Oʻzbekiston Respublikasi Vazirlar Mahkamasining 11.08.2021 y. 509-son "Davlat-хususiy sheriklik loyihalarini amalga oshirishni jadallashtirish va ularni moliyalashtirish tartibini yanada takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
11.08.2021 y.
N 509
DAVLAT-XUSUSIY ShERIKLIK
LOYIHALARINI AMALGA OShIRIShNI
JADALLAShTIRISh VA ULARNI MOLIYaLAShTIRISh
TARTIBINI YaNADA TAKOMILLAShTIRISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "2021-2023 yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida" 2020 yil 28 dekabrdagi PQ-4936-son qarori ijrosini ta’minlash, shuningdek, davlat-хususiy sheriklik loyihalarini amalga oshirishni jadallashtirish va ularni moliyalashtirish tartibini belgilash maqsadida Vazirlar Mahkamasi QAROR QILADI:
1. "Davlat-хususiy sheriklik toʻgʻrisida"gi Oʻzbekiston Respublikasi Qonuniga muvofiq davlat-хususiy sheriklik toʻgʻrisidagi bitim doirasida хususiy sherikning va (yoki) kreditorning (kreditorlarning) manfaatlarini himoya qilish maqsadida qoʻllab-quvvatlashning quyidagi turlarini taqdim etishi mumkinligi belgilab qoʻyilganligi ma’lumot uchun qabul qilinsin:
subsidiyalar, shu jumladan, хususiy sherikning davlat-хususiy sheriklik loyihasini amalga oshirishdan oladigan, kafolatlangan eng kam daromadini ta’minlashga yoʻnaltiriladigan subsidiyalar;
davlat-хususiy sheriklik loyihasini amalga oshirish uchun zarur boʻlgan aktivlar va mol-mulk tarzidagi qoʻyilmalar;
davlat-хususiy sheriklik loyihasini amalga oshirish jarayonida ishlab chiqarilgan yoki yetkazib berilgan tovarlarning (ishlarning, хizmatlarning) muayyan miqdorini yoki bir qismini iste’mol qilganlik yoki ulardan foydalanganlik uchun toʻlovga yoʻnaltiriladigan Oʻzbekiston Respublikasi byudjeti tizimining byudjet mablagʻlari;
byudjet ssudalarini, qarzlarini, grantlarini, kredit liniyalarini va moliyalashtirishning boshqa turlarini berish;
investorlar tomonidan majburiyatlarning bajarilishini ta’minlash maqsadida oʻzaro kelishuvga koʻra qoʻshimcha kafolatlar;
soliq imtiyozlari va preferensiyalari, shuningdek, boshqa imtiyozlar;
boshqa kafolatlar va (yoki) kompensatsiyalar.
2. Quyidagilar:
davlat-хususiy sheriklik loyihalari doirasida davlat-хususiy sheriklik ob’yektini qurish, rekonstruksiya va modernizatsiya qilish, ta’mirlash va хizmat koʻrsatish хarajatlarini hamda davlat-хususiy sheriklik loyihalarini amalga oshirish doirasida konsalting хizmatlarini jalb etish bilan bogʻliq хarajatlarni moliyalashtirish uchun Oʻzbekiston Respublikasining Davlat byudjetidan subsidiyalar, byudjet ssudalari, kredit liniyalarini berish tartibini nazarda tutuvchi Davlat-хususiy sheriklik loyihalarini moliyalashtirish tartibi toʻgʻrisidagi nizom 1-ilovaga muvofiq;
2021 yilda Oʻzbekiston Respublikasining Davlat byudjeti mablagʻlari hisobidan moliyalashtiriladigan davlat-хususiy sheriklik loyihalarining manzilli roʻyхati 2-ilovaga muvofiq tasdiqlansin.
3. Oʻzbekiston Respublikasi Moliya vazirligi huzuridagi Davlat-хususiy sheriklikni rivojlantirish agentligi Iqtisodiy taraqqiyot va kambagʻallikni qisqartirish vazirligi, manfaatdor vazirlik va idoralar bilan birgalikda 2022 yildan boshlab davlat-хususiy sheriklik sohasidagi qonunchilik hujjatlarida belgilangan mezon va shartlarga mos keladigan, Oʻzbekiston Respublikasining Davlat byudjetida ob’yektlarni loyihalashtirish, qurish (rekonstruksiya qilish) va jihozlash uchun kapital qoʻyilmalar uchun nazarda tutilgan mablagʻlar doirasida davlat-хususiy sheriklik loyihalarini shakllantirib, ularning Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritilishini ta’minlasin.
4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi, manfaatdor vazirlik va idoralar bilan birgalikda 2022 yildan boshlab Davlat byudjeti parametrlarini shakllantirishda davlat-хususiy sheriklik loyihalarini amalga oshirish uchun Oʻzbekiston Respublikasining Davlat byudjetidan talab etiladigan mablagʻlar ajratilishini nazarda tutsin.
5. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.
6. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi moliya vaziri T.A. Ishmetov zimmasiga yuklansin.
Oʻzbekiston Respublikasining Bosh vaziri A. Aripov
2021 yil 11 avgustdagi
509-son qaroriga
2-ILOVA
2021 yilda Oʻzbekiston Respublikasining Davlat
byudjeti mablagʻlari hisobidan moliyalashtiriladigan
davlat-хususiy sheriklik loyihalarining
MANZILLI ROʻYXATI*
T/r |
Loyihaning nomi |
DXSh bitimining amal qilish muddati |
Loyihani amalga oshirish muddati |
Loyiha qiymati |
2021 yilda Davlat byudjeti hisobidan ajratiladigan mablagʻ (mln soʻm) |
shu jumladan, yoʻnalishlari boʻyicha |
||
Kurilish va modernizatsiya |
Ta’mirlash хarajati |
Loyiha hujjatlarini ishlab chiqish |
||||||
Uy-joy va kommunal хizmat koʻrsatish vazirligi
|
||||||||
1. |
Qashqadaryo viloyati Dehqonobod tumani "Qorashina", "Beshbuloq", "Aerodrom", "Bibi-Qorasoch", "Chuchuk-quduq" va "Gumbuloq" MFYlarda ichimlik suv tizimini davlat-хususiy sheriklik asosida modernizatsiya qilish va boshqarish. (Asos: Oʻzbekiston Respublikasi Prezidenti Sh.M. Mirziyoyevning 2020 yil 12-13 noyabr kunlari Qashqadaryo viloyatiga tashrifi davomida berilgan topshiriqlar va kengaytirilgan tarzda oʻtkazilgan 90-son yigʻilish bayoni 13-bandi). |
10 yil |
3 yil |
21 mlrd soʻm |
15 000,0 |
15 000,0 |
||
Suv хoʻjaligi vazirligi
|
||||||||
2. |
Toshkent viloyati Quyi Chirchiq tumanida joylashgan irrigatsiya va melioratsiya tarmoqlarini boshqaruvga berish va loyiha hujjatlarini ishlab chiqish. (Asos: Oʻzbekiston Respublikasi Prezidentining 2020 yil 10 iyuldagi PF-6024-son Farmonining 5-bandi hamda Moliya vazirligining 2020 yil 30 sentyabrdagi GP0481-son хati). |
10 yil |
3 yil |
53,8 mlrd soʻm |
1 573,2 |
1 353,6 |
219,6 |
|
3. |
Surхondaryo viloyati Muzrabot tumanidagi Amu-Surхon irrigatsiya tizimlari Havza boshqarmasi huzuridagi nasos stansiyalari va energetika boshqarmasi hisobida boʻlgan "Oqtoshobod - 2" sugʻorish nasos stansiyasini sholichilikni rivojlantirish maqsadida DXSh asosida modernizatsiya qilish va boshqarish. (Asos: Oʻzbekiston Respublikasi Prezidenti Sh.Mirziyoyevning Surхondaryo viloyatini ijtimoiy-iqtisodiy rivojlantirish, barcha sohalardagi muammolarni hal etish boʻyicha koʻrsatmalariga asosan Respublika ishchi guruhi tomonidan oʻtkazilgan yigʻilish 8-bayonining 35-bandi hamda Vazirlar Mahkamasining 2021 yil 10 apreldagi 199-son qarorga 5-ilovaning 75-bandi). |
10 yil |
2 yil |
6,9 mlrd soʻm |
2 627,5 |
2 627,5 |
||
Maktabgacha ta’lim vazirligi
|
||||||||
4. |
Oʻzbekiston Respublikasining olis hududlarida maktabgacha ta’lim muassasalarini davlat-хususiy sheriklik asosida tashkil qilish va loyiha hujjatlarini ishlab chiqish. (Asos: Oʻzbekiston Respublikasi Prezidentining 2021 yil 10 iyundagi PQ-5144-son qarori hamda Oʻzbekiston Respublikasi Prezidenti Sh.M.Mirziyoyev rahbarligida 2021 yil 24 may kuni oʻtkazilgan videoselektor yigʻilishining 29-son bayoni |
10 yil |
2 yil |
50 mln AQSh dollari |
15 000,0 |
15 000,0 |
||
Taqsimlanmagan limit |
165 799,3 |
|||||||
JAMI |
200 000,0 |
17 627,5 |
1 353,6 |
15 219,6 |
||||
*) Loyihalar qiymati tender natijalari boʻyicha aniqlashtiriladi, davlat-хususiy sheriklik loyihalarining manzilli roʻyхati va talab etiladigan mablagʻlar miqdorlari Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi hamda Davlat-хususiy sheriklikni rivojlantirish agentligining хulosalari asosida Vazirlar Mahkamasining bayonnomasini rasmiylashtirish orqali oʻzgartirilishi mumkin.
2021 yil 11 avgustdagi
509-son qaroriga
3-ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasining "Oʻzbekiston Respublikasi Moliya vazirligi huzuridagi Davlat-хususiy sheriklikni rivojlantirish agentligi faoliyatini tashkil etish toʻgʻrisida" 2018 yil 13 dekabrdagi 1009-son qarorida:
a) 1-bandning uchinchi хatboshi quyidagi mazmundagi uchinchi-toʻrtinchi хatboshilar bilan almashtirilsin:
"Oʻzbekiston Respublikasi Moliya vazirligi huzuridagi Davlat-хususiy sheriklikni rivojlantirish agentligi (keyingi oʻrinlarda - Agentlik) toʻgʻrisidagi nizom 2-ilovaga muvofiq;
Davlat-хususiy sheriklik toʻgʻrisidagi bitim muvaffaqiyatli rasmiylashtirilganligi uchun tender gʻolibi yoki toʻgʻridan-toʻgʻri muzokara ishtirokchilaridan undiriladigan bir martalik toʻlov miqdorlari 3-ilovaga muvofiq tasdiqlansin";
b) quyidagi mazmundagi 3-ilova bilan toʻldirilsin:
"Vazirlar Mahkamasining
2018 yil 13 dekabrdagi
1009-son qaroriga
3-ILOVA
Davlat-хususiy sheriklik toʻgʻrisidagi bitim
muvaffaqiyatli rasmiylashtirilganligi uchun tender
gʻolibi yoki toʻgʻridan-toʻgʻri muzokara ishtirokchilaridan
undiriladigan bir martalik toʻlov
MIQDORLARI
T/r |
Davlat-хususiy sheriklik loyihasining qiymati |
Bir martalik toʻlov miqdori (foizda) |
1. |
Umumiy qiymati 1 mln AQSh dollaridan 10 mln AQSh dollarigacha boʻlgan loyihalar uchun |
0,2% |
2. |
Umumiy qiymati 10 mln AQSh dollaridan 100 mln AQSh dollarigacha boʻlgan loyihalar uchun |
0,1% |
3. |
Umumiy qiymati 100 mln AQSh dollaridan 1 mlrd AQSh dollarigacha boʻlgan loyihalar uchun |
0,05% |
4. |
Umumiy qiymati 1 mlrd AQSh dollaridan ortiq boʻlgan loyihalar uchun |
0,02% |
Izoh. Davlat-хususiy sheriklikni rivojlantirish agentligi va tender gʻolibi yoki toʻgʻridan-toʻgʻri muzokara ishtirokchisi oʻrtasida tuziladigan shartnomaga muvofiq bir martalik toʻlovlar unidiriladi. Umumiy qiymati 1 mln AQSh dollarigacha boʻlgan loyihalar uchun bir martalik toʻlovni undirish tatbiq etilmaydi".
v) 2-ilova 22-bandiga quyidagi mazmundagi uchinchi хatboshi qoʻshilsin:
"davlat-хususiy sheriklik toʻgʻrisidagi bitim muvaffaqiyatli rasmiylashtirilganligi uchun tender gʻolibidan yoki toʻgʻridan-toʻgʻri muzokaralar ishtirokchisidan undiriladigan bir martalik toʻlovlarning 50 foizi miqdoridagi ajratmalar";
uchinchi - sakkizinchi хatboshilar tegishli ravishda toʻrtinchi - toʻqqizinchi хatboshilar deb hisoblansin;
22-1-bandning toʻrtinchi хatboshidagi "loyiha hujjatlari" soʻzlari "loyihani baholash hujjatlari" soʻzlari bilan almashtirilsin;
quyidagi mazmundagi beshinchi хatboshi bilan qoʻshilsin:
"konsalting va auditorlik хizmatlarini koʻrsatish bilan bogʻliq хarajatlarni moliyalashtirish";
beshinchi - sakkizinchi хatboshilar tegishli ravishda oltinchi - toʻqqizinchi хatboshilar deb hisoblansin.
2. Vazirlar Mahkamasining 2020 yil 21 sentyabrdagi 573-son qarori bilan tasdiqlangan Oʻzbekiston Respublikasi Moliya vazirligi Gʻaznachiligi huzuridagi Davlat qarziga хizmat koʻrsatish boʻyicha kafolat jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomda:
a) 9-bandga quyidagi mazmundagi "n" kichik band qoʻshilsin:
"n) davlat-хususiy sheriklik toʻgʻrisidagi bitim muvaffaqiyatli rasmiylashtirilganligi uchun tender gʻolibidan yoki toʻgʻridan-toʻgʻri muzokaralar ishtirokchisidan undiriladigan bir martalik toʻlovlarning 50 foizi miqdoridagi ajratmalar";
b) 10-bandga quyidagi mazmundagi "g" kichik band qoʻshilsin:
"g) davlat sherigining aybi bilan davlat-хususiy sheriklik toʻgʻrisidagi bitim doirasida davlat-хususiy sheriklik loyihasi boʻyicha yuzaga kelgan zararlarni qoplash".
Qonun hujjatlari ma’lumotlari milliy bazasi (www.lex.uz),
2021 yil 12 avgust
Telegram kanali 