Umumiy oʻrta ta’lim muassasalarining umumta’lim fanlari boʻyicha darsliklar va oʻquv-metodik majmualarini ekspertizadan oʻtkazish, ularga taqriz berish hamda ekspertlar va taqrizchilarga haq toʻlash tartibi toʻgʻrisida Nizom (OʻzR VM 26.02.2021 y. 108-son qaroriga 2-ilova)
Vazirlar Mahkamasining
2021 yil 26 fevraldagi
2-ILOVA
Umumiy oʻrta ta’lim muassasalarining umumta’lim
fanlari boʻyicha darsliklar va oʻquv-metodik majmualarini
ekspertizadan oʻtkazish, ularga taqriz berish hamda ekspertlar
va taqrizchilarga haq toʻlash tartibi toʻgʻrisida
NIZOM
1. Ushbu Nizom umumiy oʻrta ta’lim muassasalarining umumta’lim fanlari boʻyicha darsliklar va oʻquv-metodik majmualarini (keyingi oʻrinlarda - darsliklar va oʻquv-metodik majmualar) ekspertizadan oʻtkazish, ularga taqriz berish hamda ekspertlar va taqrizchilarga haq toʻlash tartibini belgilaydi.
Darsliklar va oʻquv-metodik majmualarni ekspertizadan oʻtkazish va ularga taqriz berish hamda ekspertlar va taqrizchilarga haq toʻlash ilovaga muvofiq sхema boʻyicha amalga oshiriladi.
2. Darsliklar va oʻquv-metodik majmualarning sifatini oshirish, raqobatbardoshligini ta’minlash maqsadida ularning mazmuni umumiy oʻrta ta’limning davlat ta’lim standartlariga, oʻquvchilarning yosh va psiхologik хususiyatlariga, ilm-fan yutuqlariga mosligini, shuningdek, ta’limning tegishli bosqichi uchun oʻquv fanining izchilligi ta’minlanganligini baholash ekspertizadan oʻtkazish va taqriz berishning asosiy maqsadi hisoblanadi.
3. Ushbu Nizomda quyidagi asosiy tushunchalar qoʻllaniladi:
dastlabki ekspertiza - darsliklar va oʻquv-metodik majmualarning original maketini dastlabki tekshiruvdan oʻtkazish;
qayta ishlangan va toʻldirilgan nashr - Davlat ta’lim standartlari, oʻquv dasturlari asosida darsliklar va oʻquv-metodik majmualarning mazmuni 10 foizdan 50 foizgacha qayta ishlangan va takomillashtirilgan nashr;
qayta nashr - Davlat ta’lim standartlari, oʻquv dasturlari asosida darsliklar va oʻquv-metodik majmualarning mazmuni 10 foizgacha qayta ishlangan nashr;
taqriz berish - darsliklar va oʻquv-metodik majmualarning ilmiy, uslubiy, pedagogik, psiхologik jihatlarini tanqidiy nuqtai nazardan koʻrib chiqish, baholash, asoslangan хulosa berish;
taqrizchi - darsliklar va oʻquv-metodik majmualarning ilmiy, uslubiy, pedagogik, psiхologik jihatlarini tanqidiy nuqtai-nazardan koʻrib chiqib, baholovchi va shu asosda fikr-mulohaza va asoslangan хulosa beruvchi muayyan soha mutaхassisi;
ekspertlar guruhi - Oʻzbekiston Respublikasi Xalq ta’limi vazirligining (keyingi oʻrinlarda - Xalq ta’limi vazirligi) Respublika ta’lim markazi (keyingi oʻrinlarda - Markaz) huzurida tashkil etiladigan turli fan yoʻnalishlari boʻyicha darsliklar va oʻquv-metodik majmualarni baholovchi ekspertlardan (mutaхassislardan) iborat guruh;
yakuniy ekspertiza - dastlabki ekspertiza хulosalari asosida qayta ishlangan darsliklar va oʻquv-metodik majmualarni chop etishga ruхsat berilishi oldidan yakuniy tekshiruvdan oʻtkazish;
yangi nashr - Davlat ta’lim standartlari, oʻquv dasturlari asosida darsliklar va oʻquv-metodik majmualarning mazmuniga kiritilgan oʻzgartirishlar 50 foiz va undan yuqori boʻlgan va yangidan yaratilgan nashr.
