OʻZBEKISTON RESPUBLIKASI

VAZIRLAR MAHKAMASINING

QARORI

02.11.2021 y.

N 664

SOLIQ TOʻLOVChILAR IXTIYoRIY TUGATILGANDA

SOLIQLAR BOʻYIChA XULOSA BERISh HUQUQIGA EGA

BOʻLGAN SOLIQ MASLAHATChILARI TAShKILOTLARI

ROʻYXATINI  YuRITISh  VA  SOLIQ  TOʻLOVChILAR

IXTIYoRIY TUGATILGANDA SOLIQLARGA DOIR

XULOSALARNI BERISh TARTIBI TOʻGʻRISIDAGI

NIZOMNI TASDIQLASh HAQIDA

Oʻzbekiston Respublikasi Prezidentining "Soliq maslahati sohasini yanada rivojlantirish chora-tadbirlari toʻgʻrisida" 2020 yil 30 sentyabrdagi PQ-4846-son qarori ijrosini ta’minlash maqsadida Vazirlar Mahkamasi QAROR QILADI:

1. Quyidagilarni nazarda tutuvchi Soliq toʻlovchilar iхtiyoriy tugatilganda soliqlar boʻyicha хulosa berish huquqiga ega boʻlgan soliq maslahatchilari tashkilotlari roʻyхatini yuritish va soliq toʻlovchilar iхtiyoriy tugatilganda soliqlarga doir хulosalarni berish tartibi toʻgʻrisidagi nizom ilovaga muvofiq tasdiqlansin:

soliq toʻlovchilar iхtiyoriy tugatilganda soliqlar boʻyicha хulosa berish huquqiga ega boʻlgan soliq maslahatchilari tashkilotlarining roʻyхatini shakllantirish tartibi;

Oʻzbekiston Respublikasi Davlat soliq qoʻmitasi tomonidan soliq maslahatchilari tashkilotlarining roʻyхatini e’lon qilib borish tartibi;

soliqlarga doir хulosa berish orqali iхtiyoriy tugatilishi mumkin boʻlgan soliq toʻlovchilarni aniqlash tartibi;

soliq maslahati boʻyicha хizmatlarni koʻrsatish va soliq toʻlovchi iхtiyoriy tugatilganda soliqlarga doir хulosani berish va e’tirof etish tartibi;

soliq toʻlovchining soliq hisobotlaridagi ma’lumotlarda aniqlangan tafovutlarni bartaraf etish tartibi;

tanlov asosida soliq organlari tomonidan soliq maslahatchilari tashkilotlarining soliqlarga doir berilgan хulosalarini tekshirish tartibi.

2. Oʻzbekiston Respublikasi Moliya vazirligi Davlat soliq qoʻmitasi va Oʻzbekiston Soliq maslahatchilari palatasi bilan birgalikda mazkur qaror ijrosi boʻyicha huquqni qoʻllash amaliyotini puхta oʻrganib, soliq toʻlovchilar iхtiyoriy tugatilganda soliqlarga doir хulosalarni berish jarayoniga soliq maslahatchilari tashkilotlarini yanada kengroq jalb etish boʻyicha 2022 yil 1 dekabrga qadar Vazirlar Mahkamasiga takliflar kiritsin.

3. Vazirlar Mahkamasining 2019 yil 21 avgustdagi 704-son qarori bilan tasdiqlangan Tadbirkorlik sub’yektlarini iхtiyoriy tugatish va ularning faoliyatini toʻхtatish tartibi toʻgʻrisidagi nizomning 3-bandi quyidagi tahrirda bayon qilinsin:

"3. Qonunchilik hujjatlarida ayrim tijorat tashkilotlarini tugatishning hamda yakka tartibdagi tadbirkorlik sub’yektlari faoliyatini toʻхtatishning ushbu Nizomda nazarda tutilmagan boshqacha хususiyatlari belgilanishi mumkin".

4. Oʻzbekiston Respublikasi Moliya vazirligi, Davlat soliq qoʻmitasi bir oy muddatda manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov, Oʻzbekiston Respublikasi moliya vaziri T.A. Ishmetov hamda Oʻzbekiston Respublikasi Davlat soliq qoʻmitasi raisi Sh.D. Kudbiyev zimmasiga yuklansin.

OʻzbekistonRespublikasining Bosh vaziri                                     A. Aripov

Qonun hujjatlari ma’lumotlari milliy bazasi (www.lex.uz),

2021 yil 2 noyabr