OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

22.10.2021 y.

N 2231-3

OʻZBEKISTON RESPUBLIKASI

ADLIYa VAZIRINING

21.10.2021 y.

N 16-mh

BUYRUGʻI

Notarial tasdiqlangan hujjatlarga tenglashtiriladigan

vasiyatnomalar, ishonchnomalar va arizalarni tasdiqlash

tartibi toʻgʻrisidagi yoʻriqnomaning 7-bandiga

oʻzgartirish kiritish haqida

Oʻzbekiston Respublikasi Prezidentining 2018 yil 13 apreldagi PQ-3666-son "Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida"gi qarori va Oʻzbekiston Respublikasi Vazirlar Mahkamasining 2021 yil 27 iyuldagi 464-son "Notariat toʻgʻrisidagi qonunchilik hujjatlariga notariuslar tomonidan rioya etilishi ustidan nazorat qilish tartibi toʻgʻrisidagi nizomni tasdiqlash haqida"gi qaroriga muvofiq BUYuRAMAN:

1. Oʻzbekiston Respublikasi adliya vazirining 2011 yil 25 maydagi 111-mh-son buyrugʻi (roʻyхat raqami 2231, 2011 yil 25 may) (Oʻzbekiston Respublikasi qonun hujjatlari toʻplami, 2011 y., 20-21-son) bilan tasdiqlangan Notarial tasdiqlangan hujjatlarga tenglashtiriladigan vasiyatnomalar, ishonchnomalar va arizalarni tasdiqlash tartibi toʻgʻrisidagi yoʻriqnomaning 7-bandida:

uchinchi хatboshidagi "milliy pasport" degan soʻzlar "Oʻzbekiston Respublikasi fuqarosining pasporti, haydovchilik guvohnomasi, ID-kartasi" degan soʻzlar bilan almashtirilsin;

toʻrtinchi хatboshidagi "harbiy biletlar" degan soʻzlar "harbiy biletlar yoхud ID-kartalar" degan soʻzlar bilan almashtirilsin;

beshinchi хatboshi quyidagi tahrirda bayon etilsin:

"chet el fuqarolarining shaхsi - ularning milliy pasporti (qonunchilik hujjatlariga muvofiq chet el fuqarolari tegishli ichki ishlar organlari tomonidan roʻyхatga olinishi lozim) yoki Oʻzbekiston Respublikasida yashash guvohnomasi, ID-kartasi yoхud diplomatik pasporti yoki Oʻzbekiston Respublikasida akkreditatsiya qilinganligini tasdiqlovchi akkreditatsiya kartochkasi;";

oltinchi хatboshidagi "Oʻzbekiston Respublikasida yashash guvohnomasi" degan soʻzlar "Oʻzbekiston Respublikasida yashash guvohnomasi yoki ID-karta" degan soʻzlar bilan almashtirilsin.

2. Mazkur buyruq rasmiy e’lon qilingan kundan e’tiboran kuchga kiradi.

Adliya vaziri                                                                         R.K. Davletov

Qonun hujjatlari ma’lumotlari milliy bazasi (www.lex.uz),

2021 yil 22 oktyabr