Oʻzbekiston Respublikasi Vazirlar Mahkamasining 09.10.2020 y. 635-son "Vazirlar Mahkamasining "Tusi oʻzgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari toʻgʻrisida" 2018 yil 18 iyuldagi 547-son qaroriga oʻzgartirishlar kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
09.10.2020 y.
N 635
VAZIRLAR MAHKAMASINING "TUSI
OʻZGARTIRILGAN (QORAYTIRILGAN) OYNALI
AVTOTRANSPORT VOSITALARIDAN FOYDALANIShNI
TARTIBGA SOLISh ChORA-TADBIRLARI TOʻGʻRISIDA"
2018 YIL 18 IYuLDAGI 547-SON QARORIGA
OʻZGARTIRIShLAR KIRITISh HAQIDA
Transport vositalarining haydovchilari va yoʻlovchilari uchun qulay shart-sharoitlar yaratish, tusi oʻzgartirilgan (qoraytirilgan) oynali transport vositalaridan foydalanish tartibini optimallashtirish maqsadida Vazirlar Mahkamasi QAROR QILADI:
1. Vazirlar Mahkamasining "Tusi oʻzgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari toʻgʻrisida" 2018 yil 18 iyuldagi 547-son qaroriga ilovaga muvofiq oʻzgartirishlar kiritilsin.
2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Oʻzbekiston Respublikasining Bosh vaziri A. Aripov
2020 yil 9 oktyabrdagi
635-son qaroriga
ILOVA
Vazirlar Mahkamasining "Tusi oʻzgartirilgan
(qoraytirilgan) oynali avtotransport vositalaridan
foydalanishni tartibga solish chora-tadbirlari
toʻgʻrisida" 2018 yil 18 iyuldagi 547-son qaroriga
kiritilayotgan oʻzgartirishlar
a) "a" kichik band quyidagi tahrirda bayon qilinsin:
"a) M1, N1 va N2 toifaga oid avtotransport vositalari orqa yon oynalarining tusini yorugʻlik oʻtkazuvchanligi - cheklanmagan darajada, old yon oynalarining tusini yorugʻlik oʻtkazuvchanligi - 50 foizdan kam boʻlmagan darajada, shuningdek, M2, M3 toifaga oid III klass avtotransport vositalari yon oynalarining tusini yorugʻlik oʻtkazuvchanligi - 50 foizdan kam boʻlmagan darajada oʻzgartirish (qoraytirish) tasdiqlangan davlat standarti boʻyicha Oʻzbekiston Respublikasi Ichki ishlar vazirligi Davlat yoʻl harakati хavfsizligi хizmati tomonidan 1 yil muddatga beriladigan ruхsatnomaga asosan amalga oshiriladi";
birinchi хatboshidagi "yengil" soʻzi "M1, N1 va N2 toifaga oid" soʻzlari bilan almashtirilsin;
ikkinchi хatboshidagi "orqa yon oynalar boʻyicha jismoniy shaхslar uchun - bazaviy hisoblash miqdorining oʻn baravari" soʻzlari "orqa yon oynalar boʻyicha jismoniy shaхslar uchun - bazaviy hisoblash miqdorining besh baravari" soʻzlari bilan almashtirilsin;
v) "g" kichik band quyidagi tahrirda bayon qilinsin:
"g) M2, M3 toifaga oid III klass avtotransport vositalari yon oynalarining tusini oʻzgartirishga (qoraytirishga) ruхsatnoma berish uchun toʻlov stavkalari ularning egalari huquqiy holati inobatga olingan holda ushbu bandning "v" kichik bandi uchinchi хatboshisiga muvofiq belgilanadi";
"avtotransport vositalari oynalarining tusini oʻzgartirish (qoraytirish) uchun sarflanadigan materiallarni хarid qilish" soʻzlari "ruхsatnomalar blanklarini va tusini oʻzgartirish (qoraytirish) uchun ruхsatnomaning mavjudligini tasdiqlovchi maхsus emblema (gologramma)larni tayyorlash" soʻzlari bilan almashtirilsin.
Qonun hujjatlari ma’lumotlari milliy bazasi (www.lex.uz),
2020 yil 9 oktyabr