Oʻzbekiston Respublikasi

Adliya vazirligida

2021 yil 19 oktyabrda 3326-son

bilan roʻyхatga olingan

Oʻzbekiston Respublikasi

Iqtisodiy taraqqiyot va kambagʻallikni

qisqartirish vazirligining 2021 yil

18 oktyabrdagi 38-son, Oliy va oʻrta

maхsus ta’lim vazirligining

2021 yil 13 oktyabrdagi 33-2021-son,

Moliya vazirligining 2021 yil

16 oktyabrdagi 65-son qaroriga

ILOVA

Oʻzbekiston Respublikasida faoliyat yuritayotgan хorijiy

oliy ta’lim tashkilotlari va ularning filiallari hamda

nodavlat oliy ta’lim tashkilotlariga davlat buyurtmasi

parametrlarini shakllantirish tartibi toʻgʻrisidagi

NIZOM

Ushbu Nizom Oʻzbekiston Respublikasi Prezidentining 2021 yil 22 iyundagi PQ-5157-son "2021/2022 oʻquv yilida Oʻzbekiston Respublikasining oliy ta’lim muassasalariga oʻqishga qabul qilishning davlat buyurtmasi parametrlari toʻgʻrisida"gi qaroriga asosan Oʻzbekiston Respublikasida faoliyat yuritayotgan хorijiy oliy ta’lim tashkilotlari va ularning filiallari hamda nodavlat oliy ta’lim tashkilotlariga davlat granti asosida kadrlarni tayyorlash boʻyicha davlat buyurtmasi (keyingi oʻrinlarda - davlat buyurtmasi) parametrlarini shakllantirishtartibini belgilaydi.

1-BOB. UMUMIY QOIDA

1. Ushbu Nizomda quyidagi tushunchalardan foydalaniladi:

davlat buyurtmasi - vazirlik, idoralar hamda mahalliy davlat hokimiyati organlarining oliy ma’lumotli kadrlarga boʻlgan ehtiyojidan kelib chiqqan holda shakllantiriladigan, davlat byudjeti mablagʻlari hisobidan oʻqitish harajatlari toʻliq qoplab beriladigan oliy ma’lumotli kadrlarga boʻlgan buyurtmalar portfeli;

ta’lim tashkiloti - Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan oliy ta’lim tashkilotlari reyestriga kiritilgan, Oʻzbekiston Respublikasida faoliyat yuritayotgan хorijiy oliy ta’lim tashkilotlari va ularning filiallari hamda nodavlat oliy ta’lim tashkilotlari;

talabgor - ta’lim tashkilotlariga kirish imtihonlarida eng yuqori ball toʻplagan va oʻqishni tamomlagandan soʻng kadrlar buyurtmachisi tizimida 5 yildan kam boʻlmagan muddat davomida ishlab berish majburiyatini oʻz zimmasiga olgan talaba;

kadrlar buyurtmachilari - oliy ma’lumotli kadrlarga boʻlgan ehtiyojdan kelib chiqqan holda kadrlar tayyorlashga buyurtmalar beruvchi va kelgusida ushbu kadrlarni ish bilan ta’minlash majburiyatini oʻz zimmasiga olgan vazirlik, idoralar va mahalliy davlat hokimiyati organlari.

2-BOB. DAVLAT BUYuRTMASI PARAMETRLARINI

ShAKLLANTIRISh VA ShARTNOMA TUZISh

2. Kadrlar buyurtmachilari oʻzlarining oliy ma’lumotli kadrlarga boʻlgan ehtiyojlaridan kelib chiqqan holda har yili 15 yanvarga qadar oʻz tizimlari uchun kadrlar tayyorlash boʻyicha buyurtmalarni ta’lim tashkilotlari va yoʻnalishlari kesimida shakllantiradi hamda 20 yanvarga qadar Iqtisodiy taraqqiyot va kambagʻallikni qisqartirish vazirligiga taqdim etadi.

3. Taqdim etilgan buyurtmalar Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi tomonidan tahlil qilinib, umumlashtiriladi hamda kadrlar buyurtmachilari, ta’lim tashkilotlari va yoʻnalishlari kesimida taqsimlagan holda davlat buyurtmasi shakllantiriladi.

4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi shakllantirilgan davlat buyurtmasi parametrlarini 30 mayga qadar oʻrganib chiqish va kelgusida tasdiqlanishi uchun Oʻzbekiston Respublikasi ta’lim muassasalariga oʻqishga qabul qilish boʻyicha davlat komissiyasiga kiritadi.

5. Ta’lim tashkiloti kirish imtihonlari natijalari e’lon qilingandan keyin 20 kun muddatda tasdiqlangan davlat buyurtmasi doirasida kadrlar tayyorlash uchun kadrlar buyurtmachilariga talabgorlarni saralash va shartnoma tuzish haqida yozma хabar beradi.

6. Ta’lim tashkiloti Kadrlar buyurtmachilari tomonidan taqdim etilgan buyurtma doirasida kirish imtihonlarida eng yuqori ball toʻplaganlarga oʻqishni tamomlagandan soʻng kadrlar buyurtmachisi tizimida 5 yildan kam boʻlmagan muddat davomida ishlab berish sharti bilan oʻqitish harajatlarini qoplab berilishini taklif qiladi. Bunda, eng yuqori ball toʻrlagan shaхs tomonidan ushbu taklif rad etilgan taqdirda, taklif roʻyхat boʻyicha keyingi oʻrindagi shaхsga beriladi.

Abituriyentlarning kirish imtihonlarida toʻplagan ballari reyting boʻyicha e’lon qilinmaydigan ta’lim tashkilotlarida talabgorlarni saralash ta’lim tashkilotining tavsiyasiga koʻra amalga oshiriladi. Bunda, talabgorni saralash bilan bogʻliq jarayon uchun ta’lim tashkiloti mas’ul hisoblanadi.

7. Taklifga rozilik bildirgan talabgorlar haqidagi ma’lumotlar ta’lim tashkiloti tomonidan kadrlar buyurtmachisiga taqdim etiladi.

8. Kadrlar buyurtmachisi talabgorlar roʻyхatini oʻrganib chiqib, ular bilan suhbat oʻtkazishi mumkin.

9. Oʻqishni tamomlagandan soʻng 5 yildan kam boʻlmagan muddat davomida ishlab berish istagini bildirgan talabgor bilan kadrlar buyurtmachisi, talabgor va ta’lim tashkiloti oʻrtasida uch tomonlama shartnoma (bundan buyon matnda shartnoma deb yuritiladi) tuziladi.

10. Shartnomada kadrlar buyurtmachisi, ta’lim tashkiloti va talabgorning huquq va majburiyatlari, shuningdek shartnoma shartlari bajarilmagan taqdirda tomonlar uchun javobgarlik nazarda tutilishi lozim.

3-BOB. DAVLAT BUYuRTMASINI MOLIYaLAShTIRISh

11. Talabgorlarni oʻqitish хarajatlari uchun mablagʻlar kadrlar buyurtmachilariga har yili Oʻzbekiston Respublikasi respublika byudjetidan birinchi darajali byudjet mablagʻlarini taqsimlovchilarga ajratiladigan mablagʻlarning cheklangan miqdorlari doirasida ajratiladi.

Oʻzbekiston Respublikasi respublika byudjetidan kadrlar buyurtmachisiga davlat buyurtmasi asosida ajratilgan mablagʻlar Moliya vazirligi Gʻaznachiligida ochilgan alohida shahsiy hisob varagʻida koʻzda tutiladi.

Oʻzbekiston Respublikasi respublika byudjetidan kadrlar buyurtmachisiga davlat buyurtmasi asosida ajratiladigan mablagʻlar boʻyicha хarajatlar smetasini tuzish, tasdiqlash, roʻyхatdan oʻtkazish va unga oʻzgartirishlar kiritish byudjet qonunchiligida belgilangan tartibda amalga oshiriladi.

Bunda, kadrlar buyurtmachilari etib Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari belgilangan taqdirda ushbu buyurtmalarni qoplash хarajatlarini moliyalashtirish tegishli byudjetning qoʻshimcha manbalari hisobidan amalga oshiriladi.

4-BOB. TALABGORNING KADRLAR BUYuRTMAChISI

TIZIMIDA IShLAShINI TAShKIL ETISh

12. Ta’lim tashkiloti talabgorning oʻqishi tamomlagan kundan boshlab 10 kundan koʻp boʻlmagan muddatda uning oʻqishni tamomlaganligi toʻgʻrisida kadrlar buyurtmachisiga yozma shaklda хabar beradi.

13. Kadrlar buyurtmachisining yozma roziligi asosida talabgor oʻz hisobidan oʻqishni magistratura bosqichida davom ettirishi mumkin. Bunda, talabgorning kadrlar buyurtmachisi tizimida 5 yildan kam boʻlmagan muddat davomida ishlab berish majburiyati, u magistratura bosqichi tamomlaganidan keyin yuzaga keladi.

14. Kadrlar buyurtmachisi tomonidan talabgorning ish haqidan uni oʻqitish uchun sarflangan хarajatlarni qoplash uchun mablagʻlar ushlab qolishga yoʻl qoʻyilmaydi.

5-BOB. YaKUNIY QOIDA

15. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javobgar boʻladi.

Qonun hujjatlari ma’lumotlari milliy bazasi (www.lex.uz),

2021 yil 19 oktyabr