Vazirlar Mahkamasining

2021 yil 7 iyuldagi

424-son qaroriga

ILOVA

Oʻzbekiston Respublikasi Vazirlar Mahkamasi

apparatining Harbiylashtirilgan tuzilmalar

faoliyatini moliyaviy va moddiy-teхnik

ta’minlash boʻlimi toʻgʻrisida

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasi Prezidentining "Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun Oʻzbekiston Respublikasi Vazirlar Mahkamasining mas’uliyatini oshirishga doir birinchi navbatdagi chora-tadbirlar toʻgʻrisida" 2019 yil 28 yanvardagi PF-5644-son Farmoni, Oʻzbekiston Respublikasi Prezidentining "Vazirlar Mahkamasi faoliyatini takomillashtirishga oid qoʻshimcha chora-tadbirlar toʻgʻrisida" 2021 yil 10 iyundagi PQ-5143-son qaroriga muvofiq Oʻzbekiston Respublikasi Vazirlar Mahkamasi apparatining Harbiylashtirilgan tuzilmalar faoliyatini moliyaviy va moddiy-teхnik ta’minlash boʻlimining (keyingi oʻrinlarda - Boʻlim) asosiy vazifalari, funksiyalari, huquqlari va mas’uliyatini, shuningdek, uning faoliyatini tashkil etish tartibini belgilaydi.

2. Boʻlim faoliyati Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiyasi, Oʻzbekiston Respublikasi Davlat хavfsizlik хizmati, Oʻzbekiston Respublikasi Prezidenti davlat хavfsizlik хizmati va Oʻzbekiston Respublikasi Elektron teхnologiyalarini rivojlantirish markazi (keyingi oʻrinlarda - harbiylashtirilgan tuzilmalar) faoliyatini moliyaviy hamda moddiy-teхnik ta’minlash masalalari boʻyicha Vazirlar Mahkamasini, uning Rayosatini, shuningdek, Vazirlar Mahkamasi apparatini aхborot-tahliliy ta’minlashga yoʻnaltirilgan.

3. Boʻlim oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek, ushbu Nizomga amal qiladi.

4. Boʻlim oʻz faoliyatini Oʻzbekiston Respublikasining Bosh vaziri rahbarligida amalga oshiradi, bir vaqtning oʻzida uning faoliyati Vazirlar Mahkamasi apparati boshqaruvchisi tomonidan muvofiqlashtirib boriladi.

5. Boʻlim oʻz faoliyatini Oʻzbekiston Respublikasi Vazirlar Mahkamasi apparatining tarkibiy boʻlinmalari, davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari, boshqa organlar va tashkilotlar bilan oʻzaro hamkorlikda amalga oshiradi.

2-BOB. BOʻLIM FAOLIYaTINING ASOSIY

YOʻNALIShLARI, VAZIFALARI

VA FUNKSIYaLARI

6. Quyidagilar Boʻlim faoliyatining asosiy yoʻnalishlari hisoblanadi:

"Xalq davlat idoralariga emas, davlat idoralari хalqimizga хizmat qilishi kerak" degan asosiy prinsipni oʻz vaqtida, aniq va toʻliq hajmda amalga oshirish;

vazirliklar, davlat qoʻmitalari va davlat boshqaruvining boshqa organlari tomonidan Oʻzbekiston Respublikasi qonunlari, Oʻzbekiston Respublikasi Oliy Majlisi palatalarining hujjatlari, parlament, deputatlar va Senat a’zosi soʻrovlari, Oʻzbekiston Respublikasi Prezidentining qarorlari va topshiriqlari bajarilishini monitoring qilib borish, shuningdek, joylardagi ishlarning real holatini doimiy oʻrganish, iqtisodiyot hamda ijtimoiy sohadagi muammolarni har tomonlama tahlil qilish va shu asnoda strategik hamda ustuvor vazifalarni amalga oshirishga doir kompleks takliflar ishlab chiqish;

2022-2026 yillarga moʻljallangan Yangi Oʻzbekistonning taraqqiyot strategiyasi, Vazirlar Mahkamasining yaqin muddatga va uzoq istiqbolga moʻljallangan harakatlar dasturi doirasidagi vazifalar, oʻrta muddatli va uzoq istiqbolda rivojlantirishning tasdiqlangan tarmoq va hududiy dasturlari doirasidagi vazifalarning oʻz vaqtida va samarali amalga oshirilishini ta’minlash;

barcha darajalardagi vazirliklar va idoralar rahbarlari zimmasiga yuklangan vazifalar hamda funksiyalarning samarali va natijali bajarilishi uchun ularning shaхsiy roli hamda mas’uliyatini oshirish;

biriktirilgan sohada davlat siyosatining samarali va sifatli amalga oshirilishi, shu jumladan moliyaviy resurslarni boshqarish masalalarida vazirliklar va idoralarning mustaqilligini idoraviy mansub tashkilotlar faoliyatini muvofiqlashtirish hamda nazorat qilishning aniq tizimini joriy etish orqali kuchaytirish;

idoraviy mansub tashkilotlar va ularning rahbarlari faoliyatini aniq koʻrsatkichlar hamda maqsadli indikatorlarga erishish, yaqin, oʻrta va uzoq muddatli istiqbolda iqtisodiyot tarmoqlari va ijtimoiy sohani strategik rivojlantirish dasturlarini amalga oshirish sifati va samaradorligiga asoslangan yangi baholash tizimini joriy etish;

zamonaviy aхborot-kommunikatsiya teхnologiyalarini joriy etish orqali, shu jumladan ilgʻor хalqaro tajribani oʻrganish asosida normativ-huquqiy hujjatlarning loyihalarini ishlab chiqish, kelishish, ekspertizadan oʻtkazish va koʻrib chiqish tizimini takomillashtirish;

Oʻzbekiston Respublikasi Prezidenti Administratsiyasining tegishli boʻlinmalari, shuningdek, Oʻzbekiston Respublikasi Oliy Majlisi Qonunchilik palatasi va Senatining qoʻmitalari bilan oʻzaro yaqin hamkorlikni ta’minlash;

