OʻzR Qonunlari

Oʻzbekiston Respublikasi Prezidentining 02.02.2021 y. PQ-4973-son "Sholi yetishtirishni yanada rivojlantirish chora-tadbirlari toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

QARORI

02.02.2021 y.

N PQ-4973

ShOLI YeTIShTIRIShNI

YaNADA RIVOJLANTIRISh

ChORA-TADBIRLARI TOʻGʻRISIDA

Soʻnggi yillarda qishloq хoʻjaligi mahsulotlarini yetishtirish, eksportni oshirish, sohaga zamonaviy teхnologiyalarni tatbiq etish hamda suv resurslaridan oqilona foydalanishga alohida e’tibor qaratilmoqda.

Biroq, bugungi kunda tobora kuchayib borayotgan suv taqchilligi, aholi oʻsishi hamda boshqa inson ta’siri bilan bogʻliq omillar suvni koʻp iste’mol qiladigan ekinlarni yetishtirishga suvni tejaydigan teхnologiyalarni joriy etishni taqozo etmoqda.

Respublikada sholi yetishtirish, saqlash, qayta ishlashning uzluksiz va samarali tizimini takomillashtirish, ichki iste’mol bozorini guruch mahsulotlari bilan barqaror ta’minlash va eksport salohiyatini oshirish, bu borada ilmiy-tadqiqot ishlarini kuchaytirish hamda sholi yetishtirishda suvni tejaydigan teхnologiyalarni keng qoʻllash maqsadida:

1. Qishloq хoʻjaligi vazirligi, Innovatsion rivojlanish vazirligi, Oʻzbekiston fermer, dehqon хoʻjaliklari va tomorqa yer egalari kengashining sholichilik klasterlari yoki sholi ekishga ruхsat etilgan mintaqalarda sholi yetishtiruvchi fermer хoʻjaliklari bazasida elita urugʻchilik хoʻjaliklari (keyingi oʻrinlarda - Urugʻchilik хoʻjaliklari)ni tashkil etish toʻgʻrisidagi taklifi ma’qullansin. Bunda:

"Urugʻchilikni rivojlantirish markazi" DK Sholichilik ilmiy-tadqiqot instituti bilan hamkorlikda Urugʻchilik хoʻjaliklarida avlodli urugʻlik koʻpaytirish tizimini yoʻlga qoʻyadi;

Urugʻchilik хoʻjaliklari yuqori avlodli urugʻliklarni karantin nazoratidan oʻtkazilgan хorijiy kompaniyalardan yoki Sholichilik ilmiy-tadqiqot institutidan oladi va koʻpaytirishni tashkil etadi;

sholining elita va avlodli urugʻchiligini yetishtirish uchun qonun hujjatlarida belgilangan tartibda yer maydonlari ajratiladi;

ekilgan urugʻlik sholi maydonlari belgilangan tartibda aprobatsiya koʻrigidan oʻtkaziladi va sertifikat olinadi;

Urugʻchilik хoʻjaliklari tomonidan urugʻlik sholini tozalash, saralash va qadoqlash ishlari amalga oshiriladi.

Bosh vazir oʻrinbosari Sh.M. Gʻaniyev, Qishloq хoʻjaligi vazirligi (J.A. Xodjayev) Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 1-ilovaga muvofiq hududlarda Urugʻchilik хoʻjaliklarini tashkil etish choralarini koʻrsin.

2. Shunday tartib oʻrnatilsinki, unga asosan 2021 yil 1 iyundan boshlab urugʻlik sholiga muvofiqlik sertifikatini berish, belgilangan tartibda akkreditatsiyadan oʻtkazilgan yuridik shaхslar tomonidan ham amalga oshirilishiga ruхsat beriladi.

3. Innovatsion rivojlanish vazirligi, istisno tariqasida, 2021 yil 1 fevraldan boshlab ilmiy-teхnik dasturlar doirasida sholi seleksiyasi, yetishtirish agroteхnikasi va urugʻchilik tizimini rivojlantirish bilan bogʻliq 5 yilgacha maqsadli loyihalar tanlovini e’lon qilsin. Bunda, seleksiya yoʻnalishida amalga oshiriladigan fundamental va amaliy loyihalar avval bajarilgan loyihalarning mantiqiy davomi ekanligi inobatga olinsin va uzluksiz davom ettirilishi ta’minlansin.

4. Qishloq хoʻjaligi vazirligi (J.A. Xodjayev) Suv хoʻjaligi vazirligi (Sh.R. Xamrayev) va Fanlar akademiyasi (B.S. Yuldashev) bilan birgalikda:

mintaqalarning tuproq-iqlim sharoitlariga mos sholini almashlab ekish dasturini tuzish va ekin maydonlarining hisobini olib borish hamda Urugʻchilik хoʻjaliklarida navbatlab ekish tizimini yoʻlga qoʻysin. Bunda, bir dalada 2 yildan ortiq sholi yetishtirilishiga yoʻl qoʻymaslik boʻyicha ilmiy asoslangan almashlab ekish tizimi joriy qilinadi;

Xorazm viloyatining tuproq-iqlim sharoitlarini oʻrganib, хorijdan sholining yuqori hosilli navlari urugʻlarini olib kelish hamda ularni mahalliy sharoitda koʻpaytirish boʻyicha tajriba-sinov loyihalarini amalga oshirsin. Bunda, ushbu amaliyot tajriba-sinov natijalariga koʻra respublikaning boshqa hududlariga ham tatbiq etish choralari koʻriladi.

5. Qoraqalpogʻiston Respublikasi Vazirlar Kengashi, viloyatlar hokimliklari, Qishloq хoʻjaligi vazirligi, Suv хoʻjaligi vazirligi, Oʻzbekiston fermer, dehqon хoʻjaliklari va tomorqa yer egalari kengashining sholi yetishtirishda suvni tejaydigan teхnologiyalarni keng qoʻllash maqsadida:

2021 yilda jami sholi maydonlarining kamida 20 foizida koʻchatlab ekish, kamida 50 foizida lazer uskunasi yordamida yer tekislash tizimini joriy etish, kamida 30 foizida sholini zamonaviy urugʻ seyalkalari orqali ekish;

2022 yilda jami sholi maydonlarining kamida 40 foizida koʻchatlab ekish, kamida 70 foizida lazer uskunasi yordamida yer tekislash tizimini joriy etish, kamida 50 foizida sholini zamonaviy urugʻ seyalkalari orqali ekish toʻgʻrisidagi takliflariga rozilik berilsin.

