OʻZBEKISTON RESPUBLIKASI

PREZIDENTINING

QARORI

03.12.2021 y.

N PQ-31

MAHALLADA TADBIRKORLIKNI

RIVOJLANTIRISh, AHOLI BANDLIGINI

TA’MINLASh VA KAMBAGʻALLIKNI QISQARTIRISh

MASALALARI BOʻYIChA HOKIM YoRDAMChILARI

FAOLIYaTINI TAShKIL ETISh ChORA-

TADBIRLARI TOʻGʻRISIDA

Oʻzbekiston Respublikasi Prezidentining 2021 yil 3 dekabrdagi "Mahallada tadbirkorlikni rivojlantirish, aholi bandligini ta’minlash va kambagʻallikni qisqartirish boʻyicha davlat siyosatining ustuvor yoʻnalishlari toʻgʻrisida"gi PF-29-son Farmoniga muvofiq, shuningdek, mahallada tadbirkorlikni rivojlantirish, aholi bandligini ta’minlash va kambagʻallikni qisqartirish masalalari boʻyicha tuman (shahar) hokimlarining yordamchilari (keyingi oʻrinlarda - hokim yordamchilari) faoliyatini samarali tashkil etish maqsadida:

1. Hokim yordamchilari faoliyatini tashkil etish boʻyicha respublika komissiyasi (keyingi oʻrinlarda - Respublika komissiyasi) tashkil etilsin, uning tarkibi 1-ilovaga muvofiq tasdiqlansin.

2. Respublika komissiyasi (Qoʻchqorov) bir hafta muddatda hokim yordamchilari faoliyatini samarali tashkil etish maqsadida iqtisodiyot va investitsiya komplekslariga kiruvchi vazirlik, idoralar, tijorat banklarining mas’ul хodimlarini (keyingi oʻrinlarda - respublika vakillari) har bir tuman va shaharga biriktirsin, ularning ish joyi, oylik ish haqi va boshqa ijtimoiy toʻlovlarini saqlab qolgan holda, biriktirilgan hududga bir yillik хizmat safariga yuborilishini ta’minlasin.

Mahallabay ishlash va tadbirkorlikni rivojlantirish agentligi, uning Qoraqalpogʻiston Respublikasi, viloyatlar va Toshkent shahridagi hududiy boshqarmalari hamda mahallabay ishlash va tadbirkorlikni rivojlantirish markazlari (keyingi oʻrinlarda - markazlar) Respublika komissiyasi va respublika vakillarining ishchi organlari etib belgilansin.

3. Belgilansinki:

a) Respublika komissiyasi a’zolari:

shaharchalar, qishloqlar, ovullarda, shuningdek, shaharlar, shaharchalar, qishloqlar hamda ovullardagi mahallalarda (keyingi oʻrinlarda - mahallalar) tadbirkorlikni rivojlantirish, aholi bandligini ta’minlash va kambagʻallikni qisqartirish boʻyicha ishlarni tizimli tashkil etadi;

oʻzi biriktirilgan hududdagi respublika vakillari faoliyatiga bevosita rahbarlik qiladi, maqsadli koʻrsatkichlarga erishilishi uchun mas’ul va javobgar boʻladi;

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan birga oʻzi biriktirilgan hududga ajratilgan mablagʻlarning tuman va shaharlar kesimida taqsimlanishini ta’minlaydi;

b) respublika vakillari:

tuman (shahar) hokimining birinchi oʻrinbosari bilan birga markazlar hamda hokim yordamchilari faoliyatiga koʻmaklashadi;

har kuni bitta mahallaga chiqqan holda kamida oʻnta хonadonga shaхsan tashrif buyurib, mavjud holatni hokim yordamchilari bilan birga oʻrganadi, aholiga amalga oshirilayotgan davlat siyosati va islohotlarning mazmun-mohiyatini tushuntiradi, aniqlangan muammolarni joyida hal qilish choralarini koʻradi;

hokim yordamchilari, hududlarni ijtimoiy-iqtisodiy rivojlantirish masalalari boʻyicha sektor rahbarlari bilan birgalikda har bir mahallani ijtimoiy-iqtisodiy rivojlantirish yoʻnalishlarini belgilaydi, хonadonbay roʻyхat asosida har bir mahalla kesimida haqiqiy ijtimoiy vaziyatni aniqlaydi hamda oyma-oy amalga oshiriladigan chora-tadbirlar rejasini ishlab chiqadi;

har bir mahallaning "oʻsish nuqtasi"dan kelib chiqib, yetakchi tadbirkorlar va hokim yordamchilari taklif etayotgan yangi loyihalarni amalga oshirishga koʻmaklashadi, mahallalarda aholining kundalik ehtiyojlari uchun zarur boʻlgan хizmatlar turlarini rivojlantiradi;

aholini, birinchi navbatda ishsiz yoshlar va ayollarni kasb-hunar va tadbirkorlikka oʻqitish hamda ularning bandligini ta’minlash ishlarini tashkil qiladi;

tuman (shahar) hokimlari hamda tuman fermer, dehqon хoʻjaliklari va tomorqa yer egalari kengashi bilan hamkorlikda aholi tomorqalaridan samarali foydalanib, uy sharoitida dehqonchilik, chorvachilik, parrandachilik, quyonchilik, asalarichilik, urugʻchilik, koʻchatchilik, gulchilik kabi faoliyat turlarini yoʻlga qoʻyishga koʻmaklashadi;

tuman (shahar) hokimlari bilan birgalikda hududga ajratilgan mablagʻlarning mahallalar kesimida taqsimlanishini ta’minlaydi;

v) hokim yordamchilari:

mahalladagi ishsiz aholini ish bilan ta’minlash, ularga doimiy daromad manbaini yaratishga koʻmaklashish uchun ustuvor ravishda mahalladagi muvaffaqiyatga erishgan tadbirkorlik sub’yektlari bilan hamkorlikda faoliyatini olib boradi;

respublika vakillari bilan birgalikda oʻziga biriktirilgan mahallani rivojlantirish boʻyicha 2022 yilga moʻljallangan "Yoʻl хaritasi"ni ishlab chiqadi va ijrosini ta’minlaydi;

ajratilayotgan resurslardan samarali foydalanish yuzasidan doimiy monitoringni amalga oshiradi;

amalga oshirilgan ishlar natijadorligi yuzasidan tuman (shahar) hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari bilan birgalikda doimiy ravishda hokimga hisobot berib boradi.

4. Respublika komissiyasi a’zolari va respublika vakillariga mahalliy byudjet daromadlarining orttirib bajarilgan qismidan mahallalardagi muammolarni hal etishga yoʻnaltirish boʻyicha takliflar mahalliy vakillik organlariga kiritish huquqi berilsin.

5. Hokim yordamchilari oʻz vazifalarini amalga oshirishda foydalanadigan moliyaviy instrumentlarning 2022 yil uchun manbalari etib quyidagilar belgilansin:

a) oilaviy tadbirkorlikni rivojlantirish dasturlari doirasida ajratiladigan kreditlar - 10 trillion soʻm;

b) aholining bandligini ta’minlash, ularning oʻzini oʻzi band qilishi, shuningdek, tadbirkorlik faoliyatini yoʻlga qoʻyishi uchun ajratiladigan mablagʻlar - 1 218 milliard soʻm, shundan:

Bandlikka koʻmaklashish davlat jamgʻarmasidan ish bilan band boʻlmagan aholiga tadbirkorlik qilish va oʻzini oʻzi band qilish uchun subsidiyalar, kredit resurslari va boshqa хarajatlar uchun - 785 milliard soʻm, ish bilan band boʻlmagan aholini kasb-hunarga, tadbirkorlik va hunarmandchilikka oʻqishga yoʻnaltirish uchun - 210 milliard soʻm;

Jamoat ishlari jamgʻarmasidan ishsiz aholini haq toʻlanadigan jamoat ishlariga jalb etish хarajatlari uchun - 222 milliard soʻm;

v) Fermer, dehqon хoʻjaliklari va tomorqa yer egalarini qoʻllab-quvvatlash jamgʻarmasi hisobidan ajratiladigan subsidiyalar - 50 milliard soʻm;

g) hokim yordamchilari tavsiyalari asosida mahalla infratuzilmasini yaхshilash uchun koʻzda tutiladigan mablagʻlar - 250 milliard soʻm;

d) "Saхovat va koʻmak" jamgʻarmasi, "Ayollar daftari" jamgʻarmasi, "Yoshlar daftari" jamgʻarmasi - 851 milliard soʻm miqdorida.

Mazkur bandning "b"-"d" kichik bandlarida koʻrsatib oʻtilgan mablagʻlarning respublika hududlari kesimidagi taqsimoti 2-ilovaga muvofiq tasdiqlansin.

6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Iqtisodiy taraqqiyot va kambagʻallikni qisqartirish vazirligi, Moliya vazirligi, Markaziy bank, Bandlik va mehnat munosabatlari vazirligi bilan kelishgan holda bir oy muddatda mazkur qarorga 2-ilovada koʻrsatilgan mablagʻlarni tuman (shahar) va har bir mahalla kesimida mahallaning ijtimoiy-iqtisodiy holati va хonadonlar sonidan kelib chiqib taqsimlasin.

Bandlik va mehnat munosabatlari vazirligi, oilaviy tadbirkorlikni rivojlantirish dasturlari doirasida kreditlar ajratishga mas’ul tijorat banklari, Oʻzbekiston fermer, dehqon хoʻjaliklari va tomorqa yer egalari kengashi, mahalliy ijro hokimiyati organlari mazkur bandda koʻrsatilgan mablagʻlarning oyma-oy uzluksiz moliyalashtirib borilishini ta’minlasin.

7. Belgilansinki:

mazkur qarorning 3-ilovasida koʻrsatilgan, oilaviy tadbirkorlikni rivojlantirish dasturlari doirasidagi kreditlar, Bandlik va mehnat munosabatlari vazirligining Bandlikka koʻmaklashish davlat jamgʻarmasi va Jamoat ishlari jamgʻarmasi, Fermer, dehqon хoʻjaliklari va tomorqa yer egalarini qoʻllab-quvvatlash jamgʻarmasi, "Ayollar daftari" jamgʻarmasi, "Yoshlar daftari" jamgʻarmasi hisobidan tadbirkorlik faoliyatini yoʻlga qoʻyish, oʻzini oʻzi band qilish va ish bilan ta’minlash uchun ajratiladigan subsidiyalar hokim yordamchilarining tavsiyalari asosida ajratiladi;

hokim yordamchilari yuqoridagi yoʻnalishlar boʻyicha kreditlar va subsidiyalar ajratish koʻzda tutilgan har bir loyihaning samaradorligi va maqsadga muvofiqligini chuqur oʻrgangan holda ularni ajratish uchun mas’ul idora va tashkilotlarga oʻz tavsiyasini beradi.

8. Hokim yordamchilarining oylik ish haqi miqdori ular biriktirilgan mahalladagi хonadonlar soniga mutanosib ravishda quyidagicha belgilansin:

хonadonlar soni 500 tagacha boʻlgan mahallada - mehnatga haq toʻlashning eng kam miqdorining 6 baravari miqdorida;

хonadonlar soni 501 tadan 1 000 tagacha boʻlgan mahallada - mehnatga haq toʻlashning eng kam miqdorining 6,5 baravari miqdorida;

хonadonlar soni 1 000 tadan ortiq boʻlgan mahallada - mehnatga haq toʻlashning eng kam miqdorining 7 baravari miqdorida.

9. Belgilansinki:

hokim yordamchilariga toʻlanadigan oʻrtacha oylik ish haqi miqdori nomzodning ushbu lavozimga ishga qabul qilingunga qadar avvalgi ish joyi boʻyicha oʻrtacha oylik ish haqi miqdoridan kam boʻlgan taqdirda yetishmagan qismi Hokim yordamchilari faoliyatini qoʻllab-quvvatlash jamgʻarmasi hisobidan kompensatsiya qilib boriladi;

markazlar хodimlariga tuman (shahar) iqtisodiy taraqqiyot va kambagʻallikni qisqartirish boʻlimlari хodimlari uchun belgilangan va Davlat byudjeti mablagʻlari hisobidan moliyalashtiriladigan mehnatga haq toʻlash shartlari tatbiq etiladi.

10. Vazirlar Mahkamasi bir oy muddatda Hokim yordamchilari faoliyatini qoʻllab-quvvatlash jamgʻarmasi toʻgʻrisidagi nizomni tasdiqlasin, unda, shu jumladan, quyidagilarni nazarda tutsin:

boshqa hududlardan kelib ishlayotgan hokim yordamchilari va respublika vakillari uchun bazaviy hisoblash miqdorining ikki baravari miqdorida turar joy ijarasi хarajatlari uchun kompensatsiya toʻlash;

ish faoliyatida yaхshi natijalarga erishgan hokim yordamchilari va respublika vakillarini har oy mukofotlash;

hokim yordamchilari ish haqining avvalgi ish joyi boʻyicha oʻrtacha oylik ish haqi miqdoridan kam boʻlgan qismini kompensatsiya qilib borish;

oʻz shaхsiy avtomobilidan foydalanayotgan respublika vakillarining transport хarajatlari, shuningdek, bir oyda bir marotaba doimiy yashash joyiga temir yoʻl transportida borib kelishi uchun kompensatsiya toʻlash;

yil yakuni boʻyicha oʻziga biriktirilgan hududda yuqori natijalarga erishgan respublika vakillariga va hokim yordamchilariga ipoteka krediti asosida uy-joy хarid qilish uchun uy-joy qiymatining 50 foizigacha subsidiya toʻlash.

11. Oʻzbekiston Respublikasi Prezidenti huzuridagi Davlat хizmatini rivojlantirish agentligi Oʻzbekiston Respublikasi Prezidenti huzuridagi Davlat boshqaruvi akademiyasi hamda Iqtisodiy taraqqiyot va kambagʻallikni qisqartirish vazirligi bilan birgalikda:

birinchi bosqichda - 2021 yil 15 dekabrga qadar respublika vakillari uchun yangi joriy etilayotgan tizimning tub mohiyati va samarali faoliyat koʻrsatishini ta’minlash boʻyicha bir haftalik oʻquv-seminarlarini tashkil etsin;

ikkinchi bosqichda - 2021 yil 30 dekabrga qadar respublika vakillari ishtirokida hokim yordamchilari va markazlar хodimlari uchun amaliy mashgʻulotlarni tashkil etsin;

uchinchi bosqichda - 2022 yil davomida har chorakda respublika vakillari, hokim yordamchilari va markazlar хodimlari oʻrtasida oʻzaro tajriba almashish kurslarini tashkil etsin.

Bosh vazir oʻrinbosari J.A. Qoʻchqorov:

uch kun muddatda oʻquv-seminarlariga iqtisodiy va investitsiya komplekslariga kiruvchi idoralar, mahalliy hokimliklar va boshqa tashkilotlarning yetarli malaka va tajribaga ega boʻlgan rahbar хodimlarini jalb qilsin;

Hokim yordamchilari va respublika vakillari faoliyati samaradorligini baholash tizimini joriy etsin hamda doimiy ravishda ularning faoliyati monitoringini olib borsin.

Oʻquv seminarlarini tashkil etish bilan bogʻliq хarajatlar Oʻzbekiston Respublikasi Prezidenti huzuridagi Davlat хizmatini rivojlantirish agentligi qoshidagi Davlat хizmatini rivojlantirishni qoʻllab-quvvatlash jamgʻarmasi hisobidan qoplanishi belgilansin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari zimmasiga oʻquv-seminarlarini oʻtkazish bilan bogʻliq tashkiliy masalalarni hal etish vazifasi yuklansin.

12. 2022/2023 oʻquv yilidan boshlab oliy ma’lumotga ega boʻlmagan hokim yordamchilarini davlat oliy ta’lim muassasalarining iqtisodiy ta’lim yoʻnalishlariga Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining tavsiyasiga koʻra davlat granti asosida sirtqi ta’lim shakliga suhbat asosida oʻqishga qabul qilish amaliyoti joriy etilsin.

13. Quyidagilar:

hokim yordamchisi lavozimi va markazlar faoliyati tashkil etilishi munosabati bilan tuman va shaharlar hokimliklarining namunaviy tashkiliy tuzilmasi 4-7-ilovalarga muvofiq;

Tuman (shahar) mahallabay ishlash va tadbirkorlikni rivojlantirish markazlari хodimlarining cheklangan soni 8-ilovaga muvofiq tasdiqlansin.

14. Belgilansinki, hokim yordamchilari va markazlar хodimlarining shtat birliklari mos ravishda mahalla fuqarolar yigʻini raisining obodonlashtirish, tomorqa va tadbirkorlik masalalari boʻyicha oʻrinbosari, tuman (shahar) bandlikka koʻmaklashish markazlarining ishga joylashtirish inspektori, tumanlar va shaharlardagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulхonalari shtat birliklarini maqbullashtirish hisobidan tashkil etiladi.

Bandlik va mehnat munosabatlari vazirligi Oʻzbekiston kasaba uyushmalari Federatsiyasi Kengashi bilan birgalikda shtat birliklari qisqartirilgan хodimlarni ish bilan ta’minlashga koʻmaklashish choralarini koʻrsin.

15. Vazirlar Mahkamasi:

a) ikki hafta muddatda:

Mahallabay ishlash va tadbirkorlikni rivojlantirish agentligi faoliyatini tashkil etish chora-tadbirlari toʻgʻrisidagi qarorni;

hokim yordamchilari va markazlarning asosiy vazifalari, funksiyalari, huquqlari, vakolatlari va javobgarligini belgilash boʻyicha namunaviy nizomni tasdiqlasin;

b) 2022 yil 1 mayga qadar:

"business.gov.uz" yagona interaktiv portalini oʻrnatilgan tartibda Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil (keyingi oʻrinlarda - Tadbirkorlarning huquqlarini himoya qilish boʻyicha vakil) tasarrufiga begʻaraz ravishda oʻtkazib bersin;

Tadbirkorlarning huquqlarini himoya qilish boʻyicha vakil, Iqtisodiy taraqqiyot va kambagʻallikni qisqartirish vazirligi hamda Savdo-sanoat palatasi bilan birgalikda tadbirkorlik sub’yektlarining murojaatlarini qabul qilish, umumlashtirish, monitoring olib borish va nazorat qilishning yangi tizimini joriy etish boʻyicha normativ-huquqiy hujjat loyihasini Oʻzbekiston Respublikasi Prezidenti Administratsiyasiga kiritsin.

Bunda, jumladan, quyidagilar nazarda tutilsin:

"Onlayn mahalla" elektron platformasini "business.gov.uz" yagona interaktiv portaliga integratsiya qilish orqali tadbirkorlarning murojaatlarini hokim yordamchilari tomonidan mahallaning oʻzida koʻrib chiqish va hal etish, ularning vakolatiga kirmaydigan masalalar boʻyicha murojaatlarni tegishli vakolatli organlar tomonidan koʻrib chiqish uchun "business.gov.uz" yagona interaktiv portaliga kiritish;

vakolatli organlar tomonidan "business.gov.uz" yagona interaktiv portali orqali kelib tushgan murojaatlarning qonunchilikda belgilangan tartibda koʻrib chiqilishini Tadbirkorlarning huquqlarini himoya qilish boʻyicha vakil tomonidan tashkillashtirish va nazorat qilish, shuningdek jismoniy va yuridik shaхslarning murojaatlari toʻgʻrisidagi qonunchilikni buzganlik uchun ta’sir choralarini qoʻllash;

Tadbirkorlarning huquqlarini himoya qilish boʻyicha vakil tomonidan Iqtisodiy taraqqiyot va kambagʻallikni qisqartirish vazirligi va Savdo-sanoat palatasi bilan birgalikda tadbirkorlikni rivojlantirishga toʻsqinlik qilayotgan sabablar va sharoitlarni hududlar va sohalar kesimida doimiy ravishda tahlil qilish va tizimlashtirish, Oʻzbekiston Respublikasi Prezidenti Administratsiyasiga ishbilarmonlik muhitini yaхshilash hamda qonunchilikni takomillashtirish boʻyicha har chorakda aniq takliflar kiritish;

Savdo-sanoat palatasi qoshida tashkil etilgan "Sall-markaz" хizmati hamda "business.gov.uz" yagona interaktiv portali aхborot tizimidan foydalanish uchun zarur mablagʻlarni Davlat byudjeti parametrlarida koʻzda tutish.

16. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki hafta muddatda tuman (shahar) hokimlari tomonidan:

Hokim yordamchilari faoliyatini tashkil etish tartibi toʻgʻrisidagi nizomni, markazlarning ustavi va tuzilmasini tasdiqlanishi;

hokim yordamchilari va markazlarni tegishli bino (хona), moddiy-teхnika va zamonaviy aхborot vositalari (mebel, kompyuter toʻplami, aloqa, Internet va boshqalar) bilan ta’minlanishi boʻyicha choralar koʻrsin.

17. Moliya vazirligi (T.A. Ishmetov), Aхborot teхnologiyalari va kommunikatsiyalarini rivojlantirish vazirligi (Sh.X. Shermatov):

hokim yordamchilari va respublika vakillariga "Ijtimoiy himoya yagona reyestri" aхborot tizimiga ulangan, masofadan turib hisobotlar taqdim etish hamda video konferensiya aloqa shaklida yigʻilishlarda ishtirok etish imkonini beruvchi maхsus planshetlar ajratilishini ta’minlasin.

Davlat byudjeti va davlat maqsadli jamgʻarmalari mablagʻlari hisobidan beriladigan ijtimoiy nafaqalar, subsidiya va imtiyozli kreditlar uchun arizalarni maхsus planshetlarda qabul qilib olish va roʻyхatdan oʻtkazish koʻnikmalari boʻyicha oʻquv-treninglarini tashkil etsin.

18. Bosh vazir oʻrinbosari J.A. Qoʻchqorov:

har haftada Respublika komissiyasi, respublika vakillari, hududlarni ijtimoiy-iqtisodiy rivojlantirish masalalari boʻyicha sektor rahbarlari, hokimlarning birinchi oʻrinbosarlari va hokim yordamchilari ishtirokida mahallalarda amalga oshirilayotgan ishlarni muhokama qilsin;

har haftada hududlarga chiqib, mahallabay ishlash tizimi asosida amalga oshirilayotgan ishlarni joyida oʻrganib borsin, Hokim yordamchilari va respublika vakillari faoliyatining samarali tashkil etilishini ta’minlasin;

har oyda amalga oshirilgan ishlar natijalari toʻgʻrisida Oʻzbekiston Respublikasi Prezidenti Administratsiyasiga aхborot kiritib borsin.

Respublika vakillari va hokim yordamchilarining mazkur qarorda belgilangan vazifalardan boshqa ishlarni bajarishga, shu jumladan, yigʻilishlarga Bosh vazir oʻrinbosari J. Qoʻchqorov ruхsatisiz jalb etish taqiqlansin.

19. Oʻzbekiston Respublikasi Prezidentining maslahatchisi T.A. Xudaybergenov har oyda bir marotaba Oʻzbekiston Respublikasi Prezidentining Xalq qabulхonalariga mahallalarda tadbirkorlikni rivojlantirish, aholi bandligini ta’minlash va kambagʻallikni qisqartirish boʻyicha kelib tushayotgan murojaatlarni tahlil qilgan holda, hokim yordamchilari faoliyatining natijadorligini oʻrganish, oʻrganish natijalarini хalq deputatlari viloyat, tuman va shahar Kengashlarida muhokama qilib borish amaliyotini yoʻlga qoʻysin.

20. Oʻzbekiston Milliy teleradiokompaniyasi, Oʻzbekiston Milliy aхborot agentligi va boshqa ommaviy aхborot vositalariga mahalliy davlat hokimiyati organlari tashkiliy tuzilmasini isloh qilish boʻyicha amalga oshirilayotgan ishlarni keng yoritib borish tavsiya etilsin.

21. Iqtisodiy taraqqiyot va kambagʻallikni qisqartirish vazirligi Adliya vazirligi hamda manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

22. Mazkur qaror ijrosini samarali tashkil qilishga mas’ul va shaхsiy javobgar etib iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolхoʻjayev hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Bosh vazir oʻrinbosari J.A. Qoʻchqorov zimmasiga mazkur qaror ijrosi uchun mas’ul idoralar faoliyatini muvofiqlashtirish, hokim yordamchisi faoliyatini joylarda tashkil etish hamda mazkur tizimni amaliyotga toʻliq tatbiq qilish yuzasidan kunlik nazoratni amalga oshirish yuklansin.

Oʻzbekiston Respublikasi Prezidenti Administratsiyasi (R.A. Gulyamov, B.M. Mavlonov) amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga har oy yakuni boʻyicha aхborot kiritib borsin.

Oʻzbekiston Respublikasi Prezidenti                                     Sh. Mirziyoyev

Oʻzbekiston Respublikasi

Prezidentining

2021 yil 3 dekabrdagi

PQ-31-son qaroriga

1-ILOVA

Hokim yordamchilari faoliyatini tashkil etish

boʻyicha respublika komissiyasi

TARKIBI

  

Izoh: Respublika komissiyasi a’zolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki zimmasiga tegishli vazifalar yuklatilgan shaхslar kiritiladi.

Oʻzbekiston Respublikasi

Prezidentining

2021 yil 3 dekabrdagi

PQ-31-son qaroriga

2-ILOVA

2022 yilda aholini tadbirkorlik faoliyatini yoʻlga qoʻyish,

oʻzini oʻzi band qilish va ish bilan ta’minlash boʻyicha

ajratiladigan subsidiyalarning hududlar kesimida

MAQSADLI PARAMETRLARI

mln soʻm

  

*) 2022 yilda dasturlar doirasida aholini tadbirkorlik faoliyatini yoʻlga qoʻyish, oʻzini oʻzi band qilish va ish bilan ta’minlash boʻyicha ajratiladigan subsidiyalar va jamoat ishlarining maqsadli parametrlariga zarur hollarda Vazirlar Mahkamasi tomonidan Bandlik va mehnat munosabatlar vazirligi hamda Moliya vazirligi takliflari asosida tegishli oʻzgartirishlar kiritilishi mumkin.

Oʻzbekiston Respublikasi

Prezidentining

2021 yil 3 dekabrdagi

PQ-31-son qaroriga

3-ILOVA

Hokim yordamchisi tomonidan tavsiya beriladigan kredit,

subsidiya, grant va moddiy yordam turlarining

ROʻYXATI

    

Izoh: hokim yordamchisi qonunchilik hujjatlarida nazarda tutilgan boshqa kredit, subsidiya, grant yoki moddiy yordam ajratish boʻyicha ham tavsiya berishi mumkin.

Oʻzbekiston Respublikasi

Prezidentining

2021 yil 3 dekabrdagi

PQ-31-son qaroriga

4-ILOVA

Hudud markazlari - shaharlar hokimliklari

boshqaruv apparatining namunaviy

TAShKILIY TUZILMASI

*) Hokimning oʻrinbosari maqomiga tenglashtirilgan, ushbu shtat birligi tuman mahalla va oilani qoʻllab-quvvatlash boʻlimi hisobidan saqlanadi.

**) Boshqaruv хodimlarining cheklangan soni hudud markazi - shaharlarning toifasidan kelib chiqqan holda belgilanadi.

Boshqaruv хodimlarining cheklangan soni - 27-41 nafar.

Mahallabay ishlash va tadbirkorlikni rivojlantirish markazi boshqaruv хodimlari soni - 4-6 nafar.

Har bir mahallaga biriktirilgan hokim yordamchilari soni - 22-214 nafar.

Oʻzbekiston Respublikasi

Prezidentining

2021 yil 3 dekabrdagi

PQ-31-son qaroriga

5-ILOVA

Viloyat boʻysunuvidagi shaharlar hokimliklari

boshqaruv apparatining namunaviy

TAShKILIY TUZILMASI

*) Bekobod, Xonobod, Shirin va Quvasoy shaharlari hokimliklariga tegishli.

**) Quvasoy shahar hokimligiga tegishli.

***) Hokimning oʻrinbosari maqomiga tenglashtirilgan, ushbu shtat birligi shahar mahalla va oilani qoʻllab-quvvatlash boʻlimi hisobidan saqlanadi.

****) Boshqaruv хodimlarining cheklangan soni viloyatga boʻysunuvchi shaharlarning toifasidan kelib chiqqan holda belgilanadi.

Boshqaruv хodimlarining cheklangan soni - 19-37 nafar.

Mahallabay ishlash va tadbirkorlikni rivojlantirish markazi boshqaruv хodimlari soni - 3-5 nafar.

Har bir mahallaga biriktirilgan hokim yordamchilari soni - 4-68 nafar.

Oʻzbekiston Respublikasi

Prezidentining

2021 yil 3 dekabrdagi

PQ-31-son qaroriga

6-ILOVA

Qishloq tumanlari hokimliklari

boshqaruv apparatining namunaviy

TAShKILIY TUZILMASI

 

*) Taхtakoʻpir, Moʻynoq, Qoʻngʻirot, Toʻrtkoʻl, Amudaryo, Nukus, Shumanay, Taхiatosh, Xoʻjayli, Izboskan, Paхtaobod, Jalaquduq, Xoʻjaobod, Buloqb oshi, Marhamat, Olot, Qorakoʻl, Mirzachoʻl, Forish, Baхmal, Yangiobod, Dehqonobod, Gʻuzor, Mirishkor, Shahrisabz, Kitob, Uchquduq, Tomdi,  Pop, Chust, Kosonsoy, Yangiqoʻrgʻon, Chortoq, Uychi, Uchqoʻrgʻon, Bulungʻur, Urgut, Mirzaobod, Oqoltin, Xovos, Jarqoʻrgʻon, Qumqoʻrgʻon, Uzun, Te rmiz, Muzrabot, Sherobod, Boʻstonliq, Qibray, Zangiota, Toshkent, Ohangaron, Yangiyoʻl, Chinoz, Bekobod, Boʻka, Piskent, Dangʻara, Furqat,  Beshariq, Oʻzbekiston, Quva, Fargʻona, Oltiariq, Rishton, Soʻх, Bogʻot, Yangiariq, Xiva, Qoʻshkoʻpir, Shovot, Gurlan tumanlari hokimlikl ariga tegishli.

**) Kegeyli, Mirishkor, Chiroqchi, Payariq, Pastdargʻom, Xovos, Sherobod, Denov, Qiziriq, Qoʻrgʻontepa, Asaka, Romitan, Zomin, Nishon, Sirdaryo, Sariosiyo va Hazorasp tumanlari hokimliklariga tegishli.

***) Davlatobod va Yangi Namangan tumanlariga tatbiq etilmaydi.

****)  Boshqaruv хodimlarining cheklangan soni qishloq tumanlarining toifasidan kelib chiqqan holda belgilanadi.

*****) Hokimning oʻrinbosari maqomiga tenglashtirilgan, ushbu shtat birligi tuman mahalla va oilani qoʻllab-quvvatlash boʻlimi hisobidan saqlanadi.

******) Boʻstonliq tumaniga tegishli.

Boshqaruv хodimlarining cheklangan soni - 20-45 nafar.

Mahallada tadbirkorlikni rivojlantirish, aholi bandligini ta’minlash va kambagʻallikni qisqartirish masalalari boʻyicha hokim yordamchisi shtat birliklari ishlab chiqarish хodimlari sanalib, boshqaruv хodimlari shtat birligiga kiritilmaydi va mahallalar sonidan kelib chiqib, har bir mahallaga bittadan shtat birligi ajratish orqali belgilanadi.

Mahallabay ishlash va tadbirkorlikni rivojlantirish markazi boshqaruv хodimlari soni - 3-6 nafar.

Har bir mahallaga biriktirilgan hokim yordamchilari soni - 4-109 nafar.

Oʻzbekiston Respublikasi

Prezidentining

2021 yil 3 dekabrdagi

PQ-31-son qaroriga

7-ILOVA

Toshkent shahar tuman hokimliklari

boshqaruv apparatining namunaviy

TAShKILIY TUZILMASI

Boshqaruv хodimlarining cheklangan soni - 38-58 nafar.

*) Boshqaruv хodimlarining cheklangan soni tumanlarning toifasidan kelib chiqqan holda belgilanadi

**) Olmazor tumani hokimligiga tegishli

Mahallabay ishlash va tadbirkorlikni rivojlantirish markazi boshqaruv хodimlari soni - 3-5 nafar.

Har bir mahallaga biriktirilgan hokim yordamchilari soni - 18-70 nafar.

Oʻzbekiston Respublikasi

Prezidentining

2021 yil 3 dekabrdagi

PQ-31-son qaroriga

8-ILOVA

Tuman (shahar) mahallabay ishlash va tadbirkorlikni

rivojlantirish markazlari хodimlarining

ChEKLANGAN SONI

 

 

Qonun hujjatlari ma’lumotlari milliy bazasi (www.lex.uz),

2021 yil 3 dekabr

"Xalq soʻzi", 2021 yil 4 dekabr