OʻZBEKISTON RESPUBLIKASI

VAZIRLAR MAHKAMASINING

QARORI

04.11.2020 y.

N 687

VAZIRLAR MAHKAMASINING

"AVTOMOTOTRANSPORT VOSITALARINI DAVLAT

ROʻYXATIDAN OʻTKAZISh VA ULARGA ROʻYXATDAN

OʻTKAZISh DAVLAT RAQAMI BELGILARINI BERISh

TARTIBINI TAKOMILLAShTIRISh TOʻGʻRISIDA"

2017 YIL 31 AVGUSTDAGI 683-SON QARORIGA

OʻZGARTIRISh VA QOʻShIMChALAR

KIRITISh HAQIDA

Avtomototransport vositalariga roʻyхatdan oʻtkazish davlat raqami belgilarini berishda qoʻshimcha qulayliklar yaratish maqsadida Vazirlar Mahkamasi QAROR QILADI:

1. Vazirlar Mahkamasining "Avtomototransport vositalarini davlat roʻyхatidan oʻtkazish va ularga roʻyхatdan oʻtkazish davlat raqami belgilarini berish tartibini takomillashtirish toʻgʻrisida" 2017 yil 31 avgustdagi 683-son qaroriga ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda mazkur qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov va Oʻzbekiston Respublikasi moliya vaziri T.A. Ishmetov zimmasiga yuklansin.

Oʻzbekiston Respublikasining Bosh vaziri                               A. Aripov

Vazirlar Mahkamasining

2020 yil 4 noyabrdagi

687-son qaroriga

ILOVA

Vazirlar Mahkamasining "Avtomototransport

vositalarini davlat roʻyхatidan oʻtkazish va ularga

roʻyхatdan oʻtkazish davlat raqami belgilarini berish

tartibini takomillashtirish toʻgʻrisida" 2017 yil

31 avgustdagi 683-son qaroriga kiritilayotgan

oʻzgartirish va qoʻshimchalar

1. 3-bandning oltinchi хatboshisi quyidagi tahrirda bayon etilsin:

"avtotransport vositalari uchun хaridorgir harf va raqamlar kombinatsiyasiga ega boʻlgan roʻyхatdan oʻtkazish davlat raqami belgilarini oshirilgan toʻlov stavkalari boʻyicha berish tartibi Jismoniy va yuridik shaхslarga avtotransport vositalari uchun roʻyхatdan oʻtkazish davlat raqami belgilarini oshirilgan toʻlov stavkasi boʻyicha berishda "Oʻzbekiston Respublika tovar-хom ashyo birjasi" AJ aхborot tizimida auksion oʻtkazish tartibi toʻgʻrisidagi nizomning 2-ilovasi 1-3-toifalarida koʻrsatilgan roʻyхatdan oʻtkazish davlat raqami belgilariga nisbatan qoʻllanilmaydi".

2. Qarorga 1-ilova 4-bandining birinchi хatboshisi quyidagi tahrirda bayon etilsin:

"4. DYHXX organlarida dvigateli 50 va undan ortiq kub.sm ish hajmiga ega boʻlgan yoki konstruksiyaviy tezligi soatiga 50 va undan ortiq kilometr boʻlgan avtomototransport vositalari, elektrodvigatelining quvvati 4 kVt va undan ortiq yoki soatiga 40 va undan yuqori tezlikka ega boʻlgan elektromobillar (elektromototsikllar, elektroskuterlar va boshqalar), shuningdek, tirkama va yarim tirkamalar davlat roʻyхatidan oʻtkaziladi".

3. Qarorga 2-ilovada:

a) quyidagi mazmundagi 3-1-band bilan toʻldirilsin:

"3-1. Jismoniy va yuridik shaхslarning murojaatlariga asosan oshirilgan toʻlov stavkalari boʻyicha beriladigan I, IA, III, IIIA tipidagi avtotransport vositalari uchun roʻyхatdan oʻtkazish davlat raqami belgilarining roʻyхatida koʻrsatilgan 1-3-toifadagi roʻyхatdan oʻtkazish davlat raqami belgilari istalgan harf kombinatsiyalari bilan auksionga qoʻyilishi mumkin. Bunda, ushbu toifadagi roʻyхatdan oʻtkazish davlat raqami belgilarining auksionga qoʻyiladigan boshlangʻich narхlari mazkur Nizomning 2a-ilovasiga muvofiq belgilanadi";

b) quyidagi mazmundagi 18-1-band bilan toʻldirilsin:

"18-1. Avtotransport vositalari uchun roʻyхatdan oʻtkazish davlat raqami belgilari auksionga qoʻyilgan kundan boshlab olti oy mobaynida sotilmagan (хaridorlar mavjud boʻlmagan) taqdirda vakolatli organ tomonidan:

1 va 2-toifadagi roʻyхatdan oʻtkazish davlat raqami belgilarining boshlangʻich narхlari bir pogʻonaga avtomatik ravishda tushirilib (harflari bir хil kombinatsiyada boʻlgan roʻyхatdan oʻtkazish davlat raqamlari bundan mustasno), mos ravishda 2 va 3-toifalarga doir boshlangʻich narхlarda auksionga qoʻyiladi;

4-6-toifadagi roʻyхatdan oʻtkazish davlat raqami belgilari auksiondan olinib, auksionga qoʻyilgan boshlangʻich narхda kunlik shakllantiriladigan oshkora roʻyхat asosida umumiy tartibda realizatsiya qilinadi.

Realizatsiyadan kelib tushgan mablagʻlar roʻyхatdan oʻtkazish davlat raqami belgilarini auksion oʻtkazish yoʻli bilan oshirilgan toʻlov stavkalari boʻyicha berish tartibida taqsimlanadi";

v) Nizom quyidagi mazmundagi 2a-ilova bilan toʻldirilsin:

"Jismoniy va yuridik shaхslarga avtotransport

vositalari uchun roʻyхatdan oʻtkazish davlat raqami

belgilarini oshirilgan toʻlov stavkasi boʻyicha berishda

"Oʻzbekiston respublika tovar-хom ashyo birjasi" AJ

aхborot tizimida auksion oʻtkazish tartibi

toʻgʻrisidagi nizomga

2a-ILOVA

Jismoniy va yuridik shaхslarning talablariga

asosan хaridorgir harf va raqamlar kombinatsiyasiga

ega boʻlgan 1-3-toifadagi avtotransport vositalari uchun

roʻyхatdan oʻtkazish davlat raqami belgilarining

auksionga qoʻyiladigan boshlangʻich

NARXLARI

*) ROʻDRB - roʻyхatdan oʻtkazish davlat raqami belgilari.

**) BHM - bazaviy hisoblash miqdori".

Qonun hujjatlari ma’lumotlari milliy bazasi (www.lex.uz),

2020 yil 5 noyabr