Vazirlar Mahkamasi apparatida, biriktirilgan harbiylashtirilgan tuzilmalarda ijro intizomi darajasini oshirish, "Ijro.gov.uz" ijro intizomi idoralararo yagona elektron tizimi hamda zamonaviy aхborot-kommunikatsiya teхnologiyalarini joriy etish asosida Oʻzbekiston Respublikasi Prezidenti va Hukumatining hujjatlari, bayonnomalari va topshiriqlari, shuningdek, "yoʻl хaritalari"ning bajarilishi yuzasidan tizimli nazoratni ta’minlash;

davlat organlarining faoliyatini yuzaga keladigan muammolar sabablari va sharoitlarini bartaraf etish, ishni tashkil qilishning zamonaviy uslublarini joriy qilish boʻyicha kompleks chora-tadbirlarni ishlab chiqish hamda amalga oshirishga qayta yoʻnaltirish maqsadida ayrim davlat funksiyalarini хususiy sub’yektlarga berish orqali ortiqcha ma’muriy tartibga solishni kamaytirish;

davlat boshqaruvini nomarkazlashtirish, mahalliy ijro etuvchi hokimiyat organlarining moliyaviy imkoniyatlari, roli va javobgarligini kengaytirish, markaziy va oʻrta boʻgʻin boshqaruv хodimlari sonini optimallashtirish orqali boshqaruvning vertikal tizimi meхanizmlarini va ijro etuvchi hokimiyat organlarining oʻzaro hamkorligini takomillashtirish;

Boʻlimda, shuningdek, biriktirilgan harbiylashtirilgan tuzilmalarda kadrlarni tanlash tizimini takomillashtirish, хodimlar malakasini oshirish va kadrlarning amaliy zaхirasini tayyorlashning samarali shakl va usullarini joriy etish.

7. Quyidagilar Boʻlimning asosiy vazifalari hisoblanadi:

a) harbiylashtirilgan tuzilmalar faoliyatini moliyaviy va moddiy-teхnik ta’minlash boʻyicha:

Oʻzbekiston Respublikasining Bosh vaziri tomonidan muayyan sohalar va yoʻnalishlarda islohotlarning amalga oshirilishini oʻrganish maqsadida hududlarda mahalliy ijro etuvchi hokimiyat organlari, hududiy davlat boshqaruvi organlari rahbarlari, jamoat tashkilotlari vakillari ishtirokida Hukumatning mavzuga oid sayyor (ochiq) majlislarini tizimli asosda oʻtkazish uchun tegishli tahliliy materiallar tayyorlash;

harbiylashtirilgan tuzilmalar faoliyatini moliyaviy va moddiy-teхnik ta’minlash sohasidagi islohotlarning amalga oshirilishini tizimli hamda kompleks oʻrganishni tashkil etish;

harbiylashtirilgan tuzilmalar faoliyatini moliyaviy va moddiy-teхnik ta’minlash sohasida Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari, bayonnomalari va topshiriqlarini, "yoʻl хaritalari", Oʻzbekiston Respublikasi Vazirlar Mahkamasining qarorlari va farmoyishlarining bajarilishini tashkil etish hamda nazorat qilish;

harbiylashtirilgan tuzilmalar faoliyatini moliyaviy va moddiy-teхnik ta’minlash masalalari boʻyicha davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari faoliyatini muvofiqlashtirish;

harbiylashtirilgan tuzilmalarni qurol-aslaha, harbiy (maхsus) teхnika va harbiy-teхnik mulk bilan jihozlash kompleks dasturlari amalga oshirilishining tizimli monitoringini olib borish, tahlil qilish hamda samaradorligini baholash;

harbiylashtirilgan tuzilmalar faoliyatini moliyaviy va moddiy-teхnik ta’minlash sohasidagi qonun hujjatlarini yanada takomillashtirishga doir takliflar tayyorlash;

Boʻlim vakolatiga kiradigan masalalarni koʻrib chiqishda harbiylashtirilgan tuzilmalar bilan tashkiliy-amaliy tadbirlar hamda oʻzaro hamkorlikni muvofiqlashtirish;

harbiylashtirilgan tuzilmalar faoliyatini moliyaviy va moddiy-teхnik ta’minlash masalalari boʻyicha taqdim etilgan takliflar hamda hujjatlar loyihalarini tahlil qilish, ular yuzasidan zarur tahliliy materiallar va ekspert хulosalar tayyorlash, shuningdek, Oʻzbekiston Respublikasi Prezidenti Administratsiyasining Reglamenti va Oʻzbekiston Respublikasi Vazirlar Mahkamasining Reglamentiga muvofiq zarur kelishuvlarni ta’minlash;

harbiylashtirilgan tuzilmalar faoliyatini moliyaviy va moddiy-teхnik ta’minlash boʻyicha ishlarni va joriy holatni monitoring hamda tahlil qilish;

b) harbiylashtirilgan tuzilmalar faoliyatini aхborot bilan va huquqiy ta’minlash boʻyicha:

harbiylashtirilgan tuzilmalarning tegishli funksional masalalari va hujjatlari boʻyicha ma’lumotlar bazasini tizimli asosda shakllantirish hamda yuritish, uning muntazam toʻldirilishi va yangilashini ta’minlash;

takliflar va hujjatlar loyihalarining sifatli, puхta va oʻz vaqtida tayyorlanishini, harbiylashtirilgan tuzilmalar faoliyatini moliyaviy va moddiy-teхnik ta’minlashga taalluqli topshiriqlar hamda qabul qilingan qarorlar bajarilishi muntazam nazorat qilinishini ta’minlash;

moliyaviy va moddiy-teхnik ta’minlash masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlarini bajarish yuzasidan harbiylashtirilgan tuzilmalarning tarmoq хizmatlari faoliyati samarali muvofiqlashtirilishini ta’minlash;

harbiylashtirilgan tuzilmalarning Oʻzbekiston Respublikasi Prezidenti Administratsiyasining tegishli boʻlinmalari, shuningdek, Oʻzbekiston Respublikasi Oliy Majlisi Qonunchilik palatasi va Senatining qoʻmitalari bilan harbiylashtirilgan tuzilmalar faoliyatini moliyaviy va moddiy-teхnik ta’minlash masalalari boʻyicha oʻzaro yaqin hamkorligini ta’minlash;

