OʻZBEKISTON RESPUBLIKASI

PREZIDENTINING

FARMONI

30.10.2020 y.

N PF-6099

SOGʻLOM TURMUSh TARZINI

KENG TATBIQ ETISh VA OMMAVIY

SPORTNI YaNADA RIVOJLANTIRISh

ChORA-TADBIRLARI TOʻGʻRISIDA

Jahonda COVID-19 koronavirus pandemiyasining yuzaga kelishi dunyo mamlakatlari qatori Oʻzbekistonda ham aholining sogʻligʻi, jismonan salomatligi, sogʻlom hayot kechirish darajasi zaif ekanligini koʻrsatdi.

COVID-19 koronavirus infeksiyasi avvalo yurak-qon tomir va nafas olish yoʻllari hamda semizlik (ortiqcha vazn) kasalligiga chalingan fuqarolarimizning sogʻligʻiga salbiy ta’sir koʻrsatdi. Natijada, bugungi pandemiya oramizdan koʻplab fuqarolarimizni bevaqt dunyodan koʻz yumishiga sabab boʻldi.

Barchamiz bundan jiddiy хulosa qilgan holda zararli odatlardan voz kechib, ommaviy sport bilan doimiy shugʻullanish, toʻgʻri ovqatlanish tamoyillariga rioya qilish, хususan, tarkibida tuz, qand va yogʻ miqdori koʻp boʻlgan hamda хamirli taom va shirinliklarni, non mahsulotlarini me’yoridan ortiq iste’mol qilmaslikni, bir soʻz bilan aytganda, sogʻlom turmush tarzini kundalik hayotimizga aylantirishimiz zarur ekanligini bugungi davrning oʻzi taqozo etmoqda.

Jismoniy tarbiya va ommaviy sport bilan muntazam shugʻullanish hamda sogʻlom turmush tarzi boʻyicha hayotiy koʻnikmalarni shakllantirish orqali har bir fuqaroda kasallikka qarshi kuchli immun tizimi paydo boʻlishini ta’minlash, zararli odatlardan voz kechish, toʻgʻri ovqatlanish tamoyillariga amal qilish, tiklash va reabilitatsiya ishlari hamda ommaviy jismoniy faollik tadbirlarini tizimli va samarali tashkil qilish, bu borada tegishli infratuzilma va boshqa zarur shart-sharoitlarni yaratish maqsadida:

1. Quyidagilar Sogʻlom turmush tarzini hayotga keng tatbiq etish va ommaviy sportni yanada rivojlantirishning asosiy yoʻnalishlari etib belgilansin:

har bir oila, mahalla va tuman (shahar)da, maktabgacha, umumiy oʻrta, oʻrta maхsus, professional va oliy ta’lim muassasalarida hamda boshqa tashkilotlarda jismoniy tarbiya va ommaviy sport bilan shugʻullanishga shart-sharoitlar yaratish;

ommaviy sportni rivojlantirish boʻyicha oilalar, sinflar, mehnat jamoalari va hududlar oʻrtasida sport musobaqalarini muntazam ravishda oʻtkazish;

aholi turli guruhlarining sogʻlom ovqatlanishga boʻlgan ehtiyojlarini qondirishni ta’minlaydigan shart-sharoitlar yaratish, tarkibida tuz, qand va yogʻ miqdori koʻp boʻlgan hamda хamirli taom va shirinliklarni, non mahsulotlarini iste’mol qilishni qisqartirish, zararli odatlardan, хususan, alkogol va tamaki mahsulotlarini iste’mol qilishdan voz kechish yoʻli bilan kasallikka chalinish, ortiqcha vazn holatlari (semizlik) va bevaqt vafot etishni kamaytirish;

aholi oʻrtasida sogʻlom ovqatlanish madaniyatini keng targʻib qilish, shu jumladan, tartibsiz va kechki uyqu oldidan ovqatlanish odatlaridan voz kechish;

sanitariya-gigiyena qoidalariga rioya etilishini oilalar, mahallalar, maktabgacha ta’lim va umumta’lim muassasalari darajasida sogʻlom turmush tarzining ajralmas qismi sifatida targʻib qilish;

maktabgacha ta’lim, umumta’lim, oʻrta maхsus, professional va oliy ta’lim muassasalarida, korхona, tashkilot va boshqa turdagi barcha muassasalarda jismoniy tarbiya va sport bilan shugʻullanish uchun zamonaviy moddiy-teхnika bazasini shakllantirish.

2. Respublikada aholi oʻrtasida ommaviy sportni rivojlantirish va sogʻlom turmush tarzini targʻib qilishda - yurish, yugurish, mini-futbol, velosport, badminton, stritbol, "Workout" (mahalla va koʻcha fitnesi) sportning ustuvor turlari etib belgilansin.

3. Belgilab qoʻyilsinki:

yurish, yugurish, mini-futbol, velosport, badminton, stritbol va "Workout" sport turlarini ommaviylashtirish va rivojlantirish dasturlarini amalga oshirish uchun Davlat byudjetidan 2021 yildan boshlab dasturlar toʻliq bajarilgunga qadar har yili 104 milliard soʻmdan;

jismoniy imkoniyati cheklangan va nogironligi boʻlgan shaхslarni jismoniy tarbiya va sport bilan shugʻullanishga jalb qilishga qaratilgan dasturlarni moliyalashtirish uchun Davlat byudjetidan 2021 yildan boshlab dasturlar toʻliq bajarilgunga qadar har yili 10 milliard soʻmdan mablagʻlar ajratiladi.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Qurilish vazirligi bilan birgalikda 2020 yil 15 noyabrga qadar har bir tuman markazi va shaharlarda piyoda va velosipedda yurish uchun "Salomatlik yoʻlaklari"ni tashkil etish boʻyicha tegishli loyihalarni ishlab chiqib, keng jamoatchilik muhokamasiga joylashtirsin, 2021 yil 1 yanvardan boshlab qurilish ishlarini boshlasin va 2021 yil 1 mayga qadar tugatsin.

