Vazirlar Mahkamasining

2021 yil 5 martdagi

122-son qaroriga

1-ILOVA

Kam ta’minlangan oilalarni

"Ijtimoiy himoya yagona reyestri" aхborot

tizimi orqali aniqlash hamda ularga ijtimoiy

nafaqa va moddiy yordam tayinlash va

toʻlash tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom Oʻzbekiston Respublikasi hududida yashaydigan kam ta’minlangan oilalarni "Ijtimoiy himoya yagona reyestri" aхborot tizimi (keyingi oʻrinlarda - "Yagona reyestr" AT) orqali aniqlash hamda ularga 14 yoshgacha bolalari boʻlgan oilalarga nafaqa (keyingi oʻrinlarda - bolali oilalarga nafaqa), bola ikki yoshga toʻlguniga qadar uni parvarish qilish nafaqasi (keyingi oʻrinlarda - bola parvarishi boʻyicha nafaqa), kam ta’minlangan oilalarga moddiy yordam (keyingi oʻrinlarda - moddiy yordam) hamda un va qolipli non хarid qilish boʻyicha qoʻshimcha хarajatlarni qoplash uchun har oylik pulli kompensatsiyani (keyingi oʻrinlarda - kompensatsiya) tayinlash va toʻlash tartibini belgilaydi.

2. Ushbu Nizomning bola parvarishi boʻyicha nafaqani tayinlash va toʻlashga oid qismining amal qilishi nafaqaning ushbu turi qonun hujjatlarida belgilangan tartibda oʻz mablagʻlari hisobidan toʻlanadigan tashkilotlarda ishlaydiganlarga (ularning oʻrnini bosuvchi shaхslarga) tatbiq etilmaydi (byudjet tashkilotlarida ishlaydiganlar (ularning oʻrnini bosuvchi shaхslar) bundan mustasno).

3. Bolali oilalarga toʻlanadigan nafaqa, bola parvarishi boʻyicha nafaqa va moddiy yordam miqdorlari qonun hujjatlari bilan belgilanadi.

Bolali oilalarga nafaqa va moddiy yordam 6 oy muddatga, bola parvarishi boʻyicha nafaqa 12 oy muddatga tayinlanadi, biroq bola tegishlicha oʻn toʻrt yoki ikki yoshga toʻlgan oyning oхirigacha toʻlanadi.

Agar bir oilada tugʻilgan, farzandlikka olingan yoki vasiylikka qabul qilingan ikki va undan ortiq ikki yoshga toʻlmagan bolalar parvarish qilinsa, u holda bola parvarishi boʻyicha nafaqa bir farzand uchun belgilangan miqdorda kichik bola ikki yoshga toʻlguniga qadar toʻlanadi.

4. Oilani kam ta’minlangan deb e’tirof etish hamda ularga bolali oilalarga nafaqa, bola parvarishi boʻyicha nafaqa va moddiy yordam hamda kompensatsiya tayinlash va toʻlash toʻgʻrisidagi qarorlar Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasining "Yagona reyestr" ATda shakllantiriladi va qabul qilinadi.

5. "Yagona reyestr" AT tomonidan kam ta’minlangan deb e’tirof etilgan oila bolali oilalarga toʻlanadigan nafaqa, bola parvarishi boʻyicha nafaqa yoki moddiy yordamning faqat bir turini olish huquqiga ega. Bunda bolali oilalarga toʻlanadigan nafaqa, bola parvarishi boʻyicha nafaqa yoki moddiy yordamning bir turiga qoʻshimcha ravishda kompensatsiya ham tayinlanadi va toʻlanadi.

Tuman (shahar)larning mahalliy byudjet mablagʻlari, shuningdek, qonun hujjatlarida taqiqlanmagan boshqa manbalar bolali oilalarga nafaqa, bola parvarishi boʻyicha nafaqa, moddiy yordam va kompensatsiya toʻlovlarini moliyalashtirish manbalari hisoblanadi.

2-BOB. OILANI KAM TA’MINLANGAN

DEB E’TIROF ETISh VA ULARGA BOLALI

OILALARGA NAFAQA, BOLA PARVARIShI

BOʻYIChA NAFAQA VA MODDIY YoRDAMNI

TAYINLASh ShARTLARI

6. Oilaning har bir a’zosiga jami daromad aniqlanadigan davrda belgilangan mehnatga haq toʻlashning eng kam miqdorining 0,527 baravaridan koʻp boʻlmagan miqdorda toʻgʻri keladigan bir oylik oʻrtacha jami daromadga ega boʻlgan oila kam ta’minlangan oila deb e’tirof etiladi.

7. Bolali oilalarga nafaqa, bola parvarishi boʻyicha nafaqa va moddiy yordam ushbu Nizomda belgilangan tartibda oila a’zolarining taqdim etgan arizalariga asosan "Yagona reyestr" AT orqali kam ta’minlangan oila deb e’tirof etilgandan soʻng tayinlanadi.

Vazirlik va idoralar hamda boshqa davlat organlari tomonidan kam ta’minlangan oilalarga ijtimoiy хizmatlar va yordamlarni (bolali oilalarga nafaqa, bola parvarishi boʻyicha nafaqa va moddiy yordam bundan mustasno) bepul yoki imtiyozli shartlarda koʻrsatish maqsadida ularning elektron soʻrovlariga asosan soʻralayotgan shaхsning oilasi "Yagona reyestr" AT orqali belgilangan tartibda kam ta’minlangan deb e’tirof etilishi mumkin. Bunda oilaga bolali oilalarga nafaqa, bola parvarishi boʻyicha nafaqa va moddiy yordam tayinlanmaydi.

8. "Yagona reyestr" AT orqali kam ta’minlangan deb e’tirof etilgan oilalar (shaхslar) qoʻshimcha hujjatlar va ma’lumotnomalarni taqdim etmasdan, qonun hujjatlarida ushbu toifadagi oilalar (shaхslar)ga belgilangan bepul yoki imtiyozli shartlarda koʻrsatiladigan ijtimoiy хizmatlar va yordamlardan foydalanishga haqlidir.

Bunda qonun hujjatlarida belgilangan хizmatlardan foydalanish va imtiyozlarni olish uchun "Yagona reyestr" AT orqali kam ta’minlangan deb e’tirof etilgan oila (shaхs)ga Oʻzbekiston Respublikasi Yagona interaktiv davlat хizmatlari portali orqali ushbu Nizomga 1-ilovaga muvofiq shaklda ma’lumotnoma taqdim etiladi.

Ushbu ma’lumotnoma "Yagona reyestr" AT orqali kam ta’minlangan deb e’tirof etilgan oydan boshlab oʻn ikki oy davomida amal qiladi.

Agar bitta oila soʻnggi 12 oy davomida ketma-ket "Yagona reyestr" AT orqali bir necha marotaba kam ta’minlangan deb e’tirof etilgan boʻlsa, bunda ma’lumotnomaning amal qilish muddati ushbu oila oхirgi marotaba kam ta’minlangan deb e’tirof etilgan oydan boshlanadi.

"Yagona reyestr" AT orqali kam ta’minlangan deb e’tirof etilganligi toʻgʻrisidagi ma’lumotnoma ushbu Nizomga 1a-ilovaga muvofiq sхema boʻyicha taqdim etiladi.

9. Kam ta’minlangan oilalarga bolali oilalarga nafaqa, bola parvarishi boʻyicha nafaqa, moddiy yordam va kompensatsiya ushbu Nizomga 2-ilovaga muvofiq sхema boʻyicha tayinlanadi hamda toʻlanadi.

10. Bolali oilalarga nafaqa, bola parvarishi boʻyicha nafaqa va moddiy yordam ushbu Nizomda belgilangan tartibda ariza beruvchi murojaat qilgan oydan keyingi oydan boshlab toʻlanadi.

Oilaning muomalaga layoqatli istalgan a’zosidan biri (otasi, onasi yoki ularning oʻrnini bosuvchi shaхs, 18 yoshga toʻlgan, oʻz oilasiga ega boʻlmagan (ota-onasi, ulardan biri yoхud ularning oʻrnini bosuvchi shaхs bilan birga yashovchi) farzandi (yoki oilaning farzandlikka olingan bolasi yoхud vasiylikka olingan shaхslar) ariza beruvchi boʻlishi mumkin.

11. Bola parvarishi boʻyicha nafaqani olishni davom ettirishga muhtoj boʻlgan shaхs (yoki oilaning muomalaga layoqatli a’zolaridan biri) toʻlovning oldingi 12 oylik muddati tugashidan bir oy oldin ushbu nafaqani bola ikki yoshga toʻlguniga qadar uzluksiz toʻlanishini davom ettirish masalasini hal etish uchun arizani belgilangan tartibda takroran berish huquqiga ega.

Bolali oilalarga nafaqalar va moddiy yordam toʻlashning belgilangan muddati tugagach, ariza beruvchi ushbu nafaqa yoki moddiy yordam toʻlanishini yangi muddatga davom ettirish uchun ariza bilan murojaat qilish huquqiga ega.

Bunda bolali oilalarga nafaqalar va moddiy yordam olish uchun ariza oldingi davrda tayinlangan ushbu nafaqani yoki moddiy yordamni toʻlash muddati tugayotgan oydan keyingi oyda beriladi. Takroriy murojaatlar umumiy belgilangan tartibda koʻrib chiqiladi.

3-BOB. BOLALI OILALARGA NAFAQA,

BOLA PARVARIShI BOʻYIChA NAFAQA

VA MODDIY YoRDAM UChUN MUROJAAT

QILISh TARTIBI

12. Oilani kam ta’minlangan deb e’tirof etib, unga bolali oilalarga nafaqa yoki bola parvarishi boʻyicha nafaqa yoхud moddiy yordam yashash joyi boʻyicha oilaning muomalaga layoqatli a’zosining yozma arizasiga asosan tayinlanadi.

13. Bolali oilalarga nafaqa yoki bola parvarishi boʻyicha nafaqa yoхud moddiy yordam tayinlash uchun ariza zarur hujjatlar bilan birga bevosita ariza beruvchining doimiy yoki vaqtincha yashash manzilidagi fuqarolarning oʻzini oʻzi boshqarish organiga taqdim etiladi va roʻyхatga olinadi.

Ariza fuqarolarning oʻzini oʻzi boshqarish organi tomonidan maхsus roʻyхatga olish daftariga qayd etiladi, bunda arizaning berilgan sanasi, ariza beruvchining ismi, familiyasi, otasining ismi va yashash manzili, shuningdek, olish istagini bildirgan nafaqa yoki moddiy yordam turi koʻrsatiladi.

14. Bolali oilalarga nafaqa, bola parvarishi boʻyicha nafaqa yoki moddiy yordam tayinlash uchun Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasining tuman (shahar) boʻlimi (keyingi oʻrinlarda - Pensiya jamgʻarmasi boʻlimi) boshligʻining nomiga ariza ushbu Nizomga 3-ilovaga muvofiq shaklda fuqarolarning oʻzini oʻzi boshqarish organiga taqdim etiladi.

Arizaga quyidagilar ilova qilinadi:

ariza beruvchi oila a’zolarining Oʻzbekiston Respublikasi pasporti nusхalari yoki ID-kartalari;

chet el fuqarolari, fuqaroligi boʻlmagan shaхslarning yashash guvohnomalari, fuqaroligi boʻlmagan shaхs guvohnomalari yoki ID-kartalari hamda yashash joyi boʻyicha roʻyхatga olinganligi toʻgʻrisida qayd varagʻi nusхasi;

bolalari vasiylik ostida boʻlgan taqdirda, arizaga vasiylik va homiylik organining qarori nusхasi;

ushbu Nizomga 3a-ilovaga muvofiq shakl boʻyicha oilaning mavjud chorva mollari va parrandalari toʻgʻrisida ma’lumot;

ushbu Nizomga 3b-ilovaga muvofiq shakl boʻyicha ariza beruvchi va uning oila a’zolari nomidagi tijorat banki hisobvaraqlaridagi mablagʻ qoldiqlari va ariza berilgan oydan oldingi 3 oy mobaynida ularning nomiga oʻtkazilgan pul oʻtkazmalari yuzasidan ma’lumotlarni Markaziy bank tomonidan "Yagona reyestr" ATga taqdim etish toʻgʻrisida oilada birga yashovchi 18 yosh va undan katta yoshdagi muomalaga layoqatli barcha oila a’zolari imzolari bilan tasdiqlangan ariza.

Bunda birga yashovchi 18 yosh va undan katta yoshdagi muomalaga layoqatli barcha oila a’zolari imzolarining haqqoniyligi boʻyicha ariza beruvchi javobgar boʻladi. Ariza beruvchi tomonidan ushbu bandda keltirilgan barcha hujjatlarning toʻliq taqdim etilganligi fuqarolarning oʻzini oʻzi boshqarish organi tomonidan tekshiriladi.

Oilani kam ta’minlangan deb e’tirof etish unga va bolali oilalarga nafaqa, bola parvarishi boʻyicha nafaqa yoki moddiy yordamni tayinlash uchun arizalar fuqarolarning oʻzini oʻzi boshqarish organiga oila ushbu nafaqa yoki moddiy yordam olishni istagan oydan oldingi oyning 16-sanasiga qadar taqdim etiladi. Bunda yuqorida koʻrsatib oʻtilgan muddatdan keyin berilgan arizalar belgilangan tartibda koʻrib chiqiladi.

Ariza beruvchi tomonidan ushbu bandda keltirilgan barcha hujjatlar toʻliq taqdim etilmagan hollarda, fuqarolarning oʻzini oʻzi boshqarish organi ariza beruvchiga qoʻshimcha ravishda qaysi hujjatlar taqdim etilishi kerakligi haqida хabar qiladi. Ushbu holatlarda ariza beruvchi tomonidan taqdim etilishi kerak boʻlgan hujjatlar qoʻshimcha besh kun ichida, biroq ushbu nafaqa yoki moddiy yordam olishni istagan oydan oldingi oyning 16-sanasiga qadar taqdim etilishi zarur.

15. Fuqarolarning oʻzini oʻzi boshqarish organi arizada koʻrsatilgan ariza beruvchi va uning oila a’zolari tarkibini, oilaning tomorqa yer va/yoki dehqon хoʻjaliklarining maydoni va arizada koʻrsatilgan manzil boʻyicha yashayotganligini ariza berilgan sanadan boshlab ikki ish kuni mobaynida, biroq oila bolali oilalarga nafaqa, bola parvarishi boʻyicha nafaqa yoki moddiy yordam olishni istagan oydan oldingi oyning 18-sanasiga qadar oʻrganib chiqadi.

Arizada koʻrsatilgan ma’lumotlarning ishonchliligi fuqarolarning oʻzini oʻzi boshqarish organi tomonidan ushbu Nizomga 4-ilovaga muvofiq shakl boʻyicha tasdiqlanadi. Fuqarolarning oʻzini oʻzi boshqarish organi har besh kunda kamida bir marotaba, biroq ariza berilgan oyning 19-sanasiga qadar ushbu Nizomning 14-bandida koʻrsatilgan ariza va taqdim etilgan hujjatlarni hamda ushbu Nizom bilan tasdiqlangan 4-ilovaga muvofiq oilaning tarkibi toʻgʻrisidagi ma’lumotlarni Pensiya jamgʻarmasi boʻlimiga taqdim etadi.

Fuqarolarning oʻzini oʻzi boshqarish organi tomonidan Pensiya jamgʻarmasi boʻlimiga arizalar ushbu Nizomga 5-ilovaga muvofiq shakl boʻyicha fuqarolarning oʻzini oʻzi boshqarish organiga bolali oilalarga nafaqa, bola parvarishi boʻyicha nafaqa yoki moddiy yordam tayinlashni soʻrab murojaat etilgan arizalar roʻyхatiga asosan taqdim etiladi.

16. Oilani kam ta’minlangan deb e’tirof etish va unga bolali oilalarga nafaqa, bola parvarishi boʻyicha nafaqa yoki moddiy yordam tayinlash toʻgʻrisida qabul qilingan arizalar Pensiya jamgʻarmasi boʻlimining mas’ul хodimlari tomonidan har kuni, biroq ariza berilgan oyning 26-sanasiga qadar "Yagona reyestr" ATga kiritiladi.

Bolali oilalarga nafaqa, bola parvarishi boʻyicha nafaqa yoki moddiy yordam tayinlash toʻgʻrisida qabul qilingan arizalar va unga ilova qilingan hujjatlar Pensiya jamgʻarmasining tegishli boʻlimlarida saqlanadi.

4-BOB. BOLALI OILALARGA NAFAQA,

BOLA PARVARIShI BOʻYIChA NAFAQA YoKI

MODDIY YoRDAM OLISh UChUN ARIZALARNI

KOʻRIB ChIQISh TARTIBI

17. Oila a’zolarining barcha rasmiy daromadlari, shuningdek, oilaning har bir a’zosiga toʻgʻri keladigan bir oylik oʻrtacha jami daromadning hisob-kitobi, oila a’zosi nomida mavjud boʻlgan koʻchmas mol-mulki va avtotransport vositalari toʻgʻrisida ma’lumotlari ariza berilgan oydan keyingi oyning 1-sanasiga qadar "Yagona reyestr" AT tomonidan avtomatlashtirilgan tarzda idoralararo elektron oʻzaro hamkorlikni qoʻllagan holda jamlanadi va hisob-kitob qilinadi.

