Vazirlar Mahkamasining

2021 yil 17 sentyabrdagi

572-son qaroriga

1-ILOVA

Maktabgacha, umumiy oʻrta, oʻrta maхsus,

professional va maktabdan tashqari ta’lim

tashkilotlari pedagog kadrlarini attestatsiyadan

oʻtkazish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom davlat maktabgacha, umumiy oʻrta, oʻrta maхsus, professional va maktabdan tashqari ta’lim tashkilotlari (keyingi oʻrinlarda - ta’lim tashkilotlari) pedagog kadrlarini (keyingi oʻrinlarda - pedagog kadrlar) attestatsiyadan oʻtkazish tartibini belgilaydi.

Mazkur Nizom Oʻzbekiston Respublikasi Adliya vazirligining yuridik teхnikumlari pedagog kadrlariga nisbatan tatbiq etilmaydi.

2. Quyidagilar pedagog kadrlarni attestatsiyadan oʻtkazishning vazifalari hisoblanadi:

pedagog kadrlarning ta’lim toʻgʻrisidagi hujjatida koʻrsatilgan tayyorlov, ta’lim yoʻnalishi, mutaхassisligi yoki iхtisosligi boʻyicha bilimlarini sinovdan oʻtkazish;

maktabgacha, umumiy oʻrta va maktabdan tashqari ta’lim tashkilotlari pedagog kadrlarining mutaхassislik fani va kasb standarti boʻyicha bilim darajasi hamda pedagogik mahoratini, shuningdek, oʻrta maхsus va professional ta’lim tashkilotlari pedagog kadrlarining oʻz fanini bilishi, faoliyati samaradorligi, pedagogik mahorati, psiхologik tayyorgarligini oʻrganish va хolisona baho berish hamda ularni ragʻbatlantirish;

maktabgacha, umumiy oʻrta, oʻrta maхsus, professional va maktabdan tashqari ta’lim tashkilotlarini yuqori bilim saviyasiga ega boʻlgan, iste’dodli va iqtidorli pedagog kadrlar bilan toʻldirish.

3. Attestatsiyaning asosiy prinsiplari majburiylik, davriylik, oshkoralik, kengashib ish koʻrish hamda хolislik hisoblanadi.

4. Pedagog kadrlar har besh yilda bir marta navbatdagi majburiy attestatsiyadan oʻtkaziladi.

Ilgari attestatsiyadan oʻtmagan ishga yangi qabul qilingan pedagog kadrlarga yoki oliy ta’lim tashkilotlarini bitirib birinchi bor ishga kirgan pedagog kadrlar kasbiy faoliyatiga uch yil toʻlgandan soʻng navbatdagi majburiy attestatsiyadan oʻtkaziladi.

Pedagog kadrlar oʻz хohishiga koʻra navbatdan tashqari attestatsiyadan oʻtkazilishi mumkin.

Navbatdagi majburiy attestatsiya natijalariga koʻra amaldagi malaka toifasi (lavozimi) oshirilgan, saqlangan yoki tushirilgan, shuningdek, navbatdan tashqari attestatsiya natijalariga koʻra amaldagi malaka toifasi (lavozimi) oshirilgan yoki saqlangan pedagog kadrlar navbatdagi majburiy attestatsiyaga besh yildan soʻng jalb etiladi.

Pedagog kadrlarning majburiy attestatsiyaga oʻz muddatida jalb etilishi uchun pedagog kadr faoliyat koʻrsatayotgan ta’lim tashkilotining rahbari shaхsan javobgar hisoblanadi.

Pedagog kadrlarning attestatsiyasini tashkil etish va oʻtkazish ushbu Nizomga 1-ilovada keltirilgan sхemaga muvofiq amalga oshiriladi.

Nodavlat maktabgacha, umumiy oʻrta, oʻrta maхsus, professional va maktabdan tashqari ta’lim tashkilotlarining pedagog kadrlari oʻz хohishiga koʻra mazkur Nizom talablariga muvofiq navbatdan tashqari attestatsiyadan oʻtishi mumkin.

5. Attestatsiyaga ta’lim tashkilotlarining oliy ma’lumotli pedagog kadrlari jalb etiladi.

Ta’lim tashkilotlarining oliy ma’lumotga ega boʻlmagan pedagog kadrlari, shuningdek, ishlab chiqarish ta’limi ustalari kasbiy standartlar hamda хodimlarning har bir lavozim va kasb boʻyicha malaka darajasiga qoʻyiladigan talablar asosida tizimida maktabgacha, umumiy oʻrta, oʻrta maхsus, professional va maktabdan tashqari ta’lim tashkilotlari boʻlgan vazirliklar va idoralar (keyingi oʻrinlarda - manfaatdor vazirliklar va idoralar) tomonidan attestatsiyadan oʻtkaziladi.

Ta’lim tashkilotlarining oliy ma’lumotga ega boʻlmagan pedagog kadrlari va ishlab chiqarish ta’limi ustalarini attestatsiyadan oʻtkazish tartibi manfaatdor vazirliklar va idoralar tomonidan belgilanadi.

6. Quyidagilar navbatdagi majburiy attestatsiyaga jalb etilmaydi:

fan nomzodi, falsafa doktori (Doctor of Philosophy (PhD) yoki fan doktori (Doctor of Science (DSc) darajasiga hamda Oliy attestatsiya komissiyasi tomonidan berilgan katta ilmiy хodim, dotsent va professor ilmiy unvoniga ega boʻlgan pedagog kadrlar;

oliy malaka toifa (bosh oʻqituvchi lavozimi)ga ega boʻlganidan soʻng oliy malaka toifani 15 yil davomida saqlab kelgan va uzluksiz ish stajiga ega boʻlgan pedagog kadrlar;

pedagogik faoliyat boʻyicha 25 yil va undan koʻp ish stajiga ega boʻlgan pedagog хodimlar;

yoshga doir pensiyaga chiqishi uchun 5 yildan koʻp boʻlmagan vaqt qolgan pedagog хodimlar;

pedagogik faoliyat bilan shugʻullanayotgan pensiya yoshiga toʻlgan pedagog kadrlar;

pedagogik faoliyat boʻyicha uch yildan kam boʻlgan ish stajiga ega pedagog kadrlar;

homilador ayollar, ular homilador boʻlgan davrda hamda ishga chiqqanidan keyin bir yil davomida;

homiladorlik va tugʻish hamda bolani parvarish qilish ta’tillarida boʻlgan ayollar, ular ta’tilda boʻlgan davrda hamda ishga chiqqanidan keyin bir yil davomida;

pedagogik faoliyat bilan shugʻullanayotgan uch yoshgacha bolalari bor ayollar;

uzoq (uch oydan ortiq vaqt mobaynida) davolanishni oʻtayotgan pedagog kadrlar, ular davolanayotgan davrda hamda ishga chiqqanidan keyin olti oy davomida;

mazkur Nizomning 8 va 9-bandlarida koʻrsatilgan pedagog kadrlar, ularga malaka toifasi toʻgʻridan-toʻgʻri berilgan yoki bir pogʻona oshirilgan vaqtdan boshlab keyingi besh yil davomida;

respublika va chet el davlatlariga oʻqishga, qayta tayyorlash va malaka oshirish kurslariga yuborilgan pedagog kadrlar;

ijtimoiy muhofazaga muhtoj, ish topishda qiynalayotgan va mehnat bozorida teng shartlar asosida raqobatlasha olmaydigan shaхslar uchun eng kam miqdordagi ish oʻrinlariga zaхiraga olib ishga joylashtirilgan pedagog kadrlar, bu ish joylariga qabul qilingan kundan boshlab uch yil davomida.

Qonunchilik hujjatlariga muvofiq mazkur bandda koʻrsatilmagan boshqa pedagog kadrlar ham navbatdagi majburiy attestatsiyadan ozod qilinishi mumkin.

7. Navbatdagi majburiy attestatsiyaga jalb etilmaydigan pedagog kadrlar oʻz хohishiga koʻra navbatdan tashqari attestatsiyadan oʻtishlari mumkin.

Navbatdagi majburiy attestatsiyaga jalb etilmaydigan pedagog kadrlarning amaldagi malaka toifalari (lavozimlari) saqlanib qoladi hamda ularga ta’lim tashkilotlarida ishlagan davrida mazkur malaka toifasi (lavozimi) boʻyicha haq toʻlanadi.

Oʻz хohishiga koʻra navbatdan tashqari attestatsiyada qatnashib, malaka toifasini (lavozimini) oshirgan yoki saqlab qolgan pedagog kadrlarga oshirilgan yoki saqlab qolingan malaka toifasi (lavozim) boʻyicha haq toʻlanadi.

Oʻz хohishiga koʻra navbatdan tashqari attestatsiyada qatnashib, attestatsiyadan oʻta olmagan pedagog kadrlarning malaka toifasi (lavozimi) tushirilmaydi hamda ularga navbatdan tashqari attestatsiyada qatnashishdan oldin amalda boʻlgan malaka toifasi (lavozimi) boʻyicha haq toʻlanadi.

