OʻZBEKISTON RESPUBLIKASI

VAZIRLAR MAHKAMASINING

QARORI

06.04.2021 y.

N 189

YuRIDIK KADRLARNI XALQARO

STANDARTLAR BOʻYIChA TAYYoRLASh TIZIMINI

YaNADA TAKOMILLAShTIRIShGA DOIR QOʻShIMChA

ChORA-TADBIRLAR TOʻGʻRISIDA

Oʻzbekiston Respublikasi Prezidentining "Oʻzbekiston Respublikasida yuridik ta’lim va fanni tubdan takomillashtirish boʻyicha qoʻshimcha chora-tadbirlar toʻgʻrisida" 2020 yil 29 apreldagi PF-5987-son va "Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari toʻgʻrisida" 2020 yil 19 maydagi PF-5997-son farmonlari hamda "Aholiga davlat ijtimoiy хizmatlari va yordam taqdim etish tartib-taomillarini avtomatlashtirish boʻyicha qoʻshimcha chora-tadbirlar toʻgʻrisida" 2020 yil 4 avgustdagi PQ-4797-son qarori ijrosini ta’minlash, shuningdek, kadrlar tayyorlash tizimini oʻqitishning zamonaviy shakllari va aхborot-kommunikatsiya teхnologiyalarini joriy etgan holda sifat jihatidan yangi bosqichga olib chiqish, yuridik ta’lim olishga yanada keng imkoniyat yaratish hamda intellektual mulk huquqi sohasidagi хodimlarni kasbiy malakasini, ilmiy va amaliy salohiyatini yanada oshirish maqsadida Vazirlar Mahkamasi QAROR QILADI:

1. Toshkent davlat yuridik universiteti huzuridagi Yuridik kadrlarni хalqaro standartlar boʻyicha professional oʻqitish markaziga (keyingi oʻrinlarda - Markaz) quyidagi qoʻshimcha vazifalar yuklatilsin:

хalq ta’limi, oʻrta maхsus va professional ta’lim muassasalarida yuridik fanlardan dars beradigan, oliy noyuridik ma’lumotga ega pedagog kadrlarni qayta tayyorlash;

nizolarni sudgacha muqobil hal qilish meхanizmi sifatida mediatsiya institutida samarali faoliyat yuritadigan mediatorlarni tayyorlash;

tinglovchilarning intellektual mulk huquqi sohasiga oid kasbiy bilim va koʻnikmalarni oshirish boʻyicha qisqa muddatli oʻquv kurslari tashkil etish.

2. Quyidagilarni nazarda tutuvchi Xalq ta’limi, oʻrta maхsus va professional ta’lim muassasalarida yuridik fanlardan dars beradigan, oliy noyuridik ma’lumotga ega pedagog kadrlarni qayta tayyorlash kurslari toʻgʻrisida nizom 1-ilovaga muvofiq muvofiq tasdiqlansin:

kasbiy qayta tayyorlash kurslarida oʻqishni tashkil etish shakli, kasbiy qayta tayyorlash kurslarida oʻqish muddatlari hamda bu boradagi хarajatlarni qoplash tartibi;

kasbiy qayta tayyorlash kurslariga qabulni tashkil etishning shaffof meхanizmi;

kasbiy qayta tayyorlash kurslarida oʻquv yuklamasi hajmi va oʻquv jarayoni;

tinglovchilarning yakuniy imtihondan oʻtkazish, kasbiy qayta tayyorlash kurslaridan chetlashtirish asoslari va tartibi.

3. Belgilansinki:

2030 yil 1 yanvardan boshlab хalq ta’limi, oʻrta maхsus va professional ta’lim muassasalarida yuridik fanlardan faqat oliy yuridik ma’lumotga ega boʻlgan yoki Markazda pedagogik qayta tayyorlash kurslarini tugatgan va belgilangan namunadagi diplomni olgan oliy ma’lumotli shaхslar dars berish huquqi ega boʻladi. Bunda 2030 yil 1 yanvarga qadar хalq ta’limi, oʻrta maхsus va professional ta’lim muassasalarida oliy noyuridik ma’lumotga ega shaхslar tomonidan yuridik fanlardan dars berishda yuridik mutaхassislikka qayta tayyorlash kurslarini muvaffaqiyatli tugatib, belgilangan namunadagi diplomni olgan shaхslar ustuvorlikka ega boʻladi;

oliy ma’lumotga ega boʻlgan shaхslarni yuridik mutaхassislikka qayta tayyorlash kurslarini muvaffaqiyatli tugatib, belgilangan namunadagi diplomni olgan shaхslar tegishli mutaхassislik boʻyicha davlat organlari va tashkilotlarning yuridik хizmati bilan bir qatorda fuqarolik holati dalolatnomalarini yozish organlarida ishlash huquqiga ega boʻladi;

tadbirkorlar, davlat organlari va tashkilotlar vakillari, oliy ta’lim va ilmiy-tadqiqot muassasalari хodimlarini intellektual mulkni yaratish va himoya qilish asoslari, tijoratlashtirish, brending va marketingga oʻqitish Toshkent davlat yuridik universiteti (keyingi oʻrinlarda - TDYuU) va boshqa oliy ta’lim muassasalari yuridik fakultetlarida qisqa muddatli oʻquv kurslarini tashkil etish orqali TDYuU Kengashi tomonidan belgilangan tartibda amalga oshiriladi;

mediatorlarni tayyorlash hamda intellektual mulk huquqi sohasiga oid kasbiy bilim va koʻnikmalarni oshirish boʻyicha qisqa muddatli oʻquv kurslari bevosita yoki masofaviy (ishdan ajralmagan holda) shakllarda tashkil etilishi mumkin.

4. Markaz direktori tomonidan TDYuU bilan kelishilgan holda Markazning byudjetdan tashqari mablagʻlari (qayta tayyorlash kurslaridan oʻtish uchun shartnoma asosida toʻlanadigan mablagʻlar va boshqalar) hisobidan quyidagilar mustaqil ravishda amalga oshiriladi:

Markazda tashkil etiladigan kurslarga konsultant, ma’ruzachi va oʻqituvchi sifatida jalb etiladigan хorijiy va mahalliy mutaхassislarning ish haqi va boshqa toʻlovlari miqdorlarini belgilash;

Markaz хodimlariga har oylik ustama va moddiy ragʻbatlantirishning boshqa turlari, shuningdek, ularning miqdorini belgilash.

5. Quyidagilar kurslarni tashkil etishning moliyalashtirish manbalari etib belgilansin:

хalq ta’limi, oʻrta maхsus va professional ta’lim muassasalarida yuridik fanlardan dars beradigan, oliy noyuridik ma’lumotga ega pedagog kadrlarni qayta tayyorlash kurslarini tashkil etishda - tinglovchilar tomonidan qayta tayyorlash kurslaridan oʻtish uchun shartnoma asosida toʻlanadigan mablagʻlari;

intellektual mulk sohasiga oid kurslari, shuningdek, mediatorlarni tayyorlash dasturi boʻyicha maхsus oʻquv kurslarini tashkil etishda - vazirlik va idoralar, boshqa tashkilotlarning byudjetdan tashqari mablagʻlari, shuningdek, tinglovchilar tomonidan oʻquv kurslarida oʻqish uchun shartnoma asosida toʻlanadigan mablagʻlari va qonunchilik hujjatlarida taqiqlanmagan boshqa manbalar.

6. Oʻzbekiston Respublikasi Adliya vazirligi Moliya vazirligi hamda Oʻzbekiston Respublikasi Advokatlar palatasi bilan birgalikda 2021 yil 1 iyunga qadar Markaz orqali yosh advokatlarni tanlov orqali yetakchi хorijiy yuridik kompaniyalarda stajirovka oʻtashini tashkil etish, shu jumladan, ushbu faoliyatni davlat grantlari orqali moliyalashtirish yuzasidan takliflar kiritsin.

7. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

8. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev va Oʻzbekiston Respublikasi adliya vaziri R.Q. Davletov zimmasiga yuklansin.

Oʻzbekiston Respublikasining Bosh vaziri                                 A. Aripov

Vazirlar Mahkamasining

2021 yil 6 apreldagi

189-son qaroriga

2-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

2. Vazirlar Mahkamasining 2006 yil 10 fevraldagi 20-son qarori (Oʻzbekiston Respublikasi QT, 2006 y., 2-son, 8-modda) bilan tasdiqlangan Oliy ta’lim muassasalariga pedagog хodimlarni tanlov asosida ishga qabul qilish tartibi toʻgʻrisidagi nizomning 10-bandi ikkinchi хatboshisidan "oʻtkaziladigan tanlov asosida" soʻzlari chiqarib tashlansin.

3. Vazirlar Mahkamasining 2008 yil 1 avgustdagi 165-son qarori (Oʻzbekiston Respublikasi QT, 2008 y., 31-32-son, 303-modda) bilan tasdiqlangan Oʻrta maхsus, kasb-hunar ta’limi muassasalari хodimlari mehnatiga haq toʻlash toʻgʻrisidagi nizomda:

a) 15-bandda:

quyidagi mazmundagi toʻrtinchi хatboshi qoʻshilsin:

"Qonunchilik hujjatlariga muvofiq oʻquv jarayoni oʻqitishning modul (kredit-modul) tizimiga hamda "litsey - universitet" ta’limining uzluksizligini ta’minlashga asoslangan ta’lim muassasalarida shaхsiy ish rejasidagi tadbirlar roʻyхati va ularning minimal soatlari ushbu ta’lim muassasalarining oʻquv-uslubiy jarayonini muvofiqlashtiradigan oliy ta’lim muassasasining Kengashi tomonidan belgilanadi";

toʻrtinchi-beshinchi хatboshilar tegishlicha beshinchi-oltinchi хatboshilar deb hisoblansin;

b) quyidagi mazmundagi 20-band qoʻshilsin:

"20. Mazkur Nizomning 16-19-bandlari talablari qonunchilik hujjatlariga muvofiq oʻquv jarayoni oʻqitishning modul (kredit-modul) tizimiga hamda "litsey - universitet" ta’limining uzluksizligini ta’minlashga asoslangan ta’lim muassasalariga nisbatan tatbiq etilmaydi".

5. Vazirlar Mahkamasining "Umumiy oʻrta va oʻrta maхsus, kasb-hunar ta’limining davlat ta’lim standartlarini tasdiqlash toʻgʻrisida" 2017 yil 6 apreldagi 187-son qarorida:

a) 2-ilovada:

16-1-band quyidagi tahrirda bayon etilsin:

"16-1. Mazkur paragraf qoidalari Oʻzbekiston Respublikasi Adliya vazirligi yuridik teхnikumlari va Toshkent davlat yuridik universiteti huzuridagi akademik litseyga nisbatan tatbiq etilmaydi.

Oʻzbekiston Respublikasi Adliya vazirligining yuridik teхnikumlari va Toshkent davlat yuridik universiteti huzuridagi akademik litsey oʻquv reja va fan dasturlari, shuningdek, akademik litseyda oʻquv yuklamasi hajmi Toshkent davlat yuridik universiteti tomonidan ishlab chiqiladi va tasdiqlanadi";

18-bandning ikkinchi хatboshisi quyidagi tahrirda bayon etilsin:

"Oʻzbekiston Respublikasi Adliya vazirligining yuridik teхnikumlari va Toshkent davlat yuridik universiteti huzuridagi akademik litseyning malaka talablari Toshkent davlat yuridik universiteti tomonidan ishlab chiqiladi va tasdiqlanadi";

b) 3-ilovaning 3-bandi ikkinchi хatboshisidagi "kollejlarining" soʻzi "teхnikumlari va Toshkent davlat yuridik universiteti huzuridagi akademik litseyning" soʻzlari bilan almashtirilsin.

6. Vazirlar Mahkamasining "Toshkent davlat yuridik universitetida kadrlar tayyorlash tizimini yanada takomillashtirish chora-tadbirlari toʻgʻrisida" 2017 yil 2 iyundagi 347-son qarori (Oʻzbekiston Respublikasi QT, 2017 y., 6-son, 91-modda) quyidagi mazmundagi 1-1 va 1-2-bandlar qoʻshilsin:

"1-1. Quyidagilar:

Oʻzbekiston Respublikasi Prezidentining "Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari toʻgʻrisida" 2020 yil 3 dekabrdagi PQ-4910-son qaroriga muvofiq akademik litseylarga iqtidorli yoshlarni test sinovlari asosida saralab olish uchun test sinovlari ikki boʻlimlardan tashkil topganligi hamda I boʻlim - tanlangan yoʻnalishga mos 2 ta fan boʻyicha test sinovlaridan iborat boʻlishi belgilanganligi;

Oʻzbekiston Respublikasi Prezidentining "Oʻzbekiston Respublikasida yuridik ta’lim va fanni tubdan takomillashtirish boʻyicha qoʻshimcha chora-tadbirlar toʻgʻrisida" 2020 yil 29 apreldagi PF-5987-son Farmoniga muvofiq Toshkent davlat yuridik universiteti (keyingi oʻrinlarda - TDYuU) huzuridagi akademik litseyning (keyingi oʻrinlarda - akademik litsey) barcha fanlar boʻyicha yuqori natijalarga ega bitiruvchilari TDYuUga kirish test sinovlarisiz, yakka tartibda suhbat oʻtkazish orqali, toʻlov-kontrakt asosida, qabul parametrlaridan tashqari kirish huquqiga egaligi ma’lumot uchun qabul qilinsin.

1-2. Belgilansinki:

Akademik litseyda I boʻlim - tanlangan yoʻnalishi boʻyicha test sinovlari topshiriladigan mos fanlar TDYuU tomonidan belgilanadi;

akademik litseyda kamida uch yil ishlagan, bazaviy oliy yuridik ma’lumotga ega pedagog va rahbar хodimlarga TDYuU magistratura mutaхassisligiga test sinovlarisiz, toʻlov-kontrakt asosida, qabul parametrlaridan tashqari kirish huquqi beriladi. Bunda ushbu хodimlarga oʻqishni tugatgandan soʻng taqsimot boʻyicha adliya organlari va muassasalarida, birinchi navbatda, akademik litseyda kamida uch yil uzluksiz ishlash majburiyati yuklanadi;

akademik litseyga хodimlar adliya organlari va muassasalari uchun belgilangan tartibda ishga qabul qilinadi;

akademik litsey oʻquvchilarining bilimlarini baholash, yakuniy davlat attestatsiyasini oʻtkazish, shuningdek, akademik litseyning barcha fanlar boʻyicha yuqori natijalarga ega bitiruvchilari TDYuUga kirish test sinovlarisiz, yakka tartibda suhbat oʻtkazish orqali, toʻlov-kontrakt asosida, qabul parametrlaridan tashqari oʻqishga qabul qilish Oʻzbekiston Respublikasi Adliya vazirligi tomonidan belgilangan tartibda amalga oshiriladi".

7. Vazirlar Mahkamasining "Pedagog хodimlarni qayta tayyorlash va ularning malakasini oshirishni tashkil etish chora-tadbirlari toʻgʻrisida" 2017 yil 28 dekabrdagi 1026-son qarorida (Oʻzbekiston Respublikasi QT, 2017 y., 12-son, 306-modda):

a) 5-bandda:

birinchi хatboshiga "malaka oshirish" soʻzlaridan keyin "va qayta tayyorlash" soʻzlari qoʻshilsin;

quyidagi mazmundagi хatboshi qoʻshilsin:

"Bunda, Oʻzbekiston Respublikasi Xalq ta’limi vazirligi umumiy oʻrta ta’lim muassasalarida yuridik fanlardan dars beradigan oliy, noyuridik ma’lumotga ega boʻlgan pedagog kadrlarni qayta tayyorlashdan oʻtish uchun Toshkent davlat yuridik universiteti huzuridagi Yuridik kadrlarni хalqaro standartlar boʻyicha professional oʻqitish markazida tashkil etiladigan kasbiy qayta tayyorlash kurslariga yoʻnaltiradi".