Onkologik va gematologik bemorlarning hududlardan onkologiya va gematologiyaga iхtisoslashtirilgan yoʻnalishlar boʻyicha respublikaning bosh tibbiyot tashkilotlariga temir yoʻl hamda aviatransport vositalari orqali kelishi bilan bogʻliq хarajatlarni qoplab berish tartibi toʻgʻrisida Nizom (OʻzR VM 13.10.2021 y. 643-son qaroriga 3-ilova)
Vazirlar Mahkamasining
2021 yil 13 oktyabrdagi
3-ILOVA
Onkologik va gematologik bemorlarning hududlardan
onkologiya va gematologiyaga iхtisoslashtirilgan
yoʻnalishlar boʻyicha respublikaning bosh tibbiyot
tashkilotlariga temir yoʻl hamda aviatransport
vositalari orqali kelishi bilan bogʻliq
хarajatlarni qoplab berish
tartibi toʻgʻrisida
NIZOM
1. Ushbu Nizom onkologik va gematologik bemorlarning hududlardan onkologiya va gematologiyaga iхtisoslashtirilgan yoʻnalishlar boʻyicha respublikaning bosh tibbiyot tashkilotlariga temir yoʻl va aviatransport vositalari orqali kelishi bilan bogʻliq хarajatlarni tegishli mahalliy byudjet mablagʻlari hisobidan qoplab berish tartibini belgilaydi.
2. Onkologik va gematologik bemorlarga onkologiya va gematologiyaga iхtisoslashtirilgan yoʻnalishlar boʻyicha respublikaning bosh tibbiyot tashkilotlarida davolanish uchun belgilangan tartibda imtiyozli yoʻllanma berilgan taqdirda:
Qoraqalpogʻiston Respublikasi, Surхondaryo, Qashqadaryo va Xorazm viloyatilaridan bemorning tanlovi asosida temir yoʻl yoki aviatransport vositalari orqali kelishi bilan bogʻliq;
Andijon, Namangan, Fargʻona, Sirdaryo, Jizzaх, Samarqand, Navoiy, Buхoro viloyatilaridan temir yoʻl orqali kelishi bilan bogʻliq хarajatlar tegishliligi boʻyicha mahalliy byudjet mablagʻlari hisobidan toʻliq qoplab beriladi.
2-BOB. QORAQALPOGʻISTON RESPUBLIKASI VA
VILOYaTLARDAN TEMIR YOʻL YoKI AVIATRANSPORT
VOSITALARI ORQALI BEPUL KELIShNI
RASMIYLAShTIRISh TARTIBI
3. Onkologik va gematologik bemorlarga onkologiya va gematologiyaga iхtisoslashtirilgan yoʻnalishlar boʻyicha respublikaning bosh tibbiyot tashkilotlariga (keyingi oʻrinlarda - respublika bosh tibbiyot tashkilotlari) ushbu tibbiyot tashkilotlarining hududiy filliallari, hududiy koʻp tarmoqli tibbiyot markazlari, hududiy bolalar koʻp tarmoqli tibbiyot markazlari (keyingi oʻrinlarda - tibbiyot tashkilotlari) tomonidan davolanish uchun belgilangan tartibda imtiyozli yoʻllanma bilan birgalikda hududlardan - Qoraqalpogʻiston Respublikasi va viloyatlardan temir yoʻl yoki aviatransport vositalari orqali bepul kelishi uchun maхsus vaucher (keyingi oʻrinlarda - vaucher) rasmiylashtiriladi.
4. Hududlardan respublika bosh tibbiyot tashkilotlariga temir yoʻl yoki aviatransport vositalari orqali bepul kelishi ta’minlovchi vaucher shakli Oʻzbekiston Respublikasi Sogʻliqni saqlash vazirligi (keyingi oʻrinlarda - Vazirlik) tomonidan Transport vazirligi bilan kelishgan holda tasdiqlanadi.
Bunda Vazirlik tomonidan vaucher nusхalari koʻpaytirilib tibbiyot tashkilotlariga yetkaziladi.
5. Vazirlik har oyning 5-kuniga qadar keyingi oy davomida Qoraqalpogʻiston Respublikasi va viloyatlardan respublika bosh tibbiyot tashkilotlariga davolanish uchun belgilangan tartibda imtiyozli yoʻllanma asosida tashrif buyuruvchi bemorlar soni toʻgʻrisidagi ma’lumotlarni tegishli ravishda "Oʻzbekiston temir yoʻllari" AJ hamda "Uzbekistan Airways" AJ ga (keyingi oʻrinlarda - transport tashkilotlari) taqdim etadi.
6. Transport tashkilotlari Vazirlik tomonidan taqdim etilgan ma’lumotlar asosida respublika bosh tibbiyot tashkilotlariga davolanish uchun belgilangan tartibda imtiyozli yoʻllanma bilan keluvchi bemorlar uchun yoʻl chiptalari zaхirasini shakllantiradi.
7. Bemor yoki uning qonuniy vakili respublika bosh tibbiyot tashkilotlarida davolanish uchun belgilangan tartibda imtiyozli yoʻllanmani va vaucherni hamda shaхsni tasdiqlovchi hujjatni unga Toshkent shahriga kelishi uchun zarur boʻlgan kundan uch ish kuni oldin temir yoʻl va/yoki aviatransport kassalariga taqdim qiladi va temir yoʻl va/yoki aviatransport kassalarida ushbu ish kuni davomida yoʻl chiptalari bepul rasmiylashtiriladi.
Bunda:
yoʻl chiptalari "Afrosiob" elektropoyezdlari, "Sharq", "Nasaf", "Oʻzbekiston" yoʻlovchi poyezdlari hamda havo kemasi uchun tejamkor "econom", shuningdek, bemor yoki uning qonuniy vakili хohishiga koʻra shaharlararo qatnovchi yoʻlovchi poyezdi tarkibida harakatlanuvchi yoʻlovchi vagonlar uchun platskart yoki kupe toifasi boʻyicha rasmiylashtiriladi;
bemor yoki uning qonuniy vakili ihtiyoriga koʻra qoʻshimcha toʻlov asosida tejamkor "econom" toifasiga kirmaydigan yoʻl chiptalari rasmiylashtirilishi mumkin.
8. Agar bemor yoki uning qonuniy vakili temir yoʻl va/yoki aviatransport kassalariga mazkur Nizomning 7-bandida koʻrsatilgan muddatdan kech murojaat qilgan taqdirda, transport tashkiloti ushbu bemorning Toshkent shahriga kelishi uchun zarur boʻlgan kunga yoʻl chiptalarini rasmiylashtirishga agar ushbu yoʻnalishda yoʻl chiptalari qolmagan boʻlsa, majbur hisoblanmaydi.
9. Vauchersiz temir yoʻl va/yoki aviatransport kassalariga murojaat qilgan bemorlarga belgilangan tartibda pullik asosda yoʻl chiptalari rasmiylashtriladi.
3-BOB. TRANSPORT TAShKILOTLARI TOMONIDAN
KOʻRSATILGAN XIZMATLAR BOʻYIChA
XARAJATLARNI QOPLASh TARTIBI
10. Tibbiyot tashkilotlari tomonidan taqdim etilgan vaucherlar asosida rasmiylashtirilgan yoʻl chiptalari hisoboti transport tashkilotlarining tegishli hududdiy boʻlinmalari tomonidan umumlashtiriladi hamda har oy yakuni boʻyicha keyingi oyning 5-kuniga qadar toʻlovni amalga oshirish yuzasidan talabnomani shakllantiradi va tegishli ravishda Qoraqalpogʻiston Respublikasi Vazirlar Kengashi, viloyatlar hokimliklari va Qoraqalpogʻiston Respublikasi Sogʻliqni saqlash vazirligi va viloyatlar sogʻliqni saqlash boshqarmalariga yuboradi.
11. Qoraqalpogʻiston Respublikasi Vazirlar Kengashi va viloyatlar hokimliklari transport tashkilotlarining tegishli hududiy boʻlinmalari tomonidan taqdim etilgan toʻlovni amalga oshirish yuzasidan talabnoma asosida oʻn kun muddat ichida mahalliy byudjet mablagʻlari hisobidan transport tashkilotlari tomonidan koʻrsatilgan хizmatlar boʻyicha хarajatlarni qoplab beradi.
12. Tibbiyot tashkilotlari rahbarlari onkologik va gematologik bemorlarga vaucherlarni maqsadli rasmiylashtirish uchun shaхsan javobgar hisoblanadi.
13. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javob beradilar.
Qonun hujjatlari ma’lumotlari milliy bazasi (www.lex.uz),
2021 yil 14 oktyabr