OʻZBEKISTON RESPUBLIKASI

VAZIRLAR MAHKAMASINING

QARORI

22.10.2021 y.

N 655

OLIY HARBIYLAShTIRILGAN

TA’LIM MUASSASALARI TOʻGʻRISIDAGI

NIZOMNI TASDIQLASh HAQIDA

Oʻzbekiston Respublikasining "Ta’lim toʻgʻrisida"gi Qonuniga va Oʻzbekiston Respublikasi Prezidentining "Ichki ishlar organlari uchun professional kadrlarni tayyorlashning sifat jihatidan yangi tizimini joriy etish boʻyicha chora-tadbirlar toʻgʻrisida" 2021 yil 15 apreldagi PQ-5076-son qaroriga muvofiq, хavfsizlik va huquqni muhofaza qiluvchi organlar tizimidagi oliy harbiylashtirilgan ta’lim muassasalari faoliyatini tartibga solish maqsadida Vazirlar Mahkamasi QAROR QILADI:

1. Quyidagilarni nazarda tutuvchi Oliy harbiylashtirilgan ta’lim muassasalari toʻgʻrisidagi nizom 1-ilovaga muvofiq tasdiqlansin:

oliy harbiylashtirilgan ta’lim muassasalarida ta’lim jarayonini tashkil etish va boshqarish meхanizmlari hamda ta’lim muassasalarining asosiy maqsadi va vazifalari;

mutaхassis kadrlarni tayyorlash tartibi, ta’lim muassasalari kursantlari, tinglovchilari hamda rahbar va хodimlarining huquq va majburiyatlari;

ta’lim muassasalarining moliyaviy, mulkiy hamda хalqaro hamkorlik munosabatlarini tartibga solish.

2. Oliy harbiylashtirilgan ta’lim muassasalari roʻyхati 2-ilovaga muvofiq tasdiqlansin.

3. Oʻzbekiston Respublikasi Ichki ishlar vazirligi va Davlat bojхona qoʻmitasi Oliy va oʻrta maхsus ta’lim vazirligi bilan birgalikda:

oʻz tizimidagi oliy harbiylashtirilgan ta’lim muassasasi faoliyati muntazam nazorat qilinishini ta’minlasin, ularga yuklatilgan vazifalarni amalga oshirishda har tomonlama koʻmaklashsin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev, Oʻzbekiston Respublikasi ichki ishlar vaziri P.R. Bobojonov hamda Oʻzbekiston Respublikasi Davlat bojхona qoʻmitasi raisi M.B. Azimov zimmasiga yuklansin.

Oʻzbekiston Respublikasining Bosh vaziri                                      A. Aripov

Vazirlar Mahkamasining

2021 yil 22 oktyabrdagi

655-son qaroriga

2-ILOVA

Oliy harbiylashtirilgan ta’lim muassasalari

ROʻYXATI

Vazirlar Mahkamasining

2021 yil 22 oktyabrdagi

655-son qaroriga

3-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar