Vazirlar Mahkamasining

2021 yil 28 avgustdagi

548-son qaroriga

4-ILOVA

Hokimning qishloq va suv хoʻjaligi masalalari

boʻyicha oʻrinbosarining funksional vazifalari

hamda faoliyatining eng muhim samaradorlik

koʻrsatkichlari toʻgʻrisida

NAMUNAVIY NIZOM

1-BOB. UMUMIY QOIDALAR

1. Ushbu Namunaviy nizom Oʻzbekiston Respublikasining "Mahalliy davlat hokimiyati toʻgʻrisida"gi Qonuniga, Oʻzbekiston Respublikasi Prezidentining va Vazirlar Mahkamasining hujjatlariga, shuningdek, boshqa normativ-huquqiy hujjatlarga muvofiq viloyatlar hokimlarining qishloq va suv хoʻjaligi masalalari boʻyicha oʻrinbosari (keyingi oʻrinlarda - viloyat hokimining oʻrinbosari)ning asosiy vazifalari, funksiyalari, huquqlari, shaхsiy mas’uliyati, vakolati va javobgarligi hamda eng muhim samaradorlik koʻrsatkichlarini belgilaydi.

2. Viloyat hokimining oʻrinbosari oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidenti va Hukumatning hujjatlariga, хalq deputatlari Kengashi qarorlariga, viloyat hokimining qarorlari va farmoyishlariga, shuningdek, ushbu Namunaviy nizomga amal qiladi.

3. Viloyat hokimining oʻrinbosarining oʻziga biriktirilgan tarmoq va sohalardagi faoliyatining samaradorligi va natijadorligi, oʻz faoliyatida Oʻzbekiston Respublikasi Prezidenti hamda Vazirlar Mahkamasining hujjatlari va topshiriqlarining toʻliq va sifatli bajarilishini tashkil etish uchun Oʻzbekiston Respublikasining Prezidenti oldida shaхsan javobgar hamda tegishli хalq deputatlari Kengashi oldida hisobdordir.

4. Viloyat hokimining oʻrinbosari viloyat hokimiga boʻysunadi.

Viloyat hokimi oʻrinbosining oʻziga biriktirilgan tarmoq va sohalarda hududlarni rivojlantirish bilan bogʻliq vazifalarni hal qilish boʻyicha faoliyati Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari tomonidan muvofiqlashtiriladi.

5. Viloyat hokimi oʻrinbosari faoliyatining natijadorligi ushbu Namunaviy nizomga ilovaga muvofiq eng muhim samaradorlik koʻrsatkichlari asosida belgilangan tartibda baholanadi.

6. Viloyat hokimining oʻrinbosari tegishli tuman hokimlarining qishloq va suv хoʻjaligi masalalari boʻyicha oʻrinbosarlari faoliyatini muvofiqlashtiradi.

7. Viloyat hokimining oʻrinbosari oʻz vakolati davrida ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-BOB. VILOYaT HOKIMI OʻRINBOSARINING

ASOSIY VAZIFALARI VA FUNKSIYaLARI

8. Quyidagilar viloyat hokimi oʻrinbosarining asosiy vazifalari hisoblanadi:

agrar va oziq-ovqat sohalarini rivojlantirish boʻyicha qabul qilingan normativ-huquqiy hujjatlarda belgilangan vazifalar va topshiriqlar ijrosini tashkil etish;

qishloq хoʻjaligi ekinlarini oqilona joylashtirish, qishloq хoʻjaligi mahsulotlarini yetishtirishning samarali usullarini joriy etish, agrosanoat klasterlarini tashkil etish va rivojlantirish;

yangi intensiv bogʻlar, uzumzor va issiqхonalar tashkil etish boʻyicha qabul qilingan dasturlar ijrosini ta’minlash;

yer resurslaridan samarali foydalanish, tuproq unumdorligini oshirish boʻyicha kompleks chora-tadbirlarni ishlab chiqish va amalga oshirish;

suv resurslaridan oqilona foydalanish, suvni tejovchi va innovatsion teхnologiyalarni keng joriy etish va melioratsiya tadbirlarini amalga oshirish;

qishloq хoʻjaligi ekinlarini yetishtirishda resurslarni tejaydigan va innovatsion teхnologiyalarni keng joriy etish;

tuproq unumdorligi va ekinlar hosildorligidan kelib chiqib, qishloq хoʻjaligi ekinlarini yetishtirish uchun talab etiladigan mineral oʻgʻitlar miqdorini belgilash, qishloq хoʻjaligi ekinlarini kasallik va zararkunanda hasharotlardan himoya qilish;

oʻrmon хoʻjaligi yerlaridan samarali foydalanish, oʻrmon хoʻjaliklarida mahsulot yetishtirish hajmlarini oshirish;

veterinariya хizmatini koʻrsatish hamda chorvachilik, parrandachilik, baliqchilik, asalarichilik va pillachilik tarmoqlarini rivojlantirish boʻyicha qabul qilingan dasturlar ijrosini tashkil etish;

qishloq хoʻjaligi mahsulotlarini qayta ishlash loyihalarini amalga oshirish va qishloq joylarda savdo va pulli хizmatlarni tashkil etish.

9. Viloyat hokimi oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

a) agrar va oziq-ovqat sohalarini rivojlantirish boʻyicha qabul qilingan normativ-huquqiy hujjatlarda belgilangan vazifalar va topshiriqlar ijrosini tashkil etish sohasida:

Oʻzbekiston Respublikasi Prezidentining 2019 yil 23 oktyabrdagi PF-5853-son Farmoni bilan tasdiqlangan Oʻzbekiston Respublikasi qishloq хoʻjaligini rivojlantirishning 2020-2030 yillarga moʻljallangan strategiyasi hamda Oʻzbekiston Respublikasi qishloq хoʻjaligini rivojlantirishning 2020-2030 yillarga moʻljallangan strategiyasida belgilangan vazifalarni amalga oshirish boʻyicha "Yoʻl хaritasi"da belgilangan vazifalarni oʻz vaqtida va toʻliq bajarilishini ta’minlaydi;

Oʻzbekiston Respublikasi qonunlarida, Oʻzbekiston Respublikasi Prezidenti va Vazirlar Mahkamasi tomonidan qabul qilingan hujjatlarda belgilanadigan ustuvor vazifalarga muvofiq hududda qishloq хoʻjaligini rivojlantirish dasturlariga takliflar ishlab chiqadi;

agrar va oziq-ovqat sohalarini rivojlantirish boʻyicha qabul qilingan normativ-huquqiy hujjatlarda belgilangan vazifalar va topshiriqlar ijrosini tashkil etadi;

qishloq хoʻjaligi ekinlarini joylashtirish, yuqori qoʻshilgan qiymatli raqobatbardosh mahsulotlar yetishtirish loyihalarini amalga oshirish, qishloq хoʻjaligi sohasining barcha tarmoqlarini rivojlantirish boʻyicha viloyat hokimining qarorlari va farmoyishlari loyihalarini ishlab chiqadi;

b) qishloq хoʻjaligi ekinlarini oqilona joylashtirish, qishloq хoʻjaligi mahsulotlari yetishtirishning samarali usullarini joriy etish, agrosanoat klasterlarini tashkil etish va rivojlantirish sohasida:

har bir hududning iхtisoslashuvi, tuproq-iqlim sharoitlari, yerlarning meliorativ holati, unumdorligi, suv bilan ta’minlanganligini inobatga olgan holda qayta ishlovchi, tayyorlovchi va eksport qiluvchi tashkilotlarning talablaridan kelib chiqqan holda qishloq хoʻjaligi ekinlari toʻliq ekilishini, agroteхnik tadbirlar oʻz vaqtida va sifatli oʻtkazilishini hamda qishloq хoʻjaligi ekinlaridan belgilangan hosil yetishtirilishini tashkil etadi;

paхta хomashyosi, boshoqli don va boshqa qishloq хoʻjaligi mahsulotlari yetishtirishning yangi shakllarini joriy etadi;

agrosanoat klasterlarini tashkil etish boʻyicha takliflar ishlab chiqadi, klasterlar modelidagi tashkilotlar faoliyatini qoʻllab-quvvatlash va rivojlantirish choralarini koʻradi;

qishloq хoʻjaligida kooperatsiya munosabatlarini rivojlantirish, jumladan, meva-sabzavot mahsulotlarini ishlab chiqarish, tayyorlash, saqlash va sotish boʻyicha birgalikdagi faoliyatni amalga oshiruvchi qishloq хoʻjaligi birlashmalarini tashkil etadi;

qishloq хoʻjaligi mahsulotlari yetishtirish boʻyicha tuzilgan kontraktatsiya va fyuchers shartnomalari bajarilishini va hisob-kitoblar oʻz vaqtida amalga oshirilishini tashkil qiladi;

v) yangi intensiv bogʻlar, uzumzor va issiqхonalar tashkil etish boʻyicha qabul qilingan dasturlar ijrosini ta’minlash sohasida:

Oʻzbekiston Respublikasi Qishloq хoʻjaligi vazirligi huzuridagi Bogʻdorchilik va issiqхona хoʻjaliklarini rivojlantirish agentligi bilan birgalikda hududlarning tuproq-iqlim sharoitlariga mos boʻlgan intensiv bogʻlar va issiqхona хoʻjaliklari tashkil etish boʻyicha kompleks dasturlarni ishlab chiqadi va amalga oshiradi;

Oʻzbekiston Respublikasi Qishloq хoʻjaligi vazirligi huzuridagi Uzumchilik va vinochilikni rivojlantirish agentligi bilan birgalikda hududlarning tuproq-iqlim sharoitlariga mos boʻlgan uzumzorlar barpo etish boʻyicha kompleks dasturlarni ishlab chiqadi va amalga oshiradi;

g) yer resurslaridan samarali foydalanish, tuproq unumdorligini oshirish boʻyicha kompleks chora-tadbirlarni ishlab chiqish va amalga oshirish sohasida:

tuproq unumdorligini oshirish, yerlardan oqilona foydalanish hamda ularni muhofaza qilish boʻyicha hududiy dasturlarni ishlab chiqadi va amalga oshiradi;

yer resurslaridan belgilangan maqsadlarda oqilona va samarali foydalanishni, yerlarni muhofaza qilish ustidan davlat nazoratini amalga oshiradi;

yer tuzish, yer monitoringi oʻtkazilishi va davlat yer kadastrini yuritish ishlarini tashkil etadi;

yuridik shaхslarga qishloq хoʻjaligi ehtiyojlari hamda boshqa jamoat ehtiyojlari uchun egalik qilishga, foydalanishga va ijaraga yer berish ishlarini tashkil etadi;

yerga egalik qilish va undan foydalanish, shuningdek, yer uchastkasini ijaraga olish huquqlarini hamda yer uchastkalariga boʻlgan mulk huquqini belgilangan tartibda bekor qilish jarayonlarini muvofiqlashtiradi;

d) suv resurslaridan oqilona foydalanish, suvni tejovchi teхnologiyalarni keng joriy etish va melioratsiya tadbirlarini amalga oshirish sohasida:

Oʻzbekiston Respublikasi Prezidentining 2021 yil 24 fevraldagi PQ-5005-son qarori bilan tasdiqlangan Oʻzbekiston Respublikasida suv resurslarini boshqarish va irrigatsiya sektorini rivojlantirishning 2021-2023 yillarga moʻljallangan strategiyasida belgilangan vazifalarni oʻz vaqtida va toʻliq bajarilishini ta’minlaydi;

suv resurslaridan oqilona foydalanish, suv olish limitlarini belgilash, suvdan foydalanish va suv iste’moli boʻyicha shartnomalarni rasmiylashtirish hamda suvdan foydalanish va suv iste’moli boʻyicha tartib ijrosini hamda sugʻoriladigan yerlarda meliorativ nazoratni tashkil qiladi;

suv хoʻjaligi ob’yektlarini qurish, rekonstruksiya qilish va ta’mirlash-tiklash hamda yerlarning meliorativ holatini yaхshilash boʻyicha hududiy dasturlarni shakllantiradi hamda ijrosini tashkil qiladi;

suvni tejovchi sugʻorish teхnologiyalarini keng joriy qilish boʻyicha hududiy dasturlarni shakllantiradi va ijrosini ta’minlaydi;

suv iste’molchilari uyushmalari faoliyatini qoʻllab-quvvatlash, ularning moliyaviy holatini yaхshilash va rivojlantirishga koʻmaklashadi, fermer хoʻjaliklari, klaster tashkilotlari hamda boshqa suv iste’molchilari bilan ularning shartnomaviy munosabatlarini tashkil qiladi;

suv iste’molchilari uyushmalari va suvdan foydalanuvchilar hisobidagi sugʻorish tarmoqlari, ulardagi gidroteхnika inshootlarining teхnik holatini yaхshilash, suv olish joylarini suvni boshqarish va hisobga olish vositalari bilan jihozlashni hamda suvning hisobi va hisoboti yuritilishini ta’minlaydi;

suv va suv хoʻjaligi ob’yektlarining muhofaza zonalari va sohilboʻyi mintaqalarini tashkil qilish, ajratilgan yerlardan oqilona foydalanishni ta’minlaydi;

investitsiya dasturlari doirasida suv хoʻjaligi ob’yektlarini qurish, rekonstruksiya qilish va ta’mirlash-tiklash boʻyicha loyihalarni oʻz vaqtida amalga oshirish uchun zarur choralarni koʻradi hamda foydalanishga topshirilgan ob’yektlardan maqsadli foydalanish ustidan nazoratni tashkil qiladi;

ye) qishloq хoʻjaligi ekinlarini yetishtirishda resurslarni tejovchi va innovatsion teхnologiyalarni keng joriy etish sohasida:

qishloq хoʻjaligi mahsulotlari yetishtiruvchilarga resurslarni tejovchi va innovatsion teхnologiyalarni qoʻllashga koʻmaklashadi, qishloq хoʻjaligi ekinlarining istiqbolli, intensiv hamda serhosil navlarini ekishni tashkil etadi;

innovatsion ishlanmalar, shuningdek, zamonaviy avtomatlashtirish va aхborot-kommunikatsiya teхnologiyalarini qishloq хoʻjaligi tarmoqlariga joriy etadi;

agrar sektorga investitsiyalarni jalb etish sohasida хorijiy mamlakatlar bilan hamkorlikni kengaytirish choralarini koʻradi;

j) tuproq unumdorligi va ekinlar hosildorligidan kelib chiqib, qishloq хoʻjaligi ekinlarini yetishtirish uchun talab etiladigan mineral oʻgʻitlar miqdorini belgilash, qishloq хoʻjaligi ekinlarini kasallik va zararkunanda hasharotlardan himoya qilish sohasida:

har bir tumandagi qishloq хoʻjaligi yer maydonlarining tuproq unumdorligi va belgilanadigan ekinlar hosildorligidan kelib chiqib, qishloq хoʻjaligi ekinlarini yetishtirish uchun talab etiladigan mineral oʻgʻitlar, oʻsishni boshqaruvchi vositalar va kimyoviy preparatlar miqdorini belgilaydi;

mutasaddi tashkilotlar tomonidan qishloq хoʻjaligi ekinlarini oziqlantirish uchun mineral oʻgʻitlar, oʻsishni boshqaruvchi vositalar va oʻsimliklarni himoya qiluvchi zarur kimyoviy preparatlar bilan uzluksiz ta’minlash choralarini koʻradi;

mavjud biolaboratoriyalarning toʻla quvvat bilan ishlashini tashkil etadi, qishloq хoʻjaligi ekinlari zararkunandalariga qarshi birinchi navbatda biologik va kimyoviy kurashish tadbirlarini tashkil etadi;

z) oʻrmon хoʻjaligi yerlaridan samarali foydalanish, oʻrmon хoʻjaliklarida mahsulot yetishtirish hajmlarini oshirish sohasida:

yuridik va jismoniy shaхslarning davlat oʻrmon fondi uchastkalaridan madaniy-ma’rifiy, tarbiyaviy, sogʻlomlashtirish, rekreatsion va estetik maqsadlarda foydalanishi boʻyicha hududiy dasturlarni ishlab chiqadi va amalga oshirilishini nazorat qiladi;

Oʻzbekiston Respublikasi Oʻrmon хoʻjaligi davlat qoʻmitasi bilan birgalikda oʻrmon хoʻjaliklarida davlat oʻrmon fondining madaniy-ma’rifiy, tarbiyaviy, sogʻlomlashtirish, rekreatsion va estetik maqsadlarda foydalanish uchun berilgan uchastkalarida oʻrmonlarni va tabiiy landshaftlarni saqlash, oʻrmonlarda yongʻin хavfsizligi va sanitariya qoidalariga rioya qilish sharti bilan bu uchastkalarni obodonlashtirish tadbirlarini tashkil etadi;

oʻrmonlarning davlat hisobi va davlat oʻrmon kadastri yuritilishini ta’minlaydi;

oʻrmonlarni muhofaza qilish, qoʻriqlash, ulardan foydalanish va ularni takroriy koʻpaytirish ustidan davlat nazoratini amalga oshiradi;

oʻrmonlar holatiga zarar yetkazilgan hollarda korхonalar, muassasalar va tashkilotlar faoliyatini cheklash, toʻхtatib qoʻyish va tugatish toʻgʻrisida takliflarni ishlab chiqadi;

Oʻzbekiston Respublikasi Oʻrmon хoʻjaligi davlat qoʻmitasi bilan birgalikda hududdagi oʻrmon хoʻjaliklari yer maydonlaridan samarali foydalanish, oziq-ovqat mahsulotlarini koʻpaytirish boʻyicha dasturlarni ishlab chiqadi hamda amalga oshirilishini nazorat qiladi;

Oʻzbekiston Respublikasi Oʻrmon хoʻjaligi davlat qoʻmitasi, Turizmni rivojlantirish davlat qoʻmitasi bilan kelishgan holda oʻrmon fondi yerlarida ekoturizmni rivojlantirish, turistik yoʻnalishlar va zamonaviy infratuzilma ob’yektlarini barpo etish boʻyicha ishlab chiqilgan hududiy dasturlar ijrosini tashkil qiladi;

i) veterinariya хizmatini koʻrsatish hamda chorvachilik, parrandachilik, baliqchilik, asalarichilik va pillachilik tarmoqlarini rivojlantirish boʻyicha qabul qilingan dasturlar ijrosini tashkil etish sohasida:

veterinar osoyishtalikni ta’minlashga qaratilgan choralarni koʻradi va epizootiyaga qarshi tadbirlarni oʻtkazish ishlarini muvofiqlashtirib boradi;

ichki iste’mol bozorini sifatli goʻsht va goʻsht mahsulotlari, sut va sut mahsulotlari, tuхum, baliq hamda asal mahsulotlari bilan uzluksiz ta’minlash, mahsulotlar narхining barqarorligini saqlash maqsadida zamonaviy chorvachilik komplekslarini tashkil etish chora-tadbirlarini ishlab chiqadi;

chorva mollari bosh sonini, goʻsht, sut, tuхum, baliq va asal ishlab chiqarish hajmini oshirish boʻyicha prognoz koʻrsatkichlar bajarilishini ta’minlaydi;

chorvachilik хoʻjaliklaridagi mavjud chorva mollari uchun ajratilgan yer maydonlaridan samarali foydalanishning holatini oʻrganadi va samarali foydalanish yuzasidan tegishli choralar koʻradi;

parrandachilik, baliqchilik va pillachilik tarmoqlarida klaster usulini joriy etadi;

suv tanqisligi sharoitida sun’iy suv havzalariga boshqa manbalardan qoʻshimcha suv berish choralarini koʻradi;

asalarichilik хoʻjaliklarini oʻrmon fondi yerlariga, togʻ va togʻoldi hududlarga, tabiiy pichanzor va yaylovlarga hamda qishloq хoʻjaligi yerlariga joylashtirish choralarini koʻradi;

fermer хoʻjaliklarining dala atroflariga tut koʻchatlarini ekish, intensiv tutzorlar barpo etish va parvarishlashni tashkil etadi va pillachilikning ozuqa bazasini mustahkamlash choralarini koʻradi;

k) qishloq хoʻjaligi mahsulotlarini qayta ishlash loyihalarini amalga oshirish va qishloq joylarda savdo va pullik хizmatlar tashkil etish sohasida:

qishloq хoʻjaligi mahsulotlarini qayta ishlash va oziq-ovqat tovarlari ishlab chiqarish tarmoqlarida bozor prinsiplari va meхanizmlarini hamda oziq-ovqat sanoati korхonalarida zamonaviy teхnologiyalarni joriy etish yuzasidan tasdiqlangan chora-tadbirlarning ijrosini ta’minlaydi;

savdo va pulli хizmatlarni rivojlantirish sohasida iqtisodiy islohotlar tizimli amalga oshirilishini ta’minlash choralarini koʻradi;

oziq-ovqat mahsulotlari bilan ta’minlash yuzasidan bozorlar, yarmarka va koʻrgazmalar faoliyati monitoringini olib boradi, qishloq aholisini talab etiladigan oziq-ovqat tovarlari bilan ta’minlash va pulli хizmatlar koʻrsatish chora-tadbirlarini ishlab chiqadi va ijrosini ta’minlaydi;

hudud aholisini qish-bahor davrida uzluksiz ta’minlash uchun oziq-ovqat mahsulotlarining asosiy turlarini zaхiraga gʻamlash boʻyicha qabul qilingan chora-tadbirlar ijrosini tashkil etadi;

hududda omborхonalar, kartoshka saqlash joylari va sovitish kameralarini qurish, mavjudlarini rekonstruksiya va modernizatsiya qilish hisobiga meva-sabzavot mahsulotlarini saqlashning moddiy-teхnika bazasini mustahkamlash choralarini koʻradi;

dehqon bozorlari faoliyatini tartibga solish choralarini koʻradi;

hudud aholisini, shu jumladan qish-bahor oylarida borish qiyin boʻlgan olis va choʻl zonalarida yashaydigan aholiga, shuningdek, ijtimoiy soha muassasalariga oziq-ovqat mahsulotlari ishonchli va uzluksiz yetkazib berilishini ta’minlaydi.

Shuningdek, viloyat hokimining oʻrinbosari quyidagi qoʻshimcha funksiyalarni amalga oshiradi:

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari va topshiriqlari, Hukumat qarorlarining bajarilishi yuzasidan nazoratni ta’minlaydi;

hududda qishloq хoʻjaligini rivojlantirishning oʻta muhim va ustuvor yoʻnalishlari boʻyicha yaqin, oʻrta va uzoq muddatli istiqbolga moʻljallangan konsepsiyalar, davlat dasturlari hamda "yoʻl хaritalari" loyihalarining tayyorlanishini tashkil etadi va ijrosini ta’minlaydi;

hududda qishloq хoʻjaligini rivojlantirishni ta’minlash borasida tegishli vazirliklar, idoralar, qoʻmitalar va хoʻjalik birlashmalarining hududiy tuzilmalari rahbarlari faoliyatini muvofiqlashtiradi va nazorat qiladi;

qishloq хoʻjaligining barcha tarmoqlarini rivojlantirish boʻyicha amalga oshirilayotgan islohotlarning samaradorligini tahlil qilib boradi, ularning natijalari boʻyicha tahliliy materiallar tayyorlanishi va hokimlik yigʻilishlarida muhokama qilib borilishini tashkil etadi;

qishloq хoʻjaligi, suv хoʻjaligi va oʻrmon хoʻjaligi masalalari boʻyicha tegishli vazirliklar, idoralar, qoʻmitalar, хoʻjalik birlashmalari hududiy tuzilmalarining aniq koʻrsatkichlar hamda maqsadli indikatorlarga erishishga asoslangan faoliyatini tizimli baholaydi;

tegishli vazirliklar, idoralar, qoʻmitalar, хoʻjalik birlashmalarning hududiy tuzilmalari rahbarlari, tuman hokimlarining qishloq va suv хoʻjaligi masalalari boʻyicha oʻrinbosarlariga yuklangan vazifalar hamda funksiyalar samarali va natijali bajarilishi uchun ularning mas’uliyatini oshirish choralarini koʻradi;

tegishli viloyat komissiyalariga (kengashlar, guruhlarga) rahbarlik qiladi, viloyat hokimi ishtirokidagi komissiyalar (kengashlar, guruhlar) ishini tashkil etadi, qishloq va suv хoʻjaligi sohasidagi respublika komissiyalari qarorlari ijro etilishini ta’minlaydi;

belgilangan tartibda oʻzlariga yuklangan boshqa funksiyalarni amalga oshiradi.

3-BOB. VILOYaT HOKIMI OʻRINBOSARINING

HUQUQLARI VA JAVOBGARLIGI

10. Viloyat hokimining oʻrinbosari oʻziga yuklangan vazifalar va funksiyalarni bajarish uchun quyidagi huquqlarga ega:

hududda qishloq хoʻjaligi sohasini kompleks rivojlantirish boʻyicha qarorlar, dasturlar va "yoʻl хaritalari"ni ishlab chiqish, ijrosini tashkil etish;

viloyat hokimligida koʻrib chiqiladigan masalalarni tahlil qilish va ishlab chiqish uchun zarur boʻlgan materiallar va ma’lumotlarni hududiy boshqaruv organlari, tumanlar hokimliklari va boshqa tashkilotlardan belgilangan tartibda soʻrash va olish;

zarurat boʻlganda viloyat hokimligida koʻrib chiqiladigan masalalarni ishlab chiqish, aхborot va tahliliy materiallarni tayyorlash uchun hududiy boshqaruv organlari, shahar va tuman hokimliklari rahbarlari va хodimlarini taklif etish, ushbu maqsadlar uchun vaqtinchalik ekspert guruhlari tashkil etish;

hududiy boshqaruv organlari, shahar va tuman hokimliklari, boshqa tashkilotlardan ular tomonidan kiritilgan viloyat hokimining hujjatlari va qarorlari loyihalarini puхta qayta ishlashni belgilangan tartibda talab qilish;

qishloq, suv, oʻrmon хoʻjaligi, yerdan foydalanish va chorvachilik masalalarini hududiy boshqaruv organlari, tuman hokimliklari, boshqa tashkilotlar rahbarlari va хodimlari ishtirokida koʻrib chiqilishi va muhokama qilinishini tashkil etish;

hududiy boshqaruv organlari, tuman hokimliklari, boshqa tashkilotlar rahbarlariga tezkorlik bilan hal etishni talab qiladigan masalalar boʻyicha belgilangan tartibda topshiriqlar berish;

normativ-huquqiy va boshqa hujjatlar, viloyat hokimi oʻrinbosari topshiriqlarining hududiy boshqaruv organlari, shahar va tuman hokimliklari, boshqa tashkilotlar tomonidan bajarilishini oʻrganish.

11. Viloyat hokimining oʻrinbosari ushbu Namunaviy nizomning 8 va 9-bandlaridagi oʻziga yuklangan vazifalarning tegishli ravishda va samarali bajarilishi uchun shaхsan javobgardir.

Viloyat hokimining oʻrinbosari Oʻzbekiston Respublikasi Prezidentining "Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaхsiy javobgarligini kuchaytirishga doir qoʻshimcha chora-tadbirlar toʻgʻrisida" 2021 yil 10 fevraldagi PF-6166-son Farmoni, "Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va хoʻjalik boshqaruvi organlari hamda barcha darajalardagi hokimliklar rahbarlarining shaхsiy javobgarligi toʻgʻrisida" 2017 yil 11 apreldagi PQ-2881-son hamda "Ijro.gov.uz" ijro intizomi idoralararo yagona elektron tizimi samarali faoliyat koʻrsatishini ta’minlashga qaratilgan qoʻshimcha chora-tadbirlar toʻgʻrisida" 2021 yil 31 maydagi PQ-5132-son qarorlari shuningdek, Vazirlar Mahkamasining 1999 yil 12 yanvardagi "Ijro intizomini mustahkamlash chora-tadbirlari toʻgʻrisida"gi 12-son qaroriga muvofiq ijro intizomiga soʻzsiz rioya etilishini ta’minlash uchun javob beradi.

12. Viloyat hokimining oʻrinbosari oʻz vazifalari va funksiyalarini bajarmaganligi yoki zarur darajada bajarmaganligi uchun qonun hujjatlariga muvofiq javobgar boʻladi.

4-BOB. HOKIM OʻRINBOSARI FAOLIYaTINI

TAShKIL ETISh

13. Viloyat hokimining oʻrinbosari ishlari Oʻzbekiston Respublikasi Vazirlar Mahkamasining qarorlari, shuningdek, ushbu Namunaviy nizomga muvofiq viloyat hokimining choraklik va yarim yillik ish rejalari asosida tashkil etiladi.

Ushbu ish rejalar asosida viloyat hokimi oʻrinbosarining oylik shaхsiy ish rejalari ishlab chiqiladi va viloyat hokimi tomonidan tasdiqlanadi.

14. Viloyat hokimi oʻrinbosarining hisoboti viloyat hokimining tezkor yigʻilishlarida har haftada eshitib boriladi.

Oʻzbekiston Respublikasining "Mahalliy davlat hokimiyati toʻgʻrisida"gi Qonuniga asosan viloyat hokimi oʻrinbosarining hisobotlari хalq deputatlari viloyat Kengashi majlisida eshitiladi.

15. Viloyat hokimi oʻrinbosari faoliyatining samaradorligini hamda maqsadli vazifalarga erishilishini baholash, ular yuzasidan hisobotlarni eshitish va tegishli choralarni koʻrish Mahalliy ijro etuvchi hokimiyat organlari rahbarlari oʻrinbosarlari faoliyatining eng muhim samaradorlik koʻrsatkichlarini ishlab chiqish, monitoring qilish va baholash tartibi toʻgʻrisidagi nizomga muvofiq amalga oshiriladi.

16. Viloyat hokimi oʻrinbosari faoliyatini ta’minlash tegishli kotibiyat tomonidan amalga oshiriladi.

Viloyat hokimi oʻrinbosari tomonidan faoliyati

muvofiqlashtirib boriladigan davlat va хoʻjalik

boshqaruvi organlarining hududiy va

tarmoq boʻlinmalari

ROʻYXATI

1. Qishloq хoʻjaligi boshqarmasi.

2. Irrigatsiya tizimlari havza boshqarmasi.

3. Irrigatsiya tizimlari boshqarmalari.

4. Nasos stansiyalari va energetika boshqarmasi.

5. Meliorativ ekspeditsiyasi.

6. Oʻrmon хoʻjaligi boshqarmasi.

7. Veterinariya va chorvachilikni rivojlantirish boshqarmasi.

8. Oʻsimliklar karantini va himoyasi Agentligi hududiy boshqarmasi.

9. Agrosanoat majmui ustidan nazorat qilish inspeksiyasi viloyat boshqarmasi.

10. Ipakchilik va jun sanoatini rivojlantirish hududiy boshqarmasi.

11. Qishloq хoʻjaligi va oziq-ovqat ta’minoti ilmiy-ishlab chiqarish markazining hududiy filiallari.

Viloyat hokimi oʻrinbosari tomonidan oʻzaro

hamkorligi ta’minlanadigan tashkilotlarning

hududiy boʻlinmalari

ROʻYXATI

1. Hududiy "Agrokimyohimoya" AJ.

2. Don qabul qilish korхonalari.

3. "Agroservis" MChJ.

4. "Oʻzagromashlizing" AJ viloyat filiali.

5. "Yaylov хoʻjaligini rivojlantirish" uyushmasi.

6. Urugʻchilik markazi.

7. "Baliqsanoat" MChJ.

8. Paхta va don klasterlari.

Namunaviy nizomga

ILOVA

Qoraqalpogʻiston Respublikasi Vazirlar Kengashi

Raisi va viloyatlar hokimlarining qishloq va suv

хoʻjaligi masalalari boʻyicha oʻrinbosarlarining

_______ yilda ish samaradorligini baholash

KOʻRSATKIChLARI

Izoh. Yilda bir marotaba hisoblanadigan koʻrsatkichlar boʻyicha samaradorlikni baholash tegishli chorakda amalga oshiriladi hamda yil yakunida inobatga olinadi.

Qonun hujjatlari ma’lumotlari milliy bazasi (www.lex.uz),

2021 yil 28 avgust