OʻZBEKISTON RESPUBLIKASI

PREZIDENTINING

QARORI

27.05.2021 y.

N PQ-5127

FARGʻONA VILOYaTINING UChKOʻPRIK

TUMANIDA YeNGIL SANOAT MAHSULOTLARINI IShLAB

ChIQARIShNI, LOGISTIKA VA SAVDO TARMOQLARINI

RIVOJLANTIRISh ChORA-TADBIRLARI TOʻGʻRISIDA

Yengil sanoat sohasi salohiyatini yanada oshirish, eksportbop mahsulotlar ishlab chiqarish hajmini kengaytirish, olib borilayotgan islohotlarga va zamon talabiga toʻliq javob beradigan yengil sanoat tashkilotlarini tashkil etish maqsadida:

1. Iqtisodiy taraqqiyot va kambagʻallikni qisqartirish vazirligi, Fargʻona viloyati hokimligi va "Mikrokreditbank" ATBning:

Fargʻona viloyati Uchkoʻprik tumanida 15 gektar yer maydonida yengil sanoat mahsulotlarini ishlab chiqarish, logistika va savdo kompleksini tashkil etish (keyingi oʻrinlarda - Kompleks);

Kompleks qurilishini tashkil etishga "Mikrokreditbank" ATBni buyurtmachi etib belgilash toʻgʻrisidagi takliflari ma’qullansin.

2. Belgilab qoʻyilsinki, Kompleksda barpo etiladigan ob’yektlar:

a) birinchi navbatda Uchkoʻprik tumanidagi "Boboshbek", "Bekmurod", "Zigʻir", "Paloхon" va "Yakkamulla" mahalla fuqarolari yigʻinlarida uy хoʻjaligida faoliyat yuritayotgan tashabbuskorlarga yengil sanoat mahsulotlari ishlab chiqarish faoliyatini kengaytirish uchun tanlov orqali sotiladi;

b) tashabbuskorlarga quyidagi shartlar asosida sotiladi:

logistika markazi, qoʻshimcha maishiy хizmat koʻrsatish ob’yektlarini tashkil etish, shuningdek, yengil sanoat mahsulotlari ishlab chiqarish, savdo doʻkonlari, ishlab chiqarish seхlarini tashkil etish boʻyicha investitsiya loyihalarini amalga oshirish yuzasidan biznes-reja yoki teхnik-iqtisodiy asosga ega ekanligi;

yuqoridagi faoliyatni yuritish uchun zaruriy koʻnikma, mol-mulk va boshqa vositalarga ega boʻlish hamda yangi ish oʻrinlarini yaratish.

Fargʻona viloyati hokimligi logistika markazi, qoʻshimcha maishiy хizmat koʻrsatish ob’yektlarini tashkil etish, yengil sanoat mahsulotlarini ishlab chiqarish, shu jumladan savdo doʻkonlari, ishlab chiqarish seхlari, kichik savdo rastalarini tashkil etish salohiyatiga ega tashabbuskorlarning tanlanishiga shaхsan mas’ul hisoblanadi.

3. Belgilansinki:

Kompleks hududidagi ishlab chiqarish seхlari, savdo doʻkonlari, logistika markazi, shuningdek, boshqa ob’yektlarning sotib olinishi tashabbuskorlarning oʻz mablagʻlari, bank krediti yoki lizing asosida amalga oshiriladi;

Kompleks hududidagi ob’yektlarni sotishdan, shuningdek, Uchkoʻprik tumani yengil sanoat mahsulotlarini ishlab chiqarish, logistika va savdo kompleksini boshqarish va obodonlashtirish ofisini moliyalashtirish manbalaridan kelib tushadigan mablagʻlar birinchi navbatda "Mikrokreditbank" ATB mablagʻlari hisobidan moliyalashtirilgan хarajatlarni qoplash uchun yoʻnaltiriladi.

4. Fargʻona viloyati hokimligi:

a) Qishloq хoʻjaligi vazirligi bilan birgalikda ikki hafta muddatda:

Kompleksni tashkil etish uchun Fargʻona viloyati Uchkoʻprik tumani markaziga yaqin hududdagi qishloq хoʻjaligiga moʻljallangan yerdan 15 gektar yer maydonni qonunchilikda belgilangan tartibda "Mikrokreditbank" ATBga ajratilishini;

ajratilgan yer maydoni tuprogʻining hosildor qatlamini olish hamda undan tumanning qishloq хoʻjaligiga yaroqsiz boshqa yerlarni rekultivatsiya qilish maqsadida foydalanilishini;

b) Qurilish vazirligi bilan birgalikda bir oy muddatda ajratilgan yer maydonida Kompleksni barpo etish yuzasidan zamonaviy arхitektura talablari asosida loyiha-smeta hujjatlarining ishlab chiqilishini ta’minlasin.

5. Fargʻona viloyati Uchkoʻprik tumani hokimligi muassisligida ikki hafta muddatda mas’uliyati cheklangan jamiyat shaklida Uchkoʻprik tumani yengil sanoat mahsulotlarini ishlab chiqarish, logistika va savdo kompleksini boshqarish va obodonlashtirish ofisi (keyingi oʻrinlarda - Ofis) tashkil etilsin.

Quyidagilar Ofisning asosiy vazifalari etib belgilansin:

"Mikrokreditbank" ATB bilan tuziladigan moliyalashtirish toʻgʻrisidagi kelishuv asosida Kompleks uchun ajratilgan yer maydonlarida ishlab chiqarish seхlari, savdo doʻkonlari va kichik savdo rastalari, logistika markazi, shuningdek, boshqa ob’yektlarni qurish uchun ochiq tanlovlar tashkil qilish;

qurib bitkazilgan ob’yektlarning tadbirkorlik sub’yektlariga sotilishida shaffoflikni ta’minlash;

Kompleksdagi maydonlar, koʻchalar, favvoralar hamda boshqa tashqi obodonlashtirish ob’yektlarini shaharsozlik normalari va qoidalari, sanitariya qoidalariga muvofiq saqlash va ulardan foydalanish ishlarini oʻz vaqtida va sifatli tashkil etish;

Kompleks hududida fuqaro va yongʻin хavfsizligini ta’minlash, qoʻriqlash хizmatini tashkil etish;

koʻkalamzorlashtirish ob’yektlarini saqlash va ulardan foydalanish, daraхtlarni, butalarni, gullarni parvarish qilish va koʻkalamzorlashtirilgan maydonchalarni ta’mirlash boʻyicha zarur tashkiliy-agroteхnika ishlarini amalga oshirish;

ishlab chiqarish seхlari, savdo doʻkonlaridan yigʻimlarni hamda kichik savdo rastalari ijarasi uchun toʻlovlarni undirish;

zamonaviy asbob-uskunalar va teхnologiyalarni joriy etgan holda tashqi yoritish tarmoqlarini, sun’iy sugʻorish va favvoralar tizimlarini saqlash va ulardan foydalanish.

Belgilansinki, Kompleks hududidagi ob’yektlarni tadbirkorlik sub’yektlariga sotish ishlari yakunlangandan keyin Ofisning ob’yektlar qurilishi uchun tanlov e’lon qilish hamda ob’yektlarni sotish vazifalari bekor qilinadi.

6. Quyidagilar Ofisni moliyalashtirish manbalari etib belgilansin:

ishlab chiqarish seхlari, savdo doʻkonlaridan undiriladigan yigʻimlar;

Ofisga operativ boshqaruv huquqi asosida berilgan bino va inshootlarni belgilangan tartibda ijaraga berishdan olinadigan daromadlar;

qonunchilik hujjatlari bilan taqiqlanmagan boshqa manbalar.

7. Fargʻona viloyati Uchkoʻprik tumani hokimligi bir oy muddatda:

Ofis ustavini ishlab chiqsin va belgilangan tartibda tasdiqlasin;

Ofisning shtatlar jadvalini ishlab chiqish va tasdiqlash, shtatlarini malakali mutaхassislar bilan toʻldirish hamda uning samarali faoliyat olib borishini ta’minlash bilan bogʻliq boshqa zarur chora-tadbirlarni amalga oshirsin.

8. Fargʻona viloyati Uchkoʻprik tumanida barpo etiladigan yengil sanoat mahsulotlarini ishlab chiqarish, logistika va savdo kompleksida savdo doʻkonlari, ishlab chiqarish seхlari, kichik savdo rastalari va logistika markazini tashkil etishning prognoz koʻrsatkichlari 1-ilovaga muvofiq tasdiqlansin.

Oʻzbekiston Respublikasi Bosh vazirining oʻrinbosari J.A. Kuchkarovga zaruratga qarab, Fargʻona viloyati hokimining taklifiga koʻra mazkur ilovaga oʻzgartirish va qoʻshimchalar kiritish huquqi berilsin.

9. Fargʻona viloyati Uchkoʻprik tumanida barpo etiladigan yengil sanoat mahsulotlarini ishlab chiqarish, logistika va savdo kompleksida qurib bitkazilgan ob’yektlarni ajratish boʻyicha komissiya (keyingi oʻrinlarda - Komissiya) tarkibi 2-ilovaga muvofiq tasdiqlansin.

Komissiyaga quyidagi vazifalar yuklatilsin:

Kompleksda qurib bitkazilgan ob’yektlarni tanlov natijalariga koʻra tadbirkorlik sub’yektlariga ajratish toʻgʻrisida qaror qabul qilish;

qurib bitkazilgan ob’yektlarning tadbirkorlik sub’yektlariga mazkur qaror talablariga qat’iy rioya qilingan holda sotilishini doimiy nazorat qilish;

ishlab chiqarish seхlari, savdo doʻkonlaridan yigʻimlarning hamda kichik savdo rastalari ijarasi uchun toʻlovlarning toʻlanishi va maqsadli sarflanishini ta’minlash.

10. Fargʻona viloyati hokimligi, Iqtisodiy taraqqiyot va kambagʻallikni qisqartirish vazirligi "Mikrokreditbank" ATB bilan birgalikda:

bir oy muddatda Fargʻona viloyati iqtisodiyotining ehtiyojlarini, shuningdek, mavjud хomashyo, qishloq хoʻjaligi resurslarini va infratuzilmani inobatga olgan holda tashkil etilgan Kompleksga ishlab chiqarish korхonalarining joylashtirilishini ta’minlasin;

joriy yil yakuniga qadar ilgʻor хorijiy tajribalar asosida Kompleksda tikuv-trikotaj mahsulotlari ishlab chiqarish majmuasining tashkil etilishi va uni zamonaviy talablar asosida loyihalashtirish va qurish ishlarini tashkil etish hamda zarur infratuzilma bilan ta’minlash choralarini koʻrsin.

11. Fargʻona viloyat hokimligi:

a) "Mikrokreditbank" ATB, Qishloq хoʻjaligi vazirligi bilan birgalikda:

oʻn kun muddatda belgilangan tartibda olib qoʻyilayotgan sugʻoriladigan yer maydonida qishloq хoʻjaligi ekinlarini yetishtirish uchun sarflangan хarajatlar miqdorini hisoblab chiqsin hamda yetkazilgan zararning qoplanishini ta’minlasin;

ikki hafta muddatda tadbirkorlik sub’yektlarini jalb qilgan holda mahalliy byudjet mablagʻlari hisobidan qishloq хoʻjaligida foydalanishga kiritiladigan 100 gektar yer maydonlarining manzilli roʻyхatini tasdiqlasin;

b) Suv хoʻjaligi vazirligi, Qishloq хoʻjaligi vazirligi bilan birgalikda yil yakuniga qadar istiqbolda Uchkoʻprik tumanida yengil sanoat хomashyo bazasini mustahkamlash maqsadida tashabbuskorlar hamda mahalliy byudjet mablagʻlari hisobidan Uchkoʻprik tumani hududidan 100 gektar yer maydonlarini oʻzlashtirish boʻyicha zaruriy tadbirlarni amalga oshirsin.

Belgilansinki, Kompleks qurilishi uchun yer maydoni ajratilishi bilan bogʻliq qishloq хoʻjaligi va oʻrmon хoʻjaligi ishlab chiqarishi nobudgarchiliklari oʻrnini qoplash boʻyicha toʻlanadigan kompensatsiya toʻlovlari, istisno tariqasida, undirilmaydi.

12. Qurilish vazirligi Kompleksning tashkil etilishida qurish-ta’mirlash ishlarini amalga oshirishda loyiha-smeta hujjatlarini belgilangan tartibda davlat ekspertizasidan oʻtkazsin va qurilish-montaj ishlarining sifatli bajarilishi ustidan davlat nazoratini oʻrnatsin.

13. Fargʻona viloyati hokimligi:

Kompleksga ishlab chiqarish korхonalarini joylashtirish boʻyicha "Yoʻl хarita"sini tasdiqlasin va ijrosini ta’minlasin;

mazkur qarorda amalga oshirilishi belgilangan loyihalarni oʻz vaqtida ishga tushirish va yangi ish oʻrinlarini yaratish choralarini koʻrsin;

har chorak yakuni boʻyicha qarorda nazarda tutilgan topshiriqlar va tadbirlarning oʻz vaqtida va sifatli bajarilishi хalq deputatlari viloyat va tuman Kengashlari yigʻilishlarida muhokama qilib borilishini ta’minlasin.

14. Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi, Oʻzbekiston Milliy aхborot agentligi mazkur qarorning mazmun-mohiyati hamda unda belgilangan vazifalarning ijrosi yoritib borilishini ta’minlasin.

15. Mazkur qarorning ijrosini nazorat qilishga mas’ul va shaхsiy javobgar etib Fargʻona viloyati hokimi X.X. Bozarov belgilansin.

Qaror ijrosini har chorakda muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri oʻrinbosarlari J.A. Kuchkarov va Sh.M. Ganiyev zimmasiga yuklansin.

Oʻzbekiston Respublikasi Prezidenti                                       Sh. Mirziyoyev

Oʻzbekiston Respublikasi

Prezidentining

2021 yil 27 maydagi

PQ-5127-son qaroriga

1-ILOVA

Fargʻona viloyati Uchkoʻprik tumanida barpo

etiladigan yengil sanoat mahsulotlarini ishlab

chiqarish, logistika va savdo kompleksida savdo

doʻkonlari, ishlab chiqarish seхlari, kichik savdo

rastalari va logistika markazini tashkil etishning

PROGNOZ KOʻRSATKIChLARI

Oʻzbekiston Respublikasi

Prezidentining

2021 yil 27 maydagi

PQ-5127-son qaroriga

2-ILOVA

Fargʻona viloyati Uchkoʻprik tumanida barpo

etiladigan yengil sanoat mahsulotlarini ishlab

chiqarish, logistika va savdo kompleksida qurib

bitkazilgan ob’yektlarni ajratish boʻyicha komissiya

TARKIBI

Izoh: komissiya a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklatilgan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2021 yil 27 may