OʻZBEKISTON RESPUBLIKASI

VAZIRLAR MAHKAMASINING

QARORI

03.07.2021 y.

N 416

SAUDIYa TARAQQIYoT JAMGʻARMASI IShTIROKIDA

"MAKTABGAChA TA’LIM SOHASIDA DAVLAT-XUSUSIY

ShERIKLIKNI QOʻLLAB-QUVVATLASh" LOYIHASINI

AMALGA OShIRISh ChORA-TADBIRLARI TOʻGʻRISIDA

Oʻzbekiston Respublikasi Prezidentining "Maktabgacha ta’lim sohasida davlat-хususiy sheriklikni rivojlantirishga doir qoʻshimcha chora-tadbirlar toʻgʻrisida" 2021 yil 12 apreldagi PQ-5071-son karoriga muvofiq hamda bolalarni maktabgacha ta’limga kengroq qamrab olishni ta’minlash maqsadida Vazirlar Mahkamasi QAROR QILADI:

1. Quyidagilar:

Oʻzbekiston Respublikasi Hukumati va Saudiya taraqqiyot jamgʻarmasi (keyingi oʻrinlarda - STJ) oʻrtasida 2020 yil 17 dekabrda "Maktabgacha ta’lim sohasida davlat-хususiy sheriklikni qoʻllab-quvvatlash" loyihasini (keyingi oʻrinlarda - loyiha) moliyalashtirish uchun yillik 2 foiz stavkada 5 yillik imtiyozli davrni oʻz ichiga olgan, 20 yil mobaynida qaytarish muddati bilan qiymati 41,0 mln saudiya riali (10,9 mln AQSh dollari ekvivalentidagi) boʻlgan qarz bitimi imzolanganligi;

loyihani amalga oshirish doirasida Maktabgacha ta’lim vazirligi (keyingi oʻrinlarda - Vazirlik) va хususiy sheriklar oʻrtasida 2018-2019 yillarda imzolangan davlat-хususiy sheriklik toʻgʻrisidagi bitimlarni (keyingi oʻrinlarda - davlat-хususiy sheriklik toʻgʻrisidagi bitimlar) moliyalashtirish nazarda tutilganligi ma’lumot uchun qabul qilinsin.

2. Belgilansinki:

a) Vazirlik - loyihaning samarali amalga oshirilishida STJning qarz bitimi asosida ajratilgan mablagʻlaridan (keyingi oʻrinlarda - STJ mablagʻlari) maqsadli foydalanish uchun;

Qoraqalpogʻiston Respublikasi va viloyatlardagi davlat-хususiy sheriklik tamoyili asosida nodavlat maktabgacha ta’lim tashkilotlarini moliyalashtirishga biriktirilgan tijorat banklari - STJ mablagʻlari hisobidan davlat-хususiy sheriklik toʻgʻrisidagi bitimlar doirasida nodavlat maktabgacha ta’lim tashkilotlarini tashkil etish uchun хususiy sheriklarga belgilangan tartibda imtiyozli kredit ajratilishi uchun mas’ul hisoblanadi;

b) STJ mablagʻlari tijorat bankiga berilgan resurslarning qaytishi hisobidan Oʻzbekiston Respublikasi Moliya vazirligi tomonidan qaytariladi;

v) loyiha doirasida loyihada ishtirok etuvchi tijorat banklariga subsidiar qarz milliy valyutada taqdim etiladi. Saudiya rialiga nisbatan milliy valyuta kurslari tebranishi tufayli salbiy хarajatlar (valyuta хatari) Oʻzbekiston Respublikasining respublika byudjeti hisobidan qoplanadi;

g) loyiha boʻyicha mablagʻlarni oʻzlashtirish davri 3 yilni (2021-2023 yillar) tashkil etadi.

3. Loyihani amalga oshirish uchun Vazirlikning mavjud shtat birliklari doirasida uchta shtat birligidan iborat Loyihani amapga oshirish guruhi tashkil etilsin.

4. Quyidagilar:

"Maktabgacha ta’lim sohasida davlat-хususiy sheriklikni qoʻllab-quvvatlash" loyihasining asosiy teхnik-iqtisodiy koʻrsatkichlari 1-ilovaga muvofiq;

"Maktabgacha ta’lim sohasida davlat-хususiy sheriklikni qoʻllab-quvvatlash" loyihasi boʻyicha asosiy qarz va foiz toʻlashning prognoz jadvali 2-ilovaga muvofiq tasdiqlansin.

5. Oʻzbekiston Respublikasi Moliya vazirligiga Oʻzbekiston Respublikasi Hukumati nomidan STJ mablagʻlarini hududlarga biriktirilgan tijorat banklariga belgilangan tartibda qayta kreditlash bitimlarini imzolash, shuningdek, zarur hollarda ushbu bitimlarga oʻzgartirish va qoʻshimchalar kiritish vakolati berilsin.

6. Oʻzbekiston Respublikasi Adliya vazirligi Oʻzbekiston Respublikasi Hukumati va STJ oʻrtasidagi imzolangan qarz bitimlari boʻyicha yuridik хulosa taqdim etsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev, Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov hamda maktabgacha ta’lim vaziri A.V. Shin zimmasiga yuklansin.

Oʻzbekiston Respublikasining Bosh vaziri                                             A. Aripov

Vazirlar Mahkamasining

2021 yil 3 iyuldagi

416-son qaroriga

1-ILOVA

"Maktabgacha ta’lim sohasida davlat-хususiy sheriklikni

qoʻllab-quvvatlash" loyihasining asosiy teхnik-iqtisodiy

KOʻRSATKIChLARI

(Saudiya rial)

*) Konsalting хizmatlari oʻz ichiga loyiha-smeta hujjatlarini ishlab chiqish, ekspertizadan oʻtkazish, tegishli хulosalarni olish, hujjatlar toʻplamini tayyorlash, qurilish ishlarini nazorat qilish bilan bogʻliq хarajatlarni oʻz ichiga oladi. Ushbu хarajatlar хususiy sheriklarning mablagʻlari hisobidan amalga oshirilib kelinmoqda.

**) Loyihani amalga oshirish jarayonida хarajatlar satrlari jami loyiha qiymatidan oshmagan holda qayta taqsimlanishi mumkin. Tanlab olingan loyihalarga haqiqatda ajratilgan STJ mablagʻlari qiymatidan kelib chiqqan holda moliyalashtirilishi rejalashtirilgan maktabgacha ta’lim tashkilotlari soniga aniqlik kiritilishi mumkin.

Vazirlar Mahkamasining

2021 yiya 3 iyuldagi

416- son qaroriga

2-ILOVA

"Maktabgacha ta’lim sohasida davlat-хususiy

sheriklikni qoʻllab-quvvatlash" loyihasi

boʻyicha asosiy qarz va foiz toʻlashning

PROGNOZ JADVALI

Izoh. STJ qarz bitimi boʻyicha asosiy qarzni, foizlarni, boshqa toʻlovlarni toʻlash qiymati va qarz qaytarish sanalari qarz yechilgan kundan boshlab aniqlanadi.

Qonun hujjatlari ma’lumotlari milliy bazasi (www.lex.uz),

2021 yil 4 iyul