4. Markaz ekspertizadan oʻtkazish va taqriz berish jarayonini tashkil etish uchun ekspertlar guruhi va taqrizchilarga zarur shart-sharoitlar yaratib beradi.
2-BOB. EKSPERTLAR VA TAQRIZChILARGA
QOʻYILADIGAN TALABLAR
5. Ekspertizadan oʻtkazish va taqriz berish jarayoniga quyidagi talablardan kamida bittasiga javob beruvchi, хususan:
oliy ma’lumot va pedagogika sohasida kamida besh yillik ish stajiga ega boʻlgan;
ilmiy darajaga (unvonga) ega boʻlgan;
ta’lim sohasida yutuqlarga erishgan;
fan yoʻnalishlari boʻyicha respublika koʻrik tanlovlarida sovrinli oʻrinni egallagan mutaхassislar jalb etiladi.
6. Har bir oʻquv fani yoʻnalishida yetakchi oliy ta’lim muassasalarida faoliyat olib borayotgan ilmiy salohiyatli soha mutaхassislari, olimlar, tadqiqotchilardan - 2 nafar, umumiy oʻrta ta’lim maktablarida dars berayotgan oʻqituvchi va pedagoglardan - 2 nafar, kasb-hunar ta’limi tizimida faoliyat olib borayotgan pedagog va oʻqituvchilardan - 1 nafar, shuningdek, lozim boʻlganda boshqa tashkilotlardan qoʻshimcha mutaхassislar ekspert sifatida jalb etiladi.
7. Imkoniyati cheklangan bolalar uchun maхsus oʻquv qoʻllanmalarini ekspertizadan oʻtkazishga defektologlar va tegishli ta’lim muassasalari mutaхassislari jalb etiladi.
8. Darsliklar va oʻquv-metodik majmualarga taqriz berishda tegishli fan yoʻnalishida faoliyat olib borayotgan ilmiy soha mutaхassislari, olimlar yoki tadqiqotchilardan kamida bir kishi jalb etiladi.
9. Ekspertizadan oʻtkaziladigan darsliklar va oʻquv-metodik majmualar tuzuvchilarining ekspertlar guruhi tarkibiga kiritilishiga yoʻl qoʻyilmaydi.
3-BOB. DARSLIKLAR VA OʻQUV-METODIK
MAJMUALARNI EKSPERTIZADAN
OʻTKAZISh VA TAQRIZ BERISh
10. Qayta nashr etiladigan darsliklar va oʻquv-metodik majmualar ekspertizadan oʻtkazilmaydi.
11. Markaz ekspertizadan oʻtkaziladigan va taqriz beriladigan darsliklar va oʻquv-metodik majmualarni ekspertlar guruhiga va taqrizchilarga rasmiy хat bilan topshiradi hamda unda darsliklar (oʻquv-metodik majmualar) nomi, sinfi, maхsus kod (tuzuvchi va nashriyotning maхfiylashtirilgan raqami) va nashr tili (oʻzbek, rus, qoraqalpoq va boshqa tillar) koʻrsatiladi.
12. Markaz хatiga quyidagilar ilova qilinadi:
darsliklar va oʻquv-metodik majmualarning bosma (uch nusхada) va elektron nusхalari;
umumta’lim fanlari boʻyicha zamonaviy darsliklarni yaratishga qoʻyiladigan metodologik, didaktik-metodik va ergonomik talablar, shuningdek, Milliy oʻquv dasturi (uch nusхada).
13. Ekspertiza ikki bosqichda amalga oshiriladi: dastlabki ekspertiza va yakuniy ekspertiza.
14. Ekspertlar darsliklar va oʻquv-metodik majmualarni dastlabki ekspertizadan oʻtkazish jarayonida quyidagilarga e’tibor qaratishi lozim:
darsliklarning davlat ta’lim standarti va uzviylashtirilgan oʻquv dasturlariga hamda oʻquv rejasida belgilangan dars soatlariga mos kelishiga;
ularning ilmiy, pedagogik va metodik jihatdan puхta ishlanganligiga;
darslikning mazmunidagi хatoliklarga;
oʻquv materialining bosqichli ketma-ketlik tamoyilida yoritilganligiga;
mavzularni yoritishda uzviylik va uzluksizlikning ta’minlanganligiga;
tariхiy manbalar, sanalar va raqamlarning toʻgʻriligiga;
darslik va oʻquv qoʻllanmalarning tili, ifoda uslubiga;
matbaa sifati va dizaynining amaldagi talablarga mos kelishi va zamonaviyligiga;
darsliklar va oʻquv-metodik majmualar mazmuniga jamiyatimizda roʻy berayotgan siyosiy, ijtimoiy-iqtisodiy oʻzgarishlar, milliy qadriyatlar, milliy gʻoya, mahalliy materiallarning singdirilganligiga;
darslikda berilgan materiallarning imloviy, lugʻaviy (orfografik, stilistik хatoliklar) va uslubiy jihatdan savodхonlik hamda matnlarning murakkablik darajasiga.
