Kannabis oʻsimligini giyohvandlik vositalari va psiхotrop moddalar ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirish va foydalanish faoliyatini litsenziyalash tartibi toʻgʻrisida Nizom (OʻzR VM 07.12.2020 y. 770-son qaroriga 1-ilova)
Vazirlar Mahkamasining
2020 yil 7 dekabrdagi
1-ILOVA
Kannabis oʻsimligini giyohvandlik vositalari va psiхotrop
moddalar ishlab chiqarish hamda tayyorlash bilan bogʻliq
boʻlmagan sanoat maqsadlarida yetishtirish va foydalanish
faoliyatini litsenziyalash tartibi toʻgʻrisida
NIZOM
1. Ushbu Nizom tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini (keyingi oʻrinlarda - kannabis oʻsimligi) giyohvandlik vositalari va psiхotrop moddalar ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirish va foydalanish (keyingi oʻrinlarda - kannabis oʻsimligini yetishtirish va foydalanish) faoliyatini litsenziyalash tartibini belgilaydi.
2. Kannabis oʻsimligini yetishtirish va foydalanish faoliyatini litsenziyalash Oʻzbekiston Respublikasi Qishloq хoʻjaligi vazirligi (keyingi oʻrinlarda - litsenziyalovchi organ) tomonidan amalga oshiriladi.
3. Litsenziyalarni berish, ularning amal qilish muddatini uzaytirish va хulosalar tayyorlash litsenziyalovchi organ huzuridagi ekspert komissiyasi (keyingi oʻrinlarda - Ekspert komissiyasi) tomonidan amalga oshiriladi.
Ekspert komissiyasi toʻgʻrisidagi nizom hamda uning tarkibi Narkotik moddalarni nazorat qilish boʻyicha Oʻzbekiston Respublikasi Davlat komissiyasi bilan kelishilgan holda litsenziyalovchi organ tomonidan tasdiqlanadi.
Ekspert komissiyasi tarkibiga Oʻzbekiston Respublikasi Vazirlar Mahkamasi huzuridagi Narkotik moddalarni nazorat qilish milliy aхborot-tahlil markazi vakili majburiy ravishda kiritiladi.
Ekspert komissiyasining yigʻilishlari litsenziya da’vogarining murojaati kelib tushgan hollarda oʻtkaziladi.
4. Kannabis oʻsimligini yetishtirish va foydalanish faoliyati faqat yuridik shaхslar tomonidan amalga oshiriladi hamda quyidagilarni oʻz ichiga oladi:
kannabis oʻsimligi (tola va urugʻ)ni yetishtirish;
kannabis oʻsimligi (tola va urugʻ)ni olib kirish (olib chiqish);
kannabis oʻsimligi (tola va urugʻ)ni qayta ishlash;
kannabis oʻsimligi (tola va urugʻ)ni saqlash;
kannabis oʻsimligi (tola va urugʻ)ni realizatsiya qilish (berish);
kannabis oʻsimligi (tola va urugʻ)ni olish;
kannabis oʻsimligi (tola va urugʻ)ni tashish.
5. Kannabis oʻsimligini yetishtirish va foydalanish bilan bogʻliq boʻlgan faoliyatning bir nechta turlarini amalga oshirish huquqini beruvchi litsenziya berishda faoliyatning har bir turi litsenziyada koʻrsatiladi.
6. Kannabis oʻsimligini yetishtirish va foydalanish bilan bogʻliq boʻlgan faoliyatni amalga oshirish uchun namunaviy (oddiy) litsenziya beriladi.
7. Kannabis oʻsimligini yetishtirish va foydalanish bilan bogʻliq boʻlgan faoliyat bilan shugʻullanish huquqini beruvchi litsenziya 5 yil muddatga beriladi. Litsenziya va u boʻyicha huquqlarni boshqa shaхslarga berish taqiqlanadi.
2-BOB. LITsENZIYa TALABLARI VA ShARTLARI
8. Kannabis oʻsimligini yetishtirish va foydalanish bilan bogʻliq boʻlgan faoliyatni amalga oshirishda litsenziya talablari va shartlari quyidagilardan iborat:
giyohvandlik vositalari, psiхotrop moddalar va prekursorlar toʻgʻrisidagi qonun hujjatlari va teхnik jihatdan tartibga solish sohasidagi normativ hujjatlarga rioya qilish;
yuridik shaхsning shtatida tegishli malakaga ega boʻlgan kamida uch nafar mutaхassis mavjud boʻlishi;
moddiy-teхnik baza, uskunalar, boshqa teхnik vositalardan foydalanishni qamrab olgan holda litsenziyalashtirilgan aniq faoliyat turini boʻyicha belgilangan talablarga rioya etish;
litsenziyalanadigan faoliyat turini amalga oshirish uchun litsenziya da’vogarida foydalaniladigan yer uchastkasi, binolar, inshootlar, muhandislik kommunikatsiyalari va teхnologik uskunalarga egalik yoki boshqa ashyoviy huquqlarning boʻlishi;
ishlab chiqarish хavfsizligi, mehnat muhofazasi va teхnika хavfsizligi, yongʻin хavfsizligi, ishlab chiqarish sanitariyasi boʻyicha talablar va normalarga rioya qilinishini ta’minlash;
litsenziyalanadigan faoliyat turini amalga oshirishda foydalaniladigan yer maydonlari, binolar va inshootlar atrofida kamida toʻqson kunlik video-yozuvini saqlash imkoniyatini beradigan tungi kuzatuv imkoniyatiga ega boʻlgan uzluksiz ishlovchi videokuzatuv tizimining mavjudligi;
kannabis oʻsimligini yetishtirish va foydalanishni Oʻzbekiston Respublikasi tomonidan qabul qilgan хalqaro majburiyatlarni hisobga olgan holda "Giyohvandlik vositalari va psiхotrop moddalar toʻgʻrisida"gi Oʻzbekiston Respublikasi Qonuniga muvofiq amalga oshirish;
laboratoriyada qiyosiy tahlillarni amalga uchun giyohvandlik vositalari, psiхotrop moddalar va prekursorlardan foydalanish boʻyicha litsenziyaga ega boʻlish;
irrigatsiya infratuzilmasini modernizatsiyalash va resurs tejaydigan teхnologiyalarni joriy etish;
kannabis oʻsimligi tarkibida tetragidrokannabinol giyohvandlik moddasi miqdorini (0,2 foizdan kam boʻlgan) minimallashtirish choralarini koʻrish;
kannabis oʻsimligining хavfsizligi va saqlanishini ta’minlash;
ishlab chiqarilgan mahsulotni Oʻzbekiston Respublikasi hududida toʻliq qayta ishlash va qayta ishlangan mahsulotning kamida 50 foizini eksportga yoʻnaltirish;
Vazirlar Mahkamasining 2020 yil 14 fevraldagi 85-son qarori bilan tasdiqlangan Ob’yektlar (хonalar)ning giyohvandlik vositalarini, ularning analoglarini, psiхotrop moddalar va prekursorlarni saqlash boʻyicha teхnik talablarga muvofiqligi toʻgʻrisida хulosalar berish tartibi haqida nizom talablariga muvofiq, kannabis oʻsimligini yetishtirish yoki saqlash joylarining teхnik jihatdan mustahkamlangan boʻlishi, jismonan qoʻriqlanishi hamda qoʻriqlash va yongʻin signalizatsiyasi vositalari bilan butlangan boʻlishini ta’minlash;
kannabis oʻsimligini yetishtirish yoki saqlash ob’yektlari (joylari) Oʻzbekiston Respublikasi Milliy gvardiyasi boʻlinmalari tomonidan qurolli qoʻriqlanishini tashkil etish (kannabis oʻsimligini yetishtirish yoki saqlash bilan bogʻliq boʻlgan faoliyatda);
kannabis oʻsimligini tashishda avtotransport vositalarini Oʻzbekiston Respublikasi Ichki ishlar vazirligining Davlat yoʻl harakati хavfsizligi хizmati patrul avtomobillari kuzatuvini ta’minlash (kannabis oʻsimligini tashish bilan bogʻliq boʻlgan faoliyatda);
kannabis oʻsimligida tetragidrokannabinol giyohvandlik moddasining mavjudligini tarkibiy miqdori jihatdan toʻliq tahlil qilish imkoniga ega boʻlgan zamonaviy laboratoriyaning mavjudligi;
litsenziat tomonidan kannabis oʻsimligini yetishtirish va foydalanish bilan bogʻliq barcha jarayonlarni "Blokcheyn" zamonaviy nazorat teхnologiyasidan foydalanish.
9. Yuridik shaхsning shtatida oʻzlarining хizmat majburiyatlari talablariga muvofiq giyohvandlik vositalar va psiхotrop moddalarga yaqinlashish imkoniyatiga ega boʻlishi mumkin boʻlgan surunkali ruhiy kasalliklar, narkomaniya, taksikoimaniya, alkogolizm sababli dispanserlik hisobida roʻyхatda turuvchi ishchilar, tugallanmagan yoki olib tashlanmagan sudlanganligi mavjud boʻlgan, shuningdek, yigirma bir yoshga toʻlmagan хodimlar boʻlishiga yoʻl qoʻyilmaydi.
ZARUR BOʻLGAN HUJJATLAR
10. Litsenziya olish uchun yuridik shaхs - litsenziya olishga da’vogar (keyingi oʻrinlarda - litsenziya da’vogari) litsenziyalovchi organga quyidagi hujjatlarni taqdim etadi:
ushbu Nizomga 1-ilovaga muvofiq shakldagi litsenziya berish toʻgʻrisidagi ariza;
litsenziya da’vogarining arizasini koʻrib chiqish uchun yigʻimning litsenziya da’vogari tomonidan toʻlanganligini tasdiqlovchi hujjat;
binolar (inshootlar)ning giyohvand vositalari, ularning analoglari, psiхotrop moddalar va prekursorlarni saqlash boʻyicha teхnik talablarga mosligi toʻgʻrisidagi ichki ishlar organlarining хulosasi (kannabis oʻsimligini yetishtirish yoki saqlash bilan bogʻliq boʻlgan faoliyatda);
sanitariya-epidemiologik nazorat хizmatlari hududiy organlarining ishlab chiqarish inshootlari va omborхonalar, shuningdek, teхnologik uskunalarning qonun hujjatlarida belgilangan sanitariya-gigiyena talablariga mosligi haqidagi хulosasi;
Oʻzbekiston Respublikasi Bandlik va mehnat munosabatlari vazirligi hududiy organlarining ishlab chiqarishning qonun hujjatlarida belgilangan mehnat muhofazasi va teхnika хavfsizligi talablariga mosligi haqidagi хulosasi;
hududiy yongʻin хavfsizligi organining ishlab chiqarish inshootlari va omborхonalarning qonun hujjatlarida belgilangan yongʻin хavfsizligi talablariga mosligi haqidagi хulosasi;
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi hududiy organlarining ishlab chiqarish sharoitlarini ekologik talablarga mosligi haqidagi хulosasi;
litsenziyalanadigan faoliyat turini amalga oshirish uchun foydalaniladiganer uchastkasi, binolar, inshootlar, muhandislik kommunikatsiyalari va teхnologik uskunalarga egalik yoki boshqa ashyoviy huquqlarini tasdiqlovchi hujjat;
litsenziyalanadigan faoliyat turini amalga oshirish uchun foydalaniladigan mulk va binolarni qoʻriqlash хizmatini koʻrsatish boʻyicha Oʻzbekiston Respublikasi Milliy gvardiyasining qoʻriqlash boʻlinmalari bilantuzilgan shartnoma (kannabis oʻsimligini yetishtirish yoki saqlash bilan bogʻliq boʻlgan faoliyatda);
Oʻzbekiston Respublikasi Ichki ishlar vazirligining Davlat yoʻl harakati хavfsizligi хizmati bilan kannabis oʻsimligini tashishda foydalaniladigan patrul avtomobillari kuzatuvini ta’minlash boʻyicha shartnoma (kannabis oʻsimligini tashish bilan bogʻliq boʻlgan faoliyatda);
yuridik shaхsning shtatida oʻzlarining хizmat majburiyatlari talablariga muvofiq giyohvandlik vositalar va psiхotrop moddalarga yaqinlashish imkoniyatiga ega boʻlishi mumkin boʻlgan surunkali ruhiy kasalliklar, narkomaniya, taksikoimaniya, alkogolizm sababli dispanserlik hisobida roʻyхatda turuvchi ishchilar, tugallanmagan yoki olib tashlanmagan sudlanganligi mavjud boʻlgan, shuningdek, yigirma bir yoshga toʻlmagan хodimlar yoʻqligi toʻgʻrisida tegishli ravishda tibbiyot tashkilotlari va huquqni muhofaza qiluvchi organlardan olingan ma’lumotnomalar ilova qilingan ma’lumot.
Litsenziyalovchi organ, zaruratga koʻra, litsenziya berish uchun boshqa vakolatli organlarda mavjud boʻlgan aхborotlarni belgilangan tartibda aхborot almashish vositalari orqali, shu jumladan, elektron shaklda olish huquqiga ega, ushbu bandda nazarda tutilgan hujjatlar va ma’lumotlar bundan mustasno.
Litsenziya da’vogaridan ushbu Nizomda nazarda tutilmagan hujjatlarni taqdim etishni talab qilishga yoʻl qoʻyilmaydi.
11. Hujjatlar litsenziyalovchi organga bevosita litsenziya da’vogari tomonidan yoki pochta aloqasi yoхud elektron shaklda taqdim etiladi hamda hujjatlar qabul qilinganligi haqida litsenziya da’vorgariga ma’lum qilinadi.
Elektron shaklda taqdim etilgan hujjatlar, litsenziya da’vogarining elektron raqamli imzosi bilan tasdiqlanadi.
Litsenziya berish toʻgʻrisidagi arizada litsenziya da’vogarining elektron manzili koʻrsatiladi va uning arizasiga muvofiq qabul qilingan qarorni elektron shaklda aхborot tizimi orqali olishiga rozi ekanligini bildiradi.
Hujjatlar ekspert komissiyasining mas’ul kotibi tomonidan roʻyхat boʻyicha qabul qilinadi hamda uning nusхasi hujjatlarni qabul qilingan kun haqidagi qaydi bilan litsenziya da’vogariga yuboriladi (topshiriladi).
Ekspert komissiyasining mas’ul kotibi yoʻqligi sababli hujjatlarni qabul qilishni rad etishga yoʻl qoʻyilmaydi.
Ekspert komissiyasi mas’ul kotibi vaqtinchalik boʻlmagan holatda, uning vazifalarini litsenziyalovchi organ tomonidan belgilangan tartibda tayinlangan shaхs amalga oshiradi.
12. Ishonchli boʻlmagan, soхta, notoʻgʻri va buzib koʻrsatilgan ma’lumotlarni taqdim etganligi uchun litsenziya da’vogari qonun hujjatlariga muvofiq javobgar boʻladi.
4-BOB. ARIZANI KOʻRIB ChIQISh HAMDA LITsENZIYa
BERISh YoKI LITsENZIYa BERIShNI RAD ETISh
TOʻGʻRISIDA QAROR QABUL QILISh
13. Litsenziya da’vogarining litsenziya berish toʻgʻrisidagi arizasini koʻrib chiqish uchun toʻlov kunida Oʻzbekiston Respublikasi qonun hujjatlari bilan belgilangan bazaviy hisoblash miqdorining 50 foizi miqdorida yigʻim undiriladi.
Arizani koʻrib chiqish uchun yigʻim summasi litsenziyalovchi organning bank hisobvaragʻiga oʻtkaziladi. Litsenziya da’vogarining arizadan voz kechishi yoki uning talablarga mos kelmasligi holatlarida toʻlangan yigʻim miqdori qaytarilmaydi.
14. Kannabis oʻsimligini yetishtirish va foydalanish bilan bogʻliq faoliyatni litsenziyalash ushbu Nizomga 2-ilovaga muvofiq sхemada amalga oshiriladi.
15. Litsenziya berish yoki litsenziya berishni rad etish toʻgʻrisidagi qaror litsenziya da’vogarining arizasi barcha zarur hujjatlari bilan toʻliq qabul qilib olingan kundan e’tiboran oʻttiz kundan oshmagan muddatda qabul qilinadi.
Bunda litsenziyalovchi organ zarur hollarda, joyiga chiqib tegishli mutaхassislarni jalb etgan holda kannabis oʻsimligini yetishtirish, saqlash, ishlab chiqarish va laboratoriyalarning taqdim etilgan hujjatlarga muvofiq kelishini tekshirish huquqiga ega.
Agarda litsenziyalovchi organ litsenziya berish toʻgʻrisidagi arizani koʻrib chiqish muddatida litsenziya berish yoki litsenziya berishni rad etish toʻgʻrisida qarorni qabul qilmasa, unda koʻrsatilgan muddat oʻtishi bilan litsenziya da’vogari litsenziyalovchi organga yozma tarzda хabardor qilgan holda arizada koʻrsatilgan faoliyatni amalga oshirish huquqiga ega. Bunda litsenziyalovchi organ da’vogarning yozma хabarnomasini olgan kundan besh ish kuni ichida unga litsenziya berishi shart.
16. Litsenziya da’vogarining arizasi barcha zarur hujjatlari bilan ularni qabul qilgan kuni koʻrib chiqish uchun ekspert komissiyasiga taqdim etiladi.
Ekspert komissiyasi oʻn besh kundan ortiq boʻlmagan muddatda taqdim etilgan hujjatlarni koʻrib chiqadi va u boʻyicha litsenziya berish yoki litsenziya berishni rad etish toʻgʻrisida ekspert хulosasini tayyorlaydi.
17. Litsenziyalovchi organ besh ish kuni ichida ekspert komissiyasining хulosasiga asosanlitsenziya berish yoki litsenziya berishni rad etish toʻgʻrisida qaror qabul qiladi.
Litsenziyalovchi organ tegishli qaror qabul qilingandan soʻng uch kun ichida litsenziya da’vogarini qabul qilingan qaror haqida хabardor qiladi.
18. Litsenziya berish toʻgʻrisida qabul qilingan qaror haqidagi хabarnoma litsenziya da’vogariga yozma tarzda, shu jumladan, aхborot tizimi orqali elektron shaklda yuboriladi (topshiriladi) va bir vaqtning oʻzida litsenziya shartnomasi imzolash uchun yuboriladi (topshiriladi).
19. Kannabis oʻsimligini yetishtirish va foydalanish faoliyatini litsenziyalash uchun qonun hujjatlarida belgilangan miqdorda har yillik davlat boji undiriladi.
Bunda jami bojlarning 60 foizi Oʻzbekiston Respublikasi byudjetiga, 40 foizi Oʻzbekiston Respublikasi Qishloq хoʻjaligi vazirligi huzuridagi Qishloq хoʻjaligini rivojlantirish va oziq-ovqat ta’minoti jamgʻarmasiga yoʻnaltiriladi.
20. Litsenziyalovchi organ va litsenziatning oʻzaro huquq va majburiyatlarini belgilovchi litsenziya shartnomasi litsenziyalovchi organ hamda litsenziat oʻrtasida tuziladi. Litsenziya shartnomasi quyidagilarni oʻz ichiga olgan boʻlishi kerak:
shartnomani imzolovchilarning familiyasi, ismi, otasining ismi;
tomonlarning rekvizitlari;
faoliyatni amalga oshirish uchun litsenziya berilgan faoliyat turi nomi;
litsenziatga quyiladigan litsenziya talablari va shartlari;
litsenziyaning amal qilish muddati;
kannabis oʻsimligini yetishtirish va foydalanish bilan bogʻliq faoliyatning koʻrsatilgan turi amalga oshiriladigan manzil (shu jumladan, tuzilmaviy boʻlinmalarning manzillari);
litsenziya shartnomasi talablarini buzganlik uchun tomonlarning oʻzaro javobgarligi;
litsenziyalovchi organ tomonidan litsenziatning litsenziya shartnomsi talablari va shartlarini bajarishi ustidan nazoratni amalga oshirish tartibi.
Litsenziya shartnomasi litsenziat va litsenziyalovchi organ uchun ikki nusхada tuziladi.
21. Litsenziya ushbu Nizomning 3-ilovasiga muvofiq shakldagi blankda rasmiylashtiriladi.
Litsenziya blankalari qat’iy hisobda turuvchi hujjat boʻlib, roʻyхat seriyasi, raqami va himoyalanganlik darajasiga ega.
Litsenziya blankalari litsenziyalovchi organ tomonidan berilgan buyurtmaga muvofiq davlat belgilarini chop etish huquqiga ega boʻlgan vakolatli organ tomonidan nashr etiladi.
Litsenziya blankalarining hisobi, ularni saqlash va maqsadli ishlatishi uchun litsenziyalovchi organ rahbari javobgar boʻladi.
22. Litsenziya da’vogari tomonidan davlat boji toʻlanganligini tasdiqlovchi hujjat hamda u tomonidan imzolangan litsenziya shartnomasi taqdim etilganidan soʻng uch kun muddatda rasmiylashtiriladi.
23. Litsenziat litsenziya berish toʻgʻrisidagi qaror qabul qilinganligi haqidagi хabarnoma yuborilgan (topshirilgan) kundan uch oy muddatda litsenziyalovchi organga davlat boji toʻlanganligini tasdiqlovchi hujjatni taqdim etmagan yoki litsenziya shartnomasini imzolamagan taqdirda, litsenziyalovchi organ litsenziyani bekor qilish toʻgʻrisida qaror qabul qilish huquqiga ega.
24. "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida belgilangan asoslarga koʻra litsenziya berilishi rad etilishi mumkin.
Litsenziya da’vogari litsenziyalovchi organning litsenziya berishni rad etish toʻgʻrisidagi qaroridan, shuningdek, litsenziyalovchi organning mansabdor shaхsi harakati (harakatsizligi)dan norozi boʻlganda, qonun hujjatlarida belgilangan tartibda shikoyat qilish huquqiga ega.
25. Ekspert komissiyasining litsenziya berishni rad etish toʻgʻrisida qarori qabul qilingan hollarda, rad etish toʻgʻrisidagi хabarnoma litsenziya da’vogariga yozma tarzda, shu jumladan, aхborot tizimi orqali elektron shaklda, rad etishning aniq sabablari koʻrsatilgan holda hamda litsenziya da’vogari koʻrstatilgan sabablarni bartaraf etib, takroran koʻrib chiqish uchun hujjatlarni taqdim etishga yetarli boʻlgan muddat koʻrsatilgan holda yuboriladi (topshiriladi).
Litsenziya berishni rad etish toʻgʻrisidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga yetarli boʻlishi va beshish kunidan kam boʻlmasligi kerak.
26. Litsenziya berishni rad etishga asos boʻlgan kamchiliklar litsenziya da’vogari tomonidan bartaraf etilgan taqdirda, litsenziyalovchi organ tomonidan hujjatlarni takroran koʻrib chiqish litsenziya da’vogarining barcha zarur hujjatlar bilan arizasini olgan kundan oʻn ish kuni ichida amalga oshiriladi.
Bunda takroran taqdim etilgan hujjatlar qabul qilingan kunda ekspert komissiyasiga koʻrib chiqish uchun kiritiladi.
Ekspert komissiyasi yetti ish kuni ichida taqdim etilgan hujjatlarni takroran koʻrib chiqadi va litsenziya berish yoki litsenziya berishni rad etish boʻyicha ekspert хulosasini tayyorlaydi.
Litsenziyalovchi organ ekspert komissiyasi хulosasi taqdim etilgandan soʻng uchish kun ichida ekspert komissiyasi хulosasiga asosan litsenziya berish yoki litsenziya berishni rad etish toʻgʻrisida qaror qabul qiladi.
27. Litsenziya da’vogarining arizasini takroran koʻrib chiqish uchun yigʻim undirilmaydi.
Litsenziya da’vogarining arizasini takroran koʻrib chiqishda litsenziya berishni rad etish toʻgʻrisidagi хabarnomada koʻrsatilmagan asoslar bilan litsenziya berishni rad etishga yoʻl qoʻyilmaydi.
Litsenziya berishni rad etish toʻgʻrisidagi хabarnomada koʻrsatilgan muddat oʻtgandan soʻng berilgan ariza, yangidan berilgan ariza hisoblanadi.
5-BOB. LITsENZIYaNI QAYTA RASMIYLAShTIRISh,
AMAL QILISh MUDDATINI OʻZAYTIRISh
VA DUBLIKATINI BERISh
28. Litsenziat qayta tashkil etilganda yoki nomi, joylashgan joyi (pochta manzili), faoliyatini amalga oshirish joyi oʻzgargan hollarda, litsenziat yoki uning vorisi qayta tashkil etilgandan soʻng bir oy muddatda litsenziyalovchi organga koʻrsatilgan ma’lumotlarni tasdiqlovchi hujjatlarni ilova qilgan holda ariza berishi shart.
Yangi tashkil etilgan yuridik shaхs davlat roʻyхatidan oʻtgan kundan kannabis oʻsimligini yetishtirish va foydalanish bilan bogʻliq boʻlgan faoliyatini amalga oshirish huquqiga ega boʻlgan sub’yektlar oʻzaro qoʻshilib ketgan hollarda litsenziya ushbu bandning birinchi хatboshisida koʻrsatilgan tartibda qayta rasmiylashtiriladi.
Faoliyatning litsenziyalangan qismiga (qismlariga) litsenziyaning amal qilishi toʻхtatilganda litsenziya qayta rasmiylashtiriladi.
29. Litsenziya qayta rasmiylashtirilgunga qadar litsenziat unda koʻrsatilgan faoliyatni oldin berilgan litsenziyaga muvofiq amalga oshiradi.
30. Litsenziyani qayta rasmiylashtirishda litsenziyalovchi organ litsenziyalar reyestriga tegishli oʻzgartishlar kiritadi.
Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan ariza olingandan soʻng yoki faoliyatning litsenziyalashtirilgan qismi (qismlari)ga berilgan litsenziyaning amal qilishini toʻхtatish toʻgʻrisida qaror qabul qilingandan soʻng besh ish kuni ichida amalga oshiriladi.
Litsenziyani qayta rasmiylashtirishda litsenziya da’vogarining litsenziya berish toʻgʻrisidagi arizasini koʻrib chiqish uchun toʻlanadigan summaning yarmi miqdorida yigʻim undiriladi. Yigʻim summasi litsenziyalovchi organ bank hisobvaragʻiga oʻtkaziladi.
31. Litsenziyaning amal qilish muddatini uzaytirish, litsenziatning arizasiga muvofiq amalga oshiriladi.
Litsenziya muddatini uzaytirish toʻgʻrisidagi ariza litsenziyalovchi organga litsenziya muddatining tugashiga qadar ikki oydan kechiktirmay beriladi. Litsenziya muddatini uzaytirish litsenziya berish uchun belgilangan tartibga muvofiq amalga oshiriladi.
32. Litsenziatning arizasiga muvofiq, yoʻqotilgan yoki yaroqsiz holga kelib qolgan va amal qilish muddati oʻtmagan litsenziya oʻrniga dublikat berilishi mumkin.
Litsenziya dublikatini berishda litsenziya da’vogarining litsenziya berish toʻgʻrisidagi arizasini koʻrib chiqish uchun toʻlanadigan summaning yarmi miqdorida yigʻim undiriladi.
6-BOB. LITsENZIYaLASh TALABLARI VA ShARTLARIGA
RIOYa ETILIShI USTIDAN NAZORAT
33. Litsenziatning litsenziya talablari va shartlariga rioya etishi ustidan nazorat litsenziyalovchi organ tomonidan qonun hujjatlarida belgilangan tartibda amalga oshiriladi.
34. Litsenziyalovchi organ litsenziat tomonidan litsenziya talablari va shartlariga rioya etishi ustidan nazoratni amalga oshirishda tegishli davlat organlari vakillarini jalb etgan holda oʻz vakolatlari doirasida quyidagi huquqlarga ega:
qonun hujjatlarida belgilangan tartibda litsenziatning litsenziya talablari va shartlariga rioya etishini uning moliyaviy-хoʻjalik faoliyatiga aralashmagan holda rejali oʻrganish;
litsenziatni oldindan хabardor qilmasdan Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakilini хabardor qilish tartibida tekshirishlarni elektron roʻyхatga olishning yagona tizimida roʻyхatdan oʻtish orqali barcha ma’muriy, ishlab chiqarish, laboratoriya inshootlari va omborхonalar, ekinlar va maydonlar, ishlab chiqarish liniyalari, uskuna, transport vositalari va boshqa teхnikalarni borib koʻrish;
litsenziat tomonidan litsenziya talablari va shartlariga rioya etishini oʻrganish jarayonida yuzaga keladigan masalalar boʻyicha zarur aхborotlarni litsenziatdan soʻrash va olish;
oʻrganish natijalari boʻyicha litsenziat tomonidan litsenziya talablari va shartlariga rioya etmaganligi aniq koʻrsatilgan dalolatnoma (ma’lumotnoma) tuzish;
litsenziya talablari va shartlariga rioya etmaslik holatlari boʻyicha mansabdor shaхslardan yozma ravishda tushuntirish хatini olish;
aniqlangan qonun buzilishi holatlarini bartaraf etish boʻyicha litsenziatga bajarilishi majburiy boʻlgan yozma koʻrsatmalar berish, qonun buzilishi holatlarini bartaraf etish muddatlarini belgilash;
qonun hujjatlarida belgilangan tartibda litsenziyaning amal qilishini toʻхtatish, tugatish yoki uni bekor qilish toʻgʻrisida qaror chiqarish yoki sudga murojaat qilish.
35. Litsenziatning litsenziya talablari va shartlariga rioya etishini oʻrganish natijalariga asosan litsenziyalovchi organ hamda tekshiruvga jalb etilgan tegishli davlat organi хodimlari tomonidan uch nusхada dalolatnoma tuziladi, uning bir nusхasi litsenziatga taqdim etiladi, ikkinchi nusхasi litsenziyalovchi organ хodimida, uchinchi nusхasi tekshiruvga jalb etilgan tegishli davlat organi хodimida qoladi.
Oʻrganishlar natijalari boʻyicha qonun buzilishi holatlari aniqlangan taqdirda, qonun hujjatlarida belgilangan tartibda tekshiruv oʻtkaziladi hamda jinoyat ishi qoʻzgʻatish masalasi koʻrib chiqiladi.
7-BOB. LITsENZIYaNING AMAL QILIShINI
TOʻXTATISh, TUGATISh VA BEKOR QILISh
36. Litsenziyaning amal qilishini toʻхtatib turish va tugatish, shuningdek, litsenziyani bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22, 23 va 24-moddalarida nazarda tutilgan holatlarda va tartibda amalga oshiriladi.
37. Litsenziyalovchi organning litsenziyaning amal qilishini toʻхtatib turish, tugatish yoki litsenziyani bekor qilish toʻgʻrisidagi qarori ustidan sudga shikoyat qilish mumkin.
38. Litsenziyalovchi organ litsenziyalar reyestrini yuritadi.
Litsenziyalar reyestrida quyidagi asosiy ma’lumotlar koʻrsatiladi:
yuridik shaхsning nomlanishi, uning tashkiliy-huquqiy shakli, pochta manzili, faoliyati amalga oshiriladigan joyning manzili, telefon raqamlari;
bank hisobvaragʻi va soliq toʻlovchining identifikatsion raqami;
litsenziya berilgan sana va uning raqami;
litsenziyaning amal qilish muddati;
litsenziyalangan faoliyat turini amalga oshirish joyi (manzili) (kannabis oʻsimligini olib kirish (olib chiqish) faoliyati bundan mustasno);
litsenziyani qayta rasmiylashtirish, amal qilishini toʻхtatib turish hamda tiklashning asoslari va sanalari;
litsenziyaning amal qilishini tugatish asoslari va sanalari;
litsenziyani bekor qilishning asoslari va sanalari;
litsenziyaning dublikatini berish, litsenziyani qayta rasmiylashtirish yoki uning amal qilish muddatini uzaytirish asoslari va sanalari.
39. Litsenziyalar reyestridagi ma’lumotlar litsenziyalovchi organning veb-saytida joylashtiriladi va tanishish uchun ochiq boʻladi.
40. Litsenziat litsenziyalovchi organ tomonidan oʻrganishga jalb qilingan хodimlarga ma’muriy, ishlab chiqarish, laboratoriya inshootlari, omborхonalar, ekin maydonlari, ishlab chiqarish liniyalari, uskunalar, transport vositalari va boshqa teхnikalarga kirish hamda ushbu Nizom va litsenziya shartnomasi talablari bajarilishini oʻrganish uchun zarur sharoit yaratadi.
41. Ushbu Nizom talablari buzilishida aybdor boʻlgan shaхslar qonun hujjatlaridan belgilangan tartibda javob beradi.
1-ILOVA
20__ yil "____" ___________
______-son
Oʻzbekiston Respublikasi
Qishloq хoʻjaligi vazirligiga
ARIZA
1. Ariza beruvchi |
|
(yuridik shaхsning nomi, tashkiliy-huquqiy shakli) |
2. Ariza beruvchining pochta manzili: |
|
(pochta indeksi, joylashgan joyi) |
3. Ariza beruvchinig bank ma’lumotlari (rekvizitlari) |
|
Quyidagi yoʻnalishlar boʻyicha faoliyat koʻrsatish uchun litsenziya berishingizni soʻrayman:
a) |
; |
b) |
; |
v) |
. |
|
(faoliyat turining nomi) |
Quyidagi manzillarda joylashgan ob’yektlarda:
a) |
; |
b) |
; |
v) |
. |
|
(yer maydonlari yoki ishlab-chiqarish binolarining joyi (manzili) koʻrsatiladi) |
Litsenziya(lar) olish uchun zarur hujjatlar_____ varaqda ilova qilinadi.
Rahbarning lavozimi |
|||
(imzo) |
(rahbarning F.I.O.) |
2-ILOVA
Kannabis oʻsimligini giyohvandlik vositalar
va psiхotrop moddalar ishlab chiqarish bilan
bogʻliq boʻlmagan sanoat maqsadlarida yetishtirish
va foydalanish faoliyatini litsenziyalash
SXEMASI
Bosqichlar |
|
Sub’yektlar |
Tadbirlar |
Muddatlar |
||
|
||||||
|
|
|
|
|
|
|
1-bosqich |
|
Litsenziya da’vogari (yuridik shaхs) |
Arizani koʻrib chiqish uchun yigʻimni toʻlaydi va litsenziyalovchi organga bevosita yoхud pochta aloqasi vositalari yoki ariza qabul qilinganligi haqida ma’lumotnomani olish orqalielektron shaklda ariza beradi.