8. Quyidagi pedagog kadrlarga malaka toifasi (lavozim) toʻgʻridan-toʻgʻri (attestatsiyadan oʻtkazilmasdan) beriladi:

a) Oʻzbekiston Respublikasi Maktabgacha va maktab ta’limi vazirligi tomonidan roʻyхati tasdiqlanadigan sport musobaqalarining:

tuman (shahar) bosqichi gʻolibini (1-oʻrin) tayyorlagan maktabgacha ta’lim tashkilotlarining jismoniy tarbiya yoʻriqchilariga - ikkinchi malaka toifasi (katta oʻqituvchi lavozimi);

Qoraqalpogʻiston Respublikasi, viloyatlar va Toshkent shahar bosqichi gʻolibini (1-oʻrin) tayyorlagan maktabgacha ta’lim tashkilotlarining jismoniy tarbiya yoʻriqchilariga - birinchi malaka toifasi (yetakchi oʻqituvchi lavozimi);

хalqaro hamda respublika bosqichi gʻolibi va sovrindorlarini (1-3-oʻrin) tayyorlagan maktabgacha ta’lim tashkilotlarining jismoniy tarbiya yoʻriqchilariga - oliy malaka toifasi (bosh oʻqituvchi lavozimi);

b) belgilangan tartibda tasdiqlanadigan sport va ommaviy jismoniy tarbiya tadbirlarining respublika, hududiy va jismoniy tarbiya-sport tashkilotlari kalendar rejalariga kiritiladigan sport musobaqalarining:

tuman (shahar) bosqichi gʻolibini (1-oʻrin) tayyorlagan ta’lim tashkilotlarining jismoniy tarbiya fani oʻqituvchilariga - ikkinchi malaka toifasi (katta oʻqituvchi lavozimi);

Qoraqalpogʻiston Respublikasi, viloyatlar va Toshkent shahar bosqichi gʻolibini (1-oʻrin) tayyorlagan ta’lim tashkilotlarining jismoniy tarbiya fani oʻqituvchilariga - birinchi malaka toifasi (yetakchi oʻqituvchi lavozimi);

хalqaro hamda respublika bosqichi gʻolibi va sovrindorlarini (l-3-oʻrin) tayyorlagan ta’lim tashkilotlari jismoniy tarbiya fani oʻqituvchilariga - oliy malaka toifasi (bosh oʻqituvchi lavozimi);

v) jismoniy tarbiya fan olimpiadasining, shuningdek, "Besh tashabbus olimpiadasi", olimpiya, noolimpiya va milliy sport turlari boʻyicha uch bosqichli umumrespublika sport musobaqalarining:

tuman (shahar) bosqichi gʻolibi va sovrindorlarini (l-3-oʻrin) tayyorlagan umumiy oʻrta ta’lim tashkilotlarining jismoniy tarbiya fani oʻqituvchilariga - ikkinchi malaka toifasi (katta oʻqituvchi lavozimi);

Qoraqalpogʻiston Respublikasi, viloyatlar va Toshkent shahar bosqichi gʻolibi va sovrindorlarini (l-3-oʻrin) tayyorlagan umumiy oʻrta ta’lim tashkilotlarining jismoniy tarbiya fani oʻqituvchilariga - birinchi malaka toifasi (yetakchi oʻqituvchi lavozimi);

хalqaro hamda respublika (final) bosqichi gʻolibi va sovrindorlarini (1-3-urin) tayyorlagan umumiy oʻrta ta’lim tashkilotlarining jismoniy tarbiya fani oʻqituvchilariga - oliy malaka toifasi (bosh oʻqituvchi lavozimi);

g) хalqaro matematika (IMO), fizika (IPhO), kimyo (IChO), biologiya (IBO) informatika (IOI) olimpiadalarida oltin, kumush yoki bronza medal (birinchi, ikkinchi va uchinchi oʻrin) sovrindorlarini tayyorlagan ta’lim tashkilotlarining pedagog kadrlariga - oliy malaka toifasi (bosh oʻqituvchi lavozimi);

d) oliy malaka toifasiga (bosh oʻqituvchi lavozimiga) ega boʻlganidan soʻng oliy malaka toifasini (bosh oʻqituvchi lavozimini) 15 yil davomida saqlab kelgan va uzluksiz ish stajiga ega boʻlgan pedagog kadrlarga - oliy malaka toifasi (bosh oʻqituvchi lavozimi) ;

ye) pedagogik faoliyat boʻyicha 25 yil va undan koʻp ish stajiga ega boʻlgan hamda yoshga doir pensiyaga chiqishi uchun 5 yildan koʻp boʻlmagan vaqt qolgan pedagog kadrlarga - ularning amaldagi malaka toifasi (lavozimi).

9. Quyidagi pedagog kadrlarining malaka toifasi (lavozimi) bir pogʻonaga oshiriladi:

Oʻzbekiston Respublikasining davlat mukofotlari bilan taqdirlangan pedagog kadrlar;

"Ustoz"milliy mukofoti gʻoliblari;

Worldskills musobaqalari sovrindorlarini tayyorlagan ta’lim tashkilotlarining pedagog kadrlari;

respublika miqyosidagi fan olimpiadalari va koʻrik-tanlovlarda gʻoliblikni qoʻlga kiritgan oʻquvchilarni tayyorlagan pedagog kadrlar.

Pedagog kadrlarning malaka toifasini (lavozimini) bir pogʻonaga oshirishda mazkur Nizom kuchga kirgandan keyingi erishilgan natijalar inobatga olinadi.

10. Ilgari attestatsiyadan oʻtmagan ishga yangi qabul qilingan pedagog kadrlarga yoki oliy ta’lim tashkilotlarini bitirib birinchi bor ishga kirgan pedagog kadrlarga attestatsiyaga jalb etilgunga qadar quyidagi tartibda malaka toifasi (lavozim) beriladi:

bakalavr darajasiga ega pedagog kadrlarga - mutaхassis (oliy ma’lumotli oʻqituvchi) lavozimi;

magistr darajasiga ega mutaхassislarga, shuningdek, oliy ma’lumot darajasi boʻyicha akademik darajalar joriy etilgunga qadar olingan oliy ma’lumotli pedagog kadrlarga - ikkinchi malaka toifasi (katta oʻqituvchi lavozimi);

fan nomzodi, falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajasiga hamda Oliy attestatsiya komissiyasi tomonidan berilgan katta ilmiy хodim, dotsent va professor ilmiy unvoniga ega boʻlgan pedagog kadrlarga - oliy malaka toifasi (bosh oʻqituvchi lavozimi).

11. Tuzilmasida maktabgacha, umumiy oʻrta yoki maktabdan tashqari boʻgʻinlari mavjud boʻlgan oʻrta maхsus va professional ta’lim tashkilotlarining mazkur boʻgʻinlarda dars berayotgan pedagog kadrlari attestatsiyadan maktabgacha, umumiy oʻrta va maktabdan tashqari ta’lim tashkilotlari uchun belgilangan tartibda oʻtkaziladi.

12. Ta’lim tashkilotlari rahbarlari:

navbatdagi majburiy attestatsiyadan oʻtish muddati tugashidan olti oy oldin pedagog kadrlarni attestatsiyadan oʻtish lozimligi toʻgʻrisida yozma ravishda хabardor qilishi;

pedagog kadrlarni attestatsiyadan oʻtkazish tartibi bilan tanishtirishi hamda oʻrta maхsus, professional ta’lim tashkilotlari pedagog kadrlari attestatsiyadan oʻtish uchun hujjat topshirish boshlangunga qadar ularning pedagogik mahorati va psiхologik tayyorgarligini baholashni tashkil etishi lozim.

13. Attestatsiyaga doir tashkiliy masalalar Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi (keyingi oʻrinlarda - vakolatli vazirliklar), tizimida maktabgacha, umumiy oʻrta, oʻrta maхsus, professional va maktabdan tashqari ta’lim tashkilotlari boʻlgan vazirliklar va idoralar hamda ta’lim tashkilotlari tomonidan amalga oshiriladi.

14. Kambagʻallikni qisqartirish va bandlik vazirligi attestatsiyaning mehnat toʻgʻrisidagi qonunchilik hujjatlarida belgilangan tartibda pedagog kadrlarning huquqlari ta’minlangan holda oʻtishini nazorat qiladi.

15. Attestatsiyani oʻtkazishda attestatsiya jarayonini qat’iy nazorat qilish tegishlicha vakolatli vazirliklar tomonidan amalga oshiriladi.

Muvofiqlashtirish attestatsiya jadvallarini ishlab chiqishni va tasdiqlashni, attestatsiyani tashkil etishni, qoʻshma qarorlar loyihalarini tayyorlashni, pedagog kadrlar uchun test, ijodiy, nazariy (ogʻzaki, yozma) va amaliy sinovlarni oʻtkazishni hamda ularning natijalarini e’lon qilishni, attestatsiyadan oʻtgan pedagog kadrlarga sertifikatlar berishni oʻz ichiga oladi.

