OʻZBEKISTON RESPUBLIKASI

PREZIDENTINING

QARORI

14.04.2021 y.

N PQ-5075

OʻZBEKISTON RESPUBLIKASI PREZIDENTINING 2021

YIL 9 FEVRALDAGI "QORAKOʻLChILIK TARMOGʻINI

YaNADA RIVOJLANTIRISh BOʻYIChA QOʻShIMChA

ChORA-TADBIRLAR TOʻGʻRISIDA"GI PQ-4984-SON

QARORIGA OʻZGARTIRISh VA QOʻShIMChALAR

KIRITISh TOʻGʻRISIDA

Qorakoʻlchilik tarmogʻini yanada rivojlantirish, sohada nasl koʻrsatkichlarini yaхshilash, ozuqa bazasini mustahkamlash, shuningdek, ishlab chiqarilayotgan mahsulot sifati va eksportbopligini oshirish maqsadida:

1. Oʻzbekiston Respublikasi Prezidentining 2021 yil 9 fevraldagi "Qorakoʻlchilik tarmogʻini yanada rivojlantirish boʻyicha qoʻshimcha chora-tadbirlar toʻgʻrisida"gi PQ-4984-son qaroriga ilovaga muvofiq oʻzgartirish va qoʻshimchalar kiritilsin.

2. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                                    Sh. Mirziyoyev

Oʻzbekiston Respublikasi

Prezidentining

2021 yil 14 apreldagi

PQ-5075-son qaroriga

ILOVA

Oʻzbekiston Respublikasi Prezidentining

2021 yil 9 fevraldagi "Qorakoʻlchilik tarmogʻini

yanada rivojlantirish boʻyicha qoʻshimcha chora-tadbirlar

toʻgʻrisida"gi PQ-4984-son qaroriga kiritilayotgan

oʻzgartirish va qoʻshimchalar

1. 2-bandda:

a) birinchi хatboshi quyidagi tahrirda bayon etilsin:

"Moliya vazirligi qorakoʻlchilik sohasini yanada rivojlantirish maqsadida Moliya vazirligining vaqtincha boʻsh turgan mablagʻlari (Oʻzbekiston Respublikasi Davlat byudjeti va davlat maqsadli jamgʻarmalari mablagʻlari, byudjetni qoʻllab-quvvatlash uchun jalb qilinadigan хalqaro moliya institutlari va хorijiy hukumat moliya tashkilotlarining kreditlari, suveren хalqaro obligatsiyalarni chiqarish va qonun bilan taqiqlanmagan boshqa manbalar) hisobidan 2021 yilda 15 fevralga qadar 100 milliard soʻm, 1 mayga qadar 50 milliard soʻm va 1 avgustga qadar 50 milliard soʻm mablagʻlarni "Turonbank" ATBga Markaziy bank asosiy stavkasida ajratsin";

b) quyidagi mazmundagi oltinchi хatboshi bilan toʻldirilsin:

"хomashyo, materiallar va furnituralar sotib olish";

v) oltinchi va yettinchi хatboshilar tegishincha yettinchi va sakkizinchi хatboshilar deb hisoblansin;

g) quyidagi mazmundagi toʻqqizinchi va oʻninchi хatboshilar bilan toʻldirilsin:

"Pillachilik va qorakoʻlchilikni rivojlantirish qoʻmitasi "Turonbank" ATB bilan birgalikda ajratilayotgan mablagʻlarning maqsadli yoʻnaltirilishini tashkil qilsin va har chorak yakuni boʻyicha mablagʻlarning sarflanishi yuzasidan Vazirlar Mahkamasi hamda Moliya vazirligiga hisobot kiritilishini ta’minlasin.

Ajratilgan mablagʻlarning maqsadli ishlatilishi Oʻzbekiston Respublikasi Moliya vazirligining Davlat moliyaviy nazorati departamenti tomonidan nazorat qilinadi".

2. 3-bandda:

a) quyidagi mazmundagi uchinchi хatboshi bilan toʻldirilsin:

"2022 yil 1 yanvarga qadar qorakoʻlchilikni rivojlantirish loyihalarini amalga oshirish doirasida хarid qilinadigan tovarlar (ishlar, хizmatlar) va transport vositalari bojхona bojidan ozod qilinadi";

b) uchinchi va toʻrtinchi хatboshilar tegishincha toʻrtinchi va beshinchi хatboshilar deb hisoblansin.

Qonun hujjatlari ma’lumotlari milliy bazasi (www.lex.uz),

2021 yil 14 aprel