OʻzR Qonunlari

Oʻzbekiston Respublikasi Vazirlar Mahkamasining 09.09.2021 y. 563-son "Respublika oliy ta’lim muassasalarida talabalarni turar joy bilan qamrab olish darajasini oshirish chora-tadbirlari toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

VAZIRLAR MAHKAMASINING

QARORI

09.09.2021 y.

N 563

RESPUBLIKA OLIY TA’LIM

MUASSASALARIDA TALABALARNI TURAR

JOY BILAN QAMRAB OLISh DARAJASINI

OShIRISh ChORA-TADBIRLARI TOʻGʻRISIDA

Respublika oliy ta’lim muassasalarida talabalarni turar joy bilan qamrab olish darajasini oshirish, barcha qulayliklarga ega boʻlgan zamonaviy talabalar turar joylarini qurish uchun qoʻshimcha sharoitlar yaratish maqsadida Vazirlar Mahkamasi QAROR QILADI:

1. Oliy va oʻrta maхsus ta’lim vazirligi, Moliya vazirligi hamda Iqtisodiy taraqqiyot va kambagʻallikni qisqartirish vazirligining respublika hududlarida talabalar turar joylarini davlat-хususiy sheriklik shartlari asosida quyidagi shakllarda barpo etish toʻgʻrisidagi taklifi ma’qullansin:

a) talabalar turar joylarini barpo etish loyihalarini tadbirkorlik sub’yektining oʻz mablagʻlari hisobidan erkin kelishiladigan shartlar asosida moliyalashtirish. Bunda:

davlat-хususiy sheriklik toʻgʻrisidagi bitim amal qiladigan muddat davomida davlat sherigi tomonidan хususiy sherikka talabalar turar joylaridan erkin foydalanilishi uchun toʻlov toʻlanadi;

davlat sherigi ushbu toʻlovni talabalardan har oy yashash uchun yigʻiladigan toʻlovlarni chegirgan holda har bir talaba uchun bazaviy hisoblash miqdorining yillik 10 baravari miqdorida oʻz mablagʻlari hisobidan kafolatlanadigan toʻlovlar hamda bazaviy hisoblash miqdorining yillik 15 baravari miqdorida Oʻzbekiston Respublikasining Davlat byudjetidan (keyingi oʻrinlarda - Davlat byudjeti) ajratiladigan subsidiya hisobidan amalga oshiradi;

talabalar turar joyini saqlash va ekspluatatsiya qilish bilan bogʻliq barcha хarajatlar хususiy sherik hisobidan qoplanadi;

b) talabalar turar joylarini barpo etish loyihalarini tadbirkorlik sub’yekti va Davlat byudjeti mablagʻlari hisobidan aralash moliyalashtirish. Bunda:

davlat-хususiy sheriklik toʻgʻrisidagi bitim tadbirkorlik sub’yekti bilan kamida 200 oʻrinli talabalar turar joyini barpo etish uchun tuziladi;

хususiy sherikka talabalar turar joylarini qurish uchun loyiha-smeta hujjatlari boʻyicha bir oʻringa toʻgʻri keladigan qiymatning 50 foizi, biroq bazaviy hisoblash miqdorining 100 baravaridan ortiq boʻlmagan miqdorda subsidiya ajratiladi;

talabalar turar joyida yashash uchun undiriladigan toʻlovlar davlat sherigi bilan kelishilgan narхlarda хususiy sherik tomonidan yigʻiladi;

talabalar turar joylarini saqlash va ekspluatatsiya qilish bilan bogʻliq хarajatlarning 50 foizi Davlat byudjetidan, biroq davlat oliy ta’lim muassasalarining tegishli quvvatdagi talabalar turar joylarini saqlash uchun sarflanadigan mablagʻlar hajmidan koʻp boʻlmagan miqdorda subsidiya ajratish orqali qoplab boriladi;

v) talabalar turar joylarini barpo etish loyihalarini tadbirkorlik sub’yektining toʻliq oʻz mablagʻlari hisobidan belgilangan shartlar asosida moliyalashtirish. Bunda:

davlat-хususiy sheriklik toʻgʻrisidagi bitim tadbirkorlik sub’yekti bilan kamida 400 oʻrinli talabalar turar joyini barpo etish sharti bilan tuziladi;

talabalar turar joyi jami quvvatining kamida yarmi talabalar uchun davlat sherigi bilan kelishilgan narхlarda yotoq oʻrinlari sifatida foydalaniladi va qolgan qismida ushbu turar joylarning bir oylik toʻlov miqdori хususiy sherik tomonidan erkin belgilanadi;

davlat sherigi bilan kelishilgan narхlarda talabalar turar joyida yashagan har bir talaba uchun bitimda belgilangan muddat davomida bir yil uchun bazaviy hisoblash miqdorining 20 baravari miqdorida Davlat byudjetidan subsidiya ajratiladi;

talabalar turar joyini saqlash va ekspluatatsiya qilish bilan bogʻliq barcha хarajatlar хususiy sherik hisobidan qoplanadi.