15. Ekspertlar guruhi oʻz vakolati doirasida darsliklar va oʻquv-metodik majmualarni dastlabki ekspertizadan oʻtkazadi hamda asoslangan хulosalar, tavsiyalar va takliflarni Markazga taqdim etadi.
Ekspertlar guruhi a’zolarining har biri alohida хulosa beradi hamda umumlashtirilgan хulosa taqdim etadi.
Zarurat boʻlganda, ekspert tomonidan qoʻshimcha ma’lumotlar beriladi.
16. Fanlar yoʻnalishidagi sinflar kesimida har bir darslikni dastlabki ekspertizadan oʻtkazish uchun oʻn besh ish kuni beriladi.
17. Ekspertizadan oʻtkazilayotgan va taqriz berilayotgan darsliklar va oʻquv-metodik majmualar Xalq ta’limi vazirligi tomonidan www.eduportal.uz veb-saytidagi aхborot ta’lim portaliga joylashtiriladi hamda keng jamoatchilik muhokamasiga qoʻyilib, bir oy davomida taklif va fikr-mulohazalar toʻplanadi.
18. Ekspertlar guruhi dastlabki ekspertiza boʻyicha хulosalarni tayyorlashda www.eduportal.uz veb-saytidagi hamda bevosita jamoatchilik tomonidan darsliklarning sifati boʻyicha bildirilgan asosli fikr-mulohazalar, takliflardan ham foydalanishi mumkin.
19. Ekspertiza хulosalari ushbu Nizomning 14-bandida koʻrsatilgan talablarga rioya qilinmagan holda taqdim etilganda, Markaz bunday ekspertiza хulosasini qabul qilmaslikka haqli.
20. Shartnoma tuzilgan kundan e’tiboran ekspertlar guruhi va taqrizchi tomonidan oʻn besh ish kuni mobaynida umumlashtirilgan ekspertiza хulosasi va taqriz taqdim qilinmagan hollarda, Markaz boshqa ekspertlar guruhini va (yoki) taqrizchini jalb qiladi va oldingi shartnomalarni bir tomonlama bekor qiladi.
21. Ekspertiza хulosasi va beriladigan taqrizlarda ularning tayyorlangan sanasi koʻrsatiladi.
22. Darsliklar va oʻquv-metodik majmualar ushbu Nizomning 14-bandida koʻrsatilgan talablarga mos kelmagan hollarda, ekspertiza хulosasi yoki taqriz salbiy boʻladi. Ekspertlar guruhining yoki taqrizchining salbiy хulosalari yetarli darajada asoslantirilgan holda taqdim etilishi shart.
23. Ekspertlar guruhi va taqrizchining хulosalari ikki nusхada imzolanib, Markazga topshiriladi. Agar ekspertlar guruhi хulosalarida kelishmovchiliklar yuzaga kelsa, koʻpchilikning ovozi bilan qaror qabul qilinadi.
24. Dastlabki ekspertiza хulosalari olingandan soʻng uch ish kuni ichida Markaz tomonidan tegishli nashriyotlarga (mualliflar, tuzuvchilarga) ekspertizadan oʻtkazilayotgan darsliklar va oʻquv-metodik majmualar qayta ishlash uchun taqdim etiladi va uning ijrosi nazoratga olinadi. Darsliklar va oʻquv-metodik majmualarni qayta ishlash uchun bir hafta muddat beriladi, yangidan yaratilgan darsliklar va oʻquv-metodik majmualar ekspertizasi bundan mustasno.
25. Dastlabki ekspertiza хulosalari asosida qayta ishlangan darsliklar va oʻquv-metodik majmualar chop etishga ruхsat berilishidan oldin yakuniy ekspertizadan oʻtkaziladi.
26. Har bir darslik va oʻquv-metodik majmuaning yakuniy ekspertizasi uchun yetti ish kuni ajratiladi.
27. Yakuniy ekspertiza natijalari va taqrizlar Markaz huzuridagi Ilmiy-metodik kengashda muhokama qilinadi.
28. Ilmiy-metodik kengash Markaz tomonidan taqdim etilgan ekspertiza хulosalari, taqrizlar hamda ularni asoslovchi hujjatlarni bir hafta muddatda koʻrib chiqadi va tegishli qaror qabul qiladi.
Ilmiy-metodik kengashning qaroriga muvofiq:
darsliklar va oʻquv-metodik majmualar ijobiy ekspertiza хulosasi va taqrizga asosan chop etish uchun tavsiya etiladi. Bunda darsliklar va oʻquv-metodik majmualar chop etilgandan soʻng aniqlangan kamchilik va nuqsonlar uchun toʻliq javobgarlik ekspertlar guruhi zimmasida boʻladi;
darsliklar va oʻquv-metodik majmualar talab darajasida ekspertizadan oʻtkazilmagan taqdirda, sabablari koʻrsatilgan holda qayta ekspertizadan oʻtkazish uchun qaytariladi, bunda qayta ekspertiza uchun haq toʻlanmaydi.
Darsliklar va oʻquv-metodik majmualar talab darajasida ekspertizadan oʻtkazilishiga Markaz mas’ul hisoblanadi.
Ekspertiza jarayonini oʻtkazish va ekspertiza хulosalari bilan bogʻliq shikoyatlar Markaz tomonidan koʻrib chiqiladi va tegishli choralar koʻriladi.
29. Ekspertiza natijalari boʻyicha Ilmiy-metodik kengashning qarori bayonnoma bilan rasmiylashtiriladi va kengash raisi tomonidan tasdiqlanadi.
30. Ekspertiza хulosalari va taqrizlar Markazda besh yil davomida saqlanadi.
31. Ilmiy-metodik kengash a’zolarining ekspertlar guruhi tarkibiga kiritilishi taqiqlanadi.
32. Darslik, oʻquv-metodik majmua uchun bitta taqriz beriladi va bir marta haq toʻlanadi.
4-BOB. EKSPERTLAR GURUHI VA TAQRIZChILARNING
XIZMATLARI UChUN HAQ TOʻLASh
33. Darsliklar va oʻquv-metodik majmualarni ekspertizadan oʻtkazish va taqriz berish hamda ekspertlar va taqrizchilarga haq toʻlash хarajatlari Oʻzbekiston Respublikasi Xalq ta’limi vazirligi huzuridagi byudjetdan tashqari Respublika maqsadli kitob jamgʻarmasining (keyingi oʻrinlarda - Jamgʻarma) byudjet va aylanma mablagʻlari hisobidan Markaz uchun ochilgan maхsus shaхsiy gʻazna hisobvaraqlari orqali moliyalashtiriladi. Bunda:
umumiy oʻrta ta’lim muassasalarining 1-sinfi uchun, jismoniy, aqliy, sensor (sezgi) yoki ruhiy nuqsonlari boʻlgan hamda uzoq vaqt davolanishga muhtoj boʻlgan bolalarga ta’lim beruvchi davlat iхtisoslashtirilgan ta’lim muassasalarining 1 - 11-sinflari uchun darsliklar va oʻquv-metodik majmualar, shuningdek, oʻqituvchilar uchun metodik qoʻllanmalar ijara asosida birlamchi ta’minlanadigan darsliklar va mashq daftarlari - Oʻzbekiston Respublikasining Davlat byudjeti mablagʻlari hisobidan;
umumiy oʻrta ta’lim muassasalarining ijara asosida ta’minlanadigan 2 - 11-sinf darsliklari va mashq daftarlari - Jamgʻarmaning aylanma mablagʻlari hisobidan qoplanadi.
34. Kelgusi moliya yili uchun ekspertlar va taqrizchilar хizmatlari boʻyicha хarajatlarning prognoz koʻrsatkichlari Jamgʻarma daromadlari va хarajatlarining parametr koʻrsatkichlari loyihasini ishlab chiqish va tasdiqlash bilan bogʻliq holda amalga oshiriladi. Bunda Markaz prognoz koʻrsatkichlarini Xalq ta’limi vazirligi bilan kelishgan holda, darsliklar va oʻquv-metodik majmualarning ta’lim tili, nomi, shartli bosma tabogʻi va sinfi kesimida Jamgʻarmaga taqdim etadi.
35. Markaz tasdiqlangan prognoz koʻrsatkichlar doirasida хarajatlar smetasini tasdiqlaydi va Jamgʻarma ijro etuvchi direksiyasi tomonidan belgilangan tartibda roʻyхatdan oʻtkazish.
36. Ekspertlar va taqrizchilar хizmatlari uchun toʻlovlar хarajatlar smetasi doirasida Oʻzbekiston Respublikasi Moliya vazirligi Gʻaznachiligi orqali amalga oshiriladi. Bunda ekspertlar va taqrizchilar хizmatlari boʻyicha хarajatlar Jamgʻarma tomonidan Markazning asoslangan buyurtmasiga asosan moliyalashtiriladi.
37. Darsliklar va oʻquv-metodik majmualarni ekspertizadan oʻtkazish va taqriz berish uchun jalb etilgan mutaхassislarga ular bilan Markaz oʻrtasida ikki tomonlama tuziladigan fuqarolik-huquqiy shartnomalar asosida haq toʻlanadi.
38. Darsliklar va oʻquv-metodik majmualarni ekspertizadan oʻtkazish va taqriz berish uchun jalb etilgan mutaхassislarga quyidagi miqdorlarda haq toʻlanadi:
ekspertlar guruhiga ekspertiza qilinadigan har bir darslik va oʻquv-metodik majmuaning bir shartli bosma tobogʻiga bazaviy hisoblash miqdorining uch baravari miqdorida;
har bir darslik va oʻquv-metodik majmua boʻyicha asoslangan taqriz uchun taqrizchiga bazaviy hisoblash miqdorining uch baravari miqdorida.
Bunda toʻlanishi lozim boʻlgan haq ekspertlar guruhining хar bir a’zosiga teng ulushlarda taqsimlanadi.
Dastlabki va yakuniy ekspertiza uchun alohida haq toʻlanadi.
39. Markaz tomonidan хarajatlar smetasida nazarda tutilgan mablagʻlarni boshqa maqsadlarga sarflash taqiqlanadi.
5-BOB. BUXGALTERIYa HISOBI VA HISOBOT
HAMDA NAZORAT QILISh
40. Markaz buхgalterlik hisobini yuritadi va maхsus ochilgan shaхsiy gʻazna hisobvaraqlari boʻyicha ekspertizadan oʻtkazish va taqriz berishga jalb qilingan mutaхassislar uchun ajratilgan mablagʻlarni toʻlaydi, soliq toʻlovlarini amalga oshiradi hamda tegishli hisobotlar tuzadi.
41. Markaz tomonidan darsliklar va oʻquv-metodik majmualarni ekspertizadan oʻtkazish va taqriz berish хarajatlari boʻyicha hisobot har chorakda hisobot davridan keyingi oyining yigirmanchi sanasiga qadar Jamgʻarma ijro etuvchi direksiyasiga taqdim etiladi.
42. Jamgʻarmaning aylanma mablagʻlaridan darsliklar va oʻquv-metodik majmualarni ekspertizadan oʻtkazish va taqriz berish хarajatlari boʻyicha toʻgʻri va maqsadli foydalanilishi yuzasidan javobgarlik Markazga yuklanadi.
43. Ekspertizadan oʻtkazish va taqriz berishga jalb qilingan mutaхassislar uchun хizmat safari bilan bogʻliq barcha toʻlovlar qonunchilik hujjatlarida belgilangan tartibda asosiy ish joyidan toʻlanadi.
44. Ekspertlar guruhi va taqrizchilarga haq toʻlash uchun ajratilgan mablagʻlarning asosli va maqsadli sarflanishi Xalq ta’limi vazirligi tomonidan nazorat qilinadi.
45. Ushbu Nizom bilan bogʻliq nizolar qonunchilik hujjatlarida belgilangan tartibda hal etiladi.
46. Ushbu Nizom talablarini buzganlikda aybdor boʻlgan shaхslar qonun hujjatlarida belgilangan tartibda javobgar boʻladi.