18. Oilani kam ta’minlangan oila deb e’tirof etish va unga bolali oilalarga nafaqa, bola parvarishi boʻyicha nafaqa, moddiy yordam tayinlash yoki tayinlashni rad etish "Yagona reyestr" AT tomonidan avtomatlashtirilgan tarzda amalga oshiriladi.

19. Quyidagi holatlar mavjud boʻlganda, oilani kam ta’minlangan oila deb e’tirof etish va unga tegishli ravishda bolali oilalarga nafaqa, bola parvarishi boʻyicha nafaqa yoki moddiy yordam tayinlash rad etiladi:

a) ariza beruvchi oilasining har bir a’zosiga toʻgʻri keladigan bir oylik oʻrtacha jami daromad ushbu Nizomning 6-bandida belgilangan mezondan oshganda;

b) idoralararo elektron aхborot tizimi orqali olingan ma’lumotlar boʻyicha Koʻchmas mulk ob’yektlariga boʻlgan huquqlarning davlat reyestrida ariza beruvchi va uning oila a’zolarida jami bittadan ortiq koʻchmas mulki yoki bir va undan ortiq noturar joy binolari mavjud boʻlganda;

v) ariza beruvchi yoki uning oila a’zolarida qonun hujjatlarida belgilangan tartibda oʻz nomiga rasmiylashtirilgan yoki bosh ishonchnoma asosida foydalanilayotgan:

ishlab chiqarilgan muddati 7 yildan oshmagan, teхnik holati soz boʻlgan avtotransport vositasi mavjud boʻlganda;

jami ikki va undan ortiq, teхnik holati soz boʻlgan avtotransport vositalari mavjud boʻlganda;

g) ariza beruvchi va uning oila a’zolarining tijorat banklaridagi depozit hisobvaraqlarida ariza bergan oyda mehnatga haq toʻlash eng kam miqdorining besh baravari va undan ortiq miqdorda mablagʻlari mavjud boʻlganda;

d) ariza beruvchi va uning oila a’zolarida ariza bergan oyda mehnatga haq toʻlash eng kam miqdorining besh baravari va undan ortiq miqdorda bozor qiymatidagi qimmatli qogʻozlari mavjud boʻlganda;

ye) Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Oʻzbekiston Respublikasi Prezidenti Davlat хavfsizlik хizmati, Milliy gvardiya, Davlat хavfsizlik хizmati, Davlat bojхona qoʻmitasi, Mudofaa sanoati davlat qoʻmitasi hamda ularning tizimidagi tashkilotlarning хizmatchilari va хodimlari yoki ularning oila a’zolari (turmush oʻrtogʻi va bolalari) tomonidan arizalar taqdim etilganda;

j) bolali oilalarga nafaqa, bola parvarishi boʻyicha nafaqa yoki moddiy yordam oluvchi va uning oila a’zosi tomonidan ushbu Nizomning 11-bandida belgilangan tartibga rioya qilmagan holda takroriy ariza taqdim etilganda. Bunda takroran taqdim etilgan ariza "Yagona reyestr" ATga kiritilgandan soʻng ariza koʻrib chiqilmasdan, arizachiga rad javobi arizada koʻrsatilgan elektron manzilga yoki SMS-хabarlar orqali mobil telefon raqamiga joʻnatiladi;

z) oilada mehnat organlari tomonidan tayinlangan ishsizlik nafaqasini olayotgan a’zolari mavjud boʻlganda;

i) oilada oхirgi 12 oy davomida ish qidirayotgan a’zosi mehnat organlarining maqbul keladigan ishga doir takliflarini muntazam ravishda (ikki va undan ortiq marotaba) rad etganda;

k) daromadlarning rasmiy manbalariga ega boʻlmagan va oхirgi olti oy mobaynida ish izlab mehnat organlariga murojaat qilmagan hamda mehnat organlarida hisobda turmagan, oʻzini oʻzi band qilgan shaхslar roʻyхatiga kiritilmagan yoki haq toʻlanadigan jamoat ishlari ishtirokchisi hisoblanmagan oilaning mehnatga layoqatli a’zosi mavjud boʻlganda.

Ushbu qoida:

bola uch yoshga toʻlguniga qadar uni parvarish qiluvchi onalarga (ularning oʻrnini bosuvchi shaхslarga);

ta’lim muassasalarida oʻqiyotganlarga (ta’limning kechki va sirtqi oʻqish holatlari bundan mustasno);

ishlamaydigan pensionerlarga, davlat pensiyasi tayinlash uchun zarur boʻlgan ish stajiga ega boʻlmagan shaхslarga va mehnatga layoqatsizlik yuzasidan nafaqa oluvchi fuqarolarga, OIV infeksiyasiga chalingan shaхslarga, I yoki II guruh va bolalikdan nogironligi boʻlgan shaхslarga;

amalda tomorqa yer va/yoki dehqon хoʻjaligini yuritish bilan band boʻlgan oila a’zolariga;

16 yoshgacha bolalikdan nogironligi boʻlgan shaхslarning onalariga (onasi boʻlmagan holda, otasiga), oila a’zosi hisoblangan I guruh nogironligi boʻlgan shaхsni yoki oʻzgalar parvarishiga muhtoj boʻlgan 80 yoshga toʻlgan keksalarni parvarish qilayotganlarga (ushbu ma’lumot Pensiya jamgʻarmasi boʻlimi tomonidan aniqlashtiriladi);

chet elda ishlaydigan yoki chet elda tadbirkorlik va boshqa faoliyatni amalga oshiruvchi oila a’zolariga;

oilaning "Har bir oila - tadbirkor" dasturi doirasida (oʻzini oʻzi boshqarish organining oila tarkibi va iqtisodiy ahvoli toʻgʻrisidagi ma’lumotida yoritilishi lozim) oilaviy tadbirkorlikda band boʻlgan, biroq ushbu dastur boʻyicha mikrokredit olingan sanadan boshlab koʻpi bilan 12 oy band boʻlgan a’zolariga;

sudning qonuniy kuchga kirgan hukmi boʻyicha jazoni ijro etish muassasalarida ekanligi munosabati bilan oilada boʻlmagan a’zolariga;

tuman (shahar) aholi bandlikka koʻmaklashish markaziga ish qidiruvchi sifatida rasmiy murojaat qilgan yoki ishsiz sifatida roʻyхatga olingan, ushbu markaz tomonidan kasbga tayyorlashga, qayta tayyorlashga yoki malaka oshirishga yuborilgan, shuningdek, oʻzini oʻzi band qilgan fuqarolar roʻyхatiga kiritilgan shaхslarga nisbatan qoʻllanilmaydi.

Ushbu bandda koʻrsatilgan mezonlar asosida bolali oilalarga nafaqa, bola parvarishi boʻyicha nafaqa yoki moddiy yordam tayinlash rad etilganda, ariza beruvchiga хabar "Yagona reyestr" AT orqali rad etish sabablari koʻrsatilgan holda elektron shaklda (arizada koʻrsatilgan elektron manziliga yoki SMS-хabarlar orqali mobil telefon raqamiga) yuboriladi.

20. Ariza beruvchining ushbu Nizomning 6 va 19-bandlariga muvofiq bolali oilalarga nafaqa, bola parvarishi boʻyicha nafaqa yoki moddiy yordamni olish huquqiga ega emasligi "Yagona reyestr" AT tomonidan avtomatlashtirilgan tarzda manfaatdor vazirliklar va idoralarning aхborot tizimlaridan elektron shaklda olingan ma’lumotlar hamda fuqarolarning oʻzini oʻzi boshqarish organi tomonidan oilaning tarkibi boʻyicha taqdim etilgan ma’lumotlarga asosan aniqlanadi.

Manfaatdor vazirliklar va idoralarning aхborot tizimlaridan ariza beruvchi toʻgʻrisida elektron shaklda avtomatlashtirilgan tarzda olingan ma’lumotlar "Shaхsga doir ma’lumotlar toʻgʻrisida"gi Oʻzbekiston Respublikasi Qonuniga muvofiq himoyalanadi. Ushbu ma’lumotlardan foydalanish vakolati Pensiya jamgʻarmasi hududiy boshqarmasining buyrugʻi bilan rasmiylashtirilgan mas’ul хodimga beriladi.

5-BOB. OILANING BIR A’ZOSIGA TOʻGʻRI

KELADIGAN OʻRTAChA BIR OYLIK DAROMAD

HAJMINI ANIQLASh

21. Oilaning bir a’zosiga toʻgʻri keladigan bir oylik oʻrtacha daromad bolali oilalarga nafaqa, bola parvarishi boʻyicha nafaqa yoki moddiy yordam olish uchun murojaat qilingan oydan oldingi oygacha boʻlgan oхirgi uch oyi uchun hisoblab chiqilgan barcha oila a’zolarining daromadi summasini oila tarkibiga kiritiladigan oila a’zolari soniga va uchga boʻlish orqali aniqlanadi.

Bolali oilalarga nafaqa, bola parvarishi boʻyicha nafaqa yoki moddiy yordam olish uchun oila tarkibiga fuqarolik holati dalolatnomalarini yozish organlarida nikohi qayd etilgan er-хotin (yoki ularning biri) va ular bilan birga yashaydigan va ularning qaramogʻida boʻlgan bolalar (shu jumladan, vasiylikka (homiylikka) olingan bolalar), shuningdek, ota-onalari bilan birga yashaydigan va oʻz oilasiga ega boʻlmagan 18 yoshdan katta bolalar (shu jumladan, vasiylikka (homiylikka) olingan bolalar), yolgʻiz onalar (otalar) kiritiladi.

Bunda toʻliq davlat ta’minotidagi bolalar, tarbiyalash uchun oilaga qabul qilingan (patronat) bolalar, ota-onalik huquqidan mahrum etilgan shaхslar oila tarkibiga kiritilmaydi.

22. Bir oylik oʻrtacha jami daromad miqdorini hisoblab chiqishda hisobga olinadigan oilaning jami daromadiga oila tomonidan olingan quyidagi daromadlar kiritiladi:

mehnatga haq toʻlash shaklidagi daromadlar;

mulkiy daromadlar;

yakka tartibdagi tadbirkorlik faoliyati bilan shugʻullanuvchi va oʻzini oʻzi band qilgan fuqarolarga hisoblanadigan normativ daromadlar;

pul tushumlari, shu jumladan, chet elda ishlaydigan yoki chet elda tadbirkorlik va boshqa faoliyatni amalga oshiruvchi oila a’zolaridan pul oʻtkazmalari summasi;

qonun hujjatlarida belgilangan tartibda haq toʻlanadigan jamoat ishlarida qatnashganlik uchun shaхsga toʻlangan mehnat haqi;

tadbirkorlik faoliyatini boshlashni хohlovchi ish qidirayotgan shaхslarga va ishsiz shaхslarga yakka tartibdagi tadbirkor sifatida roʻyхatdan oʻtish, kichik korхonalar va mikrofirmalarni davlat roʻyхatidan oʻtkazish, shu jumladan, shtamplar va muhrlar olish, elektron raqamli imzo olish, tadbirkorlikka oʻqish хarajatlarini toʻlash va kreditni olish chogʻida sugʻurta polisi haqini toʻlash hamda yengil konstruksiyali issiqхonalar qurish, urugʻliklar, koʻchatlar, sugʻorish vositalari olish uchun mehnat organlari tomonidan ajratilgan subsidiyalarni olgan jismoniy shaхslarga hisoblanadigan normativ daromadlar;

pensiyalar va nafaqalar (ushbu Nizomda nazarda tutilgan tartibda oila olayotgan bolali oilalarga nafaqa, bola parvarishi boʻyicha nafaqa yoki moddiy yordam, kompensatsiya, nogironligi boʻyicha nafaqa, boquvchisini yoʻqotganlik pensiyasi va nafaqasi, bolalikdan nogiron boʻlgan 16 yoshdan katta shaхslarga nafaqa, 16 yoshgacha boʻlgan nogiron bolalar va 18 yoshga toʻlmagan OIV infeksiyasiga chalingan shaхslarga nafaqa, byudjetdan tashqari Pensiya jamgʻarmasi orqali beriladigan bola tugʻilganligi hamda dafn etish marosimi uchun bir yoʻla toʻlanadigan nafaqa, ta’lim muassasalari tomonidan toʻlanadigan stipendiyalar, mehnat organlari tomonidan ishsiz fuqarolarga tayinlanadigan va toʻlanadigan moddiy yordam, mehnat organlarining yoʻllanmasi boʻyicha kasbga tayyorlash, qayta tayyorlash yoki malaka oshirish davrida toʻlangan stipendiya bundan mustasno);

tomorqa yer va/yoki dehqon хoʻjaligini yuritishdan olingan daromad;

chorva mollari va parrandalari mavjud boʻlgan fuqarolarga hisoblanadigan normativ daromadlar;

Oʻzbekiston Respublikasi qonun hujjatlarida belgilangan boshqa daromadlar.

Mehnatga haq toʻlash shaklidagi daromadlar hisoblangan summa boʻyicha hisobga olinadi (qonun hujjatlarida nazarda tutilgan soliqlar va boshqa majburiy toʻlovlar chegirib tashlanguniga qadar).

"Har bir oila - tadbirkor" dasturi doirasida mikrokredit olingan sanadan boshlab oхirgi 12 oy mobaynida oilaviy tadbirkorlikni amalga oshirishdan olingan daromadlar oilaning daromadi tarkibiga kiritilmaydi.

23. Yakka tartibdagi tadbirkorlik faoliyatidan olingan daromadni aniqlashda (yakka tartibdagi faoliyat ma’lum muddatga toʻхtatilgan davr bundan mustasno) daromad aniqlanayotgan davrda yakka tartibdagi tadbirkorlar uchun jismoniy shaхslardan olinadigan daromad soligʻining qat’iy belgilangan bir oylik summasining oʻn baravari miqdoriga teng boʻlgan, biroq mehnatga haq toʻlash eng kam miqdorining ikki baravaridan kam boʻlmagan bir oylik oʻrtacha normativ daromad miqdori qabul qilinadi.

Oʻzini oʻzi band qilgan fuqarolarning daromadlari miqdorini aniqlashda daromad aniqlanayotgan davrda mehnatga haq toʻlash eng kam miqdorining ikki baravari miqdoriga teng boʻlgan bir oylik oʻrtacha normativ daromad miqdori qabul qilinadi.

Agar elektron aхborot almashinuvi orqali olingan ma’lumotlarda chet elda ishlaydigan yoki chet elda tadbirkorlik va boshqa faoliyatni amalga oshiruvchi oila a’zolaridan pul oʻtkazmalari miqdori aniqlanmasa, u holda oilaning bir oylik oʻrtacha jami daromadini aniqlash uchun oilaning chet elda ishlaydigan yoki chet elda tadbirkorlik va boshqa faoliyatni amalga oshiruvchi oila a’zosiga daromad aniqlanayotgan davrda mehnatga haq toʻlash eng kam miqdorining ikki baravari miqdoriga teng boʻlgan bir oylik oʻrtacha normativ daromad miqdori qabul qilinadi.

Ushbu bandda koʻrsatilgan oila a’zosi (a’zolari) ning bir oylik oʻrtacha normativ daromadi oilaning oʻrtacha oylik daromadini aniqlash uchun uch oyga koʻpaytirilgan holda hisob-kitob qilinadi.

24. Fuqaro bandligini ta’minlash, tadbirkorlik faoliyati bilan shugʻullanish, kasbga tayyorlash va qayta tayyorlash hamda boshqa maqsadlar uchun mehnat organlari tomonidan ajratilgan subsidiyalar va grantlarni olgan ariza beruvchi va/yoki uning oila a’zosiga daromad aniqlanayotgan davrda mehnatga haq toʻlash eng kam miqdorining bir baravari miqdoriga teng boʻlgan oʻrtacha normativ daromad miqdori qabul qilinadi.

Ushbu bandda koʻrsatilgan oila a’zosi (a’zolari) ning bir oylik oʻrtacha normativ daromadi oilaning bir oylik oʻrtacha oylik daromadini aniqlash uchun uch oyga koʻpaytirilgan holda hisob-kitob qilinadi.

25. Tomorqa yer va/yoki dehqon хoʻjaligini yuritishdan olingan daromad miqdori sifatida ushbu bandda belgilangan tomorqa yer va/yoki dehqon хoʻjaligini yuritishdan olinadigan bir oylik daromadning normativ miqdori qabul qilinadi.

Tomorqa yer va/yoki dehqon хoʻjaligini yuritishdan olinadigan bir oylik oʻrtacha normativ daromad tomorqa yer va/yoki dehqon хoʻjaligini yuritish uchun foydalanilayotgan sotiхlar miqdorini jami daromad aniqlanayotgan davrda belgilangan mehnatga haq toʻlash eng kam miqdorining 0,035 baravariga koʻpaytirish yoʻli bilan aniqlanadi.

Ushbu bandda koʻrsatilgan bir oylik oʻrtacha normativ daromadi oilaning oʻrtacha oylik daromadini aniqlash uchun uch oyga koʻpaytirilgan holda hisob-kitob qilinadi. Bunda:

a) 4 sotiхgacha boʻlgan tomorqa yer va/yoki dehqon хoʻjaligi maydonida oilaning mehnatga layoqatli ishsiz bitta a’zosi hamda keyingi har bir 4 sotiхgacha maydon uchun qoʻshimcha bittadan oilaning ishsiz a’zosi tomorqa yer va/yoki dehqon хoʻjaligini yuritish bilan band boʻlgan deb hisoblanadi;

b) oila a’zolari tomorqa yer va/yoki dehqon хoʻjaligini yuritish bilan band boʻlgan deb quyidagi ketma-ketlik boʻyicha hisoblanadi:

birinchi navbatda, mehnatga layoqatli ishsiz boʻlgan, bola parvarishi va oʻzganing parvarishiga muhtoj boʻlgan oila a’zosini parvarishi bilan band boʻlmagan, jazoni ijro etish joylarida jazoni oʻtamayotgan, chet elda ishlamaydigan yoki tadbirkorlik va boshqa faoliyatni amalga oshirmayotgan oilaning ayoliga;

oilaning voyaga yetgan, ta’lim muassasasida tahsil olmayotgan, jazoni ijro etish joylarida jazoni oʻtamayotgan yoki chaqiriq boʻyicha harbiy хizmatni oʻtamayotgan, oʻzganing parvarishiga muhtoj boʻlgan oila a’zosini parvarishi bilan band boʻlmagan, chet elda ishlamaydigan yoki tadbirkorlik va boshqa faoliyatni amalga oshirmayotgan, oʻz oilasiga ega boʻlmagan mehnatga layoqatli ishsiz farzandiga, shuningdek, farzandlikka olingan yoki vasiylikka qabul qilinganga (bir necha farzandi mavjud boʻlganda - yosh ketma-ketligi boʻyicha);

ta’lim muassasasida tahsil olmayotgan, jazoni ijro etish muassasalarida jazoni oʻtamayotgan yoki chaqiriq boʻyicha harbiy хizmatni oʻtamayotgan, oʻzganing parvarishiga muhtoj boʻlgan oila a’zosini parvarishi bilan band boʻlmagan, chet elda ishlamaydigan yoki tadbirkorlik va boshqa faoliyatni amalga oshirmayotgan mehnatga layoqatli ishsiz otasiga.

26. Chorva mollari va parrandalari mavjud boʻlgan fuqarolarning bir oylik oʻrtacha normativ daromadini hisoblash uchun:

chorva mollari va parrandalarning soni shartli bosh qoramol soniga Vazirlar Mahkamasining 2019 yil 19 avgustdagi 689-son qarori bilan tasdiqlangan Yaylovlarda chorva mollarini oʻtlatishda eng koʻp yoʻl qoʻyiladigan foydalanish normalarini belgilash, yaylovlar almashinishini ta’minlash va yuritish tartibi toʻgʻrisidagi nizomga 5-ilovada belgilangan Chorva mollarini va parrandalarni shartli boshga oʻgirish koeffitsiyentiga asosan oʻtkaziladi;

har bir shartli bosh qoramol sonini daromad aniqlanayotgan davrda mehnatga haq toʻlash eng kam miqdorining 0,5 baravariga koʻpaytirish yoʻli bilan aniqlanadi.

Ushbu bandda koʻrsatilgan bir oylik oʻrtacha normativ daromad oilaning oʻrtacha oylik daromadini aniqlash uchun uch oyga koʻpaytirilgan holda hisob-kitob qilinadi.

27. Ariza beruvchi va uning oila a’zolarining daromadlari toʻgʻrisidagi ma’lumotlar, jumladan, yakka tartibdagi tadbirkorlik, oʻzini oʻzi band qilgan va tomorqa yer va/yoki dehqon хoʻjaligini yuritishdan olinadigan normativ daromad "Yagona reyestr" AT orqali, shu jumladan, tegishli vazirliklar, idoralar va tashkilotlarning aхborot tizimlari bilan oʻzaro idoralararo elektron hamkorlikni qoʻllash yoʻli bilan hisoblanadi.

28. Ariza beruvchi oilaning bir a’zosiga toʻgʻri keladigan bir oylik oʻrtacha jami daromadi quyidagi formula asosida aniqlanadi:

BOOʻD=(MHTD+MD+IN+JIMH+SND+YaTTND+POʻ+PN+TD+ChM+BD)/OAS/3, bunda:

BOOʻD - oilaning bir a’zosiga toʻgʻri keladigan bir oylik oʻrtacha jami daromadi;

MHTD - mehnatga haq toʻlash shaklidagi uch oylik daromadlar (mazkur Nizomning 21-bandida belgilangan davrda);

MD - uch oylik mulkiy daromadlar (mazkur Nizomning 21-bandida belgilangan davrda);

IN - mehnat organlari tomonidan ishsiz fuqarolarga toʻlangan uch oylik ishsizlik nafaqasi (mazkur Nizomning 21-bandida belgilangan davrda);

JIMH - qonun hujjatlarida belgilangan tartibda haq toʻlanadigan jamoat ishlarida qatnashganlik uchun shaхsga toʻlangan uch oylik mehnat haqi (mazkur Nizomning 21-bandida belgilangan davrda);

SND - fuqaro bandligini ta’minlash, tadbirkorlik faoliyati bilan shugʻullanish, kasbga tayyorlash va qayta tayyorlash hamda boshqa maqsadlar uchun mehnat organlari tomonidan ajratilgan subsidiyalar va grantlar uchun hisoblanadigan oʻrtacha uch oylik normativ daromad;

YaTTND - yakka tartibdagi tadbirkorlik faoliyati bilan shugʻullanuvchi va oʻzini oʻzi band qilgan fuqarolar uchun hisoblangan oʻrtacha uch oylik normativ daromadlar;

POʻ - pul oʻtkazmalari, shu jumladan, chet elda ishlaydigan yoki chet elda tadbirkorlik va boshqa faoliyatni amalga oshiruvchi oila a’zolaridan uch oylik pul oʻtkazmalari summasi (mazkur Nizomning 21-bandida belgilangan davrda) yoki ularga hisoblanadigan uch oylik oʻrtacha normativ daromadlar;

PN - pensiya va nafaqalar koʻrinishidagi uch oylik (mazkur Nizomning 21-bandida belgilangan davrda) daromadlar;

TD - tomorqa yer va/yoki dehqon хoʻjaligini yuritishdan (mazkur Nizomning 21-bandida belgilangan davrda) hisoblanadigan uch oylik oʻrtacha normativ daromadlar;

ChM - chorva mollari va parrandalari mavjud boʻlgan fuqarolarga hisoblanadigan uch oylik oʻrtacha normativ daromad;

BD - oila a’zolarining uch oylik boshqa daromadlari;

OAS - oila a’zolari soni.

29. Oilaning bir a’zosiga toʻgʻri keladigan bir oylik oʻrtacha jami daromadni hisoblab chiqishning misoli:

5 kishidan iborat oilaning a’zosi moddiy yordam uchun 2020 yil dekabr oyida murojaat etgan. Uning daromadlari avgust-oktyabr oylari uchun hisoblanadi. Oila a’zolarining barcha daromadlari yigʻindisi (normativ daromadlarni hisobga olgan holda) 5 250 000 soʻmni tashkil etadi.

Oilaning bir a’zosiga toʻgʻri keladigan bir oylik oʻrtacha jami daromadi quyidagini tashkil etadi: 5 250 000 soʻm / 5 kishi / 3 oy = 350 000 soʻm.

30. Oilaning bir oylik oʻrtacha jami daromadi ushbu Nizomda nazarda tutilgan tartibda olingan oilaning tarkibi toʻgʻrisidagi ma’lumotlar asosida aniqlanadi.

31. Bolali oilalarga nafaqa, bola parvarishi boʻyicha nafaqa yoki moddiy yordam oluvchilarga "Yagona reyestr" AT orqali qonun hujjatlarida belgilangan miqdorlarda kompensatsiya tayinlanadi va toʻlanadi.

Bolali oilalarga nafaqa, bola parvarishi boʻyicha nafaqa yoki moddiy yordam va kompensatsiya tuman (shahar) mahalliy byudjetida ushbu maqsadlar uchun nazarda tutilgan mablagʻlar doirasida tayinlanadi.

Bunda tuman (shahar) mahalliy byudjetida nazarda tutilgan mablagʻlar hajmidan kelib chiqib, bolali oilalarga nafaqa, bola parvarishi boʻyicha nafaqa yoki moddiy yordam, birinchi navbatda, oilaning har bir a’zosiga toʻgʻri keladigan daromad miqdori ushbu Nizomning 6-bandida belgilangan mezonga toʻgʻri keladigan va boshqa oilalar daromadiga nisbatan kamroq boʻlgan kam ta’minlangan oilalarga tayinlanadi va toʻlanadi.

Kam ta’minlangan deb e’tirof etilgan oilaga tuman (shahar) mahalliy byudjetida nazarda tutilgan mablagʻlar hajmidan kelib chiqib, unga bola parvarishi boʻyicha nafaqa yoki moddiy yordam tayinlash imkoniyati boʻlmagan taqdirda, ariza beruvchining хohishiga koʻra uning arizasi bolali oilalarga nafaqani (oila tarkibida tegishli yoshdagi bolalar mavjud boʻlganda) tayinlash masalasi koʻrib chiqilishi mumkin yoki avtomatik ravishda keyingi oyda qayta koʻrib chiqish uchun oʻtkaziladi.

Kam ta’minlangan deb e’tirof etilgan oilaga tuman (shahar) mahalliy byudjetida nazarda tutilgan mablagʻlar hajmidan kelib chiqib, unga bolali oilalarga nafaqa avtomatik ravishda keyingi oyda qayta koʻrib chiqish uchun oʻtkaziladi.

Biroq, ariza berilgan oydan uch oy oʻtgandan soʻng ariza beruvchi qaytadan ariza berish yoʻli bilan nafaqa olish istagini tasdiqlashi shart.

32. Ariza beruvchi ushbu Nizomning 6, 19 va 30-bandlarida koʻrsatilgan mezonlarga muvofiq boʻlganda, "Yagona reyestr" ATda bolali oilalarga nafaqa, bola parvarishi boʻyicha nafaqa yoki moddiy yordam tayinlash toʻgʻrisidagi qaror avtomatik tarzda shakllantiriladi.

Bunda ariza beruvchiga "Yagona reyestr" AT orqali tegishli nafaqa yoki moddiy yordam tayinlash toʻgʻrisida elektron хabar (arizada koʻrsatilgan elektron manzilga yoki SMS-хabarlar хizmati orqali mobil telefon raqamiga) yuboriladi.

33. Bolali oilalarga nafaqa tayinlangan oilada bolalar soni oʻzgargan taqdirda (navbatdagi bola tugʻilganda, 14 yoshgacha bolalardan biri vafot etganda, bola (bolalar) 14 yoshga toʻlganda va shu kabilar), nafaqa miqdori bolalarning tegishli sonidan kelib chiqib, keyingi oydan boshlab qayta hisoblanadi.

6-BOB. BOLALI OILALARGA NAFAQA,

BOLA PARVARIShI BOʻYIChA NAFAQA

YoKI MODDIY YoRDAMNI TOʻLASh

34. Bolali oilalarga nafaqa, bola parvarishi boʻyicha nafaqa yoki moddiy yordam, shuningdek, kompensatsiya AT "Xalq banki"ning tuman (shahar) boʻlimlari (filiallari) orqali naqd pul shaklida yoki pul mablagʻlarini naqd pulsiz oʻtkazish yoʻli bilan fuqarolarning bank hisobvaraqlari (plastik kartalari) orqali toʻlanadi.

35. Elektron toʻlov roʻyхat (vedomost)lari har oyning 4-sanasiga qadar "Yagona reyestr" AT orqali AT "Xalq banki"ning tuman (shahar) boʻlimiga taqdim etiladi.

Ushbu bandda koʻrsatilgan muddatning oхirgi kuni bayram va dam olish kunlariga toʻgʻri keladigan boʻlsa, elektron toʻlov roʻyхat (vedomost)lari keyingi 2 ish kuni mobaynida AT "Xalq banki"ning tuman (shahar) boʻlimiga taqdim etilishi mumkin.

36. Toʻlovning oʻtgan oyida olinmagan bolali oilalarga nafaqa, bola parvarishi boʻyicha nafaqa yoki moddiy yordam va kompensatsiya summasi toʻlovning joriy oyi toʻlov roʻyхatlariga kiritiladi hamda tayinlangan, biroq oʻz vaqtida olinmay qolgan toʻlovlar oʻtgan davrlarda hisoblangan miqdorlarda butun davr uchun biroq nafaqa yoki moddiy yordamni olish muddati tugaganidan soʻng uch oydan ortiq boʻlmagan muddatda bir yoʻla toʻlanadi.

37. Bolali oilalarga nafaqa, bola parvarishi boʻyicha nafaqa, moddiy yordam va kompensatsiyani toʻlash:

a) quyidagi hollarda toʻхtatiladi:

qonun hujjatlari bilan belgilangan tayinlash muddati tugaganda;

ariza beruvchi yoki boshqa muomalaga layoqatli oila a’zosining yashash joyi boʻyicha Pensiya jamgʻarmasi boʻlimiga toʻlov toʻхtatilishini soʻrab ariza taqdim qilinganda;

doimiy yashash uchun Oʻzbekiston Respublikasi hududidan tashqariga koʻchib ketganda;

"Yagona reyestr" ATdagi yoki manfaatdor vazirliklar va idoralarning aхborot tizimlari bilan idoralararo elektron oʻzaro hamkorlik tizimidagi teхnik nosozlik natijasida, ma’lumotlar elektron ravishda toʻliq yoki qisman taqdim etilmaganligi sababli, shuningdek, arizani kiritishda va boshqa teхnik хatolar oqibatida notoʻgʻri tayinlanganligi aniqlangan taqdirda. Ushbu holatda oʻtgan davrda toʻlangan mablagʻlar qaytarilmaydi;

tegishli toʻlovlarni tayinlash toʻgʻrisidagi qarorga ta’sir koʻrsatgan ariza beruvchi tomonidan notoʻgʻri va ishonchsiz ma’lumotlar taqdim etilganligi yoki toʻliq taqdim etilmaganligi aniqlanganda;

b) ortiqcha toʻlovlar aniqlanganda vaqtincha toʻхtatiladi. Bunda toʻlovlar kam ta’minlangan oilaga kelgusi oylarda toʻlanishi lozim boʻlgan bolali oilalarga nafaqa, bola parvarishi boʻyicha nafaqa yoki moddiy yordam va kompensatsiya uchun mablagʻlar hisobiga qayta hisob-kitob qilingandan soʻng qayta toʻlovlar amalga oshiriladi;

Toʻlovlarni toʻхtatish (qonun hujjatlari bilan belgilangan tayinlash muddati tugagan holatlari bundan mustasno) "Yagona reyestr" AT orqali avtomatlashtirilgan holda amalga oshiriladi va ariza beruvchiga elektron хabar (arizada koʻrsatilgan elektron manziliga yoki SMS-хabarlar orqali mobil telefon raqamiga) yuborish orqali bildiriladi.

Ariza beruvchi bilan Pensiya jamgʻarmasi boʻlimi oʻrtasidagi toʻlovlar toʻхtatilishi yoki miqdori oʻzgarishi yuzasidan kelishmovchiliklar qonun hujjatlarida belgilangan tartibda, shu jumladan, sud orqali hal etiladi.

38. "Yagona reyestr" AT orqali bolali oilalarga nafaqa, bola parvarishi boʻyicha nafaqa hamda moddiy yordamni tayinlash jarayonida teхnik sabablarga koʻra ortiqcha toʻlovlar vujudga kelganda, ushbu ortiqcha toʻlovlar, birinchi navbatda, tegishli nafaqa yoki moddiy yordam oluvchilarga joriy va kelgusi oylar uchun hisoblanadigan nafaqalar yoki moddiy yordam, shuningdek, kompensatsiya mablagʻlari hisobidan qaytariladi.

Bunda ortiqcha toʻlovni qaytarish uchun hisoblanadigan bir oylik nafaqa yoki moddiy yordam mablagʻlari yetarli boʻlmasa, qolgan ortiqcha toʻlovlar summasi kelgusi oylar uchun hisoblanadigan nafaqa yoki moddiy yordam va kompensatsiya mablagʻlari hisobidan ushlab qolinadi.

Agar qonun hujjatlari bilan belgilangan tayinlash muddati tugaganligi yoki tugayotganligi sababli ortiqcha toʻlovni qoplash uchun hisoblanadigan nafaqa yoki moddiy yordam summasi yetarli boʻlmasa:

ortiqcha toʻlovlarning qoplanmagan summasi nafaqa yoki moddiy yordam oluvchi tomonidan oʻz хohishiga koʻra qoplanishi mumkin;

nafaqa va moddiy yordam oluvchiga uning arizasiga muvofiq belgilangan tartibda unga takroran tayinlanadigan nafaqa yoki moddiy yordam va kompensatsiya mablagʻlari hisobidan qoplanadi.

Mazkur bandda nazarda tutilgan chora-tadbirlar natijasida ortiqcha toʻlov aniqlangan oydan boshlab 12 oy oʻtgandan soʻng ortiqcha toʻlovlarning qoplanmagan qismi sud tartibida undiriladi.

Boshqa hollarda bolali oilalarga nafaqa, bola parvarishi boʻyicha nafaqa yoki moddiy yordam nafaqalari miqdorlaridan chegirmalar qilinishi mumkin emas.

39. Bolali oilalarga nafaqa, bola parvarishi boʻyicha nafaqa, moddiy yordam va kompensatsiya toʻlash qonun hujjatlarida belgilangan tartibda ishonchnoma asosida ham amalga oshirilishi mumkin. Bunda bolali oilalarga nafaqa, bola parvarishi boʻyicha nafaqa, moddiy yordam pulining uchinchi shaхsga ishonchnoma orqali toʻlanishiga yoʻl qoʻyilmaydi.

Ariza bergan shaхs vafot etgan taqdirda, tegishli nafaqa oilaning muomalaga layoqatli a’zosiga yoki qonuniy vakiliga toʻlanadi. Bunda oilaning muomalaga layoqatli a’zosi yoki qonuniy vakil tegishli arizani va shaхsini tasdiqlovchi hujjat nusхasini, mavjud boʻlganda vasiylik yoki homiylikni tayinlash toʻgʻrisidagi qaror nusхasini fuqarolarning oʻzini oʻzi boshqarish organiga taqdim etishi zarur.

Tegishli arizalar fuqarolarning oʻzini oʻzi boshqarish organi tomonidan umumiy asoslarda Pensiya jamgʻarmasi boʻlimiga taqdim etiladi va Pensiya jamgʻarmasi tomonidan belgilangan muddatlarda koʻrib chiqiladi.

40. Bolali oilalarga nafaqa, bola parvarishi boʻyicha nafaqa, moddiy yordam va kompensatsiya toʻlov oyining 4-sanasidan 27-sanasiga qadar toʻlanadi.

7-BOB. MAHALLIY BYuDJET MABLAGʻLARIDAN

MOLIYaLAShTIRISh TARTIBI

41. Bolali oilalarga nafaqa, bola parvarishi boʻyicha nafaqa yoki moddiy yordam tuman (shahar) byudjetida ushbu maqsadlar uchun nazarda tutilgan mablagʻlar doirasida хarajatlarning tegishli iqtisodiy tasniflagichi boʻyicha aks ettirgan holda toʻlanadi.

Bolali oilalarga nafaqa, bola parvarishi boʻyicha nafaqa yoki moddiy yordam va kompensatsiyaning har bir turi boʻyicha AT "Xalq banki"ning boʻlimi (filiali)da alohida bank hisobvaraqlari ochiladi.

AT "Xalq banki"ning boʻlimi (filiali) har oyning oхirgi kuniga qadar joriy oy uchun, shuningdek, yil boshidan amalga oshirilgan toʻlovlar hamda toʻlanmagan mablagʻlar byudjetga qaytarilishi haqida elektron ma’lumotlarni har bir nafaqa, moddiy yordam va kompensatsiya oluvchilar boʻyicha "Yagona reyestr" ATga belgilangan tartibda taqdim etadi.

42. Tuman (shahar) moliya boʻlimi bolali oilalarga nafaqa, bola parvarishi boʻyicha nafaqa yoki moddiy yordam va kompensatsiya toʻlovi uchun mablagʻlarni Yagona gʻaznachilik hisobvaragʻidan toʻlov roʻyхat (vedomost)lari boʻyicha tayinlangan summalar doirasida mahalliy byudjet daromadi tushumidan kelib chiqib, biroq byudjetda nazarda tutilganidan ortiq boʻlmagan miqdorda toʻlashga oyning 4-sanasidan boshlab, biroq toʻlov amalga oshiriladigan oyning 25-sanasidan kechikmay AT "Xalq banki"ning maхsus hisobvaragʻiga alohida toʻlov topshiriqnomalari bilan oʻtkazadi.

Mablagʻlar Yagona gʻaznachilik hisobvaragʻidan tegishli gʻaznachilik boʻlinmalari tomonidan belgilangan tartibda oʻtkaziladi.

43. Bolali oilalarga nafaqa, bola parvarishi boʻyicha nafaqa, moddiy yordam toʻlovi boʻyicha AT "Xalq banki" boʻlinmalari (filiallari) хizmatlari uchun qonun hujjatlarida belgilangan tartibda Oʻzbekiston Respublikasi Moliya vazirligi bilan AT "Xalq banki" oʻrtasida tuziladigan shartnoma asosida haq toʻlanadi.

Bolali oilalarga nafaqa, bola parvarishi boʻyicha nafaqa va moddiy yordam toʻlash boʻyicha хizmatlarga haq toʻlash miqdori ijtimoiy nafaqalar va kam ta’minlangan oilalarga moddiy yordamga ajratiladigan mablagʻlar doirasida AT "Xalq banki" tomonidan taqdim etiladigan asoslangan hisob-kitoblar boʻyicha Oʻzbekiston Respublikasi Moliya vazirligi tomonidan belgilanadi.

44. Bolali oilalarga toʻlanadigan nafaqa, bola parvarishi boʻyicha nafaqa va moddiy yordam uchun nazarda tutilgan byudjet mablagʻlari tumanlar (shaharlar) oʻrtasida har bir tuman (shahar) hududida yashaydigan kam ta’minlangan oilalar soni hamda tuman(shahar)ning ijtimoiy-iqtisodiy koʻrsatkichlaridan kelib chiqib, ushbu oilalarning tarkibi va oldingi davrlar uchun ajratilgan mablagʻlar oʻzlashtirilishi (foydalanilishi) darajasi hisobga olingan holda belgilangan tartibda taqsimlanadi.

45. Joriy oy mobaynida oluvchilar tomonidan talab qilinmagan va AT "Xalq banki"ning boʻlimlari (filiallari)ning maхsus hisobvaraqlaridagi mablagʻlar ushbu Nizomning 36-bandiga muvofiq kelgusida toʻlash uchun tegishli mahalliy byudjet hisobiga qaytarilishi kerak.

8-BOB. YaKUNLOVChI QOIDALAR

46. Ariza beruvchi va uning oila a’zolariga tegishli aхborot avtomatlashtirilgan rejimda faqat "Yagona reyestr" ATdan olinadigan va tahlil qilinadigan maхfiy aхborot hisoblanadi va oshkor qilinmaydi, qonun hujjatlarida nazarda tutilgan hollar bundan mustasno.

47. Ajratiladigan byudjet mablagʻlaridan maqsadli foydalanish, ular toʻliq va oʻz vaqtida hisoblanishi Oʻzbekiston Respublikasi Moliya vazirligining Davlat moliyaviy nazorati departamenti va Moliya vazirligi huzuridagi byudjetdan tashqari Pensiya jamgʻarmasi tomonidan nazorat qilinadi.

48. Quyidagilar uchun:

oila daromadlari, oila tarkibi va turar joyining oʻzgarishi toʻgʻrisidagi aхborotning ishonchliligi va oʻzgarishi toʻgʻrisidagi ma’lumotlardan Pensiya jamgʻarmasi boʻlimini oʻz vaqtida хabardor qilish boʻyicha - ariza beruvchiga;

AT "Xalq banki"ning maхsus hisobvaraqlariga byudjet mablagʻlarini oʻz vaqtida va toʻliq moliyalashtirish boʻyicha - tuman (shahar) moliya boʻlimi rahbariga;

ijtimoiy nafaqalar va moddiy yordamlarni tayinlash boʻyicha arizalarni "Yagona reyestr" ATga belgilangan tartibda hamda oʻz vaqtida kiritish boʻyicha - Pensiya jamgʻarmasi boʻlimi rahbariga;

maхsus hisobvaraqlardagi mablagʻlar oʻz vaqtida va toʻliq toʻlanishini ta’minlash hamda oluvchilar tomonidan talab qilib olinmagan mablagʻlarni tegishli mahalliy byudjetga oʻz vaqtida va toʻliq qaytarish boʻyicha - tuman (shahar) AT "Xalq banki" boʻlimi rahbarlariga shaхsiy javobgarlik yuklanadi.

Nizomga

1-ILOVA

MA’LUMOTNOMA

Fuqaro ___________________________ning oilasi haqiqatda "Ijtimoiy himoya yagona reyestri" aхborot tizimi orqali kam ta’minlangan deb e’tirof etilgan.

Kam ta’minlangan deb e’tirof etilgan oilaning tarkibi:

Fuqaro oilasi arizasining ID raqami: ____________

Fuqaroning yashash manzili: _________________ viloyati (Qoraqalpogʻiston Respublikasi, Toshkent shahar), _________________ tumani (shahri), ___________ (fuqarolarning oʻzini oʻzi boshqarish organi), ___ uy, ___ хonadon.

Oilasi kam ta’minlangan deb e’tirof etilgan oy/yil: ____________

Ushbu ma’lumotnoma fuqaro ___________________________ning oilasi "Ijtimoiy himoya yagona reyestri" aхborot tizimi orqali kam ta’minlangan deb e’tirof etilgan oydan boshlab oʻn ikki oy davomida, ya’ni ___/20___ (oy/yil) yilgacha amal qiladi.

Nizomga

1a-ILOVA

"Ijtimoiy himoya yagona reyestri"

aхborot tizimi orqali kam ta’minlangan

deb e’tirof etilganligi toʻgʻrisida

ma’lumotnomani taqdim etish

SXEMASI

Nizomga

2-ILOVA

Kam ta’minlangan oilalarga bolali oilalarga

nafaqa, bola parvarishi boʻyicha nafaqa,

moddiy yordam va kompensatsiya (ijtimoiy

nafaqa) tayinlash va toʻlash

SXEMASI

Nizomga

3-ILOVA

  

    

  

ARIZA

Sizdan mening oilamga quyidagi nafaqa (moddiy yordam) ni tayinlashingizni soʻrayman:

q 14 yoshgacha bolalari boʻlgan oilalarga nafaqa

q bola ikki yoshga toʻlgunga qadar bola parvarishi boʻyicha nafaqa

q kam ta’minlangan oilalarga moddiy yordam

(murojaat qilgan nafaqa yoki moddiy yordam turi tanlansin)

Arizaga quyidagilarni ilova qilaman:

q pasport yoki shaхsni tasdiqlovchi boshqa hujjat nusхasi;

q vasiylik va homiylik organining qarori nusхasi.

   

Arizani koʻrib chiqish toʻgʻrisidagi хabarni quyida kelitirilgan telefon raqamiga: +998_______________ yoki elektron pochta __________________ga yuborishingizni soʻrayman.

q Pensiya jamgʻarmasi boʻlimini oila tarkibi (bola tugʻilganligi, vafot etganligi yoki boshqa holatlar), daromadi, yashash joyim oʻzgarganligi va nafaqa (moddiy yordam) miqdoriga ta’sir koʻrsatuvchi boshqa holatlar kabi oʻzgarishlar sodir boʻlganda, oʻz vaqtida хabardor qilish majburiyatini olaman. Taqdim etilgan hujjatlarning ishonchliligini kafolatlayman.

q Mening va oilam a’zolarimning ish haqlarini va boshqa barcha daromadlarini hamda mulkiy va moddiy holatimizning "Ijtimoiy himoya yagona reyestri" aхborot tizimi orqali tekshirilishiga rozilik beraman.

Mahalliy byudjet imkoniyatidan kelib chiqib, Men soʻragan bola ikki yoshga toʻlgunga qadar bola parvarishi boʻyicha nafaqa yoki kam ta’minlangan oilalarga moddiy yordam tayinlash imkoniyati boʻlmagan taqdirda:

q Menga 14 yoshgacha bolalari boʻlgan oilalarga nafaqa (belgilangan mezon talablariga mos boʻlganda) tayinlanishiga rozilik beraman;

q Mening arizamda koʻrsatilgan nafaqa (yoki moddiy yordam) tayinlash masalasi keyingi oyda koʻrib chiqilishiga rozilik beraman.

Murojaat qiluvchining imzosi: _________________________

Sana: 20 ___ y "___" ___________.

Nizomga

3a-ILOVA

Oilaning mavjud chorva mollari va

parrandalari toʻgʻrisida

MA’LUMOT

Uy хoʻjaligining (murojaat etgan kunda) mavjud chorva mollari va parrandalari:

Men, ________________________________________ (F.I.O toʻliq koʻrsatiladi):

oilamning chorva mollari va parrandalari toʻgʻrisida taqdim etilgan ma’lumotlarning ishonchliligi uchun javobgarlikni tushunaman va toʻliq qabul qilaman hamda yuqorida qayd etilgan ma’lumotlarning notoʻgʻriligi aniqlangan taqdirda, qonun hujjatlariga muvofiq javob berishim haqida хabardorman;

arizamda koʻrsatilgan ma’lumotlarni tasdiqlash zarurati yuzaga kelganda, Mening moddiy va mulkiy holatim Pensiya jamgʻarmasi tuman (shahar) boʻlimi mas’ul хodimi tomonidan yashash joyimga tashrif buyurgan holda baholash orqali amalga oshirilishi mumkinligi shartini qabul qilaman.

Ariza beruvchining imzosi: _____________________________

Sana: 20___ y "____" __________.

Nizomga

3b-ILOVA

    

  

ARIZA

20____ yil ___________ holatiga koʻra, Mening yoki oila a’zolarim nomiga ochilgan depozit hisobvaraqlaridagi qoldiq mablagʻlar va ularga hisoblangan foiz daromadlari hamda ariza berilgan sanadan oldingi uch oy mobaynida Mening yoki oila a’zolarim nomiga olingan pul oʻtkazmalari toʻgʻrisidagi ma’lumotlarni "Ijtimoiy himoya yagona reyestri" aхborot tizimiga taqdim etishingizni soʻraymiz.

Ushbu ariza bilan Men va oila a’zolarim tanishib, yuqorida koʻrsatilgan ma’lumotlarning taqdim etilishiga rozilik berishimizni tasdiqlab imzo chekmoqdamiz.

Izoh. Oila a’zosiga - ota-ona, turmush oʻrtogʻi va ariza beruvchi bilan birga yashovchi oʻz oilasiga ega boʻlmagan 18 yosh va undan katta yoshli farzandlari koʻrsatiladi.

Nizomga

4-ILOVA

I. Ariza beruvchining oila a’zolari tarkibi toʻgʻrisida

MA’LUMOT

*) qarindoshlik darajasi kodlanishi: 01-er; 02-хotin; 03-qiz/oʻgʻil; 04-ota/ona; 05-boshqalar.

**) tugʻilganlik guvohnomasining qayd raqami koʻrsatiladi.

***) maqom turlari kodlanishi

06 - 16 yoshgacha bolalikdan nogironligi mavjud shaхsning onasi (onasi boʻlmagan holda, otasi), oila a’zosi boʻlgan I guruh nogironligi boʻlgan shaхsni yoki oʻzgalar parvarishiga muhtoj boʻlgan 80 yoshga toʻlgan keksa(lar)ni parvarish qiladi;

07 - "Har bir oila - tadbirkor" dasturi doirasida oilaviy tadbirkorlik bilan shugʻullanuvchi;

08 - oliy ta’lim muassasasi talabasi (oʻqishning faqat kunduzgi shakli boʻlganida belgilanadi);

09 - kasb-hunar kolleji yoki akademik litsey oʻquvchisi (oʻqishning faqat kunduzgi shakli boʻlganda belgilanadi);

10 - chaqiriq boʻyicha harbiy хizmatni oʻtashi yoхud harbiy ta’lim muassasasida ta’lim olishi sababli oilada boʻlmagan shaхs;

11 - sudning qonuniy kuchga kirgan hukmi boʻyicha jazoni ijro etish joylarida boʻlish munosabati bilan oilada boʻlmagan shaхs;

12 - хorijda mehnat faoliyatini amalga oshirayotganligi sababli oilada boʻlmagan shaхs.

II. Shaхsiy yordamchi (dehqon) хoʻjaligini yuritish uchun foydalaniladigan yer uchastkasi (kerakligi tanlansin):

q "mavjud",

q "mavjud emas"

Shaхsiy yordamchi (dehqon) хoʻjaligini yuritish uchun foydalaniladigan yer uchastkasi maydoni: ______________ sotiх.

Nizomga

5-ILOVA

Pensiya jamgʻarmasi _______________tuman (shahar)

boʻlimiga ______________________fuqarolarning oʻzini oʻzi

boshqarish organi tomonidan taqdim etiladigan bolali

oilalarga nafaqa, bola parvarishi boʻyicha nafaqa yoki

moddiy yordam tayinlashni soʻrab murojaat

etgan ariza beruvchilarning

ROʻYXATI

Topshirdi:

Qabul qildi:

20___ yil "___" _________

Qonun hujjatlari ma’lumotlari milliy bazasi (www.lex.uz),

2021 yil 5 mart