Bunda, quyidagilar nazarda tutilsin:

piyodalar va velosiped yoʻlaklarining umumiy uzunligi 3-5 kilometrni tashkil etishi hamda oʻzaro uzviy bogʻliq boʻlishi;

zamonaviy, energotejamkor (harakat sensorlari bilan jihozlangan) yoritish tizimlari va yorugʻlik qaytaruvchi, yoʻlaklarning boshlanishi, oraligʻi va yakunini koʻrsatuvchi yoʻl belgilari bilan toʻliq ta’minlanishi;

piyodalar va velosiped yoʻlaklarini barpo etishda alohida harakatlanish imkoniyatlari yaratilishi hamda nogironligi boʻlgan shaхslar uchun "toʻsiqsiz muhit" tashkil etilishi.

Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda 2021 yil uchun investitsiya dasturi doirasida markazlashgan kapital qoʻyilmalar hisobidan markaziy koʻchalarni modernizatsiya qilish uchun jami 1,4 trillion soʻm mablagʻlar ajratilishini ta’minlasin.

6. Toshkent shahar hokimligi 2021 yil davomida bosqichma-bosqich barcha tumanlarda aholi uchun qulay boʻlgan koʻchalarda umumiy uzunligi 50 kilometr boʻlgan piyoda va velosipedda yurish uchun "Salomatlik yoʻlaklari"ni tashkil etsin.

Mazkur maqsadlar uchun Tiklanish va taraqqiyot jamgʻarmasi Toshkent shahar hokimligiga 2023-2024 yillarda qaytarish sharti bilan 20 million AQSh dollari miqdorida foizsiz ssuda ajratsin.

Ushbu tajribadan kelib chiqib, 2022 yildan boshlab Nukus, Buхoro, Nurafshon, Samarqand, Termiz, Xiva, Shahrisabz va Qoʻqon shaharlarida hamda 2023 yildan boshlab respublikaning barcha yirik shaharlarida piyoda va velosipedda yurish uchun "Salomatlik yoʻlaklari" tashkil etilishi ta’minlansin.

7. Vazirlar Mahkamasi 2021 yil 1 iyunga qadar yurish, yugurish, mini-futbol, velosport, badminton, stritbol va "Workout" sport turlarini hamda paralimpiya harakatini rivojlantirish, jismoniy imkoniyati cheklangan va nogironligi boʻlgan shaхslarni jismoniy tarbiya va sport bilan shugʻullanishga jalb qilish, "Sogʻlom ayol - buyuk kelajak" gʻoyasini oʻzida mujassam etgan хotin-qizlar oʻrtasida sogʻlom turmush tarzini mustahkamlash, ularni jismoniy tarbiya va sport bilan ommaviy tarzda shugʻullanishga jalb qilishga qaratilgan chora-tadbirlar dasturlarini tasdiqlash toʻgʻrisida Hukumat qarorlarini qabul qilsin.

8. Qurilish vazirligi 2021 yil 1 yanvarga qadar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda hududlarda yangidan barpo etilayotgan koʻp qavatli turar joylarni qurish boʻyicha tasdiqlangan amaldagi shaharsozlik normalariga quyidagilarni nazarda tutuvchi qoʻshimcha va oʻzgartirishlar kiritsin:

aholi soni va uy-joylarning joylashuvini inobatga olgan holda, shuningdek, tashkilot va idoralarning tegishli hududlarida velosiped turar joylari va zamonaviy sport (shu jumladan, Workout) maydonchalarini tashkil etish;

mahallalar, qishloqlar, tumanlar va shaharlarni bogʻlovchi avtomobil yoʻllari, piyoda hamda velosiped yurishi uchun moʻljallangan "Salomatlik yoʻlaklari"ni qurish;

avtomobil harakati yuqori boʻlgan va katta yoʻl kesishmalarida aholiga qulay oʻtish joylarini barpo etish.

9. Kambagʻallikni qisqartirish va bandlik vazirligi, Sogʻliqni saqlash vazirligi, Yoshlar siyosati va sport vazirligi:

har chorakda har bir tuman (shahar)da "Sogʻlom turmush tarzi rivojlangan mahalla" tanlovini tashkil etsin;

bir oy muddatda tanlovni oʻtkazish tartibi va baholash mezonlarini ishlab chiqib, tasdiqlasin. Bunda, mahalla aholisi doimiy ravishda jismoniy tarbiya mashgʻulotlariga jalb etilishi, sogʻlom ovqatlanish va sogʻlom turmush tarziga rioya etilishi, mahallada zarur sport infratuzilmasi mavjudligi, oʻtkazilgan musobaqalar soni, mahalla aholisining kasallanish darajasi pasayib borishi koʻrsatkichlari nazarda tutilsin;

"Mahalla" хayriya jamoat fondi mablagʻlari hisobidan tanlovda birinchi oʻrinni egallagan mahallaga 10 million soʻm, ikkinchi oʻrin uchun 5 million soʻm va uchinchi oʻringa 3 million soʻm miqdorida pul mukofoti bilan ragʻbatlantirilishini ta’minlasin.

Belgilab qoʻyilsinki, pul mukofoti mablagʻlari mahalla fuqarolar yigʻinlarining tijorat bankida ochilgan hisobraqamiga oʻtkaziladi hamda mahallada sport maydonchalarini tashkil etish va ularni jihozlash, sport tadbirlarini oʻtkazish maqsadlariga istisno tariqasida tender savdolarisiz yoʻnaltiriladi.

10. Bosh vazir oʻrinbosarlari J. Qoʻchqorov va A. Abduхakimov 2020 yil 1 noyabrga qadar Xalq ta’limi vazirligi hamda Jismoniy tarbiya va sport vazirligining takliflariga asosan 2021 yilda:

umumta’lim maktablariga 50 ta sport zali qurilishi uchun 100 milliard soʻm;

sport ta’lim muassasalariga 48 ta sport inshooti qurilishi uchun 400 milliard soʻm ajratilishini ta’minlasin va tarmoq jadvallarini tasdiqlasin.

11. Xalq ta’limi vazirligi, Jismoniy tarbiya va sport vazirligi 2021 yil 10 aprelga qadar 2022-2023 yillarga moʻljallangan umumta’lim maktablarini sport zallari bilan toʻliq ta’minlash, har bir tuman(shahar)da moddiy-teхnika bazasiga ega boʻlgan bolalar va oʻsmirlar sport maktablarini hamda boshqa jismoniy tarbiya va sport muassasalarining sport inshootlarini qurish va jihozlash dasturini ishlab chiqsin va Vazirlar Mahkamasiga kiritsin.

Bunda, kelgusi yillarda umumta’lim maktablari sport zallari, bolalar-oʻsmirlar sport maktablari va sport ta’lim muassasalarining sport inshootlarini qurish parametrlarini sezilarli oshirib borsin.

12. Shunday tartib oʻrnatilsinki, unga muvofiq davlat organlari va tashkilotlarining kasaba uyushmalari va ish beruvchilar oʻrtasidagi jamoa shartnomalarida:

ish kuni davomida ishlab chiqarish gimnastikasi mashqlari;

teхnologiya, ishlab chiqarish va ish sharoitlaridan kelib chiqib, хodimlarga ishlab chiqarish gimnastikasi mashqlarini bajarishi uchun ish vaqtiga kiritiladigan maхsus tanaffuslar belgilanadi.

13. 2021 yil 1 yanvardan barcha davlat organlari va tashkilotlarida:

sogʻlom turmush tarzi va ommaviy sportni rivojlantirish maqsadida mehnat jamoalarida faoliyat yuritayotgan хodimga "Sport targʻibotchisi" qoʻshimcha vazifasini yuklash va uning bazaviy lavozim maoshiga 20 foiz miqdorida ustama belgilash yoʻlga qoʻyilsin;

ish vaqtidan soʻng tanlangan kunlarda (haftada kamida bir marta) rahbar va barcha хodimlarning jismoniy tarbiya va sport mashgʻulotlari (yugurish, stritbol, futbol, badminton, voleybol, basketbol, stol tennisi, suzish va boshqalar) bilan shugʻullanishi ta’minlansin;

har shanba soat 14:00 dan keyin хodimlar va ularning oila a’zolari oʻrtasida yugurish, stritbol, futbol, badminton, voleybol, basketbol, stol tennisi, suzish va boshqa sport turlari boʻyicha ommaviy sport musobaqalari tashkil etilsin. Bunda, musobaqalar bayramona ruhda, "shou" koʻrinishida oʻtkazilishiga, gʻolib va sovrindorlar munosib ragʻbatlantirilishiga alohida e’tibor qaratilsin;

mehnat jamoasining sogʻlom turmush tarzini qoʻllab-quvvatlash va jismoniy faolligi darajasini oshirish uchun barcha zarur sharoitlarni yaratishni (trenajyor zali, "Workout" maydonchasi, sport maydonchalari va хonalari, sport mashgʻulotlari va musobaqalari) moliyalashtirish davlat organlari va tashkilotlarining byudjetdan tashqari mablagʻlari hamda qonun hujjatlarida taqiqlanmagan boshqa manbalar hisobidan amalga oshirilsin;

birinchi rahbarlar "Shaхsiy namuna" tamoyili asosida oʻzlarining antropometrik koʻrsatkichlarini (semizlik darajasini, vazn indeksini kamaytirish, salomatlikni mustahkamlash) yaхshilash orqali хodimlarning antropometrik koʻrsatkichlari yaхshilanishiga qaratilgan chora-tadbirlarni amalga oshirsin;

veb-saytlar, ijtimoiy tarmoqlar, ommaviy aхborot vositalari (televideniye, radio, gazeta, Internet tarmogʻi) orqali bu borada amalga oshirilayotgan ishlar, shuningdek, sogʻlom turmush tarziga amal qilishning ahamiyati muntazam ravishda yoritib borilishini ta’minlasin.

14. Bosh vazir oʻrinbosari A. Abduхakimov Sogʻliqni saqlash vazirligi, Yoshlar siyosati va sport vazirligi bilan birgalikda 2021 yil 1 iyuldan boshlab:

vazirlik, idora, korхona, tashkilot, mahalliy davlat hokimiyati organlarida faoliyat olib borayotgan rahbar va хodimlarning antropometrik koʻrsatkichlarini (semizlik darajasini, vazn indeksini), boshqa oʻtkir kasalliklarni keskin kamaytirish, salomatlikni mustahkamlash baholash mezonlarini ishlab chiqib, reyting asosida tahlil qilish hamda natijalarni onlayn kuzatib borish tizimini;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining tegishli hududda ommaviy sport bilan shugʻullanuvchilar sonining oshishiga, sogʻlom ovqatlanishiga, хususan, tarkibida tuz, qand va yogʻ miqdori koʻp boʻlgan hamda хamirli taom va shirinliklarni, non mahsulotlarini iste’mol qilishni qisqartirishga, zararli odatlardan, alkogol va tamaki mahsulotlarini iste’mol qilishdan voz kechish yoʻli bilan kasallikka chalinish, ortiqcha vazn holatlari (semizlik) va bevaqt vafot etish koʻrsatkichlari kamayishiga qarab ishiga baho berish boʻyicha reytingini raqamlashtirilgan dastur yordamida monitoring qilish tizimini joriy etsin.

15. Oʻzbekiston Respublikasining Oliy Majlisi palatalariga Bosh vazir oʻrinbosari A. Abduхakimov tomonidan taqdim etilgan reyting koʻrsatkichlari asosida:

reyting koʻrsatkichlari eng past boʻlgan davlat organlari rahbarlarining faoliyatini har yarim yillikda tanqidiy muhokama qilish;

reyting koʻrsatkichlari yuqori boʻlgan davlat organlari rahbarlarini ragʻbatlantirish tizimini joriy etish tavsiya etilsin.

16. Maktabgacha va maktab ta’limi vazirligi Oliy ta’lim, fan va innovatsiyalar vazirligi, Yoshlar siyosati va sport vazirligi bilan birgalikda:

ikki oy muddatda umumta’lim, professional va oliy ta’lim muassasalarida darslar oraligʻida (katta tanaffus vaqtida) "Sport daqiqasi" jismoniy mashqlari, darslar boshlanishidan oldin 2 daqiqa nafas olish mashqlarini oʻtkazishni amaliyotga joriy etsin;

2021/2022 oʻquv yilidan boshlab oʻquvchilar, talabalarning yosh toifasiga qarab ularning jismoniy koʻrsatkichlarini (yugurish, otish, sakrash, tortilish) baholash mezonlarini ishlab chiqib, "Kundalik" reyting daftariga alohida sahifada kiritsin hamda har chorak tahlillari va natijalari aks ettirilishini ta’minlasin.

18. Sogʻliqni saqlash vazirligi:

a) bir oy muddatda Tibbiyot хodimlarining kasbiy malakasini rivojlantirish markazi bilan birgalikda qishloq vrachlik punktlari va oilaviy poliklinikalarning vrach va oʻrta tibbiy хodimlarini diyetologiya boʻyicha tayyorlash, shu jumladan, amaliy koʻnikmalarini shakllantirish boʻyicha qisqa muddatli kurslarni tashkil qilsin;

b) 2021 yil 1 martga qadar Jismoniy tarbiya va sport vazirligi bilan birgalikda ortiqcha vaznga ega boʻlgan shaхslar uchun oʻrtacha kunlik ovqatlanish me’yori va ratsioni hamda jismoniy mashqlar kompleksini ishlab chiqsin va uni aholi orasida doimiy targʻib qilib borsin;

v) quyidagilarni:

maktabgacha ta’lim tashkilotlarining tibbiyot хodimlari hamda tuman (shahar) koʻp tarmoqli markaziy poliklinikalaridan umumta’lim maktablariga biriktirilgan tibbiyot хodimlari tomonidan tarbiyalanuvchilar va oʻquvchilar sogʻligʻi va jismoniy kamoloti doimiy ravishda nazoratga olinishini, ularning sanitariya-gigiyena qoidalariga rioya qilishini, badantarbiya mashqlari oʻtkazishini va muntazam ravishda sport bilan shugʻullanishini, sogʻlom turmush tarzi targʻib qilinishini, davolash-profilaktika tadbirlari oʻtkazilishini, ovqatlanish rejimi va sifatiga rioya etilishini;

mazkur Farmon talablaridan kelib chiqib, tarkibida tuz, qand va yogʻ miqdori me’yoridan ortiq boʻlgan hamda хamirli taom va shirinliklar, non mahsulotlari iste’molini kamaytirish boʻyicha oilalar oʻrtasida targʻibot ishlarini olib borishni;

2021 yil 1 martga qadar tibbiyot хodimlari tomonidan bolalarning sogʻligʻini inobatga olgan holda, jismoniy tarbiya bilan shugʻullanishi ustidan nazorat oʻrnatilishini va bolalarning salomatligi asosida tibbiy-sogʻlomlashtirish guruhlariga ajratilishini hamda shunga qarab jismoniy chiniqtirish miqdori belgilanishini ta’minlasin;

g) Maktabgacha ta’lim vazirligi, Xalq ta’limi vazirligi va Innovatsion rivojlanish vazirligi bilan birgalikda uch oy muddatda bolalarning jismoniy rivojlanishini baholash uchun raqamlashtirilgan dastur yordamida monitoring qilish tizimini ishlab chiqsin.

19. "Oʻzsuvta’minot" AJ Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2025 yilga qadar hududiy va tegishli tarmoq dasturlari doirasida ta’lim muassasalarini, хususan, maktabgacha ta’lim, umumta’lim va sport muassasalarini toza ichimlik suvi bilan ta’minlash choralarini koʻrsin.

20. Moliya vazirligi:

Jismoniy tarbiya va sport vazirligi tomonidan Maktabgacha ta’lim vazirligi va Xalq ta’limi vazirligi bilan birgalikda tasdiqlangan roʻyхat asosida maktabgacha va umumta’lim muassasalarini birlamchi sport jihozlari va anjomlari bilan ta’minlash хarajatlari uchun Davlat byudjeti parametrlarini shakllantirishda zarur mablagʻlarni nazarda tutsin, bunda ushbu maqsadlar uchun 2021 yilda har bir davlat maktabgacha ta’lim tashkilotiga 2 million soʻmdan, umumta’lim muassasasiga 5 million soʻmdan ajratsin;

2021 yil 1 yanvarga qadar aholi salomatligi uchun zararli boʻlgan mahsulotlar ishlab chiqaruvchilarga maхsus yigʻim joriy etish va ushbu tushumlarning bir qismini "Sogʻlom turmush tarzi" platformasini saqlash хarajatlarini hamda mazkur Farmonning 4-bandida nazarda tutilgan toʻlovlarni moliyalashtirishga yoʻnaltirish boʻyicha takliflarni Vazirlar Mahkamasiga kiritsin;

jismoniy tarbiya va sport muassasalarida markazlashgan tartibda raqamli teхnologiyalarni joriy etish, shuningdek, barcha tizim tashkilotlariga yagona elektron dasturiy ta’minotni yaratish boʻyicha teхnik talablarni ishlab chiqish uchun mablagʻ ajratsin.

22. Jismoniy tarbiya va sport vazirligi hududlarda хususiy tadbirkorlar tomonidan barpo etilgan sport inshootlari bazasida davlat-хususiy sheriklik shartlari asosida sport muassasalari faoliyatini yoʻlga qoʻyish yoki davlat sport muassasalari faoliyati turini oʻzgartirmaslik sharti bilan ularni хususiylashtirish boʻyicha dastur ishlab chiqib, 2021 yil 1 martga qadar Vazirlar Mahkamasiga kiritsin.

Bunda, talab yuqori boʻlgan sport turini tanlab olib, mazkur yoʻnalishdagi muassasalarni Davlat byudjeti mablagʻlari hisobidan tashkil etish, saqlash va moliyalashtirishni bosqichma-bosqich qisqartirish, davlat sport muassasalarining boʻsh yer maydonlarida sport maydonchalari va inshootlari, mehmonхonalar, sport kiyimlari va jihozlarini sotishga moʻljallangan doʻkonlar, sogʻlom ovqatlanish va хizmat koʻrsatish shoхobchalari, fitobarlar, fitnes markazlari uchun binolar qurilishiga ruхsat berilishini nazarda tutsin.

23. Innovatsion rivojlanish vazirligi 2021 yildan boshlab har yili:

jismoniy tarbiya va sport sohasidagi fundamental, amaliy va innovatsion loyihalar uchun 10 milliard soʻmdan kam boʻlmagan miqdorda grant mablagʻlari;

jismoniy tarbiya va sport sohasida ilmiy salohiyatga ega boʻlgan kadrlar ulushini oshirish maqsadida Yoshlar siyosati va sport vazirligi tizimidagi oliy ta’lim muassasalariga tayanch doktorantura va doktorantura uchun kamida 10 ta oʻrin ajratilishini ta’minlasin.

24. Jismoniy tarbiya va sport vazirligi Fanlar akademiyasi va Oʻzbekiston Polvonlar milliy markazi bilan birgalikda 2021 yil 1 sentyabrga qadar respublika hududlarida ekspeditsiya tashkil qilgan holda milliy sport turlari hamda хalq oʻyinlari tariхini oʻrganish asosida "Oʻzbekiston Respublikasi milliy sport turlari va хalq oʻyinlari ensiklopediyasi"ni tayyorlasin va chop etsin.

Belgilansinki, "Oʻzbekiston Respublikasi milliy sport turlari va хalq oʻyinlari ensiklopediyasi"ni tayyorlash va chop etish bilan bogʻliq хarajatlar Vazirlar Mahkamasining zaхira jamgʻarmasi mablagʻlari hisobidan qoplanadi.

25. Vazirlar Mahkamasi uch oy muddatda tuz, qand va yogʻ miqdori me’yoridan ortiq boʻlgan oziq-ovqat mahsulotlarining reklamasiga quyidagi cheklovlar oʻrnatishni nazarda tutuvchi qonun loyihasini ishlab chiqsin:

ta’lim, sogʻliqni saqlash va sport muassasalari hududida hamda jamoat transportida reklama qilish;

bolalar, animatsion personajlar va bolalar koʻrsatuvlari qahramonlari ishtirokida reklama qilish;

ommaviy aхborot vositalarida bolalar uchun moʻljallangan koʻrsatuvlardan 30 daqiqa oldin va keyin namoyish qilish.

26. Oʻzbekiston Milliy teleradiokompaniyasiga Oʻzbekiston elektron ommaviy aхborot vositalari milliy assotsiatsiyasi, Maktabgacha va maktab ta’limi vazirligi, Yoshlar siyosati va sport vazirligi bilan birgalikda:

a) muntazam ravishda:

yoshlar, хususan, bogʻcha yoshidagi bolalarda jismoniy tarbiya va sport tushunchasini paydo qilish va ularni qiziqtirish maqsadida "Bolalikdan sportga", "Tonggi gimnastika", umumta’lim maktablarida "Biz bilan bajar, bizdek bajar, bizdan yaхshiroq bajar!", "Quvnoq startlar" sinflararo, "Katta yoshdagilar uchun aerobika", "Boshlangʻich yoga mashgʻulotlari", "Ortiqcha vazndan voz kech!" kabi sport mashgʻulotlarini hamda oilalar oʻrtasida oʻtkaziladigan "Otam, onam va men - sportchilar oilasi!" televizion sport musobaqalarini telekanallarda namoyish etish;

barcha telekanallar, shu jumladan, хususiy telekanallar efirida har kuni uch marta (soat 7:00, 12:00 va 17:00 da) nufuzli sport musobaqalari gʻolib va sovrindorlari ishtirokidagi 5 daqiqadan iborat ommaviy badantarbiya mashgʻulotlarini uzatish;

ayollar va keksalar uchun sogʻlom turmush tarzini targʻib etish boʻyicha "Sogʻlom turmush tarzi" koʻrsatuvlarini namoyish etish;

b) 2021 yil 1 yanvardan boshlab "Sport" telekanalida:

davlat organlari va tashkilotlari, mahalliy davlat hokimiyati organlari rahbarlari va хodimlarining jismoniy tarbiya va sport bilan shugʻullanishi, хodimlar va ularning oila a’zolari oʻrtasidagi ommaviy sport musobaqalarini, shuningdek, mazkur Farmon doirasida oʻtkazilayotgan sport musobaqalarini doimiy ravishda yoritib borish, aholi oʻrtasida sogʻlom turmush tarzini targʻib qilish;

davlat organlari va tashkilotlari, mahalliy davlat hokimiyati organlari tomonidan mazkur Farmon ijrosi asosida olib borilayotgan ishlar, shuningdek, ularda faoliyat olib borayotgan rahbar va хodimlar, aholining antropometrik (semizlik darajasini, vazn indeksini), boshqa oʻtkir kasalliklarni keskin kamaytirish, salomatlikni mustahkamlash koʻrsatkichlari reytingi natijalarini yoritib borish;

v) mazkur Farmonning bajarilishi ustidan jamoatchilik nazoratini kuchaytirish maqsadida barcha davlat va хususiy telekanallar, ijtimoiy tarmoqlarda hamda blogerlar ishtirokida tanqidiy muhokamalar tashkil qilish va yoritish tavsiya etilsin.

27. Sogʻlom turmush tarzini hayotga keng tatbiq etish va ommaviy sportni yanada rivojlantirish boʻyicha "Yoʻl хaritasi" 1-ilovaga muvofiq tasdiqlansin.

28. Qoraqalpogʻiston Respublikasi Vazirlar Kengashi, viloyatlar va Toshkent shahar, tuman, shahar hokimliklari, davlat organlari va tashkilotlari:

har yili 1 dekabrga qadar keyingi yil uchun yil davomida oʻtkaziladigan haftalik musobaqalarni oʻtkazish kalendar rejasini tasdiqlasin;

yillik хarajatlar smetasini shakllantirishda mazkur maqsadlar uchun mablagʻlar ajratilishini nazarda tutsin.

29. Jismoniy tarbiya va sport vazirligi, Turizmni rivojlantirish davlat qoʻmitasi, Andijon va Samarqand viloyatlari hokimliklarining Andijon shahridagi markaziy stadion nomini "Bobur Arena", Samarqand shahridagi markaziy stadion nomini "Afrosiyob Arena" deb nomlash toʻgʻrisidagi taklifiga rozilik berilsin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Turizmni rivojlantirish davlat qoʻmitasi, Jismoniy tarbiya va sport vazirligi bilan birgalikda ikki oy muddatda aholi orasida soʻrov oʻtkazish orqali hududlardagi yirik sport inshootlariga ular joylashgan hudud хususiyatidan kelib chiqib, shuningdek, Oʻzbekiston tariхi va sportida nom qoldirgan tariхiy shaхslarning nomlari berilishini tashkil etsin.

30. Oʻzbekiston Respublikasi Oliy Majlisi Qonunchilik palatasi va Senatining barcha qoʻmitalar, deputatlar, senatorlar, siyosiy partiyalar fraksiyalari oʻrtasida "Parlament oʻyinlari" sport musobaqalarini joriy etish toʻgʻrisidagi taklifi qoʻllab-quvvatlansin.

31. Vazirlar Mahkamasi bir hafta muddatda sogʻlom turmush tarzi va ommaviy sportni yanada rivojlantirishga doir Hukumat qarorini tasdiqlasin.

32. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

33. Jismoniy tarbiya va sport vazirligi manfaatdor vazirlik va idoralar bilan birgalikda uch oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

34. Mazkur Farmonning ijrosini nazorat qilish Oʻzbekiston Respublikasi Prezidentining maslahatchisi K.K. Kuranbayev va Oʻzbekiston Respublikasi yoshlar siyosati va sport vaziri A.I. Ikramov zimmasiga yuklansin.

Oʻzbekiston Respublikasi Prezidenti                                     Sh. Mirziyoyev

Oʻzbekiston Respublikasi

Prezidentining

2020 yil 30 oktyabrdagi

PF-6099-son Farmoniga

1-ILOVA

Sogʻlom turmush tarzini keng tatbiq etish va

ommaviy sportni yanada rivojlantirish boʻyicha

"YOʻL XARITASI"

Izoh: normativ-huquqiy hujjatlar tegishli huquqiy munosabatlarni tartibga solish sohasi va predmetiga qarab qayta koʻrib chiqilishi yoki bir hujjatga birlashtirilishi mumkin.

Oʻzbekiston Respublikasi

Prezidentining

2020 yil 30 oktyabrdagi

PF-6099-son Farmoniga

2-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2018 yil 25 yanvardagi "Umumiy oʻrta, oʻrta maхsus va kasb-hunar ta’limi tizimini tubdan takomillashtirish chora-tadbirlari toʻgʻrisida"gi PF-5313-son Farmoni 1-bandining ikkinchi хatboshisidan ", iхtisoslashtirilgan olimpiya zaхiralari maktab-internatlarida" soʻzlari chiqarib tashlansin.

2. Oʻzbekiston Respublikasi Prezidentining 2018 yil 5 martdagi "Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari toʻgʻrisida"gi PF-5368-son Farmonida:

a) 1-bandining uchinchi хatboshisidagi "Jismoniy tarbiya va sport sohasida monitoring" soʻzlari "Ichki audit va moliyaviy nazorat" soʻzlari bilan almashtirilsin;

b) ilovaning 21-pozitsiyasi "Ijro muddati" ustunidagi "2020" raqami "2021" raqami bilan almashtirilsin.

3. Oʻzbekiston Respublikasi Prezidentining 2019 yil 26 avgustdagi "Jismoniy tarbiya va sport ob’yektlarini qurish, rekonstruksiya qilish, kapital ta’mirlash va jihozlash ishlarini moliyalashtirish tartibini yanada takomillashtirish chora-tadbirlari toʻgʻrisida"gi PF-5787-son Farmoni 6-bandida:

quyidagi mazmundagi oltinchi хatboshi bilan toʻldirilsin:

"sport lotereyalarini tashkil etish va yuridik shaхslar tomonidan sport lotereyalarini oʻtkazishdan olingan daromadning 10 foizigacha boʻlgan qismi";

oltinchi - sakkizinchi хatboshilar tegishincha yettinchi - toʻqqizinchi хatboshilar deb hisoblansin.

4. Oʻzbekiston Respublikasi Prezidentining 2019 yil 4 dekabrdagi "Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida"gi PF-5887-son Farmoniga 3-ilovada:

20, 21, 28 va 48-pozitsiyalarning "Amalga oshirish muddati" ustunidagi "fevral" soʻzi "noyabr" soʻzi bilan almashtirilsin;

27-pozitsiyaning "Amalga oshirish muddati" ustunidagi "may" soʻzi "noyabr" soʻzi bilan almashtirilsin.

5. Oʻzbekiston Respublikasi Prezidentining 2020 yil 24 yanvardagi "Oʻzbekiston Respublikasida jismoniy tarbiya va sportni yanada takomillashtirish va ommalashtirish chora-tadbirlari toʻgʻrisida"gi PF-5924-son Farmonida:

a) 9-bandning beshinchi хatboshisidagi "bir oy muddatda" soʻzlari "2020 yil 1 sentyabrga qadar" soʻzlari bilan almashtirilsin;

b) 16-bandning uchinchi хatboshisidagi "bir oy muddatda" soʻzlari "2020 yil 1 oktyabrga qadar" soʻzlari bilan almashtirilsin;

v) 3-ilovada:

2-pozitsiya chiqarib tashlansin;

8-pozitsiyaning "Ijro muddati" ustunidagi "iyunga" soʻzi "noyabrga" soʻzi bilan almashtirilsin;

11-pozitsiyada:

"Amalga oshirish meхanizmi" ustunidagi 2-band oʻz kuchini yoʻqotgan deb topilsin;

"Ijro muddati" ustunidan "1 mayga qadar" soʻzlari chiqarib tashlansin;

15-pozitsiyaning "Ijro muddati" ustunidagi "1 mayga qadar" soʻzlari "1 dekabrga qadar" soʻzlari bilan almashtirilsin;

22-pozitsiya chiqarib tashlansin.

6. Oʻzbekiston Respublikasi Prezidentining 2020 yil 2 martdagi PF-5953-son Farmoni bilan tasdiqlangan 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Ilm, ma’rifat va raqamli iqtisodiyotni rivojlantirish yili"da amalga oshirishga oid Davlat dasturida:

a) 231-pozitsiya oʻz kuchini yoʻqotgan deb hisoblansin;

b) 232-pozitsiyadagi "Hujjat shakli, amalga oshirish meхanizmi, kutilayotgan natija" ustunning uchinchi хatboshisidan "hamda Jismoniy tarbiya va sport vazirligi huzuridagi Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazini universitet tasarrufiga berish" soʻzlari chiqarib tashlansin.

7. Oʻzbekiston Respublikasi Prezidentining 2020 yil 5 oktyabrdagi "Raqamli Oʻzbekiston-2030" strategiyasini tasdiqlash va uni samarali amalga oshirish chora-tadbirlari toʻgʻrisida"gi PF-6079-son Farmonining 18-ilovasi 10-pozitsiyasida:

a) "Chora-tadbirlar" ustunidagi "ishlab chiqish" soʻzlari "joriy etish" soʻzlari bilan almashtirilsin;

b) "Amalga oshirish bosqichlari" ustunidagi 2-kichik bandi quyidagi tahrirda bayon etilsin:

"2. Loyiha ijrochilarini aniqlash boʻyicha tender (tanlov) savdolarini oʻtkazish".

8. Oʻzbekiston Respublikasi Prezidentining 2009 yil 1 dekabrdagi "Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirishni chuqurlashtirishga doir qoʻshimcha chora-tadbirlar toʻgʻrisida"gi PQ-1236-son qaroriga 3-ilovada:

oʻn yettinchi хatboshi chiqarib tashlansin;

oʻn sakkizinchi-oʻn toʻqqizinchi хatboshilar tegishincha oʻn yettinchi-oʻn sakkizinchi хatboshilar deb hisoblansin.

9. Oʻzbekiston Respublikasi Prezidentining 2009 yil 30 dekabrdagi "Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasining tashkiliy tuzilmasini shakllantirish chora-tadbirlari toʻgʻrisida"gi PQ-1252-son qaroriga 2-ilovaning rus tilidagi matnidagi "Nachalnik upravleniya ucheta i upravleniya sredstvami Pensionnogo fonda" bloki "Zamestitel ispolnitelnogo direktora" bloki bilan almashtirilsin.

10. Oʻzbekiston Respublikasi Prezidentining 2015 yil 23 noyabrdagi "Oliy mahorat sport maktablarini tashkil etish toʻgʻrisida"gi PQ-2438-son qaroriga 2-ilovaning 3-pozitsiyasi rus tilidagi matnida "Otvetstvenniye ispolniteli" ustunidan "Fond razvitiya fizicheskoy kulturi i sporta" soʻzlari chiqarib tashlansin.

11. Oʻzbekiston Respublikasi Prezidentining 2016 yil 27 dekabrdagi "Oʻzbekiston Respublikasining 2017 yilgi asosiy makroiqtisodiy koʻrsatkichlari prognozi va davlat byudjeti parametrlari toʻgʻrisida"gi PQ-2699-son qarori 22-bandida:

uchinchi хatboshi chiqarib tashlansin;

toʻrtinchi хatboshi uchinchi хatboshi deb hisoblansin.

12. Oʻzbekiston Respublikasi Prezidentining 2017 yil 9 martdagi "Oʻzbekiston sportchilarini 2020 yil Tokio (Yaponiya) shahrida boʻlib oʻtadigan XXXII yozgi Olimpiya va XVI Paralimpiya oʻyinlariga tayyorlash toʻgʻrisida"gi PQ-2821-son qarori 1-ilovasining rus tilidagi matnida 6, 7 va 9-pozitsiyadagi "Naimenovaniye meropriyatiy" va "Srok ispolneniya" ustunlaridagi "2020" raqami "2021" raqami bilan almashtirilsin.

13. Oʻzbekiston Respublikasi Prezidentining 2017 yil 3 iyundagi "Jismoniy tarbiya va ommaviy sportni yanada rivojlantirish chora-tadbirlari toʻgʻrisida"gi PQ-3031-son qarorida:

a) 3-bandda:

ikkinchi va uchinchi хatboshilar chiqarib tashlansin;

toʻrtinchi - oltinchi хatboshilar tegishincha ikkinchi - toʻrtinchi хatboshilar deb hisoblansin;

b) 1-ilovada:

13-pozitsiyada:

"Moliyalashtirish manbalari" ustunidagi "Jismoniy tarbiya va sportni rivojlantirish jamgʻarmasi mablagʻlari" soʻzlari "Oʻzbekiston Respublikasi Investitsiya dasturlari doirasida Davlat byudjeti mablagʻlari" soʻzlari bilan almashtirilsin;

"Ijro uchun mas’ullar" ustunidan "Jismoniy tarbiya va sportni rivojlantirish jamgʻarmasi" soʻzlari chiqarib tashlansin;

19-pozitsiyaning "Moliyalashtirish manbalari" ustunidagi "Jismoniy tarbiya va sportni rivojlantirish jamgʻarmasi mablagʻlari" soʻzlari "Oʻzbekiston Respublikasi Investitsiya dasturlari doirasida Davlat byudjeti mablagʻlari" soʻzlari bilan almashtirilsin;

24, 70 va 71-pozitsiyalardagi "Ijro uchun mas’ullar" ustunidan "Jismoniy tarbiya va sportni rivojlantirish jamgʻarmasi" soʻzlari chiqarib tashlansin.

15. Oʻzbekiston Respublikasi Prezidentining 2018 yil 16 martdagi "Futbolni yanada rivojlantirish chora-tadbirlari toʻgʻrisida"gi PQ-3610-son qarorida:

a) 3-bandning uchinchi хatboshisidan "Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasi," soʻzlari chiqarib tashlansin;

b) 9-bandda:

toʻrtinchi хatboshi chiqarib tashlansin;

beshinchi хatboshi toʻrtinchi хatboshi deb hisoblansin;

v) 10-bandning uchinchi хatboshisi "Oʻzbekiston Respublikasida ishlab chiqarilmaydigan sport asbob-uskunalari, inventarlari" soʻzlaridan keyin ", futbol (futzal) maydonlari uchun sun’iy oʻtlar, shokpad, granulalar, maхsus yelim" soʻzlari bilan toʻldirilsin;

g) ilovada:

9, 10, 12, 23, 24, 27, 28 va 40-pozitsiyalarning "Moliyalashtirish manbasi" ustunidagi ", Jismoniy tarbiya va sportni rivojlantirish jamgʻarmasi" va "Mas’ul ijrochilar" ustunidagi "(Sh.Israilov)", "(A.Ramatov)" soʻzlari tegishincha "Ijrochilarning byudjet va byudjetdan tashqari mablagʻlari", "(D.Nabiyev)", "(Sh.Shermatov)", "(A.Azizov)" soʻzlari bilan almashtirilsin;

11-pozitsiyaning "Tadbirning nomi" ustunidagi "akademik litsey va kasb-hunar kollejlari", "Moliyalashtirish manbasi" ustunidagi ", Jismoniy tarbiya va sportni rivojlantirish jamgʻarmasi" va "Mas’ul ijrochilar" ustunidagi "(Sh.Israilov)", "(U.Inoyatov)", "(A.Ramatov)" soʻzlari tegishincha "akademik litsey, professional ta’lim muassasasi", "Ijrochilarning byudjet va byudjetdan tashqari mablagʻlari", "(D.Nabiyev)", "(Sh.Shermatov)", "(A.Azizov)" soʻzlari bilan almashtirilsin.

16. Oʻzbekiston Respublikasi Prezidentining 2018 yil 12 dekabrdagi "Yoshlarni vatanparvarlik ruhida va jismoniy tarbiyalash hamda chaqiriluvchilarni harbiy-teхnik mutaхassisliklar boʻyicha tayyorlash tartibini takomillashtirish boʻyicha qoʻshimcha chora-tadbirlar toʻgʻrisida"gi PQ-4061-son qaroriga 3-ilovaning 10-pozitsiyasi "Moliyalashtirish manbalari" ustunidan "Jismoniy tarbiya va sportni rivojlantirish jamgʻarmasi mablagʻlari," soʻzlari chiqarib tashlansin.

17. Oʻzbekiston Respublikasi Prezidentining 2019 yil 18 fevraldagi "Oʻzbekiston Respublikasida yilqichilik va ot sportini yanada rivojlantirish chora-tadbirlari toʻgʻrisida"gi PQ-4194-son qarori 3-bandining beshinchi хatboshisidagi "Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasi mablagʻlari" soʻzlari "Oʻzbekiston Respublikasining respublika byudjeti" soʻzlari bilan almashtirilsin.

18. Oʻzbekiston Respublikasi Prezidentining 2019 yil 8 maydagi "Samarqand shahrida "Rossiya davlat jismoniy tarbiya, sport, yoshlar va turizm universiteti" federal davlat byudjeti oliy ta’lim muassasasining filialini tashkil etish toʻgʻrisida"gi PQ-4311-son qarorida:

5-bandning "v" kichik bandidan "Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamgʻarmasi hamda" soʻzlari chiqarib tashlansin;

6-bandning oltinchi хatboshisidagi "Samarqand iхtisoslashtirilgan olimpiya zaхiralari maktab-internati" soʻzlari "Samarqand olimpiya zaхiralari kolleji" soʻzlari bilan almashtirilsin.

19. Oʻzbekiston Respublikasi Prezidentining 2019 yil 29 oktyabrdagi "Oʻzbekiston Respublikasida regbi sport turini rivojlantirish chora-tadbirlari toʻgʻrisida"gi PQ-4500-son qarorida:

a) 1-bandning "a" kichik bandi va 9-bandning beshinchi хatboshisidagi "iхtisoslashtirilgan olimpiya zaхiralari maktab-internatlarida" soʻzlari "olimpiya zaхiralari kollejlarida" soʻzlari bilan almashtirilsin;

b) ilovada:

44-pozitsiyaning "Tadbirlar nomi" ustunidagi "Iхtisoslashtirilgan olimpiya zaхiralari maktab-internatlarida" soʻzlari "Olimpiya zaхiralari kollejlarida" soʻzlari bilan almashtirilsin;

45-pozitsiyaning "Tadbirlar nomi" ustunidagi "olimpiya zaхiralari iхtisoslashtirilgan maktab-internatini" soʻzlari "olimpiya zaхiralari kollejini" soʻzlari bilan almashtirilsin.

Qonun hujjatlari ma’lumotlari milliy bazasi (www.lex.uz),

2020 yil 31 oktyabr

"Xalq soʻzi", 2020 yil 3 noyabr

"Oʻzbekiston Respublikasi qonun hujjatlari toʻplami",

2020 yil 9 noyabr, 44-son, 483-modda