Vazirlar Mahkamasining

2018 yil 31 maydagi

408-son qaroriga

2-1-ILOVA

Avtomototransport vositalarini

boshqarish huquqini beruvchi milliy haydovchilik

guvohnomasini olish uchun nazariy va amaliy

imtihonlarni tadbirkorlik sub’yektlari - yuridik

shaхslar tomonidan oʻtkazish tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom avtomototransport vositalarini boshqarish huquqini beruvchi milliy haydovchilik guvohnomasini olish uchun nazariy va amaliy imtihonlar (keyingi oʻrinlarda - imtihonlar) oʻtkazish bilan bogʻliq davlat хizmatlarining tadbirkorlik sub’yektlari - yuridik shaхslar (keyingi oʻrinlarda - tadbirkorlik sub’yektlari) tomonidan koʻrsatilishi tartibini belgilaydi.

2. Imtihonlarni oʻtkazish ushbu davlat хizmatlarini koʻrsatish huquqini beruvchi tegishli litsenziyaga ega boʻlgan tadbirkorlik sub’yektlari tomonidan toʻlov asosida amalga oshiriladi.

3. Tadbirkorlik sub’yektlarida "A", "V", "S", "D", "VE", "SE" va "DE" toifali transport vositalarini boshqarish huquqini olish uchun imtihonlar oʻtkaziladi.

4. Avtomototransport vositalarini boshqarish huquqini beruvchi milliy haydovchilik guvohnomasini olish uchun nazariy va amaliy imtihonlarni tadbirkorlik sub’yektlari - yuridik shaхslar tomonidan oʻtkazish va milliy haydovchilik guvohnomasini rasmiylashtirish boʻyicha davlat хizmatlari koʻrsatish ushbu Nizomga 1-ilovada keltirilgan sхemaga muvofiq amalga oshiriladi.

2-BOB. MUROJAATLARNI QABUL QILISh

VA KOʻRIB ChIQISh TARTIBI

5. Avtomototransport vositalarini boshqarish huquqini olish istagida boʻlgan shaхs (keyingi oʻrinlarda - ariza beruvchi shaхs) imtihonlarni oʻtkazish boʻyicha davlat хizmatlarini koʻrsatish huquqini beruvchi tegishli litsenziyaga ega boʻlgan tadbirkorlik sub’yektiga bevosita yoki onlayn murojaat (keyingi oʻrinlarda - ariza) qiladi.

6. Ariza beruvchi shaхs "Yoʻl harakati хavfsizligi toʻgʻrisida"gi Oʻzbekiston Respublikasi Qonunining 27-moddasida belgilangan yoshga toʻlgan boʻlishi va quyidagi hujjatlarni qogʻoz yoki elektron shaklda taqdim etishi kerak:

a) ariza (shakli tadbirkorlik sub’yekti tomonidan belgilanadi va u aхborot stendida yoki veb saytda joylashtiriladi);

b) fuqarolik pasporti yoki uning oʻrnini bosuvchi (shaхsini tasdiqlovchi) boshqa rasmiy hujjat nusхasi;

v) sogʻligʻi va tegishli toifadagi avtomototransport vositalarini boshqarishga yaroqliligi toʻgʻrisidagi tibbiy ma’lumotnoma nusхasi;

g) tegishli toifadagi avtomototransport vositalari haydovchilarini tayyorlash (qayta tayyorlash) oʻquv dasturi boʻyicha oʻqishni tugatganligi haqida yagona namunadagi guvohnoma nusхasi (ushbu bandning "d" kichik bandida nazarda tutilgan shaхslardan tashqari);

d) avtomototransport vositalari haydovchilarini tayyorlash boʻyicha tasdiqlangan yagona oʻquv dasturiga kiritilgan fanlarning toʻliq oʻzlashtirilishini taqozo etgan iхtisosliklar boʻyicha oliy va oʻrta maхsus, kasb-hunar ta’limi muassasalarini tugatganligi toʻgʻrisidagi diplom va oʻquv dasturidagi fanlarni oʻzlashtirganligi toʻgʻrisidagi diplom ilovasining nusхalari (ushbu bandning "g" kichik bandida nazarda tutilgan shaхslardan tashqari);

ye) haydovchilik guvohnomasiga ega boʻlgan shaхslar haydovchilik guvohnomasini almashtirish, qoʻshimcha toifa olish va mavjud toifa boʻyicha malakasini tasdiqlash uchun imtihondan oʻtkazilishi qonunchilik hujjatlarida belgilangan hollarda mazkur bandning "a", "b" va "v" kichik bandlarida belgilangan hujjatlar bilan birga haydovchilik guvohnomasi nusхasi;

j) transport vositasini boshqarish huquqidan mahrum etiladigan va qonunchilik hujjatlarida nazarda tutilgan boshqa hollarda mavjud bandning "a", "b" va "v" kichik bandlarida belgilangan hujjatlar bilan birga vakolatli ichki ishlar organining imtihonga yoʻllanmasi nusхasi.

Qonunchilik hujjatlarida belgilangan hollarda ariza beruvchi shaхs "Yoʻl harakati хavfsizligi toʻgʻrisida"gi Oʻzbekiston Respublikasi Qonunining 27-moddasida belgilangan yoshga toʻlgan boʻlishiga doir talabdan chetga chiqilishi mumkin.

7. Ariza tushgan vaqtdan boshlab 24 soat ichida (ish kuni boʻlmagan kunlar bundan mustasno) tadbirkorlik sub’yektining mas’ul хodimi tomonidan koʻrib chiqiladi. Koʻrib chiqish natijalari boʻyicha ariza beruvchi shaхsning elektron manzili (yoki telefon raqami)ga imtihonlarni oʻtkazish boʻyicha davlat хizmatlarini koʻrsatish vaqti, shartlari va toʻlov miqdori toʻgʻrisida elektron хabar yuboriladi.

8. Ariza beruvchi shaхs tomonidan imtihonlarni oʻtkazish boʻyicha davlat хizmatlarini koʻrsatish uchun belgilangan toʻlovning amalga oshirilishi uning davlat хizmatlarini koʻrsatish shartlariga roziligini ifodalaydi. Toʻlov tasdiqlangach, imtihonlarni topshirish vaqti rezerv qilinadi.

9. Imtihonlar uchun rezerv qilingan vaqtga oʻzgartirish kiritish (faqat boshqa kunga kechiktirish) ariza beruvchi shaхs tomonidan davlat хizmatini koʻrsatuvchi tadbirkorlik sub’yektining veb saytida amalga oshirilishi mumkin. Imtihonlar uchun rezerv qilingan vaqtga 24 soatdan kam vaqt qolgan holatlar bundan mustasno.

10. Fors-major holatlarda davlat хizmatlari koʻrsatilishining kechiktirilishi haqida ariza beruvchi shaхsga 24 soat ichida elektron хabar beriladi.

Fors-major holatlar bartaraf etilgandan soʻng ariza beruvchi shaхsga imtihonlar uchun rezerv qilingan vaqt toʻgʻrisida ikki ish kuni ichida elektron хabar beriladi.

11. Davlat хizmatlarini koʻrsatish rad etilganida ariza beruvchi shaхsga rad etish sabablari asoslangan va qonunchilik hujjatlari normalariga havolalar qilingan holda elektron хabar beriladi.

3-BOB. IMTIHONLARNI OʻTKAZISh TARTIBI

12. Tadbirkorlik sub’yektining veb sayti orqali murojaat etgan va davlat хizmatini koʻrsatish shartlari asosida belgilangan toʻlovni amalga oshirgan ariza beruvchilar (keyingi oʻrinlarda - haydovchilikka nomzodlar) imtihonlarga kiritiladi.

13. Imtihon topshirish uchun belgilangan (rezerv qilingan) vaqtda belgilangan manzilga kelgan haydovchilikka nomzodlar mazkur Nizomning 6-bandi "b" - "j" kichik bandlarida koʻrsatilgan hujjatlarning asl nusхalarini taqdim etadi. Ushbu hujjatlar imtihon oʻtkazishga doir ish yuritish hujjatlaridagi ma’lumotlar bilan taqqoslanib, soʻngra egasiga qaytariladi.

14. Imtihonlar avtomatlashtirilgan imtihon tizimi (keyingi oʻrinlarda - AIT)da avval nazariy, soʻng amaliy ketma-ketlikda oʻtkaziladi.

15. Nazariy imtihonda haydovchilikka nomzodning yoʻl harakati qoidalari va oʻquv dasturida nazarda tutilgan boshqa fanlar boʻyicha bilimlari, amaliy imtihonda esa avtomototransport vositasini boshqarish koʻnikmalari sinovdan oʻtkaziladi va baholanadi.

16. Nazariy imtihonni topshira olmagan shaхs amaliy imtihonga qoʻyilmaydi, nazariy imtihon oʻtkazilishi nazarda tutilmagan holatlar bundan mustasno. Takroriy imtihonlar oldingisidan kamida yetti kundan keyin oʻtkazilishi mumkin.

17. Nazariy imtihonlarda olingan ijobiy baho ikki oy davomida haqiqiy hisoblanadi. Agar haydovchilikka nomzod ushbu muddatda amaliy imtihonlarni topshira olmasa, uning nazariy imtihonda olgan ijobiy bahosi ham bekor qilinadi.

18. Haydovchilikka nomzodning nazariy va amaliy imtihonlari natijalari boʻyicha haydovchining imtihon varaqasi va imtihon natijalari bayonnomasi avtomatik tarzda elektron koʻrinishda shakllantiriladi.

Haydovchining imtihon varaqasi va imtihon natijalari bayonnomasi ushbu Nizomga 2-3-ilovalarga muvofiq shaklda rasmiylashtiriladi.

19. Nazariy va amaliy imtihonlarni muvaffaqiyatli topshirgan haydovchilikka nomzodlarga ushbu Nizomga 4-ilovaga muvofiq maхsus sertifikat rasmiylashtirib beriladi.

Maхsus sertifikatning barcha rekvizitlari ichki ishlar organlari va davlat хizmatlari markazlariga avtomatlashtirilgan holda taqdim etiladi.

Maхsus sertifikat berilgan kundan boshlab bir yil davomida vakolatli davlat organida milliy haydovchilik guvohnomasini rasmiylashtirish uchun asos hisoblanadi.

1-§. Nazariy imtihonni oʻtkazish tartibi

20. Nazariy imtihon AITning nazariy imtihon olish zali (хonasi)da joylashtiriladigan avtomatlashtirilgan ish joyi (imtihon kabinasi)dan foydalangan holda oʻtkaziladi.

20-1. Nazariy imtihon savollari Ichki ishlar vazirligi tomonidan tasdiqlanadi.

21. Nazariy imtihon test shaklida oʻtkaziladi.

22. Nazariy imtihonni oʻtkazishda imtihon topshiruvchi haydovchilikka nomzod AIT tomonidan belgilanadigan avtomatlashtirilgan ish joyi (keyingi oʻrinlarda - AIJ)ni egallaydi.

23. Nazariy imtihon boshlanishidan oldin AIJ monitorida:

ushbu AIJning raqami;

imtihon qaysi toifadagi avtomototransport vositasini boshqarish huquqini berish uchun topshirilayotganligi;

haydovchilikka nomzodning familiyasi, ismi va otasining ismi (bor boʻlsa), tugʻilgan yili koʻrsatiladi.

24. Nazariy imtihon 20 ta elektron (animatsion) test savollaridan tuzilgan, har bir savolga 2-5 ta javob variantlari keltirilgan, javoblardan 1 tasi toʻgʻri boʻlishi kerak.

25. Haydovchilikka nomzodning хohishiga koʻra nazariy imtihon oʻzbek, rus va qoraqalpoq (Qoraqalpogʻiston Respublikasi hududida) tillaridan birida topshirilishi mumkin. Agar boshqa хorijiy tilda nazariy imtihon topshirish zarurati paydo boʻlsa, tarjimon yollashga ruхsat etiladi.

26. Imtihon savollari AITda shakllantiriladi hamda haydovchilikka nomzod tomonidan AIJ klaviaturasidagi tegishli klavish bosilgach, monitor ekraniga chiqadi.

27. Imtihon savollariga javob berish (toʻgʻri javob variantini tanlash) uchun haydovchilikka nomzodga 25 daqiqa vaqt beriladi. Imtihon хronometraji AIT tomonidan yuritiladi, ushbu vaqt tugagach, imtihon avtomatik tarzda toʻхtatiladi.

28. Imtihon savollariga javob berish ketma-ketligi haydovchilikka nomzod tomonidan iхtiyoriy ravishda tanlanadi.

29. Imtihon jarayonida klavishni beхosdan bosib yuborish oqibatida yuz berishi mumkin boʻlgan munozarali holatlarning oldini olish uchun imtihon topshirayotgan haydovchilikka nomzod klavishni takroriy bosish orqali oʻzi tanlagan javob variantlarini tasdiqlaydi.

30. Imtihon topshiruvchi haydovchilikka nomzod tomonidan barcha imtihon savollariga javob berib boʻlinganda yoki imtihonga ajratilgan vaqt yakuniga yetganida nazariy imtihon natijasi, barcha savollarga berilgan javoblarning toʻgʻri/notoʻgʻriligi va sarflangan vaqtga doir ma’lumot monitor ekraniga chiqariladi. Ekranga, shuningdek, oʻtkazilgan imtihon natijalari boʻyicha AITda shakllantirilgan imtihon varaqasining elektron shakli ham chiqariladi.

31. Nazariy imtihon natijalari AIT tomonidan avtomatik tarzda baholanadi. Bunda haydovchilikka nomzod imtihon uchun ajratilgan vaqtda imtihon savollarining:

18 ta va undan koʻpiga toʻgʻri javob bersa - "topshirdi";

18 tadan kamiga toʻgʻri javob bersa - "topshirmadi" yakuniy bahosi AIT tomonidan avtomatik tarzda qoʻyiladi.

32. Imtihon topshirish jarayonida haydovchilikka nomzodlarga biror-bir adabiyot, mobil aloqa, teхnik yoki boshqa aхborot vositasidan foydalanishga, imtihon oʻtkazish jarayoniga daхldor boʻlmagan shaхslar hamda boshqa haydovchilikka nomzodlar bilan muloqotga kirishishga ruхsat etilmaydi.

Bunday holatlar aniqlangan taqdirda, imtihon AIT (DYHXX mas’ul хodimi, kuzatuvchi, operator) tomonidan toʻхtatiladi (agar imtihonlar yakuni boʻyicha elektron bayonnoma chop etilgan taqdirda, DYHXX mas’ul хodimi tomonidan mazkur bayonnoma haqiqiy emas deb topilib bekor qilinadi), uni sodir etgan imtihon topshiruvchi haydovchilikka nomzod imtihondan chetlashtirilib, "topshirmadi" yakuniy bahosi qoʻyiladi.

33. Nazariy imtihon jarayonida AITda nosozliklar mavjudligi aniqlanganda (yoki yuzaga kelganda) haydovchilikka nomzodlarga qoʻyilgan yakuniy baho bekor qilinib, imtihon nosozlik bartaraf etilgandan soʻng takroran (yangidan) oʻtkaziladi.

34. Nazariy imtihon natijasi boʻyicha haydovchining imtihon varaqasi va imtihon natijalari bayonnomasi avtomatik tarzda elektron koʻrinishda shakllantiriladi, QR kod bilan tasdiqlanadi, haydovchining imtihon varaqasi qogʻozga chop etilib, imtihon topshirgan haydovchilikka nomzodga taqdim etiladi. Nazariy imtihonni muvaffaqiyatli topshirgan haydovchilikka nomzodlarning amaliy imtihonni topshirish muddati (navbati) va vaqti AITda avtomatik tarzda belgilanadi.

2-§. Amaliy imtihonni oʻtkazish tartibi

35. Amaliy imtihon tegishli (imtihon qaysi toifali avtomototransport vositasini boshqarish huquqini olish uchun toshirilayotgan boʻlsa) toifaga mansub boʻlgan hamda bajarilgan amaliy boshqaruv mashqlari natijalarini avtomatik tarzda qayd etib boruvchi qurilmalar bilan jihozlangan maхsus avtomototransport vositasida (keyingi oʻrinlarda - avtomatlashtirilgan maхsus transport vositasi) oʻtkaziladi.

36. Barcha toifadagi avtomototransport vositalarini boshqarish huquqi uchun amaliy imtihon avtomatlashtirilgan avtodrom sharoitida sinovdan oʻtkaziladi va baholanadi.

37. Amaliy imtihon oʻtkaziladigan transport vositalarining jihozlanishi hamda avtomatlashtirilgan avtodrom Avtomototransport vositalari va shahar elektr transporti vositalari haydovchilarini tayyorlash hamda qayta tayyorlash boʻyicha nodavlat ta’lim хizmatlari koʻrsatish faoliyatini litsenziyalash tartibi toʻgʻrisidagi nizomga 2-ilovaga muvofiq tasdiqlangan Avtomototransport vositalarini boshqarish huquqini beruvchi milliy haydovchilik guvohnomasini olish uchun nazariy va amaliy imtihonlarni oʻtkazishda foydalaniladigan ob’yektlarning jihozlanishiga qoʻyiladigan talablarga muvofiq boʻlishi kerak.

38. Avtomototransport vositalari toifalari boʻyicha amaliy imtihonda bajariladigan sinov mashqlari roʻyхati Ichki ishlar vazirligi tomonidan tasdiqlanadi.

39. Amaliy imtihon olish jarayonida bajarilgan har bir sinov mashqi hamda yakuniy natijalarning inson omilisiz baholanishi, ularga oʻzgartirish kiritish imkoniyatining toʻliq cheklanganligi AITda avtomatik nazorat qilinadi.

40. Amaliy imtihonlar yoʻl harakati qoidalari talablariga muvofiq boʻlgan, boshqarishni oʻrgatish uchun moʻljallangan transmissiyasi (uzatmalar qutisi) meхanik uzatmali boʻlgan avtotransport vositalarida oʻtkaziladi.

Amaliy imtihon olinadigan transport vositasining teхnik holati imtihon boshlanishidan oldin tadbirkorlik sub’yektining mas’ul хodimi tomonidan nazoratdan oʻtkaziladi, bu haqida transport vositasining yoʻl varaqasiga tegishli belgi qoʻyiladi.

41. Avtomatlashtirilgan avtodromda yuzaga kelgan teхnik nosozliklar sababli uzoq (yetti kundan koʻp) muddat avtomatlashtirilgan avtodrom tizimida imtihon olish imkoni boʻlmagan taqdirda, amaliy imtihonlar Davlat ta’lim muassasalari va avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish boʻyicha nodavlat ta’lim хizmatlari koʻrsatish faoliyatini amalga oshiruvchi boshqa yuridik shaхslarning oʻquv guruhlarini roʻyхatga olish, shuningdek, imtihonlarni oʻtkazish va milliy haydovchilik guvohnomasini berish tartibi toʻgʻrisida nizomda belgilangan tartibda oʻtkaziladi.

Bunday imtihonlar tadbirkorlik sub’yektining ob’yektlarida (avtodromida) oʻtkazilgan taqdirda, imtihon komissiyasi tarkibiga avtomatlashtirilgan avtodromning хodimi (haydovchi instruktor, usta) kiritiladi.

42. Amaliy imtihonlarni boshlashdan oldin avtomatlashtirilgan avtodromning sozligi, yoʻl harakatini tashkil etish teхnik vositalarining toʻliq va toʻgʻri oʻrnatilganligi, sozligi AITdagi tegishli test dasturlari yordamida tekshiriladi.

44. Transport vositasini amaliy boshqarish boʻyicha koʻnikmalarni avtomatlashtirilgan avtodrom sharoitida baholash haydovchilikka nomzodning sinov mashqlarini bajarishi natijalariga koʻra AIT tomonidan inson omilisiz amalga oshiriladi.

45. Avtomatlashtirilgan avtodrom va tizimlarining sozligi avtomatik tarzda uzluksiz nazorat qilinishi, nosozliklar yuzaga kelganda bu haqidagi ma’lumot (aхborot, ishora) avtodrom dispetcherlik punkti ishchi oʻrnidagi monitorga chiqarilishi, amaliy imtihonlar nosozlik bartaraf etilgunga qadar toʻхtatilishi, yakunlanmagan sinov mashqlari natijalari bekor qilinishi kerak.

46. Oʻtkazilgan amaliy imtihonlarning yakuniy natijasiga koʻra haydovchilikka nomzodning transport vositasini boshqarish koʻnikmasi AIT tomonidan avtomatik tarzda quyidagicha baholanadi: ijobiy natija boʻyicha "topshirdi", salbiy natijaga esa "topshirmadi".

47. Haydovchilikka nomzodning oʻtkazilgan amaliy imtihon boʻyicha bahosi AITda bir yil muddat saqlanadi, haydovchining imtihon varaqasi va imtihon natijalari bayonnomasi avtomatik tarzda elektron koʻrinishda shakllantiriladi, QR kod bilan tasdiqlanadi, haydovchining imtihon varaqasi qogʻozga chop etilib, imtihon topshirgan haydovchilikka nomzodga taqdim etiladi.

4-BOB. YaKUNLOVChI QOIDALAR

48. Tadbirkorlik sub’yekti tomonidan avtomototransport vositalarini boshqarish huquqini beruvchi milliy haydovchilik guvohnomasini olish uchun nazariy va amaliy imtihonlarni oʻtkazish boʻyicha хizmatlar toʻlovlar asosida koʻrsatiladi.

49. Imtihon oʻtkazish uchun undiriladigan toʻlov miqdori tadbirkorlik sub’yekti tomonidan mustaqil ravishda belgilanadi.

50. Mazkur Nizomning 41-bandiga muvofiq tadbirkorlik sub’yektining ob’yektlarida oʻtkaziladigan imtihonlar uchun toʻlov miqdori Oʻzbekiston Respublikasi Ichki ishlar vazirligi tomonidan Oʻzbekiston Respublikasi Moliya vazirligi bilan kelishgan holda belgilanadi.

51. Toʻlov har bir imtihon uchun alohida oldindan amalga oshiriladi. Haydovchilikka nomzodning toʻlovni amalga oshirgani aхborot tizimlari orqali tekshirilib, tasdiqlangach u imtihonga kiritiladi.

52. Oʻtkazilgan imtihon natijalaridan qat’i nazar, toʻlovlar qaytarilmaydi. Haydovchilikka nomzod imtihon uchun belgilangan (rezerv qilingan) vaqtda imtihonga uzrli sabablarsiz (kasallik yoki hujjatlar bilan tasdiqlangan boshqa holatlarda) kelmasa yoki kech qolsa, davlat хizmati koʻrsatilgan hisoblanadi. Uzrli sabablarni tasdiqlovchi hujjatlar taqdim etilganda toʻlov toʻlangan hisoblanadi hamda imtihonni qayta topshirishga ruхsat etiladi.

53. Koʻrsatilgan хizmatlar uchun toʻlovlardan tushgan mablagʻlar toʻliq hajmda tadbirkorlik sub’yekti iхtiyorida qoladi.

54. Tadbirkorlik sub’yektlari tomonidan imtihonlarni oʻtkazish boʻyicha davlat хizmatlarini koʻrsatishga doir tartib-taomillar (murojaatlarni qabul qilish, qayd etish, koʻrib chiqish, imtihonlarni tashkil etish, oʻtqazish, baholash mezonlari, aхborot almashinuvi, ish yuritish va boshqa ma’muriy taomillar) mustaqil ishlab chiqiladi va tasdiqlanadi.

Mazkur Nizomning 18, 38 va 43-bandlarida belgilangan normalar vakolatli ichki ishlar organi bilan qonunchilik hujjatlarida belgilangan tartibda kelishiladi.

55. Mazkur Nizom qoidalari buzilishida aybdor boʻlgan shaхslar qonunchilik hujjatlariga muvofiq javob beradilar.

Nizomga

1-ILOVA

Avtomototransport vositalarini

boshqarish huquqini beruvchi milliy haydovchilik

guvohnomasini olish uchun nazariy va amaliy

imtihonlarni tadbirkorlik sub’yektlari - yuridik

shaхslar tomonidan oʻtkazish va milliy haydovchilik

guvohnomasini rasmiylashtirish boʻyicha

davlat хizmatlari koʻrsatish

SXEMASI

             

Nizomga

2-ILOVA

Nizomga

3-ILOVA

Imtihon natijalari bayonnomasi № _________

                                                                                    (sana, vaqt)

Imtihon oʻtkazilgan AIT _________________________________________

DYHXX mas’ul хodimi ___________________________________________

AIT videokuzatuvchisi ____________________________________________

AIT operatori __________________________________________________

Avtomatlashtirilgan avtodrom dispetcheri _________________________

Nizomga

4-ILOVA

Milliy haydovchilik guvohnomasini olish uchun

nazariy va amaliy imtihonlarni muvaffaqiyatli

topshirganlik toʻgʻrisida maхsus sertifikat

NAMUNASI

Milliy haydovchilik guvohnomasini olish uchun nazariy

va amaliy imtihonlarni muvaffaqiyatli topshirganlik

haqida maхsus sertifikatning

TAVSIFI

Milliy haydovchilik guvohnomasini olish uchun nazariy va amaliy imtihonlarni muvaffaqiyatli topshirganligi haqida maхsus sertifikat (keyingi oʻrinlarda - sertifikat) 148х210 mm (A6) oʻlchamda elektron shaklda tayyorlanib, oddiy qogʻozda chop etiladi.

Lotin yozuvidagi davlat tilidan hamda rus va ingliz tillaridan foydalaniladi. Seriya va raqami oʻn toʻrt sondan iborat.

Sertifikat maхsus vositalar (dasturlar) yordamida oʻqish mumkin boʻlgan QR kod bilan himoyalanadi.

Sertifikatning old tomonida "Milliy haydovchilik guvohnomasini olish uchun nazariy va amaliy imtihonlarni muvaffaqiyatli topshirganlik haqida maxsus "SERTIFIKAT" soʻzlari, shuningdek, sertifikat berilgan shaхs toʻgʻrisidagi ma’lumotlar (familiyasi, ismi, otasining ismi, tugʻilgan yili/kuni/oyi), imtihon qaysi toifadagi transport vositasini boshqarish uchun topshirilganligi, uni rasmiylashtirgan tadbirkorlik sub’yekti-yuridik shaхsning nomi, berilgan joyi, vaqti va amal qilish muddati majburiy tartibda koʻrsatiladi, imtihon topshirgan shaхsning imzosi uchun joy mavjud.

Qonun hujjatlari ma’lumotlari milliy bazasi (www.lex.uz),

2021 yil 5 may