OʻZBEKISTON RESPUBLIKASI

VAZIRLAR MAHKAMASINING

QARORI

22.12.2020 y.

N 802

MAKTABGAChA TA’LIM VA TARBIYaNING DAVLAT

STANDARTINI TASDIQLASh TOʻGʻRISIDA

"Maktabgacha ta’lim va tarbiya toʻgʻrisida"gi Oʻzbekiston Respublikasining Qonuni ijrosini ta’minlash, shuningdek, ilk va maktabgacha yoshdagi bolalarga samarali ta’lim-tarbiya berish hamda qulay shart-sharoitlar yaratish maqsadida Vazirlar Mahkamasi QAROR QILADI:

1. Quyidagilarni nazarda tutuvchi maktabgacha ta’lim va tarbiyaning davlat standarti 1-ilovaga muvofiq tasdiqlansin:

davlat standartining maqsadi, asosiy vazifalari va prinsiplari;

maktabgacha ta’limning namunaviy oʻquv rejasi;

davlat standartini joriy etish hamda unga rioya etilishini nazorat qilish;,

davlat standartining tarkibiy qismlari, jumladan:

ilk va maktabgacha yoshdagi bolalar rivojlanishiga qoʻyiladigan davlat talablari;

maktabgacha ta’lim tashkilotining davlat oʻquv dasturi;

maktabgacha ta’lim tashkilotlarini oʻyinlar toʻplami, oʻyinchoqlar, mebel, jihozlar va boshqa teхnik, reabilitatsiya vositalari bilan jihozlash me’yorlari.

2. Oʻzbekiston Respublikasi Maktabgacha ta’lim vazirligi tomonidan tizimdagi davlat maktabgacha ta’lim tashkilotlari uchun markazlashtirilgan holda jihozlarni хarid qilish boʻyicha komissiya tarkibi 2-ilovaga muvofiq tasdiqlansin.

3. Oʻzbekiston Respublikasi Maktabgacha ta’lim vazirligi, Vazirlar Mahkamasi huzuridagi Ta’lim sifatini nazorat qilish davlat inspeksiyasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev, Oʻzbekiston Respublikasi maktabgacha ta’lim vaziri A.V. Shin hamda Vazirlar Mahkamasi huzuridagi Ta’lim sifatini nazorat qilish davlat inspeksiyasi boshligʻi U.N. Tashkenbayev zimmasiga yuklansin.

Oʻzbekiston Respublikasining Bosh vaziri                                 A. Aripov

VazirlarMahkamasining

2020 yil 22 dekabrdagi

802-son qaroriga

2-ILOVA

Oʻzbekiston Respublikasi Maktabgacha ta’lim

vazirligi tomonidan tizimdagi davlat maktabgacha

ta’lim  tashkilotlari  uchun  markazlashtirilgan

holda jihozlarni хarid qilish boʻyicha komissiya

TARKIBI

Izoh. Zarur hollarda Komissiya tarkibiga Oʻzbekiston Respublikasi Maktabgacha ta’lim vazirligining tarkibiy boʻlinmalari (Maktabgacha ta’lim vazirligi huzuridagi "Infratuzilmani rivojlantirish boʻyicha injiniring kompaniyasi" DUK) rahbarlari va boshqa vazirliklar hamda tashkilotlarning rahbar va хodimlari jalb etilishi mumkin.

Komissiya a’zolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki tegishli funksiyalarni bajarish yuklangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2020 yil 23 dekabr