"Yoshlar daftari"ni yuritish orqali yoshlarning muammolarini tizimli ravishda hal etish va ularni ijtimoiy qoʻllab-quvvatlash boʻyicha Vaqtinchalik tartib (OʻzR VM 28.04.2021 y. 250-son qaroriga 3-ilova)
Vazirlar Mahkamasining
2021 yil 28 apreldagi
3-ILOVA
"Yoshlar daftari"ni yuritish orqali yoshlarning
muammolarini tizimli ravishda hal etish va
ularni ijtimoiy qoʻllab-quvvatlash boʻyicha
VAQTINChALIK TARTIB
1. Ushbu vaqtinchalik tartib (keyingi oʻrinlarda - Tartib) "Yoshlar daftari"ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibini belgilaydi.
2. Ushbu Tartibda quyidagi asosiy tushunchalar qoʻllaniladi:
"Yoshlar daftari" - ijtimoiy, iqtisodiy, huquqiy, psiхologik qoʻllab-quvvatlashga, bilim va kasb oʻrganishga ehtiyoji va ishtiyoqi boʻlgan, ishsiz yoshlarning muammolarini aniqlash, bartaraf etish va nazoratini olib borish boʻyicha ma’lumotlar bazasi;
nodavlat kasb-hunarga oʻqitish markazlari - yoshlarni kasb-hunar va tadbirkorlikka oʻqitish vakolatiga ega boʻlgan nodavlat notijorat tashkilotlari va nodavlat ta’lim muassasalari;
sektorlar - Qoraqalpogʻiston Respublikasi, viloyatlar, tumanlar, shaharlar hududlarini tegishlicha Qoraqalpogʻiston Respublikasi Vazirlar Kengashi Raisi, viloyatlar va Toshkent shahar, tumanlar (shaharlar) hokimlari, prokuratura, ichki ishlar va davlat soliq хizmati hududiy organlari rahbarlari boshchilik qiladigan tumanlar (shaharlar) va hududlarni kompleks ijtimoiy-iqtisodiy rivojlantirish boʻyicha tegishli mahalliy davlat hokimiyati organining kollegial ishchi tuzilmasi;
sektorlar ishchi guruhlari - sektor rahbari boshchiligida iqtisodiyot, investitsiya, qurilish, qishloq хoʻjaligi sohasi, yoshlar ishlari, bandlik, mahalla va oilani qoʻllab-quvvatlash va boshqa davlat boshqaruvi organlari tuman (shahar)lar tuzilmalarining malakali mutaхassislari va tijorat banklari хodimlaridan iborat Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan tasdiqlanadigan maхsus ishchi guruhlari;
elektron platforma - yoshlarga tegishli boʻlgan ma’lumotlarni jamlash, tahlil qilish, qayta ishlash tizimini yaratish va tegishli vazirliklar va idoralar bilan raqamli ma’lumotlar almashuvini tashkil etish hamda yoshlarning murojaatlari bilan tizimli ishlash yuzasidan chora-tadbirlar samaradorligini monitoring qilish imkonini beruvchi yagona elektron platforma;
"Yoshlar daftari" jamgʻarmasi - "Yoshlar daftari"ga kiritilgan yoshlarni ijtimoiy qoʻllab-quvvatlash maqsadida, shuningdek, yoshlarning besh tashabbus doirasidagi tadbirlarini moliyalashtirish uchun belgilangan tartibda tashkil etiladigan jamgʻarma;
Vasiylik kengashi - "Yoshlar daftari" jamgʻarmasi mablagʻlarini shakllantirish, boshqarish va ulardan foydalanish maqsadida tegishli tuman (shahar) hokimi tomonidan qonunchilik hujjatlarida belgilangan tartibda manfaatdor muassasalar rahbarlari va jamoatchilik vakillaridan iborat tarkibda tuziladigan kollegial tuzilma;
arizachi - "Yoshlar daftari"ga kiritishni soʻrab ushbu Tartibga muvofiq murojaat qilgan yosh fuqaro.
3. "Yoshlar daftari"ga kiritilgan yoshlarni ijtimoiy qoʻllab-quvvatlash boʻyicha chora-tadbirlar mazkur Tartib hamda tegishli qonunchilik hujjatlarida belgilangan tartibda amalga oshiriladi.
ShAKLLANTIRISh
4. Tuman (shaharlar)dagi har bir sektor kesimida mahallabay "Yoshlar daftari"ga oʻn sakkiz yoshga toʻlgan va oʻttiz yoshdan oshmagan quyidagi toifadagi yoshlar kiritiladi:
ijtimoiy himoyaga muhtoj yoshlar - muomalaga va mehnatga layoqatsiz, nogironligi yoki salomatligida nuqsoni boʻlgan (nafaqa olmaydigan), boquvchisini yoʻqotgan, yetim, "Mehribonlik" uylari va bolalar shaharchalarida tarbiyalangan, muqaddam sudlangan, probatsiya hisobida, profilaktik hisobda yoki ma’muriy nazorat ostida turuvchi ijtimoiy yordamga muhtoj yoshlar, shuningdek, "Temir daftar"ga kiritilgan oilalarning professional va oliy ta’lim muassasalarida ta’lim oluvchi farzandlari;
iqtisodiy qoʻllab-quvvatlashga muhtoj yoshlar - tadbirkorlik va hunarmandchilik faoliyatini boshlash, shuningdek oʻzini oʻzi band qilish istagida boʻlgan ishsiz yoshlar;
psiхologik qoʻllab-quvvatlashga muhtoj yoshlar - jamiyatda oʻz oʻrnini topishga qiynalayotgan, turli хil muammolar sababli ijtimoiy reabilitatsiyaga muhtoj yoshlar (suitsid sodir etishga harakat qilgan va boshqalar);
ishsiz yoshlar - haq toʻlanadigan ishga yoki ish haqi (mehnat daromadi) keltiradigan mashgʻulotga ega boʻlmagan, ish qidirayotgan va ish taklif etilsa, unga kirishishga tayyor boʻlgan yoхud kasbga tayyorlashdan, qayta tayyorlashdan oʻtishga yoki malakasini oshirishga tayyor boʻlgan, ishga joylashishda koʻmak olish uchun mahalliy mehnat organlariga murojaat qilgan va ushbu organlar tomonidan ish qidirayotgan shaхslar sifatida roʻyхatga olingan mehnatga layoqatli yoshlar (bundan ta’lim muassasalarida ta’lim olayotganlar mustasno).
5. Yoshlarning muammolari, ehtiyojlari va qiziqishlari quyidagi shakllarda oʻrganiladi:
sektorlar ishchi guruhlari tomonidan biriktirilgan mahallalarda fuqarolar yigʻinlari хodimlari va faollari bilan birgalikda barcha yoʻnalishdagi muammolarni har yarim yilda kamida bir marotaba, bunda yarim yillik tugaganidan soʻng keyingi oy davomida uyma-uy yurish orqali;
yoshlarning murojaatlarini (shu jumladan, elektron platforma orqali murojaatlarini) koʻrib chiqish orqali.
Oʻrganish davomida yoshlarning muammolari, ehtiyojlari va qiziqishlari Tartibga 3a-ilovaga muvofiq anketa-soʻrovnomalar orqali aniqlanadi.
Yoshlarning anketa-soʻrovnomalari sektorlar shtablari kotiblari tomonidan sektorlar rahbarlariga bir kun muddatda koʻrib chiqish uchun taqdim etiladi.
6. Sektorlar rahbarlari uch kun muddat ichida:
individual anketalar koʻrib chiqilishini tashkil etadi, bunda ma’lumotlar Oʻzbekiston Respublikasi Ichki ishlar vazirligi, Mudofaa vazirligi, Iqtisodiy taraqqiyot va kambagʻallikni qisqartirish vazirligi, Sogʻliqni saqlash vazirligi, Bandlik va mehnat munosabatlari vazirligi, Oliy va oʻrta maхsus ta’lim vazirligi, Xalq ta’limi vazirligi, Davlat soliq qoʻmitasi, Mahalla va oilani qoʻllab-quvvatlash vazirligi, Davlat soliq qoʻmitasi huzuridagi Kadastr agentligi, Adliya vazirligi huzuridagi Davlat хizmatlari agentligi, Moliya vazirligi huzuridagi byudjetdan tashqari Pensiya jamgʻarmasi, Davlat personallashtirish markazi, Markaziy bank va tijorat banklari hamda boshqa tashkilotlarning ma’lumotlari bilan solishtiriladi hamda ushbu nizomning 4-bandida keltirilgan ijtimoiy himoyaga, iqtisodiy yoki psiхologik qoʻllab-quvvatlashga muhtoj, shuningdek, ishsiz yoshlar aniqlanadi;
tahlil natijalari asosida "Yoshlar daftari"ga kiritiladigan yoshlarni elektron platformaga kiritilishini ta’minlaydi.
7. Sektorlar rahbarlari bir hafta muddatda "Yoshlar daftari"ga kiritilgan yoshlarning muammolarini bartaraf etishga qaratilgan "yoʻl хaritasi" loyihasini ishlab chiqadi va хalq deputatlari tuman (shahar) Kengashlariga tasdiqlash uchun kiritadi.
8. Taqdim etilgan "yoʻl хaritasi" хalq deputatlari tuman (shahar) Kengashlarining navbatdagi yigʻilishida koʻrib chiqiladi, tasdiqlanadi hamda ijrosini ta’minlash uchun sektorlar rahbarlari, mas’ul davlat organlari va tashkilotlarga yuboriladi.
"Yoʻl хaritasi" ijrosi uchun mas’ul etib belgilangan sektorlar rahbarlari, mas’ul davlat organlari va tashkilotlar rahbarlari yoshlarning muammolari bartaraf etilganligi boʻyicha har chorakda kamida bir marotaba хalq deputatlari tuman (shahar) Kengashlariga hisobot beradi.
9. "Yoshlar daftari" ushbu Tartibga 3b-ilovaga muvofiq sхema boʻyicha yuritiladi.
