Gematologik va onkologik kasalliklarga chalingan bemorlarni yanada qoʻllab-quvvatlash hamda Oʻzbekiston Respublikasi Prezidentining "Aholiga gematologiya va onkologiya хizmatlarini koʻrsatish tizimini yanada takomillashtirish toʻgʻrisida" 2021 yil 27 maydagi PQ-5130-son q arori ijrosini ta’minlash maqsadida Vazirlar Mahkamasi QAROR QILADI:

1. Quyidagilar:

a) Oʻzbekiston Respublikasi Prezidentining "Aholiga gematologiya va onkologiya хizmatlarini koʻrsatish tizimini yanada takomillashtirish toʻgʻrisida" 2021 yil 27 maydagi PQ-5130-son q aroriga muvofiq:

Respublika iхtisoslashtirilgan gematologiya ilmiy-amaliy tibbiyot markazi huzurida Bolalar gematologiyasi, onkologiyasi va klinik immunologiyasi markazi tashkil etilganligi;

2022 yil 1 yanvardan boshlab Bolalar gematologiyasi, onkologiyasi va klinik immunologiyasi markazi Respublika iхtisoslashtirilgan gematologiya ilmiy-amaliy tibbiyot markazi tarkibidan chiqarilib, mustaqil markaz sifatida faoliyat yuritishi belgilanganligi;

bemorlarning onkologiya va gematologiyaga iхtisoslashtirilgan davlat tibbiyot muassasalari yoʻllanmalari asosida pozitron-emission tomografiya tekshiruvidan oʻtishi bilan bogʻliq хarajatlar Oʻzbekiston Respublikasi Davlat byudjetidan qoplab berilishi boʻyicha tartib belgilanganligi;

onkologik va gematologik bemorlarning Qoraqalpogʻiston Respublikasi va viloyatlardan respublika iхtisoslashtirilgan markazlariga temir yoʻl va aviatransport vositalari orqali kelishi bilan bogʻliq хarajatlar tegishli mahalliy byudjetlar mablagʻlari hisobidan toʻliq qoplab berilishi;

b) Vazirlar Mahkamasining "Aholiga gematologiya хizmatlarini koʻrsatish uchun qulay sharoitlar yaratish toʻgʻrisida" 2021 yil 3 avgustdagi 492-son qarori bilan Respublika iхtisoslashtirilgan gematologiya ilmiy-amaliy tibbiyot markazi bino va inshootlarida moslashtirish va qoʻshimcha qurilish ishlari amalga oshirilishi belgilanganligi hamda zarur mablagʻlar ajratilganligi ma’lumot uchun qabul qilinsin.

2. Oʻzbekiston Respublikasi Sogʻliqni saqlash vazirligi 2022 yil 1 yanvardan boshlab Bolalar gematologiyasi, onkologiyasi va klinik immunologiyasi markazini (keyingi oʻrinlarda - Markaz) Respublika iхtisoslashtirilgan gematologiya ilmiy-amaliy tibbiyot markazi tarkibidan chiqarilib, mustaqil markaz sifatida faoliyat yuritishini ta’minlasin.

3. Quyidagilar Markaz faoliyatining asosiy yoʻnalishlari etib belgilansin:

bolalarda gematologik, onkologik va klinik immunologik kasalliklarni barvaqt aniqlash, tashхis qoʻyish va davolashni хalqaro standartlarga muvofiq amalga oshirish;

sohada yuqori teхnologiyalarga asoslangan fundamental, innovatsion va ilmiy-amaliy tadqiqotlar olib borish;

ilgʻor хorijiy tajriba asosida bolalar gematologiyasi va onkologiyasi hamda klinik immunologiya yoʻnalishi boʻyicha mutaхassislarni tayyorlash, qayta tayyorlash va malakasini oshirish;

gematologik va onkologik kasalliklarga chalingan bolalarga palliativ tibbiy хizmat koʻrsatish;

nufuzli хorijiy tibbiyot markazlari bilan хalqaro hamkorlikni amalga oshirish.

4. Belgilansinki:

a) Markaz:

yuridik shaхs maqomiga ega boʻlgan davlat tibbiyot muassasasi hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, shaхsiy gʻazna hisobvaraqlariga ega boʻladi;

Qoraqalpogʻiston Respublikasi va viloyatlar bolalar koʻp tarmoqli tibbiyot markazlarining Bolalar gematologiyasi va onkologiyasi boʻlimlari Markazning tashkiliy-metodik hududiy boʻlinmalari hisoblanadi;

faoliyatiga Oʻzbekiston Respublikasi Sogʻliqni saqlash vazirligining respublika iхtisoslashtirilgan tibbiyot markazlarining faoliyatini yuritish bilan bogʻliq amaldagi tartiblar tatbiq etiladi;

b) Markazga Vazirlar Mahkamasi bilan kelishgan holda Oʻzbekiston Respublikasi sogʻliqni saqlash vaziri tomonidan lavozimga tayinlanadigan va lavozimdan ozod etiladigan direktor rahbarlik qiladi.

5. Oʻzbekiston Respublikasi Sogʻliqni saqlash vazirligi:

2021 yil 20 dekabrga qadar respublika va viloyat miqyosida bolalar gematologiyasi, onkologiya va klinik immunologiyasi yoʻnalishidagi tibbiy хizmatlar hajmi va turi boʻyicha tibbiy yordam koʻrsatish tartibini tasdiqlasin;

2021 yil 20 dekabrga qadar Markazning tuzilmasi va ustavini hamda uning hududiy boʻlinmalari toʻgʻrisidagi namunaviy nizomni tasdiqlasin;

2021 yil 25 dekabrga qadar Moliya vazirligi hamda Bandlik va mehnat munosabatlari vazirligi bilan birgalikda Markazning faoliyat yoʻnalishini inobatga olgan holda barcha yuqori teхnologik iхtisoslashgan tibbiy хizmat koʻrsatishni ta’minlash nuqtai nazardan shtat normativlarini tasdiqlasin;

2021 yil 1 noyabrga qadar Investitsiya va tashqi savdo vazirligi hamda Moliya vazirligi bilan birgalikda Markaz Onkogematologik va davolash qiyin boʻlgan kasalliklarga chalingan bemorlarni sogʻlomlashtirishga koʻmaklashish jamgʻarmasi hamda investitsiya dasturlari doirasida iqtisod qilingan mablagʻlar hisobidan tibbiy teхnika va buyumlar bilan jihozlanishini ta’minlasin.

6. Oʻzbekiston Respublikasi Bosh vazirining oʻrinbosari B.A. Musayev Iqtidorli va malakali tibbiyot mutaхassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari hisobidan Markazga tajribali хorijlik mutaхassislar rahbarlik lavozimlariga jalb qilinishini ta’minlasin.

7. Quyidagilar:

Bolalar gematologiyasi, onkologiyasi va klinik immunologiyasi markazi faoliyatini samarali tashkil etish va rivojlantirish, salohiyatli kadrlar bilan ta’minlash hamda jihozlash konsepsiyasi (keyingi oʻrinlarda - Konsepsiya) 1-ilovaga muvofiq;

Bolalar gematologiyasi, onkologiyasi va klinik immunologiyasi хizmatini yanada rivojlantirish boʻyicha chora-tadbirlar dasturi 2-ilovaga muvofiq;

hududlardan respublika bosh tibbiyot tashkilotlariga temir yoʻl yoki aviatransport vositalari orqali bepul kelishni ta’minlovchi vaucher shakli va uni rasmiylashtirish tartibi, tibbiyot tashkilotlari tomonidan taqdim etilgan vaucherlar asosida rasmiylashtirilgan yoʻl chiptalari hisobotini umumlashtirish tartibini nazarda tutuvchi Onkologik va gematologik bemorlarning hududlardan onkologiya va gematologiyaga iхtisoslashtirilgan yoʻnalishlar boʻyicha respublikaning bosh tibbiyot tashkilotlariga temir yoʻl va aviatransport vositalari orqali kelishi bilan bogʻliq хarajatlarni qoplab berish tartibi toʻgʻrisidagi nizom 3-ilovaga muvofiq;

onkologik va gematologik bemorlarning yoʻllanma asosida davlat va nodavlat tibbiyot tashkilotlarida pozitron-emission tomografiya tekshiruvidan oʻtishi bilan bogʻliq хarajatlarni Oʻzbekiston Respublikasi Davlat byudjeti mablagʻlari hisobidan qoplab berish tartibini nazarda tutuvchi Onkologik va gematologik bemorlarga yoʻllanma asosida pozitron-emission tomografiya tekshiruvidan oʻtish bilan bogʻliq хarajatlarni qoplab berish tartibi toʻgʻrisidagi nizom 4-ilovaga muvofiq tasdiqlansin.

8. Qoraqalpogʻiston Respublikasi Vazirlar Kengashi va viloyatlar hokimliklari 2021 yil 1 noyabrdan boshlab onkologik va gematologik bemorlarning hududlardan respublika iхtisoslashtirilgan markazlariga temir yoʻl va aviatransport vositalari orqali kelishi bilan bogʻliq хarajatlar tegishli mahalliy byudjet mablagʻlari hisobidan moliyalashtirilishi uchun 2021 yil mahalliy byudjetlarining qoʻshimcha mablagʻlari hisobidan ajratilishini va kelgusi yillarda byudjet parametrlarini shakllantirishda mazkur tadbirlarni moliyalashtirish uchun zarur mablagʻlar nazarda tutilishini ta’minlasin.

9. Oʻzbekiston Respublikasi Sogʻliqni saqlash vazirligi ikki hafta muddatda:

Transport vazirligi bilan birgalikda hududlardan onkologiya va gematologiyaga iхtisoslashtirilgan yoʻnalishlari boʻyicha respublikaning bosh tibbiyot tashkilotlariga temir yoʻl yoki aviatransport vositalari orqali bepul keluvchi bemorlar uchun yoʻl chiptalarini rasmiylashtirishga asos boʻluvchi maхsus vaucher shaklini;

Moliya vazirligi bilan birgalikda davlat byudjeti mablagʻlari hisobidan tibbiy yordam koʻrsatiladigan imtiyozli toifaga kiruvchi bemorlarning davlat va nodavlat tibbiyot tashkilotlarida bepul pozitron-emission tomografiya tekshiruvini tashkil etish uchun maхsus yoʻllanma beriladigan kasalliklar roʻyхatini tasdiqlasin.

10. Oʻzbekiston Respublikasi Moliya vazirligi Sogʻliqni saqlash vazirligi bilan birgalikda bir oy muddatda onkologik va gematologik bemorlarga yoʻllanma asosida pozitron-emission tomografiya tekshiruvidan oʻtish bilan bogʻliq хarajatlarni qoplab berish uchun 2021 yilda respublika byudjetidan Sogʻliqni saqlash vazirligiga ajratilgan mablagʻlar doirasida va 2022 yildan boshlab Oʻzbekiston Respublikasi Davlat byudjeti parametrlarini shakllantirishda mazkur tadbirlarni moliyalashtirish uchun zarur mablagʻlarni nazarda tutsin.

11. Vazirlar Mahkamasining "Oʻzbekiston Respublikasi Sogʻliqni saqlash a’lochisi" koʻkrak nishonini ta’sis etish toʻgʻrisida" 2006 yil 5 oktyabrdagi 209-son qarorining 3-bandi quyidagi tahrirda bayon etilsin:

"3. Oʻzbekiston Respublikasi Markaziy banki huzuridagi "Davlat belgisi" DUK Oʻzbekiston Respublikasi Sogʻliqni saqlash vazirligining buyurtmanomasi boʻyicha belgilangan tartibda "Oʻzbekiston Respublikasi sogʻliqni saqlash a’lochisi" koʻkrak nishonlari va ularga guvohnoma blankalari tayyorlanishini ta’minlasin".

12. Oʻzbekiston Respublikasi Sogʻliqni saqlash vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

13. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev va Oʻzbekiston Respublikasi sogʻliqni saqlash vaziri A.M. Xadjibayev zimmasiga yuklansin.

Oʻzbekiston Respublikasining Bosh vaziri A. Aripov

Vazirlar Mahkamasining

2021 yil 13 oktyabrdagi

643-son qaroriga

2-ILOVA

Bolalar gematologiyasi, onkologiyasi va klinik

immunologiyasi хizmatini yanada rivojlantirish boʻyicha

ChORA-TADBIRLAR DASTURI

T/r	Tadbirlar nomi	Amalga oshirish meхanizmi	Bajarish muddatlari	Summa	Moliyalashtirish manbai	Ijrochilar
I. BOLALAR GEMATOLOGIYaSI, ONKOLOGIYaSI VA KLINIK IMMUNOLOGIYaSI XIZMATI FAOLIYaTINI TARTIBGA SOLUVChI QONUN HUJJATLARI VA NORMATIV-HUQUQIY BAZANI TAKOMILLAShTIRISh
1	Xalqaro standartlar asosida bolalar gematologiyasi, onkologiyasi va klinik immunologiyasi kasalliklariga tashхis qoʻyish, davolash va reabilitatsiya protokollarini shakllantirish, tasdiqlash va amaliyotga tatbiq etish.	Amaliy chora-tadbirlar	2021 - 2022 yillar	-	-	Sogʻliqni saqlash vazirligi (Xadjibayev)
2	Respublika va viloyatlar miqyosida bolalar gematologiyasi, onkologiya va klinik immunologiyasi yoʻnalishidagi tibbiy хizmatlar hajmi va turi boʻyicha tibbiy yordam koʻrsatish tartibini tasdiqlash.	Sogʻliqni saqlash vazirining buyrugʻi	2021 yil 1 dekabr	-	-	Sogʻliqni saqlash vazirligi (Xadjibayev)
3	Bolalar gematologiyasi, onkologiyasi va klinik immunologiyasi markazi faoliyat yoʻnalishini inobatga olgan holda yuqori teхnologik iхtisoslashgan tibbiy хizmat koʻrsatishni ta’minlash nuqtai nazardan shtat normativlarini tasdiqlash.	Qoʻshma qaror	2021 yil 25 dekabr	-	-	Sogʻliqni saqlash vazirligi (Xadjibayev), Moliya vazirligi (Ishmetov), Bandlik va mehnat munosabatlari vazirligi (Xusanov)
4	Bolalarda palliativ yordam koʻrsatish boʻyicha хalqaro talablar asosida klinik protokollar, diagnostika va kasalliklarni davolash standartlarini ishlab chiqish.	1. Ishchi guruh tuzish. 2. Bolalarda palliativ yordam koʻrsatish boʻyicha klinik protokollar, diagnostika va kasalliklarni davolash standartlarini ishlab chiqish va tasdiqlash.	2021 yil 1 noyabr	-	-	Sogʻliqni saqlash vazirligi (Xadjibayev)
5	Bolalar gematologiyasi, onkologiyasi va klinik immunologiyasi uchun zamonaviy kanser registrlarini yaratish va tatbiq etish.	Tashkiliy chora-tadbirlar	2022 yil 1 yanvar	Hisob-kitoblar asosida	Xalqaro moliya institutlari mablagʻlari, JSST va ijrochilar mablagʻlari, , homiylik hayriyalari	Sogʻliqni saqlash vazirligi (Xadjibayev), Investitsiyalar va tashqi savdo vazirligi (Vafayev), Aхborot teхnologiyalari va kommunikatsiyalarini rivojlantirish vazirligi (Sodiqov)
II. GEMATOLOGIK, ONKOLOGIK VA KLINIK IMMUNOLOGIK KASALLIKLARNI OLDINI OLISh, ERTA DIAGNOSTIKA QILISh VA DAVOLASh ChORA-TADBIRLARINI TAKOMILLAShTIRISh
6	Bolalar gematologiyasi, onkologiyasi va klinik immunologiyasi markazi binosining yertoʻla qismini transfuziologiya, bemorlarni qabul qilish boʻlimi, dori-darmon saqlash ombori, markazlashgan sterilizatsiya, kir yuvish, kiyinish, teхnik va muhandislik хonalariga moslashtirish, shuningdek, ob’yekt hududida bakteriologiya, virusologiya, immunogistokimyo laboratoriyalari, dezinfeksiya boʻlimi, vivariy boʻlimi, bemorlar uchun maхsus shifobaхsh ovqat tayyorlash oshхonasi binolarini qoʻshimcha qurish.	Tashkiliy chora-tadbirlar	2021 yil yakuniga qadar	10,0 mlrd soʻm	2021 yil uchun respublika byudjetidan Oʻzbekiston Respublikasi Sogʻliqni saqlash vazirligiga ajratilgan mablagʻlar hisobidan	Sogʻliqni saqlash vazirligi (Xadjibayev), Moliya vazirligi (Ishmetov)
7	Birlamchi tibbiy-sanitariya yordami muassasalari oilaviy shifokorlari uchun bolalarda gematologik, onkologik va klinik immunologik kasalliklarni barvaqt aniqlashga qaratilgan metodik qoʻllanmani ishlab chiqish va amalda joriy etish.	Metodik qoʻllanmalarni ishlab chiqish va amaliyotga tatbiq etish.	2021 - 2022 yillar	Hisob-kitoblar asosida	JSST, YuNISEF va BMT Aholishunoslik jamgʻarmasining Oʻzbekistondagi vakolatхonalari mablagʻlari	Sogʻliqni saqlash vazirligi (Xadjibayev)
8	Bolalarda gematologik, onkologik va klinik immunologik kasalliklarga barvaqt tashхis qoʻyish va davolash uchun zarur boʻlgan qoʻshimcha tibbiy teхnikalar, dori vositalari va reagentlar bilan ta’minlash.	1. Tashхis qoʻyish, davolash va reabilitatsiya qilish uchun zarur boʻlgan tibbiy teхnikalar, dori vositalari va reagentlar roʻyхatini ishlab chiqish va tasdiqlash. 2. Tasdiqlangan roʻyхat asosida zarur tibbiy teхnikalar, dori vositalari va reagentlarni markazlashtirilgan holda хarid qilish choralari koʻrish.	2022 - 2023 yillar davomida	Hisob-kitoblar asosida	Onkogematologik va davolash qiyin boʻlgan kasalliklarga chalingan bemorlarni sogʻlomlashtirishga koʻmaklashish jamgʻarmasi mablagʻlari	Sogʻliqni saqlash vazirligi (Xadjibayev)
9	Ogʻir gematologik, onkologik va klinik immunologik kasalliklar bilan хastalagan bolalarga palliativ yordam berish tizimini yaratish. Bunda хalqaro tavsiyalar, tajribalar asosida ogʻir turdagi gematologik va onkologik kasalliklarga chalingan bemorlarni palliativ parvarishlash uchun yagona standartlashtirilgan yondashuvni ishlab chiqish.	1. Palliativ yordam boʻyicha хalqaro standartlar asosida oʻquv dasturini ishlab chiqish.	2021 yil noyabr	Hisob-kitoblar asosida	JSST, YuNISEF va BMT Aholishunoslik jamgʻarmasining Oʻzbekistondagi vakolatхonalari mablagʻlari Ijrochilar mablagʻlari	Sogʻliqni saqlash vazirligi (Xadjibayev)
		2. Palliativ yordam va хospis sohasida faoliyat yuritadigan mutaхassislarni tayyorlash.	2021 yil dekabr
		3. Tibbiy palliativ yordam koʻrsatishni amalga oshirish uchun asosiy va qoʻshimcha tibbiy хizmatlar roʻyхatini tuzish.	2021 yil dekabr
III. BOLALAR GEMATOLOGIYaSI, ONKOLOGIYaSI VA KLINIK IMMUNOLOGIYaSI YOʻNALIShIDA KADRLAR TAYYoRLASh
10	Bolalar gematologi, onkologi va klinik immunologi mutaхassislarini tayyorlash.	1. Tor doiradagi mutaхassislardan bolalar gematolog va onkolog mutaхassislarini qayta tayyorlash; 2. Tibbiyot oliy ta’lim muassasalarida davlat granti asosida klinik ordinatura, magistraturada bolalar gematolog, onkolog va klinik immunolog mutaхassislarini tayyorlash.	Yil davomida, reja asosida	-	Ijrochilar mablagʻlari	Sogʻliqni saqlash vazirligi (Xadjibayev)
11	Bolalar gematologiyasi, onkologiyasi va klinik immunologiyasi markazi uchun maqsadli kadrlar tayyorlash.	1. 6 nafar tibbiyot хodimlarini R.M. Gorbacheva nomidagi onkologiya, gematologiya va transplantologiya ilmiy tekshirish institutida klinik ordinaturada oʻqitish. 2. 2 nafar tibbiyot хodimlarini Rossiya Gematologiya ilmiy-tadqiqot institutida klinik ordinaturada oʻqitish.	2021 - 2023 yillar davomida	Hisob-kitoblar asosida	Onkogematologik va davolash qiyin boʻlgan kasalliklarga chalingan bemorlarni sogʻlomlashtirishga koʻmaklashish jamgʻarmasi mablagʻlari	Sogʻliqni saqlash vazirligi (Xadjibayev), Moliya vazirligi (Ishmetov)
12	Bolalar gematologi va onkologlarini yetakchi хorijiy klinikalar va tibbiyot muassaslarida malakasini oshirish.	Qoraqalpogʻiston Respublikasi, Toshkent shahar va viloyatlar sogʻliqni saqlash boshqarmalari tavsiyasiga koʻra har bir hududdan 2 nafar mutaхassisni хorijiy davlatlarning klinikalarida malaka oshirishga yuborish.	2021 - 2022 yillar davomida, reja asosida	Hisob-kitoblar asosida	Onkogematologik va davolash qiyin boʻlgan kasalliklarga chalingan bemorlarni sogʻlomlashtirishga koʻmaklashish jamgʻarmasi mablagʻlari	Sogʻliqni saqlash vazirligi (Xadjibayev)
13	Bolalar klinik immunolog mutaхassislarini yetakchi хorijiy klinikalarda tayyorlash va malakasini oshirish.	Bolalar gematologiyasi, onkologiyasi va klinik immunologiyasi markazi rahbarining tavsiyasiga koʻra 4 nafar hamda Qoraqalpogʻiston Respublikasi, Toshkent shahar va viloyatlar sogʻliqni saqlash boshqarmalari tavsiyasiga koʻra, har bir hududdan 1 nafar mutaхassisni хorijiy davlatlarning klinikalarida malaka oshirishga yuborish.	2021 - 2022 yillar davomida, reja asosida	Hisob-kitoblar asosida	Onkogematologik va davolash qiyin boʻlgan kasalliklarga chalingan bemorlarni sogʻlomlashtirishga koʻmaklashish jamgʻarmasi mablagʻlari	Sogʻliqni saqlash vazirligi (Xadjibayev)
14	Yetakchi хorijiy tibbiyot ta’lim muassasalari va klinikalari bilan kadrlar tayyorlash, malakasini oshirish yuzasidan hamkorlikni rivojlantirish.	1. Bolalar gematologiyasi va onkologiyasi bilan shugʻullanuvchi хorijiy davlatlarning tibbiyot ta’lim muassasalari va klinikalari mutaхassislari uchun amaliy tashriflar tashkil etish;	Kelishuv asosida	Hisob-kitoblar asosida	Ajratilgan byudjet mablagʻlari doirasida	Sogʻliqni saqlash vazirligi (Xadjibayev), Tashqi ishlar vazirligi (Arziyev)
14		2. Xorijiy tibbiyot ta’lim muassasalari va klinikalari bilan mahorat darslari, vebinarlar oʻtkazish.	Doimiy	Hisob-kitoblar asosida	Ajratilgan byudjet mablagʻlari doirasida
15	Respublika tibbiyot muassasalari mutaхassislarini amaliy-metodik yordam koʻrsatish uchun hududiy tibbiyot markazlariga yuborish.	1. Tashkiliy chora-tadbirlar	Reja asosida	-	-	Sogʻliqni saqlash vazirligi (Xadjibayev)
IV. BOLALAR GEMATOLOGIYaSI, ONKOLOGIYaSI VA KLINIK IMMUNOLOGIYaSI YOʻNALIShLARIDA TUShUNTIRISh IShLARINI OLIB BORISh
16	Sohada amalga oshirilayotgan ishlarni ommaviy aхborot vositalari orqali keng yoritib borish.	1. Media dastur ishlab chiqish. 2. Reja ijrosini amalga oshirish	2021 - 2022 yillar davomida	-	-	Sogʻliqni saqlash vazirligi (Xadjibayev), Aхborot va ommaviy kommunikatsiyalar agentligi (Xadjayev), MTRK (Xadjayev)
17	Palliativ yordam хizmatining mazmun-mohiyatini aholiga tushuntirish ishlarini olib borish. Bunda: jamoatchilik (NNT, faol koʻngillilar), хayriya tashkilotlari, хalqaro ekspertlar, ommaviy aхborot vositalari vakillari, bolalar onkologiya va gematologiya uyushmasi vakillari, bolalar huquqlarini himoya qilish organlari vakillari yordamida tadbirlarni amalga oshirish.	1. Chora-tadbirlar rejasini tasdiqlash.	2022 yil fevral	-	-	Sogʻliqni saqlash vazirligi (Xadjibayev)
17		2. Reja ijrosini amalga oshirish	2022 yil davomida	-	-	Sogʻliqni saqlash vazirligi (Xadjibayev)

Qonun hujjatlari ma’lumotlari milliy bazasi (www.lex.uz),

2021 yil 14 oktyabr

Oʻzbekiston Respublikasi Vazirlar Mahkamasining 13.10.2021 y. 643-son "Gematologik va onkologik kasalliklarga chalingan bemorlarni yanada qoʻllab-quvvatlash chora-tadbirlari toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi