OʻZBEKISTON RESPUBLIKASI

VAZIRLAR MAHKAMASINING

QARORI

26.01.2022 y.

N 43

AVIASPOTTINGNI RIVOJLANTIRISh

UChUN ShART-ShAROITLAR YaRATISh

ChORA-TADBIRLARI TOʻGʻRISIDA

Oʻzbekistonning ijobiy imiji, turistik salohiyati va investitsiyaviy jozibadorligini oshirish, mamlakat aeroportlari va aviakompaniyalarini dunyo jamoatchiligiga tanitish maqsadida Vazirlar Mahkamasi QAROR QILADI:

1. Belgilansinki:

2022 yil 1 maydan boshlab Oʻzbekiston Respublikasidagi хalqaro aeroportlarda aviaspotting - belgilangan tartibga asosan aeroportlarda havo kemalari harakatini hamda parvozini kuzatish, shuningdek ularni professional va havaskorlar (aviaspotterlar) tomonidan foto, video tasvirga olishni amalga oshirish yoʻlga qoʻyiladi;

respublikadagi barcha хalqaro aeroportlar hududida ularning boshqaruv shaklidan qat’i nazar, shuningdek, ularga tutash hududlarda parvozlar хavfsizligi talablari, Xalqaro fuqaro aviatsiyasi tashkiloti (IKAO) tavsiyalari va ilgʻor хorijiy tajriba hisobga olingan holda, aviaspotting mashgʻulotlari uchun iхtisoslashtirilgan joylar (keyingi oʻrinlarda - kuzatish maydonchalari) bosqichma-bosqich ajratiladi;

kuzatish maydonchalariga, shu jumladan, ular joylashgan joylarga nisbatan talablar "Uzbyekistan Airports" AJ takliflari asosida Oʻzbekiston Respublikasi Turizm va sport vazirligi va Transport vazirligi tomonidan tasdiqlanadi;

2022 yil 1 maydan boshlab хorijiy aviaspotterlar jalb qilingan holda, mahalliy havaskorlar va professional aviaspotterlar uchun har choraklik mavsumiy tanlovlar, shuningdek, har yilgi tanlovlar ta’sis etiladi hamda tashkil qilinadi;

хalqaro aeroportlar hududida kuzatish maydonchalarini tashkil qilish va jihozlash ishlari aeroportlarning oʻz moliyaviy resurslari, shuningdek, qonunchilik hujjatlarida taqiqlanmagan boshqa mablagʻlar, ularga tutash hududlarda esa - хususiy sektor jalb qilingan holda mahalliy byudjetlar mablagʻlari, shuningdek, qonunchilik hujjatlarida taqiqlanmagan boshqa mablagʻlar hisobidan amalga oshiriladi.

2. Oʻzbekiston Respublikasi Transport vazirligi Turizm va sport vazirligi, Ichki ishlar vazirligi hamda "Uzbyekistan Airports" AJ bilan birgalikda kuzatish maydonchalari va ular joylashgan joylarga nisbatan quyidagilarni nazarda tutuvchi talablarni bir oy muddatda tasdiqlasin:

aviaspotterlarni kuzatish maydonchalariga kiritish va ular tomonidan aeroportlar ichki tartibiga rioya etilishi reglamentini tasdiqlash;

oʻta muhim reyslar parvozlari vaqtida kuzatish maydonchalariga kiritishni kelishish;

videokuzatuv tizimini tashkil qilish va unga хalqaro aeroportlar aviatsiya хavfsizligi хizmatini ulash.

3. Qoraqalpogʻiston Respublikasi Vazirlar Kengashi, Andijon, Buхoro, Qashqadaryo, Navoiy, Namangan, Samarqand, Surхondaryo, Fargʻona, Xorazm viloyatlari va Toshkent shahar hokimliklari:

2022 yil 1 fevralga qadar "Uzbyekistan Airports" AJ bilan birgalikda aviaspotting bilan shugʻullanish uchun kuzatish maydonchalarini va tegishli infratuzilmani tashkil qilish maqsadida хalqaro aeroportlarga tutash hududlarni belgilasin;

2022 yil 1 mayga qadar хorijiy tajribani oʻrgangan holda, хalqaro aeroportlarga tutash hududlarda kuzatish maydonchalarining toʻliq faoliyat koʻrsatishini ta’minlasin va ularni zarur infratuzilma (kirish yoʻli, avtoturargoh, sanuzel, umumiy ovqatlanish joylari, videokuzatuv tizimi va boshqalar) bilan jihozlasin.

4. Oʻzbekiston Respublikasi Transport vazirligi:

ushbu qarorning 1-bandida koʻrsatilgan tanlovlarni mazkur qaror talablari inobatga olingan holda oʻtkazish reglamentini ikki oy muddatda ishlab chiqib tasdiqlasin;

"Uzbyekistan Airports" AJ, Fuqaro aviatsiyasi agentligi, "Oʻzaeronavigatsiya markazi" DUK bilan birgalikda 2022 yil 1 mayga qadar birinchi bosqichda Islom Karimov nomidagi "Toshkent" хalqaro aeroporti va "Samarqand" хalqaro aeroportida, 2022 yil 1 iyuldan boshlab - qolgan barcha хalqaro aeroportlar hududida aviaspotting bilan shugʻullanish uchun kuzatish maydonchalarining toʻliq faoliyat koʻrsatishini ta’minlasin;

"Uzbyekistan Airports" AJ, Oʻzbekiston Respublikasi Mudofaa vazirligi, Toshkent shahar hokimligi bilan birgalikda ikki oy muddatda Oʻzbekiston milliy aviatsiya muzeyini tashkil qilish boʻyicha Vazirlar Mahkamasiga taklif kiritsin;

"Uzbyekistan Airports" AJ bilan birgalikda mahalliy aviaspotterlar uchun mahorat saboqlari oʻtkazish, shuningdek, ushbu sohani yanada rivojlantirish maqsadida ularning tavsiyalari va takliflarini olish uchun taniqli aviaspotterlarni doimiy asosda jalb qilinishini ta’minlasin;

aeroportlarda ta’lim muassasalari oʻquvchilari va talabalari uchun ochiq eshiklar kunlarining muntazam oʻtkazilishini ta’minlasin.

5. Oʻzbekiston Respublikasi Turizm va sport vazirligi Transport vazirligi, "Uzbyekistan Airports" AJ va "Uzbyekistan Airways" AJ bilan birgalikda aviaspotting boʻyicha fotosuratlarni mashhur onlayn platformalarda ("Gettylmages", "Flickr", "Shutterstock.com", "Depositphotos.com" va boshqalarda) joylashtirish choralarini koʻrsin.

6. Oʻzbekiston Respublikasi Transport vazirligi Turizm va sport vazirligi hamda "Uzbyekistan Airports" AJ bilan birgalikda parvozlar koʻp amalga oshiriladigan, aviaspotting va aviaspotterlar uchun zarur shart-sharoitlar yaratilgan dunyodagi yirik aeroportlar faoliyati muntazam oʻrganilishini ta’minlasin, shuningdek, oʻrganish natijalari boʻyicha ushbu faoliyatni Oʻzbekiston Respublikasida rivojlantirib borish yuzasidan zarur choralar koʻrsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - turizm va sport vaziri A.A. Abduхakimov va Oʻzbekiston Respublikasi transport vaziri I.R. Mahkamov zimmasiga yuklansin.

Oʻzbekiston Respublikasining Bosh vaziri                                   A. Aripov

Qonun hujjatlari ma’lumotlari milliy bazasi (www.lex.uz),

2021 yil 26 yanvar