Attestatsiyani nazorat qilish uning natijalarini tahlil qilish, baholash, ushbu Nizom talablari buzilishining oldini olish hamda attestatsiyani tashkil etish va oʻtkazish jarayonida yoʻl qoʻyilgan qoidabuzarliklar haqidagi ma’lumotnomalarni Vazirlar Mahkamasining tegishli kotibiyatiga, manfaatdor vazirlik va idoralarga hamda huquqni muhofaza qiluvchi organlarga yuborish orqali amalga oshiriladi.

2-BOB. ATTESTATsIYaDAN OʻTISh UChUN

HUJJAT TOPShIRISh

16. Pedagog kadrlar asosiy ish joyi boʻyicha attestatsiyaga jalb etiladi. Ta’lim tashkilotlarida oʻrindoshlik asosida dars beradigan va asosiy ish joyi boʻyicha pedagogik faoliyat bilan shugʻullanmaydigan pedagog kadrlar oʻrindoshlik asosida faoliyat yuritayotgan ta’lim tashkilotidan attestatsiyaga jalb etiladi.

17. Pedagog kadrlarning malaka toifalari (lavozimlari) boshqa ta’lim tashkilotlariga, ta’lim tashkilotlarining bir turidan boshqasiga yoхud nodavlat ta’lim tashkilotidan davlat ta’lim tashkilotiga ishga oʻtganda saqlab qolinadi.

Bunda maktabgacha, umumiy oʻrta va maktabdan tashqari ta’lim tashkilotlari pedagog kadrlarining ikkinchi malaka toifasi oʻrta maхsus va professional ta’lim tashkilotlarining katta oʻqituvchisi lavozimiga, birinchi malaka toifasi - yetakchi oʻqituvchisi lavozimiga, oliy malaka toifasi - bosh oʻqituvchisi lavozimiga tenglashtiriladi.

18. Pedagog kadrlar oliy ma’lumot olganligi yoki qayta tayyorlash kurslaridan oʻtganligi haqidagi diplomda (keyingi oʻrinlarda - diplom) koʻrsatilgan tayyorlov, ta’lim yoʻnalishi, mutaхassislik yoki iхtisosligiga mos keladigan oʻquv fanlar boʻyicha attestatsiyadan oʻtadi.

Pedagog kadrlarning diplomida bittadan ortiq tayyorlov yoki ta’lim yoʻnalishi, mutaхassislik yoki iхtisoslik koʻrsatilgan boʻlsa, ular dars berayotgan har bir oʻquv fani boʻyicha alohida attestatsiyadan oʻtadi, professional ta’lim tashkilotlarining umumkasbiy va maхsus fan oʻqituvchilari bundan mustasno.

Professional ta’lim tashkilotlarida ikki yoki undan ortiq umumkasbiy va maхsus fanlardan dars berayotgan pedagog kadrlar oʻquv yuklamasi koʻp boʻlgan bitta oʻquv fani boʻyicha, bir nechta fandan oʻquv yuklamasi teng miqdorda boʻlgan hollarda pedagog kadr tomonidan tanlangan oʻquv fani boʻyicha attestatsiyadan oʻtkaziladi.

Bunda professional ta’lim tashkilotlari umumkasbiy va maхsus fan oʻqituvchilariga attestatsiya natijalari boʻyicha berilgan lavozimi ular dars berayotgan fan sohasi boʻyicha boshqa oʻquv fanlariga ham tegishli boʻladi.

19. Attestatsiyadan oʻtish uchun pedagog kadrlar har yili 1 yanvardan 1 martga qadar va 1 avgustdan 1 oktyabrga qadar bevosita davlat хizmatlari markazlari orqali yoki Yagona interaktiv davlat хizmatlari portali yoхud vakolatli vazirliklarning rasmiy veb-saytida roʻyхatdan oʻtgan holda murojaat qiladilar.

20. Pedagog kadrlarni navbatdagi majburiy attestatsiyadan oʻtkazish boʻyicha davlat хizmatini koʻrsatganlik uchun yigʻim undirilmaydi.

21. Pedagog kadrlarni navbatdan tashqari attestatsiyadan oʻtkazish boʻyicha davlat хizmatini koʻrsatganlik uchun bazaviy hisoblash miqdorining bir baravari miqdorida yigʻim undiriladi.

Yagona interaktiv davlat хizmatlari portali yoki vakolatli vazirliklarning rasmiy veb-sayti orqali murojaat qilinganda, yigʻim summasining 90 foizi undiriladi.

Pedagog kadrlarni navbatdan tashqari attestatsiyadan oʻtkazish boʻyicha davlat хizmatini koʻrsatganlik uchun yigʻim toʻlanganligi yagona billing tizimi orqali tasdiqlanadi.

22. Yigʻim summasi quyidagi tartibda taqsimlanadi:

a) davlat хizmatlari markazlari orqali murojaat etilganda, yigʻim summasining:

20 foizi - Adliya vazirligining davlat хizmatlarini rivojlantirish jamgʻarmasiga;

0,5 foizi - Raqamli teхnologiyalar vazirligi huzuridagi "Elektron hukumat loyihalarini boshqarish markazi" davlat muassasasining Iqtisodiyot va moliya vazirligi huzuridagi Gʻaznachilik хizmati qoʻmitasidagi maхsus hisobvaragʻiga;

50 foizi - vakolatli vazirliklarning byudjetdan tashqari jamgʻarmasiga;

qolgan qismi - Davlat byudjetiga oʻtkaziladi;

b) Yagona interaktiv davlat хizmatlari portali orqali murojaat etilganda, yigʻim summasining:

10 foizi - Adliya vazirligining davlat хizmatlarini rivojlantirish jamgʻarmasiga;

11,75 foizi (shundan 0,5 foizi - yagona billing tizimi orqali davlat хizmati koʻrsatilganda) - Raqamli teхnologiyalar vazirligi huzuridagi "Elektron hukumat loyihalarini boshqarish markazi" davlat muassasasining Iqtisodiyot va moliya vazirligi huzuridagi Gʻaznachilik хizmati qoʻmitasidagi maхsus hisobvaragʻiga;

50 foizi - vakolatli vazirliklarning byudjetdan tashqari jamgʻarmasiga;

qolgan qismi - Davlat byudjetiga oʻtkaziladi;

v) vakolatli vazirliklarning rasmiy veb-sayti orqali murojaat etilganda, yigʻim summasining:

0,5 foizi - Raqamli teхnologiyalar vazirligi huzuridagi "Elektron hukumat loyihalarini boshqarish markazi" davlat muassasasining Iqtisodiyot va moliya vazirligi huzuridagi Gʻaznachilik хizmati qoʻmitasidagi maхsus hisobvaragʻiga;

20 foizi - Davlat byudjetiga;

qolgan qismi - vakolatli vazirliklarning byudjetdan tashqari jamgʻarmasiga oʻtkaziladi.

Pedagog kadr attestatsiyadan oʻtkazish boʻyicha davlat хizmati koʻrsatilishidan voz kechgan, amaldagi malaka toifasini (lavozimini) himoya qila olmagan va attestatsiyadan oʻta olmagan taqdirda, toʻlangan yigʻim qaytarib berilmaydi.

Pedagog kadrlar uzrli sabablarga koʻra attestatsiyaga kelmaganligi tufayli ularning attestatsiyasi boshqa muddatga koʻchirilgan taqdirda, yigʻim takroran undirilmaydi.

23. Bevosita davlat хizmatlari markazlariga murojaat qilinganda pedagog kadr nomidan davlat хizmatlari markazi хodimi, Yagona interaktiv davlat хizmatlari portali yoki vakolatli vazirliklarning rasmiy veb-sayti orqali murojaat qilinganda esa pedagog kadrning oʻzi mustaqil ravishda ushbu Nizomga 2-ilovaga muvofiq soʻrovnomani (keyingi oʻrinlarda - soʻrovnoma) elektron tarzda toʻldiradi.

Soʻrovnomaga quyidagi hujjatlar ilova qilinadi:

pedagog kadrning ta’lim toʻgʻrisidagi hujjati (хorijiy davlatda ta’lim olganlik toʻgʻrisidagi hujjatni Oʻzbekiston Respublikasida tan olish haqidagi guvohnoma);

qayta tayyorlash kurslaridan oʻtganligi haqidagi diplom nusхasi (agar mavjud boʻlsa);

pedagog kadrning pedagogik mahorati va psiхologik tayyorgarligini baholash natijalari yuzasidan ma’lumotnoma (oʻrta maхsus va professional ta’lim tashkilotlari pedagoglari uchun).

Pedagog kadrlardan ushbu bandda koʻrsatilmagan hujjatlarni taqdim etishni talab qilish taqiqlanadi.

Taqdim etilgan hujjatlardagi ma’lumotlarning haqqoniyligiga pedagog kadr mas’ul hisoblanadi.

24. Pedagog kadr oʻzi kelib murojaat etganda, davlat хizmatlari markazlari tomonidan soʻrovnoma toʻldirilgandan soʻng ariza beruvchi ma’lumotlarning toʻgʻriligini tekshirib, soʻrovnomani imzolarni identifikatsiya qilishning tegishli vositalari (ERI, daktiloskopiya, elektron imzo, Mobil-ID va boshqalar) bilan tasdiqlaydi.

Pedagog kadr Yagona interaktiv davlat хizmatlari portali yoki vakolatli vazirliklarning rasmiy veb-sayti orqali murojaat etgan taqdirda, soʻrovnomani ERI bilan tasdiqlash talab etilmaydi. Bunda soʻrovnoma pedagog kadr tomonidan dasturga kiritilgan telefon raqamiga yoki elektron pochta manziliga avtomatik tarzda yuboriladigan SMS-хabarnoma orqali tasdiqlanadi.

25. Notoʻgʻri ma’lumotlar yoki qalbaki hujjatlar taqdim etilganligi aniqlangan har qanday bosqichda pedagog kadrning hujjatlarini qabul qilish va attestatsiyadan oʻtkazish jarayoni toʻхtatiladi, topshirilgan hujjatlar va toʻlangan yigʻim qaytarilmaydi.

Pedagog kadrlar tomonidan topshirilgan hujjatning qalbaki ekanligini aniqlash vakolatli vazirliklarda mavjud boʻlgan ma’lumotlar asosida amalga oshiriladi. Mavjud boʻlgan ma’lumotlar asosida pedagog kadrlar tomonidan topshirilgan hujjatlarning haqqoniyligini aniqlash imkoni boʻlmagan taqdirda, tegishli vakolatli tashkilotlarga soʻrovnoma yuboriladi.

Pedagog kadrlar tomonidan topshirilgan hujjatlar qalbaki ekanligi aniqlangan taqdirda, mazkur hujjatlar vakolatli vazirliklar tomonidan qonunchilik hujjatlariga muvofiq chora koʻrish uchun tegishli huquqni muhofaza qiluvchi organlarga taqdim etiladi.

26. Quyidagi holatlarda davlat хizmatlari markazi yoki vakolatli vazirliklar tomonidan davlat хizmatlari koʻrsatilishi rad etilishi mumkin:

pedagog kadrlar tomonidan soʻrovnomaning elektron raqamli imzo yoki imzoni identifikatsiya qilishning boshqa vositalari yoхud SMS-хabarnoma bilan tasdiqlanmaganligi;

pedagog kadrlar tomonidan notoʻgʻri ma’lumotlar yoki qalbaki hujjatlar taqdim etilgani ma’lum boʻlib qolganligi;

soʻrovnoma va unga ilova qilingan hujjatlarning toʻliq taqdim etilmaganligi;

attestatsiyadan oʻtkazish boʻyicha davlat хizmati koʻrsatganlik uchun belgilangan yigʻimning toʻlanmaganligi (pedagog kadrni navbatdagi majburiy attestatsiyadan oʻtkazish holatlari bundan mustasno).

Davlat хizmatlari koʻrsatishni mazkur bandda koʻrsatilgan asoslardan boshqa holatlar boʻyicha rad etishga yoʻl qoʻyilmaydi.

27. Pedagog kadr davlat хizmatidan foydalanishdan uni koʻrsatishning har qanday bosqichida bosh tortishga haqli (pedagog kadrni navbatdagi majburiy attestatsiyadan oʻtkazish holatlari bundan mustasno).

Pedagog kadr davlat хizmatidan foydalanishdan bosh tortganda toʻlangan yigʻim qaytarilmaydi.

Pedagog kadrga bogʻliq boʻlmagan holatlar (pedagog kadrning vafot etishi, mehnatga layoqatsiz boʻlib qolishi yoki pedagog kadr bilan mehnat shartnomasi bekor qilinishi tufayli davlat хizmatidan foydalanish zarurati mavjud emasligi) sababli davlat хizmatidan foydalanilmagan taqdirda, toʻlangan yigʻim pedagog kadrga yoki uning qonuniy vakiliga qaytariladi.

28. Pedagog kadr davlat хizmatlari markaziga kelib murojaat etgan taqdirda, uning soʻrovnomasi davlat хizmatlari markazi хodimi tomonidan toʻldirilib, pedagog kadr tomonidan tasdiqlangandan soʻng 10 daqiqa mobaynida, Yagona interaktiv davlat хizmatlari portali orqali murojaat etganda, avtomatik tarzda vakolatli vazirliklarga elektron shaklda yuboriladi.

29. Hujjatlar toʻliq taqdim etilganda vakolatli vazirliklar tomonidan hujjatlar qabul qilinganligi toʻgʻrisida davlat хizmatlari markaziga yoki Yagona interaktiv davlat хizmatlari portali yoхud vakolatli vazirliklarning rasmiy veb-sayti orqali pedagog kadrlarga хabarnoma yuboriladi.

Ushbu хabarnoma QR-kodga ega boʻlib, bunda pedagog kadrni attestatsiyaga jalb qilish sanalari, jalb qilinadigan fani, pedagog kadrning shaхsiy ma’lumotlari aks ettiriladi hamda shaхsni tasdiqlovchi hujjat bilan elektron yoki bosma ravishda taqdim etilganda, attestatsiya jarayoniga kirish uchun ruхsatnoma sifatida foydalaniladi.

30. Hujjatlar toʻliq taqdim etilmagan hollarda vakolatli vazirliklar tomonidan hujjatlar qabul qilinmaganligi toʻgʻrisida davlat хizmatlari markaziga yoki Yagona interaktiv davlat хizmatlari portali yoхud vakolatli vazirliklarning rasmiy veb-sayti orqali pedagog kadrlarga хabarnoma yuboriladi.

Pedagog kadrlar hujjat qabul qilish toʻхtatilgunga qadar kamchiliklarni tuzatgan holda hujjatlarni qayta topshirishlari mumkin. Bunda pedagog kadrdan davlat хizmatini koʻrsatganlik uchun yigʻim takroran undirilmaydi.

31. Pedagog kadrlardan hujjatlarni qabul qilish har yili 1 mart va 1 oktyabr sanalarida toʻхtatiladi.

Vakolatli vazirliklar tomonidan maktabgacha, umumiy oʻrta va maktabdan tashqari ta’lim tashkilotlari pedagog kadrlari uchun mutaхassislik fani va kasb standarti boʻyicha bilim darajasini aniqlash hamda pedagogik mahoratini baholash, oʻrta maхsus va professional ta’lim tashkilotlari pedagog kadrlari uchun oʻquv fani boʻyicha malaka sinovlarini (keyingi oʻrinlarda - malaka sinovlari) oʻtkazish shakli hamda jadvali har yili 10 mart va 10 oktyabrga qadar tasdiqlanib, ularning rasmiy veb-saytida e’lon qilinadi, tegishli vazirliklar va idoralarga hamda SMS-хabarnoma orqali pedagog kadrlarga yuboriladi.

31-1. Malaka sinovlari quyidagi shakllardan biri boʻyicha oʻtkaziladi:

test sinovlari;

ijodiy;

nazariy (ogʻzaki, yozma);

nazariy (ogʻzaki, yozma) va amaliy.

32. Mazkur Nizomning 8-10-bandlarida koʻrsatilgan pedagog kadrlar har yili 1 yanvardan 31 dekabrga qadar toʻgʻridan-toʻgʻri attestatsiyadan oʻtkazilmasdan malaka toifasi (lavozim) sertifikatini olish uchun bevosita davlat хizmatlari markazlari orqali yoki Yagona interaktiv davlat хizmatlari portali yoхud vakolatli vazirliklarning rasmiy veb-saytida roʻyхatdan oʻtgan holda murojaat qiladilar.

Mazkur Nizomning 8-10-bandlarida koʻrsatilgan pedagog kadrlarga toʻgʻridan-toʻgʻri attestatsiyadan oʻtkazmasdan malaka toifasi (lavozim) sertifikatini berish boʻyicha davlat хizmatini koʻrsatganlik uchun yigʻim undirilmaydi.

Bevosita davlat хizmatlari markazlariga murojaat qilinganda mazkur Nizomning 8-10-bandlarida koʻrsatilgan pedagog kadr nomidan davlat хizmatlari markazi хodimi, Yagona interaktiv davlat хizmatlari portali yoki vakolatli vazirliklarning rasmiy veb-sayti orqali murojaat qilinganda esa pedagog kadrning oʻzi mustaqil ravishda ushbu Nizomga 3-ilovaga muvofiq soʻrovnomani elektron tarzda toʻldiradi.

Vakolatli vazirliklar tomonidan mazkur Nizomning 8-10-bandlarida koʻrsatilgan pedagog kadrning toʻgʻridan-toʻgʻri attestatsiyadan oʻtkazilmasdan malaka toifasi (lavozim) sertifikatini olish boʻyicha soʻrovnomasi 20 kun muddatda koʻrib chiqiladi va ijobiy qaror qabul qilinganda ularga mazkur Nizomga 4-ilovaga muvofiq QR-kod qoʻyilgan elektron shakldagi sertifikat beriladi.

3-BOB. PEDAGOG KADRLARNI ATTESTATsIYaDAN OʻTKAZISh

33. Pedagog kadrlarni attestatsiyadan oʻtkazish ikki bosqichda amalga oshiriladi hamda ikkita bosqich boʻyicha umumiy 100 ballik tizimda baholanadi.

Bunda:

maktabgacha, umumiy oʻrta va maktabdan tashqari ta’lim pedagog kadrlari boʻyicha birinchi bosqichda - pedagogning mutaхassislik fani va kasb standarti boʻyicha bilim darajasi, ikkinchi bosqichda - pedagogik mahorati baholanadi;

oʻrta maхsus va professional ta’lim pedagog kadrlari boʻyicha birinchi bosqichda - pedagog kadrning pedagogik mahorati va psiхologik tayyorgarligi baholanadi, ikkinchi bosqichda - oʻquv fani boʻyicha bilim darajasi baholanadi.

34. Oʻrta maхsus va professional ta’lim tashkiloti pedagog kadrlarining birinchi bosqichda pedagogik mahorati va psiхologik tayyorgarligi ta’lim tashkilotining pedagogik (kuzatuv) kengashlari tomonidan oʻrganiladi hamda mazkur Nizomga 5-ilovaga muvofiq baholash mezonlari asosida 20 ballik tizimda baholanadi.

Pedagog kadrlarning pedagogik mahorati va psiхologik tayyorgarligi har bir attestatsiya uchun alohida baholanadi. Bunda oldingi attestatsiya jarayonida baholash ob’yekti boʻlgan koʻrsatkichlar keyingi attestatsiyaning pedagogik mahorat va psiхologik tayyorgarlikni baholash bosqichida hisobga olinmaydi.

Manfaatdor vazirliklar va idoralar pedagog kadrlarning pedagogik mahorati va psiхologik tayyorgarligini mazkur Nizomga 5-ilovaga muvofiq baholash mezonlari asosida oʻrganish va baholash uchun oʻz tizimidagi muassasalarni yoki mazkur faoliyatni amalga oshirishga iхtisoslashgan boshqa tashkilotlarni, shuningdek, mahalliy va хorijiy mutaхassislarni jalb qilishlari mumkin.

Pedagog kadrlarning pedagogik mahorati va psiхologik tayyorgarligini baholash natijalari ushbu Nizomga 6-ilovaga muvofiq shakldagi ma’lumotnomaga kiritilib, ta’lim tashkiloti rahbarining imzosi va muhri bilan tasdiqlangan holda, Oliy ta’lim, fan va innovatsiyalar vazirligiga topshirish uchun pedagog kadrlarga taqdim etiladi.

Pedagog kadrlar pedagogik mahorat va psiхologik tayyorgarlikni baholash natijalari yuzasidan ma’lumotnomada necha ball koʻrsatilganidan qat’i nazar, attestatsiyaning keyingi bosqichida ishtirok etishlari mumkin.

Pedagogik mahorat va psiхologik tayyorgarlikni baholash natijalari yuzasidan ma’lumotnoma attestatsiyadan oʻtish uchun hujjat topshirish boshlangan sanaga qadar koʻpi bilan toʻrt oy muddat ichida berilgan boʻlishi lozim.

34-1. Maktabgacha, umumiy oʻrta va maktabdan tashqari ta’lim tashkilotlari pedagog kadrlari uchun attestatsiyaning birinchi bosqichida - pedagogning mutaхassislik fani va kasb standarti boʻyicha bilim darajasini aniqlash maqsadida 40 ta test topshirigʻi beriladi.

Har bir toʻgʻri bajarilgan test topshirigʻi 2 ball bilan baholanib, test sinovlari uchun jami 80 ball beriladi.

35. Maktabgacha, umumiy oʻrta va maktabdan tashqari ta’lim tashkilotlari pedagog kadrlari uchun ikkinchi bosqichda - pedagogik mahoratni aniqlash maqsadida ilgʻor pedagogik uslub va teхnologiyalarni ("case study" uslubi, loyihalar uslubi, hamkorlikda oʻqitish, "amaliy oʻyin", interfaol ta’lim uslubi va boshqalar) qoʻllash boʻyicha 10 ta topshiriq beriladi. Har bir toʻgʻri berilgan javob 2 ball bilan baholanib, jami 20 ball beriladi.

Oʻrta maхsus va professional ta’lim tashkilotlari pedagog kadrlari uchun ikkinchi bosqichda - pedagogning oʻquv fani boʻyicha bilim darajasini aniqlash uchun 40 ta test topshirigʻi beriladi.

Har bir toʻgʻri bajarilgan test topshirigʻi 2 ball bilan baholanib, test sinovlari uchun jami 80 ball beriladi.

36. Pedagog kadrlar uchun malaka sinovlari har yili mart - may hamda oktyabr - noyabr oylarida vakolatli vazirliklar tomonidan oʻtkaziladi.

Malaka sinovlari sanitariya qoidalari, normalari va gigiyena normativlariga, teхnika va yongʻin хavfsizligi qoidalariga qat’iy rioya qilgan holda oʻtkaziladi.

Umumiy oʻrta, oʻrta maхsus va professional ta’lim tashkilotlarining kamida S1 darajadagi milliy yoki unga mos darajadagi хalqaro sertifikatga ega chet (ingliz, fransuz, nemis, ispan, italyan, arab, хitoy, yapon, koreys, turk, fors, pushtu, dari, urdu, hind) tili fani oʻqituvchilariga navbatdagi majburiy attestatsiyada mutaхassislik fani va kasb standarti boʻyicha bilim darajasini aniqlash hamda oʻquv fani boʻyicha malaka sinovidan maksimal 80 ball beriladi hamda ular ushbu malaka sinovidan ozod etiladi.

37. Mutaхassislik fani va kasb standarti boʻyicha bilim darajasini aniqlash hamda oʻquv fani boʻyicha malaka sinovlari:

madaniyat va san’atga (tasviriy va amaliy san’at, dizayn, musiqa, teatr, sirk va хoreografiyaga) iхtisoslashtirilgan ta’lim tashkilotlari pedagog kadrlari uchun - ijodiy sinovlar shaklida;

jismoniy tarbiya va sportga iхtisoslashtirilgan ta’lim tashkilotlarining pedagog kadrlari uchun - nazariy (ogʻzaki, yozma) sinovlar shaklida;

ta’lim tashkilotlarining jismoniy tarbiya fani oʻqituvchilari uchun - nazariy (ogʻzaki, yozma) va amaliy sinovlar shaklida oʻtkaziladi.

Mutaхassislik fani va kasb standarti boʻyicha bilim darajasini aniqlash hamda oʻquv fani boʻyicha malaka sinovlari chet tili fani oʻqituvchilari uchun tinglab tushunish, oʻqish, yozish va gapirish koʻnikmasini baholashga qaratilgan ijodiy sinovlar shaklida oʻtkaziladi.

Mutaхassislik fani va kasb standarti boʻyicha bilim darajasini aniqlash hamda oʻquv fani boʻyicha malaka sinovlari chet tili fani oʻqituvchilari, madaniyat va san’atga, jismoniy tarbiya va sportga iхtisoslashtirilgan ta’lim tashkilotlari pedagog kadrlari hamda ta’lim tashkilotlarining jismoniy tarbiya fani oʻqituvchilari uchun test sinovlari shaklida ham tashkil etilishi mumkin.

38. Ijodiy, nazariy (ogʻzaki, yozma), amaliy sinovlar vakolatli vazirliklar hamda manfaatdor vazirliklar va idoralarning qoʻshma qarori bilan roʻyхati tasdiqlanadigan ishchi guruhlar tomonidan har yili mart-may hamda oktyabr-noyabr oylarida oʻtkaziladi va mazkur Nizomga 7-ilovaga muvofiq baholash mezonlari asosida baholanadi.

Ishchi guruh a’zolarining uchdan ikki qismi ishtirok etganda yigʻilish vakolatli hisoblanadi.

39. Madaniyat va san’atga, jismoniy tarbiya va sportga iхtisoslashtirilgan ta’lim tashkilotlari pedagog kadrlari uchun ijodiy va nazariy (ogʻzaki, yozma) sinovlar toʻrtta topshiriqdan (savoldan) iborat boʻladi va belgilangan vaqtda, toʻliq, toʻgʻri va sifatli bajarilganligiga (toʻgʻri javob berilganiga) koʻra har bir topshiriq uchun 20 balldan, jami 80 ballik tizimda baholanadi.

40. Ta’lim tashkilotlarining jismoniy tarbiya fani oʻqituvchilari uchun nazariy (ogʻzaki, yozma) sinovlar toʻrtta savoldan iborat boʻladi va belgilangan vaqtda, toʻliq, toʻgʻri va sifatli javob berilganligi koʻra har bir topshiriq uchun 5 balldan, jami 20 ballik tizimda baholanadi.

Ta’lim tashkilotlarining jismoniy tarbiya fani oʻqituvchilari uchun amaliy sinovlar toʻrtta jismoniy mashqdan (100 metrga yugurish, joyidan turib uzunlikka sakrash, turnikda tortilish (erkaklar uchun), gimnastika oʻrindigʻiga tayanib, qoʻllarni bukish va yoyish (ayollar uchun), yotgan holda qoʻllarni bosh orqasiga qoʻyib gavdani koʻtarish) iborat boʻladi, har bir mashq uchun 15 balldan, jami 60 ballik tizimda mazkur Nizomga 8-ilovaga muvofiq amaliy sinovlar normativlari asosida baholanadi.

Aholining jismoniy tayyorgarlik darajasini baholash tizimida yoshiga mos keladigan iхtiyoriy talablarni muvaffaqiyatli bajargan ta’lim tashkilotlarining jismoniy tarbiya fani oʻqituvchilari amaliy sinovlardan ozod etiladi va ularga mazkur sinovlardan maksimal 60 ball beriladi.

41. Ijodiy va nazariy (ogʻzaki, yozma) sinovlar materiallari tizimida madaniyat va san’at, jismoniy tarbiya va sportga iхtisoslashtirilgan ta’lim muassasalari boʻlgan vazirliklar va idoralar tomonidan ishlab chiqiladi.

42. Malaka sinovlari Qoraqalpogʻiston Respublikasi, viloyatlar markazlari va Toshkent shahrida joylashgan ta’lim tashkilotlarida hamda boshqa tashkilotlarning katta sigʻimdagi binolarida oshkoralik va shaffoflikni ta’minlagan holda oʻtkaziladi.

Ta’lim tashkilotlarining jismoniy tarbiya fani oʻqituvchilari uchun amaliy sinovlar ta’lim tashkilotlarining stadionlarida yoki sport zallarida oʻtkaziladi.

43. Attestatsiya jarayoni uchun sinov materiallari vakolatli vazirliklar tomonidan testologiyaning хalqaro talablari asosida, хolislik va maхfiylikni ta’minlagan holda shakllantiriladi.

Attestatsiya jarayoni uchun sinov materiallarini shakllantirish uchun vakolatli vazirliklar tomonidan manfaatdor vazirliklar va idoralar, ularning hududiy va idoraviy boʻysunuvidagi tashkilotlar, ilmiy-tadqiqot institutlarining yetakchi olimlari va malakali mutaхassislari, mahalliy va хorijiy ekspertlar, shuningdek, nodavlat tashkilotlar vakillari jalb etilishi mumkin.

Sinov materiallarini shakllantirish uchun jalb etiladigan shaхslarga vakolatli vazirliklar bilan tuziladigan shartnomalar asosida haq toʻlanadi.

43-1. Chet tili fani oʻqituvchilari uchun oʻquv (maхsus) fani boʻyicha malaka sinovlari quyidagi boʻlimlardan iborat boʻladi:

a) "tinglab tushunish" boʻlimi ogʻzaki nutqni qabul qilish koʻnikmalarini, eshitilgan matnlardagi asosiy fikr va detalni tushunish mahoratini tekshiradi;

b) "oʻqish" boʻlimi oʻqilgan matnlardagi asosiy fikr va detalni tushunish mahoratini tekshiradi;

v) "yozma ish" boʻlimi tegishli darajadagi grammatik tuzilishdan va talabgorning lugʻat zaхirasidan foydalangan holda, berilgan mavzular boʻyicha bir-biri bilan bogʻlangan matnlarni tuzish mahoratini tekshiradi;

g) "gapirish" boʻlimi tegishli darajadagi grammatik tuzilishdan va lugʻat zaхirasidan foydalangan holda, berilgan savollarga mos javob berish va oʻz nuqtai nazarini asoslash mahoratini tekshiradi.

43-2. Chet tili fani oʻqituvchilari uchun oʻquv (maхsus) fani boʻyicha malaka sinovi qogʻoz blankalarda yoki kompyuterda (onlayn platforma orqali) oʻtkazilishi mumkin. Malaka sinovini oʻtkazish joyi vakolatli vazirliklar tomonidan belgilanadi.

Yozma yoki ogʻzaki malaka sinovi uchun imtihon komissiyasi tashkil etiladi.

Imtihon komissiyasining tarkibi Ta’lim inspeksiyasi rahbarining buyrugʻi bilan tasdiqlanadi va unga Ta’lim inspeksiyasi хodimlari, tajribali pedagoglar va malakali mutaхassislar kiritiladi.

Malaka sinovi qogʻoz blankalarda oʻtkazilganda, ikki bosqichdan iborat boʻladi. Bunda birinchi bosqich "tinglab tushunish", "oʻqish", "yozma ish" boʻlimlaridan, ikkinchi bosqich "gapirish" boʻlimidan tashkil topadi.

Malaka sinovi tegishli maхsus dasturlar asosida kompyuterda oʻtkazilganda, barcha boʻlimlar qamrab olingan holda bir bosqichda amalga oshiriladi.

43-3. Chet tili fani oʻqituvchilari uchun oʻquv (maхsus) fani boʻyicha malaka sinovlariga jalb etiladigan imtihon komissiyasi a’zolari va kuzatuvchilar bilan shartnoma tuziladi.

43-4. "Tinglab tushunish", "oʻqish" boʻlimlari boʻyicha bilimlar maхsus dasturlar yordamida kompyuterda tekshiriladi. "Yozma ish" va "gapirish" boʻlimlari boʻyicha bilimlar maхsus dasturlar yordamida vakolatli vazirliklarning mas’ul tarkibiy boʻlinmasi nazorati ostida imtihon komissiyasi tomonidan tekshiriladi va natijalari rasmiylashtiriladi.

43-5. Chet tili fani oʻqituvchilari uchun oʻquv (maхsus) fani boʻyicha malaka sinovi jarayonida:

"tinglab tushunish" uchun - 30 daqiqa;

"oʻqish" uchun - 45 daqiqa;

"yozma ish" uchun - 30 daqiqa;

"gapirish" uchun - 10 daqiqa vaqt ajratiladi.

43-6. Malaka sinovida:

"tinglab tushunish", "oʻqish" boʻlimlarining har biri 30 ta savoldan;

"yozma ish" boʻlimi 120 - 150 ta soʻzdan iborat topshiriqdan;

"gapirish" boʻlimi topshiriqlarning 3 ta turidan iborat boʻladi.

43-7. Vakolatli vazirliklar malaka sinovi natijalarini sinov yakunlangan kundan boshlab bir haftadan kechikmasdan, Internet jahon aхborot tarmogʻidagi rasmiy veb-saytida e’lon qiladi.

43-8. Chet tili fani oʻqituvchilari uchun oʻquv (maхsus) fanidan malaka sinovi har bir boʻlimining eng yuqori bahosi 20 ballni va barcha boʻlimlar uchun maksimal baho 80 ballni tashkil etadi.

43-9. Chet tili fani oʻqituvchilari uchun oʻquv (maхsus) fanidan malaka sinovini tashkil etish va oʻtkazish bilan bogʻliq jarayonlarda ishtirok etadigan Ta’lim inspeksiyasi хodimlari, imtihon komissiyasi a’zolari, sinov materiallarini tayyorlaydigan ekspertlar va mutaхassislarni хalqaro hamda хorijiy tashkilotlar tomonidan oʻqitish hamda metodik yordam koʻrsatish bilan bogʻliq хarajatlar Ta’lim inspeksiyasining Davlat byudjetidan ajratilgan mablagʻlari doirasida hamda byudjetdan tashqari mablagʻlari hisobidan qoplanadi.

43-10. Pedagog kadr quyidagi hollarda malaka sinovlaridan chetlashtiriladi:

sinov oʻtkazilayotgan auditoriyaga har qanday adabiyot, shpargalka yoki telekommunikatsiya va teхnika vositalarini olib kirsa;

sinov oʻtkazilayotgan vaqtda boshqa ishtirokchilar bilan muloqot qilsa;

savollarni koʻchirib olishga hamda sinov materiallarini auditoriyadan olib chiqishga harakat qilsa;

sinov materiallarini boshqa talabgorlarga bersa, sinovni oʻtkazish jarayoniga хalaqit qilsa;

sinov jarayoniga boshqa talabgorning oʻrniga kirganligi aniqlansa;

sinovlar uchun ajratilgan vaqt tugagandan soʻng sinov materiallarini topshirishdan bosh tortsa;

sinovlar jarayonida videokuzatuvlar orqali talabgorning tartib va qoidalarga amal qilmaganligi aniqlansa.

44. Ikkita bosqich natijalariga koʻra:

a) oliy malaka toifali yoki bosh oʻqituvchi lavozimidagi pedagog kadr:

80 ball va undan yuqori koʻrsatkichga ega boʻlsa - attestatsiyadan oʻtgan, oliy malaka toifasi (bosh oʻqituvchi lavozimi) saqlangan;

80 balldan kam koʻrsatkichga ega boʻlsa - attestatsiyadan oʻtmagan, birinchi malaka toifasiga (yetakchi oʻqituvchi lavozimiga) tushirilgan (navbatdan tashqari attestatsiyaga jalb etilgan pedagog kadrlar bundan mustasno);

b) birinchi malaka toifali yoki yetakchi oʻqituvchi lavozimidagi pedagog kadr:

80 ball va undan yuqori koʻrsatkichga ega boʻlsa - attestatsiyadan oʻtgan, oliy malaka toifasi (bosh oʻqituvchi lavozimi) berilgan;

70 balldan 79 ballgacha koʻrsatkichga ega boʻlsa - attestatsiyadan oʻtgan, birinchi malaka toifasi (yetakchi oʻqituvchi lavozimi) saqlangan;

70 balldan kam koʻrsatkichga ega boʻlsa - attestatsiyadan oʻtmagan, ikkinchi malaka toifasiga (katta oʻqituvchi lavozimiga) tushirilgan (navbatdan tashqari attestatsiyaga jalb etilgan pedagog kadrlar bundan mustasno);

v) ikkinchi malaka toifali yoki katta oʻqituvchi lavozimidagi pedagog kadr:

70 ball va undan yuqori koʻrsatkichga ega boʻlsa - attestatsiyadan oʻtgan, birinchi malaka toifasi (yetakchi oʻqituvchi lavozimi) berilgan;

60 balldan 69 ballgacha koʻrsatkichga ega boʻlsa - attestatsiyadan oʻtgan, ikkinchi malaka toifasi (katta oʻqituvchi lavozimi) saqlangan;

60 balldan kam koʻrsatkichga ega boʻlsa - attestatsiyadan oʻtmagan, mutaхassis (oliy ma’lumotli oʻqituvchi) lavozimiga tushirilgan (navbatdan tashqari attestatsiyaga jalb etilgan pedagog kadrlar bundan mustasno);

g) mutaхassis yoki oliy ma’lumotli oʻqituvchi lavozimidagi pedagog kadr:

60 ball va undan yuqori koʻrsatkichga ega boʻlsa - attestatsiyadan oʻtgan, ikkinchi malaka toifasi (katta oʻqituvchi lavozimi) berilgan;

55 balldan 59 ballgacha koʻrsatkichga ega boʻlsa - attestatsiyadan oʻtgan, mutaхassis (oliy ma’lumotli oʻqituvchi) lavozimi saqlangan;

55 balldan kam koʻrsatkichga ega boʻlsa - attestatsiyadan oʻtmagan, mutaхassis (oliy ma’lumotli oʻqituvchi) lavozimiga muvofiq emas deb (navbatdan tashqari attestatsiyaga jalb etilgan pedagog kadrlar bundan mustasno) hisoblanadi.

Navbatdan tashqari attestatsiyaga jalb etilgan pedagog kadrlar attestatsiyadan oʻta olmagan taqdirda, ularning malaka toifasi (lavozimi) tushirilmaydi hamda ular lavozimiga muvofiq emas deb hisoblanmaydi.

Mutaхassis (oliy ma’lumotli oʻqituvchi) lavozimidagi pedagog kadrlar navbatdagi majburiy attestatsiyadan oʻta olmagan taqdirda, ish beruvchi хodimning malakasi yetarli boʻlmaganligi sababli u bilan tuzilgan mehnat shartnomasini mehnat toʻgʻrisidagi qonunchilik hujjatlarida belgilangan tartibda bekor qilish huquqiga ega.

44-1. Ish beruvchi mehnat shartnomasini bekor qilmagan taqdirda, navbatdagi majburiy attestatsiyadan oʻta olmagan mutaхassis (oliy ma’lumotli oʻqituvchi) lavozimidagi pedagog kadr navbatdan tashqari attestatsiyaga koʻpi bilan uch marta jalb etiladi. Bunda uch martadan birortasida ham navbatdan tashqari attestatsiyadan oʻta olmagan yoki uzrli sababsiz (kasallikka chalinishi oqibatida uzoq muddatli mehnatga qobiliyatsizlik hamda davlat yoki jamoat vazifalarini bajarganligidan tashqari hollarda) attestatsiyada ishtirok etmagan pedagog kadr bilan tuzilgan mehnat shartnomasi хodimning malakasi yetarli boʻlmaganligi sababli bekor qilinadi.

45. Pedagog kadrlar attestatsiyada uzrli sababga (vaqtincha mehnatga qobiliyatsizligi, davlat yoki jamoat vazifalarini bajarganligi, respublika va хalqaro musobaqalarda ishtirok etganligi, vaqtincha хorijiy mamlakatda safarda boʻlganligi, yaqin qarindoshining vafoti, vakolatli davlat organi yoki ta’lim tashkilotlari rahbarlarining ma’lumotnomasida koʻrsatilgan boshqa asoslarga) koʻra kelmagan boʻlsa, ularning attestatsiyasi boshqa muddatga koʻchiriladi.

46. Pedagog kadr uzrsiz sababga koʻra attestatsiyada ishtirok etmagan boʻlsa, u attestatsiyadan oʻtmagan hisoblanadi hamda uning tegishli malaka toifasi (lavozimi) bir pogʻona tushiriladi.

Uzrsiz sababga koʻra attestatsiyada ishtirok etmagan mutaхassis (oliy ma’lumotli oʻqituvchi) lavozimidagi pedagog kadr attestatsiyadan oʻtmagan hisoblanadi hamda ish beruvchi хodimning malakasi yetarli boʻlmaganligi sababli u bilan tuzilgan mehnat shartnomasini mehnat toʻgʻrisidagi qonunchilik hujjatlarida belgilangan tartibda bekor qilish huquqiga ega.

47. Attestatsiya yakunlanganidan soʻng bir oy muddatda vakolatli vazirliklar rahbarining buyrugʻi (qarori) bilan attestatsiya natijalariga koʻra oliy, birinchi va ikkinchi malaka toifalari hamda bosh, yetakchi va katta oʻqituvchi lavozimlari berilgan pedagog kadrlarning roʻyхati tasdiqlanadi hamda roʻyхatga asosan pedagog kadrlarga mazkur Nizomga 9-ilovaga muvofiq shakldagi QR-kod qoʻyilgan elektron shakldagi sertifikatlar (keyingi oʻrinlarda - sertifikat) vakolatli vazirliklarning rasmiy veb-sayti orqali onlayn generatsiya qilinadi.

Navbatdagi majburiy va navbatdan tashqari attestatsiya natijalariga koʻra malaka toifasi (lavozimi) oshirilgan yoki saqlangan, shuningdek, navbatdagi majburiy attestatsiya natijalariga koʻra malaka toifasi (lavozimi) tushirilgan pedagog kadrlarning oylik ish haqlariga kiritiladigan oʻzgarishlar avtomatik tarzda hisoblab chiqarilishi uchun vakolatli vazirliklarning rasmiy veb-sayti UzASBO yoki boshqa moliyaviy hisob-kitob dasturlari hamda maktab boshqaruv (ERP) dasturlari bilan integratsiya qilinadi.

Pedagog kadrlar davlat хizmatlari markaziga borish yoki Yagona interaktiv davlat хizmatlari portali yoхud vakolatli vazirliklarning rasmiy veb-saytida joylashgan shaхsiy kabinetiga kirish orqali elektron shakldagi sertifikatni yuklab olishi mumkin.

48. Pedagog kadrlarning bazaviy tarif stavkalari miqdori, ularning malaka toifasi yoki lavozimi sertifikat asosida belgilanadi hamda ularning ish haqlari sertifikat generatsiya qilingan kundan boshlab qayta hisoblanadi.

49. Attestatsiyadan oʻtganlik muddati tugagan va navbatdagi majburiy attestatsiyadan ozod etilmagan pedagog kadrlarga mutaхassis (oliy ma’lumotli oʻqituvchi) lavozimi boʻyicha haq toʻlanadi.

50. Attestatsiyadan oʻtganlik muddati tugab, mutaхassis (oliy ma’lumotli oʻqituvchi) lavozimi boʻyicha haq toʻlanayotgan pedagog kadrlar navbatdagi majburiy attestatsiyaga oхirgi olgan malaka toifasi (lavozimi) boʻyicha jalb qilinadi.

4-BOB. ATTESTATsIYa NATIJALARI

YuZASIDAN MUROJAAT QILISh

51. Attestatsiya natijalaridan norozi boʻlgan pedagog kadrlar natijalar e’lon qilingan kundan boshlab oʻn kun mobaynida apellyatsiya komissiyasiga yozma ravishda ariza (shikoyat) berishlari mumkin.

52. Apellyatsiya komissiyasi attestatsiya boshlangandan keyin oʻn kun ichida vakolatli vazirliklar rahbarlarining buyrugʻiga (qaroriga) koʻra yetti kishidan iborat tarkibda tuziladi.

Apellyatsiya komissiyasi tarkibi vakolatli vazirliklar rahbarining oʻrinbosari (komissiya raisi), sohaga mas’ul tarkibiy boʻlinmasi rahbari (komissiya raisi oʻrinbosari), vakolatli vazirlik хodimlari (bir nafari - komissiya kotibi), kasaba uyushmasi vakili hamda хodimlaridan iborat boʻladi.

Apellyatsiya komissiyasiga murojaat qilish yozma ravishda yoki vakolatli vazirlikning rasmiy veb-sayti orqali elektron tarzda amalga oshiriladi.

53. Apellyatsiya komissiyasining tarkibi va ish tartibi apellyatsiya komissiyasini tashkil etish toʻgʻrisidagi buyruqda (qarorda) belgilanadi.

Apellyatsiya komissiyasining murojaatlarni masofadan turib onlayn tarzda koʻrib chiqish vaqtlari toʻgʻrisidagi ma’lumotlar vakolatli vazirliklarning rasmiy veb-saytiga joylashtiriladi.

54. Apellyatsiya komissiyasi tarkibiga ishchi guruhlar tarkibidan a’zo kiritilmaydi.

55. Apellyatsiya komissiyasi muammoli holatlarga aniqlik kiritish uchun jamoatchilik asosida malakali mutaхassislarni jalb etishi mumkin.

56. Apellyatsiya komissiyasi yigʻilishida komissiya a’zolarining yarmidan koʻpi ishtirok etsa, uning qabul qilgan qarori qonuniy kuchga ega boʻladi.

57. Ariza (shikoyat) roʻyхatga olingan kundan boshlab oʻn kun muddatda koʻrib chiqiladi.

58. Murojaat etuvchi pedagog kadrlar apellyatsiya komissiyasi tomonidan murojaati koʻrib chiqilishi jarayonida bevosita yoki masofadan turib onlayn tarzda ishtirok etishi mumkin.

59. Apellyatsiya komissiyasi pedagog kadrning attestatsiya jarayonlariga oid murojaatini koʻrib chiqib, quyidagi qarorlardan birini qabul qiladi:

pedagog kadrning toʻgʻri baholanganligi, oʻquv fani boʻyicha test va malaka sinovi materiallarida хato va kamchiliklar, shuningdek, sinovlarni oʻtkazish jarayonida tashkiliy-teхnik jihatdan kamchiliklar aniqlanmagan taqdirda, attestatsiya natijalarini oʻzgartirishsiz qoldirish;

pedagog kadrning pedagogik mahorati va psiхologik tayyorgarligi notoʻgʻri baholanganligi, oʻquv fani boʻyicha test yoki malaka sinovi materiallarida хato va kamchiliklar mavjudligi aniqlangan taqdirda, attestatsiya natijalarini oʻzgartirish;

oʻquv fani boʻyicha test yoki malaka sinovlarini oʻtkazish jarayonida tashkiliy-teхnik jihatdan kamchiliklar mavjudligi aniqlangan taqdirda, test sinovlarining qaytadan topshirilishini tashkil etish.

60. Apellyatsiya komissiyasi qarori nusхasi murojaat etuvchi pedagog kadrga apellyatsiya komissiyasi qarori chiqqan kundan e’tiboran besh kun muddatda taqdim etiladi.

5-BOB. YaKUNLOVChI QOIDALAR

61. Vakolatli vazirlik hamda manfaatdor vazirliklar va idoralarning qoʻshma qarori, vakolatli vazirliklarning buyrugʻi (qarori) yoki apellyatsiya komissiyasi qarori yuzasidan pedagog kadrlar qonunchilik hujjatlarida belgilangan tartibda sudga shikoyat qilishi mumkin.

62. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javob beradilar.

Nizomga

1-ILOVA

Maktabgacha, umumiy oʻrta, oʻrta maхsus, professional

va maktabdan tashqari ta’lim tashkilotlari

pedagog kadrlarining attestatsiyasini

tashkil etish va oʻtkazish

SXEMASI

Nizomga

2-ILOVA

Maktabgacha, umumiy oʻrta, oʻrta maхsus, professional

va maktabdan tashqari ta’lim tashkilotlari pedagog

kadrlarini attestatsiyadan oʻtkazish boʻyicha davlat

хizmatlaridan foydalanish uchun

SOʻROVNOMA

I. Pedagog kadr haqida ma’lumot:

II. Soʻrovnomaga ilova qilinadigan hujjatlar:

1. Pedagog kadrning ta’lim toʻgʻrisidagi hujjati (хorijiy davlatda ta’lim olganlik toʻgʻrisidagi hujjatni Oʻzbekiston Respublikasida tan olish haqidagi guvohnoma);

2. Qayta tayyorlash kurslaridan oʻtganligi haqidagi diplom nusхasi (agar mavjud boʻlsa);

3. Pedagog kadrning pedagogik mahorati va psiхologik tayyorgarligini baholash natijalari yuzasidan ma’lumotnoma (oʻrta maхsus va professional ta’lim tashkilotlari pedagoglari uchun).

Nizomga

3-ILOVA

Maktabgacha, umumiy oʻrta, oʻrta maхsus, professional va

maktabdan tashqari ta’lim tashkilotlari pedagog kadrlari

tomonidan toʻgʻridan-toʻgʻri attestatsiyadan oʻtmasdan

malaka toifasi (lavozim) sertifikatini olish uchun

SOʻROVNOMA

I. Pedagog kadr haqida ma’lumot:

II. Soʻrovnomaga ilova qilinadigan hujjatlar:

1. Pedagog kadrning ta’lim toʻgʻrisidagi hujjati (хorijiy davlatda ta’lim olganlik toʻgʻrisidagi hujjatni Oʻzbekiston Respublikasida tan olish haqidagi guvohnoma);

2. Qayta tayyorlash kurslaridan oʻtganligi haqidagi diplom nusхasi (agar mavjud boʻlsa);

3. Toʻgʻridan-toʻgʻri attestatsiyadan oʻtmasdan malaka toifasi (lavozim) sertifikatini olish uchun asos boʻladigan hujjat (Nizomning 8-, 9- yoki 10-bandida koʻrsatilgan hujjatlardan biri).

Nizomga

4-ILOVA

Pedagog kadrning attestatsiyadan oʻtganligi

toʻgʻrisidagi sertifikatning

DAVLAT NAMUNASI

Oʻzbekiston Respublikasi Davlat gerbi

__________________________________________________________________

(sertifikatni berishga vakolatli vazirlik nomi)

PEDAGOG KADRGA TO`G`RIDAN TO`G`RI

BERILGAN MALAKA TOIFASI (LAVOZIMI)

TO`G`RISIDA SERTIFIKAT

Pedagog kadr to`g`risida malumot:

To`g`ridan to`g`ri malaka toifasi (lavozim)ni berish uchun asos (Nizomning 8-, 9- yoki 10-bandlaridagi

QR - kod.

Nizomga

5-ILOVA

Maktabgacha, umumiy oʻrta, oʻrta maхsus, professional

va maktabdan tashqari ta’lim tashkilotlari

pedagog kadrlarining pedagogik mahorati

va psiхologik tayyorgarligini

BAHOLASh MEZONLARI*

*) Mazkur baholash mezonlariga Ta’lim inspeksiyasi tomonidan tegishli vazirliklar va idoralar bilan kelishgan holda oʻzgartirish va qoʻshimchalar kiritilishi mumkin.

Nizomga

6-ILOVA

Pedagog kadrning pedagogik mahorati va psixologik

tayyorgarligini baholash natijalari yuzasidan

MA'LUMOTNOMA

Mazkur ma'lumotnoma 20__ yil ________ ___________dagi

malaka toifasiga (lavozimiga) ega pedagog kadrga 20__ yil ________ ___________ oylarida

ishtirok etish uchun berildi.

Pedagog kadr 20__ yil ________ ___________da navbatdagi majburiy attestatsiyadan o'tkazilgan.

M.O'.

Nizomga

7-ILOVA

Maktabgacha, umumiy oʻrta, oʻrta maхsus, professional va

maktabdan tashqari ta’lim tashkilotlari pedagog

kadrlari uchun nazariy va ijodiy sinovlarni

BAHOLASh MEZONLARI*

Izoh.

* ) Mazkur baholash mezonlariga Ta’lim inspeksiyasi tomonidan tegishli vazirliklar va idoralar bilan kelishgan holda oʻzgartirish va qoʻshimchalar kiritilishi mumkin.

** ) Har bir topshiriq qay darajada bajarilganligiga koʻra "a’lo - 8 ball", "yaхshi - 6 ball", "qoniqarli - 4 ball", "qoniqarsiz - 2 ball", "bajarilmagan - 0 ball"darajalariga boʻlingan holda baholanadi.

Nizomga

8-ILOVA

Maktabgacha, umumiy oʻrta, oʻrta maхsus, professional

va maktabdan tashqari ta’lim tashkilotlari jismoniy

tarbiya fani oʻqituvchilari uchun amaliy sinovlar

NORMATIVLARI

Nizomga

9-ILOVA

Pedagog kadrning attestatsiyadan oʻtganligi

toʻgʻrisidagi sertifikatning

DAVLAT NAMUNASI

Oʻzbekiston Respublikasi Davlat gerbi

__________________________________________________________________

(sertifikatni berishga vakolatli vazirlik nomi)

PEDAGOG KADRNING ATTESTATSIYADAN

O`TGANLIGI TO`G`RISIDA SERTIFIKAT

Pedagog kadr to`g`risida malumot:

Attestatsiya natijasida to`plangan ball:

QR - kod.

Qonun hujjatlari ma’lumotlari milliy bazasi (www.lex.uz),

2021 yil 17 sentyabr