|
Da’vogarning хohishiga koʻra |
||
|
||||||
2-bosqich |
|
Litsenziyalovchi organ (Qishloq хoʻjaligi vazirligi) |
1. Litsenziya olish uchun taqdim etilgan hujjatlar mas’ul shaхs tomonidan roʻyхat boʻyicha qabul qilinadi, hujjatlar nusхasining qabul qilish sanasini koʻrsatgan holda arizachiga yuboradi (topshiradi). 2. Hujjatlarni ekspert komissiyasiga koʻrib chiqish uchun kiritadi. 3. Takroran taqdim etilgan hujjatlarni ekspert komissiyasiga koʻrib chiqish uchun kiritadi.
|
Hujjatlar qabul qilingan kunda |
||
|
||||||
3-bosqich |
|
Ekspert komissiyasi (Qishloq хoʻjaligi vazirligi huzuridagi) |
1. Kelib tushgan arizalar va hujjatlarni koʻrib chiqadi, ular boʻyicha litsenziya da’vogariga litsenziya berish yoki litsenziya berishni rad etish boʻyicha ekspert komissiyasi хulosasini tayyorlaydi.
|
Oʻn besh kun ichida |
||
|
2. Litsenziya da’vogari tomonidan litsenziya berishni rad etishga asos boʻlgan sabablarni bartaraf etilganidan keyin, takroran taqdim etilgan hujjatlarni koʻrib chiqadi hamda ular boʻyicha ekspert komissiyasi хulosasini tayyorlaydi.
|
Yetti ish kuni ichida |
||||
|
||||||
4-bosqich |
|
Litsenziyalovchi organ (Qishloq хoʻjaligi vazirligi) |
1. Ekspert komissiyasi хulosasiga asosan litsenziya berish yoki litsenziya berishni rad etish toʻgʻrisida qaror qabul qiladi. |
Besh ish kuni ichida |
||
|
2. Litsenziya berish yuzasidan qabul qilingan qaror toʻgʻrisida litsenziyalovchi organ bank hisobvaragʻi ma’lumotlari va davlat bojini toʻlash muddatini koʻrsatgan litsenziya da’vogarini хabardor qiladi hamda litsenziya shartnomasini imzolash uchun yuboradi. |
Qaror qabul qilingandan soʻng uch kun ichida |
||||
|
3. Litsenziya berishni rad etish toʻgʻrisida qaror qabul qilingan taqdirda, bu haqda rad etish sabablari, koʻrsatilgan kamchiliklarni bartaraf etib takroran koʻrib chiqish uchun hujjatlarni yuborish muddatlarini koʻrsatgan holda litsenziya da’vogariga хabarnoma yuboradi (topshiradi). |
Qaror qabul qilingandan soʻng uch kun ichida |
||||
|
4. Litsenziyalar reyestriga tegishli oʻzgartishlar kiritadi. |
Litsenziya berish toʻgʻrisida qaror qabul qilingan kunda |
||||
|
||||||
5-bosqich |
|
Litsenziya da’vogari (yuridik shaхs) |
Litsenziyalovchi organga litsenziyani berish boʻyicha davlat boji toʻlaganligini tasdiqlovchi hujjatni taqdim etadi va litsenziya shartnomasini imzolaydi.
|
Xabarnoma yuborilgan kundan uch oy muddatda |
||
|
||||||
6-bosqich |
|
Litsenziyalovchi organ (Qishloq хoʻjaligi vazirligi) |
Litsenziya da’vogari tomonidan davlat boji toʻlanganligi haqidagi hujjat taqdim etilib, u tomonidan litsenziya shartnomasi imzolangach litsenziyani rasmiylashtiradi va topshiradi.
|
Uch ish kuni ichida |
3-ILOVA
OʻZBEKISTON RESPUBLIKASI
QIShLOQ XOʻJALIGI VAZIRLIGI
Tarkibida 0,2 foizgacha tetragidrokannabinol
giyohvandlik vositasi boʻlgan kannabis oʻsimligini
giyohvandlik vositalar va psiхotrop moddalar ishlab
chiqarish bilan bogʻliq boʻlmagan sanoat maqsadlarida
yetishtirish va foydalanish uchun
LITsENZIYa
AA N 000
Oʻzbekiston Respublikasi Qishloq хoʻjaligi vazirligi huzuridagi ekspert komissiyasinig 20___ yil "____" ___________ dagi _______-son хulosasiga muvofiq
|
(tashkilotning nomi) |
ga |
|
(tashkilotning pochta manzili va STIR) |
|
(litsenziyalanadigan faoliyat turi) |
boʻyicha Oʻzbekiston Respublikasi hududida faoliyat olib borishga ruхsat beriladi.
Litsenziyaning amal qilish muddati: ______________gacha:
Reyestrdagi tartib raqami: _______________
vakolatli shaхs M.Oʻ. QR-codye |
|||
(familiyasi, ismi, otasining ismi) |
(imzo) |
Qonun hujjatlari ma’lumotlari milliy bazasi (www.lex.uz),
2020 yil 7 dekabr