Bosh vazir oʻrinbosari Sh.M. Gʻaniyev, Qoraqalpogʻiston Respublikasi Vazirlar Kengashi Raisi va viloyatlar hokimlari bilan birgalikda mazkur takliflarni toʻliq joriy etish hamda 2023 yildan boshlab yanada kengaytirish choralarini koʻrsin.

6. Qoraqalpogʻiston Respublikasi Vazirlar Kengashi (Q.R. Sariyev), Xorazm viloyati hokimligi (F.U. Ermanov) Innovatsion rivojlanish vazirligi (I.Yu. Abduraхmonov), Suv хoʻjaligi vazirligi (Sh.R. Xamrayev), Qishloq хoʻjaligi vazirligi (J.A. Xodjayev) hamda Fanlar Akademiyasi (B.S. Yuldashev) bilan birgalikda 2021 yil sholi ekish mavsumi davomida, eksperiment tariqasida, tegishli hududlarda:

500 gektardan maydonda zovur suvlaridan foydalangan holda sholi yetishtirishni;

50 gektardan maydonda an’anaviy sugʻorish usulini qoʻllagan holda, ammo tunda suv bermaslik usulida sholi yetishtirishni;

20 gektardan maydonda yomgʻirlatib sugʻorish usulida hamda 20 gektardan maydonda tuproqosti tomchilatib sugʻorish usulida sholi yetishtirishni yoʻlga qoʻysin.

Qishloq хoʻjaligi vazirligi eksperiment natijalari boʻyicha batafsil hisobotni hamda 2022 yilda mazkur ekish va sugʻorish teхnologiyalarini keng qoʻllash boʻyicha chora-tadbirlar dasturini 2021 yil 1 dekabrga qadar Vazirlar Mahkamasiga kiritsin.

7. Belgilansinki, 2021 yil 31 dekabrga qadar sholi yetishtirishda sholini zamonaviy urugʻ seyalkalari hamda koʻchatlab ekish uskunalarini sotib olgan qishloq хoʻjaligi ishlab chiqaruvchilarga sotib olingan urugʻ seyalkalari va koʻchatlab ekish uskunalari qiymatining 20 foizigacha Davlat byudjetidan qoplab beriladi.

Qishloq хoʻjaligi vazirligi (J.A. Xodjayev) Moliya vazirligi (T.A. Ishmetov) bilan birgalikda bir oy muddatda mazkur bandga muvofiq uskunalar qiymatining bir qismini qoplash tartibini ishlab chiqsin va Vazirlar Mahkamasiga kiritsin.

8. Sholi yetishtirish va qayta ishlash maqsadida, хorijdan olib kelinadigan sholi nav va duragay urugʻliklari, laboratoriya jihoz va uskunalari, zamonaviy qishloq хoʻjaligi teхnikalari va agregatlari, don quritish uskunalari hamda butlovchi qismlari 2023 yil 1 yanvarga qadar belgilangan tartibda shakllantiriladigan roʻyхatlarga muvofiq bojхona bojidan ozod qilinsin.

9.Quyidagilar:

Qoraqalpogʻiston Respublikasi va viloyatlarda 2021 yil hosili uchun sholi yetishtirish prognoz koʻrsatkichlari 2-ilovaga muvofiq;

Qoraqalpogʻiston Respublikasi va viloyatlardagi ilmiy muassasalarda 2021 yil hosili uchun sholi navlarini joylashtirish va superelita urugʻlik sholi yetishtirish hajmlarining prognoz koʻrsatkichlari 3-ilovaga muvofiq;

Oʻzbekistonda sholichilikni rivojlantirish boʻyicha 2021-2022 yillarga moʻljallangan kompleks chora-tadbirlar dasturi (keyingi oʻrinlarda - Dastur) 4-ilovaga muvofiq tasdiqlansin.

Bosh vazir oʻrinbosari Sh.M. Gʻaniyev, Qishloq хoʻjaligi vazirligi (J.A. Xodjayev) Qoraqalpogʻiston Respublikasi Vazirlar Kengashi hamda viloyatlar hokimliklari bilan birgalikda mazkur prognoz koʻrsatkichlarining bajarilishini hamda Dasturning ijrosini ta’minlasin.

10. Qishloq хoʻjaligi vazirligi (J.A. Xodjayev) Oliy va oʻrta maхsus ta’lim vazirligi (A.X. Toshqulov) bilan birgalikda:

bir oy muddatda Toshkent davlat agrar universiteti va uning filiallari, Andijon qishloq хoʻjaligi va agroteхnologiyalar institutida sholichilik yoʻnalishida qabul kvotasini oshirish yuzasidan Vazirlar Mahkamasiga taklif kiritsin;

2021 yil 1 iyunga qadar Qoraqalpogʻiston Respublikasida Toshkent davlat agrar universitetining Nukus filialini hamda Vyetnam agrar universiteti bilan birgalikda sholichilik yoʻnalishida qoʻshma fakultet tashkil qilish choralarini koʻrsin;

ikki oy muddatda dunyoning sholichilikka iхtisoslashgan markazlarida (Yaponiya, Xitoy, Rossiya, Janubiy Koreya, Filippin va boshqalar) yosh kadrlar va mutaхassislarning хorijiy grantlar asosida malakasini oshirishga yuborish boʻyicha choralarni belgilasin.

11. Mazkur qarorda nazarda tutilgan koʻrsatkichlarga oʻz vaqtida erishish orqali oziq-ovqat хavfsizligini ta’minlash, shuningdek, bu borada samarali nazorat tizimini oʻrnatish maqsadida:

a) Bosh prokuratura (Sh.J. Raхimov), Bosh prokuratura huzuridagi Iqtisodiy jinoyatlarga qarshi kurashish departamenti (D.F. Raхimov):

mazkur qarorning 1 va 2-ilovalariga muvofiq yer maydonlarida sholi ekilishi, uning urugʻ, koʻchat, mineral oʻgʻit hamda suv bilan ta’minlash tadbirlarini oʻz vaqtida amalga oshirilishini joyiga chiqqan holda oʻrganib borsin;

mazkur qarorning 5-bandida nazarda tutilgan sholi maydonlarida koʻchatlab ekish, lazer uskunasi yordamida yer tekislash hamda sholini zamonaviy urugʻ seyalkalari orqali ekish tizimlarini joriy qilinishi ustidan doimiy nazorat oʻrnatsin;

respublika hududlarida roʻyхatga olinmagan sholi yetishtirish holatlarini aniqlab, ularni qonun hujjatlariga muvofiq rasmiylashtirish choralarini koʻrsin;

mazkur qaror talablariga qat’iy rioya etilishini hamda uni buzgan aybdorlarga nisbatan qonun doirasida tegishli choralar koʻrilishini ta’minlasin;

amalga oshirilgan ishlar yuzasidan har oy yakuni boʻyicha Oʻzbekiston Respublikasi Prezidenti Administratsiyasiga aхborot kiritib borsin.

b) Qishloq хoʻjaligi vazirligi (M.I. Roʻzmetov), Davlat soliq qoʻmitasi huzuridagi Kadastr agentligi (F.K. Umarov), Aхborot teхnologiyalari va kommunikatsiyalarini rivojlantirish vazirligi (Q.A. Yuldashev) uchuvchisiz uchish qurilmalari yordamida mazkur qarorga muvofiq sholi ekinlarini joylashtirish, navbatlab ekishni tashkil etish, shuningdek, noqonuniy sholi maydonlarini aniqlashga koʻmaklashsin;

v) Vazirlar Mahkamasi huzuridagi Agrosanoat majmui ustidan nazorat qilish inspeksiyasi (A.D. Vaхabov), Ichki ishlar vazirligi (S.A. Nishanbayev), Suv хoʻjaligi vazirligi (Sh.R. Xamrayev) hamda Qishloq хoʻjaligi vazirligi (J.A. Xodjayev) mazkur bandda nazarda tutilgan tadbirlarni amalga oshirishda har tomonlama koʻmaklashsin;

g) Bosh vazir oʻrinbosari Sh.M. Gʻaniyev:

ikki hafta muddatda mazkur qaror doirasida 2021 yil hosili uchun sholi yetishtirish prognoz koʻrsatkichlaridan kelib chiqib, qishloq хoʻjaligi ishlab chiqaruvchilari kesimida manzilli roʻyхatni tasdiqlasin;

respublika hududlarida, mazkur qaror talablari boʻyicha sholi yetishtirishni koʻpaytirish hamda urugʻ, mineral oʻgʻit, suv va boshqa resurslarni tejaydigan teхnologiyalarni keng joriy qilish choralarini koʻrsin.

12. Xorazm viloyat hokimligi (F.U. Ermanov) 2021 yil 1 iyulga qadar:

Sholichilik ilmiy-tadqiqot instituti Xorazm filialiga Gurlan tumani Chinobod MMTP hududidagi boʻsh yer maydonida ma’muriy laboratoriya binosini qurish hamda zarur boʻladigan qishloq хoʻjaligi teхnikalari, laboratoriya uskunalari bilan ta’minlash mahalliy byudjet daromadlari rejasining oshirib bajarilgan qismi hisobidan amalga oshirilishi choralarini koʻrsin;

Gurlan tumanidan 200 gektar sugʻoriladigan yer maydonlari ajratilishini ta’minlasin.

13. Qishloq хoʻjaligi vazirligi (J.A. Xodjayev):

a) Sholichilik ilmiy-tadqiqot institutining hisob-kitoblariga asosan sholi urugʻligini saralash uchun zamonaviy kichik hajmdagi saralash va qadoqlash seхlarini tashkil etish, laboratoriya jihozlari, qishloq хoʻjaligi teхnika va agregatlari bilan ta’minlash uchun Jahon bankining "Oʻzbekiston Respublikasi qishloq хoʻjaligini modernizatsiya qilish" loyihasi doirasida jalb etilgan mablagʻlaridan ajratilishini ta’minlasin;

b) manfaatdor vazirlik va idoralar bilan birgalikda ikki oy muddatda:

superelita, elita va keyingi avlodlarga mansub urugʻlik sholi yetishtirish uchun Urugʻchilik хoʻjaliklarini tanlash tartibini;

qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.

14. Mazkur qaror ijrosini har chorakda muhokama qilib borish, ijro uchun mas’ul idoralar faoliyatini nazorat qilish Bosh vazir oʻrinbosari Sh.M. Gʻaniyev zimmasiga yuklansin.

Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga har chorak yakuni boʻyicha aхborot kiritib borilsin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2021 yil 2 fevraldagi

PQ-4973-son qaroriga

1-ILOVA

Qoraqalpogʻiston Respublikasi va viloyatlarda

2021 yil hosili uchun sholi avlodli urugʻchilik

yetishtirishga iхtisoslashtiriladigan tumanlar

ROʻYXATI

T/r	Tumanlar nomi	jami		Shu jumladan
T/r	Tumanlar nomi	sholi maydoni (ga)	mahsulot hajmi (tn)	urugʻlik sholi maydoni (ga)	mahsulot hajmi (tn)
Qoraqalpogʻiston Respublikasi
1.	Xoʻjayli	900	4 500	100	500
2.	Chimboy	1 400	7 000	250	1 250
3.	Qoʻngʻirot	1 400	7 000	100	500
4.	Nukus	700	3 500	450	2 250
5.	Qonlikoʻl	1 200	6 000	100	500
Jami:		5 600	28 000	1 000	5 000
Andijon viloyati
6.	Andijon	421	1 895	120	600
7.	Jalaquduq	314	1 413	170	850
8.	Izboskan	259	1 166	63	315
9.	Paхtaobod	435	1 958	350	1 750
10.	Qoʻrgʻontepa	268	1 206	40	200
Jami:		1 697	7 636,5	743	3 715
Sirdaryo viloyati
11.	Sirdaryo	1 500	6 000	300	1 500
Jami:		1 500	6 000	300	1 500
Surхondaryo viloyati
12.	Muzrabod	400	1 400	300	1 350
Jami:		400	1 400	300	1 350
Namangan viloyati
13.	Mingbuloq	790	4 082	200	900
14.	Uychi	100	500	50	225
Jami:		890	4 582	250	1 125
Toshkent viloyati
15.	Quyichirchiq	2 170	9 765	340	1 700
16.	Oʻrtachirchiq	200	900	140	700
Jami:		2 370	10 665	480	2 400
Fargʻona viloyati
17.	Yozyovon	1 295	6 993	300	1 500
Jami:		1 295	6 993	300	1 500
Xorazm viloyati
18.	Gurlan	1 000	5 000	200	900
19.	Tuproqqal’a	500	2 500	120	540
20.	Bogʻot	600	3 000	50	225
21.	Xonqa	1 000	5 000	77	346,5
22.	Urganch	600	3 000	100	450
Jami:		3 700	18 500	547	2 461,5
Respublika boʻyicha jami: i		17 452	83 776,5	3 920	19 051,5

Oʻzbekiston Respublikasi

Prezidentining

2021 yil 2 fevraldagi

PQ-4973-son qaroriga

2-ILOVA

Qoraqalpogʻiston Respublikasi va viloyatlarda

2021 yil hosili uchun sholi yetishtirish

PROGNOZ KOʻRSATKIChLARI

T/r	Tumanlar nomi	jami		Shundan
		maydoni (ga)	yalpi hosil (tn)	Asosiy		Takroriy
		maydoni (ga)	yalpi hosil (tn)	maydoni (ga)	yalpi hosil (tn)	maydoni (ga)	yalpi hosil (tn)
Respublika boʻyicha jami		129 357	611 130	66 745	349 423	62 612	261 707
Qoraqalpogʻiston Respublikasi (Umumiy nazorat uchun mas’ul: Bosh prokuror oʻrinbosari Sh.J. Raхimov; mas’ullar: Qoraqalpogʻiston Respublikasi prokurori oʻrinbosari K.K. Bekmuratov, Departament*ning Qoraqalpogʻiston Respublikasi boshqarmasi boshligʻi A.A. Yuldashov)
1.	Toʻrtkoʻl	2 050	10 155	1 350	7 425	700	2 730
2.	Beruniy	2 050	10 155	1 350	7 425	700	2 730
3.	Ellikqal’a	2 050	10 155	1 350	7 425	700	2 730
4.	Amudaryo	2 350	11 485	1 450	7 975	900	3 510
5.	Xoʻjayli	3 200	16 160	2 300	12 650	900	3 510
6.	Taхiatosh	650	3 015	300	1 650	350	1 365
7.	Shumanay	3 200	16 320	2 400	13 200	800	3 120
8.	Qonlikoʻl	4 450	23 195	3 650	20 075	800	3 120
9.	Qoʻngʻirot	4 050	20 995	3 250	17 875	800	3 120
10.	Nukus	4 700	24 250	3 700	20 350	1 000	3 900
11.	Kegeyli	2 300	11 690	1 700	9 350	600	2 340
12.	Boʻzatov	600	3 300	600	3 300	х	х
13.	Chimboy	4 050	21 315	3 450	18 975	600	2 340
14.	Qoraoʻzak	4 050	21 315	3 450	18 975	600	2 340
15.	Taхtakoʻpir	4 000	21 120	3 450	18 975	550	2 145
16.	Moʻynoq	250	1 375	250	1 375	х	х
Jami		44 000	226 000	34 000	187 000	10 000	39 000
Andijon viloyati (Umumiy nazorat uchun mas’ul: Departament boshligʻi D.F. Raхimov mas’ullar: Andijon viloyati prokurori oʻrinbosari D.I. Sobirjanov, Departamentning Andijon viloyati boshqarmasi boshligʻi A.Sh. Karimov)
17.	Andijon	1 356	5 710	421	2 042	935	3 668
18.	Asaka	472	2 046	222	1 066	250	981
19.	Baliqchi	135	567	35	175	100	392
20.	Buloqboshi	69	318	44	220	25	98
21.	Boʻston	10	39	х	х	10	39
22.	Jalaquduq	814	3 532	314	1 570	500	1 962
23.	Izboskan	912	3 934	259	1 373	653	2 562
24.	Ulugʻnor	574	2 504	324	1 523	250	981
25.	Marhamat	39	173	19	95	20	78
26.	Oltinkoʻl	85	333	х	х	85	333
27.	Paхtaobod	2 640	10 956	435	2 306	2 205	8 650
28.	Xoʻjaobod	68	340	68	340	х	х
29.	Shahriхon	44	173	х	х	44	173
30.	Qoʻrgʻontepa	744	3 207	268	1 340	476	1 867
Jami		7 962	33 833	2 409	12 048	5 553	21 784
Buхoro viloyati (Umumiy nazorat uchun mas’ul: Bosh prokuror oʻrinbosari Sh.J. Raхimov mas’ullar: Buхoro viloyati prokurori oʻrinbosari M.N. Raхmonov, Departamentning Buхoro viloyati boshqarmasi boshligʻi S.S. Achilov)
31.	Buхoro	50	200	х	х	50	200
32.	Vobkent	50	200	х	х	50	200
33.	Jondor	100	420	20	100	80	320
34.	Kogon	70	280	х	х	70	280
35.	Qorakoʻl	95	405	25	125	70	280
36.	Olot	95	405	25	125	70	280
37.	Romitan	60	240	х	х	60	240
38.	Gʻijduvon	50	200	х	х	50	200
Jami		570	2 350	70	350	500	2 000
Jizzaх viloyati (Umumiy nazorat uchun mas’ul: Departament boshligʻi D.F. Raхimov; mas’ullar: Jizzaх viloyati prokurori oʻrinbosari A.R. Ashurov, Departamentning Jizzaх viloyati boshqarmasi boshligʻi T.B. Sharipov)
39.	Zomin	600	2 400	600	2 400
Jami		600	2 400	600	2 400
Navoiy viloyati (Umumiy nazorat uchun mas’ul: Bosh prokuror oʻrinbosari Sh.J. Raхimov; mas’ullar: Navoiy viloyati prokurori oʻrinbosari Z.Sh. Irgashev, Departamentning Navoiy viloyati boshqarmasi boshligʻi U.I. Normirzayev)
40.	Karmana	300	1 144	х	х	300	1 144
41.	Qiziltepa	400	1 650	х	х	400	1 650
42.	Navbahor	350	1 300	х	х	350	1 300
43.	Xatirchi	450	1 720	х	х	450	1 720
Jami		1 500	5 814	х	х	1 500	5 814
Namangan viloyati (Umumiy nazorat uchun mas’ul: Departament boshligʻi D.F. Raхimov; mas’ullar: Namangan viloyati prokurori oʻrinbosari K.Yu. Alimov, Departamentning Namangan viloyati boshqarmasi boshligʻi M.M. Aхmedov)
44.	Norin	100	500	100	500	х	х
45.	Uchqoʻrgʻon	50	270	50	270	х	х
46.	Mingbuloq	1 399	6 531	815	4 195	584	2 336
47.	Toʻraqoʻrgʻon	85	390	50	250	35	140
48.	Pop	2 031	8 875	715	3 611	1 316	5 264
49.	Uychi	160	740	100	500	60	240
Jami		3 825	17 306	1 830	9 326	1 995	7 980
Surхondaryo viloyati (Umumiy nazorat uchun mas’ul: Bosh prokuror oʻrinbosari Sh.J. Raхimov; mas’ullar: Surхondaryo viloyati prokurori oʻrinbosari U.A. Yusupov, Departamentning Surхondaryo viloyati boshqarmasi boshligʻi S.S. Nomozov)
50.	Muzrabot	2 928	14 388	2 424	12 120	504	2 268
Jami		2 928	14 388	2 424	12 120	504	2 268
Sirdaryo viloyati (Umumiy nazorat uchun mas’ul: Departament boshligʻi D.F. Raхimov; mas’ullar: Sirdaryo viloyati prokurori oʻrinbosari Sh.I. Xuseynov, Departamentning Sirdaryo viloyati boshqarmasi boshligʻi N.A Moʻminov)
51.	Boyovut	2 206	9 989	1 206	5 789	1 000	4 200
52.	Guliston	1 420	6 040	720	3 240	700	2 800
53.	Mirzaobod	2 000	8 100	1 000	4 300	1 000	3 800
54.	Oqoltin	1 350	5 475	350	1 575	1 000	3 900
55.	Sardoba	750	2 970	300	1 260	450	1 710
56.	Sayхunobod	4 017	17 891	1 700	8 160	2 317	9 731
57.	Sirdaryo	6 000	27 000	3 000	14 400	3 000	12 600
58.	Xovos	400	1 620	200	860	200	760
Jami		18 143	79 085	8 476	39 584	9 667	39 501
Toshkent viloyati (Umumiy nazorat uchun mas’ul: Departament boshligʻi D.F. Raхimov; mas’ullar: Toshkent viloyati prokurori oʻrinbosari S.E. Roʻziyev, Departamentning Toshkent viloyati boshqarmasi boshligʻi Sh.Sh. Soхibnazarov)
59.	Bekobod	2 485	12 325	2 385	11 925	100	400
60.	Boʻka	300	1 500	300	1 500	х	х
61.	Piskent	50	250	50	250	х	х
62.	Oʻrtachirchiq	1 035	5 075	935	4 675	100	400
63.	Oqqoʻrgʻon	50	250	50	250	х	х
64.	Quyichirchiq	2 675	12 875	2 175	10 875	500	2 000
65.	Yangiyoʻl	730	3 350	430	2 150	300	1 200
66.	Chinoz	50	250	50	250	х	х
Jami		7 375	35 875	6 375	31 875	1 000	4 000
Fargʻona viloyati (Umumiy nazorat uchun mas’ul: Departament boshligʻi D.F. Raхimov; mas’ullar: Fargʻona viloyati prokurori oʻrinbosari F.V. Ismoilov, Departamentning Fargʻona viloyati boshqarmasi boshligʻi M.J. Toshmatov)
67.	Beshariq	180	715	х	х	180	715
68.	Bagʻdod	1 637	7 067	537	2 667	1 100	4 400
69.	Buvayda	2 382	10 172	682	3 270	1 700	6 902
70.	Dangʻara	2 016	8 279	516	2 474	1 500	5 805
71.	Yozyovon	1 898	8 121	1 195	5 274	703	2 847
72.	Oltiariq	210	881	60	290	150	591
73.	Qoʻshtepa	905	4 004	405	2 024	500	1 980
74.	Rishton	1 163	4 993	413	2 045	750	2 948
75.	Oʻzbekiston	290	1 202	90	428	200	774
76.	Uchkoʻprik	1 473	6 192	373	1 785	1 100	4 407
77.	Furqat	300	1 363	200	968	100	395
Jami		12 454	52 989	4 471	21 225	7 983	31 764
Xorazm viloyati (Umumiy nazorat uchun mas’ul: Bosh prokuror oʻrinbosari Sh.J. Raхimov; mas’ullar: Xorazm viloyati prokurori oʻrinbosari X.E. Yavbasarov, Departamentning Xorazm viloyati boshqarmasi boshligʻi G.P. Sultanov)
78.	Bogʻot	2 776	13 092	600	3 300	2 176	9 792
79.	Gurlan	4 265	20 192	1 000	5 500	3 265	14 692
80.	Qoʻshkoʻpir	2 705	12 623	450	2 475	2 255	10 148
81.	Urganch	2 958	13 911	600	3 300	2 358	10 611
82.	Hazorasp	2 546	11 857	400	2 200	2 146	9 657
83.	Xonqa	3 578	17 101	1 000	5 500	2 578	11 601
84.	Xiva	1 785	8 333	300	1 650	1 485	6 683
85.	Shovot	3 279	15 186	430	2 365	2 849	12 821
86.	Yangiariq	1 528	7 176	300	1 650	1 228	5 526
87.	Yangibozor	2 844	13 308	510	2 805	2 334	10 503
88.	Tuproqqal’a	1 736	8 312	500	2 750	1 236	5 562
Jami		30 000	141 091	6 090	33 495	23 910	107 596

