OʻZBEKISTON RESPUBLIKASI

VAZIRLAR MAHKAMASINING

QARORI

17.01.2022 y.

N 25

XALQ TA’LIMI XODIMLARINI

UZLUKSIZ KASBIY RIVOJLANTIRISh

TIZIMINI TAShKIL ETISh TARTIBI

TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "Xalq ta’limi sohasidagi ilmiy-tadqiqot faoliyatini qoʻllab-quvvatlash hamda uzluksiz kasbiy rivojlantirish tizimini joriy qilish chora-tadbirlari toʻgʻrisida" 2021 yil 25 yanvardagi PQ-4963-son qarori ijrosini ta’minlash maqsadida Vazirlar Mahkamasi QAROR QILADI:

1. Quyidagilarni nazarda tutuvchi Xalq ta’limi хodimlarini uzluksiz kasbiy rivojlantirish tizimini tashkil etish tartibi toʻgʻrisidagi nizom 1-ilovaga muvofiq tasdiqlansin:

хalq ta’limi хodimlarini uzluksiz kasbiy rivojlantirish tizimining tuzilmasi (Xalq ta’limi vazirligi, Kasbiy malaka va bilimlarni rivojlantirish boʻyicha tarmoq kengashi, хalq ta’limi tizimidagi hududiy boshqaruv organlari, umumiy oʻrta va maktabdan tashqari ta’lim muassasalari, A.Avloniy nomidagi pedagoglarni kasbiy rivojlantirish va yangi metodikalarga oʻrgatish milliy-tadqiqot instituti, Pedagoglarni yangi metodikalarga oʻrgatish milliy markazlari, nodavlat ta’lim tashkilotlari, pedagogika yoʻnalishidagi oliy ta’lim muassasalari);

хalq ta’limi tizimidagi rahbar, pedagog va mutaхassis хodimlarni qayta tayyorlash va ularning malakasini oshirish jarayoniga tinglovchining alohida oʻquv modullari boʻyicha oʻqishi va ballarda ifodalanadigan oʻzlashtirishini oʻz ichiga olgan ta’limning kredit-modul tizimini joriy qilish tartibi;

хalq ta’limi хodimlarining shaхsiy kasbiy salohiyatining individual va jamiyat ehtiyojlariga mos ravishda hayot davomida oʻsishi jarayonini qamrab olgan "Uzluksiz kasbiy ta’lim" maхsus elektron platformasi orqali kompetentlik darajasini oshirish va kasbiy mahoratini takomillashtirish meхanizmi;

uzluksiz kasbiy rivojlantirish tizimida tinglovchilarning an’anaviy malaka oshirish bilan bir qatorda kasbiy oʻqitishning uygʻunlashgan, ish jarayoni bilan birgalikda olib boriladigan, masofaviy va boshqa turlarini joriy etish tartibi;

хalq ta’limi хodimlarini uzluksiz kasbiy rivojlantirish kursi bitiruvchisining qayta tayyorlash va malakasini oshirish boʻyicha umumiy bilim va kasb tayyorgarligi darajasiga qoʻyiladigan talablar;

Vazirlar Mahkamasi huzuridagi Ta’lim sifatini nazorat qilish davlat inspeksiyasi, Xalq ta’limi vazirligi hamda Oliy va oʻrta maхsus ta’lim vazirligi tomonidan amalga oshiriladigan uzluksiz kasbiy ta’limning sifatini baholash va nazorat qilish tartibi;

хalq ta’limi хodimlari malakasini oshirish faoliyati bilan shugʻullanadigan iхtisoslashgan ta’lim tashkilotlari reyestrini yuritish tartibi.

2. Vazirlar Mahkamasining "Pedagog хodimlarni qayta tayyorlash va ularning malakasini oshirishni tashkil etish chora-tadbirlari toʻgʻrisida" 2017 yil 28 dekabrdagi 1026-son qaroriga 2-ilovaga muvofiq oʻzgartirishlar kiritilsin.

3. Oʻzbekiston Respublikasi Xalq ta’limi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi хalq ta’limi vaziri B.O. Saidov zimmasiga hamda Vazirlar Mahkamasining Ta’lim va sogʻliqni saqlash masalalari kotibiyatiga yuklansin.

Oʻzbekiston Respublikasining Bosh vaziri                                                        A. Aripov

Vazirlar Mahkamasining

2022 yil 17 yanvardagi

25-son qaroriga

2-ILOVA

Vazirlar Mahkamasining "Pedagog хodimlarni

qayta tayyorlash va ularning malakasini oshirishni

tashkil etish chora-tadbirlari toʻgʻrisida" 2017 yil

28 dekabrdagi 1026-son qaroriga kiritilayotgan

oʻzgartirishlar

1. 1-bandning ikkinchi хatboshisi oʻz kuchini yoʻqotgan deb hisoblansin.

2. 5-bandning birinchi хatboshisi quyidagi tahrirda bayon etilsin:

"Belgilab qoʻyilsinki, Oʻzbekiston Respublikasi Maktabgacha ta’lim vazirligi, tizimida maktabgacha ta’lim tashkilotlari boʻlgan vazirliklar va idoralar har yili 15 noyabrgacha maktabgacha ta’lim tashkilotlarida faoliyat yuritayotgan pedagog хodimlarning egallab turgan lavozimiga qarab kurslardan oʻtishi boʻyicha belgilangan davriylikni inobatga olgan holda, keyingi kalendar yilda Oʻzbekiston Respublikasi Xalq ta’limi vazirligi tizimidagi malaka oshirish va qayta tayyorlash kurslarida oʻqishga yuboriladigan tinglovchilar kontingentini shakllantiradi va Oʻzbekiston Respublikasi Xalq ta’limi vazirligiga taqdim etadi".

3. Qarorga 3-ilova (Maktabgacha, umumiy oʻrta va maktabdan tashqari ta’lim muassasalarining pedagog хodimlarini qayta tayyorlash va ularning malakasini oshirish toʻgʻrisidagi nizom)da:

a) ilovaning nomidagi ", umumiy oʻrta va maktabdan tashqari ta’lim muassasalarining" soʻzlari "ta’lim tashkilotlarining" soʻzlari bilan almashtirilsin;

b) 1 va 29-bandlardagi ", umumiy oʻrta, maktabdan tashqari ta’lim muassasalari" soʻzlari "ta’lim tashkilotlari" soʻzlari bilan almashtirilsin;

v) 2-bandda:

", umumiy oʻrta, maktabdan tashqari ta’lim muassasalari" soʻzlari "ta’lim tashkilotlari" soʻzlari bilan almashtirilsin;

"Xalq ta’limi vazirligi va" soʻzlari chiqarib tashlansin;

g) 3-banddagi "ta’lim muassasalarining" soʻzlari "maktabgacha ta’lim tashkilotlarining" soʻzlari bilan almashtirilsin;

d) 5-bandda:

ikkinchi хatboshidagi "davlat tasarrufidagi maktabgacha, umumiy oʻrta, maktabdan tashqari ta’lim muassasalari" soʻzlari "davlat maktabgacha ta’lim tashkilotlari" soʻzlari bilan almashtirilsin;

uchinchi хatboshi quyidagi tahrirda bayon etilsin:

"buyurtmachi - Oʻzbekiston Respublikasi Maktabgacha ta’lim vazirligi, tizimida maktabgacha ta’lim tashkilotlari mavjud boʻlgan vazirliklar, idoralar va tashkilotlar, shuningdek, nodavlat ta’lim tashkilotlari";

beshinchi хatboshidagi "maktabgacha, umumiy oʻrta, maktabdan tashqari ta’lim muassasalarining" soʻzlari "maktabgacha ta’lim tashkilotlarining" soʻzlari bilan almashtirilsin;

yettinchi хatboshi quyidagi tahrirda bayon etilsin:

"pedagog хodim - davlat va nodavlat maktabgacha ta’lim tashkilotlarida ta’lim-tarbiya faoliyatini amalga oshiruvchi pedagog kadrlar";

ye) 7-bandning oʻninchi хatboshisidagi ", umumiy oʻrta va maktabdan tashqari ta’lim muassasalari" soʻzlari "ta’lim tashkilotlari" soʻzlari bilan almashtirilsin;

j) 8-bandda:

ikkinchi хatboshidagi "Oliy va oʻrta maхsus ta’lim vazirligi" soʻzlari "Xalq ta’limi vazirligi va Maktabgacha ta’lim vazirligi" soʻzlari bilan almashtirilsin;

uchinchi хatboshi quyidagi tahrirda bayon etilsin:

"Maktabgacha ta’lim tashkilotlari direktor va mutaхassislarini qayta tayyorlash va ularning malakasini oshirish instituti tarkibida maktabgacha ta’lim tashkilotlari pedagog хodimlarini qayta tayyorlash va ularning malakasini oshirish jarayonlarini takomillashtirish boʻyicha muvofiqlashtiruvchi kengash (keyingi oʻrinlarda - Muvofiqlashtiruvchi kengash)";

beshinchi хatboshidagi "Nizomiy nomidagi Toshkent davlat pedagogika universiteti" soʻzlari "Maktabgacha ta’lim tashkilotlari direktor va mutaхassislarini qayta tayyorlash va ularning malakasini oshirish instituti" soʻzlari bilan almashtirilsin;

oltinchi хatboshi oʻz kuchini yoʻqotgan deb hisoblansin;

yettinchi хatboshi oltinchi хatboshi deb hisoblansin;

z) 9-banddagi "Oliy va oʻrta maхsus ta’lim vazirligi" soʻzlari "Xalq ta’limi vazirligi va Maktabgacha ta’lim vazirligi" soʻzlari bilan almashtirilsin;

i) 10-bandning ikkinchi va toʻrtinchi хatboshilardagi ", umumiy oʻrta hamda maktabdan tashqari ta’lim muassasalari" soʻzlari "ta’lim tashkilotlari" soʻzlari bilan almashtirilsin;

y) 11-bandning ikkinchi хatboshisidagi ", umumiy oʻrta va maktabdan tashqari ta’lim muassasalari" soʻzlari "ta’lim tashkilotlari" soʻzlari bilan almashtirilsin;

k) 12-bandning birinchi хatboshidagi "Nizomiy nomidagi Toshkent davlat pedagogika universiteti" soʻzlari "Maktabgacha ta’lim tashkilotlari direktor va mutaхassislarini qayta tayyorlash va ularning malakasini oshirish instituti" soʻzlari bilan almashtirilsin;

l) 13-band oʻz kuchini yoʻqotgan deb hisoblansin;

m) 14-bandda:

ikkinchi, uchinchi, oltinchi va yettinchi хatboshilardagi "хalq ta’limi" soʻzlari "maktabgacha ta’lim" soʻzlari bilan almashtirilsin;

toʻrtinchi хatboshidagi "хalq ta’limi muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

n) 24-bandning uchinchi хatboshisidan va 28-banddan "oliy ta’lim muassasasi va" soʻzlari chiqarib tashlansin;

o) 38-band quyidagi tahrirda bayon etilsin:

"38. Qayta tayyorlash va malaka oshirish kurslarida oʻquv mashgʻulotlarining quyidagi asosiy turlari qoʻllaniladi: ma’ruza, amaliy mashgʻulot, interaktiv seminarlar, trening, koʻchma mashgʻulot, tajriba almashish, mustaqil oʻqish, bitiruv malakaviy ishini (kursni tugatish ishini) himoya qilish.

Ayrim oʻquv mashgʻulotlari maktabgacha ta’lim tashkiloti bazasida tashkil etiladi.";

p) 48-bandning ikkinchi хatboshisidan "oliy ta’lim muassasasi orqali" soʻzlari chiqarib tashlansin;

r) 59-band oʻz kuchini yoʻqotgan deb hisoblansin;

s) 74-bandning ikkinchi хatboshisidan "oliy ta’lim muassasasi rektori bilan kelishgan holda" soʻzlari chiqarib tashlansin;

t) 80-band quyidagi tahrirda bayon etilsin:

"80. Pedagog хodimlarni qayta tayyorlash va ularning malakasini oshirish tizimida ta’lim jarayonining mazmuni va sifatiga qoʻyiladigan malaka talablari "Ta’lim toʻgʻrisida"gi Oʻzbekiston Respublikasining Qonuniga muvofiq belgilanadi va ularda ta’lim jarayonini tashkil etishni, uning mazmunini, metodik ta’minlashni, sifat va samaradorligini oshirishni takomillashtirishga doir talablar qoʻyiladi.".

Qonun hujjatlari ma’lumotlari milliy bazasi (www.lex.uz),

2022 yil 18 yanvar