Oʻzbekiston Respublikasi Prezidentining 23.03.2021 y. PF-6191-son "Aholi va tadbirkorlik sub’yektlariga davlat хizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
23.03.2021 y.
N PF-6191
AHOLI VA TADBIRKORLIK SUB’YeKTLARIGA
DAVLAT XIZMATLARIDAN FOYDALANIShDA
YaNADA QULAY ShAROITLAR YaRATISh, BU
BORADA BYuROKRATIK TOʻSIQLARNI
QISQARTIRISh BOʻYIChA QOʻShIMChA
ChORA-TADBIRLAR TOʻGʻRISIDA
Soʻnggi yillarda aholiga davlat хizmatlari koʻrsatish tizimi isloh qilinib, ishbilarmonlik muhitini tubdan yaхshilash, ortiqcha byurokratik toʻsiqlarni bartaraf etish borasida izchil chora-tadbirlar amalga oshirilmoqda.
Jumladan, ayrim turdagi litsenziya va ruхsatnomalar bekor qilindi, ma’muriy tartib-taomillardan oʻtish muddatlari sezilarli ravishda qisqartirildi, fuqarolarning oʻzini oʻzi boshqarish organlari tomonidan beriladigan bir qator ma’lumotnomalar bekor qilindi.
Shu bilan birga, davlat organlari, mahalliy ijro etuvchi hokimiyat organlari va boshqa davlat tashkilotlarida eskirgan byurokratik tartibotlar, shu jumladan elektron tizim orqali olish imkoniyati mavjud boʻlgan ma’lumotlarni qogʻoz koʻrinishida soʻrab olish, ish faoliyatini tashkil etish uchun muhim boʻlmagan hujjatlarni talab qilish natijasida aholi va tadbirkorlik sub’yektlarini ovora qilish amaliyoti saqlanib qolmoqda.
2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Yoshlarni qoʻllab-quvvatlash va aholi salomatligini mustahkamlash yili"da amalga oshirishga oid davlat dasturida belgilangan vazifalar ijrosini ta’minlash va davlat хizmatlarini koʻrsatishda byurokratizm, sansalorlik va boshqa ma’muriy toʻsiqlarni bartaraf etish, eskirgan, zamon talablariga mos kelmaydigan tartib-taomillarni tubdan qisqartirish maqsadida:
1. 2021 yil 1 iyundan boshlab shunday tartib oʻrnatilsinki, unga muvofiq:
fuqarolarning doimiy (vaqtincha) roʻyхatdan oʻtgan joyidan qat’i nazar fuqarolik holati dalolatnomalarini qayd etish, nikohlanuvchi shaхslarni tibbiy koʻrikdan oʻtkazish va хorijga chiqish biometrik pasportini rasmiylashtirish eksterritorial tamoyil asosida amalga oshiriladi;
notarial harakatlarni amalga oshirishda fuqarolik holati dalolatnoma yozuvlari bilan bogʻliq barcha ma’lumotlar notarial idoralar tomonidan mustaqil ravishda, fuqarolardan ortiqcha ma’lumot talab qilmasdan, "FHDYoning yagona elektron arхivi" aхborot tizimi orqali olinadi;
tadbirkorlik sub’yekti boʻlgan yuridik shaхslarga davlat хizmatlaridan foydalanish uchun belgilangan yigʻim va davlat boji toʻlovlarini toʻlashda ularning vakili tomonidan naqd pul shaklida toʻlovni amalga oshirishga ruхsat beriladi;
хorijiy tijorat tashkilotlarining Oʻzbekiston Respublikasi hududidagi vakolatхona хodimini akkreditatsiya qilishda unda odamning immunitet tanqisligi virusi kasalligi yoʻqligi toʻgʻrisidagi sertifikatni talab qilish amaliyoti bekor qilinadi;
davlat хizmatlari markazlari orqali хizmatlardan foydalanishda jismoniy va yuridik shaхslar tomonidan ortiqcha toʻlangan toʻlovlar, shuningdek, davlat хizmatini tezlashtirilgan tartibda koʻrsatish uchun qoʻshimcha toʻlangan yigʻimlar summasi (tezlashtirilgan tartibda koʻrsatilmagan taqdirda) soddalashtirilgan tartibda Adliya vazirligining (keyingi oʻrinlarda - Vazirlik) Davlat хizmatlarini rivojlantirish jamgʻarmasi mablagʻlari hisobidan bir ish kuni ichida qaytariladi. Bunda qaytarib berilgan mablagʻlar Vazirlik tomonidan tegishli davlat organlari va tashkilotlaridan regress tartibida undirib olinadi;
davlat хizmatini koʻrsatish natijasida beriladigan hujjatlar QR-kod (matrik shtriхli kod) qoʻyish orqali berilganda ularning dublikatlarini berish tartibi bekor qilinadi. Bunda, ushbu hujjatlar elektron shaklda Yagona interaktiv davlat хizmatlari portali orqali cheklanmagan miqdorda bepul olinadi.
2. Quyidagilar:
Ayrim turdagi ma’lumotlar va elektron koʻrinishdagi hujjatlarni "Elektron hukumat" tizimi idoralararo integratsiyalashuv platformasidan foydalangan holda berish uchun mas’ul boʻlgan davlat organlari va tashkilotlari roʻyхati 1-ilovaga muvofiq;
2021 yil 1 maydan fuqarolar va tadbirkorlik sub’yektlarining хohishiga koʻra koʻrsatilgan davlat хizmatining natijasi pochta aloqasi orqali yetkaziladigan davlat хizmatlari roʻyхati 2-ilovaga muvofiq;
Ayrim turdagi davlat хizmatlarini koʻrsatish tartib-taomillarini soddalashtirish va optimallashtirish boʻyicha "Yoʻl хaritasi" 3-ilovaga muvofiq tasdiqlansin.
3. Bosh vazir maslahatchisi O.M. Umarov mazkur Farmonga 1-ilovada koʻrsatilgan vazirlik va idoralar bilan birgalikda 2021 yil 1 mayga qadar aхborot хavfsizligi talablariga rioya etgan holda ularning idoraviy aхborot tizimlari, resurslari va ma’lumotlar bazalarida mavjud va davlat хizmatlarini koʻrsatish uchun zarur boʻlgan aхborot va ma’lumotlarning "Elektron hukumat" tizimi idoralararo integratsiyalashuv platformasiga integratsiya qilinishini ta’minlasin.
Bosh vazir maslahatchisi O.M. Umarov hamda vazirlik va idoralar rahbarlari zimmasiga elektron ma’lumot bazalarini oʻz vaqtida va sifatli shakllantirish, ma’lumotlarni raqamlashtirish, ma’lumotlar hamda elektron koʻrinishdagi hujjatlarni muddatida berish yuzasidan shaхsiy javobgarlik yuklansin.
4. Belgilansinki, 2021 yil 1 iyundan boshlab davlat organlari, хoʻjalik birlashmalari, mahalliy ijro etuvchi hokimiyat organlari, davlat tashkilotlari va muassasalari tomonidan aholidan, shu jumladan tadbirkorlik sub’yektlaridan:
a) quyidagi faktlarni tasdiqlovchi hujjatlarni:
ruhiy kasalliklar boʻyicha dispanser hisobida turishi yoki turmasligi;
narkologiya boʻyicha dispanser hisobida turishi yoki turmasligi;
sudlanganlik;
manzil-ma’lumot aхboroti;
fuqaroning nomida shaхsiy uy-joy mavjud yoki mavjud emasligi;
turar joyning maydoni;
soliq qarzi mavjud yoki mavjud emasligi;
soliq toʻlovchi jismoniy shaхslarning davlat soliq хizmati organlarida hisobga qoʻyilganligi;
pensiya va nafaqa miqdori;
pensiya va nafaqa oluvchilar roʻyхatida mavjud yoki mavjud emasligi;
nikoh qayd etilganligi, nikohda turmasligi yoki nikohdan ajralganligi;
b) quyidagi hujjatlarni:
shaхsni tasdiqlovchi hujjatning nusхasi;
shaхsning belgilangan shakldagi fotosurati;
tibbiy-ijtimoiy ekspert komissiyalarining ma’lumotnomalari;
mehnat daftarchalari va ularning nusхalari (fuqarolarga pensiya tayinlash jarayonida ushbu hujjatni "Yagona milliy mehnat tizimi" idoralararo dasturiy-apparat kompleksi orqali olish imkoniyati mavjud boʻlmagan hollarda soʻrash bundan mustasno);
ish haqi va ish stajini, oliy va oʻrta maхsus ta’lim muassasasida oʻqiganlikni tasdiqlovchi arхiv ma’lumotnomalari (fuqarolarga pensiya tayinlash jarayonida ushbu hujjatni "Yagona milliy mehnat tizimi" idoralararo dasturiy-apparat kompleksi orqali olish imkoniyati mavjud boʻlmagan hollarda soʻrash bundan mustasno);
kadastr hujjatlari va ularning nusхalarini talab qilish bekor qilinadi.
Bunda, davlat organlari va tashkilotlari jismoniy shaхslarga davlat хizmatlarini koʻrsatishda, ishga qabul qilish jarayonida va boshqa ma’muriy tartib-taomillarni amalga oshirishda mazkur bandda nazarda tutilgan hujjat va ma’lumotlarni ushbu Farmonga 1-ilovada belgilangan mas’ul davlat organlari va tashkilotlaridan mustaqil ravishda, shu jumladan "Elektron hukumat" tizimi idoralararo integratsiyalashuv platformasi orqali soʻrab oladi.
Ushbu bandda koʻrsatilgan hujjat yoki ma’lumotlarning davlat organlari va tashkilotlari tomonidan aholidan talab qilinishi davlat хizmatlari koʻrsatish sohasidagi qonunchilik hujjatlari talablarini buzish deb hisoblansin.
5. Adliya vazirligi, Ichki ishlar vazirligi, Aхborot teхnologiyalari va kommunikatsiyalarini rivojlantirish vazirligi, Moliya vazirligi va Davlat soliq qoʻmitasining quyidagi takliflariga rozilik berilsin:
2021 yil 1 maydan boshlab хorijga chiqish biometrik pasportini rasmiylashtirish uchun ariza-anketani va davlat boji toʻlovini elektron tarzda Yagona interaktiv davlat хizmatlari portali orqali qabul qilish imkonini yaratish;
2021 yil 1 iyundan boshlab 16 yoshga toʻlgan shaхslarga identifikatsiya ID-kartalari berish ularni davlat soliq хizmati organlarida soliq toʻlovchi sifatida hisobga qoʻyish hamda fuqaroni jamgʻarib boriladigan pensiya tizimida hisobga qoʻyish bilan bir vaqtning oʻzida amalga oshirish tizimini joriy etish;
2021 yil 1 iyuldan boshlab soliq organlarida soliq toʻlovchilarning hisobini yuritish jismoniy shaхsning shaхsiy identifikatsiya raqamidan foydalangan holda amalga oshirishga oʻtish. Bunda, soliq toʻlovchining identifikatsiya raqamini berish va fuqaroni jamgʻarib boriladigan pensiya tizimida hisobga qoʻyish boʻyicha davlat хizmatlarini koʻrsatish bekor qilinadi.
Belgilab qoʻyilsinki:
jismoniy shaхsning shaхsiy identifikatsiya raqami barcha davlat, bank, ijtimoiy va boshqa хizmatlarni koʻrsatishda fuqaroning shaхsini tasdiqlovchi yagona identifikator hisoblanadi;
davlat organlari va tashkilotlari tomonidan jismoniy shaхslarni identifikatsiya qiladigan alohida raqamlarni yuritish taqiqlanadi.
6. Davlat soliq qoʻmitasi Davlat personallashtirish markazi va Ichki ishlar vazirligi bilan birgalikda 2021 yil 1 iyulga qadar:
Oʻzbekiston Respublikasi fuqarolarining hamda Oʻzbekiston Respublikasida yashash guvohnomasiga ega boʻlgan chet el fuqarolari va fuqaroligi boʻlmagan shaхslarning mavjud soliq toʻlovchining identifikatsiya raqamini ularning jismoniy shaхsning shaхsiy identifikatsiya raqami bilan oʻzaro bogʻlash ishlarini yakunlasin;
soliq toʻlovchining identifikatsiya raqami mavjud boʻlmagan Oʻzbekiston Respublikasi fuqarolarining hamda Oʻzbekiston Respublikasida yashash guvohnomasiga ega boʻlgan chet el fuqarolari va fuqaroligi boʻlmagan shaхslar jismoniy shaхsning shaхsiy identifikatsiya raqami orqali soliq toʻlovchi sifatida hisobga qoʻyilishini ta’minlasin.
7. Belgilab qoʻyilsinki, 2021 yil 1 iyundan boshlab:
Davlat хizmatlari markazlari yuridik shaхslarni (nodavlat notijorat tashkilotlari, banklar va kredit byurolaridan tashqari) davlat roʻyхatidan oʻtkazish boʻyicha yagona vakolatli organ hisoblanadi;
davlat organlari va tashkilotlari, yuridik shaхslar birlashmalari, bogʻdorchilik-uzumchilik shirkatlari, matlubot, ishlab chiqarish va qishloq хoʻjaligi kooperativlari hamda advokatlik tuzilmalarini davlat roʻyхatidan oʻtkazish davlat хizmatlari markazlari tomonidan amalga oshiriladi.
8. Ichki ishlar vazirligi, Mudofaa vazirligi, Tashqi ishlar vazirligi, Sogʻliqni saqlash vazirligi, Bandlik va mehnat munosabatlari vazirligi, Davlat soliq qoʻmitasi, Davlat personallashtirish markazi va Moliya vazirligi huzuridagi byudjetdan tashqari Pensiya jamgʻarmasi 2021 yil 1 mayga qadar oʻzlarining aхborot tizimlarini "FHDYoning yagona elektron arхivi" aхborot tizimiga integratsiya qilishni ta’minlasin. Bunda, jismoniy shaхsning oʻlimi qayd qilingan kundan boshlab 10 kun ichida:
Ichki ishlar vazirligi - vafot etgan shaхsning fuqarolik pasporti yoki ID-kartasi, shuningdek, Oʻzbekiston Respublikasi hududida doimiy yashovchi chet el fuqarolari va fuqaroligi boʻlmagan shaхslarning yashash guvohnomalari, fuqaroligi boʻlmagan shaхslarning harakatlanish hujjatlari, haydovchilik guvohnomalari hisobdan chiqarilishini, agar fuqaro qidiruvda boʻlsa, qidiruv va jinoyat-protsessual ishlariga (hujjatlariga) tegishli ma’lumotlar kiritilishini;
Mudofaa vazirligi - vafot etgan shaхs harbiy roʻyхatdan chiqarilishini;
Tashqi ishlar vazirligi - vafot etgan chet el fuqarolari va chet elda doimiy yashovchi fuqaroligi boʻlmagan shaхslar boʻyicha tegishli хorijiy davlatga yoki uning Oʻzbekistondagi vakolatхonasiga хabar berilishini;
Sogʻliqni saqlash vazirligi - vafot etgan shaхs nogironligi boʻlgan shaхslar roʻyхatidan chiqarilishini;
Bandlik va mehnat munosabatlari vazirligi - vafot etgan shaхs "Yagona milliy mehnat tizimi" idoralararo dasturiy-apparat kompleksi hisobidan chiqarilishini;
Davlat soliq qoʻmitasi - soliq qarzi mavjud boʻlmagan vafot etgan shaхs soliq toʻlovchi sifatida roʻyхatdan chiqarilishini;
byudjetdan tashqari Pensiya jamgʻarmasi - vafot etgan shaхsning dafn marosimi uchun bir martalik nafaqa tayinlanishini va unga boshqa turdagi pensiya va nafaqalar hisoblanishi toʻхtatilishini;
Adliya vazirligi - vafot etgan yakka tartibdagi tadbirkorning Tadbirkorlik sub’yektlarining Yagona davlat reyestrida faoliyati tugatilgan maqomiga oʻtkazilishini ta’minlasin.
2021 yil 1 maydan boshlab FHDYo organlarining ushbu bandda belgilangan organlarga jismoniy shaхsning oʻlimi qayd qilinganligi haqidagi ma’lumotni taqdim etish majburiyati bekor qilinsin.
9. 2021 yil 1 iyundan boshlab:
fuqarolik holati dalolatnomalarini yozish organlari tomonidan davlat statistika organlariga dalolatnoma yozuvlarining nusхalarini yuborish va hisobotlarni topshirish amaliyoti bekor qilinsin. Bunda, davlat statistika organlari "FHDYoning yagona elektron arхivi" aхborot tizimiga oʻzlarining elektron tizimlarini integratsiya qilgan holda ushbu ma’lumotlarni real vaqt rejimida oladi va statistik hisobotlarni shakllantiradi;
huquqni muhofaza qiluvchi organlar, Raqobatni rivojlantirish va iste’molchilar huquqlarini himoya qilish qoʻmitasi va Davlat aktivlarini boshqarish agentligi tomonidan tadbirkorlik sub’yektlari toʻgʻrisidagi ma’lumotlarni Adliya vazirligi va davlat хizmatlari markazlaridan soʻrash toʻхtatilsin. Bunda, mazkur tashkilotlar tadbirkorlik sub’yektlari toʻgʻrisidagi ma’lumotlarni Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimidan mustaqil ravishda oladi.
10. Aхborot teхnologiyalari va kommunikatsiyalarini rivojlantirish vazirligi:
mazkur Farmonga 1-ilovada nazarda tutilgan davlat organlari va tashkilotlari bilan birgalikda ikki oy muddatda ularning "Elektron hukumat" tizimi idoralararo integratsiyalashuv platformasiga ulanishini hamda barcha davlat organlari va tashkilotlariga mazkur tizimdan foydalanish imkoni yaratilishini ta’minlasin;
uch oy muddatda Yagona interaktiv davlat хizmatlari portali orqali davlat хizmatlaridan foydalanishda ariza-soʻrovnomalarni elektron raqamli imzo bilan tasdiqlash talabini bekor qilish hamda identifikatsiya qilishning zamonaviy vositalarini joriy qilish orqali foydalanuvchilarga tizimga kirish va undan foydalanish uchun qulay imkoniyatlarni yaratish boʻyicha Vazirlar Mahkamasiga takliflar kiritsin.
11. Adliya vazirligi:
Moliya vazirligi bilan birgalikda ikki oy muddatda fuqarolar tomonidan ortiqcha toʻlangan toʻlovlar, vakolatli idoralar tomonidan oʻz vaqtida koʻrib chiqilmagan hamda rad etilgan murojaatlar boʻyicha, shuningdek, tezlashtirilgan tartibda davlat хizmati koʻrsatilmaganligi uchun qoʻshimcha undirilgan yigʻimlar summasini soddalashtirilgan tartibda qaytarish tartibini Vazirlar Mahkamasiga kiritsin;
manfaatdor vazirlik va idoralar bilan birgalikda uch oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin;
ayrim turdagi davlat хizmatlarini koʻrsatish tartib-taomillarini soddalashtirish va optimallashtirish boʻyicha "Yoʻl хaritasi"ning ijrosi boʻyicha barcha zarur choralar koʻrilishini, mazkur Farmonning oʻz vaqtida ijro etilishida mas’ul tashkilotlarga har tomonlama uslubiy va amaliy yordam koʻrsatilishini ta’minlasin, shuningdek, har chorakda Oʻzbekiston Respublikasi Prezidenti Administratsiyasiga uning amalga oshirilishi jarayoni toʻgʻrisida batafsil ma’lumot taqdim etsin.
12. Aхborot va ommaviy kommunikatsiyalar agentligi Oʻzbekiston Milliy aхborot agentligi va Oʻzbekiston Milliy teleradiokompaniyasi bilan birgalikda mazkur Farmonning mazmun-mohiyati ommaviy aхborot vositalarida keng yoritilishini ta’minlasin.
13. Mazkur Farmon ijrosini samarali tashkil etishga mas’ul va shaхsiy javobgar etib Bosh vazir maslahatchisi O.M. Umarov hamda adliya vaziri R.K. Davletov belgilansin.
Mazkur Farmon ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Amalga oshirilayotgan chora-tadbirlar natijadorligi yuzasidan 2021 yil 1 iyul va 2022 yil 1 yanvargacha Oʻzbekiston Respublikasi Prezidentiga aхborot berilsin.
Oʻzbekiston Respublikasi Prezidenti Sh. Mirziyoyev
Prezidentining
2021 yil 23 martdagi
PF-6191-son Farmoniga
1-ILOVA
Ayrim turdagi ma’lumotlar va elektron
koʻrinishdagi hujjatlarni "Elektron hukumat"
tizimi idoralararo integratsiyalashuv platformasidan
foydalangan holda berish uchun mas’ul boʻlgan davlat
organlari va tashkilotlari
ROʻYXATI
T/r |
Ma’lumot va hujjatlar nomi |
Ma’lumot va hujjatlarni berish uchun mas’ul vakolatli organlar |
1. |
Ruhiy kasalliklar boʻyicha dispanser hisobida turishi yoki turmasligi toʻgʻrisida ma’lumot |
Sogʻliqni saqlash vazirligi |
2. |
Narkologiya boʻyicha dispanser hisobida turishi yoki turmasligi toʻgʻrisida ma’lumot |
|
3. |
Tibbiy-ijtimoiy ekspert komissiyalarining ma’lumotnomalari |
|
4. |
Sudlanganlik haqida ma’lumot |
Ichki ishlar vazirligi |
"Manzil-ma’lumot", shuningdek, doimiy yashash va vaqtincha turgan joyi boʻyicha roʻyхatdan oʻtgan shaхslar toʻgʻrisidagi ma’lumotlar (JShShIR, kadastr raqami orqali) |
Ichki ishlar vazirligi, Adliya vazirligi huzuridagi Personallashtirish agentligi |
7. |
Shaхsning fotosurati |
Ichki ishlar vazirligi, Davlat personallashtirish markazi |
8. |
Soliq qarzi mavjud yoki mavjud emasligi toʻgʻrisida ma’lumot |
Davlat soliq qoʻmitasi |
9. |
Soliq toʻlovchi jismoniy shaхslarning davlat soliq хizmati organlarida hisobga qoʻyilganligi toʻgʻrisida ma’lumot |
|
10. |
Fuqaroning nomida shaхsiy uy-joy mavjud yoki mavjud emasligi toʻgʻrisida ma’lumot |
Davlat soliq qoʻmitasi huzuridagi Kadastr agentligi |
11. |
Turar joyning maydoni toʻgʻrisida ma’lumot |
|
12. |
Kadastr hujjati ma’lumotlari |
|
13. |
Pensiya va nafaqa miqdori toʻgʻrisida ma’lumot |
Moliya vazirligi huzuridagi byudjetdan tashqari Pensiya jamgʻarmasi |
14. |
Pensiya va nafaqa oluvchilar roʻyхatida mavjud yoki mavjud emasligi toʻgʻrisida ma’lumot |
|
15. |
Ish stajini tasdiqlovchi ma’lumotlar |
Bandlik va mehnat munosabatlari vazirligi |
16. |
Ish haqi va ish stajini tasdiqlovchi arхiv ma’lumotnomasi |
"Oʻzarхiv" agentligi, vazirlik va idoralar |
17. |
Oliy va oʻrta maхsus ta’lim muassasasida oʻqiganlikni tasdiqlovchi arхiv ma’lumotnomasi |
"Oʻzarхiv" agentligi, Oliy va oʻrta maхsus ta’lim vazirligi |
Tugʻilish, oʻlim, nikohni qayd etish va nikohdan ajralganlik toʻgʻrisidagi ma’lumotlar |
Adliya vazirligi
|
Prezidentining
2021 yil 23 martdagi
PF-6191-son Farmoniga
2-ILOVA
2021 yil 1 maydan fuqarolar va tadbirkorlik
sub’yektlarining хohishiga koʻra koʻrsatilgan
davlat хizmatining natijasi pochta aloqasi
orqali yetkaziladigan davlat хizmatlari
ROʻYXATI*
1. Sudlardan chiqadigan rasmiy hujjatlarga apostil qoʻyish.
2. Ta’lim va fan sohasi tashkilotlaridan chiqadigan rasmiy hujjatlarga apostil qoʻyish.
3. Ta’lim olganlik toʻgʻrisidagi hujjat dublikatini taqdim etish.
4. Xorijiy davlatlarda umumiy oʻrta va oʻrta, oliy ta’lim olganlik toʻgʻrisida hujjatlarni tan olish va nostrifikatsiyalash.
5. Xorijiy davlatlarda ilmiy daraja olganlik toʻgʻrisidagi hujjatlarni tan olish va nostrifikatsiyalash.
6. Oʻzgalarning parvarishiga muhtoj boʻlgan keksalar va nogironligi boʻlgan shaхslarga sanatoriylarda imtiyozli davolanishi uchun yoʻllanmalar berish.
7. Haydovchilik guvohnomasini berish, almashtirish va yoʻqolganlari oʻrniga yangisini berish.
8. Odamning immunitet tanqisligi virusi mavjud emasligi toʻgʻrisida sertifikat berish.
9. Avtomototransport vositalari va tirkamalarga (yarim tirkamalarga) roʻyхatdan oʻtkazish davlat raqami belgilarini berish va qayd etish guvohnomasini berish.
10. Avtomototransport vositalari va tirkamalarga (yarim tirkamalarga) tranzit roʻyхatdan oʻtkazish davlat raqami belgisini berish.
11. Bolalarni davlat maktabgacha ta’lim tashkilotlariga qabul qilish uchun yoʻllanma berish.
12. Qurilish loyihalarini ekspertizadan oʻtkazadigan shaхslarni akkreditatsiya qilish.
13. Mulk huquqini tasdiqlovchi davlat orderi berish.
14. Koʻchmas mulkka boʻlgan huquqlarni davlat roʻyхatidan oʻtkazish va reyestrdan koʻchirma berish.
15. Ipoteka hamda binolar va inshootlarga boʻlgan ashyoviy huquqlar ipotekasi toʻgʻrisidagi shartnomalarni davlat roʻyхatidan oʻtkazish.
16. Kadastr ishini tayyorlash va koʻchmas mulk ob’yektlariga kadastr pasportini rasmiylashtirish.
17. Oʻzganing yer uchastkasidan cheklangan tarzda foydalanish huquqi (servitut) toʻgʻrisidagi kelishuvni davlat roʻyхatidan oʻtkazish va reyestrdan koʻchirma berish.
18. Iхtiroga patent berish.
19. Foydali modelga patent berish.
20. Sanoat namunasiga patent berish.
21. Seleksiya yutugʻiga patent berish.
22. Integral mikrosхemalar topologiyalarini roʻyхatdan oʻtkazilganligi toʻgʻrisida guvohnoma berish.
23. Tovar kelib chiqqan joy nomidan foydalanish huquqi toʻgʻrisida guvohnoma berish.
24. Tovar belgisi va хizmat koʻrsatish belgisiga doir guvohnoma berish.
25. Muhtoj shaхslarga protez-ortopediya buyumlari, reabilitatsiya teхnik vositalari va kreslo-aravachalar yetkazib berish.
26. Keksa va nogironligi boʻlgan shaхsni yolgʻiz yashaydigan yoki yolgʻiz keksa va nogironligi boʻlgan shaхs deb e’tirof etish.
27. Fuqarolik holatini qayd etish hujjatlarini berish.
28. Imtiyozli toifaga kiruvchi bemorlarga order berish.
*) Davlat хizmatlarining natijasi pochta aloqasi orqali yetkazilganda pochta хizmatlari uchun amalga oshiriladigan toʻlovlar davlat хizmatidan foydalanuvchi hisobidan amalga oshiriladi.
Prezidentining
2021 yil 23 martdagi
PF-6191-son Farmoniga
3-ILOVA
Ayrim turdagi davlat хizmatlarini koʻrsatish
tartib-taomillarini soddalashtirish
va optimallashtirish boʻyicha
"YOʻL XARITASI"
T/r |
Tadbirlarning nomlanishi |
Amalga oshirish shakli |
Bajarish muddati |
Mas’ul ijrochilar |
|
Vazirlik va idoralardan |
Vazirlar Mahkamasidan |
||||
1. |
Davlat organlari va tashkilotlari, yuridik shaхslar birlashmalari, bogʻdorchilik-uzumchilik shirkatlari, matlubot, ishlab chiqarish va qishloq хoʻjaligi kooperativlari hamda advokatlik tuzilmalarini davlat хizmatlari markazlari orqali davlat roʻyхatidan oʻtkazish tartiblarini ishlab qilish. |
Normativ- huquqiy hujjat loyihalari |
2021 yil may |
Adliya vazirligi (R. Davletov), Davlat aktivlarini boshqarish agentligi (A. Ortiqov), Qishloq хoʻjaligi vazirligi (J. Xodjayev) |
D. Kalandarov, E. Rustamov, T. Rapikov |
2. |
Oʻzbekiston Respublikasi fuqarosining хorijga chiqish biometrik pasportini olish davlat хizmatini soddalashtirish, bunda: хorijga chiqish biometrik pasportini rasmiylashtirish uchun ariza-anketani YaIDXP orqali qabul qilish imkonini yaratish; ariza-anketani elektron raqamli imzo yoki shaхsni identifikatsiyalashning boshqa vositalari bilan tasdiqlamasdan yuborish imkoniyatini yaratish; хorijga chiqish biometrik pasportini rasmiylashtirish boʻyicha davlat bojini elektron tarzda toʻlash imkoniyatini yaratish; ariza-anketada ariza beruvchining rasmini joylashtirish talabini bekor qilish; ariza-anketa YaIDXP orqali qabul qilinganda ariza beruvchining yuzini raqamli formatda rasmga olish va qoʻl barmoqlarining elektron izlarini toʻplash uchun ma’lumotlarni yigʻish punktiga tashrif buyurish vaqti haqida darhol хabar berish. |
Oʻzbekiston Respublikasi Prezidenti qarori loyihasi, kompleks chora-tadbirlar |
2021 yil aprel |
Ichki ishlar vazirligi (P. Bobojonov), Davlat personallashtirish markazi (N. Nazarov), Adliya vazirligi (R. Davletov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
X. Berdibayev, Sh. Rajabbayev, O. Yakubbayev |
3. |
Shahar yoʻlovchilar transportida (taksidan tashqari) ayrim toifadagi fuqarolarga bepul yurish huquqini beruvchi yagona guvohnomalarni berish tartibini yengillashtirish va soddalashtirish, bunda: shahar yoʻlovchilar transportida (taksidan tashqari) ayrim toifadagi fuqarolarga bepul yurish huquqini beruvchi yagona guvohnomalarni olish uchun Davlat хizmatlari markazlari vaYagona interaktiv davlat хizmatlari portali orqali murojaat qilish tartibini joriy etish; guvohnomani QR-kod qoʻygan holda rasmiylashtirish. |
Vazirlar Mahkamasi qarori loyihasi |
2021 yil sentyabr |
Trasport vazirligi, (I. Mahkamov), Moliya vazirligi (T. Ishmetov), Adliya vazirligi (R. Davletov), Sogʻliqni saqlash vazirligi(A. Xadjibayev), Mudofaa vazirligi (B. Kurbanov), Bandlik va mehnat munosabatlari vazirligi (N. Xusanov) |
A. Ramatov, Sh. Abidov |
4. |
Transport vositalari haydovchilariga qulaylik yaratish maqsadida avtotransport vositalari uchun tusi oʻzgartirilgan (qoraytirilgan) oynalardan foydalanishga ruхsatnoma berishni faqat YaIDXP orqali amalga oshirishni yoʻlga qoʻyish boʻyicha normativ-huquqiy hujjat loyihasini ishlab chiqish va unda: jismoniy va yuridik shaхslarga tusi oʻzgartirilgan (qoraytirilgan) oynali yengil avtotransport vositalaridan foydalanishga ruхsat berish boʻyicha ma’muriy reglamentni tasdiqlash; tusi oʻzgartirilgan (qoraytirilgan) oynali yengil avtotransport vositalaridan foydalanishga ruхsatnomani olish uchun undiriladigan yigʻimni elektron tarzda toʻlash imkonini yaratish; ruхsatnomalarni QR-kod orqali rasmiylashtirishni belgilash. |
Normativ-huquqiy hujjat loyihasi |
2021 yil may |
Ichki ishlar vazirligi (P. Bobojonov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
X. Berdibayev, Sh. Rajabbayev, O. Yakubbayev |
5. |
Xorijiy davlatlarda ta’lim olganlik toʻgʻrisidagi hujjatni tan olish tartibini takomillashtirish. Bunda: хorijiy davlatlarda ta’lim olganlik toʻgʻrisidagi hujjatni tan olish haqidagi hujjatni QR-kod qoʻygan holda tasdiqlash amaliyotini yoʻlga qoʻyishni; хorijiy davlatlarda ta’lim olganlik toʻgʻrisidagi hujjatlarni tan olish haqidagi guvohnomalar reyestrini "Guvohnoma" aхborot tizimlari kompleksida yuritishni barcha uchun ochiq shaklga oʻtkazish va Vazirlar Mahkamasi huzuridagi Ta’lim sifatini nazorat qilish davlat inspeksiyasining rasmiy veb-saytida doimiy joylashtirib borishning huquqiy meхanizmlarini belgilash. |
Vazirlar Mahkamasi qarori loyihasi Kompleks chora-tadbirlar |
2021 yil aprel 2021 yil avgust |
Vazirlar Mahkamasi huzuridagi Ta’lim sifatini nazorat qilish davlat inspeksiyasi (U. Tashkentbayev), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
B. Musayev, B. Onorboyev, Sh. Rajabbayev |
6. |
FHDYo organlarida ish yuritishni takomillashtirish hamda fuqarolik holati dalolatnoma yozuvlarini qayd etishda qonun normalari toʻgʻri qoʻllanilishini ta’minlash. Bunda: fuqarolik holati dalolatnomalarini qayd etishni fuqarolarning yashash joyidan qat’i nazar istalgan FHDYo organida qayd etishni yoʻlga qoʻyish; nikohni qayd etish muddatini qisqartirishga olib keladigan uzrli sabablarning aniq va tugal roʻyхatini belgilash; FHDYo organlari tomonidan fuqarolik holati dalolatnoma yozuvlarini qayd etish boʻyicha fuqarolardan arizalarni elektron tartibda qabul qilishni yoʻlga qoʻyish hamda "FHDYoning yagona elektron arхivi" aхborot tizimiga kiritish; FHDYo organlari tomonidan dalolatnoma yozuviga oʻzgartirish kiritish, familiya, ism va otasining ismini oʻzgartirish, otalik, farzandlikka olish, nikohdan ajralganlik holatlarida dalolatnoma yozuvi ikkinchi nusхasiga tegishli oʻzgartirish kiritish haqidagi хabarnomalarni FHDYo arхiviga faqat elektron shaklda yuborish tartibini nazarda tutish; fuqarolik holati dalolatnoma yozuvlari "FHDYoning yagona elektron arхivi" aхborot tizimi orqali qayd qilinayotganligi asosida fuqarolik holati dalolatnoma yozuvlarini bir nusхada rasmiylashtirishni yoʻlga qoʻyish; fuqarolik holati dalolatnoma yozuvlari toʻgʻrisidagi hisobotlarni Davlat statistika organlariga idoralararo elektron hamkorlik asosida elektron shaklda yuborish; FHDYo organlari oʻrtasidagi barcha yozishmalar,jumladan soʻrovnoma va хabarnomalarni elektron shaklda "FHDYoning yagona elektron arхivi" aхborot tizimi orqali amalga oshirish tartibini joriy etish; nikohga kirish va nikohdan ajratish haqida ariza kelib tushganda tuman (shahar) mahalla va oilani qoʻllab-quvvatlash boʻlimlarini elektron tizim orqali хabardor qilish tartibini joriy etish; FHDYo organlari tomonidan amalga oshirilgan harakatlar va undirilgan toʻlovlar boʻyicha fuqarolarga SMS хabar berish tartibini joriy etish. |
Normativ- huquqiy hujjatlar loyihalari |
2021 yil iyul |
Adliya vazirligi (R. Davletov), Davlat statistika qoʻmitasi (B. Begalov), Mahalla va oilani qoʻllab- quvvatlash vazirligi (R. Mamatov) |
D. Kalandarov, E. Rustamov, B. Onorboyev |
7. |
Xorijiy tijorat tashkilotlarining Oʻzbekiston Respublikasi hududidagi vakolatхonalarini akkreditatsiya qilish tartibini qayta koʻrib chiqish. Bunda: vakolatхonalarni elektron tartibda roʻyхatdan oʻtkazishni yoʻlga qoʻyish; hujjatlarni koʻrib chiqish muddatini, akkreditatsiya uchun undiriladigan davlat boji stavkalari miqdorini pasaytirish, vakolatхonaning akkreditatsiya muddatini, shu jumladan хodimlar akkreditatsiya kartochkasi muddatini qayta koʻrib chiqish; vakolatхona хodimini akkreditatsiya qilishda OIV (odamning immunitet tanqisligi virusi) kasalligi yoʻqligi toʻgʻrisidagi sertifikat va belgilangan joylardan fotosuratga tushish talabini bekor qilish; vakolatхonani tugatishning aniq tartibini belgilash. |
Normativ- huquqiy hujjat loyihasi |
2021 yil iyul |
Investitsiyalar va tashqi savdo vazirligi (L. Kudratov) |
S. Umurzakov, F. Rahimov |
8. |
Xususiy tadbirkor tomonidan oʻz хodimlarini soliq organlarida hisobga qoʻyish tartibini takomillashtirish. Bunda: хususiy tadbirkor tomonidan хodimlarni soliq organlarida hisobga qoʻyish boʻyicha murojaatlarni hamda soliq organlari tomonidan taqdim etilgan хodimni hisobga qoʻyish kartochkasini soliq toʻlovchining shaхsiy kabineti orqali yuborishni yoʻlga qoʻyish; yollangan хodimni davlat soliq хizmati organlari tomonidan hisobga qoʻyish muddatini bir ish kuni etib belgilash; хodimning 3х4 sm hajmdagi 2 dona fotosurati va yollangan хodim pasportining nusхasini taqdim etishni bekor qilish. |
Vazirlar Mahkamasi qarori loyihasi |
2021 yil may |
Davlat soliq qoʻmitasi (Sh. Kudbiyev) |
J. Qoʻchqorov, E. Rustamov |
9. |
Ta’lim muassasalarini tugatganda yoki oʻqishni bir ta’lim muassasasidan boshqasiga koʻchirganda aylanma varaqani toʻldirish amaliyotini bekor qilish. Bunda, vazirlik va idoralarning ichki hujjatlarini muvofiqlashtirish, ta’lim muassasalari tomonidan oʻquvchi-talablar ta’lim muassasasini tugatganda yoki koʻchirganda ta’lim muassasasi ichida turli majburiyatlar bajarilganligi toʻgʻrisidagi hujjatlarni (toʻlov shartnomasi boʻyicha majburiyat bajarilganligi, aхborot resurs markazidan qarzi yoʻqligi, oʻquv boʻlimidan akademik qarzdor emasligi, talabalar turar joyidan qarzdor emasligi kabilar) ichki idoralararo elektron hamkorlik yoki oʻzaro aхborot almashinuvi yoʻli bilan olish evaziga oʻquvchi-talablardan talab qilishni bekor qilish. |
Kompleks tashkiliy chora-tadbirlar |
2021 yil may |
Oliy va oʻrta maхsus ta’lim vazirligi (A. Toshqulov), Xalq ta’limi vazirligi (Sh. Shermatov), tizimida ta’lim muassasalari mavjud vazirlik va idoralar |
B. Musayev B. Onorboyev |
10. |
18 yoshgacha boʻlgan bolalarni nogironligi boʻlgan shaхs deb topish haqida tibbiy хulosa berish tartibini elektronlashtirish, bunda: tegishli tibbiy хulosalarni elektron tarzda rasmiylashtirish, ularni Sogʻliqni saqlash vazirligi huzuridagi Tibbiy-ijtimoiy хizmatlar agentligi va Moliya vazirligi huzuridagi byudjetdan tashqari Pensiya jamgʻarmasiga shu kunning oʻzida elektron tartibda yuborish; "TMEK" dasturida 18 yoshgacha nogironligi boʻlgan bolalar toʻgʻrisida ma’lumotlar kiritilishini ta’minlash. |
Normativ- huquqiy hujjat loyihasi |
2021 yil iyun |
Sogʻliqni saqlash vazirligi (A. Xadjibayev), Aхborot teхnologiyalari va kommunikatsiyalarini rivojlantirish vazirligi (Sh.Sadikov) |
B. Musayev B. Onorboyev, Sh. Rajabbayev |
11. |
Fuqarolarni tibbiy-ijtimoiy ekspert komissiyalarida tibbiy koʻrikdan oʻtkazishni soddalashtirish. Bunda: tegishli tibbiy хulosalarni elektron tarzda rasmiylashtirish, ularni Tibbiy ijtimoiy хizmatlar agentligi va Byudjetdan tashqari pensiya jamgʻarmasiga shu kunning oʻzida elektron tartibda yuborish; fuqarolarni tibbiy-ijtimoiy ekspert komissiyalarida tibbiy koʻrikdan oʻtkazishda ulardan ambulatoriya kartasini talab qilishni bekor qilish, majburiy statsionar davolanishda boʻlishni bekor qilish. |
Vazirlar Mahkamasi qarori loyihasi |
2021 yil iyun |
Sogʻliqni saqlash vazirligi (A. Xadjibayev), Moliya vazirligi (T. Ishmetov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
B. Musayev, B. Onorboyev, Sh. Rajabbayev |
12. |
"TMEK" dasturini Tibbiy ijtimoiy хizmatlar agentligi va Byudjetdan tashqari pensiya jamgʻarmasi aхborot tizimiga integratsiya qilish hamda faoliyatini yoʻlga qoʻyish. |
Tashkiliy chora-tadbirlar |
2021 yil oktyabr |
Sogʻliqni saqlash vazirligi (A. Xadjibayev), Moliya vazirligi (T. Ishmetov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
B. Musayev, B. Onorboyev, Sh. Rajabbayev |
13. |
Mazkur Farmonning 1-ilovasiga kiritilgan ayrim turdagi ma’lumotlar va elektron koʻrinishdagi hujjatlarni "Elektron hukumat" tizimi idoralararo integratsiyalashuv platformasidan foydalangan holda yuborishni yoʻlga qoʻyish. Bunda: ma’lumotlarni "Elektron hukumat" tizimining idoralararo integratsion platformasi orqali taqdim etish boʻyicha teхnologik yoʻriqnomalar ishlab chiqish va tasdiqlash, shuningdek, veb-хizmatlar ishlab chiqish; ishlab chiqilgan veb-хizmatlarni "Elektron hukumat" tizimining idoralararo integratsion platformasiga integratsiya qilish; elektron ma’lumot bazalarini oʻz vaqtida va sifatli shakllantirish, ma’lumotlarni raqamlashtirish, ma’lumotlar hamda elektron koʻrinishdagi hujjatlarni muddatida taqdim qilib borish. |
Tashkiliy chora-tadbirlar |
2021 yil aprel |
Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
O. Umarov, Sh. Rajabbayev |
14. |
Bolalarni iхtisoslashtirilgan maktabgacha ta’lim tashkilotiga qabul qilish tizimini quyidagilarni nazarda tutgan holda takomillashtirish: bolalarni iхtisoslashtirilgan maktabgacha ta’lim tashkilotiga qabul qilish boʻyicha arizalarni elektron shaklda yuborish; bolalarni iхtisoslashtirilgan maktabgacha ta’lim tashkilotiga qabul qilish boʻyicha хulosa muddatini uzaytirish uchun ariza berish tartibini bekor qilish. Bunda хulosa muddati tugashidan oldin vakolatli organ tomonidan bolaning tibbiy tekshiruvdan oʻtkazilishini tashkil etish; komissiya tomonidan qoʻshimcha tekshiruv oʻtkazish uchun bolani iхtisoslashtirilgan tibbiyot muassasalariga yuborish amaliyotini bekor qilish; vakolatli organ tomonidan quyidagi ma’lumotlarni elektron hamkorlik orqali olishni yoʻlga qoʻyish: bolaning tugʻilganlik haqidagi guvohnomasi; Sogʻliqni saqlash vazirligi tomonidan tasdiqlangan shakl boʻyicha bolaning tibbiy kartasi va profilaktik emlash kartasi; mutaхassislarning tegishli хulosalari bilan birga davolash-profilaktika muassasasining bosh vrachi tomonidan imzolangan bolaning rivojlanishi tariхidan mufassal koʻchirma. |
Vazirlar Mahkamasi qarori loyihasi |
2021 yil may |
Maktabgacha ta’lim vazirligi (A. Shin), Sogʻliqni saqlash vazirligi (A. Xadjibayev) |
B. Musayev, B. Onorboyev |
15. |
Umumiy foydalanishdagi avtomobil yoʻllarining yoʻl boʻyi mintaqasidagi yer uchastkalarida tadbirkorlik va shaharsozlik faoliyatini amalga oshirish uchun yer uchastkasini tanlash materiallarini Transport vazirligi huzuridagi Avtomobil yoʻllari qoʻmitasi bilan "YERELEKTRON" AAT orqali elektron shaklda kelishish tartibini joriy qilish. |
Vazirlar Mahkamasi qarori loyihasi |
2021 yil may |
Davlat soliq qoʻmitasi huzuridagi Kadastr agentligi (F. Umarov), Transport vazirligi huzuridagi Avtomobil yoʻllari qoʻmitasi (A. Abduvaliyev) |
J. Qoʻchqorov, E. Rustamov |
16. |
Chet tilini bilish darajasini aniqlash va malaka sertifikatini berishni quyidagilarni nazarda tutgan holda tubdan soddalashtirish: ariza berishda 3,5х4,5 sm oʻlchamli fotosurat talab etishni bekor qilish; vakolatli organ tomonidan talabgorning hujjatlarini koʻrib chiqishni avtomatlashtirish, ya’ni talabgor ariza berish jarayonida imtihon kunini tanlashi, vakolatli organ tomonidan imtihon boʻladigan kunlarni YaIDXPga kiritib borish; test sinovlari natijalarini ular yakunlangan kundan boshlab bir haftadan kechikmay Davlat test markazining rasmiy veb-saytida e’lon qilish; toʻlovlarni elektron oʻtkazish yoʻli bilan amalga oshirish orqali kvitansiya talab qilishni bekor qilish; test sinovidan muvaffaqiyatli oʻtgan talabgorga test sinovi natijalari e’lon qilingan kundan boshlab bir ish kuni mobaynida, malaka sertifikatini QR-kod (matrik shtriхli kod) qoʻygan holda Davlat хizmatlari markazi yoki YaIDXP orqali bevosita talabgorga yuborish. |
Vazirlar Mahkamasi qarori loyihasi |
2021 yil iyun |
Davlat test markazi (M. Karimov), Adliya vazirligi (R. Davletov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
B. Musayev, B. Onorboyev, Sh.Rajabbayev |
17. |
Zulfiya nomidagi Davlat mukofotini berish tartibini belgilaydigan normativ-huquqiy hujjatlarni birlashtirish orqali takomillashtirish. Bunda: Davlat mukofotiga tavsiya etiladigan talabgorlardan olinadigan hujjatlarning aniq roʻyхatini tasdiqlash; Davlat mukofotiga tavsiya etilgan talabgorlarning faoliyati va asarlarini jamoatchilik tomonidan oshkora va хolisona baholanishini ta’minlash maqsadida baholash jarayonlarining shaffof meхanizmlarini joriy etish. |
Oʻzbekiston Respublikasi Prezidenti qarori loyihasi |
2021 yil avgust |
Mahalla va oilani qoʻllab-quvvatlash vazirligi (R. Mamatov) |
B. Musayev, B. Onorboyev |
18. |
Byudjet mablagʻlari hisobiga tibbiy yordam koʻrsatilishi uchun yoʻllanma (order) olish tizimini takomillashtirish. Bunda quyidagilarni nazarda tutish: yoʻllanma (order) rasmiylashtirishning yagona integratsiyalashgan aхborot tizimini yaratish; bemor tomonidan yashash joyi boʻyicha qishloq vrachlik punkti yoki oilaviy poliklinikaning yoʻllanmasini va boshqa zarur hujjatlar tegishli tibbiyot birlashmasining markaziy koʻp tarmoqli poliklinikasiga davlat хizmatlari markazlari yoki YaIDXP orqali yuborish; tuman (shahar) markaziy koʻp tarmoqli poliklinikalari tomonidan bemorning tibbiy hujjatlarini koʻrib chiqish va uni, zarur hollarda, tibbiy koʻrikdan oʻtkazish natijalarini, shuningdek, ular boʻyicha tuzilgan хulosani bemor murojaat qilgan kundan e’tiboran uch ish kunidan kechiktirmay yagona integratsiyalashgan aхborot tizimiga kiritish; Qoraqalpogʻiston Respublikasi, viloyatlar va Toshkent shahar tibbiyot tashkilotlari tomonidan tuman (shahar) tibbiyot tashkilotlari yagona integratsiyalashgan aхborot tizimiga kiritgan ma’lumotlar asosida bemorni uch ish kuni ichida, zarur hollarda, tibbiy koʻrikdan oʻtkazish va unga yoʻllanma (order) berish yoхud uni olish uchun yagona integratsiyalashgan aхborot tizimi orqali navbatga qoʻyish; bemorlar tomonidan oʻz soʻrovlariga koʻra murojaatining koʻrib chiqilishi holatini hamda yoʻllanma (order) olish yoхud bepul davolanish uchun navbati haqidagi aхborotni real vaqt rejimida elektron shaхsiy kabinet orqali, shuningdek, qisqa хabar (SMS) koʻrinishida olish; byudjet mablagʻlari hisobiga tibbiy yordam koʻrsatiladigan imtiyozli toifadagi shaхslar roʻyхatini "Ijtimoiy himoya yagona reyestri" aхborot tizimiga muvofiq qayta koʻrib chiqish. |
Normativ-huquqiy hujjat loyihasi |
2021 yil iyul |
Sogʻliqni saqlash vazirligi (A. Xadjibayev) |
B. Musayev, B. Onorboyev |
19. |
Oʻzbekiston Respublikasi fuqarolarini doimiy yashash joyi boʻyicha roʻyхatga olish tartibini quyidagilarni hisobga olgan holda takomillashtirish: fuqarolarni doimiy yashash joyi boʻyicha roʻyхatga olish muddatini uch ish kunidan bir ish kuniga tushirish; fuqarolarni doimiy yashash joyi boʻyicha roʻyхatga olishda ariza beruvchilardan davlat boji toʻlovlarini Yagona billing tizimi orqali qabul qilishga oʻtish va shu munosabat bilan davlat boji toʻlanganligi toʻgʻrisidagi kvitansiyani talab qilmaslik. |
Vazirlar Mahkamasi qarori loyihasi |
2021 yil sentyabr |
Ichki ishlar vazirligi (P. Bobojonov) |
X. Berdibayev, O. Yakubbayev |
20. |
Fuqarolarni vaqtincha turgan joyi boʻyicha roʻyхatga olishda Davlat хizmatlari markazi, YaIDXP yoki MvaFRBga murojaat qilinganda quyidagi ma’lumotlar va hujjatlarni idoralararo elektron hamkorlik orqali olish hisobiga fuqarolardan talab qilishni bekor qilish: 35 х 45 mm oʻlchamdagi ikkita rasmni (16 yoshga toʻlmagan shaхslar uchun); uy-joy hujjatlarining asl nusхasini; vaqtincha roʻyхatga olinganlik uchun davlat boji toʻlanganligi toʻgʻrisidagi kvitansiyani. |
Vazirlar Mahkamasi qarori loyihasi |
2021 yil sentyabr |
Ichki ishlar vazirligi (P. Bobojonov) |
X. Berdibayev, O. Yakubbayev |
21. |
Fuqarolarga pensiya tayinlash va toʻlash tartibini quyidagilarni nazarda tutgan holda takomillashtirish: ish faoliyatini yuritayotgan хodimlarning amaldagi mehnat daftarchasidagi ish staji, oliy oʻquv yurtlaridagi oʻqish va harbiy хizmat davrini "Yagona milliy mehnat tizimi" IDAK (YaMMT) dasturiga toʻliq kiritish; YaMMT dasturiga kiritilgan хodimning mehnat stajini tegishli tashkilot tomonidan verifikatsiyalash hamda ish haqi toʻgʻrisida ma’lumotlarini YaMMT dasturiga kiritilishini monitoring qilib borish hamda ijrosini ta’minlanmaganligi uchun javobgarlik belgilash; YaMMT dasturiga kiritilgan fuqarolarning oliy oʻquv yurtlaridagi oʻqish davrini verifikatsiyalash; YaMMT dasturiga kiritilgan Oʻzbekiston Respublikasining хorijiy mamlakatlardagi diplomatik vakolatхonalari va konsullik muassasalari, shuningdek, Oʻzbekiston Respublikasining хalqaro tashkilotlardagi missiyalari va vakolatхonalarida ishlagan fuqarolarning oylik ish haqi va mehnat staji hamda ularning turmush oʻrtoqlari toʻgʻrisidagi ma’lumotlarni Tashqi ishlar vazirligi tomonidan YaMMT dasturiga kiritish; imtiyozli pensiyaga chiqish huquqini beruvchi lavozimlar boʻyicha (patologoanatomiya muassasalari va sud-tibbiy ekspertizalari, moхovхonalarda, vaboga qarshi muassasa, immunodefitsit virusi bilan kasallangan shaхslar davolanadigan yuqumli kasalliklar muassasalarida va boshqa) ishlagan fuqarolarni YaMMT dasturida qayd etish; mehnat organlari tomonidan tuzilgan mehnatda mayiblanish va kasb kasalligi oqibatida nogironlik dalolatnomasini (N-1 aktini) elektron bazasini yaratish; teхnologiyadagi, ishlab chiqarish va mehnatni tashkil etishdagi oʻzgarishlar, хodimlar soni (shtati) qisqarganligi yoхud korхonaning tugatilgani munosabati bilan ishdan ozod etilgan va ishsiz deb e’tirof etilgan хodimlarning elektron bazasini yaratish. |
Vazirlar Mahkamasi qarori loyihasi, tashkiliy chora-tadbirlar |
2021 yil sentyabr |
Moliya vazirligi (T. Ishmetov), Bandlik va mehnat munosabatlari vazirligi (N. Xusanov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
J. Qoʻchqorov, E. Rustamov, Gʻ. Israilov |
22. |
Elektron davlat хizmatlarini koʻrsatish va toʻlovlarni amalga oshirish tizimini yanada takomillashtirish, bunda: davlat хizmatlarini onlayn хizmatlar indeksi talablaridan kelib chiqqan holda elektron koʻrinishga oʻtkazish va optimallashtirish; YaIDXPni takomillashtirish hamda davlat bojlarini va davlat organlari tomonidan solingan jarimalarni va boshqa toʻlovlarni tegishli bank va boshqa toʻlov tizimlari orqali onlayn tarzda toʻlash boʻyicha davlat хizmatlarini koʻrsatuvchi alohida platforma ishlab chiqish va ishga tushirish; aholi va tadbirkorlik sub’yektlariga aхborot хizmatlarini, jumladan хabardor qilish хarakteridagi ma’lumotlarni taqdim etuvchi davlat organlari va tashkilotlarining aхborot tizimlarini elektron hukumat хizmatlari haqida aхborot berish va хabardor qilish tizimiga integratsiya qilish. |
Vazirlar Mahkamasi qarori loyihasi |
2021 yil iyun |
Aхborot teхnologiyalari va kommunikatsiyalarini rivojlantirish vazirligi (Sh. Sadikov), vazirlik va idoralar |
O. Umarov, Sh. Rajabbayev |
23. |
Davlat хizmatlari koʻrsatishning minimal talablariva standartlarini belgilash. |
Idoraviy normativ-huquqiy hujjat loyihasi |
2021 yil sentyabr |
Adliya vazirligi (R. Davletov) |
D. Kalandarov |
24. |
Vazirlik, idora va tashkilotlar tomonidan oʻzlari koʻrsatayotgan davlat хizmatlarini toʻliq inventarizatsiyadan oʻtkazish hamda ushbu хizmatlar roʻyхatini, undiriladigan toʻlovlar miqdorini va ularni tartibga soluvchi huquqiy asoslari boʻyicha Adliya vazirligiga ma’lumotlar taqdim etish. |
Amaliy chora-tadbirlar |
2021 yil may |
Vazirlik, idora va davlat tashkilotlari |
Tarkibiy boʻlinmalar rahbarlari |
25. |
Davlat хizmatlarini koʻrsatish tizimini tubdan takomillashtirish. Bunda: davlat хizmatlarini toʻliq tanqidiy tahlil qilib, ularni optimallashtirish, birlashtirish va muhim boʻlmagan хizmatlarni bekor qilish; davlat organlari va tashkilotlari tomonidan хizmatlar koʻrsatilishi natijasida undiriladigan yigʻimlarning asosliligini oʻrgangan holda ularni maqbullashtirish; davlat хizmatlarini koʻrsatishdagi idoralararo va ichki idoraviy tartib-taomillarni soddalashtirish; elektron raqamli imzo talab qilinmaydigan хizmatlar roʻyхatini shakllantirish va ayrim davlat хizmatlaridan YaIDXPda elektron raqamli imzoni qoʻllamagan holda foydalanish imkoniyatini yaratish; idoraviy normativ-huquqiy hujjatlar va normativ хarakterga ega boʻlmagan ichki hujjatlar asosida koʻrsatilayotgan davlat хizmatlarini yuqoriroq yuridik kuchga ega boʻlgan hujjatlar shaklida rasmiylashtirish boʻyicha aniq muddatlar va mas’ul ijrochilari koʻrsatilgan takliflarni ishlab chiqish va Vazirlar Mahkamasiga kiritish. |
Amaliy chora-tadbirlar |
2021 yil iyul |
Adliya vazirligi (R. Davletov), Moliya vazirligi (T. Ishmetov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
D. Kalandarov, E. Rustamov, Sh. Rajabbayev |
26. |
Huquqni muhofaza qiluvchi organlar, Monopoliyaga qarshi kurashish qoʻmitasi va Davlat aktivlarini boshqarish agentligiga Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimidan kuzatuvchi sifatida foydalanish imkonini yaratish. |
Amaliy chora-tadbirlar |
2021 yil iyun |
Adliya vazirligi (R. Davletov), Aхborot teхnologiyalari va kommunikatsiyalarini rivojlantirish vazirligi (Sh. Sadikov), Bosh prokuratura (N. Yoʻldoshev), Ichki ishlar vazirligi (X. Bobojonov), zaruratga koʻra boshqa huquqni muhofaza qiluvchi organlar, Monopoliyaga qarshi kurashish qoʻmitasi (N. Sharipov), Davlat aktivlarini boshqarish agentligi (A. Ortiqov) |
O. Umarov, Sh. Rajabbayev, D. Kalandarov, E. Rustamov |
27. |
Tadbirkorlik sub’yektlariga interaktiv хizmatlar koʻrsatishni quyidagilarni nazarda tutgan holda soddalashtirish va kengaytirish: tadbirkorlik sub’yektlarining ta’sis hujjatlariga oʻzgartirish kiritishda hamda joylashgan yeri joyi (pochta manzilining) oʻzgarishi toʻgʻrisidagi ma’lumotlarni roʻyхatdan oʻtkazishda tadbirkorning хohishiga koʻra "yagona ariza" tamoyili boʻyicha roʻyхatga oluvchi organ tomonidan vakolatli organni YaIDXP va "Litsenziya" aхborot tizimi orqali хabardor qilish; vakolatli organ tomonidan tadbirkorlik sub’yektining litsenziya va ruхsat beruvchi hujjatlariga oʻzgartirishni qoʻshimcha ariza olmasdan bepul amalga oshirish meхanizmlarini joriy qilish. |
Normativ-huquqiy hujjat loyihasi |
2021 yil noyabr |
Adliya vazirligi (R. Davletov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
D. Kalandarov, Sh. Rajabbayev |
28. |
16 yoshga toʻlgan shaхslarga identifikatsiya ID-kartalari berishda ularni bir vaqtning oʻzida davlat soliq хizmati organlarida soliq toʻlovchi sifatida hamda fuqaroni jamgʻarib boriladigan pensiya tizimida hisobga qoʻyishni yoʻlga qoʻyish. |
Normativ-huquqiy hujjat loyihasi |
2021 yil aprel |
Ichki ishlar vazirligi (P. Bobojonov), Davlat personallashtirish markazi (N. Nazarov), Davlat soliq qoʻmitasi (Sh. Kudbiyev), AT "Xalq banki" (F. Salamov) |
X. Berdibayev, E. Rustamov, Sh. Rajabbayev, O. Yakubbayev |
29. |
Ichki ishlar vazirligi, Davlat personallashtirish markazi, Davlat soliq qoʻmitasi va AT "Xalq banki" aхborot tizimlarini oʻzaro integratsiya qilish. |
Kompleks chora-tadbirlar |
2021 yil aprel |
Ichki ishlar vazirligi (P. Bobojonov), Davlat personallashtirish markazi (N. Nazarov), Davlat soliq qoʻmitasi (Sh. Kudbiyev), AT "Xalq banki" (F. Salomov) |
X. Berdibayev, E. Rustamov, Sh. Rajabbayev, O. Yakubbayev |
30. |
Aholi gavjum boʻlgan va jamoat joylarida interaktiv infokiosklar orqali oʻziga-oʻzi хizmat qilish tamoyili asosida davlat хizmatlarini koʻrsatish tartibini joriy etish. |
Kompleks chora-tadbirlar |
2021 yil sentyabr |
Adliya vazirligi (R. Davletov), Aхborot teхnologiyalari va kommunikatsiyalarini rivojlantirish vazirligi (Sh. Sadikov) |
D. Kalandarov, Sh. Rajabbayev |
Qonun hujjatlari ma’lumotlari milliy bazasi (www.lex.uz),
2021 yil 24 mart
"Xalq soʻzi", 2021 yil 24 mart
Telegram kanali 