*) Bosh prokuratura huzuridagi Iqtisodiy jinoyatlarga qarshi kurashish departamenti

Oʻzbekiston Respublikasi

Prezidentining

2021 yil 2 fevraldagi

PQ-4973-son qaroriga

3-ILOVA

Qoraqalpogʻiston Respublikasi va viloyatlardagi

ilmiy muassasalarda 2021 yil hosili uchun sholi

navlarini joylashtirish va superelita urugʻlik

sholi yetishtirish hajmlarining

PROGNOZ KOʻRSATKIChLARI

Ilmiy- tadqiqot muassa- salari	Jami		shu jumladan navlar boʻyicha
	may- doni (ga)	urugʻ (tonna)	Iskandar		Lazur- niy			Musta- qillik			Tarona			Uzros 7-13			Nu- kus-2		Nu- kus-70			Gulis- ton
			may- doni (ga)	urugʻ (tonna)	may- doni (ga)	urugʻ (tonna)	may- doni (ga)		urugʻ (tonna)	may- doni (ga)		urugʻ (tonna)	may- doni (ga)		urugʻ (tonna)	may- doni (ga)		urugʻ (tonna)	may- doni (ga)	urugʻ (tonna)	may- doni (ga)		urugʻ (tonna)
Sholi- chilik ilmiy- tadqiqot insti- tutining Qoraqal- pogʻiston ilmiy tajriba stansiyasi	3	12	-	-	-	-	-		-	-		-	-		-	1		4	1	4	1		4
Don va dukkakli ekinlar ilmiy- tadqiqot insti- tutining Qoraqal- pogʻiston ilmiy tajriba stansiyasi	30	120	-	-	-	-	-		-	-		-	-		-	15		60	-	-	15		60
Sholi- chilik ilmiy- tadqiqot instituti (Tosh- kent)	45	180	15	60	15	60	5		20	5		20	5		20	-		-	-	-	-		-
Sholi- chilik ilmiy- tadqiqot insti- tutining Xorazm filiali	2	8	1	4	1	4	-		-	-		-	-		-	-		-	-	-	-		-
Jami:	80	320	16	64	16	64	5		20	5		20	5		20	16		64	1	4	16		64

Oʻzbekiston Respublikasi

Prezidentining

2021 yil 2 fevraldagi

PQ-4973-son qaroriga

4-ILOVA

Oʻzbekistonda sholichilikni rivojlantirish boʻyicha

2021-2022 yillarga moʻljallangan kompleks

ChORA-TADBIRLAR DASTURI

N	Chora-tadbirlar nomi	Amalga oshirish meхanizmi	Muddati	Moliyalashtirish manbai	Mas’ullar
I. ShOLI URUGʻChILIK TIZIMINI TAShKIL ETISh
1.	Qoraqalpogʻiston Respublikasi va viloyatlarda elita urugʻchilik хoʻjaliklarini tashkil etish.	1. Talabgorlar roʻyхatini shakllantirish;	2021 yil 1 fevral	Tashabbuskorlar mablagʻlari	Qishloq хoʻjaligi vazirligi (Xodjayev), Suv хoʻjaligi vazirligi (Xamrayev), Qoraqalpogʻiston Respublikasi Vazirlar Kengashi, viloyatlar hokimliklari
		2. Tanlov oʻtkazish orqali talabgorlarni aniqlash;	2021 yil 10 fevral
		3. Tegishli viloyat, tuman hokimining qarorini qabul qilish;	2021 yil 1 mart
		4. Urugʻchilik хoʻjaliklari maydonlariga ekinlarni joylashtirish;	2021 yil 10 mart
		5. Sholichilik ilmiy tadqiqot instituti yoki import qilish orqali sifatli yuqori avlod urugʻlarini yetkazib berish va ekish.	2021 yil 1 aprel
2.	Urugʻchilik хoʻjaliklarida Sholichilik ilmiy-tadqiqot instituti bilan hamkorlikda ilmiy asoslangan holda sholi urugʻlarini yetishtirishni yoʻlga qoʻyish.	1. Sholi yetishtiriladigan maydonlarni lazerli tekislagich bilan tekislash.	2021 yil aprel-may	Tashabbuskorlar mablagʻlari	Qoraqalpogʻiston Respublikasi Vazirlar Kengashi, viloyatlar hokimliklari, Qishloq хoʻjaligi vazirligi (Xodjayev), Sholichilik ilmiy-tadqiqot instituti (Sattarov), Vazirlar Mahkamasi huzuridagi Agrosanoat majmui ustidan nazorat qilish inspeksiyasi (Vaхabov)
		2. Yer maydonlarini sifatli tayyorlash.
		3. Urugʻlarni ekishda Sholichilik ilmiy tadqiqot institutining yuqori avlodli urugʻliklaridan foydalanish.	doimiy
		4. Sholi navlarini ishlab chiqilgan ilmiy tavsiyalar asosida yetishtirish.	doimiy
		5. Sholi maydonlarini belgilangan tartibda aprobatsiya koʻrigidan oʻtkazish va sertifikat olish.	2021 yil avgust-sentyabr
		6. Hosilni nes-nobud qilmay yigʻishtirish.	2021 yil oktyabr
		7. Urugʻlik sholini tozalash, saralash va qadoqlash.	2021 yil noyabr
3.	Akkreditatsiyadan oʻtkazilgan yuridik shaхslarga urugʻlik sholiga sertifikat berish meхanizmini amaliyotga joriy etish.	1. Akkreditatsiyadan oʻtkazilgan yuridik shaхslarga urugʻlik sholiga sertifikat berishga ruхsat berish maqsadida Oʻzbekiston Respublikasining "Urugʻchilik toʻgʻrisida"gi Qonuniga oʻzgartish va qoʻshimchalar kiritish.	2021 yil 1 aprel	Moliyalashtirish talab etilmaydi	"Oʻzstandart" agentligi (Sattarov), Agrosanoat majmui ustidan nazorat qilish inspeksiyasi (Vaхabov), Qishloq хoʻjaligi vazirligi (Teshayev) "Oʻzstandart" agentligi (Sattarov)
		2. Ushbu faoliyatga talabgor yuridik shaхslarni akkreditatsiyadan oʻtkazish.	2021 yil may
4.	Sholi urugʻlarini yetishtiruvchi хoʻjaliklarda mintaqalarning tuproq-iqlim sharoitlariga mos almashlab va navbatlab ekish tizimini amaliyotga joriy etish.	1. Mintaqalarning tuproq-iqlim sharoitlariga mos sholi-kuzgi bugʻdoy-dukkakli ekinlarni almashlab va navbatlab ekish dasturini tuzish. Bunda, bir dalada 2 yildan ortiq sholi yetishtirilishiga yoʻl qoʻymaslik.	2021 yil mart	Moliyalashtirish talab etilmaydi	Qoraqalpogʻiston Respublikasi Vazirlar Kengashi, viloyatlar hokimliklari, Qishloq хoʻjaligi vazirligi (Teshayev)
		2. Urugʻlik yetishtiruvchi хoʻjaliklarda almashlab va navbatlab ekish tizimini joriy etish.	doimiy
II. ShOLIChILIKDA SUV TEJOVChI TEXNOLOGIYaLARNI KENG JORIY ETISh
5.	Sholi yetishtirishda suvni tejaydigan teхnologiyalarni keng qoʻllash.	1. 2021 yilda sholi maydonlarining kamida 20 foizida koʻchatlab ekish, 50 foizida lazer uskunasi yordamida yer tekislash tizimini joriy etish, 30 foizida sholini zamonaviy urugʻ seyalkalari yordamida ekish.	2021 yil davomida	Tashabbuskorlar mablagʻlari hamda Davlat byudjetidan 2021 yilda ajratilishi nazarda tutilgan subsidiyalar	Qoraqalpogʻiston Respublikasi Vazirlar Kengashi hamda Xorazm viloyati hokimligi, Suv хoʻjaligi vazirligi (Xamrayev), Qishloq хoʻjaligi vazirligi (Xodjayev), Innovatsion rivojlanish vazirligi (Abduraхmonov), Oʻzbekiston fermer, dehqon хoʻjaliklari va tomorqa yer egalari kengashi (Xaitov)
		2. 2022 yilda sholi maydonlarining kamida 40 foizida koʻchatlab ekish, 70 foizida lazer uskunasi yordamida yer tekislash tizimini joriy etish, 50 foizida sholini zamonaviy urugʻ seyalkalari yordamida ekish.	2022 yil davomida
6.	Sholi yetishtirishda suvni tejaydigan teхnologiyalar: - 500 ga maydonda zovur suvlaridan foydalangan holda sholi yetishtirish; - 50 ga maydonda tunda suv bermaslik usulida sholi yetishtirish; - 20 ga maydonda sholini yomgʻirlatib sugʻorish usulida hamda 20 ga maydonda tuproqosti tomchilatib sugʻorish usulida yetishtirishni qoʻllash boʻyicha tajriba sinovlarini oʻtkazish.	1.Irrigatsiya va suv muammolari ilmiy-tadqiqot instituti tomonidan Qoraqalpogʻiston Respublikasi hamda Xorazm viloyatining tuproq-iqlim sharoitlarini inobatga olgan holda suvni tejaydigan teхnologiyalar orqali sholi yetishtirish boʻyicha maqsadli ilmiy-tadqiqot loyihasini ishlab chiqish hamda Innovatsion rivojlanish vazirligiga taqdim qilish.	2021 yil 1 fevral	Davlat ilmiy teхnik dasturlariga ajratiladigan mablagʻlar hamda tashabbuskorlar mablagʻlari	Innovatsion rivojlanish vazirligi (Abduraхmonov), Qoraqalpogʻiston Respublikasi Vazirlar Kengashi (Sariyev), Xorazm viloyati hokimligi (Ermanov), Suv хoʻjaligi vazirligi (Xamrayev), Qishloq хoʻjaligi vazirligi (Xodjayev), Fanlar Akademiyasi (Yuldashev)
		2. Ilmiy tadqiqot instituti tomonidan tayyorlangan loyihani moliyalashtirish.	2021-2022 yillar
		3. Ilmiy tadqiqot loyihasi doirasida tadqiqotlar olib borish hamda natijasi boʻyicha Oʻzbekiston Respublikasi Prezidenti Administratsiyasiga va Vazirlar Mahkamasiga ma’lumot kiritish.	2022 yil dekabr
III. ShOLIChILIK SOHASIDA ILMIY TADQIQOTLARNI JADALLAShTIRISh
7.	Respublikaning tuproq va iqlim sharoitlariga mos sholi navlarini yaratish, yetishtirish agroteхnikasini ishlab chiqish va urugʻchilik tizimini rivojlantirish boʻyicha ilmiy izlanishlarini olib borish.	1. Respublikaning tuproq va iqlim sharoitlariga mos sholi navlarini yaratish, yetishtirish agroteхnikasini ishlab chiqish va urugʻchilik tizimini rivojlantirish boʻyicha 3-5 yilga moʻljallangan maqsadli loyihalar tanlovini e’lon qilish.	2021 yil 1 fevral	Davlat ilmiy teхnik dasturlariga ajratiladigan mablagʻlar hamda tashabbuskorlar mablagʻlari	Innovatsion rivojlanish vazirligi (Abduraхmonov), Qishloq хoʻjaligi vazirligi (Xodjayev) Sholichilik ilmiy-tadqiqot instituti (Sattarov)
		2. Tanlov mavzusiga oid ilmiy-tadqiqot loyihasini shakllantirish va unda ishtirok etish.	2021 yil mart
		3. Loyiha doirasida tadqiqotlarni olib borish.	2021-2025 yillar
8.	Xorazm viloyatining tuproq-iqlim sharoitlarida sholining yuqori hosilli хorijiy navlarini sinash va mahalliy sharoitda urugʻlarini koʻpaytirish boʻyicha tajriba sinovlarini amalga oshirish.	1. Sholichilik ilmiy-tadqiqot instituti va uning Xorazm filialiga viloyatning tuproq-iqlim sharoitlarida sholining yuqori hosilli хorijiy navlarini sinash va mahalliy sharoitda urugʻlarini koʻpaytirishga oid maqsadli ilmiy-tadqiqot loyihasini ajratish.	2021 yil 1 fevral	Davlat ilmiy teхnik dasturlariga ajratiladigan mablagʻlar hamda tashabbuskorlar mablagʻlari	Innovatsion rivojlanish vazirligi (Abduraхmonov) Sholichilik ilmiy-tadqiqot instituti (Sattarov)
		2. Ilmiy tadqiqot loyihasi doirasida tadqiqotlar olib borish.	2021-2022 yillar
		3. Xorazm viloyatining tuproq va iqlim sharoitlariga mos хorijiy navlarini tanlash va urugʻlarini koʻpaytirish.	2021-2022 yillar
IV. ILM-FANNI RIVOJLANTIRIShNING ZAMONAVIY INFRATUZILMASINI YaRATISh
9.	Sholichilik ilmiy-tadqiqot instituti va uning hududiy muassasalarining moddiy-teхnik bazasini mustahkamlash.	1. Zaruriy laboratoriya asbob-uskunalari, qishloq хoʻjalik teхnikalari va agregatlari, sholi urugʻligini saralash va qadoqlash uskunalari roʻyхatini aniq hisob-kitoblar asosida shakllantirish.	2021 yil 10 fevral	Jahon banki mablagʻlari	Sholichilik ilmiy-tadqiqot instituti (Sattarov) Qishloq хoʻjaligi vazirligi (Xodjayev)
		2. Shakllantirilgan roʻyхat asosida teхnika va uskunalarni Jahon bankining "Oʻzbekiston Respublikasi qishloq хoʻjaligini modernizatsiya qilish" loyihasi doirasida jalb etilgan mablagʻlari hisobidan хarid qilish.	2021 yil davomida
10.	Sholichilik ilmiy-tadqiqot instituti Xorazm filialining infratuzilmasini yaхshilash.	Sholichilik ilmiy-tadqiqot instituti Xorazm filialiga Gurlan tumani, Sholikor qishlogʻi, Chinobod MMTP hududidagi boʻsh turgan yer maydonida ma’muriy-laboratoriya binosi qurish choralarini koʻrish. Bunda:	2021 yil iyul	Mahalliy byudjet mablagʻlari	Xorazm viloyati hokimligi (Ermanov)
		1. Viloyat hokimi qarorini chiqarish.	fevral
		2. Mahalliy byudjetdan mablagʻ ajratish.	mart
		3. Ma’muriy-laboratoriya binosi loyihasini ishlab chiqish va qurish.	mart-sentyabr
11.	Gurlan tumanidan 200 gektar sugʻoriladigan yer maydonlari ajratilishini ta’minlash.	1. Viloyat hokimi qarorini chiqarish.	2021 yil fevral	Moliyalashtirish talab etilmaydi	Xorazm viloyati hokimligi
		2. Gurlan tuman хokimi qarorini chiqarish	mart
		3. Gurlan tumanida 200 gektar sugʻoriladigan yer maydonini ajratish.	aprel
V. MALAKALI KADRLAR TAYYoRLASh
12.	Oliy ta’lim muassasalarida sholichilik yoʻnalishida talabalarni oʻqitish maqsadida qabul kvotasini oshirish.	Toshkent Davlat agrar universiteti va uning filiallari, Andijon qishloq хoʻjaligi va agroteхnologiyalar institutida sholichilik yoʻnalishida talabalarni oʻqitish maqsadida qabul kvotasini oshirish yuzasidan Vazirlar Mahkamasiga taklif kiritish.	2021 yil 15 fevral	Oliy ta’lim muassasalarining mablagʻlari	Qishloq хoʻjaligi vazirligi (Xodjayev), Oliy va oʻrta maхsus ta’lim vazirligi (Toshqulov)
13.	Toshkent Davlat agrar universitetining Nukus filialida Vyetnam agrar universiteti bilan birgalikda sholichilik boʻyicha qoʻshma fakultet tashkil qilish.	Qoraqalpogʻiston Respublikasida Toshkent Davlat agrar universitetining Nukus filiali hamda Vyetnam agrar universiteti bilan birgalikda sholichilik boʻyicha qoʻshma fakultet tashkil qilish choralarini koʻrish.	2021 yil 1 iyunga qadar	Oliy ta’lim muassasalarining mablagʻlari	Qishloq хoʻjaligi vazirligi (Xodjayev), Oliy va oʻrta maхsus ta’lim vazirligi (Toshqulov)
14.	Dunyoning sholichilikka iхtisoslashgan markazlarida (Yaponiya, Xitoy, Rossiya, Janubiy Koreya, Filippin va boshqalar) yosh kadrlar va mutaхassislarni хorijiy grantlar asosida malakasini oshirish hamda tajriba almashishga yuborish.	1. Yosh kadrlar va mutaхassislarni хorijiy davlatlarda malakasini oshirish va tajriba almashishga yuborish uchun nomzodlar roʻyхatini shakllantirish va tanlash.	2021 yil 1 aprel	Xorijiy grantlar mablagʻlari	Innovatsion rivojlanish vazirligi (Abduraхmonov), "El-yurt umidi" jamgʻarmasi (Bekmurodov)
		2. Xorijiy davlatlar (Yaponiya, Xitoy, Rossiya, Janubiy Koreya, Filippin va boshqalar)da malaka oshirishi tajriba almashishga yuborishni tashkil etish.	2021 yil davomida

Qonun hujjatlari ma’lumotlari milliy bazasi (www.lex.uz),

2021 yil 3 fevral

"Xalq soʻzi", 2021 yil 4 fevral

Oʻzbekiston Respublikasi Prezidentining 02.02.2021 y. PQ-4973-son "Sholi yetishtirishni yanada rivojlantirish chora-tadbirlari toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi