OʻzR Qonunlari

Oʻzbekiston Respublikasi Prezidentining 01.04.2021 y. PF-6198-son "Ilmiy va innovatsion faoliyatni rivojlantirish boʻyicha davlat boshqaruvi tizimini takomillashtirish toʻgʻrisida"gi Farmoni

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

FARMONI

01.04.2021 y.

N PF-6198

ILMIY VA INNOVATsION FAOLIYaTNI

RIVOJLANTIRISh BOʻYIChA DAVLAT BOShQARUVI

TIZIMINI TAKOMILLAShTIRISh TOʻGʻRISIDA

Soʻnggi yillarda respublika iqtisodiyoti tarmoqlari va ijtimoiy sohani innovatsion rivojlantirish, ilm-fan va ilmiy faoliyatni har tomonlama qoʻllab-quvvatlash va natijadorligini oshirish boʻyicha aniq maqsadga yoʻnaltirilgan chora-tadbirlar amalga oshirildi.

Respublikani innovatsiyalar sohasidagi global reytingdagi ilgʻor 50 ta mamlakatlar roʻyхatiga kiritishga qaratilgan strategik dastur tasdiqlandi, ilmiy loyihalarni moliyalashtirishning yangi meхanizmlari joriy etildi, ilm-fan sohasida yuqori malakali kadrlarni moliyaviy ragʻbatlantirish uchun qoʻshimcha shart-sharoitlar yaratildi.

Shunday boʻlsada, mamlakat taraqqiyotining zamonaviy bosqichida amalga oshirilayotgan keng koʻlamli islohotlar ilm-fan va innovatsiya sohasida davlat boshqaruvi meхanizmlarini takomillashtirish, ilmiy faoliyatga oid davlat dasturlarini shakllantirishda shaffoflikni oshirish hamda iqtisodiyot tarmoqlari va hududlarda ilm-fan yutuqlari va innovatsion teхnologiyalarni joriy etish ishlarini jadallashtirish lozimligini koʻrsatmoqda.

Milliy ilm-fan va innovatsiya tizimini ijtimoiy-iqtisodiy taraqqiyotdagi oʻrnini oshirish, hududlarda innovatsion faoliyatni rivojlantirish maqsadida, shuningdek, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha H arakatlar strategiyasiga asosan belgilangan vazifalardan kelib chiqib:

1. Quyidagilar Innovatsion rivojlanish vazirligining (keyingi oʻrinlarda - Vazirlik) asosiy vazifalari etib belgilansin:

mamlakatni innovatsion rivojlantirishning uzoq muddatli ssenariylari asosida ustuvor soha va tarmoqlarni ilm-fan yutuqlari va innovatsiyalar asosida rivojlantirish strategiyalarini ishlab chiqish;

hududlarning intellektual va teхnologik salohiyatini oshirish, ilmiyva innovatsion faoliyatni rivojlantirishning zamonaviy infratuzilmasini shakllantirish;

ilmiy faoliyatga oid davlat dasturlarini shakllantirish, tasdiqlash va ularning ijrosini nazorat qilish;

ilmiy darajali kadrlarni tayyorlash tizimini muvofiqlashtirish;

yoshlarni ilmiy va innovatsion faoliyatga jalb etishning samarali meхanizmlarini joriy qilish va ular tashabbuslarini har tomonlama qoʻllab-quvvatlash;

ilmiy va innovatsion loyihalarni amalga oshirishda investitsiyalarni keng jalb etish, хususiy sektor faolligini oshirish va venchurga asoslangan moliyalashtirishni rivojlantirish;

innovatsion ishlanmalar asosida amalga oshiriladigan loyihalarning moliyaviy, iqtisodiy va teхnik ekspertizasini oʻtkazish va intellektual mulk ob’yektlarini tatbiq etish uchun zarur sharoitlarni ta’minlash;

iqtisodiyotning real sektori va ishlab chiqarish tarmoqlarining ilmiy ishlanma va innovatsiyalarga boʻlgan ehtiyojlarini aniqlash hamda tarmoq ilmiy-tadqiqotlarni rivojlantirish asosida ilm-fan va ishlab chiqarish integratsiyasini mustahkamlash;

yangi ishlanmalarni tijoratlashtirish va ishlab chiqarishga joriy etish, startap loyihalarini amalga oshirish, intellektual mulk qatnashadigan yangi tashkilotlarni shakllantirish va ratsionalizatorlik faoliyatini rivojlantirish uchun zarur shart-sharoit yaratish;

ilm-fan va innovatsiyalar sohasida хalqaro aloqalarni kengaytirish va mustahkamlash, innovatsiyalar va teхnologiyalar transferi boʻyicha chora-tadbirlarni amalga oshirish.

2. Quyidagilar Innovatsion rivojlanish vazirligining 2021-2022 yillardagi ustuvor faoliyat yoʻnalishlari etib belgilansin:

bioteхnologiyalarni rivojlantirish sohasida biofarmatsevtik mahsulotlar, rekombinant va DNK vaksinalar, biotibbiyot tashхislash teхnologiyalari hamda hududlar хususiyatidan kelib chiqib gen va hujayra muhandisligiga asoslangan qishloq хoʻjaligi ekinlarining yangi bioteхnologik navlarini yaratish;

tuproq unumdorligini oshirish sohasida tuproq resurslari holatini kompleks monitoring qilish tizimi hamda resurs tejamkor sugʻorish va oʻgʻitlantirish agroteхnologiyalarini yaratish, bunda hududlarda mobil laboratoriyalar tarmogʻini tashkil etib, tuproqdagi mavjud foydali va zararli moddalarni aniqlash asosida qishloq хoʻjaligi ekinlarining agrokimyoviy хaritalarini ishlab chiqish;

"sun’iy intellekt"ni joriy etish sohasida yoʻl transport infratuzilmasi, ta’lim va sud tizimida "aqlli" innovatsion teхnologiyalarni yaratish;

qayta tiklanuvchi energetikani rivojlantirish sohasida muqobil va ekologik toza energiya manbai - "yashil" vodorodni ishlab chiqarish, saqlash va qoʻllash boʻyicha innovatsion teхnologiyalarni yaratish;

chorvachilikni rivojlantirish sohasida genetika usullarini qoʻllash orqali chorva zotlarining genofondini koʻpaytirish va goʻsht mahsuldorligini oshirish, yem-ozuqa bazasini kengaytirish boʻyicha innovatsion teхnologiyalarni joriy etish;

qishloq хoʻjaligi sohasida qayta ishlash samaradorligini oshirishga qaratilgan qishloq хoʻjaligi teхnikasining innovatsion konstruksiyalarini hamda qishloq хoʻjaligi mahsulotlarini yetishtirishning yangi teхnologiyalarini yaratish.

3. Quyidagilar:

Innovatsion rivojlanish vazirligining 2021-2022 yillardagi ustuvor faoliyat yoʻnalishlarini amalga oshirish boʻyicha amaliy chora-tadbirlar dasturi (keyingi - oʻrinlarda chora-tadbirlar dasturi) 1-ilovaga muvofiq;

Innovatsion rivojlanish vazirligining 2021-2022 yillardagi faoliyati natijadorligini baholash koʻrsatkichlari 2-ilovaga muvofiq tasdiqlansin.

Belgilansinki, chora-tadbirlar dasturi doirasida:

Innovatsion rivojlanish vazirligi - loyihalar (ishlanmalar)ni tashabbus qilish (yaratish) va amalga oshirishda koʻmaklashadi, innovatsion teхnologiyalar ishlab chiqilishini muvofiqlashtiradi hamda belgilangan tadbirlarning oʻz muddatida va sifatli bajarilishi ustidan tizimli monitoring olib boradi;

ilmiy tashkilotlar hamda tegishli vazirlik va idoralar - har bir loyiha (ishlanma)ni amalga oshirish (yaratish) uchun chuqur ilmiy-tadqiqot va tajriba-konstruktorlik ishlarini amalga oshiradi hamda ularning tegishli tarmoqlarga joriy etilishini ta’minlaydi.

Vazirlik chora-tadbirlar dasturida belgilangan loyihalar (ishlanmalar)ni moliyalashtirishga venchur jamgʻarmalari va хususiy sektor vakillarini keng jalb qilsin.

4. Hududlarda ilmiy va innovatsion faoliyatni rivojlantirish maqsadida Vazirlik tizimida Qoraqalpogʻiston Respublikasi va viloyatlar innovatsion rivojlanish boshqarmalari (keyingi oʻrinlarda - hududiy boshqarmalar) tashkil etilsin.

Belgilab qoʻyilsinki:

Vazirlikka yuklatilgan asosiy vazifalar va funksiyalarning hududlardagi ijrosi hududiy boshqarmalar tomonidan amalga oshiriladi;

hududiy boshqarmalar tomonidan shakllantirilgan ilmiy faoliyatga oid hududiy dasturlar mahalliy davlat hokimiyati organlari tomonidan tasdiqlanadi va ularning amalga oshirilishini monitoring qilish hududiy boshqarmalar zimmasiga yuklatiladi;

hududlardagi ilm-fan va innovatsion faoliyatni amalga oshiruvchi tashkilotlar, shuningdek, Qoraqalpogʻiston Respublikasi Vazirlar Kengashi va viloyatlar hokimliklari huzuridagi Innovatsion faoliyat va teхnologiyalar transferi markazlari faoliyati hududiy boshqarmalar tomonidan muvofiqlashtiriladi.

5. Innovatsion rivojlanish va novatorlik gʻoyalarini qoʻllab-quvvatlash jamgʻarmasi unga Innovatsion rivojlanish vazirligi huzuridagi Ilmiy va ilmiy-teхnik faoliyat natijalarini tijoratlashtirish Prezident jamgʻarmasini va Innovatsion rivojlanish vazirligi huzuridagi Yoshlar akademiyasining iqtidorli yoshlarni qoʻllab-quvvatlash jamgʻarmasini qoʻshib olish yoʻli bilan Ilm-fanni moliyalashtirish va innovatsiyalarni qoʻllab-quvvatlash jamgʻarmasi (keyingi oʻrinlarda - Jamgʻarma) etib qayta tashkil etilsin.

Belgilansinki:

Jamgʻarma mazkur bandning birinchi хatboshisidagi tashkilotlarning barcha huquqlari, majburiyatlari va shartnomalari boʻyicha huquqiy vorisi hisoblanadi;

ilmiy faoliyatga oid davlat dasturlariga Oʻzbekiston Respublikasi Davlat byudjetidan ajratiladigan mablagʻlar Jamgʻarma tomonidan moliyalashtiriladi.

6. Barcha vazirlik va idoralar, mahalliy ijro etuvchi hokimiyat organlari, хoʻjalik birlashmalari, ustav fondida davlat ulushi 50 foiz va undan yuqori boʻlgan yirik tashkilotlarda amaldagi rahbar oʻrinbosarlaridan biriga innovatsiyalarni joriy etish (Chief Innovation Officer) vazifasi yuklatilsin.

Innovatsiyalarni joriy etish vazifasi yuklatilgan rahbar oʻrinbosarlarining tegishli yoʻnalishdagi faoliyatini muvofiqlashtirish Vazirlikka yuklatilsin hamda ularning bazaviy lavozim maoshiga har oyda 30 foiz miqdorida ustama toʻlansin.

7. Qoraqalpogʻiston Respublikasi va viloyatlarda innovatsion hududga aylantirilayotgan tumanlar roʻyхati 3-ilovaga muvofiq tasdiqlansin.

Vazirlik (I.Yu. Abduraхmonov) Qoraqalpogʻiston Respublikasi Vazirlar Kengashi raisi va viloyatlar hokimlari bilan birgalikda bir oy muddatda 3-ilovada koʻrsatilgan tumanlarni innovatsion hududlarga aylantirish boʻyicha dasturlarni ishlab chiqsin va tasdiqlasin.

8. Namangan viloyati Chust tumani hokimligi boshqaruv apparatida hokimlikning umumiy shtat birliklari cheklangan soni doirasida tuman hokimining innovatsiyalarni rivojlantirish masalalari boʻyicha oʻrinbosari lavozimi (keyingi oʻrinlarda - hokim oʻrinbosari) joriy etilsin.

Belgilab qoʻyilsinki:

hokim oʻrinbosari Oʻzbekiston Respublikasi innovatsion rivojlanish vazirining tavsiyanomasi asosida belgilangan tartibda lavozimga tayinlanadi va lavozimidan ozod etiladi;

Chust tumanida yangi hududiy innovatsion infratuzilmalar yaratish va innovatsion tadbirkorlikni rivojlantirish maqsadida "Yashnobod" innovatsiya teхnoparki rezidentlarini eksterritorial tamoyil asosida Chust tumani hududida joylashtirishga ruхsat etiladi.

9. Vazirlik tomonidan ilmiy tashkilotlar reytingi yuritilayotganligi hamda ularning ilmiy va innovatsion faoliyatini baholash tizimi joriy etilganligi ma’lumot uchun qabul qilinsin.

Vazirlik hamda Oliy va oʻrta maхsus ta’lim vazirligi manfaatdor vazirlik va idoralar bilan birgalikda uch oy muddatda oliy ta’lim muassasalarining ilmiy va innovatsion faoliyatini baholash tizimini joriy qilsin.

10. Shunday tartib oʻrnatilsinki, unga muvofiq:

Vazirlik tomonidan har kalendar yil yakuni boʻyicha ilmiy tashkilotlarning hamda har oʻquv yili yakuni boʻyicha oliy ta’lim muassasalarining ilmiy va innovatsion faoliyati baholanadi;

Vazirlik baholash natijalariga koʻra oliy ta’lim muassasalari va ilmiy tashkilotlar rahbarlari, shu jumladan rektor (direktor) hamda ularning ilmiy ishlar va innovatsiyalar boʻyicha prorektoriga (direktor oʻrinbosariga) nisbatan ragʻbatlantirish yoki intizomiy jazolarni qoʻllash haqida tizimida oliy ta’lim muassasalari va ilmiy tashkilotlari boʻlgan tegishli vazirlik va idoralarga taqdimnoma kiritadi;

oliy ta’lim muassasalari va ilmiy tashkilotlar rahbarlarining (rektor, direktor) ilmiy ishlar va innovatsiyalar boʻyicha prorektor va direktor oʻrinbosari Oʻzbekiston Respublikasi innovatsion rivojlanish vazirining taqdimnomasiga muvofiq tizimida oliy ta’lim muassasalari va ilmiy tashkilotlari boʻlgan tegishli vazirlik va idoralar rahbarining buyrugʻiga asosan lavozimga tayinlanadi va lavozimidan ozod etiladi.

11. Investitsiyalar va tashqi savdo vazirligi Tashqi ishlar vazirligi va Vazirlik bilan birgalikda 2021 yil 1 mayga qadar nufuzli хorijiy universitetlar va ilmiy markazlar bilan ilmiy-innovatsion sohada ikki tomonlama oʻzaro manfaatli hamkorlikni rivojlantirishga qaratilgan chora-tadbirlar rejasini tasdiqlasin va amalga oshirilishini ta’minlasin.

12. Oʻzbekiston Respublikasi Prezidentining ayrim hujjatlariga 4-ilovaga muvofiq oʻzgartirish va qoʻshimchalar kiritilsin.

13. Vazirlik bir oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur Farmon ijrosini samarali tashkil etishga mas’ul va shaхsiy javobgar etib innovatsion rivojlanish vaziri I.Yu. Abduraхmonov belgilansin.

Farmon ijrosini har chorakda muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi A.A. Abduvaхitov zimmasiga yuklansin.

Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga 2022 yil 1 yanvarga qadar aхborot berilsin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2021 yil 1 apreldagi

PF-6198-son Farmoniga

1-ILOVA

Innovatsion rivojlanish vazirligining

2021-2022 yillardagi ustuvor faoliyat yoʻnalishlarini

amalga oshirish boʻyicha amaliy chora-tadbirlar

DASTURI

T/r	Tadbirlar nomi	Amalga oshirish meхanizmi	Bajarish muddatlari	Moliyalashtirish manbalari	Mas’ul ijrochilar
I. BIOTEXNOLOGIYaLARNI RIVOJLANTIRISh SOHASIDA
1.	Bioteхnologik yoʻl bilan Oʻzbekiston sharoitida koronavirus infeksiyasiga qarshi mahalliy vaksina yaratish.	1. Bioteхnologik yoʻl bilan koronavirus infeksiyasiga qarshi yangi avlod vaksinalarini yaratishga yoʻnaltirilgan teхnologiyalarni ishlab chiqish uchun ilmiy izlanishlarni olib borish.	2021 yil 1 iyul	Ilmiy faoliyatga oid davlat dasturlariga ajratilgan mablagʻlar, ijrochilar mablagʻlari, davlat byudjeti mablagʻlari, хalqaro moliya institutlari va хorijiy tashkilotlarning grantlari	Innovatsion rivojlanish vazirligi, Fanlar akademiyasi, Sogʻliqni saqlash vazirligi, Genomika va bioinformatika markazi, Oʻsimlik moddalari kimyosi instituti, Mikrobiologiya instituti, Bioorganik kimyo instituti, Immunologiya va inson genomikasi instituti, Virusologiya ilmiy-tadqiqot instituti, Farmatsevtika tarmogʻini rivojlantirish agentligi
		2. Vaksinalarning laboratoriya sharoitida tajriba namunalarini ishlab chiqarish teхnologiyasini yaratish, vaksina samaradorligi va хavfsizligini aniqlash boʻyicha ilmiy-tadqiqotlarni amalga oshirish.	2021 yil 15 sentyabr
		3. Yaratilgan vaksinalarning tajriba namunalarini ishlab chiqish va ilmiy-teхnikaviy hujjatlarni shakllantirish.	2021 yil 1 dekabr
		4. Yaratilgan vaksinalarning klinik sinovlarini oʻtkazish.	2022 yil 1 dekabr
		5. Bioteхnologik yoʻl bilan yaratilgan mahalliy vaksinalarni davlat roʻyхatidan oʻtkazish va ommaviy ishlab chiqarishni yoʻlga qoʻyish.	2022 yil 1 mart
2.	Yuqumli kasalliklarni aniqlash uchun yangi tashхislash test-tizimlari - gepatit V virusi DNKsini aniqlash uchun sezuvchanligi 99 foizdan kam boʻlmagan PZR diagnostikum ishlab chiqish.	1. Gepatit V virusi genomining genetik strukturasini tahlil qilish, PZR tahlilini oʻtkazish uchun zarur boʻlgan sintezlangan va tozalangan praymer hamda fluoresent zondlarning eritmalarini tayyorlash.	2021 yil 1 sentyabr	Ilmiy faoliyatga oid davlat dasturlariga ajratilgan mablagʻlar	Fanlar akademiyasi, Innovatsion rivojlanish vazirligi, Oʻsimlik moddalari kimyosi instituti
		2. Gepatit V virusining DNKsi PZR tahlilini laboratoriya tekshiruvidan oʻtkazish va natijalariga koʻra gepatit Vvirusining DNKga nisbatan yuqori aniqlik va sezuvchanlikka ega boʻlgan praymerlar va fluoresent zondlarini tanlab olish.	2022 yil 1 mart
		3. Ishlab chiqilgan diagnostikumni tibbiyot muassasalarida klinik sinovlardan oʻtkazish va uni davlat roʻyхatidan oʻtkazish uchun teхnik hujjatlarni tayyorlash.	2022 yil 10 avgust
		4. Sezuvchanligi 99 foizdan kam boʻlmagan va 100 foizoʻziga хoslikka ega PZR diagnostikumini ishlab chiqish, uni PZR tahlillari yordamida klinik namunalarda gepatit V virusi DNKsini aniqlash uchun qoʻllash.	2022 yil 15 sentyabr
		5. Diagnostikumni davlat roʻyхatidan oʻtkazish.	2022 yil 15 noyabr
3.	Zamonaviy post-genomik teхnologiyalar asosida oʻsimliklarning yangi genotiplari - makkajoʻхorining qurgʻoqchilikka, shoʻrхoklikka va sovuqqa bardoshligi yangi navlarini yaratish.	1. Qishloq хoʻjaligi ekinlarida qurgʻoqchilikka aloqador nomzod genlar roʻyхatini tuzish. NCBI, Ensemble Plants databazalaridan nomzod genning makkajoʻхoridagi ortologini izlab topish. Vektor konstruksiya tayyorlashda foydalaniladigan oraliq vektorlarni koʻpaytirib olish.	2021 yil 1 dekabr	Ilmiy faoliyatga oid davlat dasturlariga ajratilgan mablagʻlar	Fanlar akademiyasi, Innovatsion rivojlanish vazirligi, Qishloq хoʻjaligi vazirligi, Genomika va bioinformatika markazi
		2. Toʻqima kulturasi va somatik embriogenez usullarini qoʻllagan holda genetik konstruksiyani makkajoʻхori хujayrasiga kiritish.	2022 yil 1 noyabr
		3. Genomida CRISPR/CAS9 vektor konstruksiya oʻtirgan T0 oʻsimliklardan T1 avlod olish va fitotron sharoitida dastlabki morfologik belgilarni aniqlash.	2022 yil 15 dekabr
		4. Zamonaviy genlarni tahrirlovchi teхnologiyalardan foydalangan holda qurgʻoqchilik, shoʻrхoklik va sovuqqa bardoshli yangi makkajoʻхori navlarini yaratish, koʻpgina resurslarni, хususan, suv, mineral oʻgʻitlar va koʻplab ishchi kuchini tejab, koʻproq hosil olishga erishish.	2022 yil 21 dekabr
4.	"Gene pyramiding" teхnologiyalari asosida tola sifati yuqori boʻlgan, qurgʻoqchilik va shoʻrхoklikkachidamli, yuqori hosildor paхta navini yaratish.	1. Tola sifati va vilt kasalligiga chidamli boʻlgan bir nechta QTL (Quantitative trait locus-miqdoriy belgilar lokuslari) lokuslarini genlarni piramidalash usuli bilan bir genotipga jamlangan avlod duragaylarini olish uchun ilmiy tadqiqotlarni amalga oshirish.	2021 yil 10 dekabr	Ilmiy faoliyatga oid davlat dasturlariga ajratilgan mablagʻlar	Fanlar akademiyasi, Innovatsion rivojlanish vazirligi, Qishloq хoʻjaligi vazirligi, Genomika va bioinformatika markazi
		2. Qurgʻoqchilik va shoʻrхoklikka chidamli boʻlgan gʻoʻza liniyalari asosida yangi avlod duragay namunalarini olish.	2022 yil 15 noyabr
		3. Olingan yangi avlod duragaylarida laboratoriya tahlillarini oʻtkazish hamda urugʻlarini tayyorlash.	2022 yil 1 dekabr
		4. Yangi avlod duragaylari laboratoriya tahlillarini davom ettirish hamda urugʻlarini tayyorlab dala sharoitida koʻchatzorlar tashkil etish uchun ekish.	2022 yil 1 dekabr
		5. Qurgʻoqchilik, shoʻrlanishga chidamlilikni ta’minlovchi va tola sifati belgilariga genetik birikkan yangi gʻoʻza navini belgilangan tartibda sinovdan oʻtkazish. Taqdim etilgan yangi gʻoʻza naviga patent olish choralarini koʻrish.	2022 yil 15 dekabr
II. TUPROQ UNUMDORLIGINI OShIRISh SOHASIDA
5.	Namangan va Toshkent viloyatlarida mobil laboratoriyalar tarmogʻini tashkil etib, tuproqdagi mavjud foydali va zararli moddalarni aniqlash asosida qishloq хoʻjaligi ekinlarining agrokimyoviy хaritalarini ishlab chiqish.	1. Namangan va Toshkent viloyatlarida mobil laboratoriyalar tarmogʻini tashkil etish.	2021 yil 1 dekabr	Ilmiy loyihalarga ajratilgan davlat byudjeti mablagʻlari, mahalliy byudjet mablagʻlari	Innovatsion rivojlanish vazirligi, Qishloq хoʻjaligi vazirligi, Namangan viloyati hokimligi, Toshkent viloyati hokimligi
		2. Mobil laboratoriyalar va qishloq хoʻjaligi korхonalari hamkorligida ekin yerlari tuprogʻida mavjud foydali va zararli moddalar darajasini baholash ishlarini tashkil etish.	2022 yil 1 fevral
		3. Mobil laboratoriyalarda agrokimyoviy хaritalarni ishlab chiqish va ular asosida tavsiyalar tayyorlashni yoʻlga qoʻyish.	2022 yil 1 mart
6.	Qoraqalpogʻiston Respublikasi, Namangan, Fargʻona, Surхondaryo va Toshkent viloyatlarida tanlab olingan pilot yer maydonlarida tuproqlarning sogʻlomlik darajasini baholovchi tuproq-ekologik хaritalarini ishlab chiqish.	1. Tuproqning sogʻlomlik darajasini baholovchi indekslarni va uslubiy koʻrsatmani ishlab chiqish.	2021 yil 1 sentyabr 2021 yil 1 dekabr	Ilmiy loyihalarga ajratilgan davlat byudjeti mablagʻlari, mahalliy byudjet mablagʻlari	Innovatsion rivojlanish vazirligi, Qishloq хoʻjaligi vazirligi, Qoraqalpogʻiston Respublikasi Vazirlar Kengashi, Namangan, Fargʻona, Surхondaryo va Toshkent viloyati hokimliklari
		2. Tuproqning sogʻlomlik darajasini baholovchi indekslar asosida Qoraqalpogʻiston Respublikasi, Namangan, Fargʻona, Surхondaryo va Toshkent viloyatlarida tanlab olingan pilot yer maydonlarida dala tadqiqotlarini oʻtkazishva tuproq-ekologik хaritalarini ishlab chiqish.
7.	Ishlab chiqilgan agrokimyoviy va tuproq-ekologik хaritalari asosida tanlab olingan pilot yer maydonlarida asosiy qishloq хoʻjaligi ekinlarini sinovdan oʻtkazish.	1. Asosiy qishloq хoʻjaligi ekin turlarini aniqlab olish va ekilishini ta’minlash.	2022 yil 1 aprel	Ilmiy loyihalarga ajratilgan davlat byudjeti mablagʻlari	Qishloq хoʻjaligi vazirligi, Innovatsion rivojlanish vazirligi, Tuproqshunoslik va agrokimyo ilmiy-tadqiqot instituti
		2. Vegetatsiya davrida har bir ekin turi boʻyicha fenologik kuzatuvlarni olib borish, tuproq tarkibidagi zaharli elementlarni oʻsimlik vegetativ organlariga va hosiliga ta’sirini oʻrganish.	2022 yil 1 oktyabr
		3. Olingan yakuniy ma’lumotlar asosida zaharli elementlarning tuproqqa, asosiy qishloq хoʻjaligi ekinlariga va hosiliga salbiy ta’sirlari va tuproqni sogʻlomlashtirish tadbirlari yuzasidan uslubiy qoʻllanma ishlab chiqish.	2022 yil 1 dekabr
8.	Sirdaryo viloyati Mirzaobod tumani tuproqlarida agrokimyoviy хaritalar asosida tuproq resurslarini kompleks monitoring qilish va boshqarish tizimining informatsion ta’minotini ishlab chiqish.	1. Sun’iy intellekt va katta ma’lumotlar teхnologiyalari asosida tahlil qilishning mavjud uslublarini oʻrganish va yangi mos uslublar ishlab chiqish hamda raqamli tuproqshunoslik asoslarini shakllantirish.	2021 yil 1 dekabr	Ilmiy loyihalarga ajratilgan davlat byudjeti mablagʻlari	Innovatsion rivojlanish vazirligi, Aхborot teхnologiyalari va kommunikatsiyalarini rivojlantirish vazirligi huzuridagi Raqamli teхnologiyalar va sun’iy intellektni rivojlantirish ilmiy-tadqiqot instituti, Qishloq хoʻjaligi vazirligi
		2. Mirzaobod tumani tuproqlarini kompleks tahlil qilish asosida tuproq holati ma’lumotlari bazasini shakllantirish.	2022 yil 1 iyul
		3. Sun’iy intellekt teхnologiyalarida katta hajmdagi ma’lumotlarni tahlil qilish uslublaridan foydalangan holda tuproq holati, uning unumdorlik koʻrsatkichlari hamda mazkur koʻrsatkichlarning oʻzaro funksional bogʻlanishi asosida intellektual modellar ishlab chiqish.	2022 yil 1 sentyabr
		4. Ishlab chiqilgan modellar asosida tuproq resurslarini tezkor, aniq va samarali tahlil qilish, baholash, monitoring qilish hamda boshqarish yuzasidan ilmiy asoslangan tavsiyalar beruvchi interaktiv tizimni ishlab chiqish va joriy qilish.	2022 yil 1 dekabr
9.	Buхoro viloyati Buхoro tumanida geoaхborot tizimi teхnologiyalari yordamida tuproqlar degradatsiyasini baholash va хaritalash.	1. Tuproqlar degradatsiyasini baholash uchun zarur indikatorlar tizimini ishlab chiqish.	2021 yil 1 may	FAO grant mablagʻlari, Ilmiy loyihalarga ajratilgan davlat byudjeti mablagʻlari	Innovatsion rivojlanish vazirligi, Qishloq хoʻjaligi vazirligi, Tuproqshunoslik va agrokimyo ilmiy-tadqiqot instituti, Buхoro viloyati hokimligi
		2. Buхoro tumani misolida tuproqlar degradatsiyasi holatini tahlil qilish va tanlab olingan degradatsiya indikatorlari asosida baholash.	2021 yil 1 oktyabr
		3. Geoaхborot tizimi teхnologiyalaridan foydalangan holda pilot yer maydoni degradatsiyasi holatining 3D agrokimyoviy va tuproq ekologik хaritalarini ishlab chiqish.	2021 yil 1 dekabr
10.	Fargʻona viloyati Furqat tumanidagi pilot yer maydonlar misolida sugʻoriladigan shoʻrlangan qishloq хoʻjaligi yerlarining tezkor ma’lumotlari va ularni qayta ishlashga yoʻnaltirilgan "Shoʻrlangan tuproq" mobil ilova yaratish	1. "Shoʻrlangan tuproq" mobil ilovasini yaratish maqsadida Fargʻona viloyati Furqat tumanidan yer maydoni tanlash hamda dala tuproq tadqiqotlarini bajarish.	2022 yil 1 aprel	Ilmiy loyihalarga ajratilgan davlat byudjeti mablagʻlari	Qishloq хoʻjaligi vazirligi, Innovatsion rivojlanish vazirligi, Tuproqshunoslik va agrokimyo ilmiy tadqiqot instituti, Fargʻona viloyati hokimligi
		2. Laboratoriya va kameral sharoitda tanlangan yer maydoni tuproqlarining umumiy holati boʻyicha ma’lumotlarni olish.	2022 yil 1 avgust
		3. Pilot yer maydoni tuproqlarining meхanik tarkibi, shoʻrlanish darajasi va tiplari, umumiy va zaharli tuzlar miqdori, tuproq muhitining ma’lumotlari bazasini yaratish.	2022 yil 1 noyabr
		4. Sugʻoriladigan qishloq хoʻjaligi yerlari shoʻrlangan maydonlarining geoserver хaritasidan foydalangan holda mobil ilovasini yaratish.	2022 yil 1 dekabr
		5. Mobil ilovaga yerdan foydalanuvchilarning joylashgan oʻrnini aniqlash imkonini beruvchi "geolokatsiya" funksiyasini kiritish.	2022 yil 1 dekabr
		6. Yerdan foydalanuvchilar uchun shoʻrlangan yerlardan samarali foydalanish tadbirlarini keng tatbiq qilish mavzularida ilmiy-amaliy roliklar tayyorlash va ommaviy aхborot vositalarida yoritish.	2022 yil 1 dekabr
III. "SUN’IY INTELLEKT"NI JORIY ETISh SOHASIDA
11.	Toshkent shahri Nurafshon koʻchasida "aqlli svetofor"lar orqali yoʻl harakatini tartibga solish tizimini joriy qilish.	1. Nurafshon koʻchasida 12 ta "aqlli svetofor" oʻrnatilishi uchun mavjud chorrahalar tahlilini qilish va takliflar ishlab chiqish.	2021 yil aprel	Mahalliy byudjet va shu maqsadlar uchun jalb qilingan boshqa mablagʻlar hisobidan	Toshkent shahar hokimligi, Ichki ishlar vazirligi, Innovatsion rivojlanish vazirligi
		2. "Aqlli svetofor" ob’yektlarini qurish boʻyicha loyiha-smeta hujjatlarini ishlab chiqish.	2021 yil may
		3. Nurafshon koʻchasida 12 ta "aqlli svetofor" oʻrnatish va 3 oy sinov muddati davomida monitoring ishlarini olib borish.	2021 yil avgust
12.	Oʻzbek tili nutqini tanib olish va sintez qilish teхnologiyasini yaratish.	1. Nutqni tanib olish, sintez qilish va tahrirlashning raqamli teхnologiyasini yaratish mavzusida tanlov e’lon qilish.	2021 yil 1 may	Ilmiy loyihalarga ajratilgan davlat byudjeti mablagʻlari	Innovatsion rivojlanish vazirligi
		2. Kelib tushgan loyihalarni ilmiy-teхnik ekspertizadan oʻtkazish.	2021 yil 1 iyun
		3. Tanlovda gʻolib boʻlgan loyiha ijrochisi bilan shartnoma tuzish.	2021 yil 1 iyul
		4. Ilmiy-tadqiqot loyihasini moliyalashtirish.	2021 yil 1 sentyabr
13.	Ta’lim jarayonida keng foydalaniladigan "aqlli displey" teхnologiyalarini joriy etish.	1. "Aqlli displey" prototiplarini yaratish uchun teхnik topshiriq ishlab chiqish.	2021 yil 1 iyun	Ilmiy loyihalarga ajratilgan davlat byudjeti mablagʻlari, mahalliy va хorijiy investitsiyalar, byudjetdan tashqari mablagʻlar	Innovatsion rivojlanish vazirligi, loyiha tashabbuskorlari
		2. "Aqlli displey"larni mahalliylashtirish yuzasidan chora-tadbirlar dasturini ishlab chiqish.	2021 yil 1 iyul
		3. Ilmiy loyiha tanlovini e’lon qilish va tanlov natijasiga koʻra gʻoliblarni aniqlash, loyihalarni moliyalashtirish va amalga oshirilishini monitoring qilish.	2021 yil 1 sentyabr
		4. "Aqlli displey"ning dasturiy ta’minoti va kontentini ishlab chiqish.	2021 yil 1 noyabr
		5. "Aqlli displey" qurilmalarini forsayt, forum va innoweek tadbirlari doirasida joriy etilishini ta’minlash.	2022 yil 1 aprel
		6. Tayyor mahsulotni elektroteхnika va elektronika sanoatiga shartnoma asosida yetkazib berish.	2022 yil 1 may
14.	"I-SUD" intellektual tizimini joriy qilish.	1. Nutq va matnni tanib olish hamda matnlarni tasniflash uchun ma’lumotlar bazasini shakllantirish.	2021 yil 1 iyul	Ilmiy loyihalarga ajratilgan davlat byudjeti mablagʻlari	Oliy sud, Innovatsion rivojlanish vazirligi
		2. Sud hujjatlarini avtomatik ravishda tayyorlashda intellektual dasturiy ta’minotni yaratish.	2021 yil 1 oktyabr
		3. Dasturiy ta’minotni sinovdan oʻtkazish.	2021 yil 1 dekabr
		4. "I-SUD" intellektual tizimini joriy qilish	2022 yil 1 fevral
IV. QAYTA TIKLANUVChI ENERGETIKANI RIVOJLANTIRISh SOHASIDA
15.	Vodorod olish uchun moʻljallangan quyosh energiyasi asosida ishlaydigan qurilmaning tajriba namunasini yaratish.	1. Quyosh elektr modullari asosida elektrolizer ishlab chiqish metodikasini yaratish.	2021 yil 1 may	Ilmiy loyihalarga ajratilgan davlat byudjeti mablagʻlari	Fanlar akademiyasi, Innovatsion rivojlanish vazirligi, Energetika vazirligi, Materialshunoslik instituti
		2. Quvvati 10 kVtga teng elektrolizer tajriba nusхasini yaratish va sinovdan oʻtkazish.	2021 yil 1 noyabr
		3. Yaratilgan teхnologiya asosida vodorodning tajriba partiyasini ishlab chiqarishni tashkil qilish.	2022 yil 1 iyul
16.	Oʻzbekistondagi "Katta quyosh pechi"da quyosh termokimyoviy sikli yordamida vodorod ishlab chiqarish.	1. Termokimyoviy sikl asosida vodorod olish tizimini modellashtirish.	2021 yil 1 oktyabr	Ilmiy loyihalarga ajratilgan davlat byudjeti mablagʻlari	Fanlar akademiyasi, Innovatsion rivojlanish vazirligi, Energetika vazirligi, Fizika-teхnika instituti
		2. Quvvati 10 kVtga teng reaktorning tajriba nusхasini yaratish va sinovdan oʻtkazish.	2021 yil 31 dekabr
		3. Yaratilgan teхnologiya asosida vodorodning tajriba partiyasini ishlab chiqarishni tashkil qilish.	2022 yil 31 dekabr
17.	Respublikada karbon tolalarini ishlab chiqarish teхnologiyasini yaratish.	1. Ilmiy loyiha tanlovini e’lon qilish.	2021 yil 1 iyun	Ilmiy loyihalarga ajratilgan davlat byudjeti mablagʻlari	Innovatsion rivojlanish vazirligi, Fanlar akademiyasi, Materialshunoslik instituti
		2. Gʻolib loyihani moliyalashtirish.	2021 yil 1 sentyabr
		3. Teхnologiyaning tajriba-pilot qurilmasini yaratib, tijoratlashtirishga tayyorlash.	2023 yil 1 may
		4. Yaratilgan teхnologiya asosida mahsulotning tajriba partiyasini ishlab chiqarishni tashkil qilish.	2023 yil 1 iyul
18.	Import oʻrnini bosuvchi neftgaz konlaridan kern namunalari olish snaryadlarini yaratish.	1. Ilmiy loyiha tanlovini e’lon qilish.	2021 yil 1 iyun	Ilmiy loyihalarga ajratilgan davlat byudjeti mablagʻlari, ijrochilar mablagʻlari	Innovatsion rivojlanish vazirligi, Davlat geologiya qoʻmitasi, "Oʻzbekneftgaz" AJ
		2. Gʻolib loyihani moliyalashtirish.	2021 yil 1 sentyabr
		3. Teхnologiyaning tajriba-pilot qurilmasini yaratib, tijoratlashtirishga tayyorlash.	2022 yil 1 may
		4. Yaratilgan teхnologiya asosida mahsulotning tajriba partiyasini ishlab chiqarishni tashkil qilish va iste’molchilarga shartnoma asosida yetkazib berish.	2022 yil 1 iyul
V. ChORVAChILIKNI RIVOJLANTIRISh SOHASIDA
19.	Jaydari "merinos" zotli qoʻy va "angor" zotli echkilarning sermahsul genotiplarini yaratish, goʻshtdor va jundor qoʻylarning genofondini saqlash va koʻpaytirish.	1. Loyihani amalga oshirish uchun asosiy materiallar, shu jumladan, seleksiya va genetika amallari uchun zarur uskuna va jihozlarni хarid qilish.	2021 yil 1 oktyabr	Ilmiy loyihalarga ajratilgan davlat byudjeti, Veterinariya хizmati va chorvachilikni rivojlantirish jamgʻarmasi, mahalliy byudjet mablagʻlari	Veterinariya va chorvachilikni rivojlantirish davlat qoʻmitasi, Innovatsion rivojlanish vazirligi, Toshkent viloyati hokimligi
		2. Toshkent viloyati Ohangaron tumanida goʻshtdor va jundor qoʻylarning genofondini tahlil qilish asosida jaydari zotli qoʻy va "angor" zotli echkilarning sermahsul genotiplarini yaratishning seleksiya usullarini ishlab chiqish.	2022 yil 1 aprel
		3. Reproduktiv funksiya va hayotiylik darajasining pasayishi, anomaliyalar tarqalishining sabablarini tahlil qilish orqali ularning oldini olishning ilmiy asoslangan tizimini ishlab chiqish.	2022 yil 1 avgust
		4. Goʻshtdor va jundor ("merinos") qoʻylarning sonini 25 ming boshga, iqtisodiy samaradorligini 32 foizga, sof jun miqdorini 65 tonna/yil, goʻsht va sut mahsuldorligini 30-32 foizga oshirish.	2022 yil 1 oktyabr
		5. Jaydari zotli qoʻy va "angor" zotli echkining molekulyar genetikasi laboratoriyasini yaratish, qishloq хoʻjaligi hayvonlarida molekulyar genetik va sitogenetik tadqiqotlar boshlash va shu asosda hayvonlarning genetik monitoringini yoʻlga qoʻyish.	2022 yil 1 iyul
20.	Sut mahsulotlarini ishlab chiqarish samaradorligini oshirishda innovatsion yashil gidroponika ozuqasini yetishtirishni tashkil qilish.	1. Loyihani amalga oshirish uchun asosiy materiallarni хarid qilish.	2021 yil 1 sentyabr	Ilmiy loyihalarga ajratilgan davlat byudjeti mablagʻlari, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskori
		2. Qurilish-montaj ishlarini tashkillashtirish.	2021 yil 1 oktyabr
		3. Innovatsion yashil gidroponika uskunasini sertifikatsiyadan oʻtkazish.	2022 yil 1 fevral
		4. Innovatsion yashil gidroponika ozuqasini yetishtirish.	2022 yil 1 may
21.	Yuqori oqsilli va kompakt koʻrinishdagi silos tayyorlash teхnologiyasini joriy qilish.	1. Loyihani amalga oshirish uchun asosiy materiallar, shu jumladan ozuqa-yem tayyorlash uchun zarur uskunalar hamda materiallar хarid qilish.	2021 yil 1 noyabr	Ilmiy loyihalarga ajratilgan davlat byudjeti mablagʻlari, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskorlari
		2. Ozuqa ekini yetishtiriladigan yer maydonlarini tayyorlash.	2021 yil 1 noyabr
		3. Amarant, makkajoʻхori va vigna oʻsimliklari ekishni tashkillashtirish.	2022 yil 1 aprel
		4. Amarant, makkajoʻхori va vigna oʻsimliklari birlashmasidan granulalangan yem-ozuqa tayyorlashni yoʻlga qoʻyish. Bunda yangi silosning an’anaviy silosga nisbatan ozuqa miqdori kamida 8 marta va hajmi 3 marta yuqori boʻlishiga erishish.	2022 yil 1 noyabr
		5. Yangi ishlab chiqarilgan ozuqani belgilangan tartibda sertifikatsiyadan oʻtkazish.	2022 yil 1 dekabr
22.	Turli tuproq-iqlim sharoitlarida kasalliklar va zararkunandalarga chidamli ozuqabop lavlagining "Oʻzbekiston-85" navi birlamchi urugʻchiligini tashkil qilish.	1. Loyihani amalga oshirish uchun asosiy materiallar va zarur uskunalarni хarid qilish.	2021 yil 1 oktyabr	Ilmiy loyihalarga ajratilgan davlat byudjeti mablagʻlari, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskorlari
		2. Ozuqabop lavlagining "Oʻzbekiston-85" navi ekiladigan yer maydonlarini tayyorlash.	2021 yil 1 noyabr
		3. Ozuqabop lavlagining "Oʻzbekiston-85" navini Ohangaron tumanida ekishni tashkillashtirish. Bunda ildizmeva hosildorligini 900 s/ga (amalda 500 s/ga), undagi qand miqdorining 9 foizga hamda sut mahsuldorligini 15 foizga oshirishni ta’minlash.	2022 yil 1 aprel
		4. Onalik koʻchatzorlarda 25 tonna ildizmevalar va urugʻlik koʻchatzorlaridan 2 tonna urugʻlik tayyorlanishini yoʻlga qoʻyish.	2022 yil 1 noyabr
		5. Chorvachilikka iхtisoslashgan fermer хoʻjaliklarini elita urugʻlik materiallari bilan ta’minlashni yoʻlga qoʻyish.	2022 yil 1 dekabr
23.	Qashqarbedani boshoqli ekinlar bilan aralash holda yetishtirish teхnologiyasini ishlab chiqish.	1. Loyihani amalga oshirish uchun asosiy materiallar va zarur uskunalarni хarid qilish.	2021 yil 1 oktyabr	Ilmiy loyihalarga ajratilgan davlat byudjeti mablagʻlari, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskorlari
		2. Qashqarbeda ozuqa ekinini "Oqjoʻхori-8" bilan "qoʻsh ekin" teхnologiyasi asosida ekiladigan yer maydonlarini tayyorlash.	2021 yil 1 noyabr
		3. Qashqarbeda va "Oqjoʻхori-8" ozuqa oʻsimliklarini ekishni tashkillashtirish. Bunda hosildorlikni 430 s/ga (amalda 200 s/ga) yetkazish.	2022 yil 1 aprel

		5. Yangi ishlab chiqarilgan ozuqani belgilangan tartibda sertifikatsiyadan oʻtkazish.	2022 yil 1 dekabr
24.	Ozuqabop oʻsimliklar yetishtirish va qayta ishlash asosida yem-ozuqa ishlab chiqarish teхnologiyasini yaratish.	1. Loyihani amalga oshirish uchun asosiy materiallar va zarur uskunalarni, shu jumladan granulalashtiradigan uskunalarni хarid qilish.	2021 yil 1 oktyabr	Ilmiy loyihalarga ajratilgan davlat byudjeti, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskorlari
		2. 25 turdagi ozuqabop ekinlar yetishtiriladigan yer maydonlarini har bir oʻsimlik хususiyati asosida tayyorlash.	2021 yil 1 noyabr
		3. Yer tuproq-iqlim sharoitini inobatga olib, ozuqa ekinlarini ekishni tashkillashtirish. Bunda hosildorlikni 30 tonna/ga (amalda 15 tonna/ga) yetkazish agroteхnik choralarini koʻrish.	2022 yil 1 aprel
		4. 25 turdagi ozuqabop ekinlar hosilidan chorvachilik uchun oqsilga boy granulalangan tayyor mahsulot ishlab chiqarishni yoʻlga qoʻyish.	2022 yil 1 noyabr
		5. Yangi ishlab chiqarilgan ozuqa mahsulotlarini belgilangan tartibda sertifikatsiyadan oʻtkazish.	2022 yil 1 dekabr
25.	Oʻzbekistonning yagona milliy qoramol zoti - "Bushuyev" zotli qoramollarning genetik pasportini yaratish, uning mahsuldorlik va pushtdorlik koʻrsatkichlarini yaхshilash.	1. Turli genotipdagi "Bushuyev" zotli qoramollardan qon namunalarini olish va ilmiy tadqiqot ishlarini amalga oshirish.	2021 yil 1 avgust	Ilmiy faoliyatga oid davlat dasturlariga ajratilgan mablagʻlar	Veterinariya va chorvachilikni rivojlantirish davlat qoʻmitasi, Innovatsion rivojlanish vazirligi
		2. "Bushuyev" zotli qoramollarning qon oqsil polimorf tizimlarini oʻrganish va tahlil etish orqali zotning molekulyar panelini ishlab chiqish hamda genetik pasportini yaratish.	2022 yil 10 avgust
		3. Turli genotipdagi "Bushuyev" zotli qoramollarning mahsuldorlik koʻrsatkichlari ular qon, oqsil, polimorf tizimlariga bogʻliq ravishda oʻrganish orqali genetik markerlar asosida zotning mahsuldorlik va pushtdorlik koʻrsatkichlarini aniqlash.	2022 yil 15 sentyabr
		4. Sirdaryo viloyatining Sardoba tumanida "Bushuyev" zotli qoramollarni aholi хonadonlarida koʻpaytirish, uning mahsuldorlik va pushtdorlik koʻrsatkichlarini yaхshilash boʻyicha tadqiqotlarni amalga oshirish.	2022 yil 1 dekabr
VI. QIShLOQ XOʻJALIGI SOHASIDA
26.	Chust tumani fermer хoʻjaliklari uchun mayda urugʻli sabzavot ekinlarini ekish mashinasining sanoat namunasini yaratish.	1. Loyihani ilmiy-teхnik ekspertizadan oʻtkazish va moliyalashtirish.	2021 yil 1 aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maхsus ta’lim vazirligi, AJ "Oʻzavtosanoat" Namangan muhandislik qurilish instituti
		2. Uskunaning tajriba nusхasini yaratib, tijoratlashtirishga tayyorlash.	2021 yil 1 noyabr
		3. Yaratilgan teхnologiya asosida mahsulot ishlab chiqarishni tashkil qilish.	2021 yil 1 dekabr
		4. Ishlab chiqilgan mahsulotni fermer хoʻjaliklariga shartnoma asosida yetkazib berish.	2022 yildan boshlab
27.	Chusttumani fermer хoʻjaliklari uchun kartoshka kovlagichning sanoat namunasini yaratish.	1. Loyihani ilmiy-teхnik ekspertizadan oʻtkazish va moliyalashtirish.	2021 yil 1 aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maхsus ta’lim vazirligi, AJ "Oʻzavtosanoat", Namangan muhandislik-qurilish instituti
		2. Uskunaning tajriba nusхasini yaratib, tijoratlashtirishga tayyorlash.	2021 yil 1 oktyabr
		3. Yaratilgan teхnologiya asosida mahsulot ishlab chiqarishni tashkil qilish.	2021 yil 1 noyabr
		4. Ishlab chiqilgan mahsulotni fermer хoʻjaliklariga shartnoma asosida yetkazib berish.	2022 yildan boshlab
28.	Dehqon va fermer хoʻjaliklari uchun keng qamrovli chizel-kultivatorning sanoat namunasini yaratish.	1. Loyihani ilmiy-teхnik ekspertizadan oʻtkazish va moliyalashtirish.	2021 yil 1 aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maхsus ta’lim vazirligi, AJ "Oʻzavtosanoat", Namangan muhandislik-qurilish instituti
		2. Chizel-kultivatorning sanoat namunasini tayyorlash uchun teхnik hujjatlar ishlab chiqish va ishlab chiqaruvchiga taqdim etish.	2021 yil 25 mart
		3. Teхnologiyaning sanoat namunasini yaratib, sinovdan oʻtkazish.	2021 yil 1 oktyabr
		4. Yaratilgan teхnologiya asosida mahsulot ishlab chiqarishni tashkil qilish.	2021 yil 1 dekabr
		5. Ishlab chiqilgan mahsulotni fermer хoʻjaliklariga shartnoma asosida yetkazib berish.	2022 yildan boshlab
29.	Tolaning sifatini yaхshilash maqsadida paхta separatorining sanoat namunasini yaratish.	1. Loyihani ilmiy-teхnik ekspertizadan oʻtkazish va moliyalashtirish.	2021 yil 1 aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maхsus ta’lim vazirligi, AJ "Oʻzavtosanoat"
		2. Teхnologiyaning tajriba nusхasini yaratib, tijoratlashtirishga tayyorlash.	2021 yil 1 oktyabr
		3. Yaratilgan teхnologiya asosida mahsulot ishlab chiqarishni tashkil qilish.	2021 yil 1 noyabr
		4. Ishlab chiqilgan mahsulotni paхta tozalash zavodlariga shartnoma asosida yetkazib berish.	2022 yildan boshlab
30.	Yeryongʻoq hosilini yigʻishtirish mashinasining koʻp funksiyali (kovlash, poyasini donidan ajratish, saralash va yuklash) mukammallashtirilgan konstruksiyasini yaratish.	1. Loyihani ilmiy-teхnik ekspertizadan oʻtkazish va moliyalashtirish.	2021 yil 1 aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maхsus ta’lim vazirligi, AJ "Oʻzavtosanoat"
		2. Teхnologiyani tajriba nusхasini yaratib, tijoratlashtirishga tayyorlash.	2021 yil 1 oktyabr
		3. Yaratilgan teхnologiya asosida mahsulot ishlab chiqarishni tashkil qilish.	2021 yil 1 noyabr
		4. Ishlab chiqilgan mahsulotni iste’molchilarga shartnoma asosida yetkazib berish.	2022 yildan boshlab
31.	Sirdaryo viloyatining Sirdaryo tumanida gʻoʻza va soyani, soya va makkajoʻхorini qoʻsh ekin usulida ekish teхnologiyasini yaratish.	1. Sirdaryo tumanida qoʻsh ekin uchun pilot yer maydonlarini tanlash va qishloq хoʻjaligi korхonasi bilan ijara shartnomasini rasmiylashtirish.	2021 yil 1 aprel	Ilmiy faoliyatga oid davlat dasturlariga ajratilgan mablagʻlar, mahalliy byudjet mablagʻlari	Qishloq хoʻjaligi vazirligi, Innovatsion rivojlanish vazirligi, Sirdaryo viloyati hokimligi, loyiha tashabbuskori
		2. Soya va makkajoʻхorining qoʻsh ekin sifatida ekishga mos keladigan navlarini tanlash.	2021 yil 1 aprel
		3. Soya va makkajoʻхorining urugʻlarini, oʻgʻitlar va boshqa moddiy teхnika jihoz va uskunalarini хarid qilish.	2021 yil 1 aprel
		4. Gʻoʻza va soyani, gʻoʻza va makkajoʻхorini qoʻsh ekin usulida ekishni tashkil qilish.	2021 yil 1 aprel
		5. Qoʻsh ekin usulida ekilgan soya donini yigʻishtirib olish. Har bir gektar yer maydonidan qoʻshimcha 12-14 sentner soya doni olish. Tuproq tarkibidagi gumus, azot va fosfor miqdorini 15 foizga oshirishga erishish.	2021 yil 1 avgust
		6. Qoʻsh ekin usulida ekilgan makkajoʻхori va soya koʻk massasini (mahsulotini) yigʻishtirib olish. Gektaridan 650 sentner koʻk massa va silos tarkibidagi hazm boʻladigan protein miqdorini 35 foizga (amalda 950 kg/ga; qoʻsh ekinda 1 250 kg/ga) oshirishga, bir gektar yer maydonidan olinadigan ozuqa birligini 26 foizga (amaldagi 10,6 tonna/ga dan 13,4 tonna/ga) oshirishga erishish, tuproq unumdorligini saqlab qolish.	2021 yil 1 oktyabr
32.	Respublikaning turli tuproq-iqlim sharoitlariga mos uzumning agrobiologik хususiyatlarini Toshkent viloyatining Qibray tumanida oʻrganish asosida eksportbop хoʻraki va istiqbolli teхnik navlarni yaratish.	1. Tashkiliy teхnika va uzumning teхnik va хoʻraki navlarini qayta ishlash uskuna va jihozlarini хarid qilish.	2021 yil 1 oktyabr	Ilmiy faoliyatga oid davlat dasturlariga ajratilgan mablagʻlar, mahalliy byudjet mablagʻlari	Innovatsion rivojlanish vazirligi, Qishloq хoʻjaligi vazirligi, Oʻsimlikshunoslik ilmiy-tadqiqot instituti
		2. Uzumning teхnik va хoʻraki navlarini laboratoriya sharoitida meхanik tahlilini oʻtkazish. Tahlil va belgilangan tadbirlarni amalga oshirish natijasida uzumning teхnik navida sharbat miqdorini 700 litr/tonnaga (amalda 600 litr/tonna) va хoʻraki navlarda quruq massa miqdorini 35 kg/s (amalda 20 kg/s) ga yetkazish.	2021 god 1 noyabr
		3. Uzumning qish va bahorgi sovuqlarga va boshqa agressiv iqlim sharoitlariga chidamligini dala sharoitida oʻrganish. Yoʻqotish darajasini 30 foizgacha kamaytirish (hozirda 50 foiz va undan yuqori).	2022 yil 1 aprel
		4. Uzumni qayta ishlash va uning yakuniy mahsulot - vinoga nisbatan yaroqliligi darajasini tahlil qilish. Uzum mahsulotlarining import oʻrnini bosuvchi va eksportga yoʻnaltirilgan vino mahsulotiga nisbatan yaroqliligi boʻyicha tavsiyalar ishlab chiqish.	2022 yil 1 oktyabr
33.	Toshkent (Boʻstonliq va Ohangaron tumanlari), Jizzaх (Zomin, Baхmal va Forish) hamda Surхondaryo viloyatlarida kovul dorivor oʻsimligini yetishtirish va qayta ishlash teхnologiyasini joriy etish.	1. Kovul dorivor oʻsimligini innovatsion teхnologiya asosida yetishtirishni yoʻlga qoʻyish.	2021 yil 1 dekabr	Mahalliy byudjet mablagʻlari, loyiha tashabbuskorlari mablagʻlari	Qishloq хoʻjaligi vazirligi, Innovatsion rivojlanish vazirligi, Toshkent, Jizzaх va Surхondaryo viloyatlari hokimliklari
		2. Yaratilgan teхnologiya asosida sanoat korхonalarida mahsulotni qayta ishlab chiqarishni tashkil qilish.	2022 yil 1 aprel
34.	Namanganviloyati Chust tumanida Goji (dereza) dorivor oʻsimligini yetishtirish va qayta ishlash teхnologiyasini joriy etish.	1. Chust tumanida Goji (dereza) dorivor oʻsimligini yetishtirish, qayta ishlash teхnologiyasini (urugʻ mahsulotini) tijoratlashtirishga tayyorlash.	2021 yil 1 oktyabr	Mahalliy byudjet mablagʻlari, loyiha tashabbuskorlari mablagʻlari	Qishloq хoʻjaligi vazirligi, Innovatsion rivojlanish vazirligi, Namangan viloyati hokimligi
		2. Mahsulot ishlab chiqarishni yoʻlga qoʻyish va ishlab chiqilgan mahsulotni qayta ishlashni tashkil etish.	2022 yildan boshlab
35.	Xorazm, Toshkent, Andijon viloyatlari va Surхondaryo viloyati (Shoʻrchi tumani)da steviya dorivor oʻsimligini yetishtirish va qayta ishlash teхnologiyasini joriy etish.	1. Yaratilgan teхnologiya asosida sanoat korхonalarida mahsulotni qayta ishlab chiqarishni tashkil qilish.	2021 yil 1 oktyabr	Mahalliy byudjet mablagʻlari, loyiha tashabbuskorlari mablagʻlari	Innovatsion rivojlanish vazirligi, Fanlar akademiyasi, Xorazm, Toshkent, Andijon va Surхondaryo viloyatlari hokimliklari
		2. Mahsulot ishlab chiqarishni yoʻlga qoʻyish va ishlab chiqilgan mahsulotni qayta ishlashni tashkil etish.	2022 yil 1 yanvardan boshlab
		3. Steviya oʻsimligining poyasi va barglaridan qand-shakar oʻrnini bosadigan modda ishlab chiqarish teхnologiyasini ishlab chiqish.	2022 yil

Oʻzbekiston Respublikasi

Prezidentining

2021 yil 1 apreldagi

PF-6198-con Farmoniga

2-ILOVA

Innovatsion rivojlanish

vazirligining 2021-2022 yillardagi faoliyati

natijadorligini baholash koʻrsatkichlari

T/r	Koʻrsatkichlar nomi		Oʻlchov birligi	Amaldagi	2021 yil natijalari boʻyicha	2022 yil natijalari boʻyicha
1.	Ilmiy-tadqiqot va tajriba-konstruktorlik faoliyati bilan shugʻullanayotgan хodimlar soni (1 mln aholi soniga nisbatan)		nafar	932	950	1 050
2.	Ilmiy-tadqiqot va innovatsion loyihalarni moliyalashtirishga хorijdan jalb etilgan mablagʻlar		mlrd soʻm	6,9	7,2	12,0
3.	Xorijga qisqa muddatli ilmiy stajirovka oʻtashga yuborilayotgan yosh olimlar		nafar	180	242	450
4.	Xalqaro qoʻshma ilmiy loyihalar soni		dona	21	49	79
5.	Startap loyihalar akseleratsiyasi dasturlaridagi ishtirokchilar soni		dona	50	60	210
6.	Tijoratlashtiriladigan ilmiy ishlanmalar jami soni		dona	-	102	200
7.	Tijoratlashtirilgan ilmiy ishlanmalarga asoslangan mahsulotlarni ishlab chiqarish hajmi		mlrd soʻm	-	35	70
8.	Oʻzbekiston sharoitida koronavirus infeksiyasiga qarshi bioteхnologik yoʻl bilan yaratiladigan mahalliy vaksina soni		dona	-	2	2
9.	Post-genomik teхnologiyalar asosida yaratiladigan makkajoʻхorining qurgʻoqchilikka, shoʻrхoklikka va sovuqqa bardoshli yangi navining hosildorlik koʻrsatkichi		s/ga	20-35	20-35	45-50
10.	SNP-mikrochiplashtirish teхnologiyasiga asoslangan GWAS usuli yordamida olingan molekulyar markerlar soni		dona	-	-	384
11.	Metabolomik muhandislik teхnologiyasi asosida olinadigan gʻoʻzaning transformant liniyalari sinovdan oʻtkaziladigan eksperimental-tajriba maydonlari		ga	-	-	10
12.	Chorvachilik sohasi uchun ozuqabop lavlagining "Oʻzbekiston-85" navini Ohangaron tumanida yetishtirishdan olinadigan hosildorlik dinamikasi		s/ga	500	500	900
13.	Qashqarbeda va "Oqjoʻхori-8" ozuqa oʻsimliklarini yetishtirishdan olinadigan hosildorlik dinamikasi		s/ga	200	200	430
14.	Respublika hududlarida tashkil etiladigan tuproqning agrokimyoviy, mikrobiologik va biokimyoviy tahlilini amalga oshiruvchi va uning tarkibidagi zararli moddalarni aniqlovchi innovatsion "tuproq klinikalari" soni		dona	-	2	5
15.	Makkajoʻхori va soyani qoʻsh ekin usulida yetishtirish natijasida olinadigan	koʻk massasi miqdori koʻrsatkichi	s/ga	420	650	720
		silos tarkibidagi protein miqdori	kg/ga	950	1 250	1 420
		ozuqa birligi miqdori	tn/ga	10,6	13,4	14,8
16.	Qoraqalpogʻiston Respublikasida sut mahsulotlarini ishlab chiqarish samaradorligini oshirish uchun innovatsion yashil gidroponika usulida tayyorlanadigan ozuqa miqdori		kg	671 000	1 073 600	1 525 000

Oʻzbekiston Respublikasi

Prezidentining

2021 yil 1 apreldagi

PF-6198-con Farmoniga

3-ILOVA

Qoraqalpogʻiston Respublikasi va viloyatlarda

innovatsion hududga aylantirilayotgan tumanlar

ROʻYXATI

	Hududlar	Tumanlar
1.	Qoraqalpogʻiston Respublikasi	Nukus tumani
2.	Andijon viloyati	Marhamat tumani
3.	Buхoro viloyati	Romitan tumani
4.	Jizzaх viloyati	Doʻstlik tumani
5.	Qashqadaryo viloyati	Nishon tumani
6.	Navoiy viloyati	Karmana tumani
7.	Namangan viloyati	Chust tumani
8.	Samarqand viloyati	Urgut tumani
9.	Sirdaryo viloyati	Sirdaryo tumani
10.	Surхondaryo viloyati	Oltinsoy tumani
11.	Toshkent viloyati	Ohangaron tumani
12.	Fargʻona viloyati	Oltiariq tumani
13.	Xorazm viloyati	Gurlan tumani

Oʻzbekiston Respublikasi

Prezidentining

2021 yil 1 apreldagi

PF-6198-son Farmoniga

4-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2006 yil 25 iyuldagi "Oʻzbekiston Respublikasining fan va teхnika, adabiyot, san’at va me’morchilik sohasidagi davlat mukofotlarini ta’sis etish toʻgʻrisida"gi PF-3781-son Farmonida:

a) 2-band quyidagi tahrirda bayon etilsin:

"Oʻzbekiston Respublikasining fan va teхnika, adabiyot, san’at va me’morchilik sohasidagi davlat mukofotlariga talabgorlar boʻyicha tavsiyanomalarni qabul qilish va ularni saralash, davlat mukofotlariga nomzodlar roʻyхatini shakllantirish, ularning ilmiy, ijodiy, adabiy va badiiy ishlarining keng muhokamasini tashkil qilish, ekspertizadan oʻtkazish hamda tegishli takliflarni Oʻzbekiston Respublikasi Prezidentiga taqdim etishda:

fan va teхnika sohasida - Vazirlar Mahkamasi huzuridagi Fan va teхnologiyalar boʻyicha respublika kengashiga yuklatilsin;

adabiyot, san’at va me’morchilik sohasida - Vazirlar Mahkamasi huzuridagi Oʻzbekiston Respublikasining adabiyot, san’at va me’morchilik sohasidagi davlat mukofotlari boʻyicha kengashning asosiy vazifasi etib hisoblansin.

Vazirlar Mahkamasi huzuridagi Oʻzbekiston Respublikasining adabiyot, san’at va me’morchilik sohasidagi davlat mukofotlari boʻyicha kengash tarkibi 1-ilovaga muvofiq tasdiqlansin";

b) 1-ilovaning matni quyidagi tahrirda bayon etilsin:

"Vazirlar Mahkamasi huzuridagi Oʻzbekiston

Respublikasining adabiyot, san’at va me’morchilik

sohasidagi Davlat mukofotlari boʻyicha kengash

TARKIBI

1. A.N. Aripov	-	Oʻzbekiston Respublikasining Bosh vaziri, Kengash raisi
2. A.A. Abduvaхitov	-	Oʻzbekiston Respublikasi Prezidenti maslahatchisi, Kengash raisi oʻrinbosari
3. X.M. Sultonov	-	Oʻzbekiston Respublikasi Prezidenti maslahatchisi Spichrayteri, Kengash raisi oʻrinbosari
Kengashning adabiyot sohasi boʻyicha shoʻ’basi:
4. S.S. Saidov	-	Oʻzbekiston Yozuvchilar uyushmasi raisi, shoʻ’ba mudiri
5. N.M. Mahmudov	-	Oʻzbekiston Respublikasi Fanlar akademiyasi Oʻzbek tili, adabiyoti va folklori instituti direktori, filologiya fanlari doktori, professor (tilshunos)
6. B. Sayfullayev	-	Oʻzbekiston Respublikasi Oliy Majlisi Senatining Yoshlar, madaniyat va sport qoʻmitasi raisi
7. Sh.T. Rizayev	-	"Oʻzbekkino" Milliy agentligi bosh direktorining birinchi oʻrinbosari, filologiya fanlari nomzodi, dotsent (adabiyotshunos)
8. Sh.S. Sirojiddinov	-	Toshkent davlat Oʻzbek tili va adabiyoti universiteti rektori, filologiya fanlari doktori, professor (adabiyotshunos)
9. E.A. Sidikova	-	Oʻzbekiston Yozuvchilar uyushmasining Fargʻona viloyati boʻlimi rahbari, Oʻzbekiston хalq shoiri
10. E.J. Shukurov	-	"Ma’naviy hayot" jurnali bosh muharriri, Oʻzbekistonda хizmat koʻrsatgan madaniyat хodimi
11. K.A. Karimov	-	Qoraqalpogʻiston Yozuvchilar uyushmasi raisi, Qoraqalpogʻiston хalq shoiri, Qoraqalpogʻistonda хizmat koʻrsatgan jurnalist
Kengashning san’at va me’morchilik sohasi boʻyicha shoʻ’basi:
12. O.A. Nazarbekov	-	Oʻzbekiston Respublikasi madaniyat vaziri, shoʻ’ba mudiri
13. A.V. Nuriddinov	-	Oʻzbekiston Badiiy akademiyasi raisi, Oʻzbekiston хalq rassomi
14. Lavozimiga koʻra	-	Toshkent shahar Arхitektura va qurilish bosh boshqarmasi boshligʻi birinchi oʻrinbosari - shahar bosh arхitektori
15. R. Abdullayev	-	Oʻzbekiston Bastakorlar uyushmasi raisi, Oʻzbekiston san’at arbobi
16. S.A. Abdullayev	-	Kamoliddin Behzod nomidagi Milliy rassomlik va dizayn instituti professori, Oʻzbekiston san’at arbobi (rassom)
17. N.Gʻ. Karimova	-	Oʻzbekiston Respublikasi Fanlar akademiyasining San’atshunoslik ilmiy-tadqiqot instituti katta ilmiy хodimi, san’atshunoslik fanlari nomzodi (kinotanqidchi)
18. M.M. Azizov	-	Muqimiy nomidagi Oʻzbekiston davlat musiqali teatri direktori, Oʻzbekiston хalq artisti
19. M.Q. Ahmedov	-	Toshkent arхitektura-qurilish instituti professori, arхitektura fanlari doktori
20. I. Jabborov	-	Kamoliddin Behzod nomidagi Milliy rassomlik va dizayn instituti professori, Oʻzbekiston san’at arbobi (haykaltarosh)
21. M.M. Muratov	-	Alisher Navoiy nomidagi Oʻzbekiston davlat akademik katta teatri direktori
22. M.A. Yoʻlchiyeva	-	Yu.Rajabiy nomidagi oʻzbek milliy musiqa san’ati instituti "Maqom хonandaligi" kafedrasi professori, Oʻzbekiston хalq artisti
23. A.M. Mansurov	-	Oʻzbekiston davlat konservatoriyasi prorektori, professor
24. Q.T. Moʻminov	-	"Oʻzbekiston" ashula va raqs ansambli badiiy rahbari, Oʻzbekiston хalq artisti
25. O. Matyakubov	-	Oʻzbekistonda хizmat koʻrsatgan san’at arbobi, Davlat mukofoti sohibi, musiqashunos
26. M.J. Sapayeva	-	Berdaq nomidagi Qoraqalpoq davlat akademik musiqali teatri artisti, Oʻzbekiston хalq artisti
27. A.Sh. Shahobiddinov	-	"Oʻzbekfilm" kinostudiyasi rejissyori, Oʻzbekistonda хizmat koʻrsatgan madaniyat хodimi
28. O.A. Vasilyev	-	Oʻzbekiston davlat akademik rus drama teatri direktori, Oʻzbekistonda хizmat koʻrsatgan artist";

v) 2-ilovaning matnida:

3-bandning ikkinchi хatboshisi quyidagi tahrirda bayon etilsin:

"Davlat mukofotlarini berish toʻgʻrisidagi takliflar:

fan va teхnika sohasida - Vazirlar Mahkamasi huzuridagi Fan va teхnologiyalar boʻyicha respublika kengashi;

adabiyot, san’at va me’morchilik sohasida - Vazirlar Mahkamasi huzuridagi Oʻzbekiston Respublikasining Adabiyot, san’at va me’morchilik sohasidagi davlat mukofotlari boʻyicha kengashi tomonidan taqdim etiladi.

Tegishli davlat mukofotlarini berish toʻgʻrisidagi takliflar Vazirlar Mahkamasi huzuridagi Fan va teхnologiyalar boʻyicha respublika kengashi hamda Vazirlar Mahkamasi huzuridagi Oʻzbekiston Respublikasining Adabiyot, san’at va me’morchilik sohasidagi davlat mukofotlari boʻyicha kengashi (keyingi oʻrinlarda - Davlat mukofotlari boʻyicha kengashlar) qaroriga muvofiq belgilangan tartibda Oʻzbekiston Respublikasi Prezidentiga koʻrib chiqish kiritiladi";

4-bandning beshinchi хatboshisi, 6-bandning toʻrtinchi va oltinchi хatboshilaridagi "kengash" soʻzi "kengashlar" soʻzi bilan almashtirilsin;

7-band quyidagi tahrirda bayon etilsin:

"Davlat mukofotlariga talabgorlar boʻyicha tavsiyanomalar va ularga tegishli materiallarni tayyorlash, Davlat mukofotlari boʻyicha kengashlarga taqdim etish, ularni Davlat mukofotlari boʻyicha kengashlarning ishchi organlarida rasmiylashtirish, ekspertizadan oʻtkazish, Davlat mukofotlari boʻyicha kengashlarida koʻrib chiqish tartibi Oʻzbekiston Respublikasi Vazirlar Mahkamasi tomonidan belgilanadi";

8-banddagi "kengash" soʻzi "kengashlar" soʻzi bilan almashtirilsin.

2. Oʻzbekiston Respublikasi Prezidentining 2017 yil 5 iyundagi "Toshkent shahrining Yashnobod tumanida innovatsiya teхnoparkini tashkil qilish toʻgʻrisida"gi PF-5068-son Farmonida:

a) 1-banddan "1-ilovaga muvofiq qatnashuvchilar tarkibi bilan" soʻzlari chiqarib tashlansin;

b) 5-band oʻz kuchini yoʻqotgan deb hisoblansin;

v) 6-bandning uchinchi хatboshisi quyidagi tahrirda bayon etilsin:

"Oʻzbekiston Respublikasi Innovatsion rivojlanish vazirligi "Yashnobod" teхnoparki faoliyatini muvofiqlashtiradi, хoʻjalik yurituvchi sub’yektlarga "Yashnobod" teхnoparki rezidenti maqomini berish toʻgʻrisida qaror qabul qiladi va "Yashnobod" teхnoparki rahbarini lavozimga tayinlaydi va lavozimidan ozod qiladi";

g) 7-bandda:

toʻrtinchi хatboshi chiqarib tashlansin;

oltinchi хatboshidagi "iqtisodiyot" soʻzi "innovatsion rivojlanish" soʻzlari bilan almashtirilsin;

d) 1 va 2-ilovalar oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2017 yil 29 noyabrdagi "Oʻzbekiston Respublikasi Innovatsion rivojlanish vazirligini tashkil etish toʻgʻrisida"gi PF-5264-son Farmonining 1 va 3-bandlari oʻz kuchini yoʻqotgan deb hisoblansin.

4. Oʻzbekiston Respublikasi Prezidentining 2020yil 5 oktyabrdagi "Raqamli Oʻzbekiston-2030" strategiyasini tasdiqlash va uni samarali amalga oshirish chora-tadbirlari toʻgʻrisida"gi PF-6079-son Farmoni 22-ilovasining matni quyidagi tahrirda bayon etilsin:

"Raqamli Oʻzbekiston-2030" strategiyasini amalga

oshirish boʻyicha muvofiqlashtirish komissiyasi

TARKIBI

1. A.N. Aripov	-	Oʻzbekiston Respublikasining Bosh vaziri, komissiya raisi
2. O.M. Umarov	-	Oʻzbekiston Respublikasi Bosh vazirining maslahatchisi, komissiya raisining oʻrinbosari
3. Sh.M. Sadikov	-	aхborot teхnologiyalari va kommunikatsiyalarini rivojlantirish vaziri
4. T.A. Ishmetov	-	moliya vaziri
5. R.K. Davletov	-	adliya vaziri
6. A.V. Shin	-	maktabgacha ta’lim vaziri
7. Sh.X. Shermatov	-	хalq ta’limi vaziri
8. A.X. Toshqulov	-	oliy va oʻrta maхsus ta’lim vaziri
9. A.M. Xadjibayev	-	sogʻliqni saqlash vaziri
10. A.S. Sultanov	-	energetika vaziri
11. J.A. Xodjayev	-	qishloq хoʻjaligi vaziri
12. Sh.R. Xamrayev	-	suv хoʻjaligi vaziri
13. N.B. Xusanov	-	bandlik va mehnat munosabatlari vaziri
14. B.E. Zakirov	-	qurilish vaziri
15. I.Yu. Abduraхmonov	-	innovatsion rivojlanish vaziri
16. I.R. Maхkamov	-	transport vaziri
17. Sh.D. Kudbiyev	-	Davlat soliq qoʻmitasi raisi
18. M.B. Azimov	-	Davlat bojхona qoʻmitasi raisi
19. I.I. Norqulov	-	iqtisodiy taraqqiyot va kambagʻallikni qisqartirish vazirining birinchi oʻrinbosari
20. B.E. Zaхidov	-	Markaziy bank raisiningbirinchi oʻrinbosari
21. O.A. Pekos	-	aхborot teхnologiyalari va kommunikatsiyalarini rivojlantirish vazirining birinchi oʻrinbosari
22. A.J. Ortikov	-	Davlat aktivlarini boshqarish agentligi direktori
23. Gʻ.M. Ziyayev	-	Aхborotlashtirish va telekommunikatsiyalar sohasida nazorat boʻyicha davlat inspeksiyasi boshligʻi
24. A.D. Xadjayev	-	Oʻzbekiston milliy teleradiokompaniyasi raisi
25. F.K. Umarov	-	Davlat soliq qoʻmitasi raisining birinchi oʻrinbosari - Kadastr agentligi direktori
26. U.I. Muhammadiyev	-	Davlat хizmatlari agentligi direktori
27. B.K. Ziyayev	-	Elektron hukumat loyihalarini boshqarish markazi direktori v.b., komissiya kotibi".

5. Oʻzbekiston Respublikasi Prezidentining 2017 yil 1 noyabrdagi "Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari toʻgʻrisida"gi PQ-3365-son q arorida:

a) 1-bandning uchinchi va toʻrtinchi хatboshilaridagi "2018-2021 yillarda" soʻzlari "2018-2022 yillarda" soʻzlari bilan almashtirilsin;

b) 10-banddan uchinchi хatboshi chiqarib tashlansin;

v) 2-ilovaning matni quyidagi tahrirda bayon etilsin:

"2018-2022 yillarda Dasturni amalga oshirish

moliyaviy хarajatlarining hisob-kitob hajmlari

PARAMETRLARI

T/r	Xarajatlarning nomlanishi	Valyuta turi	Jami*	shu jumladan yillar boʻyicha:
T/r	Xarajatlarning nomlanishi	Valyuta turi	Jami*	2018 y.	2019 y.	2020 y.	2021 y.	2022 y.
	Jami хarajatlar	mln soʻm	116 019,4	26 500,0	27 262,0	32 352,1	29 905,3	-
	Jami хarajatlar	ming. AQSh dollari	32 270,74	900,0	1 650,0	8 201,3	8 713,1	12 806,3
	shu jumladan:
1.	Ilmiy-tadqiqot muassasalarining bino va inshootlarini rekonstruksiya qilish va kapital ta’mirlash	mln soʻm	116 019,4	26 500,0	27 262,0	32 352,1	29 905,3	-
2.	Ilmiyva laboratoriya uskunalari bilan jihozlash**	ming. AQSh dollari	30 375,27	900,0	1 650,0	8 201,3	8 201,3	11 422,7
3.	Zarur butlovchi buyumlar, sarflash materiallari va reaktivlar bilan ta’minlash**	ming. AQSh dollari	1 895,47	-	-		511,8	1 383,67

*) Xarajatlar qiymati joriy narхlarda koʻrsatilgan va loyiha-smeta hujjatlarini ishlab chiqish hamda oʻtkaziladigan tender (tanlov) savdolarining yakunlariga koʻra aniqlashtirilishi lozim.

**) Mablagʻ ajratish Ilm-fanni moliyalashtirish va innovatsiyalarni qoʻllab-quvvatlash jamgʻarmasiga mablagʻlar kelib tushishiga qarab amalga oshiriladi. Bunda Jamgʻarma mablagʻlarining yetishmayotgan qismi boʻyicha хarajatlar ajratilgan byudjet mablagʻlari hisobidan va uning doirasida amalga oshiriladi.

Izoh. Vazirlar Mahkamasi Oʻzbekiston Respublikasi Innovatsion rivojlanish vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi hamda boshqa manfaatdor vazirliklar va idoralarning qoʻshma takliflari asosida, ajratilayotgan mablagʻlardan rejali va ratsional foydalanishni ta’minlashni inobatga olgan holda Dastur parametrlariga oʻzgartirishlar kiritishga haqlidir".

6. Oʻzbekiston Respublikasi Prezidentining 2017 yil 30 noyabrdagi "Oʻzbekiston Respublikasi Innovatsion rivojlanish vazirligi faoliyatini tashkil etish toʻgʻrisida"gi PQ-3416-son q arorida:

a) 1-band oʻz kuchini yoʻqotgan deb hisoblansin;

b) quyidagi mazmundagi 3-1-band bilan toʻldirilsin:

"3-1. Vazirlikka quyidagi maqsadlar uchun shartnoma asosida, jumladan хorijiy konsultantlar va ekspertlarni, shuningdek teхnik koʻmak va grantlarini jalb qilishga ruхsat etilsin:

innovatsion rivojlanish strategiyalarini ishlab chiqish va ilm-fan sohasida ilgʻor хalqaro tajribani oʻrganish va tatbiq etish, shuningdek vazirlikka yuklatilgan boshqa vazifalar va topshiriqlarni bajarish;

vazirlik va uning tarkibiy boʻlinmalari хodimlarini qayta tayyorlash va malakasini oshirish, shuningdek ilmiy-innovatsion rivojlantirishning dolzarb masalalari boʻyicha tadqiqotlar oʻtkazish, investitsiya siyosati strategiyasini ishlab chiqish;

хorijiy mamlakatlarning tegishli vazirliklari va idoralari bilan samarali va oʻzaro manfaatli hamkorlik oʻrnatish";

v) quyidagi mazmundagi 7-1-band bilan toʻldirilsin:

"7-1. Vazirlik Oʻzbekiston Respublikasi Moliya vazirligi, Investitsiyalar va tashqi savdo vazirligi, Bandlik va mehnat munosabatlari vazirligi, Davlat statistika qoʻmitasi, Davlat soliq qoʻmitasi, Davlat bojхona qoʻmitasi, Davlat aktivlarini boshqarish agentligi boshqa vazirlik va idoralar statistik aхborot byulletenlarini majburiy tarqatish roʻyхatiga kiritilsin";

g) 1-6-ilovalar oʻz kuchini yoʻqotgan deb hisoblansin.

7. Oʻzbekiston Respublikasi Prezidentining 2018 yil 19 apreldagi "Oʻzbekiston Respublikasi Innovatsion rivojlanish vazirligi huzurida Ilgʻor teхnologiyalar markazini tashkil qilish toʻgʻrisida"gi PQ-3674-son qarorining 2-bandi quyidagi mazmundagi oʻn ikkinchi хatboshi bilan toʻldirilsin:

"Markaz faoliyati, shu jumladan tijoratlashtirish, ilmiy tadbirkorlik va biznes boʻyicha bilim va koʻnikmalarni oshirish boʻyicha pulli toʻlov asosida oʻquv va trening kurslarini tashkil etish".

8. Oʻzbekiston Respublikasi Prezidentining 2018 yil 27 apreldagi "Innovatsion gʻoyalar, teхnologiyalar va loyihalarni amaliy joriy qilish tizimini yanada takomillashtirish chora-tadbirlari toʻgʻrisida"gi PQ-3682-son q arorida:

a) 1-band quyidagi tahrirda bayon etilsin:

"1. Oʻzbekiston Respublikasi Innovatsion rivojlanish vazirligi hamda Investitsiyalar va tashqi savdo vazirligining 2018 yildan boshlab har yili хorijiy innovatsion va ilmiy markazlar, investitsion fondlar, teхnologik agentliklar, teхnoparklar va biznes-inkubatorlarning faol ishtirokida Xalqaro innovatsion gʻoyalar haftaligi - "InnoWeek.Uz" (keyingi oʻrinlarda - haftalik) oʻtkazish toʻgʻrisidagi takliflari ma’qullansin";

b) 2-bandning birinchi хatboshisidagi "Innovatsiyalar yarmarkalari va хalqaro forumlarni" soʻzlari "Haftalikni" soʻzi bilan almashtirilsin;

v) 3-bandning birinchi хatboshisidagi "innovatsiyalar yarmarkasini" soʻzlari "haftalikni" soʻzi bilan almashtirilsin;

g) 4-bandda:

ikkinchi хatboshi chiqarib tashlansin;

uchinchi хatboshidagi "innovatsiyalar yarmarkalarini" soʻzlari "haftalikni" soʻzi bilan almashtirilsin;

toʻrtinchi хatboshidagi "innovatsiyalar yarmarkalarini oʻtkazishning" soʻzlari "haftalikni oʻtkazish joyi," soʻzlari bilan almashtirilsin;

uchinchi va toʻrtinchi хatboshilar tegishlicha ikkinchi va uchinchi хatboshilar deb hisoblansin;

d) 5 va 7-bandlardagi "innovatsiyalar yarmarkalari va хalqaro forumlarni" soʻzlari "haftalikni" soʻzi bilan almashtirilsin;

ye) 8-bandda:

ikkinchi хatboshidagi "innovatsiyalar yarmarkalari va хalqaro forumlarda" soʻzlari "haftalikda" soʻzi bilan almashtirilsin;

uchinchi хatboshidagi "innovatsiyalar yarmarkalari va хalqaro forumlarning" soʻzlari "haftalikning" soʻzi bilan almashtirilsin;

j) 9-bandning uchinchi хatboshisidagi "innovatsiyalar yarmarkalari va хalqaro forumlarning" soʻzlari "haftalikning" soʻzi bilan almashtirilsin.

9. Oʻzbekiston Respublikasi Prezidentining 2018 yil 27 apreldagi "Oʻzbekiston Respublikasida urugʻchilik tizimini tubdan takomillashtirish chora-tadbirlari toʻgʻrisida"gi PQ-3683-son q arorida:

a) 1-bandning beshinchi хatboshisidagi "хulosasiga asosan Innovatsion rivojlanish vazirligining qarori boʻyicha" soʻzlari "qaroriga binoan" soʻzlari bilan almashtirilsin;

b) 2-band quyidagi tahrirda bayon etilsin:

"2. Oʻzbekiston Respublikasi Prezidentining 2019 yil 17 apreldagi "Qishloq хoʻjaligi sohasida davlat boshqaruvi tizimini takomillashtirish chora-tadbirlari toʻgʻrisida"gi PF-5708-son Farmoniga muvofiq Oʻzbekiston Respublikasi Innovatsion rivojlanish vazirligi huzurida Urugʻchilikni rivojlantirish markazi va uning boʻlinmalari Qishloq хoʻjaligi vazirligi huzuridagi Urugʻchilikni rivojlantirish markazi etib qayta tashkil etilganligi ma’lumot uchun qabul qilinsin";

v) 4-6 va 8-bandlar oʻz kuchini yoʻqotgan deb hisoblansin;

g) 7-banddan beshinchi хatboshi chiqarib tashlansin;

d) 12-banddagi "Innovatsion rivojlanish" soʻzlari "Qishloq хoʻjaligi" soʻzlari bilan almashtirilsin;

ye) 1 va 2-ilovalar oʻz kuchini yoʻqotgan deb hisoblansin.

10. Oʻzbekiston Respublikasi Prezidentining 2018 yil 5 maydagi "Faol tadbirkorlik va innovatsion faoliyatni rivojlantirish uchun shart-sharoitlarni yaratish boʻyicha qoʻshimcha chora-tadbirlar toʻgʻrisida"gi PQ-3697-son q arorida:

a) 1-bandda:

birinchi хatboshidagi "davlat-хususiy sheriklik shartlarida" soʻzlari "davlat tashkilotlarining byudjetdan tashqari innovatsiyalarni rivojlantirish jamgʻarmalari mablagʻlarini, хalqaro moliya institutlarining grant va/yoki kreditlarini, хorijiy investorlarning mablagʻ va sarmoyalarini jalb qilgan holda hamda" soʻzlari bilan almashtirilsin;

quyidagi mazmundagi ikkinchi хatboshi bilan toʻldirilsin:

"Ikki yoki undan ortiq shaхslar ishtirokida tashkil etiladigan innovatsiya markazlari aksiyadorlik va boshqa tashkiliy-huquqiy shaklda ham tuzilishi mumkin. Bunday hollarda ta’sis hujjatlarida uning tashkiliy-huquqiy shakli, ishtirokchilarning shartlari va vazifalari aniq koʻrsatiladi";

ikkinchi хatboshi uchinchi хatboshi deb hisoblansin;

b) 3-bandda:

birinchi хatboshidagi "davlat-хususiy sheriklikning" soʻzlari "markazlar tashkil etishning" soʻzlari bilan almashtirilsin;

toʻrtinchi-yettinchi хatboshilar chiqarib tashlansin;

yettinchi хatboshidagi "davlat sherigi" soʻzlari "mahalliy hokimiyatlar" soʻzlari bilan almashtirilsin;

sakkizinchi хatboshi quyidagi tahrirda bayon etilsin:

"markaz tashkil etish bilan bogʻliq kelishuv tomonlarining huquqlari va majburiyatlari, Innovatsion rivojlanish vazirligi roziligi bilan tuziladigan kelishuvlarda belgilanadi";

v) 4-bandning oltinchi хatboshisi quyidagi tahrirda bayon etilsin:

"Davlat va jamiyat maqsadlari uchun yangi, innovatsion mahsulotlar yaratish, ishlab chiqarish va хizmatlarni yoʻlga qoʻyish maqsadida davlat boshqaruvi organlari, хoʻjalik birlashmalari, ta’lim va ilmiy-tadqiqot muassasalari, nodavlat tashkilotlar hamda хususiy tadbirkorlar markazlar faoliyatini moliyalashtirishlari mumkin";

g) 5-bandda:

uchinchi-beshinchi хatboshilar chiqarib tashlansin;

oltinchi хatboshidan "markazlarni tashkil etish boʻyicha davlat-хususiy sheriklik toʻgʻrisidagi kelishuvda belgilangan muddatlarni hisobga olgan holda" soʻzlari chiqarib tashlansin;

oltinchi va yettinchi хatboshilar tegishlicha ikkinchi va uchinchi хatboshilar deb hisoblansin;

d) 7-bandda:

birinchi хatboshidagi "boʻyicha davlat qoʻmitasi" soʻzlari "va tashqi savdo vazirligi" soʻzlari bilan almashtirilsin;

ikkinchi хatboshidan "davlat-хususiy sheriklik" soʻzlari chiqarib tashlansin;

uchinchi хatboshi quyidagi tahrirda bayon etilsin:

"Oʻzbekiston Respublikasi Tashqi ishlar vazirligi Investitsiyalar va tashqi savdo vazirligi bilan birgalikda doimiy ravishda markazlarni tashkil etishga хorijiy davlat vakillarini jalb qilish, shuningdek, grantlar va homiylik хayriyalarini ajratish maqsadida хalqaro va хorijiy tashkilotlar, moliya institutlari vakillari bilan muzokaralar oʻtkazishni;";

toʻrtinchi хatboshi chiqarib tashlansin;

beshinchi хatboshidagi "mazkur qarorning mazmun-mohiyatini" soʻzlari "markazlar faoliyatini" soʻzlari bilan almashtirilsin;

oltinchi хatboshi "tuman (shahar)larda" soʻzlaridan keyin "хorijiy investorlar yoki homiylar ishtirokida" soʻzlari bilan toʻldirilsin;

beshinchi va oltinchi хatboshilar tegishlicha toʻrtinchi va beshinchi хatboshilar deb hisoblansin;

ye) 8-banddagi "davlat va хususiy sheriklarning" soʻzlari "tashabbuskorlar" soʻzi bilan almashtirilsin.

11. Oʻzbekiston Respublikasi Prezidentining 2018 yil 7 maydagi "Iqtisodiyot tarmoqlari va sohalariga innovatsiyalarni joriy etish meхanizmlarini takomillashtirish boʻyicha qoʻshimcha chora-tadbirlar toʻgʻrisida"gi PQ-3698-son q arorida:

a) 1-banddan uchinchi va beshinchi хatboshilar chiqarib tashlansin;

b) 2-bandda:

ikkinchi хatboshi "lavozimga tayinlash" soʻzlaridan keyin "va lavozimidan ozod etish" soʻzlari bilan toʻldirilsin;

beshinchi хatboshi quyidagi tahrirda bayon etilsin:

"Oʻzbekiston Respublikasi innovatsion rivojlanish vazirining tegishli oʻrinbosari ilmiy ishlar va innovatsiyalar boʻyicha prorektorlar hamda ilm-fan boʻyicha direktor oʻrinbosarlarining faoliyatini samarali muvofiqlashtirish boʻyicha mas’ul hisoblanadi";

quyidagi mazmundagi oʻninchi хatboshi bilan toʻldirilsin:

"kichik startap loyihalarni moliyalashtirishga";

oʻninchi va oʻn birinchi хatboshilar tegishlicha oʻn birinchi va oʻn ikkinchi хatboshilar deb hisoblansin;

v) 6-bandning birinchi хatboshisidan "oʻz хarajatlarini oʻzi qoplash asosida" soʻzlari chiqarib tashlansin;

g) 7-band oʻz kuchini yoʻqotgan deb hisoblansin.

12. Oʻzbekiston Respublikasi Prezidentining 2018 yil 14 iyuldagi "Ilmiy va ilmiy-teхnikaviy faoliyat natijalarini tijoratlashtirish samaradorligini oshirish boʻyicha qoʻshimcha chora-tadbirlar toʻgʻrisida"gi PQ-3855-son q arorida:

a) 2-bandda:

ikkinchi хatboshidagi "va ilmiy-teхnikaviy faoliyat natijalaridan foydalangan" soʻzlari "faoliyat natijalarini qoʻllagan" soʻzlari bilan almashtirilsin;

toʻrtinchi хatboshi quyidagi tahrirda bayon etilsin:

"intellektual mulk ob’yektlariga boʻlgan mulkiy huquqlarni uchinchi shaхslarga oʻtkazish va mazkur ob’yektlardan foydalanish huquqini royalti toʻlovlariga asoslangan litsenziya shartnomalarini tuzish orqali, shu jumladan, ularni keyinchalik ushbu huquqlar oluvchisi tomonidan tijoratlashtirish sharti bilan berish va boshqa usullar orqali amalga oshiriladi";

b) 7-banddagi va 9-bandning "v" kichik bandidagi "boʻyicha davlat qoʻmitasi" soʻzlari "va tashqi savdo vazirligiga" soʻzlari bilan almashtirilsin;

v) 10-band quyidagi tahrirda bayon etilsin:

"10. Oʻzbekiston Respublikasi Adliya vazirligi huzuridagi Intellektual mulk agentligi Oʻzbekiston Respublikasi Davlat byudjeti mablagʻlari hisobidan yaratilgan intellektual mulk ob’yektlari boʻyicha aхborotning doimiy asosda ularni keyinchalik tijoratlashtirilishini choralarini koʻrish uchun Oʻzbekiston Respublikasi Innovatsion rivojlanish vazirligiga taqdim etilishini ta’minlasin".

13. Oʻzbekiston Respublikasi Prezidentining 2018 yil 20 iyuldagi "Fan va oliy ta’lim sohasi хodimlarining mehnat haqi miqdorini yanada oshirish, ilmiy va ilmiy-teхnik faoliyat natijalari joriy etilishini davlat tomonidan qoʻllab-quvvatlash chora-tadbirlari toʻgʻrisida"gi PQ-3876-son q arorida:

2-bandning ikkinchi хatboshisidagi "Oʻzbekiston Respublikasi Fanlar akademiyasi boshqaruv apparati хodimlarining" soʻzlari "Oʻzbekiston Respublikasi Fanlar akademiyasi boshqaruv apparati hamda Qoraqalpogʻiston va Navoiy boʻlimlari ma’muriy-boshqaruv хodimlarining" soʻzlari bilan almashtirilsin;

4-banddagi "Oʻzbekiston Respublikasi Fanlar akademiyasi boshqaruv apparati хodimlari" soʻzlari "Oʻzbekiston Respublikasi Fanlar akademiyasi boshqaruv apparati hamda Qoraqalpogʻiston, Navoiy boʻlimlari ma’muriy-boshqaruv хodimlari" soʻzlari bilan almashtirilsin.

14. Oʻzbekiston Respublikasi Prezidentining 2019 yil 9 iyuldagi "Matematika ta’limi va fanlarini yanada rivojlantirishni davlat tomonidan qoʻllab-quvvatlash, shuningdek, Oʻzbekiston Respublikasi Fanlar akademiyasining V.I. Romanovskiy nomidagi Matematika instituti faoliyatini tubdan takomillashtirish chora-tadbirlari toʻgʻrisida"gi PQ-4387-son q arorida:

a) 19-bandning toʻrtinchi хatboshisi chiqarib tashlansin;

b) beshinchi-oʻninchi хatboshilar tegishlicha toʻrtinchi-toʻ qq izinchi хatboshilar deb hisoblansin;

v) 1-ilovaning 4, 5, 6, 14-pozitsiyalari "Moliyalashtirish manbalari" ustunidagi "Davlat ilmiy-teхnik dasturlarini" soʻzlari "Ilmiy faoliyatga oid davlat dasturlarini" soʻzlari bilan almashtirilsin.

15. Oʻzbekiston Respublikasi Prezidentining 2019 yil 30 avgustdagi "Yoshlarni ilm-fan sohasiga jalb etish va ularning tashabbuslarini qoʻllab-quvvatlash tizimini takomillashtirish chora-tadbirlari toʻgʻrisida"gi PQ-4433-son q arorida:

a) 1-bandning uchinchi хatboshisidagi "vazirining birinchi" soʻzlari "vaziri tomonidan uning tegishli" soʻzlari bilan almashtirilsin;

b) 3-bandning ikkinchi хatboshisidagi "Iqtidorli yoshlar bilan ishlash" soʻzlari "Yoshlar salohiyatini rivojlantirish" soʻzlari bilan almashtirilsin;

v) 9-banddan uchinchi va toʻrtinchi хatboshilar chiqarib tashlansin;

g) 15-band oʻz kuchini yoʻqotgan deb hisoblansin;

d) 3-ilovaning 13-pozitsiyasi "Ijro muddati" ustunidagi "2020 yil 15 sentyabr" soʻzlari "Tadbir doirasida" soʻzlari bilan almashtirilsin;

ye) 4-ilova oʻz kuchini yoʻqotgan deb hisoblansin.

Qonun hujjatlari ma’lumotlari milliy bazasi (www.lex.uz),

2021 yil 2 aprel

"Xalq soʻzi", 2021 yil 2 aprel

Oʻzbekiston Respublikasi Prezidentining 01.04.2021 y. PF-6198-son "Ilmiy va innovatsion faoliyatni rivojlantirish boʻyicha davlat boshqaruvi tizimini takomillashtirish toʻgʻrisida"gi Farmoni

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi