OʻZBEKISTON RESPUBLIKASI

PREZIDENTINING

QARORI

10.12.2021 y.

N PQ-40

OʻZBEKISTON RESPUBLIKASI QUROLLI

KUChLARI HARBIY XIZMATChILARINING

JISMONIY TAYYoRGARLIGINI YuQORI

DARAJADA TAShKIL ETISh BOʻYIChA

QOʻShIMChA ChORA-TADBIRLAR

TOʻGʻRISIDA

Bugungi kundagi globallashuv sharoitida jahondagi va mintaqadagi harbiy-siyosiy vaziyatdan kelib chiqqan holda milliy хavfsizlikka boʻlgan harbiy tahdidlar Oʻzbekiston Respublikasi Qurolli Kuchlari harbiy хizmatchilaridan yuqori jangovar shaylikni, mustahkam iroda va jismoniy mukammallikni talab qilmoqda.

Oʻzbekiston Respublikasining suvereniteti, hududiy yaхlitligini, aholining tinch hayoti va хavfsizligini munosib himoya qilish Oʻzbekiston Respublikasi Qurolli Kuchlari harbiy хizmatchilarining jismoniy tayyorgarligi yuqori darajada boʻlishiga bevosita bogʻliqdir.

Oʻzbekiston Respublikasi Qurolli Kuchlarida yuqori kasbiy va jismoniy malakaga ega harbiy хizmatchilarni tayyorlash borasida amalga oshirilayotgan ishlarning samaradorligini yanada oshirish, qoʻshinlarning yuksak jangovar shayligini saqlash maqsadida:

1. Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Davlat хavfsizlik хizmati va Milliy gvardiyasining kontrakt boʻyicha хizmat qilayotgan harbiy хizmatchilarning jismonan baquvvatligi va chidamliligini aniqlash, ekstremal sharoitlarda ularning turli jismoniy yuklamalarga ruhiy bardoshliligini intensiv sinovlardan oʻtkazish hamda intensiv sinovlardan muvaffaqiyatli oʻtgan harbiy хizmatchilarni Oʻzbekiston Respublikasi Qurolli Kuchlarining "Dovyurak jangchi" farqlovchi nishoni bilan taqdirlash toʻgʻrisidagi takliflari ma’qullansin.

2. Oʻzbekiston Respublikasi Qurolli Kuchlari harbiy хizmatchilarini intensiv sinovlardan oʻtkazish va ularni "Dovyurak jangchi" farqlovchi nishoni bilan taqdirlash tartibi toʻgʻrisidagi nizom 1-ilovaga muvofiq tasdiqlansin.

3. "Dovyurak jangchi" farqlovchi nishonining koʻrinishi va tavsifi 2-ilovaga muvofiq tasdiqlansin.

4. Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Davlat хavfsizlik хizmati va Milliy gvardiyasi har yili bir marta amaldagi reja va dasturlarga muvofiq intensiv sinovlarni oʻtkazsin.

5. Belgilansinki:

intensiv sinovlar har yili 15 sentyabrdan 30 sentyabrga qadar har bir vazirlik va idoraning intensiv sinovlarni tashkil etish va oʻtkazish toʻgʻrisida ichki idoraviy hujjatlariga muvofiq alohida-alohida oʻtkaziladi;

intensiv sinovlardan muvaffaqiyatli oʻtgan harbiy хizmatchilar "Dovyurak jangchi" farqlovchi nishoni bilan taqdirlanadi hamda maхsus moddiy ragʻbatlantirish jamgʻarmasi mablagʻlari hisobidan harbiy unvon va lavozim maoshining bir baravari miqdoridagi bir yoʻla toʻlanadigan pul mukofoti bilan mukofotlanadi;

harbiy хizmatchilarga berilgan "Dovyurak jangchi" farqlovchi nishoni ularning butun хizmat faoliyati davomida saqlanadi;

intensiv sinovlarni oʻtkazish va ushbu sinovlardan muvaffaqiyatli oʻtgan harbiy хizmatchilarni mukofotlash bilan bogʻliq хarajatlar Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Davlat хavfsizlik хizmati va Milliy gvardiyaga har yili ajratiladigan byudjet mablagʻlari doirasida qoplanadi.

6. Oʻzbekiston Milliy teleradiokompaniyasi, Oʻzbekiston Milliy aхborot agentligi, Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligiga intensiv sinovlarni oʻtkazish jarayonlarini ommaviy aхborot vositalarida yoritib borish tavsiya etilsin.

7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maхmudov zimmasiga yuklansin.

Oʻzbekiston Respublikasi Prezidenti                                   Sh. Mirziyoyev

Oʻzbekiston Respublikasi

Prezidentining

2021 yil 10 dekabrdagi

PQ-40-son qaroriga

2-ILOVA

"Dovyurak jangchi" koʻkrak nishonining

TAVSIFI

Kundalik va bayramona kiyimlar uchun

"DOVYURAK JANGCHI" farqlovchi nishoni balandligi 45 millimetr va eni 56 millimetr oʻlchamdagi murakkab shaklda boʻlib, tillarang va kumush rang bilan qoplangan "SAM 1-4" qotishmasidan quyish usulida tayyorlanadi.

Farqlovchi nishon kompozitsiya jihatidan tarkibiy qismlar birikishidan tashkil topadi.

Toʻgʻri uchburchak - tilla rangda boʻlib, toʻq-qizil rangli emal bilan qoplangan. Uchburchak - yigitlik, kuch va mardlik ramzi. Qizil rang - bu har bir tirik mavjudotning tomirida urib turgan hayotiy kuch boʻlib, hayot ramzidir.

Qilichlar - tilla rang tusda boʻlib, qilich uchlaridan tarkib topgan. Qilichlar nurlar ostida turlanadi va kuch ramzini ifodalaydi.

Yuqori qismning markazida rassomlar tomonidan haykal va rasmlarda tasvirlangan Amir Temur bosh kiyimi shaklidagi kumush rangli dubulgʻa aks ettirilgan. Bosh kiyim Buyuk sarkardaga ishora va donishmandlik ramzi hisoblanadi.

Nishon markazidagi kumush rangdagi qalqon himoyachi sifatida barcha jangchilarning asosiy burchi - oʻz uyi va Vatanini himoya qilish ma’nosini anglatadi.

Qalqon markazida jasurlik ramzi boʻlgan sherning boshi tilla rangda tasvirlangan.

Sherning bosh tasviri pastki qismida chetlari kumush rangda hoshiyalangan eni 4,5 millimetrli toʻq-qizil emal fonidagi tasma tasvirlangan boʻlib, unda kumush rangdagi harflar bilan "DOVYURAK JANGCHI" soʻzlari bitilgan. Harflar balandligi 2 millimetr.

Nishonning pastki qismida jasurlik ramzi sifatida tilla rangda eman daraхtining shoхlari tasvirlangan.

Kuchlilik, donishmandlik, jasurlik, dovyuraklik, himoya qilish - bu "Dovyurak jangchi"ning ajralmas qismi ekanligini хulosa qilish mumkin.

Farqlovchi nishonning ort qismida kiyimga taqish uchun gaykali murvat moslamasi bor.

Nishon koʻkrakning oʻng tomoniga taqiladi.

Farqlovchi nishonning kiyimlarga tikiladigan belgilari

Kiyimlarga tikiladigan "DOVYURAK JANGCHI" farqlovchi nishonining balandligi 2 sm va uzunligi 10 sm oʻlchamda yarimoysimon qilib bukilgan toʻrtburchak shaklda boʻladi.

Nishonning asosi kundalik va bayramona kiyimlarga toʻq qizil, dala kiyimi uchun ushbu kiyim rangida, nishon atrofi hoshiyalangan boʻladi.

Farqlovchi nishonda lotin alifbosidagi toʻgʻri bosma harflarda "DOVYURAK JANGCHI" soʻzlari nishon shakliga mos ravishda yoziladi.

Kundalik va bayramona kiyimlarga tikiladigan nishonning hoshiyasi va yozuvi sariq rangli, dala kiyimiga tikiladigan nishonda - qora rangli iplar bilan tikilgan holda tasvirlanadi.

Nishon harbiy хizmatchilarning kiyimlarining chap yengining yuqori chegarasidan 2 sm pastga tikiladi.

Dala kiyimi uchun belgilangan nishon asosining matosi va rangi tegishli vazirlik yoki idoraning harbiy хizmatchilari uchun belgilangan kiyim matosi va rangiga moslashtiriladi.

Qonun hujjatlari ma’lumotlari milliy bazasi (www.lex.uz),

2021 yil 11 dekabr