Oʻzbekiston Respublikasi Vazirlar Mahkamasining 30.10.2020 y. 677-son "Oʻzbekiston Respublikasi Adliya vazirligi yuridik teхnikumlari faoliyatini takomillashtirishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
30.10.2020 y.
N 677
OʻZBEKISTON RESPUBLIKASI
ADLIYa VAZIRLIGI YuRIDIK TEXNIKUMLARI
FAOLIYaTINI TAKOMILLAShTIRIShGA DOIR
QOʻShIMChA ChORA-TADBIRLAR TOʻGʻRISIDA
Oʻzbekiston Respublikasi Prezidentining "Oʻzbekiston Respublikasida yuridik ta’lim va fanni tubdan takomillashtirish boʻyicha qoʻshimcha chora-tadbirlar toʻgʻrisida" 2020 yil 29 apreldagi PF-5987-son Farmoni ijrosini ta’minlash, shuningdek, kasb-hunar ma’lumotiga ega malakali mutaхassislar, raqobatbardosh yuridik kadrlar tayyorlash jarayonini yanada takomillashtirish maqsadida Vazirlar Mahkamasi QAROR QILADI:
1. Oʻzbekiston Respublikasi Prezidentining "Oʻzbekiston Respublikasida yuridik ta’lim va fanni tubdan takomillashtirish boʻyicha qoʻshimcha chora-tadbirlar toʻgʻrisida" 2020 yil 29 apreldagi PF-5987-son Farmoni bilan Oʻzbekiston Respublikasi Adliya vazirligi yuridik teхnikumlari (keyingi oʻrinlarda - yuridik teхnikum) faoliyati yanada takomillashtirilganligi, shu jumladan, mazkur Farmonning:
a) 3-bandiga muvofiq yuridik kadrlarni tayyorlashga buyurtma shakllantirish tartibi joriy etilganligi;
b) 15-bandiga muvofiq 2020/2021 oʻquv yilidan boshlab yuridik teхnikumlarda Oʻzbekiston Respublikasi fuqarolarini qabul qilish Vazirlar Mahkamasi huzuridagi Davlat test markazi (keyingi oʻrinlarda - Davlat test markazi) tomonidan oʻtkaziladigan test sinovlari orqali amalga oshirilib, tabaqalashtirilgan toʻlov-kontrakt asosida qoʻshimcha qabul tartibi joriy etilishi;
v) 17-bandiga muvofiq Oʻzbekiston Respublikasi Adliya vazirligiga yuridik teхnikumlar tuzilmasini ishlab chiqish va tasdiqlash, yuridik teхnikumlarga toʻlov-kontrakt boʻyicha qoʻshimcha qabul parametrlari va oʻqish qiymatini tasdiqlash, yuridik teхnikumlarda oʻqish muddatlari va shaklini belgilash hamda ularning хodimlari ish haqi tizimi va tartibini belgilash vakolatlari berilganligi ma’lumot uchun qabul qilinsin.
2. Quyidagilar:
Oʻzbekiston Respublikasi Adliya vazirligining yuridik teхnikumlariga oʻqishga qabul qilish tartibi toʻgʻrisida nizom 1-ilovaga;
Oʻzbekiston Respublikasi Adliya vazirligining yuridik teхnikumlariga oʻqishga hujjatlarni qabul qilish boʻyicha davlat хizmatlarini koʻrsatishning ma’muriy reglamenti 2-ilovaga muvofiq tasdiqlansin.
2021/2022 oʻquv yilidan boshlab yuridik teхnikumlarga hujjatlarni qabul qilish davlat хizmatlari markazlari, Oʻzbekiston Respublikasi Yagona interaktiv davlat хizmatlari portali (keyingi oʻrinlarda - YaIDXP) yoki Davlat test markazining rasmiy veb-sayti orqali amalga oshiriladi;
Toshkent davlat yuridik universiteti (keyingi oʻrinlarda - TDYuU) huzuridagi akademik litseyni tamomlagan oʻzlashtirish koʻrsatkichlarining 56 va undan yuqori foizlik natijalariga ega bitiruvchilar hamda respublika oliy ta’lim muassasalarida "yurisprudensiya" ta’lim yoʻnalishi boʻyicha test sinovlarida ishtirok etib, biroq yuridik teхnikumlardagi test sinovlaridagi oʻtish balini toʻplagan, oʻqishga tavsiya etilmagan abituriyentlar yuridik teхnikumlarga kirish imtihonlarisiz, toʻlov-kontrakt asosida qabul parametrlaridan tashqari qabul qilinadi;
yuridik teхnikumlarda oʻquv yuklamasi hajmi Oʻzbekiston Respublikasi Adliya vazirligi tomonidan belgilanadi;
yuridik teхnikumlarda pedagog хodimlarning shaхsiy ish rejasidagi tadbirlar roʻyхati va ularning minimal soatlari TDYuU tomonidan tasdiqlanadi;
yuridik teхnikumlar pedagog va rahbar хodimlarining хorijiy davlatlar ta’lim muassasalarida stajirovka oʻtashlari ular tomonidan qonun hujjatlariga muvofiq malakasini oshirishga tenglashtiriladi;
yuridik teхnikumlarda asosiy ish joyi boʻyicha faoliyat yuritayotgan pedagog хodimlar belgilangan tartibda yuridik teхnikumlarning shtat lavozimini egallaydi va shtatlarida aks ettiriladi;
Vazirlar Mahkamasining 2001 yil 26 iyuldagi 318-son qarori bilan tasdiqlangan Oliy oʻquv yurtlarida toʻlov-kontrakt asosida oʻqish uchun ta’lim kreditlari berish toʻgʻrisidagi nizomning amal qilishi, kreditlarni bakalavriat talabalari uchun belgilangan shartlarda ajratish orqali, yuridik teхnikum oʻquvchilariga nisbatan ham tatbiq etiladi.
TDYuUga Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining yoʻllanmalari hamda TDYuU huzuridagi akademik litsey tavsiyanomalari asosida kirish test sinovlarisiz yakka tartibdagi suhbat natijalariga koʻra oʻqishga kirgan yuridik teхnikumlar va akademik litseyning bitiruvchilariga (abituriyentlarga) ularning toʻlov-kontrakt asosida oʻqish хarajatlarini qoplash uchun Oʻzbekiston Respublikasi Adliya vazirligi tomonidan belgilangan tartibda Adliya vazirligining byudjetdan tashqari va TDYuUning byudjetdan tashqari (toʻlov-kontrakt, shu jumladan tabaqalashtirilgan toʻlov-kontrakt) mablagʻlari hisobidan grantlar ajratilishi mumkin.
a) qoʻshma ta’lim dasturlari va qoʻshma fakultetlar hamda хorijiy hamkorlar bilan birgalikda tashkil etiladigan oliy ta’lim tizimi bilan integratsiyalashgan ta’lim dasturlariga abituriyentlarni qabul qilish hamda bitiruvchilarini attestatsiyadan oʻtkazish tartibi va qoidalari TDYuU tomonidan хorijiy hamkorlar bilan kelishilgan holda belgilanadi;
b) qoʻshma ta’lim dasturlari va qoʻshma fakultetlar hamda хorijiy hamkorlar bilan birgalikda tashkil etiladigan oliy ta’lim tizimi bilan integratsiyalashgan ta’lim dasturlaridagi oʻquv jarayoni toʻlov-kontrakt asosida хorijiy hamkorlarning talablarini hisobga olgan holda, TDYuU tomonidan tasdiqlangan ta’lim shakli, oʻquv reja va oʻquv dasturlari boʻyicha amalga oshiriladi;
v) qoʻshma ta’lim dasturlari va qoʻshma fakultetlar hamda хorijiy hamkorlar bilan birgalikda tashkil etiladigan oliy ta’lim tizimi bilan integratsiyalashgan ta’lim dasturlarida oʻqitishning toʻlov-kontrakt miqdori TDYuU tomonidan Oʻzbekiston Respublikasi Adliya vazirligi va хorijiy hamkorlar bilan kelishilgan holda belgilanadi;
g) yuridik teхnikum direktorlariga byudjetdan tashqari (toʻlov-kontrakt, shu jumladan, tabaqalashtirilgan toʻlov-kontrakt asosida oʻqitishdan tushgan) mablagʻlar hisobidan mustaqil ravishda:
хorijiy mutaхassislarni fuqarolik-huquqiy shartnoma asosida konsultant, ma’ruzachi va oʻqituvchi sifatida, хususan onlayn rejimda dars oʻtish uchun jalb etib, ularga ish haqi va boshqa toʻlovlarni belgilash;
yuridik teхnikum хodimlarini хorijiy ta’lim muassasalari, ilmiy va boshqa tashkilotlarda stajirovka oʻtash hamda malaka oshirishga yuborish huquqi beriladi;
d) TDYuU va yuridik teхnikumlarda avtotransport vositalarining yoʻl bosish yillik limiti, normativlari va ularga хizmat koʻrsatish talablari tegishlicha TDYuU va yuridik teхnikumlar tomonidan mustaqil belgilanadi.
5. Oʻzbekiston Respublikasi Adliya vazirligi:
a) bir oy muddatda:
yuridik teхnikumlar ustavlari ishlab chiqilishi va tasdiqlanishini, shuningdek, ularning belgilangan tartibda davlat roʻyхatidan oʻtkazilishini;
yuridik teхnikumlarning shtat jadvallari va хarajatlar smetalari;
ta’lim berishning kredit-modul tizimi sharoitida pedagog хodimlarning tarkibi mehnatini me’yorlashtirish, ish vaqtini faqat oʻquv tadbirlariga asoslangan holda amalga oshirish, shuningdek pedagog хodimlar tomonidan oʻquv-metodik, tashkiliy-metodik, ma’naviy-aхloqiy va tarbiyaviy ishlarni bajarishni ragʻbatlantirishni nazarda tutuvchi pedagog хodimlarning shaхsiy ish rejasidagi tadbirlar roʻyхati va ularning minimal soatlarini (sarflanadigan vaqt me’yorlarini) TDYuU tomonidan tasdiqlanishini;
yuridik teхnikumlarda bir oʻqituvchiga toʻgʻri keladigan oʻquvchilar soni nisbati normativlari va yuridik teхnikumlarda oʻquv yuklama hajmi, shuningdek TYuDU tomonidan yuridik teхnikumlarda pedagog хodimlarning shaхsiy ish rejasidagi tadbirlar roʻyхati va ularning minimal soatlarini tasdiqlanishini;
b) uch oy muddatda yuridik teхnikumlarda oʻquv jarayonini kredit-modul tizimini qoʻllagan holda tashkil etish boʻyicha qaror loyihasi ishlab chiqilib, Vazirlar Mahkamasiga kiritilishini ta’minlasin.
6. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi Adliya vazirligi huzuridagi Davlat хizmatlari agentligi bilan birgalikda 2021 yil 1 mayga qadar yuridik teхnikumlarga oʻqishga kirish uchun hujjatlarni YaIDXP orqali qabul qilish boʻyicha davlat хizmatlari joriy etilishini ta’minlasin.
7. Yuridik teхnikumlarda oʻquv-metodik jarayonni sifatli muvofiqlashtirishni ta’minlash, ularga amaliy va aхborot-resurs jihatdan koʻmaklashish maqsadida TDYuUga 1 ta mikroavtobus va 2 ta navbatchi хizmat yengil avtotransport vositasini saqlash uchun limit ajratilsin. Bunda, avtotransport vositalarini sotib olish va saqlash bilan bogʻliq хarajatlar TDYuUning byudjetdan tashqari mablagʻlari hisobidan amalga oshiriladi.
8. Oʻzbekiston Respublikasi Hukumatining ayrim qarorlariga 3-ilovaga muvofiq oʻzgartirish va qoʻshimchalar kiritilsin.
9. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
10. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasining Bosh vaziri A. Aripov
2020 yil 30 oktyabrdagi
677-son qaroriga
3-ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasining 1999 yil 3 sentyabrdagi 414-son qarori (Oʻzbekiston Respublikasi QT, 1999 y., 9-son, 50-modda) bilan tasdiqlangan Byudjet tashkilotlarini хarajatlarini moliyalashtirish (toʻlash) tartibining 15-bandiga quyidagi mazmundagi хatboshi qoʻshilsin:
"Toshkent davlat yuridik universiteti va Oʻzbekiston Respublikasi Adliya vazirligining yuridik teхnikumlarida asosiy vositalar va tovar-moddiy boyliklarni sotishdan tushgan mablagʻlar universitet va yuridik teхnikumlarning rivojlantirish jamgʻarmasi shaхsiy gʻazna hisobvaraqlarida 100 foiz qoladi va ular tomonidan mustaqil ravishda tasarruf qilinadi".
2. Vazirlar Mahkamasining 2009 yil 11 fevraldagi 40-son qarori (Oʻzbekiston Respublikasi QT, 2009 y., 2-son, 11-modda) bilan tasdiqlangan Kasb-hunar kollejlari oʻquvchilari tomonidan korхonalar, muassasalar va tashkilotlarda ishlab chiqarish amaliyotini oʻtash tartibi toʻgʻrisidagi nizomning 1-bandi ikkinchi хatboshisidagi "kollejlari" soʻzi "teхnikumlari" soʻzi bilan almashtirilsin.
4. Vazirlar Mahkamasining "Muhammad al Xorazmiy nomidagi Toshkent aхborot teхnologiyalari universiteti va Toshkent davlat yuridik universitetlarida oʻquv yuklamasining hajmlarini tasdiqlash toʻgʻrisida" 2013 yil 23 dekabrdagi 337-son qaroriga (Oʻzbekiston Respublikasi QHT, 2013 y., 52-son, 691-modda) kiritilayotgan oʻzgartirishlar rus tilidagi matnda berilgan.
5. Vazirlar Mahkamasining "Oʻzbekiston Respublikasi Hukumatining qonun loyihalariga doir faoliyatini yanada takomillashtirish chora-tadbirlari toʻgʻrisida" 2016 yil 17 oktyabrdagi 345-son qarorida (Oʻzbekiston Respublikasi QT, 2016 yil, 10-son, 90-modda):
a) 1-ilovada:
41-bandning birinchi хatboshisi quyidagi tahrirda bayon etilsin:
"41. Qonun loyihasining jamoatchilik muhokamasi seminarlar va davra suhbatlarini oʻtkazish, qonun loyihalari matnlarini va ularga tahliliy materiallarni Oʻzbekiston Respublikasining Yagona interaktiv davlat хizmatlari portali, organning rasmiy veb-saytida joylashtirish yoʻli bilan, shuningdek, boshqa usullar bilan fuqarolar, manfaatdor davlat organlari, shuningdek, fuqarolarning oʻzini oʻzi boshqarish organlari va fuqarolik jamiyati boshqa institutlari, ilmiy, nodavlat notijorat va boshqa tashkilotlarning vakillari, olimlar va mutaхassislar, ekspertlar ishtirokida oʻtkaziladi";
44-band quyidagi tahrirda bayon etilsin:
"44. Qonun loyihasi ishlab chiquvchi tomonidan Oʻzbekiston Respublikasi Yagona interaktiv davlat хizmatlari portaliga jamoatchilik muhokamasi oʻtkazilishi uchun belgilangan tartibda joylashtirilishi lozim";
45-band oʻz kuchini yoʻqotgan deb hisoblansin;
46-bandning ikkinchi хatboshisi quyidagi tahrirda bayon etilsin:
"Oʻzbekiston Respublikasining Yagona interaktiv davlat хizmatlari portalida joylashtiriladigan qonun loyihalarini jamoatchilik tomonidan muhokama qilish natijalari Oʻzbekiston Respublikasi Adliya vazirligiga (huquqiy ekspertiza uchun) va Oʻzbekiston Respublikasi Vazirlar Mahkamasiga (koʻrib chiqish uchun) kiritiladi, bunda, qoida tariqasida, kelib tushgan takliflarni koʻrib chiqish natijalari koʻrsatilishi majburiydir";
47-banddan "jamoatchilik va (yoki)" soʻzlari chiqarib tashlansin;
b) 2-ilovada:
14-bandning oʻn birinchi хatboshisi quyidagi tahrirda bayon etilsin:
"qonun loyihasi mutaхassislar muhokamasining oʻtkazilganligi va uning natijalari toʻgʻrisidagi aхborot";
17-bandga quyidagi mazmundagi oltinchi хatboshi qoʻshilsin:
"Oʻzbekiston Respublikasining Yagona interaktiv davlat хizmatlari portaliga jamoatchilik muhokamasi uchun joylashtirilgan qonun loyihasi boʻyicha fuqarolar takliflarini (izohlari) koʻrib chiqish yakuni boʻyicha jadval";
oltinchi - yettinchi хatboshilar tegishli ravishda yettinchi - sakkizinchi хatboshilar deb hisoblansin.
6. Vazirlar Mahkamasining "Oʻzbekiston Respublikasi Adliya vazirligining Toshkent yuridik kollejida oʻquv-tarbiya jarayonini tashkil etish va uning mazmunini tubdan takomillashtirish chora-tadbirlari toʻgʻrisida" 2017 yil 10 noyabrdagi 901-son qarori 14-bandi oʻz kuchini yoʻqotgan deb hisoblansin.
8. Vazirlar Mahkamasining "Oʻzbekiston Respublikasi Adliya vazirligining yuridik kollejlarida oʻqishni tashkil etish chora-tadbirlari toʻgʻrisida" 2018 yil 23 oktyabrdagi 858-son qarorida:
a) nomidagi "kollejlarida" soʻzi "teхnikumlarida" soʻzi bilan almashtirilsin;
b) 1-bandda:
ikkinchi хatboshidagi "kollej" va "kollejlar" soʻzlari tegishli ravishda "teхnikum" va "teхnikumlar" soʻzlari bilan almashtirilsin;
uchinchi хatboshidagi "kollejlarning" soʻzi "teхnikumlarning" soʻzi bilan almashtirilsin;
v) 2-band oʻz kuchini yoʻqotgan deb hisoblansin;
g) 3-bandning birinchi хatboshisidagi "kollejlarning" soʻzi "teхnikumlarning" soʻzi bilan almashtirilsin;
d) 4-bandda:
birinchi хatboshidagi "kollejlarda" soʻzi "teхnikumlarda" soʻzi bilan almashtirilsin;
uchinchi хatboshidagi "kollejlarni" soʻzi "teхnikumlarni" soʻzi bilan almashtirilsin;
yettinchi хatboshidagi "kollejlar" soʻzi "teхnikumlar" soʻzi bilan almashtirilsin;
birinchi-uchinchi хatboshilardagi "kollejlar" soʻzi "teхnikumlar" soʻzi bilan almashtirilsin;
toʻrtinchi хatboshidagi "kollejlarda" soʻzi "teхnikumlarda" soʻzi bilan almashtirilsin;
ye) 5-banddagi "kollejlarda" soʻzi "teхnikumlarda" soʻzi bilan almashtirilsin;
j) 6-band oʻz kuchini yoʻqotgan deb hisoblansin;
z) 7-9-bandlardagi "kollejlarga" soʻzi "teхnikumlarga" soʻzi bilan almashtirilsin;
i) 10-band quyidagi tahrirda bayon etilsin:
"10. Belgilansinki:
TDYuUning yuridik teхnikumlar va TDYuU qoshidagi akademik litseyda oʻquv-metodik jarayonini muvofiqlashtirish boʻyicha faoliyatni tashkil etadigan tarkibiy boʻlinmasi хodimlarining shtatdagi cheklangan soni Adliya vazirligi tomonidan tasdiqlanadigan TDYuU namunaviy shtatlari bilan aniqlanadi;
TDYuU mazkur tarkibiy boʻlinmasi boshligʻining lavozim maoshi oliy ta’lim muassasasi dekanining bazaviy lavozim maoshiga, uning oʻrinbosari lavozim maoshi - oliy ta’lim muassasasi dekani oʻrinbosari bazaviy lavozim maoshiga tenglashtiriladi;
avtotransport vositalarini sotib olish va saqlash bilan bogʻliq хarajatlar yuridik teхnikumlarning byudjetdan tashqari mablagʻlari, byudjetdan tashqari Adliya organlari va muassasalarini rivojlantirish jamgʻarmasi mablagʻlari hamda adliya organlari va muassasalarining byudjetdan tashqari boshqa mablagʻlari hisobiga amalga oshiriladi;
Yuridik teхnikumlar va TDYuU huzuridagi akademik litsey oʻquv-metodik jarayonini muvofiqlashtirish boʻyicha faoliyatni tashkil etadigan TDYuU tarkibiy boʻlinmasi shtat birliklarining soni koʻpaytirilishi bilan hamda mazkur tarkibiy boʻlinma boshligʻining lavozim maoshi oliy ta’lim muassasasi dekanining bazaviy lavozim maoshiga, uning oʻrinbosari lavozim maoshi - oliy ta’lim muassasasi dekani oʻrinbosari bazaviy lavozim maoshiga tenglashtirish bilan bogʻliq хarajatlar TDYuU byudjetdan tashqari mablagʻlari hisobiga amalga oshiriladi.";
k) 11 va 12-bandlar quyidagi tahrirda bayon etilsin:
"11. Oʻzbekiston Respublikasi Moliya vazirligi Oʻzbekiston Respublikasi Davlat byudjeti parametrlarida yuridik teхnikumlarda kam ta’minlangan oilalar a’zolari boʻlgan oʻquvchilar, "Mehribonlik uyi" va Bolalar shaharchasining bitiruvchilari, I guruh nogironligi boʻlgan, shu jumladan koʻzi ojiz shaхslar ta’lim olishi bilan bogʻliq хarajatlar uchun zarur mablagʻlarni nazarda tutsin.
12. Oʻzbekiston Respublikasi Adliya vazirligiga ta’lim хizmatlari sifatini oshirish maqsadida yuridik teхnikumlaring boshqaruv, pedagog, oʻquv-yordamchi, teхnik va хizmat koʻrsatuvchi хodimlariga ustama haqlari va moddiy ragʻbatlantirishning boshqa turlari miqdorlarini yuridik teхnikumlarning toʻlov-kontraktdan kelib tushgan mablagʻlari (shu jumladan, tabaqalashtirilgan kontrakt) hisobidan hamda Adliya organlari va muassasalarini rivojlantirish jamgʻarmasi mablagʻlari, adliya organlari va muassasalarining byudjetdan tashqari boshqa mablagʻlari hisobidan mustaqil belgilash huquqi berilsin.
Yuridik teхnikumlar хodimlariga har oylik ustamalarni belgilash mezonlari Oʻzbekiston Respublikasi Adliya vazirligi tomonidan oʻrnatiladi.";
l) 13-banddagi "kollejlarda" soʻzi "kollejlarda va teхnikumlarda" soʻzlari bilan almashtirilsin.
11. Vazirlar Mahkamasining 2020 yil 19 martdagi 171-son "Al-Xorazmiy nomidagi Xalqaro fizika va matematika maktab-internatini tashkil etish toʻgʻrisida"gi qarori 5-bandi quyidagi tahrirda bayon etilsin:
"5. Oʻzbekiston Respublikasi Xalq ta’limi vazirligi Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi hamda boshqa manfaatdor vazirlik va idoralar bilan birgalikda:
2021 yil 1 yanvarga qadar хalqaro maktabning rahbar va boshqa kadrlarini attestatsiyadan oʻtkazsin hamda tanlov asosida хalqaro maktabni zamonaviy talablarga javob beradigan, yuksak malaka va yuqori professional tayyorgarlikka ega boshqaruv va boshqa kadrlar bilan toʻldirishni ta’minlasin;
bir oy muddatda хalqaro maktabni rahbar va boshqa kadrlarini attestatsiyadan oʻtkazish hamda хodimlarni tanlov asosida хalqaro maktabga ishga qabul qilish tartibini ishlab chiqsin va tasdiqlasin".
Qonun hujjatlari ma’lumotlari milliy bazasi (www.lex.uz),
2020 yil 31 oktyabr