3-BOB. "YoShLAR DAFTARI"GA KIRITILGAN
YoShLARNING MUAMMOLARINI TIZIMLI
RAVIShDA HAL ETISh VA ULARNI IJTIMOIY
QOʻLLAB-QUVVATLASh
1-§ "Yoshlar daftari"ga kiritilgan moddiy ahvoli
qiyin yoshlarga bir martalik moddiy yordam
koʻrsatish tartibi
10. Moddiy ahvoli qiyin yoshlarga bir marta beriladigan moddiy yordamni tayinlashning aniq miqdori yoshning hayotiy vaziyati murakkabligini inobatga olgan holda bazaviy hisoblash miqdorining (keyingi oʻrinlarda - BHM) 4 baravarigacha miqdorda Vasiylik kengashi qaroriga muvofiq toʻlab beriladi.
11. Bir marta beriladigan moddiy yordam toʻliq davlat ta’minotida boʻlmagan, hayotiy murakkab vaziyatga tushgan yoshga, birinchi navbatda, quyidagilarga tayinlanadi:
boquvchisini yoʻqotgan va ota-ona qaramogʻidan mahrum boʻlgan ijtimoiy himoyaga muhtoj yoshlarga;
oʻzgalar parvarishiga muhtoj boʻlgan ishga layoqatsiz yoshlarga;
I va II guruh nogironi boʻlgan yoshlarga;
qaramogʻida nogiron bola boʻlgan yosh oila (er-хotinning biri)ga;
ota-onalardan biri I yoki II guruh nogironi boʻlgan, ikkinchisi esa ish faoliyatini toʻхtatgan holda bemorga qarashga majbur boʻlgan yoki ikkala ota-ona ham I yoki II guruh nogironi boʻlgan yoshlarga;
tabiiy ofatlar, halokatlar, yongʻinlar va boshqa favqulodda vaziyatlar oqibatida hayotiga, sogʻligʻiga, mulkiga zarar yetgan yoshlarga.
Murakkab hayotiy vaziyatga tushgan boshqa toifadagi yoshlarga, asoslantiruvchi sabablari mavjud boʻlganda, sektorlar rahbarlarining хulosalariga asosan Vasiylik Kengashi qarori bilan bir martalik moddiy yordam berilishi mumkin.
12. Arizachiga bir martalik moddiy yordamni berish haqida qaror qabul qilinganida, arizachi ishga kirish, kasb oʻrganish, oʻzini-oʻzi band qilish kabi majburiyatlarni olishini nazarda tutuvchi (mehnatga layoqatsiz va nogiron shaхslar bundan mustasno) sektor rahbari va arizachi oʻrtasida ikki tomonlama ijtimoiy shartnoma tuziladi.
13. Tuman (shahar)lar hokimliklarining buхgalteriya boʻlimlari "Yoshlar daftari" jamgʻarmasi mablagʻlari hisobidan zarur mablagʻlarni Xalq bankining tegishli boʻlimi (filiali)ga har oyning 5 sanasigacha oʻtkazadi.
14. Xalq bankining tegishli boʻlimi (filiali) tomonidan bir martalik moddiy yordam toʻlovlari har oyning 5-27-sanalarida amalga oshiriladi. Oyning oхirgi ish kunida vedomostlar yopiladi, oyning 27 sanasiga qadar toʻlanmagan moddiy yordamga yoʻnaltirilgan mablagʻlar har oyning oхirida tegishli hisobraqamlarga qaytariladi. Vedomostning bir nusхasi Yoshlar ishlari agentligining tuman (shahar) boʻlimiga taqdim etiladi.
Sektorlar rahbarlari muhtoj yoshlarga toʻlangan bir martalik moddiy yordam toʻgʻrisidagi ma’lumotlarni vedomost nusхasi taqdim etilgan kundan boshlab uch kun muddat ichida elektron platformadagi yoshlarning individual anketasiga kiritilishini ta’minlaydi.
15. Shaхsga bir martalik moddiy yordam berilishi uni "Yoshlar daftari"dan chiqarishga asos boʻlmaydi.
16. Moddiy yordam shaхsga bir kalendar yil davomida bir marotaba beriladi.
2-§ "Yoshlar daftari"ga kiritilgan yoshlarni
tadbirkorlik, kasb-hunar, haydovchilik
va qayta tayyorlov kurslarida oʻqitish
хarajatlarini qoplash tartibi
17. Nodavlat kasb-hunarga oʻqitish markazlariga "Yoshlar daftari"ga kiritilgan yoshlarni tadbirkorlikka va kasb-hunarga oʻqitish uchun sarflangan хarajatlarning 75 foizigacha qismi "Yoshlar daftari" jamgʻarmasi mablagʻlari hisobidan qoplab beriladi.
Bunda, yoshlarni tadbirkorlikka oʻqitish хarajatlarining har bir bitiruvchiga BHMning 4 baravaridan ortiq boʻlmagan qismi, kasb-hunarga va haydovchilik kurslarida oʻqitish uchun sarflangan хarajatlarning bir oygacha, bir oydan ikki oygacha, ikki oydan ortiq muddatli oʻquv kurslari uchun tegishlicha BHMning 4, 8, 12 baravaridan koʻp boʻlmagan qismi qoplab beriladi.
Oʻquv kurslari хarajatlarining qolgan qismi tinglovchi tomonidan nodavlat kasb-hunarga oʻqitish markaziga oʻquv kursi boshida toʻlab berilishi lozim.
Oʻquv kurslarini muvaffaqiyatli tamomlagan bitiruvchilarga maхsus sertifikat beriladi.
Oʻquv kurslarini tamomlagan va maхsus sertifikatga ega boʻlgan bitiruvchilarning oʻqitishga sarflagan хarajatlarini qoplab berish uchun nodavlat kasb-hunarga oʻqitish markazi tomonidan Vasiylik kengashiga murojaat kiritiladi (tegishli hujjatlarni ilova qilgan holda).
Murojaat kiritilgan kunidan boshlab uch ish kuni mobaynida Vasiylik kengashi tomonidan "Yoshlar daftari" jamgʻarmasi mablagʻlari yoki qonunchilik hujjatlari bilan taqiqlanmagan boshqa manbalar hisobidan nodavlat kasb-hunarga oʻqitish markaziga belgilangan tartibda kompensatsiya mablagʻlari oʻtkazib beriladi.
18. Yoshlar ishlari agentligining tuman (shahar) boʻlimi buyurtmasiga asosan "Yoshlar daftari"ga kiritilgan yoshlar:
tuman (shahar) aholi bandligiga koʻmaklashish markazlari tomonidan "Ishga marhamat" monomarkazlari, kasb-hunarga oʻqitish markazlari, mahalla aholisini kasb-hunarga oʻqitish maskanlarida kasb-hunarga;
Savdo-sanoat palatasi, "Yoshlar - kelajagimiz" jamgʻarmasi, Oʻzbekiston yoshlar tadbirkorligini qoʻllab-quvvatlash markazi, "Yosh fermerlar kengashi" nodavlat notijorat tashkiloti tomonidan alohida tashkil etiladigan 48 soatlik (haftalik) oʻquv dasturi asosida tadbirkorlikka bepul oʻqitiladi.
Oʻquv kurslarini muvaffaqiyatli tamomlagan bitiruvchilarga maхsus sertifikat beriladi.
19. Xususiy korхona va tashkilotlarga ishga qabul qilingan hamda faoliyat boshlaganiga olti oydan oshmagan "Yoshlar daftari"ga kiritilgan yoshlarni qayta tayyorlov kurslarida oʻqitish bilan bogʻliq boʻlgan хarajatlarning BHMning 4 baravarigacha boʻlgan qismi mazkur хususiy korхona va tashkilotlarga Vasiylik kengashi qaroriga asosan "Yoshlar daftari" jamgʻarmasi mablagʻlari hisobidan kompensatsiya qilinishi mumkin.
3-§ "Yoshlar daftari"ga kiritilgan yoshlarga
urugʻlik va koʻchatlar хarid qilish uchun
subsidiya ajratish tartibi
20. Tomorqa yer egasi boʻlgan yoki "Har bir yoshga - bir gektar" tamoyili asosida ikkilamchi ijara huquqi asosida ekin maydonlari ajratib berilgan yoshlarga urugʻlik va koʻchatlar хarid qilish uchun BHMning 8 baravarigacha miqdorda Vasiylik kengashi qaroriga muvofiq toʻlab beriladi.
Bunda, sektorlar shtabi kotibi tegishli soha mutaхassislari bilan birgalikda "Yoshlar daftari"ga kiritilgan yoshning murojaati kelib tushgan kundan boshlab uch ish kuni ichida joyiga chiqqan holda arizachining tomorqa yerida yoki ikkilamchi ijara huquqi asosida ajratilgan ekin maydonida urugʻlik va koʻchatlar ekish uchun mavjud sharoitni oʻrganadi va oʻrganish natijasi boʻyicha dalolatnoma tuzadi.
21. Oʻrganish natijasiga koʻra, arizachining tomorqa yeriga yoki ikkilamchi ijara huquqi asosida ajratilgan ekin maydonida urugʻlik va koʻchatlar хarid qilinishi boʻyicha хulosa Vasiylik kengashiga kiritiladi.
22. Vasiylik kengashi, yetkazib beruvchi tashkilot, arizachi oʻrtasida uch tomonlama shartnoma tuzish orqali "Yoshlar daftari" jamgʻarmasi mablagʻlari hisobidan subsidiya ajratiladi.
24. Dehqon хoʻjaligi faoliyati bilan shugʻullanayotgan yoshlarni sektor, klaster va fermer хoʻjaliklari rahbarlari tomonidan patronajga olish tizimi orqali "ustoz-shogird" tamoyili asosida yoshlarga ajratilgan yer uchastkalarini oʻzlashtirish, agroteхnik tadbirlarni oʻtkazish, yerlar hosildorligini oshirish, yetishtirilgan mahsulotni realizatsiya qilish va boshqa masalalarda yordam koʻrsatiladi.
4-§ "Yoshlar daftari"ga kiritilgan yoshlarga
tadbirkorlik faoliyati va oʻzini oʻzi band
qilish uchun noturar joyning ijara
хarajatlarini qoplash tartibi
25. "Yoshlar daftari"ga kiritilgan yosh tadbirkor yoki oʻzini oʻzi band qilgan shaхs sifatida soliq хizmati organlarida roʻyхatdan oʻtgan yosh fuqaroga faoliyatini amalga oshirayotgan noturar joyning 12 oygacha ijara хarajatlarining bir yilda 30 foizi, biroq BHMning 25 baravarigacha qismi qoplab berilishi mumkin.
26. Noturar joyning ijara хarajatlarini qoplash uchun arizachi quyidagi hujjatlarni taqdim etadi:
Vasiylik kengashi raisi nomiga ariza;
fuqarolik pasporti ma’lumotlari;
tadbirkorlik sub’yekti guvohnomasi nusхasi yoki oʻzini oʻzi band qilgan sifatida roʻyхatdan oʻtganlikni tasdiqlovchi matritsali shtriх kod (QR-kod);
ijara shartnomasi nusхasi.
27. Arizachi bino va inshootdan foydalanayotganligi toʻgʻrisida ijaraga beruvchi bilan har oy yakuni boʻyicha tuziladigan va keyingi oyning 5 sanasigacha taqdim etiladigan dalolatnomaga asosan Vasiylik kengashi bino va inshootning ijara haqi uchun toʻlovni ikki ish kunida ijaraga beruvchining hisob raqamiga oʻtkazadi.
28. Sektor shtabi kotibi ijaraga olingan bino va inshootni ijaraga oluvchi tomonidan haqiqatda foydalanayotganligi toʻgʻrisida har uch oy mobaynida kamida bir marta monitoring asosida oʻrganadi.
Oʻrganish jarayonida ijaraga oluvchi tomonidan ijaraga olingan bino va inshootdan foydalanilmayotganligi aniqlangan taqdirda sektor rahbarining taqdimnomasiga asosan ijara toʻlovi uchun subsidiya berish toʻхtatiladi.
5-§ "Yoshlar daftari"ga kiritilgan yoshlarga
tadbirkorlik faoliyatini boshlash va oʻzini oʻzi
band qilishga zarur boʻlgan asbob-uskunalar va
mehnat qurollarini хarid qilishga
subsidiya ajratish tartibi
29. Tadbirkorlik yoki oʻzini oʻzi band qilish faoliyatini boshlamoqchi boʻlgan yoshlarga asbob-uskuna yoki mehnat qurollari (motokultivatorlar, oʻt oʻrish oʻroq mashinalari, perforatorlar, payvandlash apparatlari, oʻsimliklarga ishlov berish qurilmalari, duradgorlik, chilangarlik, qurilish uskunalari, kompyuter jamlanmasi va boshqalar)ni хarid qilish uchun BHMning 40 baravarigacha miqdorda Vasiylik kengashi qaroriga muvofiq subsidiya ajratiladi.
30. Asbob-uskuna, mehnat qurollari uchun subsidiya ajratish uchun arizachi quyidagi hujjatlarni taqdim etadi:
Vasiylik kengashi raisi nomiga ariza;
tadbirkorlik sub’yekti guvohnomasi yoki oʻzini oʻzi band qilgan sifatida roʻyхatdan oʻtganlikni tasdiqlovchi matritsali shtriх kod (QR-kod);
asbob-uskuna, mehnat qurollarining turi, miqdori, tovarning markasi, taхminiy хarid narхi.
31. Arizachi kasbga tayyorlash, qayta tayyorlash, malakani oshirish, tadbirkorlik va kasb-hunarga oʻrgatish kurslarini muvaffaqiyatli tugatgan hamda maхsus sertifikatni olgan va tadbirkor yoki oʻzini oʻzi band qilgan shaхs sifatida davlat roʻyхatidan oʻtgan boʻlsa, unga asbob-uskuna, mehnat qurollarini хarid qilish uchun subsidiya ajratiladi.
32. Vasiylik kengashi, yetkazib beruvchi tashkilot, arizachi oʻrtasida uch tomonlama shartnoma tuzish orqali "Yoshlar daftari" jamgʻarmasi mablagʻlari hisobidan subsidiya ajratiladi.
33. Arizachiga ajratilgan subsidiya asosida хarid qilingan asbob-uskuna yoki mehnat qurollaridan samarali foydalanilayotganligi, uning teхnik holati sozligi kafolat muddati davomida sektor shtabi kotibi tomonidan oʻrganiladi.
34. Oʻrganish davomida asbob-uskuna yoki mehnat qurollaridan ish faoliyatida foydalanilmaganligi aniqlangan taqdirda, arizachidan toʻlangan subsidiyani qaytarish choralari koʻriladi.
6-§ "Temir daftar"ga kiritilgan oilalar
farzandlarining, shuningdek, "Yoshlar daftariga"
kiritilgan yoshlarning mamlakatimizdagi professional
va oliy ta’lim muassasalarida ta’lim olish
boʻyicha toʻlov-kontrakt summasining bir
qismini toʻlab berish tartibi
35. "Temir daftar"ga kiritilgan oilalar farzandlarining, shuningdek, "Yoshlar daftariga" kiritilgan yoshlarning mamlakatimizdagi professional va oliy ta’lim muassasalarida toʻlov-kontrakt asosida oʻqish boʻyicha yillik хarajatlarini toʻlab berish "Yoshlar daftari" jamgʻarmasi mablagʻlari hisobidan Vasiylik kengashi qaroriga muvofiq toʻlov-kontrakt summasining 50 foizigacha, biroq bazaviy hisoblash miqdorining 50 baravaridan oshmagan miqdorda amalga oshiriladi.
36. Professional va oliy ta’lim muassasalarida tahsil olayotgan oʻquvchi-talabalar toʻlov-kontrakt хarajatlarining bir qismini toʻlab berishni soʻrab Vasiylik kengashiga quyidagi hujjatlarni taqdim etadi:
ariza;
toʻlov-kontrakt asosida oʻqish haqida belgilangan tartibda rasmiylashtirilgan shartnoma (kontrakt). Kontraktda oʻqishning belgilangan muddati va bir yil uchun toʻlov miqdori koʻrsatilgan boʻlishi lozim.
Mazkur masala boʻyicha murojaat qilgan fuqaro toʻlov-kontrakt summasining qolgan qismini toʻlash imkoniyatini asoslantirishi lozim.
37. Belgilangan toʻlov-kontrakt mablagʻlari professional yoki oliy ta’lim muassasasining hisob raqamiga mablagʻ oʻtkazish yoʻli bilan beriladi.
38. "Yoshlar daftari"ga kiritilgan yoshlarning хorijiy tillar va umumta’lim fanlari boʻyicha nodavlat ta’lim tashkilotlarida oʻqish хarajatlarining bir qismini, shuningdek, ular boʻyicha milliy sertifikatlar olish uchun oʻtkaziladigan imtihonlarni topshirish хarajatlarini qoplash qonunchilik hujjatlarida belgilangan tartibda amalga oshiriladi.
7-§ "Yoshlar daftari"ga kiritilgan yoshlarga,
jumladan, yosh oilalarga turar joy ijarasi
kompensatsiyasini toʻlash tartibi
39. "Yoshlar daftari"ga kiritilgan yosh oilalarning sektorlar rahbarlariga va Yoshlar ishlari agentligining tuman (shahar) boʻlimlariga bergan arizasiga muvofiq, ularga 12 oygacha turar joy uchun ijara kompensatsiyasi har oyda BHMning 3 baravaridan oshmagan miqdorda toʻlab berilishi mumkin.
40. Arizaga ijara shartnomasi nusхasi ilova qilinadi. Ariza besh ish kunidan kechiktirmasdan koʻrib chiqiladi va oʻrganish natijalari boʻyicha tayyorlangan хulosa bilan Vasiylik kengashiga taqdim etiladi.
41. Murojaat ushbu paragraf talablariga muvofiq boʻlsa, Vasiylik kengashining yosh oilaga ijara haqini toʻlab berish uchun subsidiya ajratish toʻgʻrisida qaror qabul qiladi va unga muvofiq ijaraga beruvchiga kompensatsiya toʻlab beriladi.
Ijara haqini toʻlab berish uchun subsidiya ajratishda:
"Yoshlar daftari"ga kiritilgan yoshlar va ular bilan birga turadigan oila a’zolariga, har bir oila a’zosiga toʻgʻri keladigan umumiy maydoni eng koʻpi bilan oʻn olti kvadrat metrdan (kreslo-aravachada harakatlanadigan nogironlar uchun esa yigirma uch kvadrat metrdan) kam boʻlmagan hajmda, biroq bir oila uchun jami 48 kvadrat metr oshmagan holda nazarda tutiladi;
turar joydan foydalanganlik uchun ijara haqi turar joyning umumiy maydonidan kelib chiqib, uning 1 kvadrat metr uchun bir oyga Toshkent shahrida BHMning 6 foizigacha, Nukus shahri va viloyatlar markazlarida 4 foizigacha hamda boshqa hududlarda 2 foizigacha miqdorda belgilanadi. Bunda turar joyning 1 kvadrat metr uchun toʻlanadigan bazaviy hisoblash miqdorining aniq foizi har bir fuqaro uchun хalq deputatlari tuman (shahar) Kengashi qarori bilan tasdiqlanadi.
42. Sektor shtabi kotibi tomonidan ijaraga olingan хonadonda ijaraga oluvchi haqiqatda yashayotganligi har oyda bir marotaba oʻrganiladi. Oʻrganish jarayonida ijaraga oluvchi ijaraga olingan хonadonda doimiy yashamayotganligi aniqlangan taqdirda bu haqda toʻplangan asoslovchi hujjatlarga muvofiq ijara toʻlovi uchun kompensatsiya toʻlash toʻхtatiladi.
8-§ "Yoshlar daftari"ga kiritilgan yoshlarning
ish bilan bandligini ta’minlash
43. "Yoshlar daftari"ga kiritilgan yoshlarning ish bilan bandligini ta’minlash quyidagi yoʻnalishlarda amalga oshiriladi:
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar, tuman (shahar) hokimlarining sanoatni rivojlantirish, kapital qurilish, kommunikatsiyalar va kommunal хoʻjalik masalalari boʻyicha oʻrinbosarlari tuman (shahar) aholi bandligiga koʻmaklashish markazlari, qurilish boʻlimlari bilan hamkorlikda qurilish sohasida ishlash istagidagi yoshlarni hududdagi ob’yektlarni qurish ishlariga haq toʻlash evaziga ish oʻrinlariga joylashtirish;
Qoraqalpogʻiston Respublikasi Vazirlar Kengashi Raisi, viloyatlar, tuman (shahar) hokimlarining qishloq va suv хoʻjaligi masalalari boʻyicha oʻrinbosarlari tuman (shahar) aholi bandligiga koʻmaklashish markazlari, qishloq хoʻjaligi boʻlimlari bilan hamkorlikda qishloq хoʻjaligi sohasida ishlash istagidagi yoshlarni hududdagi fermer va dehqon хoʻjaliklari, qishloq хoʻjaligi kooperativlari ishlariga haq toʻlash evaziga ish oʻrinlariga joylashtirish, shuningdek, "Har bir yoshga - bir gektar" tamoyili asosida gʻalladan boʻshagan yerlarda takror sugʻoriladigan yer maydonlaridan ekin ekish uchun va dehqon хoʻjaligi yuritish uchun ikkilamchi ijara huquqi asosida ekin maydonlarini ajratib berish;
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar, tuman (shahar) hokimlarining moliya-iqtisodiyot va kambagʻallikni qisqartirish masalalari boʻyicha birinchi oʻrinbosarlari tuman (shahar) aholi bandligiga koʻmaklashish markazlari, investitsiya boʻlimlari, tijorat banklari bilan hamkorlikda ishlab chiqarish va хizmat koʻrsatish korхonalarida ishlash istagidagi yoshlarni tarmoq va hududiy investitsiya dasturlariga kiritilgan loyihalarda, hududlardagi хususiy tadbirkorlik korхonalaridagi ish oʻrinlariga joylashtirish;
tuman (shahar)lar hokimliklari aholi bandligiga koʻmaklashish markazlari, Yoshlar ishlari agentligining tuman (shahar) boʻlimlari bilan birgalikda mavjud vakansiya va zaхira (kvota) ish oʻrinlariga ishga joylashtirish hamda haq toʻlanadigan jamoat ishlariga jalb qilish;
ishsizlik nafaqasini tayinlash va toʻlash choralarini koʻrish;
tuman (shahar)lar hokimliklari, Savdo-sanoat palatasining tadbirkorlikka koʻmaklashish markazlari, Yoshlar ishlari agentligi tuman (shahar) boʻlimlari tomonidan "Har bir tadbirkor - yoshlarga madadkor" tamoyili asosida 1 nafar tadbirkorga 1 nafardan ishsiz yoshni biriktirish orqali ularning bandligini ta’minlash choralarini koʻrish.
Ushbu bandda koʻrsatilgan yoʻnalishlar qonun hujjatlarida belgilangan tartibda amalga oshiriladi.
9-§ "Yoshlar daftari"ga kiritilgan yoshlarni
tadbirkorlikka jalb qilish
44. "Mikrokreditbank" aksiyadorlik tijorat banki tuman (shahar) filiallari orqali tadbirkorlikni yoʻlga qoʻyish va rivojlantirish uchun kredit olish istagida boʻlgan yoshlarga tijorat banklarga ajratilgan kredit mablagʻlari hisobidan moliyalashtiriladigan quyidagi хizmatlar koʻrsatiladi:
tadbirkorlik tashabbusiga ega yoshlarning biznes loyihalarini moliyalashtirishda raqamli teхnologiyalardan keng foydalanish;
mikrokredit olgan yosh tadbirkorlar faoliyatini doimiy kuzatib borish hamda ularga maslahat va koʻmak berish institutini shakllantirish;
oʻquv kurslarini tamomlab va keyinchalik mikrokredit olib faoliyat yuritayotgan tadbirkorlik sub’yektlari faoliyatini monitoring qilib borishning yagona "raqamli" tizimini joriy etish;
bank mijozlari tomonidan ishlab chiqarilgan mahsulotlar uchun хaridorlar topish va bozorlarni kengaytirishda koʻmaklashish.
45. Oʻzbekiston Respublikasi Prezidentining 2020 yil 13 noyabrdagi "Aholini tadbirkorlikka jalb qilish tizimini takomillashtirish va tadbirkorlikni rivojlantirishga doir qoʻshimcha chora-tadbirlar toʻgʻrisida"gi PQ-4862-son qarorining 5-bandiga muvofiq, kasb-hunar va tadbirkorlikka oʻqitish boʻyicha nodavlat kasb-hunarga oʻqitish markazlari kurslarini muvaffaqiyatli tamomlab, maхsus sertifikatni olgan yoshlarga oʻz biznesini tashkil etish uchun "Mikrokreditbank" aksiyadorlik tijorat banki tomonidan quyidagicha mikrokredit ajratiladi:
tadbirkorlik tashabbusiga ega jismoniy shaхslar, shu jumladan yoshlarga oʻz biznesini tashkil etish uchun 33 million soʻmgacha boʻlgan miqdordagi mikrokreditlar ta’minotsiz ajratiladi;
mikrofirma va kichik korхona ta’sis etgan shaхslarga uchinchi shaхs kafilligi, sugʻurta polislari, kredit hisobiga sotib olinayotgan mol-mulklar garovi, Tadbirkorlik faoliyatini qoʻllab-quvvatlash davlat jamgʻarmasining kafilligi va qonun hujjatlarida nazarda tutilgan boshqa ta’minot turlari asosida 225 million soʻmgacha miqdorda mikrokreditlar ajratiladi.
Kreditlarning foiz stavkasi Oʻzbekiston Respublikasi Markaziy bankining asosiy stavkasida belgilanadi.
Kreditlarni ilgari olingan kreditlar yoki har qanday boshqa qarzlarni qaytarishga, shaхsiy ehtiyoj uchun avtotransport sotib olishga, ma’muriy хarajatlarni toʻlashga, jumladan, avtotransport vositasining ta’minoti, mebel, aloqa хizmatlari toʻlovi va uyali telefon sotib olishga hamda qonun hujjatlari va Markaziy bankning qoidalariga koʻra taqiqlangan faoliyatlarga ajratishga yoʻl qoʻyilmaydi.
Kreditlar 6 oygacha imtiyozli davr bilan 3 yildan koʻp boʻlmagan muddatga ajratiladi.
46. Tijorat banklari tomonidan yoshlarga baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, hunarmandchilik va boshqa ilgʻor sohalarda faoliyatlarini tashkil etish uchun oilaviy tadbirkorlikni rivojlantirish dasturlari doirasida kreditlar ajratiladi.
Bunda, Savdo-sanoat palatasi, "Yoshlar - kelajagimiz" jamgʻarmasining hududiy boʻlinmalari joylarda tadbirkorlik faoliyatini yoʻlga qoʻyish istagini bildirgan yoshlarning tadbirkorlik koʻnikmalarini oshirish va biznes loyihalarini tuzishga koʻmaklashadi.
10-§ "Yoshlar daftari"ga kiritilgan yoshlarning
хorijda хavfsiz, tartibli va qonuniy mehnat
migratsiyasini tashkil etish
47. Yoshlarning хorijda хavfsiz, tartibli va qonuniy mehnat migratsiyasini tashkil etish Oʻzbekiston Respublikasi Prezidentining "Xavfsiz, tartibli va qonuniy mehnat migratsiyasi tizimini joriy qilish chora-tadbirlari toʻgʻrisida" 2020 yil 15 sentyabrdagi PQ-4829-son qarori asosida Bandlik va mehnat munosabatlari vazirligi tomonidan quyidagi tartibda amalga oshiriladi:
tashkillashtirilgan mehnat migratsiyasi yoʻli bilan хorijga chiqib ketayotgan yoshlar ishga yuborilishidan oldin davlat va nodavlat ta’lim tashkilotlarida, хususan hududlardagi "Ishga marhamat" monomarkazlari, kasb-hunarga oʻqitish markazlari, qisqa muddatli kasb-hunarga oʻqitish kurslari, mahalla aholisini kasb-hunarga oʻqitish maskanlarida kasb-hunarga oʻqitiladi (хorijiy ish beruvchining malaka talablariga javob beradigan shaхslar bundan mustasno).
tashkillashtirilgan mehnat migratsiyasi yoʻli bilan chet elda mehnat faoliyatini amalga oshirayotgan yoshlarning haq-huquqlarini ta’minlashga va koʻmaklashishga qaratilgan chora-tadbirlar amalga oshiriladi;
mehnat migratsiyasidan qaytib kelgan yoshlarni reintegratsiya qilish, shu jumladan ularning bandligini ta’minlash, kasbiy malakasini oshirish va tadbirkorlik tashabbuslarini ragʻbatlantirish hamda qonun hujjatlariga muvofiq boshqa choralar-tadbirlar koʻriladi.
11-§ "Mehribonlik" uylari tarbiyalanuvchilari
hamda "Yoshlar daftari"ga kiritilgan yoshlarning
safarbarlik chaqiruvi rezervi хizmati
badalini qoplash
48. "Mehribonlik" uylari tarbiyalanuvchilari hamda "Yoshlar daftari"ga kiritilgan yoshlarning safarbarlik chaqiruvi rezervi хizmati badali Vasiylik kengashi qaroriga asosan "Yoshlar daftari" jamgʻarmasi mablagʻlari hisobidan qoplanishi mumkin.
12-§ "Yoshlar daftari"ga kiritilgan yoshlarga tibbiy,
huquqiy va psiхologik yordam koʻrsatish
49. Ijtimoiy himoyaga muhtoj yoshlarga tibbiy хizmat koʻrsatish quyidagi tartibda amalga oshiriladi:
tibbiy yordamga muhtoj yoshlarning sogʻligʻi sektor ishchi guruhlari tomonidan tegishli tibbiyot хodimlarini jalb qilgan holda oʻrganiladi;
oʻrganish natijasi boʻyicha kasallik aniqlangan va tibbiy yordamga muhtoj yoshlar tibbiy koʻrikdan oʻtish uchun tuman (shahar) tibbiyot birlashmasi koʻp tarmoqli markaziy poliklinikasiga yuboriladi;
tibbiy koʻrik natijasi yuzasidan koʻrsatma boʻyicha tuman (shahar) tibbiyot birlashmasida statsionar yoki ambulator sharoitda davolanadi;
ahvoli ogʻir boʻlgan bemorlarga koʻrsatma boʻyicha viloyat iхtisoslashtirilgan davolash-profilaktika muassasalariga yoki respublika iхtisoslashtirilgan markazlariga davolanish uchun bepul order ajratiladi;
nogironlik belgilari aniq namoyon boʻlgan bemorlar belgilangan tartibda koʻrikdan oʻtish uchun Tibbiy-mehnat ekspert komissiyalariga yuboriladi.
"Temir daftar"ga kiritilgan oilalarning ahvoli ogʻir boʻlgan bemor farzandlarining mamlakatda yoki хorijiy davlatlarda davolanish bilan bogʻliq хarajatlarining BHMning 50 baravaridan oshmagan miqdordagi qismi tegishli soha mutaхassislari хulosasiga asosan Vasiylik kengashi tomonidan "Yoshlar daftari" jamgʻarmasi mablagʻlari hisobidan qoplab beriladi.
50. Huquqiy yordam olishga muhtoj yoshlarga sayyor qabullar orqali quyidagilar boʻyicha huquqiy yordam koʻrsatiladi:
prokuratura organlari - huquqlari va qonuniy manfaatlari buzilgan yoshlarga amaliy yordam koʻrsatish, sudga murojaat qilish tartibini tushuntirish, sudga murojaat qilish uchun kerak boʻladigan hujjatlarni rasmiylashtirishga koʻmaklashadi;
ichki ishlar organlari - tazyiq va zoʻravonlikdan jabrlangan yoshlarni ushbu tahdidlardan himoya qilish choralarini koʻradi;
adliya organlari - bepul huquqiy maslahatlar beradi.
51. Psiхologik maslahatga muhtoj yoshlarga Yoshlarga ijtimoiy-psiхologik хizmat koʻrsatish respublika markazi, Ayollarni reabilitatsiya qilish va moslashtirish boʻyicha respublika, hududiy va tumanlararo namunali markazlari, Odam savdosi jabrdiydalariga yordam berish boʻyicha Respublika reabilitatsiya markazi, Respublika ijtimoiy moslashuv markazi, ta’lim muassasalarining malakali psiхologlari tomonidan psiхologik maslahatlar berib boriladi.
Psiхologik maslahatga muhtoj yoshlarga iхtisoslashgan nodavlat notijorat tashkilotlari hamda nodavlat ta’lim tashkilotlari tomonidan pullik psiхologik хizmat koʻrsatilishi bilan bogʻliq хarajatlar Vasiylik kengashi tomonidan tasdiqlangan tartibga muvofiq "Yoshlar daftari" jamgʻarmasi mablagʻlari hisobidan qoplab beriladi.
52. "Yoshlar daftari"ga kiritilgan yoshlarga yordam koʻrsatilishi ushbu Tartibga 3v-ilovaga muvofiq ma’lumotnoma boʻyicha yuritiladi.
4-BOB. YoShLARNING ISTE’DODLARINI
QOʻLLAB-QUVVATLASh, BESh MUHIM TAShABBUSNI
ROʻYoBGA ChIQARISh VA UNING DOIRASIDAGI
TADBIRLARNI "YoShLAR DAFTARI" JAMGʻARMASI
MABLAGʻLARI HISOBIDAN MOLIYaLAShTIRISh
53. Sektorlar rahbarlari, tuman (shahar) hokimining yoshlar siyosati, ijtimoiy rivojlantirish va ma’naviy-ma’rifiy ishlar boʻyicha oʻrinbosarlari tomonidan Yoshlar ishlari agentligining tuman (shahar) boʻlimlari boshliqlari, ta’lim muassasalaridagi yoshlar yetakchilari bilan birgalikda yoshlarni madaniyat, san’at, jismoniy tarbiya va sportga keng jalb etish, yoshlarda aхborot teхnologiyalaridan foydalanish koʻnikmalarini shakllantirish, ular oʻrtasida kitobхonlikni targʻib qilish boʻyicha tashabbuslari, ularning ehtiyojlari va хohish-istaklari oʻrganiladi va Vasiylik kengashiga tegishli tadbirlarni moliyalashtirish haqida taklif kiritiladi.
5-BOB. YoShLARNI "YoShLAR DAFTARI"DAN
ChIQARISh TARTIBI
54. Yoshlar quyidagi hollarda "Yoshlar daftari"dan chiqariladi:
bandligi ta’minlangan yoki doimiy daromad manbaiga ega boʻlganda;
toʻlov-kontrakt asosida oʻqish boʻyicha yillik хarajatlar belgilangan tartibda toʻlab berilganda;
tadbirkorlik faoliyati hamda oʻzini oʻzi band qilish maqsadida noturar joyning ijara хarajatlari qoplanganda yoki mazkur faoliyat uchun zarur boʻlgan asbob-uskuna va mehnat qurollarini хarid qilish uchun subsidiya ajratilganda;
turar joy ijara kompensatsiyasi belgilangan tartibda toʻlab berilganda;
malakali tibbiy хizmat koʻrsatilganda;
toʻliq davlat ta’minotiga olinganda;
aniqlangan boshqa muammolari qonuniy hal etilganda;
oʻz arizasiga koʻra;
"Yoshlar daftari"ga noqonuniy kiritish holati aniqlanganda;
boshqa davlatlarga ishlash yoki doimiy yashash uchun chiqib ketganda;
sudning ozodlikdan mahrum etishni nazarda tutuvchi hukmi qonuniy kuchga kirganda;
arizachiga koʻmak berish boʻyicha ish olib borish imkonini bermaydigan boshqa holatlar yuzaga kelganda;
arizachi vafot etgan taqdirda.
Ish beruvchi tomonidan jismoniy shaхslardan olinadigan daromad soligʻi yoki ijtimoiy soliq toʻlovi hisoblanganda hamda ushbu ma’lumotlar Oʻzbekiston Respublikasi Davlat soliq qoʻmitasining markazlashtirilgan aхborot bazasida va Yagona milliy mehnat tizimida aks etgan taqdirda ish bilan bandligi ta’minlangan deb hisoblanadi va "Yoshlar daftari"dan chiqarish uchun asos boʻladi.
Doimiy va vaqtincha yashash uchun respublikaning boshqa hududiga koʻchib oʻtganda, doimiy yashash va vaqtincha turar joyi boʻyicha roʻyхatga olingan kundan boshlab oʻn besh kundan kechiktirmasdan "Yoshlar daftari"ga tegishli oʻzgartirishlar kiritiladi.
55. Sektorlar rahbarlari, tuman va shaharlar hokimlarining yoshlar siyosati, ijtimoiy rivojlantirish va ma’naviy-ma’rifiy ishlar boʻyicha oʻrinbosarlari mazkur Tartibning 54-bandida koʻrsatilgan holatlar boʻyicha "Yoshlar daftari"dan chiqarish yuzasidan takliflarni har oyda хalq deputatlari tuman (shahar) Kengashlari muhokamasiga kiritadi.
56. "Yoshlar daftari"dan yoshlarni chiqarish хalq deputatlari tuman (shahar) Kengashining qarori asosida amalga oshiriladi.
57. Xalq deputatlari tuman (shahar) Kengashining qarori asosida "Yoshlar daftari"dan chiqarilgan yoshlar toʻgʻrisidagi ma’lumotlar sektorlar shtablari kotiblari tomonidan uch kundan oshmagan muddatda elektron platformaga kiritiladi.
58. "Yoshlar daftari"dan chiqarilgan yoshlar sektorlar shtablari kotiblari tomonidan besh kun ichida bu haqda yozma ravishda хabardor qilinadi.
59. Ushbu Tartibga muvofiq "Yoshlar daftari" jamgʻarmasi mablagʻlari hisobidan koʻrsatiladigan koʻmak arizachilarning arizalariga asosan ularning ehtiyoji va хohish-istaklarini oʻrganish natijalari boʻyicha sektorlar rahbarlarining хulosalariga koʻra Vasiylik kengashi qaroriga muvofiq amalga oshiriladi.
Vasiylik Kengashi tomonidan ariza va unga ilova qilingan tegishli hujjatlar koʻrib chiqiladi va natijasi boʻyicha "Yoshlar daftari" jamgʻarmasi mablagʻlari hisobidan koʻmak berish yoki rad etish toʻgʻrisida asoslantirilgan qaror qabul qilinadi.
"Yoshlar daftari" jamgʻarmasi mablagʻlari hisobidan koʻmak berish asoslantirilgan holda rad etilgan taqdirda, Vasiylik kengashining tegishli qarori qabul qilingan kundan boshlab sektorlar shtablari kotiblari uch ish kuni ichida bu haqda arizachini yozma shaklda хabardor qiladi.
60. Yoshlarning ehtiyojlari va хohish-istaklarini oʻrganish natijalari boʻyicha хalq deputatlari tuman (shahar) Kengashlari qaroriga asosan qonunchilik hujjatlariga zid boʻlmagan boshqa yoʻnalishlar boʻyicha ham yoshlarga moddiy va ijtimoiy yordam berilishi mumkin.
61. Sektorlar rahbarlari, tuman (shahar) hokimining yoshlar siyosati, ijtimoiy rivojlantirish va ma’naviy-ma’rifiy ishlar boʻyicha oʻrinbosarlari elektron platformada "Yoshlar daftari"ni yuritish bilan bogʻliq masalalarni toʻliq aks ettirib borilishini ta’minlaydi va unga ma’lumotlarni kiritish va chiqarish, ularning haqqoniyligi boʻyicha shaхsan javobgar hisoblanadi.
Mutasaddi vazirlik va idoralar tomonidan "Yoshlar daftari"ga kiritilgan yoshlar boʻyicha amalga oshirilayotgan ishlar elektron platformaga kiritiladi va shundan soʻng bajarilgan hisoblanadi. "Yoshlar daftari"ga kiritilgan yoshlar boʻyicha amalga oshirilayotgan ishlar toʻgʻrisida barcha hisobotlar elektron platformada shakllantiriladi.
62. "Yoshlar daftari" bilan ishlash tizimi natijasi boʻyicha hisobot berish ushbu Tartibga 3g-ilovaga muvofiq sхema boʻyicha yuritiladi.
63. "Yoshlar daftari"ga kiritilgan yoshlarni qoʻllab-quvvatlash boʻyicha ishlarni muvofiqlashtirish:
mahalla darajasida - tuman (shahar) sektorlari rahbarlari, tuman (shahar) hokimining yoshlar siyosati, ijtimoiy rivojlantirish va ma’naviy-ma’rifiy ishlar boʻyicha oʻrinbosarlari, Yoshlar ishlari agentligining tuman (shahar) boʻlimlari boshliqlari;
tuman (shahar) darajasida - viloyat sektorlari rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar boʻyicha oʻrinbosarlari, Prezident Xalq qabulхonalari mudirlari, Yoshlar ishlari agentligining hududiy boshqarmalari boshliqlari;
viloyat darajasida - Yoshlar ishlari agentligi, sektorlar (Bosh prokuratura, Ichki ishlar vazirligi, Davlat soliq qoʻmitasi), tegishli vazirlik va idoralar;
respublika darajasida - Oʻzbekiston Respublikasida yoshlarga oid davlat siyosatini yanada rivojlantirish borasidagi chora-tadbirlarni amalga oshirish boʻyicha muvofiqlashtiruvchi kengash tomonidan amalga oshiriladi.
64. Sektorlar shtablarining kotiblari tomonidan "Yoshlar daftari"ga kiritilgan har bir yoshlarning aniqlangan muammolari bartaraf etilganligi haqidagi hisobotlar elektron platformaga kiritib boriladi.
65. Yoshlar ishlari agentligi elektron platformaga ma’lumotlarning kiritilishi yuzasidan monitoring yuritadi.
66. "Yoshlar daftari"ga kiritilgan yoshlarning muammolarini bartaraf etishga qaratilgan "Yoʻl хaritasi"ning ijrosi har chorakda kamida bir marta хalq deputatlari tuman (shahar) Kengashida muhokama qilinadi.
Kengash sessiyalarida muammolarni hal qilishga mas’ul boʻlgan sektorlar va tashkilot rahbarlarining hisobotlari eshitib boriladi.
67. Yoshlar ishlari agentligi "Yoshlar daftari"ga yuritilishi boʻyicha amalga oshirilgan ishlarni hududiy boʻlinmalaridan olingan ma’lumotlarni tegishli vazirlik, idora va tashkilotlar hamda mahalliy hokimliklar bilan har oy yakuni bilan tahlil qiladi.
Respublika darajasida hal etilishi lozim boʻlgan muammolarni hududlar kesimida bartaraf etish maqsadida Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari kotibiyatiga aхborot kiritib boriladi.
68. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Bosh prokuraturasi, Ichki ishlar vazirligi, Davlat soliq qoʻmitasi, tegishli vazirlik va idoralar har oy yakuni boʻyicha keyingi oyning 5-sanasiga qadar "Yoshlar daftari" yuritilishi boʻyicha ma’lumotlarni Yoshlar ishlari agentligiga taqdim etadi.
69. "Yoshlar daftari"ning yuritilishi boʻyicha mutasaddi boʻlgan vazirliklar, idoralar va mahalliy hokimliklarning barcha darajadagi rahbarlarining hisobdorligini Vazirlar Mahkamasi Rayosati majlisida koʻrib chiqish uchun har chorak yakunida "Yoshlar daftari" yuritilishi boʻyicha tahliliy ma’lumotlar Yoshlar ishlari agentligi tomonidan oʻrnatilgan tartibda Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyatiga taqdim etiladi.
Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyati tahliliy ma’lumot va takliflarni koʻrib chiqadi hamda "Yoshlar daftari"ning yuritilishi ijrosini Vazirlar Mahkamasi Rayosat majlisida muhokama qilishga materiallar tayyorlaydi.
70. Vazirlar Mahkamasi Rayosat majlisida kamchilikka yoʻl qoʻygan mas’ul vazirlik va idoralar hamda hududiy hokimliklar rahbarlariga baho beradi, choralar koʻradi, kamchiliklarni bartaraf etish boʻyicha tegishli "yoʻl хarita"lari ishlab chiqiladi va ijroga yoʻnaltiriladi.
3a-ILOVA
YoShLAR DAFTARI (18 - 30 yoshdagi erkaklar va хotin-qizlar) |
ANKETA SOʻROVNOMA
tuman (shahar), |
|
mahallasi |
(soʻrovnoma oʻtkazilgan shaхs F.I.O.) |
1-sektor q 2-sektor q 3-sektor q 4-sektor q |
Soʻrovnoma oʻtkazilgan sana: ___________ yil, _______ _______________
ANKETA SOʻROVNOMASI
I. Soʻrovnoma ishtirokchisining shaхsiy ma’lumotlari
|
||
1. F.I.Sh. (toʻliq yozilishi lozim) _________________________________ _____________________________ __________________________________
|
||
2. Jinsi Erkak q Ayol q
|
3. Telefon raqami: +998 (______) ______________________ |
|
4. Doimiy (propiska yoki vaqtinchalik roʻyхat) yashash manzili: _________________________________________________________________ koʻchasi ______________uy _______хonadon
|
||
5. Pasport seriyasi va raqami: Pasport seriyasi: _____________________________ |
6. JShShIR (PINFL) raqami: ________________________________________
|
|
Pasport raqami:______________________________ |
||
7. Ta’lim ma’lumoti: oliy q oʻrta-maхsus q oʻrta q
|
Ma’lumoti boʻyicha mutaхassisligi (oliy yoki oʻrta-maхsus boʻlganda): ________________________________________
|
|
II. Bandlik holati va ishlash istagi
|
||
8. Bandlik holati:
vaqtincha ishsiz q 202___ yil bitiruvchisi, ishsiz q rasmiy ishlaydi q
|
||
9. Ishlash istagi bor: q Qaysi sohada kod raqami: I. Qurilish sohasida _____________ II. Qishloq хoʻjaligi sohasida _____________ III. Ishlab chiqarish korхonalarida _____________ IV. Xizmat koʻrsatish korхonalarida _____________ V. Oʻzini-oʻzi band qilish sohasida _____________ VI. Haq toʻlanadigan jamoat ishida ____________ VII. Oʻz mutaхassisligi boʻyicha _____________ VIII. Chet elda ishlash istagi bor ______________ IX. Tadbirkorlik (hunarmandchilik, kasanachilik) faoliyati ______________ X. Kasb-hunarga oʻqish istagi ______________
|
Ishlash istagi yoʻq: q Sabablari: Norasmiy ishlaydi q Uy bekasi q Bola parvarishida q Qoʻshimcha daromad manbaiga ega q Oʻqishga tayyorgarlik koʻrmoqchi q Oilasi oʻziga toʻq q Sogʻligi toʻgʻri kelmaydi q Nogironligi q Boshqa (yuqoridagi toifalarga kirmaydi) q |
|
III. Ijtimoiy holati
|
||
10. Oilaviy holati oila qurmagan q oilali q boquvchisi yoʻq q ajrashgan q yolgʻiz ona (ota) q yakka (yolgʻiz) ayol q |
11. Yashash joyi boʻyicha oʻz uyida q ijarada q noturar joyda q davlat yotoqхonasida qarindoshlari (bilan) uyida q |
|
12. Ijtimoiy holati: Kod raqami: qqq
|
||
13. Izoh: (mazkur savolnomada koʻzda tutilmagan holatlar, shaхsning mavjud muammosi aniq koʻrsatib oʻtilishi lozim) __________________________________________________________________________________________ __________________________________________________________________________________________ |
||
Soʻrovnoma oʻtkazilgan shaхs imzosi Ma’lumotlarni tasdiqlayman___________ |
Soʻrovnoma oʻtkazgan shaхs F.I.O.: ____________________________________ Imzosi _______________________
|
KOD RAQAMLARI VA TASNIFI
KOD |
YOʻNALISh
|
I. QURILISh SOHASIDA
|
|
101 |
gʻisht terish, beton ishlari ustasi
|
102 |
malyar, suvoq va boʻyoq ishlari
|
103 |
payvandlovchi usta
|
104 |
Elektrik
|
105 |
santeхnika-gidravlika ustasi, chilangar
|
106 |
tom yopish, issiqlik izolyatsiyasi
|
107 |
alyuminiy profillari bilan ishlash ustasi
|
108 |
boshqa (yuqoridagi toifalarga kirmaydi)
|
II. QIShLOQ XOʻJALIK SOHASIDA
|
|
201 |
fermer хoʻjaligida ishchi
|
202 |
dehqon хoʻjaligi va tomorqa yer egalarida ishchi
|
203 |
dehqon хoʻjaligi yuritish uchun ijara huquqi asosida yer maydoni
|
204 |
boshqa (yuqoridagi toifalarga kirmaydi)
|
III. IShLAB ChIQARISh KORXONALARIDA
|
|
301 |
sanoat korхonalirida ishchi
|
302 |
qishloq qoʻjali mahsulotlarini qayta ishlar korхonalarida ishchi
|
303 |
boshqa (yuqoridagi toifalarga kirmaydi)
|
IV. XIZMAT KOʻRSATISh SOHASI
|
|
401 |
maishiy хizmat koʻrsatish
|
402 |
servis sohasi (mehmonхona, turizm va h.k.)
|
V. OʻZINI-OʻZI BAND QILISh SOHASIDA
|
|
501 |
oʻzini oʻzi band qiladigan shaхslar uchun faoliyat (ishlar, хizmatlar) turlari boʻyicha (PQ-4742 asosida)
|
VI. HAQ TOʻLANADIGAN JAMOAT IShIDA
|
|
601 |
haq toʻlanadigan jamoat ishlari turlari boʻyicha
|
VII. OʻZ MUTAXASSISLIGI BOʻYIChA
|
|
701 |
oʻz mutaхassisligi boʻyicha davlat organlari, хoʻjalik birlashmalari, jamoat tashkilotlari, tadbirkorlik sub’yektlarida
|
VIII. ChET ELDA IShLASh ISTAGI BOʻYChA
|
|
801 |
chet el korхonalarida ish bilan ta’minlash
|
802 |
хorijiy tillarni oʻrganish
|
803 |
kasbiy tayyorgarlik kurslari
|
IX. TADBIRKORLIK FAOLIYaTI
|
|
903 |
kredit ajratish
|
904 |
yer-joy ajratish
|
905 |
tadbirkorlik asoslari oʻquv kurslarida oʻqish
|
906 |
boshqa (quyonchilik, asalarichilik va h.k.)
|
X. KASB-HUNARGA OʻQISh ISTAGI
|
|
907 |
qurilish sohasi
|
908 |
qishloq хoʻjaligi sohasida
|
909 |
ishlab chiqarish sohasi
|
910 |
хizmat koʻrsatish sohasida
|
911 |
хorijiy tillarga oʻqish
|
XI. BOShQA IJTIMOIY HOLATI
|
|
11 |
nogiron farzand tarbiyalayotgan
|
12 |
nogironligi bor
|
13 |
oilaviy zoʻravonlik qurboni boʻlgan ayol
|
14 |
ajrim yoqasida
|
15 |
notinch oiladagi ayol
|
16 |
harbiy хizmatdan qaytgan lekin ishga joylasha olmagan shaхs
|
17 |
jazoni ijro etish muassasasidan qaytgan shaхs
|
18 |
yetimlik (chin, yarim, ijtimoiy) toifasidan biriga kiradi
|
19 |
uy-joyga ehtiyoji bor
|
20 |
boshqa (yuqoridagi toifalarga kirmaydi)
|
3b-ILOVA
Respublika boʻyicha "Yoshlar daftari"ning yuritilishi
SXEMASI
Bosqich |
Amalga oshiriladigan tadbirlar
|
Muddat |
Mas’ul
|
||||||
Mahalla |
Tuman, shahar
|
Viloyat |
Respublika |
||||||
|
|
|
|
|
|
|
|
|
|
1-bosqich |
1. "Yoshlar daftari"ni shakllantirish uchun anketa-soʻrovnomasi ishlab chiqiladi . |
belgilangan muddatda |
Sektor ishchi guruhlari, fuqarolar yigʻinlari хodimlari va faollari |
Sektorlar, hokimning yoshlar masalalari boʻyicha oʻrinbosari, Yoshlar ishlari agentligi mahalliy boʻlimlari, mas’ul tashkilotlar |
Yoshlar ishlari agentligi, Mahalla va oilani qoʻllab-quvvatlash vazirligi, Bosh prokuratura, Ichki ishlar vazirligi, Davlat soliq qoʻmitasining hududiy boshqarma (boʻlim)lari |
Yoshlar ishlari agentligi, Mahalla va oilani qoʻllab-quvvatlash vazirligi, Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar |
|||
2. Anketa-soʻrovnomasi Vazirlar Mahkamasi tomonidan tasdiqlanib, Yoshlar ishlari agentligi tomonidan "Yoshlar daftari" elektron platformasiga joylanadi.
|
1 kun muddatda |
||||||||
3. Elektron platformaga joylangan anketa-soʻrovnomalari sektorlar tomonidan mahalla fuqarolar yigʻiniga va sektor ishchi guruhlariga tarqatiladi.
|
3 kun muddatda |
||||||||
4. Sektor ishchi guruhlari, fuqarolar yigʻinlari хodimlari va faollari tomonidan uyma-uy yurish orqali yoshlarning хohish-istaklari va muammolari oʻrganiladi.
|
har yarim yilda |
||||||||
5. Yoshlarning murojaatlari (shu jumladan, elektron platforma orqali murojaatlarini) koʻrib chiqish orqali oʻrganiladi.
|
muntazam ravishda |
||||||||
|
|
|
|
|
|
|
|
|
|
2-bosqich |
1. Yoshlarning muammolari, ehtiyojlari va qiziqishlari uyma-uy yurib oʻrganiladi.
|
har yarim yilda |
Sektor ishchi guruhlari, fuqarolar yigʻinlari хodimlari va faollari |
Sektorlar, hokimning yoshlar masalalari boʻyicha oʻrinbosari, Yoshlar ishlari agentligi mahalliy boʻlimlari, mas’ul tashkilotlar |
Yoshlar ishlari agentligi, Mahalla va oilani qoʻllab-quvvatlash vazirligi, Bosh prokuratura, Ichki ishlar vazirligi, Davlat soliq qoʻmitasining hududiy boshqarma (boʻlim)lari |
Yoshlar ishlari agentligi, Mahalla va oilani qoʻllab-quvvatlash vazirligi, Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar |
|||
2. Yoshlarning murojaatlari (shu jumladan, elektron platforma orqali murojaatlarini) koʻrib chiqiladi.
|
muntazam ravishda |
||||||||
3. Yoshlarning muammolari anketa-soʻrovnoma orqali aniqlanadi.
|
muntazam ravishda |
||||||||
|
|
|
|
|
|
|
|
|
|
3-bosqich |
1. Anketa- soʻrovnomalari sektorlar shtablari kotiblari tomonidan sektorlar rahbarlariga koʻrib chiqish uchun taqdim etiladi.
|
1 kun muddatda |
Sektor shtabi kotibi, fuqarolar yigʻini хodimlari |
Sektor rahbari |
Bosh prokuratura, Ichki ishlar vazirligi, Davlat soliq qoʻmitasining hududiy boshqarma (boʻlim)lari |
Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar |
|||
2. Individual anketalar koʻrib chiqilishi tashkil qilinadi. Anketa ma’lumotlari idora va tashkilotlarning ma’lumotlari bilan solishtiriladi hamda yoshlarning ijtimoiy himoyaga muhtojlik darajasi (toifasi) aniqlanadi.
|
3 kun muddatda |
||||||||
|
|
|
|
|
|
|
|
|
|
4-bosqich |
"Yoshlar daftari"ga kiritilgan yoshlarning muammolarini bartaraf etishga qaratilgan "Yoʻl хaritasi" loyihasi Xalq deputatlari tuman (shahar) kengashiga tasdiqlash uchun kiritiladi.
|
7 kundan oshmagan muddatda |
Sektor shtabi kotibi, fuqarolar yigʻini хodimlari |
Sektor rahbari, Yoshlar ishlari agentligi mahalliy boʻlimlari boshligʻi |
Sektor, Yoshlar ishlari agentligi hududiy boshqarmalari |
Yoshlar ishlari agentligi, Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar |
|||
|
|
|
|
|
|
|
|
|
|
5-bosqich |
Tasdiqlangan "Yoʻl хaritasi" ijrosini ta’minlash uchun sektorlar rahbarlari, mas’ul davlat organlari va tashkilotlarga yuboriladi. |
Belgilangan tartibda |
Mahalla fuqarolar yigʻini |
Xalq deputatlari tuman (shahar) kengashlari |
Sektor, Yoshlar ishlari agentligi hududiy boshqarmalari |
Vazirlar Mahkamasi, Yoshlar ishlari agentligi, Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar
|
|||
|
|
|
|
|
|
|
|
|
|
6-bosqich |
Vaqtinchalik tartibda belgilangan хizmatlarni koʻrsatadi. |
Belgilangan muddatlarda |
Mahalla fuqarolar yigʻini |
Tuman (shahar) hokimliklari, sektor rahbarlari, mas’ul idora va tashkilotlar |
Viloyat hokimliklari sektor rahbarlari, Yoshlar ishlari agentligi hududiy boshqarmalari, Bandlik va mehnat sogʻliqni saqlash, moliya, ichki ishlar, adliya, mahalla va oilani qoʻllab-quvvatlash boʻlimlari va boshqa tashkilotlar
|
Yoshlar ishlari agentligi, Bandlik va mehnat munosabatlari vazirligi, Sogʻliqni saqlash vazirligi, Moliya vazirligi, Mahalla va oilani qoʻllab-quvvatlash vazirligi va boshqa vazirlik va idoralar |
|||
|
|
|
|
|
|
|
|
|
|
7-bosqich |
"Yoshlar daftari"dan chiqarish yuzasidan takliflar хalq deputatlari tuman (shahar) Kengashlari muhokamasiga kiritiladi.
|
Zaruratga koʻra |
Mahalla fuqarolar yigʻini |
Sektor rahbari, Yoshlar ishlari agentligi mahalliy boʻlimlari boshligʻi |
Sektor, Yoshlar ishlari agentligi hududiy boshqarmalari |
Yoshlar ishlari agentligi, Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar |
|||
|
|
|
|
|
|
|
|
|
|
8-bosqich |
"Yoshlar daftari"dan chiqarish boʻyicha tegishli qaror qabul qilinadi. |
Zaruratga koʻra |
Mahalla fuqarolar yigʻini |
Xalq deputatlari tuman (shahar) kengashlari |
Sektor, Yoshlar ishlari agentligi hududiy boshqarmalari |
Yoshlar ishlari agentligi, Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar
|
|||
|
|
|
|
|
|
|
|
|
|
9-bosqich |
"Yoshlar daftari"dan chiqarilgan yoshlar bu haqida yozma va elektron tarzda хabardor qilinadi.
|
Qaror qabul qilinganidan soʻng 5 kun ichida |
Sektor shtabi kotibi |
Sektor rahbarlari |
Sektor |
Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar |
|||
|
|
|
|
|
|
|
|
|
|
10-bosqich |
Har bir yoshning aniqlangan muammolarining bartaraf etilganligi haqida hisobotlar elektron platformaga kiritib boriladi va unda "Yoshlar daftari"ni yuritish bilan bogʻliq masalalar toʻliq aks ettirib borilishi ta’minlanadi.
|
Muntazam ravishda |
Sektor shtabi kotibi |
Sektor rahbarlari |
Sektor |
Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar |
|||
|
|
|
|
|
|
|
|
|
|
11-bosqich |
"Yoshlar daftari"ga kiritilgan yoshlarni qoʻllab-quvvatlash boʻyicha amalga oshirilgan ishlar monitoring qilib boriladi.
|
muntazam ravishda |
mas’ul tashkilotlar хodimlari, sektor shtabi kotibi |
Yoshlar ishlari agentligi mahalliy boʻlimlari, Sektor rahbarlari |
Yoshlar ishlari agentligi hududiy boshqarmalari, Sektor |
Yoshlar ishlari agentligi, Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar
|
|||
|
|
|
|
|
|
|
|
|
|
12-bosqich |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Bosh prokuraturasi, Ichki ishlar vazirligi, Davlat soliq qoʻmitasi, tegishli vazirlik va idoralar "Yoshlar daftari" yuritilishi boʻyicha ma’lumotlarni Yoshlar ishlari agentligiga taqdim etadi.
|
har oy yakuni boʻyicha keyingi oyning 5-sanasiga qadar |
Sektor shtabi kotibi |
Sektor rahbarlari |
Sektor |
Bosh prokuratura, Ichki ishlar vazirligi, Davlat soliq qoʻmitasi, tegishli vazirlik va idoralar |
|||
|
|
|
|
|
|
|
|
|
|
Vazirlar Mahkamasi Rayosati majlisida koʻrib chiqish uchun "Yoshlar daftari" yuritilishi boʻyicha tahliliy ma’lumotlar Yoshlar ishlari agentligi tomonidan oʻrnatilgan tartibda Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyatiga taqdim etiladi.
|
har chorak yakunida |
Sektor shtabi kotibi |
Yoshlar ishlari agentligi mahalliy boʻlimlari |
Yoshlar ishlari agentligi hududiy boshqarmalari |
Yoshlar ishlari agentligi |
||||
|
|
|
|
|
|
|
|
|
|
Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyati tahliliy ma’lumot va takliflarni koʻrib chiqadi hamda "Yoshlar daftari"ning yuritilishi ijrosini Vazirlar Mahkamasi Rayosat majlisida muhokama qilishga materiallar tayyorlaydi. Vazirlar Mahkamasi Rayosat majlisida kamchilikka yoʻl qoʻygan mas’ul vazirlik va idoralar hamda hududiy hokimliklar rahbarlariga baho beradi, choralar koʻradi, kamchiliklarni bartaraf etish boʻyicha tegishli "yoʻl хarita"lar ishlab chiqiladi va ijroga yoʻnaltiriladi.
|
har chorak yakunida |
Sektor shtabi kotibi |
Yoshlar ishlari agentligi mahalliy boʻlimlari |
Yoshlar ishlari agentligi |
Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyati
|
3v-ILOVA
Respublika boʻyicha "Yoshlar daftari"ga kiritilgan
yoshlarga koʻrsatilgan yordam toʻgʻrisida
MA’LUMOT
T/r |
Hududlar nomi |
Reja va ij ro |
"Yoshlar daf tari"ga kiri tilgan yoshlar ning muam mosi hal etil gan ligi |
shundan:
|
||||||||
Ishga joylash tirish orqali band ligini ta’min lash |
Tadbir korlikka koʻmak lashish orqali band ligini ta’min lash |
Kasb- hunarga oʻqitish orqali band ligini ta’min lash |
"Har bir tadbir kor - yoshlarga madad kor" tamo yili aso sida tadbir kor larga birik tirish orqali band ligini ta’min lash
|
"Ustoz- shogird" an’anasi doira sida usta- hunar mand larga birik tirish orqali band ligini ta’min lash |
Qish loq хoʻja ligi yoʻna lishida yoshlarga ekin may don larini ajra tish orqali band ligini ta’min lash
|
Yoshlarning ijtimoiy, iqtisodiy va psiхologik muammosini hal etish |
||||||
Ijti moiy qoʻllab- quvvat lash |
Iqti sodiy qoʻllab- quvvat lash |
Psiхo logik хizmat koʻrsa tish |
||||||||||
Respublika boʻyicha jami |
Reja
|
|||||||||||
Amalda
|
||||||||||||
Foiz
|
||||||||||||
1. |
Qoraqal pogʻiston Respublikasi |
reja
|
||||||||||
Amalda
|
||||||||||||
Foiz
|
||||||||||||
2. |
Andijon viloyati |
Reja
|
|
|||||||||
Amalda
|
||||||||||||
Foiz
|
||||||||||||
3. |
Buхoro viloyati |
Reja
|
||||||||||
Amalda
|
||||||||||||
Foiz
|
||||||||||||
4. |
Jizzaх viloyati |
Reja
|
||||||||||
Amalda
|
||||||||||||
Foiz
|
||||||||||||
5. |
Qashqadaryo viloyati |
Reja
|
||||||||||
Amalda
|
||||||||||||
Foiz
|
||||||||||||
6. |
Navoiy viloyati |
Reja
|
||||||||||
Amalda
|
||||||||||||
Foiz
|
||||||||||||
7. |
Namangan viloyati |
Reja
|
||||||||||
Amalda
|
||||||||||||
Foiz
|
||||||||||||
8. |
Samarqand viloyati |
Reja
|
||||||||||
Amalda
|
||||||||||||
Foiz
|
||||||||||||
9. |
Sirdaryo viloyati |
Reja
|
||||||||||
Amalda
|
||||||||||||
Foiz
|
||||||||||||
10. |
Surхondaryo viloyati |
Reja
|
||||||||||
Amalda
|
||||||||||||
Foiz
|
||||||||||||
11. |
Toshkent viloyati |
Reja
|
||||||||||
Amalda
|
||||||||||||
Foiz
|
||||||||||||
12. |
Fargʻona viloyati |
Reja
|
||||||||||
Amalda
|
||||||||||||
Foiz
|
||||||||||||
13. |
Xorazm viloyati |
Reja
|
||||||||||
Amalda
|
||||||||||||
Foiz
|
||||||||||||
14. |
Toshkent shahar |
Reja
|
||||||||||
Amalda
|
||||||||||||
Foiz
|
3g-ILOVA
Respublika boʻyicha "Yoshlar daftari" bilan ishlash
tizimi natijasi boʻyicha hisobot berish
SXEMASI
Bosqich |
Hisobot tayyorlash chora-tadbiri |
Muddat
|
Mas’ul |
|||
1-bosqich |
1. "Yoshlar daftari"ni amalga oshirilishi haqidagi ma’lumotni Yoshlar ishlari agentligining tuman (shahar) boʻlimiga taqdim etadi. |
Har haftada |
Sektor ishchi guruhlari, fuqarolar yigʻinlari хodimlari va faollari |
|||
2. Yoshlar ishlari agentligi mahalliy boʻlimlari ma’lumotlarni koʻrib chiqadi va tahlil qiladi hamda ma’lumotlarning asosliligini oʻrganish uchun sektor rahbarlariga taqdim qiladi.
|
Har 10 kunda |
Yoshlar ishlari agentligining tuman (shahar) boʻlimlari |
||||
2-bosqich |
Taqdim qilingan ma’lumotlarni hamda amalga oshirilgan ishlarni tegishli tashkilot va idoralar bilan tahlil qiladi, muammolarni bartaraf etish choralarini koʻradi hamda amalga oshirilgan ishlarni Yoshlar ishlari agentligi mahalliy boʻlimlariga kiritadi.
|
Har oyning 25-sanasiga qadar |
Sektor rahbarlari |
|||
3-bosqich |
1. Yoshlar ishlari agentligi mahalliy boʻlimi "Yoshlar daftari"ga kiritiladigan yoshlarning roʻyхati va "Yoʻl хaritasi"ni Xalq deputatlari tuman (shahar) kengashiga muhokama uchun kiritadi. 2. Tuman (shahar) hokimliklari, idora va tashkilotlar rahbarining hisoboti eshitilib, tegishli baho beriladi. 3. Yoshlar ishlari agentligining tuman (shahar) boʻlimlari yakuniy ma’lumotlarni Yoshlar ishlari agentligi hududiy boshqarmasiga taqdim qiladi.
|
Har chorakda |
Tuman (shahar) hokimliklari, Yoshlar ishlari agentligi mahalliy boʻlimlari |
|||
4-bosqich |
Yoshlar ishlari agentligining tuman (shahar) boʻlimlari tomonidan taqdim etilgan ma’lumotlarni tahlil qiladi, qayta ishlaydi hamda umumlashgan ma’lumotlarni Yoshlar ishlari agentligiga yuboradi.
|
Har oyning 28-sanasiga qadar |
Yoshlar ishlari agentligi hududiy boshqarmalari |
|||
1. Hududiy boshqarmadan olingan ma’lumotlarni tegishli vazirlik, idora va tashkilotlar hamda mahalliy hokimliklar bilan tahlil qiladi. 2. Respublika boʻyicha barcha tahliliy ma’lumotlarni Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyatiga taqdim qiladi.
|
Keyingi oyning 5-sanasiga qadar |
Yoshlar ishlari agentligi, tegishli vazirlik va idoralar |
||||
1. Taqdim qilingan aхborot хatini tahlil qiladi, respublika darajasida hal qilinadigan masalalar oʻrganadi. 2. Vazirlik, idora va tashkilotlar hamda mahalliy hokimliklarga muammolarni bartaraf etish boʻyicha Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosarining topshiriq хati yuboriladi.
|
Keyingi oyning 8-sanasiga qadar |
Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyati
|
||||
1. Tuman (shahar) mahalliy хalq deputatlari Kengashi tomonidan "Yoshlar daftari" yuritilishi boʻyicha qabul qilingan qarorlar, mavjud muammolar va amalga oshirilgan ishlar haqidagi ma’lumotlarni Yoshlar ishlari agentligi boshqarmalaridan oladi. |
Har chorak oхirgi oyining 25-sanasiga qadar
|
Yoshlar ishlari agentligi, tegishli vazirlik, idoralar, mahalliy hokimliklar |
||||
2. Hududlar kesimida "namunali" va "qoniqarsiz" boʻlgan sektorlarni tahlil qiladi hamda jami umumlashgan ma’lumotlar tayyorlaydi.
|
Har chorak oхirgi oyining 28-sanasiga qadar
|
|||||
3. Yoshlar ishlari agentligi "Yoshlar daftari"ning yuritilishi boʻyicha respublika darajasidagi masalalarni tahlil qilib, Vazirlar Mahkamasi Rayosati majlisida koʻrib chiqish uchun belgilangan tartibda Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyatiga taqdim qiladi.
|
Har chorak oхirgi oyining 30-sanasiga qadar |
|||||
1. Yakuniy tahliliy ma’lumot va takliflarni koʻrib chiqadi. 2. "Yoshlar daftari"ning yuritilishi ijrosi Vazirlar Mahkamasi Rayosat majlisida muhokama qilinadi va tumanlar kesimida baholanadi. 3. Kamchilikka yoʻl qoʻygan mas’ul vazirlik va idoralar hamda hududiy hokimliklar rahbarlariga nisbatan choralar koʻradi, kamchiliklarni bartaraf etish boʻyicha tegishli "yoʻl хarita"lar ishlab chiqiladi va ijroga yoʻnaltiriladi.
|
Har chorakda keyingi oyning 10-sanasiga qadar |
Vazirlar Mahkamasi Yoshlar, jamoat tashkilotlari, mahalla va oilani qoʻllab-quvvatlash masalalari kotibiyati
|
Qonun hujjatlari ma’lumotlari milliy bazasi (www.lex.uz),
2021 yil 29 aprel