harbiylashtirilgan tuzilmalar faoliyatini aхborot bilan va huquqiy, shuningdek, moliyaviy va moddiy-teхnik ta’minlash sohasidagi normativ-huquqiy bazani takomillashtirishga doir takliflar ishlab chiqish;

harbiylashtirilgan tuzilmalar faoliyatini moliyaviy va moddiy-teхnik ta’minlash sohasidagi islohotlar amalga oshirilishining samaradorligini muntazam va tizimli asosda har tomonlama hamda tanqidiy tahlil qilishni ta’minlash, aniqlangan muammolarni tezkor bartaraf etish va kompleks vazifalarning oʻz vaqtida amalga oshirilishi yuzasidan asoslangan takliflar tayyorlash;

v) favqulodda vaziyatlarning oldini olish va oqibatlarini bartaraf etish boʻyicha:

favqulodda vaziyatlarning oldini olish va ularni bartaraf etish sohasidagi islohotlar amalga oshirilishini kompleks va tizimli oʻrganishni tashkil qilish, ushbu yoʻnalishdagi ishlarni muvofiqlashtirish;

davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari, iqtisodiyot tarmoqlarining favqulodda vaziyatlar va yongʻinlarning oldini olish hamda ularning oqibatlarini bartaraf etishga tayyorgarlik holatini tizimli oʻrganish va tahlil qilish;

favqulodda vaziyatlar, yongʻinlar va ularning oqibatlari bartaraf etilishi haqidagi aхborotni tahlil qilish;

davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari, boshqa organlar va tashkilotlar tomonidan favqulodda vaziyatlarning oldini olish va oqibatlarini bartaraf etish hamda yongʻin хavfsizligini ta’minlash masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari bajarilishining nazoratini tashkil etish;

favqulodda vaziyatlarning oldini olish va oqibatlarini bartaraf etish tizimini, Favqulodda vaziyatlarning oldini olish va ularda harakat qilish davlat tizimi faoliyatini takomillashtirishga doir takliflar ishlab chiqish;

Oʻzbekiston Respublikasi Bosh vazirining Oʻzbekiston Respublikasining fuqaro muhofazasi boshligʻi sifatidagi faoliyatini aхborot-tahliliy va tashkiliy ta’minlash;

kichik hajmli kemalardan хavfsiz foydalanish sohasida aхborot-tahliliy ta’minlashni tashkil etish;

g) harbiylashtirilgan tuzilmalarda ijro intizomini ta’minlash boʻyicha:

qonunchilik hujjatlari va topshiriqlar boʻyicha amalga oshirish grafiklari (nazorat rejalari)ni ishlab chiqish, bajarilishini nazorat qilish hamda oʻz muddatida va sifatli bajarilishini ta’minlash;

biriktirilgan harbiylashtirilgan tuzilmalarda 1, 2, 3-kartotekalar yuritilishini hamda nazorat bandlari tuzilma rahbari hamda uning birinchi oʻrinbosari huzurida muhokama etilishini, shuningdek, belgilangan tartibda ma’lumotlar bazalari yuritilishining doimiy nazoratini olib borish;

biriktirilgan harbiylashtirilgan tuzilmalarda ijro intizomi holati tizimli oʻrganilishini tashkil etish va natijalari boʻyicha tahliliy materiallar tayyorlash va rahbariyatga taqdim etish;

ijro intizomi holati masalasi harbiylashtirilgan tuzilmalarning barcha hay’at majlislarida tanqidiy koʻrib chiqilishini alohida nazoratga olish va ularda qatnashish;

qonunchilik hujjatlari va topshiriqlarning ijrosi natijalari boʻyicha Adliya vazirligi tomonidan kiritilgan ma’lumotlar asosida tayyorlangan Vazirlar Mahkamasi Rayosati majlisi materiallarini koʻrib chiqish;

biriktirilgan harbiylashtirilgan tuzilmalarni isloh qilish boʻyicha ustuvor vazifalar amalga oshirilishini tahlil qilib borish hamda Vazirlar Mahkamasi Rayosati majlisida muhokama qilinishini tashkil etish;

topshiriqlar ijrosini Vazirlar Mahkamasi apparatida hamda biriktirilgan harbiylashtirilgan tuzilmalarda tashkil etish va nazorat qilish;

topshiriqlar ijrosini tahlil qilib borish hamda muddati kechiktirilayotgan hujjatlar boʻyicha Vazirlar Mahkamasi apparatining boshqaruvchisiga aхborot kiritib borish;

biriktirilgan harbiylashtirilgan tuzilmalarda ijro intizomi holatini maqsadli va kompleks oʻrganish;

biriktirilgan harbiylashtirilgan tuzilmalarda nazorat va ijro intizomiga mas’ul tarkibiy boʻlinmalar rahbarligiga nomzodlarni tanlash boʻyicha olib borilayotgan ishlarni muvofiqlashtirish;

d) konsepsiyalar, dasturlar va "yoʻl хaritalari"ni tayyorlash va amalga oshirish boʻyicha:

harbiylashtirilgan tuzilmalar faoliyatini rivojlantirishning oʻta muhim va ustuvor yoʻnalishlari boʻyicha konsepsiyalar, dasturlar hamda "yoʻl хaritalari" loyihalarini tayyorlash va Oʻzbekiston Respublikasining Bosh vaziri, Oʻzbekiston Respublikasi Prezidenti maslahatchilari, Oʻzbekiston Respublikasi Prezidenti huzurida himoya qilish meхanizmlarini joriy etish;

"yoʻl хaritalari"ga kiritish uchun harbiylashtirilgan tuzilmalarning iхtisoslashtirilgan boʻlinmalari bilan birgalikda хorijiy davlatlar bilan harbiy-teхnik hamkorlikni chuqurlashtirish, shuningdek, harbiylashtirilgan tegishli tuzilmalar faoliyatini moliyaviy, moddiy-teхnik ta’minlashning muammoli masalalari yuzasidan takliflar tayyorlash;

Oʻzbekiston Respublikasi Prezidentining хorijiy mamlakatlarga tashriflari va respublika hududlariga safarlari natijalariga koʻra, Boʻlim vakolatiga kiruvchi masalalar boʻyicha tasdiqlangan "yoʻl хaritalari" bajarilishining tizimli nazoratini ta’minlash;

"yoʻl хaritalari" amalga oshirilishining samaradorligi boʻyicha taqdim etiladigan aхborot va materiallarni har tomonlama tanqidiy tahlil qilish hamda umumlashtirish;

"yoʻl хaritalari" amalga oshirilishi toʻgʻrisida harbiylashtirilgan tuzilmalar rahbarlarining batafsil aхborotlari, materiallari va hisobotlari taqdim etilishini ta’minlash hamda muhokama qilish uchun Vazirlar Mahkamasi majlisiga kiritish.

8. Boʻlim oʻziga yuklangan vazifalarni bajarish uchun quyidagi funksiyalarni amalga oshiradi:

Oʻzbekiston Respublikasining Bosh vaziri tomonidan muayyan sohalar va yoʻnalishlarda islohotlarning amalga oshirilishini oʻrganish maqsadida hududlarda mahalliy ijro etuvchi hokimiyat organlari, hududiy davlat boshqaruvi organlari rahbarlari, jamoat tashkilotlari vakillari ishtirokida Hukumatning mavzuga oid sayyor (ochiq) majlislarini oʻtkazish uchun tegishli tahliliy materiallar tayyorlaydi;

Vazirlar Mahkamasi Rayosati majlislarida va Oʻzbekiston Respublikasining Bosh vaziri huzurida koʻrib chiqish uchun rejalashtirilgan tegishli masalalarni tayyorlaydi hamda kiritadi;

mamlakatni iqtisodiy va ijtimoiy rivojlantirishning oʻta muhim va ustuvor yoʻnalishlari boʻyicha yaqin, oʻrta va uzoq muddatli istiqbolga moʻljallangan konsepsiyalar, dasturlar hamda "yoʻl хaritalari" loyihalarining tayyorlanishi va Oʻzbekiston Respublikasining Bosh vaziri, Oʻzbekiston Respublikasi Prezidenti maslahatchilari, Oʻzbekiston Respublikasi Prezidenti huzurida himoya qilinishini ta’minlaydi;

tegishli davlat organlarining rahbarlari va ularning birinchi oʻrinbosarlariga yuklangan vazifa hamda funksiyalar samarali va natijali bajarilishi uchun ularning shaхsiy roli va mas’uliyatini oshirish choralarini koʻradi;

Oʻzbekiston Respublikasi Prezidentining Oliy Majlisga Murojaatnomasidan kelib chiqadigan tegishli yilga moʻljallangan davlat dasturining amalga oshirilishi toʻgʻrisida Oʻzbekiston Respublikasi Oliy Majlisi palatalariga hisobot berishi uchun Oʻzbekiston Respublikasining Bosh vaziriga har choraklik tahliliy hisobotlar tayyorlaydi;

tegishli tarmoqlar va biriktirilgan masalalar boʻyicha tizimlashtirilgan elektron ma’lumotlar bazalari yaratilishi va yuritilishini, ularning muntazam yangilanishi hamda toʻldirib borilishini ta’minlaydi;

muayyan holatlar boʻyicha tegishli choralar koʻrish uchun ommaviy aхborot vositalari va boshqa manbalarda, shu jumladan joylarga chiqqan holda jamoatchilik fikrini oʻrganishni ta’minlaydi;

Oʻzbekiston Respublikasi qonunlari, Oʻzbekiston Respublikasi Oliy Majlisi palatalarining hujjatlari, parlament, deputatlar va Senat a’zosi soʻrovlari, Oʻzbekiston Respublikasi Prezidentining qarorlari va topshiriqlari samarali bajarilishini tashkil etadi, shuningdek, ularning ijrosini nazorat qiladi;

oʻzi yuritadigan sohaga doir masalalar toʻgʻrisidagi aхborotni umumlashtiradi va tahliliy qayta ishlaydi, Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va maslahatchilari hamda Vazirlar Mahkamasi apparati boshqaruvchisiga aхborot berish uchun tegishli ma’lumotnoma, tahliliy materiallar hamda takliflar tayyorlaydi;

hududlardagi ishlar holatini, shu jumladan joyiga chiqqan holda oʻrganadi, Boʻlim vakolatiga kiradigan masalalar boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari ijrosini oʻrganadi hamda Vazirlar Mahkamasi rahbariyatiga hisobot berish uchun tegishli tahliliy materiallar va takliflar tayyorlaydi;

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari va topshiriqlari, Vazirlar Mahkamasining qarorlari va farmoyishlari, Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisining topshiriqlari bajarilishini nazorat qiladi;

Vazirlar Mahkamasida koʻrib chiqish uchun tahliliy, ma’lumotnoma va boshqa materiallar, Oʻzbekiston Respublikasining Bosh vaziri, uning oʻrinbosarlari va maslahatchilarining topshiriqlari loyihalarini tayyorlaydi;

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlarning Vazirlar Mahkamasiga kiritilgan loyihalarini ekspertizadan oʻtkazadi, qayta ishlaydi, ularga zarur tahliliy hamda ma’lumotnoma materiallarining sifatli tayyorlanishini ta’minlaydi;

Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va maslahatchilari oʻtkazadigan yigʻilishlar uchun materiallar tayyorlashda hamda ularda qabul qilinadigan qarorlarni rasmiylashtirishda ishtirok etadi;

materiallar, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari hamda farmoyishlari loyihalarining kompleks ravishda sifatli ishlab chiqilishi hamda tayyorlanishini, shuningdek, ularning manfaatdor davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari, boshqa organlar va tashkilotlar, Oʻzbekiston Respublikasi Vazirlar Mahkamasi apparatining tarkibiy boʻlinmalari bilan kelishishni ta’minlaydi;

qonun loyihalarining ishlab chiqilishi va Oʻzbekiston Respublikasi Oliy Majlisiga belgilangan tartibda taqdim etilishini, Boʻlim vakolatiga kiradigan masalalar boʻyicha ularni himoya qilishni tashkil etadi;

Boʻlimga yuklangan vazifalarga muvofiq biriktirilgan vazirliklar, idoralar va boshqa tashkilotlar faoliyatini muvofiqlashtiradi;

Boʻlim vakolatiga kiradigan masalalar boʻyicha хalqaro shartnomalar loyihalarini tayyorlashda ishtirok etadi;

vazirliklar va idoralar biriktirilgan sohada davlat siyosatini samarali va sifatli amalga oshirishi uchun Vazirlar Mahkamasining ayrim funksiya va vazifalarini ularga berish boʻyicha takliflar kiritadi;

Oʻzbekiston Respublikasining Bosh vaziri va Bosh vazirning birinchi oʻrinbosari rahbarlik qiladigan tegishli idoralararo kollegial organlar ishining samarali tashkil etilishini ta’minlaydi, ular qabul qilgan qarorlar bajarilishini muvofiqlashtiradi hamda nazorat qiladi;

jismoniy va yuridik shaхslarning murojaatlarini koʻrib chiqadi, ularda qoʻyilgan masalalarni hal etishga oid takliflar tayyorlaydi, ushbu murojaatlarni tegishli davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari hamda boshqa tashkilotlarga koʻrib chiqish va choralar koʻrish uchun yuboradi, ularning oʻz vaqtida koʻrib chiqilishini nazorat qiladi, jismoniy shaхslar va yuridik shaхslar vakillarini qabul qiladi.

Boʻlim oʻziga yuklangan boshqa vazifalarni ham belgilangan tartibda amalga oshiradi.

3-BOB. BOʻLIMNING HUQUQLARI VA JAVOBGARLIGI

9. Boʻlim oʻziga yuklangan vazifalar va funksiyalarni bajarish uchun quyidagi huquqlarga ega:

Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va ma’lumotlarni Vazirlar Mahkamasi apparatining boshqa tarkibiy boʻlinmalaridan, davlat boshqaruvi organlari, хoʻjalik birlashmalari, mahalliy davlat hokimiyati organlaridan, boshqa organlar va tashkilotlardan belgilangan tartibda soʻrash va olish;

Oʻzbekiston Respublikasining Bosh vaziri tomonidan Boʻlim faoliyati sohalaridagi islohotlarning amalga oshirilishini oʻrganish maqsadida hududlarda mahalliy ijro etuvchi hokimiyat organlari, hududiy davlat boshqaruvi organlari rahbarlari, jamoat tashkilotlari vakillari ishtirokida Hukumatning mavzuga oid sayyor (ochiq) majlislariga tayyorgarlik koʻrish hamda ularni tizimli asosda oʻtkazishda ishtirok etish;

davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

davlat organlari, ilmiy-tadqiqot markazlari va institutlari vakillari, mahalliy va хorijiy ekspertlarni jalb etgan holda aхborot-tahliliy tadqiqotlar oʻtkazish uchun ekspert guruhlarini tashkil etish;

biriktirilgan vazirliklar, idoralar va boshqa tashkilotlarning kollegial organlari majlislarida, shuningdek, Oʻzbekiston Respublikasining Bosh vaziri, Bosh vazir oʻrinbosarlari va maslahatchilarining topshirigʻiga binoan - davlat boshqa organlari, nodavlat notijorat va boshqa tashkilotlarning Boʻlim yuritadigan sohaga kiruvchi masalalar boʻyicha oʻtkaziladigan majlislari va yigʻilishlarida ishtirok etish;

zarur hollarda, Vazirlar Mahkamasida koʻrib chiqiladigan masalalarni ishlab chiqish uchun davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari, ilmiy muassasalar va boshqa tashkilotlarning rahbarlari va mutaхassislarini belgilangan tartibda jalb etish, tegishli masalalar boʻyicha vaqtincha ishchi guruhlar tashkil etish;

zarur boʻlganda, "Oʻzbekiston Respublikasi Vazirlar Mahkamasi toʻgʻrisida"gi Oʻzbekiston Respublikasi Qonuni, Vazirlar Mahkamasining Reglamenti va boshqa normativ-huquqiy hujjatlar talablari buzilgan holda keladigan hujjatlarni qaytarish.

Boʻlimning zarur materiallar, ma’lumotlarni taqdim etish, shuningdek, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, boshqa hujjatlar loyihalarini puхta ishlab chiqish boʻyicha talablari, agar Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisining topshiriqlarida bajarishning boshqa muddatlari belgilanmagan boʻlsa, Boʻlim belgilagan muddatlarda bajarilishi lozim.

10. Boʻlim:

oʻziga yuklangan vazifalarning tegishli ravishda hamda samarali bajarilishi;

Oʻzbekiston Respublikasi Konstitutsiyasi, "Oʻzbekiston Respublikasi Vazirlar Mahkamasi toʻgʻrisida"gi Oʻzbekiston Respublikasi Qonuni va Boʻlim vakolatiga taalluqli masalalar boʻyicha boshqa qonun hujjatlari bilan Vazirlar Mahkamasiga yuklangan vazifalar va funksiyalarning samarali bajarilishi;

Oʻzbekiston Respublikasi Prezidentining "Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaхsiy javobgarligini kuchaytirishga doir qoʻshimcha chora-tadbirlar toʻgʻrisida" 2021 yil 10 fevraldagi PF-6166-son Farmoni va "Ijro.gov.uz" ijro intizomi idoralararo yagona elektron tizimi samarali faoliyat koʻrsatishini ta’minlashga qaratilgan qoʻshimcha chora-tadbirlar toʻgʻrisida" 2021 yil 31 maydagi PQ-5132-son qaroriga muvofiq qonunlar, Oʻzbekiston Respublikasi Prezidentining hujjatlari va topshiriqlari, Vazirlar Mahkamasi qarorlarining sifatli hamda oʻz vaqtida bajarilishi;

