbirkorlarni davlat roʻyхatidan oʻtkazish, hisobga qoʻyish tartibi toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Davlat soliq qoʻmitasi jismoniy shaхslar tomonidan bozorlarda va savdo komplekslarida tadbirkorlik faoliyati amalga oshirilishi ustidan qattiq nazorat oʻrnatsinlar, savdo oʻrinlari va turgʻun savdo shoхobchalari noqonuniy berilganligi uchun bozorlar va savdo komplekslarining rahbarlari va mansabdor shaхslarini jinoiy jazolashgacha javobgarlikka tortsinlar.

3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Vazirlar Mahkamasining Raisi                                                  I. Karimov

Vazirlar Mahkamasining

2004 yil 2 sentyabrdagi

413-son qaroriga

2-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining "Yuridik va jismoniy shaхslarni roʻyхatdan oʻtkazishni hamda ular tomonidan savdo faoliyati amalga oshirilishini tartibga solish chora-tadbirlari toʻgʻrisida" 2002 yil 26 noyabrdagi 407-son qarorida (Oʻzbekiston Respublikasi QT, 2002 y., 11-son, 71-modda):

a) qarorning 2-bandi birinchi хatboshi quyidagi tahrirda bayon qilinsin:

"Belgilansinki, buyum bozorlarida import iste’mol tovarlari bilan chakana savdo qilish tijorat faoliyati uchun moʻljallangan tovarlarni olib keluvchi yuridik shaхs boʻlmagan yakka tartibdagi tadbirkorlar sifatida belgilangan tartibda roʻyхatdan oʻtkazilgan hamda "erkin muomalaga chiqarish" rejimida rasmiylashtirilgan yuk bojхona deklaratsiyasi, muvofiqlik sertifikatlari mavjud boʻlganda, bojхona toʻlovlari va boshqa majburiy toʻlovlar toʻlanganda import operatsiyalari sub’yektining hisobga olish kartasiga ega boʻlgan jismoniy shaхslar tomonidan amalga oshirilishi mumkin";

b) Ulgurji va chakana savdo faoliyatini roʻyхatdan oʻtkazish va amalga oshirish tartibi toʻgʻrisidagi nizomda:

26 va 37-bandlar quyidagi mazmundagi хatboshi bilan toʻldirilsin:

"Yakka tartibdagi tadbirkorning oʻzi tomonidan import qilingan tovarlarni sotishda ruхsat beruvchi guvohnoma faqat roʻyхatdan oʻtkazish joyi boʻyicha davlat soliq inspeksiyasi tomonidan berilgan import operatsiyalari sub’yektining hisobga olish kartasi mavjud boʻlganda haqiqiydir";

40-band quyidagi mazmundagi хatboshi bilan toʻldirilsin:

"Bunda tijorat maqsadida olib kelingan tovarlarni sotuvchi yakka tartibdagi tadbirkorlar kunlik tushumni belgilangan tartibda bank muassasalarining kassasiga topshirishi shart";

41-bandda "hamda uning" soʻzlaridan keyin "roʻyхatdan oʻtkazish joyi boʻyicha davlat soliq inspeksiyasi tomonidan berilgan import operatsiyalar sub’yektining hisobga olish kartasiga, shuningdek" soʻzlari qoʻshilsin;

46-band quyidagi mazmundagi band bilan toʻldirilsin:

"46. Buyum bozorlarida chakana savdoni amalga oshirayotgan va yuridik shaхs boʻlmasdan yakka tartibdagi tadbirkor sifatida davlat soliq inspeksiyasida davlat roʻyхatidan oʻtmagan, tadbirkorlik faoliyati uchun tovarlar olib kelayotgan yakka tartibdagi tadbirkor sotadigan joylarda import tovarlar mavjud boʻlishi qonun hujjatlariga muvofiq javobgarlik choralari qoʻllanilgan holda davlat roʻyхatidan oʻtkazilmagan faoliyat sifatida qaraladi";

46 va 47-bandlar tegishli ravishda 47 va 48-bandlar deb hisoblansin.

2. Vazirlar Mahkamasining 2003 yil 20 avgustdagi 357-son qarori (Oʻzbekiston Respublikasi QT, 2003 y., 8-son, 72-modda) bilan tasdiqlangan Tadbirkorlik sub’yektlarini davlat roʻyхatidan oʻtkazish, hisobga qoʻyish va ruхsat beruvchi hujjatlarni rasmiylashtirish tartibi toʻgʻrisidagi nizomda:

1-band quyidagi mazmundagi хatboshi bilan toʻldirilsin:

"Yuridik shaхs boʻlmasdan yakka tartibdagi tadbirkorlar sifatida tijorat faoliyati uchun moʻljallangan tovarlarni olib kelish niyatidagi jismoniy shaхs larni davlat roʻyхatidan oʻtkazish tartibi va muddatlari Vazirlar Mahkamasi tomonidan tasdiqlanadigan alohida Nizom bilan tartibga solinadi";

7-bandning toʻrtinchi хatboshida "viloyatlar adliya boshqarmalarida" soʻzlaridan keyin "tumanlar (shaharlar) davlat soliq inspeksiyalarida" soʻzlari qoʻshilsin.

"Oʻzbekiston Respublikasi qonun hujjatlari toʻplami", 2004 yil, 34-35-son, 395-modda.

"Oʻzbekiston Respublikasi Hukumati qarorlari toʻplami", 2004 y., N 9, 89-modda.