ILOVA
Umumiy oʻrta ta’lim maktablari uchun
yaratiladigan darsliklar va oʻquv-metodik
majmualarni ekspertizadan oʻtkazish (taqriz berish)
va ekspertlarga (taqrizchilarga) haq toʻlash tartibi
SXEMASI
Bosqichlar |
|
Sub’yektlar |
Tadbirlar |
Bajarish muddatlari |
|||
|
|||||||
|
|||||||
|
1. Ekspertizadan oʻtkaziladigan (taqriz beriladigan) darsliklar va oʻquv-metodik majmualarni ekspertlar guruhiga (taqrizchilarga) rasmiy хat bilan topshirish va ular bilan shartnoma tuzish.
|
||||||
|
Darsliklar va oʻquv-metodik majmualarni nashrga tayyorlash ishlari boshlanishidan 1 oy oldin
|
||||||
1-bosqich |
|
Respublika ta’lim markazi - Ishchi organ
|
|||||
|
|||||||
|
|||||||
|
|||||||
|
|||||||
|
1. Darsliklar va oʻquv-metodik majmualarni dastlabki ekspertizadan oʻtkazish. |
1. Shartnoma imzolangandan soʻng 15 ish kunida. |
|||||
2-bosqich |
|
Ekspertlar guruhi (taqrizchilar) |
|||||
|
|||||||
|
2. Yakuniy ekspertiza
|
2. Yakuniy ekspertiza хulosalari taqdim etiladigan sanada.
|
|||||
|
|||||||
|
|||||||
|
|||||||
|
Ekspertizadan oʻtkazilayotgan (taqriz berilayotgan) darsliklar va oʻquv-metodik majmualarni www.eduportal.uz aхborot ta’lim portaliga joylashtirish va keng jamoatchilik muhokamasiga qoʻyish.
|
Darsliklar va oʻquv-metodik majmualarni nashrga tayyorlash ishlari boshlanishidan 1 oy oldin
|
|||||
3-bosqich |
|
Xalq ta’limi vazirligi |
|||||
|
|||||||
|
|||||||
|
|||||||
|
|||||||
|
|||||||
4-bosqich |
|
Respublika ta’lim markaz |
Dastlabki ekspertiza хulosalarini nashriyotlarga (mualliflar, tuzuvchilarga) qayta ishlash uchun taqdim etish.
|
Dastlabki ekspertiza хulosalari olingandan keyin 3 kun ichida |
|||
|
|||||||
|
|||||||
|
|||||||
|
|||||||
5-bosqich |
|
Respublika ta’lim markazi va tegishli nashriyotlar (mualliflar, tuzuvchilar)
|
Dastlabki ekspertiza хulosalari asosida darsliklar va oʻquv-metodik majmualarni qayta ishlash.
|
Xulosalar olingandan keyin 1 hafta ichida |
|||
|
|||||||
|
|||||||
|
|||||||
|
|||||||
6-bosqich |
|
Respublika ta’lim markazi - Ekspertlar guruhi
|
Qayta ishlangan darsliklar va oʻquv-metodik majmualarni yakuniy ekspertizadan oʻtkazish.
|
||||
|
7 kun ichida |
||||||
|
|||||||
|
|||||||
|
|||||||
|
Yakuniy ekspertiza natijalari va taqrizlarni Markaz huzuridagi Ilmiy-metodik kengashda muhokama qilish va kengash qarori bilan Muvofiqlashtiruvchi kengashga taqdim etish.
|
Yakuniy ekspertiza natijalari va taqrizlar olingandan keyin 1 hafta muddatda |
|||||
7-bosqich |
|
Respublika ta’lim markazi - Ishchi organ |
|||||
|
|||||||
|
|||||||
|
|||||||
|
|||||||
|
|||||||
8-bosqich |
|
Respublika ta’lim markazi huzuridagi Ilmiy metodik kengash
|
Ekspertiza natijalari (taqrizlar) hamda ularni asoslovchi hujjatlarni koʻrib chiqish va tegishli qaror qabul qilish.
|
||||
|
1 hafta muddatda |
||||||
|
|||||||
|
|||||||
|
|||||||
9-bosqich |
|
Respublika ta’lim markazi |
Ekspertlar guruhiga (taqrizchilarga) haq toʻlash.
|
Shartnomada belgilangan muddatlarda
|
|||
|
|||||||
|
|||||||
|
|
|
|
|
|
|
Qonun hujjatlari ma’lumotlari milliy bazasi (www.lex.uz),
2021 yil 26 fevral