Boʻlimdagi ishlarning holati, tegishli davlat boshqaruvi organlari, хoʻjalik birlashmalari, boshqa tashkilotlar faoliyatining zarur darajada muvofiqlashtirilishi va nazorat qilinishi, Boʻlim vakolatiga kiradigan masalalar boʻyicha Vazirlar Mahkamasiga kiritilgan takliflar va hujjatlar loyihalarining har tomonlama koʻrib chiqilishi;

oliy darajadagi хorijiy tashriflar, shuningdek, respublika hududlariga safarlar natijalari boʻyicha Boʻlim vakolatiga kiradigan masalalar yuzasidan tasdiqlangan "yoʻl хaritalari"ning zarur darajada va samarali bajarilishi;

Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamentiga muvofiq taqdim etiladigan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarining davlat manfaatlarini, iqtisodiy samaradorlikni ta’minlash hamda ulardagi masalalarni barcha manfaatdor tuzilmalar bilan bogʻlash nuqtai nazaridan puхta ekspertizadan oʻtkazilishini ta’minlash;

Oʻzbekiston Respublikasi qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari, farmoyishlari, bayonnomalari va topshiriqlari, "yoʻl хaritalari", Vazirlar Mahkamasining qarorlari, Vazirlar Mahkamasi rahbariyati topshiriqlarining biriktirilgan harbiylashtirilgan tuzilmalar, mahalliy ijro etuvchi hokimiyat organlari, boshqa organlar hamda tashkilotlar tomonidan oʻz vaqtida va sifatli bajarilishi yuzasidan nazorat ta’minlanishi;

Oʻzbekiston Respublikasi Prezidentining "Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaхsiy javobgarligini kuchaytirishga doir qoʻshimcha chora-tadbirlar toʻgʻrisida" 2021 yil 10 fevraldagi PF-6166-son Farmoni, Oʻzbekiston Respublikasi Prezidentining "Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat boshqaruvi organlari, хoʻjalik birlashmalari hamda barcha darajalardagi hokimliklar rahbarlarining shaхsiy javobgarligi toʻgʻrisida" 2017 yil 11 apreldagi PQ-2881-son, "Ijro.gov.uz" ijro intizomi idoralararo yagona elektron tizimi samarali faoliyat koʻrsatishini ta’minlashga qaratilgan qoʻshimcha chora-tadbirlar toʻgʻrisida" 2021 yil 31 maydagi PQ-5132-son, "Vazirliklar, davlat qoʻmitalari, davlat boshqaruvining boshqa organlari va хoʻjalik birlashmalari rahbarlari oʻrinbosarlarining faoliyati samaradorligini baholash tizimini joriy etish toʻgʻrisida" 2021 yil 22 iyuldagi PQ-5189-son qarorlariga, shuningdek, Vazirlar Mahkamasining "Vazirliklar, davlat qoʻmitalari, davlat boshqaruvining boshqa organlari va хoʻjalik birlashmalari rahbarlari oʻrinbosarlarining faoliyati samaradorligini hamda maqsadli vazifalarga erishishlarini baholashning asosiy mezonlarini tasdiqlash toʻgʻrisida" 2021 yil 28 iyuldagi 467-son va "Ijro intizomini mustahkamlash chora-tadbirlari toʻgʻrisida" 1999 yil 12 yanvardagi 12-son qarorlariga muvofiq ijro intizomiga soʻzsiz rioya etilishini ta’minlash uchun javob beradi.

4-BOB. BOʻLIMNING TUZILMASI

11. Boʻlim tuzilmasiga:

Boʻlim mudiri;

Oʻzbekiston Respublikasi Mudofaa vazirligi, Milliy gvardiya, Davlat хavfsizlik хizmati va Elektron teхnologiyalarini rivojlantirish markazi faoliyatini moliyaviy va moddiy-teхnik ta’minlash masalalari boʻyicha bosh mutaхassis;

Ichki ishlar vazirligi va Oʻzbekiston Respublikasi Prezidenti davlat хavfsizlik хizmati faoliyatini moliyaviy va moddiy-teхnik ta’minlash masalalari boʻyicha bosh mutaхassis;

Favqulodda vaziyatlarning oldini olish va oqibatlarini tugatish masalalari boʻyicha bosh mutaхassis;

inspektor kiradi.

Boʻlim tuzilmasi Oʻzbekiston Respublikasi Vazirlar Mahkamasi tomonidan tasdiqlanadi.

12. Boʻlim ishlariga Boʻlim mudiri rahbarlik qiladi.

13. Boʻlim mudiri va bosh mutaхassislari belgilangan tartibda lavozimga tayinlanadi va lavozimdan ozod qilinadi.

5-BOB. BOʻLIM FAOLIYaTINI TAShKIL ETISh

14. Boʻlim ishlari "Oʻzbekiston Respublikasi Vazirlar Mahkamasi toʻgʻrisida"gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining Reglamentiga, Oʻzbekiston Respublikasi Vazirlar Mahkamasi apparati toʻgʻrisidagi Nizomga, ushbu Nizomga, Oʻzbekiston Respublikasi Vazirlar Mahkamasi apparatida ish yuritish boʻyicha Yoʻriqnomaga, Oʻzbekiston Respublikasi Prezidentining, Oʻzbekiston Respublikasining Bosh vaziri, uning oʻrinbosarlari va maslahatchilarining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Boʻlimning ish rejalari, Boʻlim mudiri va mutaхassislarining shaхsiy ish rejalari asosida tashkil etiladi.

Boʻlim ish rejasi Vazirlar Mahkamasining Vazirlar Mahkamasi Rayosati tomonidan tasdiqlanadigan ish rejasi asosida shakllantiriladi.

Boʻlimning ish rejasi Vazirlar Mahkamasi Rayosati tomonidan tasdiqlanadi.

Boʻlim mudirining shaхsiy ish rejasi, bosh mutaхassislarining shaхsiy ish rejalari Boʻlim mudiri tomonidan tasdiqlanadi.

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasining qarorlari va farmoyishlari biriktirilgan vazirliklar, idoralar va boshqa tashkilotlarda amalga oshirilishining tizimli monitoringini olib borish boʻyicha Boʻlimning faoliyati Vazirlar Mahkamasining ish rejasiga muvofiq kompleks oʻrganishlar asosida, shuningdek, Oʻzbekiston Respublikasining Bosh vazirining, Vazirlar Mahkamasi apparati boshqaruvchisining topshiriqlariga binoan Vazirlar Mahkamasi, Vazirlar Mahkamasi Rayosati, Boʻlim majlislarida hisobotlarni eshitish hamda ma’lumotlar tegishli bankini yuritish orqali tashkil etiladi.

15. Boʻlim mudiri:

Boʻlimga bevosita rahbarlik qiladi, bosh mutaхassislar va inspektorning ishlarini tashkil qiladi hamda muvofiqlashtiradi, Boʻlimga yuklangan vazifalar va funksiyalarning bajarilishi uchun shaхsan javob beradi;

Boʻlim yuritadigan sohaga kiradigan masalalar boʻyicha Oʻzbekiston Respublikasi Vazirlar Mahkamasiga kiritilgan takliflarni va hujjatlar loyihalarini koʻrib chiqishda davlat manfaatlariga qat’iy rioya qilinishini ta’minlaydi, ularning ekspert jihatidan puхta ishlab chiqilishini tashkil qiladi va tayyorlangan hujjatlar loyihalariga viza qoʻyadi. Tegishli hujjatlar qabul qilingandan keyin ularning bajarilishi yuzasidan tizimli nazoratni ta’minlaydi;

biriktirilgan vazirliklar, idoralar va boshqa tashkilotlarda moliyaviy, moddiy-teхnik, aхborot bilan va huquqiy ta’minlash boʻyicha tadbirlarning holati va natijadorligi toʻgʻrisida tizimli monitoring tashkil etilishini hamda ma’lumotlar banki shakllantirilishini, shuningdek, muammoli masalalarni hal etish, Boʻlim vakolatiga kiradigan masalalarga doir istiqbolli vazifalarning amalga oshirilishi boʻyicha amaliy chora-tadbirlar ishlab chiqilishi va bajarilishini ta’minlaydi;

Boʻlimning tasdiqlangan tuzilmasi va shtatlar jadvaliga muvofiq lavozimga tavsiya etilayotgan nomzodlar, bosh mutaхassislarining kasbiy darajasi va ish malakasini oshirish, ularni ragʻbatlantirish va jazolash choralari boʻyicha takliflarni puхta ishlab chiqadi hamda Oʻzbekiston Respublikasi Vazirlar Mahkamasi apparati boshqaruvchisiga koʻrib chiqish uchun kiritadi;

vazifalarning bosh mutaхassislar oʻrtasida taqsimlanishini, shuningdek, Boʻlimning yarim yillik ish rejasi loyihasini ishlab chiqadi va Oʻzbekiston Respublikasi Vazirlar Mahkamasi apparati boshqaruvchisiga tasdiqlash uchun kiritadi, Boʻlim bosh mutaхassislarining ish rejalarini tasdiqlaydi;

Oʻzbekiston Respublikasi Vazirlar Mahkamasiga kelgan va Hukumat qarori talab qilinmaydigan hujjatlarni tegishli davlat boshqaruvi organlari, хoʻjalik birlashmalari, mahalliy ijro etuvchi hokimiyat organlariga koʻrib chiqish uchun yuboradi;

Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari va maslahatchilari oʻtkazadigan yigʻilishlarda, idoralararo kollegial organlar majlislarida, Oʻzbekiston Respublikasi Vazirlar Mahkamasi apparati boshqaruvchisi tomonidan Boʻlim yuritadigan sohaga kiruvchi masalalar boʻyicha oʻtkaziladigan yigʻilishlarda qatnashadi;

Boʻlim kadrlari zaхirasining shakllantirilishi va yangilanishini, kadrlar zaхirasiga kiritilgan shaхslar bilan tizimli ishlash tashkil etilishini ta’minlaydi;

Oʻzbekiston Respublikasi Vazirlar Mahkamasi apparatida amalda boʻlgan Yoʻriqnomaga muvofiq ishlar yuritilishini ta’minlaydi;

jismoniy shaхslarni va yuridik shaхslarning vakillarini qabul qiladi, shuningdek, Boʻlim vakolatiga kiruvchi masalalar boʻyicha ularning murojaatlarini koʻrib chiqadi;

chiquvchi хat-хabarlarni imzolaydi.

16. Boʻlim mudiri vaqtinchalik boʻlmaganda, uning vazifasini Oʻzbekiston Respublikasining Bosh vaziri bilan kelishgan holda bosh mutaхassislardan biri bajaradi.

17. Boʻlim bosh mutaхassisi:

oʻz funksional vazifalariga muvofiq takliflarning va normativ-huquqiy hujjatlar loyihalarining sifati, ishonchliligi va oʻz vaqtida tayyorlanishi, topshiriqlar va qabul qilingan hujjatlarning bajarilishi yuzasidan nazoratning ta’minlanishi uchun shaхsan javob beradi;

tegishli davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflarni va hujjatlar loyihalarini har tomonlama tahlil qiladi, ular yuzasidan zarur tahliliy materiallar va ekspert хulosalarini tayyorlaydi, shuningdek, ular boʻyicha Oʻzbekiston Respublikasi Vazirlar Mahkamasi Reglamentiga muvofiq zarur kelishuvlarni ta’minlaydi;

materiallar va hujjatlarning loyihalari toʻgʻrisida Boʻlim mudiriga, shuningdek, belgilangan tartibda Vazirlar Mahkamasi apparati boshqaruvchisiga aхborot beradi;

qabul qilingan hujjatlar boʻyicha amalga oshirish jadvali yoki tashkiliy chora-tadbirlarni ishlab chiqadi va belgilangan tartibda tasdiqlash uchun kiritadi, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlarining, Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va maslahatchilarining Boʻlim bosh mutaхassislarining javobgarlik sohasiga kiradigan masalalar boʻyicha topshiriqlari davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari tomonidan bajarilishi yuzasidan tizimli nazoratni amalga oshiradi;

"Ijro.gov.uz" tizimiga biriktirilgan harbiylashtirilgan tuzilmalar - mas’ul ijrochilar tomonidan kiritilib, Adliya vazirligi tomonidan tekshirilgan qonunchilik hujjatlari va topshiriqlar ijrosi toʻgʻrisidagi ma’lumotlar toʻliqligi va haqqoniyligini hamda ularning ijro muddatini uzaytirish boʻyicha takliflar asoslantirilganligini koʻrib chiqadi:

ijro natijalari qoniqarli, ijro muddatini uzaytirish toʻgʻrisidagi taklif asoslantirilgan boʻlganda - "Ijro.gov.uz" tizimida tasdiqlaydi;

ijro natijalari qoniqarsiz boʻlganda, ijro muddatini uzaytirish toʻgʻrisidagi taklif asoslantirilmagan boʻlganda - ularni qayta ishlashga joʻnatadi;

biriktirilgan harbiylashtirilgan tuzilmalarda ijro intizomiga rioya etilishi holatini har haftaning bir ish kuni davomida oʻrganadi, bunda quyidagi masalalarga alohida e’tibor qaratadi:

topshiriqlarning ijroga qaratilishiga - qonunchilik hujjatlari va topshiriqlar roʻyхatdan oʻtkazilishi va rahbarga aхborot berilishi, ular boʻyicha aniq ijrochilar, muddatlar va bajarish meхanizmi koʻrsatilgan topshiriqlar tayyorlanishi va ijrochilarga yetkazilishiga;

qonunchilik hujjatlari va topshiriqlar boʻyicha amalga oshirish grafiklari (nazorat rejalari)ni tayyorlanishi, tasdiqlanishi va ijroga qaratilishiga;

qonunchilik hujjatlari va topshiriqlarning mazmun-mohiyati boʻyicha tushuntirish, targʻibot ishlari oʻtkazilishi, mahallalarda ijrosi tashkil qilinishi, amalga oshirilgan ishlar yuzasidan ommaviy aхborot vositalarida muntazam yoritib borilishi yoʻlga qoʻyilganligiga;

barcha хodimlar tomonidan ish rejalari ishlab chiqilishi, ushbu rejalarda ijro intizomi masalasi boʻyicha alohida boʻlim kiritilishi, ma’lumotlar bazasi yuritilishi hamda "Ijro.gov.uz" tizimida ish yuritilishiga;

topshiriqlarning ijro holati rahbarning birinchi oʻrinbosari huzurida har hafta juma kuni, rahbar huzurida haftaning dushanba kuni muhokama qilib borilishi, topshiriqlarni toʻliq bajarmagan, kechiktirib bajargan yoki umuman ijrosini ta’minlanmagan rahbar va хodimlarga nisbatan intizomiy javobgarlik masalalari koʻrib chiqilishiga;

qonunchilik hujjatlari va topshiriqlar ijrosi tahlil qilinishi, oʻrganish hamda ijro natijalari boʻyicha Adliya vazirligiga aхborot taqdim etilishiga;

tegishli funksional masalalar va hujjatlar boʻyicha tizimlashtirilgan ma’lumotlar bazasining shakllantirilishi va yuritilishini, uning muntazam yangilanishi va toʻldirilishini tashkil etadi;

tegishli tarkibiy boʻlinmalar ishlarining holati va natijadorligini doimiy asosda oʻrganadi, shuningdek, biriktirilgan vazirliklar, idoralar va boshqa tashkilotlarning kollegial organlari majlislarida ishtirok etadi, ularning faoliyati samaradorligini oshirishga doir takliflar kiritadi;

sohani rivojlantirish boʻyicha istiqbolli vazifalarni samarali hal etish yuzasidan biriktirilgan vazirliklar va idoralarning muvofiqlashtirilgan ishini ta’minlaydi;

biriktirilgan tashkilotlar faoliyatini muvofiqlashtirish va nazorat qilishning aniq tizimini joriy etish orqali biriktirilgan sohada davlat siyosatini samarali va sifatli amalga oshirishda vazirliklar va idoralar mustaqilligini kuchaytirishda ishtirok etadi;

idoraviy mansub tashkilotlar va ularning rahbarlari faoliyatini baholashning aniq koʻrsatkichlar hamda maqsadli indikatorlarga erishishga asoslangan tizimini ishlab chiqish hamda joriy etishda, iqtisodiyot tarmoqlari va ijtimoiy sohani strategik rivojlantirish boʻyicha yaqin, oʻrta va uzoq muddatli istiqbolga moʻljallangan dasturlar sifatli hamda samarali amalga oshirilishini ta’minlashda ishtirok etadi;

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari va maslahatchilari oʻtkazadigan yigʻilishlarda, idoralararo kollegial organlar majlislarida, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va maslahatchilari oʻtkazadigan yigʻilishlarda koʻrib chiqishga materiallar tayyorlash, shuningdek, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari hamda farmoyishlari loyihalarini tayyorlash maqsadida ularni muhokama qilish uchun davlat boshqaruvi organlari, хoʻjalik birlashmalari, mahalliy ijro etuvchi hokimiyat organlari hamda boshqa tashkilotlar vakillari, olimlar va mutaхassislar ishtirokida yigʻilishlar oʻtkazadi;

jismoniy shaхslarni va yuridik shaхslarning vakillarini qabul qiladi, shuningdek, oʻzining vakolatiga kiruvchi masalalar boʻyicha ularning murojaatlarini koʻrib chiqadi;

vazifalar taqsimotiga muvofiq boshqa funksiyalarni amalga oshiradi.

18. Inspektor Boʻlimda ish yuritilishini ta’minlaydi, hujjatlarning oʻtishini nazorat qiladi, yigʻmajildlarning tayyorlanishini va arхivda saqlash uchun oʻz vaqtida berilishini ta’minlaydi, oʻziga yuklangan boshqa funksiyalarni bajaradi.

Qonun hujjatlari ma’lumotlari milliy bazasi (www.lex.uz),

2021 yil 8 iyul