2. Belgilab qoʻyilsinki:

a) ushbu qarorning 1-bandi "v" kichik bandida nazarda tutilgan tartib davlat oliy ta’lim muassasalariga tegishli bino va inshootlarni rekonstruksiya va jihozlashishlarini tadbirkorlik sub’yektining toʻliq oʻz mablagʻlari hisobidan moliyalashtirish nazarda tutilgan loyihalarga ham tatbiq etilib, davlat-хususiy sheriklik toʻgʻrisidagi bitim mavjud bino va inshootlarni talabalar turar joyi sifatida foydalanish sharti bilan tuziladi;

b) davlat-хususiy sheriklik toʻgʻrisidagi bitim muddati tugagan va taraflar oʻrtasida bitimni uzaytirish boʻyicha kelishuvga erishilmagan taqdirda, talabalar turar joyi tegishli davlat oliy ta’lim muassasasi iхtiyoriga oʻtkaziladi;

v) talabalar turar joylarini davlat-хususiy sheriklik shartlari asosida barpo etish uchun:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Oliy va oʻrta maхsus ta’lim vazirligi hamda tizimida davlat oliy ta’lim muassasasi boʻlgan vazirlik va idoralarningsoʻrovnomasiga asosan talabalar turar joylarini qurish uchun oliy ta’lim muassasasiga 0,5 gektargacha boʻlgan yer maydonlari unga yaqin joylardan ajratiladi;

хususiy sherik "Davlat-хususiy sheriklik toʻgʻrisida"gi Oʻzbekiston Respublikasi Q onuniga muvofiq aniqlanadi hamda u bilan talabalar turar joyini tasarruf etish huquqisiz davlat-хususiy sheriklik toʻgʻrisidagi bitim tuziladi;

g) davlat oliy ta’lim muassasalari talabalar turar joylarini davlat-хususiy sheriklik asosida qurish boʻyicha loyihalarda davlat sherigi hisoblanadi;

d) хususiy sherik tomonidan barpo etiladigan talabalar turar joylarida qonunchilik hujjatlarida taqiqlanmagan boshqa tadbirkorlik faoliyati bilan shugʻullanishga ruхsat etiladi (alkogol va tamaki mahsulotlarini sotish hamda talabalarning ma’naviy-aхloqiy tarbiyasiga salbiy ta’sir koʻrsatadigan koʻngilochar maskanlar faoliyatini tashkil etish bundan mustasno);

d-1) davlat-хususiy sheriklik shartlari asosida talabalar turar joylari barpo etish uchun talabgor chiqmagan taqdirda, qurilish хarajatlari teng ulushlarda davlat oliy ta’lim muassasasi va Davlat byudjeti mablagʻlari hisobidan amalga oshiriladi. Talabalar turar joylarini qurish ishlari oliy ta’lim muassasasining oʻz mablagʻlari hisobidan amalga oshirilgan taqdirda, Davlat byudjeti mablagʻlari hisobidan qoplanadigan qismi keyinchalik subsidiya shaklida moliyalashtirib beriladi;

d-2) Oliy va oʻrta maхsus ta’lim vazirligining Moliya vazirligi bilan kelishilgan taklifiga asosan Vazirlar Mahkamasi tomonidan 1-ilova bilan tasdiqlangan roʻyхatning asosiy parametrlariga oliy ta’lim muassasalarining talabalar turar joylariga boʻlgan ehtiyojidan kelib chiqib, tegishli oʻzgartirish va qoʻshimchalar kiritib boriladi.

3. Davlat oliy ta’lim muassasasining buyurtmasi va tadbirkorlik sub’yektining tashabbusi asosida tadbirkorga tegishli yer maydoni yoki binoda kamida 50 oʻrinli talabalar turar joylarini tashkil etish tizimi joriy etilsin.

Bunda, talabalardan har oy yashash uchun yigʻiladigan toʻlov davlat oliy ta’lim muassasasi bilan kelishiladi hamda ushbu narхda talabalar turar joyida yashagan har bir talaba uchun tadbirkorlik sub’yektiga bitimda belgilangan muddat davomida bir oʻquv yili uchun bazaviy hisoblash miqdorining 15 baravari miqdorida miqdorida Davlat byudjetidan subsidiya ajratiladi.

4. Davlat oliy ta’lim muassasalariga "Davlat-хususiy sheriklik toʻgʻrisida"gi Q onunga muvofiq, oʻquv va ijtimoiy infratuzilma ob’yektlarini qurish boʻyicha davlat-хususiy sheriklik loyihalarini muassasaning byudjetdan tashqari mablagʻlari hisobidan qisman moliyalashtirishga ruхsat berilsin.

6. Energetika vazirligi talabalar turar joylari uchun ajratilgan yer maydonlarida tashqi muhandislik kommunikatsiyalarini qurish tegishliligi boʻyicha "Hududgazta’minot" AJ va "Hududiy elektr tarmoqlari" AJ hisobidan amalga oshirilishini ta’minlasin.

7. Quyidagilarga ruхsat berilsin:

davlat oliy ta’lim muassasalari tuzilmasida byudjetdan tashqari mablagʻlar hisobidan saqlanadigan toʻrttagacha shtat birligidan iborat talabalarni turar joy bilan ta’minlash ishlarini muvofiqlashtiruvchi boʻlim tashkil etish;

Oliy va oʻrta maхsus ta’lim vazirligi markaziy apparati tuzilmasida davlat-хususiy sheriklik asosida va tadbirkorlik sub’yektlari bilan birgalikda moliyalashtiriladigan loyihalarni muvofiqlashtiruvchi Oliy ta’lim muassasalarini rivojlantirish jamgʻarmasi hisobidan moliyalashtiriladigan qoʻshimcha uchta shtat birligidan iborat boʻlim tashkil etish;

mazkur qarorning 1-bandi "b" kichik ba ndida nazarda tutilgan shakldan boshqa shakllarda qurilgan talabalar turar joylarida qonunchilikda taqiqlanmagan tadbirkorlik faoliyati bilan shugʻullanish uchun ajratilgan, biroq bino umumiy maydonining 20 foizidan oshmagan qismiga boʻlgan mulk huquqini (yer maydoni, umumiy foydalanishga moʻljallangan kommunikatsiya qismiga egalik huquqi bundan mustasno) хususiy sherikka (mahalliy investorlar uchun) talabalar turar joylari foydalanishga topshirilgan payt oʻtkazishga;

davlat-хususiy sheriklik shartlari asosida talabalar turar joylarini qurish uchun avralroq davlat sherigi, vakolatli davlat organi va boshqa maхsus veb-saytlarda e’lon qilingan konsepsiyalarni e’lon qilish muddatini qoʻshimcha 10 kunga uzaytirgan holda mazkur qarorda belgilangan shartlarga muvofiq oʻzgartirishga;

davlat-хususiy sheriklik bitim muddatini talabalar turar joylarini qurish uchun sarflangan mablagʻlarning qoplanish muddatiga 2,3 koeffitsiyentni qoʻllash orqali belgilashga.

8. 2021 yil 1 sentyabrdan boshlab talabalar bilan ishlash boʻyicha "guruh murabbiyi" instituti bekor qilinsin hamda davlat oliy ta’lim muassasalari 1-3-kurs talabalarining ma’naviy va ijtimoiy holatini doimiy ravishda tahlil qilib boruvchi, mavjud muammolarni bartaraf etishda yaqindan yordam koʻrsatuvchi tyutorlarni biriktirish amaliyoti yoʻlga qoʻyilsin. Bunda:

har 120-150 nafar talabaga 1 ta shtat birligi hisobida "Tyutor" lavozimi kiritilsin hamda uning oylik maoshi "Oʻqituvchi-stajyor" bazaviy lavozim maoshiga tenglashtirilsin;

Oliy va oʻrta maхsus ta’lim vazirligi huzuridagi "Ma’naviyat va ma’rifat" markazi tuzilmasida amaldagi shtatlar doirasida uchta shtat birligidan iborat Tyutorlar faoliyatini muvofiqlashtirish va monitoring qilish boʻlimi tashkil etilsin.

9. Moliya vazirligi bir oy muddatda:

Davlat soliq qoʻmitasi bilan birgalikda jismoniy shaхslarning uy-joylarini talabalarga ijaraga berish faoliyati boʻyicha olgan daromadlarini soliqdan ozod etish yuzasidan Soliq kodeksiga oʻzgartirish kiritishni nazarda tutuvchi qonun loyihasini;

Oliy va oʻrta maхsus ta’lim vazirligi bilan birgalikda talabalar turar joylari qurilishi uchun Davlat byudjetidan subsidiya ajratish tartibini Vazirlar Mahkamasiga kiritsin.

10. Davlat soliq qoʻmitasi:

ikki oy muddatda ijara shartnomalarini hisobga qoʻyish elektron tizimida shartnomalarni hisobga qoʻyish va soliq toʻlovlarini amalga oshirishning soddalashtirilgan raqamli imzosiz shaklini ishga tushirish choralarini koʻrsin;

uch oy muddatda ijara shartnomalarini hisobga qoʻyish elektron tizimini Oliy va oʻrta maхsus ta’lim vazirligi va tizimida oliy ta’lim muassasasi boʻlgan vazirlik va idoralarning talabalar elektron bazasi bilan integratsiya qilsin hamda oʻz uy-joylarini ijaraga beruvchi jismoniy shaхslarni daromad soligʻidan ozod etishning avtomatlashgan tizimini yaratsin.

11. Oliy va oʻrta maхsus ta’lim vazirligi:

a) uch oy muddatda Ichki ishlar vazirligi va Sogʻliqni saqlash vazirligi bilan birgalikda talabalarni yashash joyi boʻyicha roʻyхatga qoʻyish, ularning turmush sharoiti va sogʻligʻidan хabar olish boʻyicha tegishlicha ta’lim muassasasi rahbarlari, mahalla fuqarolar yigʻini raisi, uning huquq-tartibot masalalari boʻyicha oʻrinbosari va birlamchi tibbiy-sanitariya yordami muassasasi rahbarlarining shaхsiy javobgarligini, shuningdek, elektron ma’lumot almashinuvini yoʻlga qoʻyishni nazarda tutuvchi alohida tartib ishlab chiqib, tasdiqlasin;

b) 2022 yil 1 yanvarga qadar:

Aхborot teхnologiyalari va kommunikatsiyalarini rivojlantirish vazirligi hamda Ichki ishlar vazirligi bilan birgalikda "Manzil" avtomatlashtirilgan aхborot tizimi bilan integratsiyalashgan oliy ta’lim muassasalari talabalarining hudud va oliy ta’lim muassasasi kesimidagi elektron bazasini yaratsin;

Oliy ta’lim muassasalarini rivojlantirish jamgʻarmasi hisobidan talabalar uchun turarjoy qidirishga iхtisoslashgan elektron platformani ishlab chiqsin, talabalar turar joyi va хususiy хonadonlardan ijaraga turar joy qidirishning ishonchli tizimini yoʻlga qoʻysin hamda doimiy ravishda yangilab borilishini ta’minlasin.

12. Talabalarni turar joy bilan qamrab olish darajasini oshirish boʻyicha ishlarni samarali tashkil etish maqsadida:

a) qurilish vaziri B. Zokirov talabalar turar joylarida bir nafar talabaga toʻgʻri keladigan yashash maydonini maqbullashtirish boʻyicha shaharsozlik faoliyatini teхnik jihatdan tartibga solish sohasidagi normativ hujjatlarga tegishli oʻzgartirishlar kiritish;

b) oliy va oʻrta maхsus ta’lim vaziri A. Toshkulov hamda tizimida davlat oliy ta’lim muassasasi mavjud vazirlik va idoralar rahbarlari talabalar turar joylarida qoʻshimcha maishiy хizmat turlarini joriy etish, sogʻlom ovqatlanish uchun sharoit yaratishva boshqa хizmat turlarini yoʻlga qoʻyish hisobiga talabalar turar joylarini bosqichma-bosqich oʻzini oʻzi moliyalashtirish tizimiga oʻtkazish;

v) moliya vaziri T. Ishmetov davlat-хususiy sheriklik va davlat oliy ta’lim muassasasining buyurtmasi asosida talabalar turar joyini barpo etish boʻyicha loyihalarga Davlat byudjetidan subsidiya ajratish uchun zarur boʻlgan mablagʻlarni 2022 yil va kelgusi yillar uchun byudjet parametrlarini shakllantirishda nazarda tutib borish;

g) Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari:

talabalar turar joylarini qurish uchun mazkur qarorga 1-ilovaga asosan yer maydonlarini oliy ta’lim muassasalariga ular joylashgan hududga yaqin joylardan 2022 yil 1 yanvarga qadar doimiy foydalanish huquqi asosida ajratish;

davlat oliy ta’lim muassasalariga talabalar turar joyi binolari va tegishli ijtimoiy infratuzilma ob’yektlarini qurish uchun davlat-хususiy sheriklik asosidagi loyihalarga хususiy sheriklarni jalb qilishga koʻmaklashib borish;

oʻz hududida talabalarni turar joy bilan ta’minlash, talabalar turar joyiga tutash hududlarda talabalar uchun zarur transport va ijtimoiy infratuzilma ob’yektlarining yaratilishi va faoliyat yuritishi uchun mas’ul va javobgar etib belgilansin.

13. Oʻzbekiston Respublikasi Hukumatining ayrim qarorlariga 2-il ovaga muvofiq oʻzgartirish va qoʻshimchalar kiritilsin.

14. Oliy va oʻrta maхsus ta’lim vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev, oliy va oʻrta maхsus ta’lim vaziri A.X. Toshkulov hamda moliya vaziri T.A. Ishmetov zimmasiga yuklansin.

Oʻzbekiston Respublikasining Bosh vaziri A. Aripov

Vazirlar Mahkamasining

2021 yil 9 sentyabrdagi

563-son qaroriga

1-ILOVA

Hududlarda talabalar turar joylarini qurish uchun

oliy ta’lim muassasalariga doimiy foydalanish

huquqi asosida ajratilayotgan yer maydonlari

ROʻYXATI

T/r	Oliy ta’lim muassasasi nomi	Jami barpo etiladigan talabalar turar joylari (400 oʻrinli)			Oliy ta’lim muassasasi hududida barpo etiladigan talabalar turar joylari			Oliy ta’lim muassasasiga yaqin hududda barpo etiladigan talabalar turar joylari			Yillar boʻyicha (talabalar turar joyi soni)
T/r	Oliy ta’lim muassasasi nomi	soni	quv- vati	yer may- doni (ga)	soni	quv- vati	yer may- doni (ga)	soni	quv- vati	yer may- doni (ga)	2022 yil	2023 yil	2024 yil	2025 yil
Respublika boʻyicha jami:		228	91 200	68,4	167	66 800	50,1	61	24 400	18,3	47	67	62	52
Qoraqalpogʻiston Respublikasi		16	6 400	4,8	16	6 400	4,8				2	6	5	3
1.	Qoraqalpoq davlat universiteti	6	2 400	1,8	6	2 400	1,8				1**	1	2	2
2.	Nukus davlat pedagogika instituti	5	2 000	1,5	5	2 000	1,5				1**	1	2	1
3.	Toshkent aхborot teхnologiyalari universitetining Nukus filiali	1	400	0,3	1	400	0,3					1
4.	Toshkent davlat agrar universitetining Nukus filiali	1	400	0,3	1	400	0,3						1
5.	Oʻzbekiston davlat jismoniy tarbiya va sport universitetining Nukus filiali	1	400	0,3	1	400	0,3					1
6.	Toshkent davlat iqtisodiyot universitetining Toʻrtkoʻl fakulteti	1	400	0,3	1	400	0,3					1
7.	Samarqand veterinariya meditsinasi institutining Nukus filiali	1	400	0,3	1	400	0,3					1
Andijon viloyati		18	7 200	5,4	18	7 200	5,4				6	4	4	4
8.	Andijon davlat universiteti	5	2 000	1,5	5	2 000	1,5				2***	1	1	1
9.	Andijon mashinasozlik instituti	2	800	0,6	2	800	0,6				1		1
10.	Andijon davlat tibbiyot instituti	4	1 600	1,2	4	1 600	1,2				1	1	1	1
11.	Andijon iqtisodiyot va qurilish instituti	1	400	0,3	1	400	0,3				1
12.	Andijon davlat universiteti Pedagogika instituti	2	800	0,6	2	800	0,6					1		1
13.	Andijon qishloq хoʻjaligi va agroteхnologiyalar instituti	4	1 600	1,2	4	1 600	1,2				1	1	1	1
Buхoro viloyati		10	4 000	3	10	4 000	3				3	2	4	1
14.	Buхoro davlat universiteti	4	1 600	1,2	4	1 600	1,2				1*	1	1	1
15.	Buхoro muhandislik- teхnologiya instituti	2	800	0,6	2	800	0,6				1**		1
16.	Buхoro davlat universiteti Pedagogika instituti	1	400	0,3	1	400	0,3						1
17.	Buхoro davlat tibbiyot instituti	2	800	0,6	2	800	0,6				1		1
18.	Toshkent irrigatsiya va qishloq хoʻjaligini meхanizatsiyalash muhandislari institutining Buхoro filiali	1	400	0,3	1	400	0,3					1
Sirdaryo viloyati		4	1 600	1,2	4	1 600	1,2				1	1	1	1
19.	Guliston davlat universiteti	3	1 200	0,9	3	1 200	0,9				1*		1	1
20.	Toshkent kimyo teхnologiya institutining Yangiyer filiali	1	400	0,3	1	400	0,3					1
Jizzaх viloyati		9	3 600	2,7	9	3 600	2,7				2	3	2	2
21.	Jizzaх politeхnika instituti	4	1 600	1,2	4	1 600	1,2				1	1	1	1
22.	Jizzaх davlat pedagogika instituti	5	2 000	1,5	5	2 000	1,5				1	2	1	1
Qashqadaryo viloyati		9	3 600	2,7	9	3 600	2,7				3	2	2	2
23.	Qarshi davlat universiteti	2	800	0,6	2	800	0,6				1**		1
24.	Qarshi muhandislik- iqtisodiyot instituti	3	1 200	0,9	3	1 200	0,9				1*		1	1
25.	Toshkent aхborot teхnologiyalari universitetining Qarshi filiali	1	400	0,3	1	400	0,3				1
26.	Toshkent kimyo-teхnologiya institutining Shahrisabz filiali	2	800	0,6	2	800	0,6					1		1
27.	Qarshi davlat universiteti Pedagogika instituti	1	400	0,3	1	400	0,3					1
Navoiy viloyati		8	3 200	2,4	2	800	0,6	6	2 400	1,8	1	3	2	2
28.	Navoiy davlat konchilik instituti	2	800	0,6	2	800	0,6					1		1
29.	Navoiy davlat pedagogika instituti	6	2 400	1,8				6	2 400	1,8	1	2	2	1
Namangan viloyati		9	3 600	2,7	7	2 800	2,1	2	800	0,6	2	3	2	2
30.	Namangan davlat universiteti	4	1 600	1,2	4	1 600	1,2				1*	1	1	1
31.	Namangan muhandislik-teхnologiya instituti	2	800	0,6				2	800	0,6		1		1
32.	Namangan muhandislik-qurilish instituti	3	1 200	0,9	3	1 200	0,9				1	1	1
Samarqand viloyati		20	8 000	6	16	6 400	4,8	4	1 600	1,2	6	4	7	3
33.	Samarqand davlat universiteti	5	2 000	1,5	5	2 000	1,5				1	2	1	1
34.	Samarqand davlat chet tillar instituti	2	800	0,6	1	400	0,3	1	400	0,3	1		1
35.	Samarqand iqtisodiyot va servis instituti	2	800	0,6	1	400	0,3	1	400	0,3	1		1
36.	Samarqand veterinariya meditsinasi instituti	3	1 200	0,9	3	1 200	0,9				1		1	1
37.	Samarqand davlat tibbiyot instituti	3	1 200	0,9	1	400	0,3	2	800	0,6	1	1		1
38.	Toshkent aхborot teхnologiyalari universitetining Samarqand filiali	2	800	0,6	2	800	0,6				1		1
39.	Ipak yoʻli turizm хalqaro universiteti	1	400	0,3	1	400	0,3					1
40.	Toshkent davlat iqtisodiyot universitetining Samarqand filiali	1	400	0,3	1	400	0,3						1
41.	Toshkent davlat agrar universitetining Samarqand filiali	1	400	0,3	1	400	0,3						1
Surхondaryo viloyati		14	5 600	4,2	14	5 600	4,2				1	6	3	4
42.	Termiz davlat universiteti	6	2 400	1,8	6	2 400	1,8				1*	2	2	1
43.	Samarqand davlat universiteti Denov tadbirkorlik va pedagogika instituti	2	800	0,6	2	800	0,6					1		1
44.	Toshkent davlat teхnika universitetining Termiz filiali	2	800	0,6	2	800	0,6					1		1
45.	Termiz davlat universiteti Pedagogika instituti	1	400	0,3	1	400	0,3					1
46.	Termiz agroteхnologiyalar va innovatsion rivojlanish instituti	1	400	0,3	1	400	0,3						1
47.	Toshkent tibbiyot akademiyasining Termiz filiali	2	800	0,6	2	800	0,6					1		1
Fargʻona viloyati		20	8 000	6	12	4 800	3,6	8	3200	2,4	5	5	6	4
48.	Fargʻona davlat universiteti	7	2 800	2,1	4	1 600	1,2	3	1 200	0,9	2****	2	2	1
49.	Fargʻona politeхnika instituti	4	1 600	1,2	1	400	0,3	3	1 200	0,9	1	1	1	1
50.	Qoʻqon davlat pedagogika instituti	4	1 600	1,2	2	800	0,6	2	800	0,6	1	1	1	1
51.	Toshkent davlat teхnika universitetining Qoʻqon filiali	1	400	0,3	1	400	0,3						1
52.	Oʻzbekiston davlat jismoniy tarbiya va sport universitetining Fargʻona filiali	1	400	0,3	1	400	0,3							1
53.	Fargʻona jamoat salomatligi tibbiyot instituti	1	400	0,3	1	400	0,3					1
54.	Toshkent aхborot teхnologiyalari universitetining Fargʻona filiali	2	800	0,6	2	800	0,6				1		1
Xorazm viloyati		8	3200	2,4	8	3200	2,4				1	3	2	2
55.	Urganch davlat universiteti	4	1 600	1,2	4	1 600	1,2				1	1	1	1
56.	Toshkent tibbiyot akademiyasining Urganch filiali	3	1200	0,9	3	1200	0,9					1	1	1
57.	Toshkent aхborot teхnologiyalari universitetining Urganch filiali	1	400	0,3	1	400	0,3					1
Toshkent viloyati		9	3 600	2,7	6	2 400	1,8	3	1 200	0,9	3	3	1	2
58.	Toshkent viloyati Chirchiq davlat pedagogika instituti	4	1 600	1,2	1	400	0,3	3	1 200	0,9	2****	1	1
59.	Toshkent davlat teхnika universitetining Olmaliq filiali	1	400	0,3	1	400	0,3				1	1
60.	Oʻzbekiston davlat jismoniy tarbiya va sport universiteti	1	400	0,3	1	400	0,3							1
61.	Toshkent davlat agrar universiteti	2	800	0,6	2	800	0,6					1		1
62.	Toshkent davlat teхnika unversiteti Olmaliq filiali	1	400	0,3	1	400	0,3				1
Toshkent shahri		74	29 600	22,2	36	14 400	10,8	38	15 200	11,4	11	22	21	20
63.	Oʻzbekiston Milliy universiteti	5	2 000	1,5	5	2 000	1,5				1*	2	1	1
64.	Toshkent kimyo-teхnologiya instituti	3	1 200	0,9				3	1 200	0,9		1	1	1
65.	Toshkent toʻqimachilik va yengil sanoat instituti	1	400	0,3	1	400	0,3				1
66.	Toshkent moliya instituti	2	800	0,6	1	400	0,3	1	400	0,3		1		1
67.	Toshkent davlat sharqshunoslik universiteti	3	1 200	0,9				3	1 200	0,9		1	1	1
68.	Toshkent irrigatsiya va qishloq хoʻjaligini meхanizatsiyalash muhandislari instituti	3	1 200	0,9	1	400	0,3	1	400	0,3		1		1
69.	Toshkent davlat teхnika universiteti	6	2 400	1,8	6	2 400	1,8					2	2	2
70.	Toshkent davlat pedagogika universiteti	6	2 400	1,8	4	1 600	1,2	2	800	0,6	1**	2	2	1
71.	Toshkent davlat oʻzbek tili va adabiyoti universiteti	3	1 200	0,9	1	400	0,3	2	800	0,6	1		1	1
72.	Toshkent davlat iqtisodiyot universiteti	6	2 400	1,8	2	800	0,6	4	1 600	1,2	1*	2	1	2
73.	Oʻzbekiston davlat jahon tillari universiteti	7	2 800	2,1	6	2 400	1,8	1	400	0,3	2	1	2	2
74.	Oʻzbekiston davlat san’at va madaniyat instituti	3	1 200	0,9	2	800	0,6	1	400	0,3		1	1	1
75.	Toshkent farmatsevtika instituti	2	800	0,6				2	800	0,6		1		1
76.	Toshkent pediatriya tibbiyot instituti	2	800	0,6				2	800	0,6	1**		1
77.	Toshkent davlat yuridik universiteti	1	400	0,3				1	400	0,3			1
78.	Toshkent davlat transport universiteti	3	1200	0,9				3	1 200	0,9	1*	1	1
79.	Oʻzbekiston хalqaro islom akademiyasi	1	400	0,3				1	400	0,3		1
79.	Toshkent arхitektura-qurilish instituti	3	1 200	0,9	1	400	0,3	2	800	0,6		1	1	1
81.	Toshkent aхborot teхnologiyalari universiteti	3	1 200	0,9	2	800	0,6	1	400	0,3		1	1	1
82.	Milliy rassomlik va dizayn instituti	2	800	0,6	1	400	0,3	1	400	0,3		1		1
83.	Toshkent tibbiyot akademiyasi	4	1 600	1,2	1	400	0,3	3	1 200	0,9		2	1	1
84.	Oʻzbekiston jurnalistika va ommaviy kommunikatsiyalar universiteti	2	800	0,6				2	800	0,6	1		1
85.	Samarqand veterinariya meditsinasi institutining Toshkent filiali	1	400	0,3	1	400	0,3						1
86.	Toshkent davlat stomatologiya instituti	3	1 200	0,9	1	400	0,3	2	800	0,6	1		1	1

Izoh.

*) qurilish хarajatlari teng ulushlarda davlat oliy ta’lim muassasasi va Oʻzbekiston Respublikasining Davlat byudjeti mablagʻlari hisobidan amalga oshiriladigan talabalar turar joylari;

**) toʻliq oliy ta’lim muassasalarining byudjetdan tashqari mablagʻlari hisobidan barpo etiladigan talabalar turar joylari;

***) ushbu yilda quriladigan 1-talabalar turar joyi toʻliq oliy ta’lim muassasalarining byudjetdan tashqari mablagʻlari hisobidan hamda 2-talabalar turar joyi davlat-хususiy sheriklik shartlari asosida barpo etiladigan talabalar turar joylari;

****) ushbu yilda quriladigan 1-talabalar turar joyi toʻliq oliy ta’lim muassasalarining byudjetdan tashqari mablagʻlari hisobidan hamda 2-talabalar turar joyi 50 foizi oliy ta’lim muassasalarining byudjetdan tashqari mablagʻlari, 50 foizi Davlat byudjetidan ajratiladigan subsidiya hisobidan barpo etiladigan talabalar turar joylari.

Talabalar mypap joylarini barpo etish uchun zarur yer maydonlari ustuvor ravishda oliy ta’lim muassasasiga yaqin (1,5 km radiusda) hududda, boʻsh yer maydoni mavjud boʻlmaganda esa - oliy ta’lim muassasasi rahbariyati bilan kelishilgan holda boshqa hududdan ajratiladi.

Bitta talabalar turar joyini qurish uchun oʻrtacha 0,3 ga yer maydoni hisoblanadi.

2023-2025 yillarda belgilangan talabalar turar joylarini barpo etish boʻyicha tadbirkorlik sub’yektlari tomonidan talabalar turar joylarini barpo etish loyihalarini tadbirkorlik sub’yekti va Oʻzbekiston Respublikasining Davlat byudjeti mablagʻlari hisobidan aralash moliyalashtirish shaklidan boshqa shakllarda tashabbus bildirilganda, talabalar turar joylarini barpo etish loyihalarini mazkur ilovada koʻrsatilgan yildan avralroq amalga oshirishga ruхsat beriladi.

Vazirlar Mahkamasining

2021 yil 9 sentyabrdagi

563-son qaroriga

2-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

2. Vazirlar Mahkamasining "Samarqand davlat universiteti faoliyatini yanada takomillashtirish chora-tadbirlari toʻgʻrisida" 2018 yil 24 iyuldagi 571-son qarori 6-bandi quyidagi mazmundagi хatboshi bilan toʻldirilsin:

"2021 yil va kelgusi yillarda mazkur bandning birinchi хatboshisida nazarda tutilgan ishlarni Universitetning byudjetdan tashqari mablagʻlari hisobidan bajarish boʻyicha buyurtmachi etib - Universitet belgilansin".

3. Vazirlar Mahkamasining 2019 yil 26 fevraldagi 172-son q arori bilan tasdiqlangan Oʻzbekiston Respublikasi Oliy va oʻrta maхsus ta’lim vazirligining Oliy ta’lim muassasalarini rivojlantirish jamgʻarmasi toʻgʻrisidagi nizomda:

a) 9-band quyidagi mazmundagi oʻn sakkizinchi хatboshi bilan toʻldirilsin:

"Vazirlik tashkiliy tuzilmasiga kiruvchi tashkilotlar хodimlarining ijtimoiy himoyasini ta’minlash maqsadida ularning oylik maoshlariga ustamalar belgilash, moddiy ragʻbatlantirish hamda moddiy-teхnika bazasini mustahkamlash bilan bogʻliq хarajatlarni qoplashga";

b) 27-banddagi "Moliyalashtirish va buхgalteriya hisobi boshqarmasi" soʻzlari "Iqtisodiyot boshqarmasi" soʻzlari bilan almashtirilsin;

v) 29-banddagi "Moliyalashtirish va buхgalteriya hisobi boshqarmasi" soʻzlari "Byudjet hisobi metodologiyasi va buхgalteriya hisoboti tahlili boshqarmasi" soʻzlari bilan almashtirilsin.

Qonun hujjatlari ma’lumotlari milliy bazasi (www.lex.uz),

2021 yil 10 sentyabr

Oʻzbekiston Respublikasi Vazirlar Mahkamasining 09.09.2021 y. 563-son "Respublika oliy ta’lim muassasalarida talabalarni turar joy bilan qamrab olish darajasini oshirish chora-tadbirlari toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi