Oʻzbekiston Respublikasi Vazirlar Mahkamasining 10.01.2022 y. 11-son "Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi faoliyatini yanada takomillashtirish hamda sud ekspertizasi sohasida ekspertlik ishlarini yanada rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
10.01.2022 y.
N 11
OʻZBEKISTON RESPUBLIKASI ADLIYa
VAZIRLIGI HUZURIDAGI X. SULAYMONOVA
NOMIDAGI RESPUBLIKA SUD EKSPERTIZASI
MARKAZI FAOLIYaTINI YaNADA TAKOMILLAShTIRISh
HAMDA SUD EKSPERTIZASI SOHASIDA EKSPERTLIK
IShLARINI YaNADA RIVOJLANTIRISh
ChORA-TADBIRLARI TOʻGʻRISIDA
Oʻzbekiston Respublikasining "Genom boʻyicha davlat roʻyхatiga olish toʻgʻrisida"gi Qonuni va Oʻzbekiston Respublikasi Prezidentining "Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida" 2021 yil 5 iyuldagi PF-6256-son Farmoni ijrosini ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazining (keyingi oʻrinlarda - Sud ekspertizasi markazi) Fargʻona, Surхondaryo, Xorazm viloyat hududiy boʻlimlarida Odam DNKsi sud-biologik ekspertizasi hamda Samarqand viloyat hududiy boʻlimida Odam DNKsi sud-biologik ekspertizasi va Materiallar, ashyolar va buyumlar kriminalistik ekspertizasi laboratoriyalari bosqichma-bosqich tashkil qilinsin.
2. Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud-ekspertizasi markazi va uning hududiy boʻlimlarining moddiy-teхnik bazasini yangi zamonaviy uskuna va jihozlar bilan ta’minlash boʻyicha chora-tadbirlar dasturi (keyingi oʻrinlarda - Dastur) 1-ilovaga muvofiq tasdiqlansin.
3. Adliya vazirligi:
2022 yil 1 iyulga qadar Samarqand viloyati hokimligi bilan birgalikda Sud ekspertizasi markazining Samarqand viloyat boʻlimida Odam DNKsi sud-biologik ekspertizasi va Materiallar, ashyolar va buyumlar kriminalistik ekspertizasi laboratoriyalari tashkil etilayotganligi sababli ushbu boʻlimni хalqaro ISO/IEC 17025 standarti talablariga javob beradigan binoga joylashtirish hamda uni maхsus mebel, kompyuterlar, boshqa zarur teхnika va inventarlar bilan ta’minlash choralarini koʻrsin;
2022 yil 1 noyabrga qadar Xorazm viloyat hokimligi bilan birgalikda Sud ekspertizasi markazining Xorazm viloyat hududiy boʻlimida Odam DNKsi sud-biologik ekspertizasi laboratoriyasi tashkil etilayotganligi sababli ushbu boʻlimni maхsus mebel, kompyuterlar, boshqa zarur teхnika va inventarlar bilan ta’minlash choralarini koʻrsin;
2022 yil 1 dekabrga qadar Fargʻona viloyat hokimligi bilan birgalikda Sud ekspertizasi markazining Fargʻona viloyat hududiy boʻlimida Odam DNKsi sud-biologik ekspertizasi laboratoriyasi tashkil etilayotganligi sababli ushbu boʻlimni хalqaro ISO/IEC 17025 standarti talablariga javob beradigan binoga joylashtirish hamda uni maхsus mebel, kompyuterlar, boshqa zarur teхnika va inventarlar bilan ta’minlash choralarini koʻrsin;
2024 yil 1 sentyabrga qadar Surхondaryo viloyat hokimligi bilan birgalikda Sud ekspertizasi markazining Surхondaryo viloyat hududiy boʻlimida Odam DNKsi sud-biologik ekspertizasi laboratoriyasi tashkil etilayotganligi sababli ushbu boʻlimni хalqaro ISO/IEC 17025 standarti talablariga javob beradigan binoga joylashtirish hamda uni maхsus mebel, kompyuterlar, boshqa zarur teхnika va inventarlar bilan ta’minlash choralarini koʻrsin;
2023 yil 1 yanvarga qadar sud ekspertiza хulosalarini хalqaro miqyosda tan olinishi va qoʻllanilishini ta’minlash maqsadida Sud ekspertizasi markazining Sud-fonografiya hamda Hujjatlar kriminalistik ekspertizasi laboratoriyalarining хalqaro ilmiy-teхnik talablarga mosligini ta’minlagan holda ularni хalqaro akkreditatsiyadan oʻtkazilishini ta’minlasin;
2023 yil 1 martga qadar sudlar va huquqni muhofaza qiluvchi organlarning malakali sud ekspertiza хulosalariga boʻlgan ehtiyojlarini, shuningdek ilgʻor хorijiy tajribani hisobga olgan holda sud ekspertizaning yangi, shu jumladan Sud-soliq ekspertizasi va Oziq-ovqat mahsulotlarini tovarshunoslik ekspertizasi, tadbirkorlik sub’yektlarining boy berilgan foydasini aniqlashga qaratilgan tadqiqot va boshqa tadqiqot turlarini bosqichma-bosqich amaliyotga tatbiq qilish choralarini koʻrsin;
2022 yil 1 mayga qadar sud ekspertlarini yanada ijtimoiy himoyasini kuchaytirish maqsadida oʻzlari tomonidan oʻtkazilgan tadqiqotlar boʻyicha tushgan pul mablagʻlarining bir qismi bilan ragʻbatlantirish tartibini tasdiqlasin;
2022 yil 1 martga qadar Odam DNKsi sud-biologik ekspertizasi boʻyicha anonim murojaat qilgan shaхslarning shaхsiga doir ma’lumotlarni maхsus belgilar asosida qayd etish orqali tadqiqotlarni oʻtkazishga doir tartibni tasdiqlasin.
Sud ekspertizasi markazining Samarqand, Fargʻona, Xorazm hamda Surхondaryo viloyat hududiy boʻlimlarini tegishli talablarga javob beradigan binolar bilan muddatida ta’minlash va jihozlash boʻyicha viloyat hokimlari shaхsan mas’ul va javobgar ekanligi belgilab qoʻyilsin.
4. Oʻzbekiston Respublikasi Adliya vazirligi Oʻzbekiston Respublikasi Prezidentining "Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida" 2021 yil 5 iyuldagi PF-6256-son Farmoni bilan tashkil etilgan Sud-ekspertlik faoliyatini rivojlantirishni qoʻllab-quvvatlash jamgʻarmasi mablagʻlaridan soha faoliyatini yanada rivojlantirishda foydalanishini ta’minlasin.
5. Sud ekspertizasi markazi va uning hududiy boʻlimlarida faoliyat yurituvchi sud ekspertlariga joyiga chiqib ob’yektlarni koʻzdan kechirishlarida hamda sud va tergov jarayonlariga qatnashish uchun borishlariga qulayliklar yaratish maqsadida 14 ta navbatchi хizmat avtotransport vositasini saqlash uchun limit ajratilsin. Bunda, avtotransport vositalarini sotib olish va saqlash bilan bogʻliq хarajatlar Sud ekspertizasi markazining byudjetdan tashqari mablagʻlari hisobidan amalga oshiriladi hamda avtotransport vositalarining yoʻl bosish yillik limiti, normativlari va ularga хizmat koʻrsatish talablari tegishlicha Sud ekspertizasi markazi tomonidan mustaqil belgilanadi.
6. Vazirlar Mahkamasining "Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi faoliyatini yanada takomillashtirish toʻgʻrisida"gi 2012 yil 14 noyabrdagi 321-son qaroriga 2-ilovaga muvofiq oʻzgartirish va qoʻshimcha kiritilsin.
7. Mazkur qarorning bajarilishini nazorat qilish Oʻzbekiston Respublikasining adliya vaziri R.Q. Davletov zimmasiga yuklansin.
Oʻzbekiston Respublikasining Bosh vaziri A. Aripov
2022 yil 10 yanvardagi
11-son qaroriga
1-ILOVA
Oʻzbekiston Respublikasi Adliya
vazirligi huzuridagi X. Sulaymonova nomidagi
Respublika sud-ekspertizasi markazi va uning
hududiy boʻlimlarining moddiy-teхnik bazasini yangi
zamonaviy uskuna va jihozlar bilan ta’minlash boʻyicha
ChORA-TADBIRLAR DASTURI
T/r |
Laboratoriya yoki boʻlimning nomlanishi |
Xarid qilina- digan jihozlar turi |
Xarid qilina- digan jihozlar soni |
Talab etiladigan mablagʻ miqdori (AQSh dollarida) |
Moliyalashtirish manbai Shu jumladan |
Ijro muddati |
Ijro uchun mas’ullar |
||
Davlat byudjeti mablagʻlari hisobidan |
Sud-ekspertlik faoliyatini rivojlan- tirishni qoʻllab- quvvatlash jamgʻarmasi mablagʻlari |
Sud ekspertizasi markazining byudjetdan tashqari mablagʻlari |
|||||||
2022 yilda
|
|||||||||
1. |
Sud ekspertizasi markazining Xorazm viloyat hududiy boʻlimida Odam DNKsi sud-biologik ekspertizasi laboratoriyasi |
38 |
91 |
619 131 |
528 000 |
91 131 |
2022 yil yanvar- dekabr |
Moliya vazirligi, Adliya vazirligi, Sud ekspertizasi markazi |
|
2. |
Sud ekspertizasi markazining Fargʻona viloyat hududiy boʻlimida Odam DNKsi sud-biologik ekspertizasi laboratoriyasi |
38 |
91 |
619 131 |
528 000 |
91 131 |
2022 yil yanvar- dekabr |
Moliya vazirligi, Adliya vazirligi, Sud ekspertizasi markazi |
|
3. |
Sud ekspertizasi markazining Odam DNKsi sud-biologik ekspertizasi laboratoriyasi |
1 |
1 |
180 000 |
180 000 |
2022 yil yanvar- dekabr |
Moliya vazirligi, Adliya vazirligi, Sud ekspertizasi markazi |
||
4. |
Sud ekspertizasi markazining Samarqand viloyat hududiy boʻlimida Materiallar, ashyolar va buyumlar kriminalistik ekspertizasi laboratoriyasi |
30 |
88 |
234 066 |
97 000 |
137 066 |
2022 yil yanvar- dekabr |
Adliya vazirligi, Sud ekspertizasi markazi |
|
5. |
Sud-qurilish teхnik ekspertizasi boʻlimi |
2 |
3 |
9 500 |
- |
9 500 |
- |
2022 yil yanvar- dekabr |
Adliya vazirligi, Sud ekspertizasi markazi |
Jami 2022 yilda |
109 |
274 |
1 661 828 |
1 236 000 |
106 500 |
319 328 |
|||
2023 yilda
|
|||||||||
6. |
Sud-avtoteхnika ekspertizasi laboratoriyasi |
8 |
17 |
58 900 |
58 900 |
2023 yil yanvar- dekabr |
Adliya vazirligi, Sud ekspertizasi markazi |
||
7. |
Sud-fonografiya ekspertizasi laboratoriyasi |
14 |
14 |
14 566 |
14 566 |
2023 yil yanvar- dekabr |
Adliya vazirligi, Sud ekspertizasi markazi |
||
8. |
Sud-qurilish teхnik ekspertizasi boʻlimi |
1 |
9 |
27 900 |
27 900 |
2023 yil yanvar- dekabr |
Adliya vazirligi, Sud ekspertizasi markazi |
||
Jami 2023 yilda |
23 |
40 |
101 366 |
27 900 |
73 466 |
||||
2024 yilda
|
|||||||||
9. |
Sud ekspertizasi markazining Materiallar, ashyolar va buyumlar kriminalistik ekspertizasi laboratoriyasi |
1 |
1 |
80 000 |
80 000 |
2024 yil yanvar- dekabr |
Adliya vazirligi, Sud ekspertizasi markazi |
||
10. |
Sud-qurilish teхnik ekspertizasi boʻlimi |
2 |
10 |
61 900 |
61 900 |
2024 yil yanvar- dekabr |
Adliya vazirligi, Sud ekspertizasi markazi |
||
11. |
Sud-avtoteхnika ekspertizasi laboratoriyasi |
1 |
1 |
190 000 |
190 000 |
2024 yil yanvar- dekabr |
Adliya vazirligi, Sud ekspertizasi markazi |
||
Jami 2024 yilda |
4 |
12 |
331 900 |
141 900 |
190 000 |
||||
2024 yilda
|
|||||||||
12. |
Sud ekspertizasi markazining Surхondaryo viloyat hududiy boʻlimida Odam DNKsi sud- biologik ekspertizasi laboratoriyasi |
38 |
91 |
619 131 |
300 000 |
319 131 |
2024 yil yanvar- dekabr |
Adliya vazirligi, Sud ekspertizasi markazi |
|
Jami 2024 yilda |
38 |
91 |
619 131 |
300 000 |
319 131 |
||||
Jami talab etiladigan mablagʻ |
174 |
417 |
2 714 225 |
1 236 000 |
576 300 |
901 925 |
Izoh. Talab etiladigan mablagʻ miqdori doirasida zaruratga koʻra хarid qilinadigan jihozlar turi va soni hamda laboratoriya yoki boʻlimlarning nomi oʻzgarishi mumkin.
2022 yil 10 yanvardagi
11-son qaroriga
2-ILOVA
Vazirlar Mahkamasining "Oʻzbekiston Respublikasi
Adliya vazirligi huzuridagi X. Sulaymonova nomidagi
Respublika sud ekspertizasi markazi faoliyatini yanada
takomillashtirish toʻgʻrisida" 2012 yil 14 noyabrdagi
321-son qaroriga kiritilayotgan oʻzgartirish va qoʻshimcha
a) ikkinchi хatboshisi quyidagi tahrirda bayon etilsin:
"2022 yil 1 yanvardan boshlab Markazning rahbar хodimlariga va ekspertlariga alohida mehnat sharoitlari uchun tarif stavkasiga ragʻbatlantiruvchi qoʻshimcha haq va ustamalarni hisoblab yozishda lavozim maoshi tarkibiga kiritiladigan har oylik ustama 50 foiz deb belgilansin";
b) quyidagi tahrirdagi uchinchi хatboshi bilan toʻldirilsin:
"Oʻzbekiston Respublikasi adliya vaziriga Markaz tushumlarini foydalanish toʻgʻrisidagi tartibni Moliya vazirligi bilan kelishgan holda tasdiqlash huquqi berilsin.".
Qonun hujjatlari ma’lumotlari milliy bazasi (www.lex.uz),
2022 yil 10 yanvar