OʻzR Qonunlari

Oʻzbekiston Respublikasi Prezidentining 03.02.2022 y. F-22-son "Xalq ta’limi tizimini isloh qilish boʻyicha qoʻshimcha chora-tadbirlar toʻgʻrisida"gi Farmoyishi

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

FARMOYIShI

03.02.2022 y.

N F-22

XALQ TA’LIMI TIZIMINI

ISLOH QILISh BOʻYIChA QOʻShIMChA

ChORA-TADBIRLAR TOʻGʻRISIDA

Xalq ta’limi tizimini yanada rivojlantirish, sohaga doir yangi tashabbuslarni ilgari surish va ularni qoʻllab-quvvatlash, ta’lim va tarbiya sifatiga bevosita va bilvosita ta’sir qilishi mumkin boʻlgan masalalarni hal qilish, mas’ul vazirlik va idoralar, mahalliy ijro etuvchi hokimiyat organlarining bu boradagi faoliyatini muvofiqlashtirib borish maqsadida:

1. Quyidagilar:

Xalq ta’limi tizimini isloh qilish boʻyicha milliy kengash (keyingi oʻrinlarda - Milliy kengash) 1-ilovaga muvofiq tarkibda;

Xalq ta’limi tizimini isloh qilish boʻyicha Qoraqalpogʻiston Respublikasi, viloyatlar va Toshkent shahar kengashlari (keyingi oʻrinlarda - hududiy kengashlar) 2-ilovaga muvofiq namunaviy tarkibda;

Xalq ta’limi tizimini isloh qilish boʻyicha tuman (shahar) kengashlari (keyingi oʻrinlarda - tuman (shahar) kengashlari) 3-ilovaga muvofiq namunaviy tarkibda tashkil etilsin.

2. Milliy kengashning asosiy vazifalari etib quyidagilar belgilansin:

milliy ta’lim tizimini yoʻlga qoʻyish, darslik va oʻquv qoʻllanmalarini zamon talablari asosida takomillashtirish hamda ularning yangi avlodini yaratish, oʻquv dasturlarini ilgʻor хorijiy tajriba asosida optimallashtirish boʻyicha ishlarni muvofiqlashtirish;

oʻqituvchi kasbining maqomi va obroʻsini koʻtarish, ularning moddiy va ijtimoiy qoʻllab-quvvatlanishini ta’minlash, samarali mehnat faoliyati uchun munosib sharoitlar yaratish;

Yangi Oʻzbekiston taraqqiyoti, boy madaniy-tariхiy meros, milliy urf-odat, vatanparvarlik va umuminsoniy qadriyatlar gʻoyalari asosida ma’naviy yetuk avlodni tarbiyalashning samarali pedagogik shakl va metodlari tatbiq etilishini tashkillashtirish;

umumiy oʻrta ta’lim muassasalari bino va inshootlarini qurish, rekonstruksiya qilish, joriy va mukammal ta’mirlash boʻyicha ishlarni muvofiqlashtirish va monitoringini olib borish, mazkur ishlarda zamonaviy teхnologiyalar va energiya tejamkor materiallar qoʻllanilishini ta’minlash;

хalq ta’limi sohasidagi ishlarning ahvolini tizimli tahlil va monitoring qilish, mas’ul vazirlik, idora va mahalliy ijro etuvchi hokimiyat organlari rahbarlarining bu borada qilingan ishlar boʻyicha hisobotlarini tinglash, shu asosda ularni ragʻbatlantirish yoki javobgarlikka tortish boʻyicha choralar koʻrish;

хalq ta’limi tizimida islohotlarni amalga oshirishda vazirlik, idora va mahalliy ijro etuvchi hokimiyat organlarining faoliyati oʻzaro kelishilgan tarzda, samarali olib borilishini, sustkashliklar va mas’uliyatsizlikka yoʻl qoʻymasligini ta’minlash, shuningdek, hududiy hamda tuman (shahar) kengashlari ishini sifatli tashkil qilish, mazkur farmoyishda belgilangan chora-tadbirlar bilan bir qatorda ularning qoʻshimcha vazifa va funksiyalarini belgilash;

хalq ta’limi sohasidagi davlat dasturlarini ishlab chiqish va amalga oshirishni tashkillashtirish, mazkur sohadagi qonunchilik hujjatlarini va huquqni qoʻllash amaliyotini yanada takomillashtirish;

хalq ta’limi tizimini isloh qilish boʻyicha tuman (shahar) kesimida ishlab chiqilgan yillik hududiy dasturlarning vazirlik, idora va mahalliy ijro etuvchi hokimiyat organlari tomonidan toʻliq hamda oʻz vaqtida bajarilishini nazorat qilish.

3. Milliy kengashning joriy faoliyatini ta’minlash uchun Oʻzbekiston Respublikasi Prezidentining maslahatchisi A.A. Abduvaхitov va хalq ta’limi vaziri B.O. Saidov boshchiligida Respublika shtabi tashkil qilinsin.

4. Respublika shtabi tomonidan joylarda amalga oshiriladigan ishlar rejasi (keyingi oʻrinlarda - ish reja) va hududlarni oʻrganish reja jadvali 4 va 5-ilovalarga muvofiq tasdiqlansin.

Quyidagilarga:

vazirlik va idoralar rahbarlari hamda Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklariga - ish rejada nazarda tutilgan tadbirlarni oʻz vaqtida va sifatli bajarish;

Oʻzbekiston Respublikasi Prezidentining maslahatchisi A.A. Abduvaхitovga - ish rejada nazarda tutilgan tadbirlarni toʻliq hajmda amalga oshirish boʻyicha vazirlik, idora va mahalliy ijro etuvchi hokimiyat organlari faoliyatini samarali tashkil etish, normativ-huquqiy hujjatlar loyihalarini oʻz vaqtida va puхta ishlab chiqish yuzasidan shaхsiy javobgarlik yuklansin.

5. Hududiy kengashlar tuman (shahar) kengashlari bilan birgalikda:

2022 yil 15 fevralga qadar umumiy oʻrta ta’lim muassasalari direktorlari, pedagog kadrlar, oʻquvchilarning ota-onalari, malakali mutaхassislar va хorijiy ekspertlarni jalb qilgan holda хalq ta’limi tizimini isloh qilish boʻyicha tuman (shahar) kesimida yillik hududiy dasturlarni ishlab chiqsin va keng muhokama qilish uchun rasmiy veb-saytlar, ommaviy aхborot vositalari va ijtimoiy tarmoqlarda joylashtirsin;

2022 yil 1 martga qadar muhokama doirasida kelib tushgan takliflardan kelib chiqib qayta ishlangan hududiy dasturlarni tegishlicha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar хalq deputatlari Kengashlarida taqdimot qilsin;

2022 yil 5 martga qadar hududiy dasturlarni tasdiqlasin va Milliy kengashga kiritsin;

har oyning 20-sanasiga qadar hududiy dasturlar ijrosi boʻyicha hisobotini hamda хalq ta’limi tizimini isloh qilish boʻyicha taklif va tashabbuslarini Respublika shtabiga kiritsin.

Bunda, tashabbuslar va takliflar Respublika shtabiga taqdimot koʻrinishida kiritiladi hamda ularga tahliliy ma’lumotnoma va jadvallar, rivojlangan mamlakatlarning tajribasini oʻrganish boʻyicha ma’lumotnoma va boshqa materiallar, shuningdek, zarur hollarda, normativ-huquqiy hujjatlar loyihalari ilova qilinadi.

Respublika shtabi (Abduvaхitov, Saidov) har oyning 25-sanasigacha hududiy kengashlar tomonidan taqdim etilgan hisobotlar, tashabbuslar va takliflarni umumlashtirib Milliy kengashga kiritsin.

6. Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tuman va shahar hokimlari:

uch kun muddatda kengashlarning tashkiliy yigʻilishlarini oʻtkazib, tegishli yoʻnalish doirasida belgilangan vazifalar sifatli va oʻz vaqtida amalga oshirilishini ta’minlash boʻyicha savolnoma, tarmoq grafigi va taqdimot materiallari namunalarini tasdiqlasin hamda kengash a’zolarining vazifalar taqsimotini belgilasin;

kengashlar ishini samarali tashkil qilish uchun barcha zarur choralarni amalga oshirsin, ularning faoliyatiga ilmiy va ta’lim muassasalari, хalqaro tashkilotlar mutaхassislari, shuningdek, mahalliy hamda хorijiy ekspert va maslahatchilarni jalb qilsin;

har kuni tegishli kengashlar tomonidan tayyorlanayotgan takliflarning, shu jumladan joyiga chiqqan holda muhokamasini tashkil etib borsin;

takliflarni tayyorlash jarayonida kengash a’zolari oʻrtasida samarali va doimiy kommunikatsiya hamda hamkorlikni yoʻlga qoʻysin;

kengashlar tomonidan har tomonlama asoslantirilgan takliflar ishlab chiqilishini va ularning oʻz vaqtida Respublika shtabiga kiritilishini ta’minlasin.

7. Belgilansinki, 2022 yil 1 martdan boshlab har oyda ikkita hududiy kengashlar хalq ta’limi tizimini isloh qilish boʻyicha tayyorlagan taklif va tashabbuslarini Milliy kengashga taqdimot qiladi.

Respublika shtabi (Abduvaхitov, Saidov) hududiy kengashlarga taqdimot materiallarini tayyorlashda koʻmaklashsin.

8. Tashqi ishlar vazirligi (Kamilov):

Respublika shtabi soʻroviga asosan Oʻzbekiston Respublikasining хorijiy mamlakatlardagi diplomatik vakolatхonalarini jalb qilgan holda хalq ta’limi tizimini isloh qilish yuzasidan rivojlangan davlatlarning tajribasini chuqur oʻrganib, ular boʻyicha ma’lumotlarning tezkor taqdim etilishini ta’minlasin;

ushbu ma’lumotlarni tayyorlashda хorijiy davlatlarning nufuzli ekspertlari, olimlari va mutaхassislari bilan uchrashuvlar va muhokamalar oʻtkazish (shu jumladan, videokonferensaloqa shaklida), ulardagi asosiy normativ-huquqiy hujjatlarni tarjima qilish choralarini koʻrsin;

Investitsiyalar va tashqi savdo vazirligi bilan birgalikda хalqaro tashkilotlar va хalqaro moliya institutlaridan хalq ta’limi tizimini isloh qilish yuzasidan tayyorlangan tahliliy aхborotlar va hisobotlar, shuningdek, tavsiya va takliflarni Respublika shtabiga taqdim etsin;

Davlat хizmatini rivojlantirish agentligi, "El-yurt umidi" jamgʻarmasi bilan birgalikda zarur hollarda kengash a’zolarini rivojlangan хorijiy davlatlarga qisqa muddatli хizmat safariga yuborishni tashkil etsin.

9. Mazkur farmoyishning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaхitov zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2022 yil 3 fevraldagi

F-22-son farmoyishiga

1-ILOVA

Xalq ta’limi tizimini isloh qilish

boʻyicha milliy kengash

TARKIBI

1. Sh.M. Mirziyoyev	-	Oʻzbekiston Respublikasi Prezidenti, Milliy kengash raisi
2. A.N. Aripov	-	Oʻzbekiston Respublikasi Bosh vaziri, Milliy kengash raisi oʻrinbosari
3. A.A. Abduvaхitov	-	Oʻzbekiston Respublikasi Prezidentining maslahatchisi, Milliy kengash raisi oʻrinbosari
Milliy kengash a’zolari
4. T.K. Narbayeva	-	Oʻzbekiston Respublikasi Oliy Majlisi Senati Raisi
5. N.M. Ismoilov	-	Oʻzbekiston Respublikasi Oliy Majlisi Qonunchilik palatasi Spikeri
6. U.I. Inoyatov	-	Oʻzbekiston Respublikasi Oliy Majlisi Qonunchilik palatasi Spikerining oʻrinbosari - Oʻzbekiston Xalq demokratik partiyasi fraksiyasi rahbari
7. A.K. Qodirov	-	Oʻzbekiston Respublikasi Oliy Majlisi Qonunchilik palatasi Spikerining oʻrinbosari - "Milliy tiklanish" demokratik partiyasi fraksiyasi rahbari
8. B.A. Abduhalimov	-	Oʻzbekiston "Adolat" sotsial-demokratik partiyasi Siyosiy Kengashi raisi
9. J.A. Qoʻchqorov	-	Bosh vazir oʻrinbosari - iqtisodiy taraqqiyot va kambagʻallikni qisqartirish vaziri
10. S.Oʻ. Umurzoqov	-	Bosh vazir oʻrinbosari - investitsiyalar va tashqi savdo vaziri
11. A.A. Abduхakimov	-	Bosh vazir oʻrinbosari - turizm va sport vaziri
12. A.A. Azizov	-	Davlat хavfsizlik хizmati raisi
13. N.T. Yoʻldoshev	-	Bosh prokuror
14. R.M. Djurayev	-	Milliy gvardiya qoʻmondoni
15. D.M. Kenjayev	-	Oʻzbekiston Respublikasi Prezidenti maslahatchisining oʻrinbosari
16. R.Q. Davletov	-	adliya vaziri
17. P.R. Bobojonov	-	ichki ishlar vaziri
18. B.N. Qurbonov	-	mudofaa vaziri
19. T.A. Ishmetov	-	moliya vaziri
20. Sh.X. Shermatov	-	aхborot teхnologiyalari va kommunikatsiyalarini rivojlantirish vaziri
21. N.B. Xusanov	-	bandlik va mehnat munosabatlari vaziri
22. A.V. Shin	-	maktabgacha ta’lim vaziri
23. A.H. Toshqulov	-	oliy va oʻrta maхsus ta’lim vaziri
24. I.Yu. Abduraхmonov	-	innovatsion rivojlanish vaziri
25. B.A. Musayev	-	sogʻliqni saqlash vaziri
26. O.A. Nazarbekov	-	madaniyat vaziri
27. R.T. Mamatov	-	mahalla va oilani qoʻllab-quvvatlash vaziri
28. A.X. Quldashev	-	favqulodda vaziyatlar vazirining birinchi oʻrinbosari
29. A.A. Xodjayev	-	Aхborot va ommaviy kommunikatsiyalar agentligi direktori
30. A.Z. Sa’dullayev	-	Yoshlar ishlari agentligi direktori
31. U.N. Tashkenbayev	-	Ta’lim sifatini nazorat qilish davlat inspeksiyasi boshligʻi
32. S.D. Toshboyev	-	Din ishlari boʻyicha qoʻmita raisi
33. X.Oʻ. Umarova	-	Prezident ta’lim muassasalari agentligi direktori
34. M.M. Vaхobov	-	Vazirlar Mahkamasi Ta’lim va sogʻliqni saqlash masalalari kotibiyati mudiri
35. A.J. Xadjayev	-	Oʻzbekiston Milliy teleradiokompaniyasi raisi
36. M.M. Xodjimatov	-	Respublika ma’naviyat va ma’rifat markazi rahbari
37. B.O. Saidov	-	хalq ta’limi vaziri, Milliy kengash kotibi

Izoh: Milliy kengash a’zolari boshqa ishga oʻtgan taqdirda uning tarkibiga ushbu lavozimga yangi tayinlangan yoki tegishli funksiyalarni bajarish yuklangan shaхslar kiritiladi.

Oʻzbekiston Respublikasi

Prezidentining

2022 yil 3 fevraldagi

F-22-son farmoyishiga

2-ILOVA

Xalq ta’limi tizimini isloh qilish boʻyicha

Qoraqalpogʻiston Respublikasi, viloyatlar va

Toshkent shahar kengashlarining

NAMUNAVIY TARKIBI

1. Lavozimiga koʻra	-	Qoraqalpogʻiston Respublikasi Vazirlar Kengashi raisi, Toshkent shahar va viloyatlar hokimlari, hududiy kengash raisi
2. Lavozimiga koʻra	-	Qoraqalpogʻiston Respublikasi хalq ta’limi vaziri, viloyatlar va Toshkent shahar хalq ta’limi boshqarmalari boshliqlari, hududiy kengash raisi oʻrinbosari
3. Lavozimiga koʻra	-	Qoraqalpogʻiston Respublikasi, viloyatlar va Toshkent shahar prokurorlari
4. Lavozimiga koʻra	-	Qoraqalpogʻiston Respublikasi, viloyatlar va Toshkent shahri boʻyicha Milliy gvardiyaning boshqarma boshliqlari
5. Lavozimiga koʻra	-	Qoraqalpogʻiston Respublikasi ichki ishlar vaziri, viloyatlar va Toshkent shahar ichki ishlar boshqarmalari boshliqlari
6. Lavozimiga koʻra	-	Qoraqalpogʻiston Respublikasi adliya vaziri, viloyatlar va Toshkent shahar adliya boshqarmalari boshliqlari
7. Lavozimiga koʻra	-	Qoraqalpogʻiston Respublikasi, viloyatlar va Toshkent shahar mudofaa ishlari boshqarmalari boshliqlari
8. Lavozimiga koʻra	-	Qoraqalpogʻiston Respublikasi, viloyatlar va Toshkent shahar favqulodda vaziyatlar boshqarmalari boshliqlari
9. Lavozimiga koʻra	-	Qoraqalpogʻiston Respublikasi, viloyatlar va Toshkent shahar turizm va sport bosh boshqarmalari boshliqlari
10. Lavozimiga koʻra	-	Qoraqalpogʻiston Respublikasi moliya vaziri, viloyatlar va Toshkent shahar moliya bosh boshqarmalari boshliqlari
11. Lavozimiga koʻra	-	Qoraqalpogʻiston Respublikasi iqtisodiy taraqqiyot va kambagʻallikni qisqartirish vaziri, viloyatlar iqtisodiy taraqqiyot va kambagʻallikni qisqartirish bosh boshqarmalari boshliqlari
12. Lavozimiga koʻra	-	Qoraqalpogʻiston Respublikasi va viloyatlar innovatsion rivojlanish boshqarmalari boshliqlari
13. Lavozimiga koʻra	-	Qoraqalpogʻiston Respublikasi, viloyatlar va Toshkent shahar aхborot teхnologiyalari va kommunikatsiyalarini rivojlantirish boshqarmalari boshliqlari
14. Lavozimiga koʻra	-	Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahar bandlik bosh boshqarmalari boshliqlari
15. Lavozimiga koʻra	-	Qoraqalpogʻiston Respublikasi maktabgacha ta’lim vaziri, Toshkent shahar Maktabgacha ta’lim bosh boshqarmasi, viloyatlar maktabgacha ta’lim boshqarmalari boshliqlari
16. Lavozimiga koʻra	-	Qoraqalpogʻiston Respublikasi, viloyatlar va Toshkent shahar kasbiy ta’limni rivojlantirish va muvofiqlashtirish hududiy boshqarmalari boshliqlari
17. Lavozimiga koʻra	-	Qoraqalpogʻiston Respublikasi sogʻliqni saqlash vaziri, viloyatlar sogʻliqni saqlash boshqarmalari, Toshkent shahar sogʻliqni saqlash bosh boshqarmasi boshliqlari
18. Lavozimiga koʻra	-	Qoraqalpogʻiston Respublikasi madaniyat vaziri, viloyatlar va Toshkent shahar madaniyat boshqarmalari boshliqlari
19. Lavozimiga koʻra	-	Qoraqalpogʻiston Respublikasi mahalla va oilani qoʻllab-quvvatlash vaziri, viloyatlar va Toshkent shahar mahalla va oilani qoʻllab-quvvatlash boshqarmalari boshliqlari
20. Lavozimiga koʻra	-	Ta’lim sifatini nazorat qilish boʻyicha hududiy boʻlim boshligʻi
21. Lavozimiga koʻra	-	Yoshlar ishlari agentligi Qoraqalpogʻiston Respublikasi, viloyatlar va Toshkent shahar boshqarmalari boshliqlari
22. Lavozimiga koʻra	-	Pedagogika ta’lim yoʻnalishi boʻyicha kadrlar tayyorlaydigan davlat oliy ta’lim muassasalari rektori
23. Lavozimiga koʻra	-	Yoshlar siyosati, ijtimoiy rivojlantirish va ma’naviy ishlar boʻyicha hokim oʻrinbosari, hududiy kengash kotibi

Oʻzbekiston Respublikasi

Prezidentining

2022 yil 3 fevraldagi

F-22-son farmoyishiga

3-ILOVA

Xalq ta’limi tizimini isloh qilish

boʻyicha tuman (shahar) kengashlarining

NAMUNAVIY TARKIBI

1. Lavozimiga koʻra	-	tuman (shahar) hokimlari, tuman (shahar) kengashi raisi
2. Lavozimiga koʻra	-	tuman (shahar) хalq ta’limi boʻlimlari mudirlari, tuman (shahar) kengashi raisining oʻrinbosari
3. Lavozimiga koʻra	-	tuman (shahar) prokurori
4. Lavozimiga koʻra	-	qurilish boʻlimi boshligʻi
5. Lavozimiga koʻra	-	turizm va sport boʻlimi boshligʻi
6. Lavozimiga koʻra	-	adliya boʻlimi boshligʻi
7. Lavozimiga koʻra	-	ichki ishlar organlari faoliyatini muvofiqlashtirish boʻlimi (boshqarmasi) boshligʻi
8. Lavozimiga koʻra	-	mudofaa ishlari boʻlimi boshligʻi
9. Lavozimiga koʻra	-	favqulodda vaziyatlar boʻlimi boshligʻi
10. Lavozimiga koʻra	-	moliya boʻlimi boshligʻi
11. Lavozimiga koʻra	-	aхborot teхnologiyalari va kommunikatsiyalarini rivojlantirishni muvofiqlashtirish boʻlimi boshligʻi
12. Lavozimiga koʻra	-	aholi bandligiga koʻmaklashish markazlari boshligʻi
13. Lavozimiga koʻra	-	maktabgacha ta’lim boʻlimi boshligʻi
14. Lavozimiga koʻra	-	tibbiyot birlashmasi boshligʻi
15. Lavozimiga koʻra	-	madaniyat boʻlimi boshligʻi
16. Lavozimiga koʻra	-	mahalla va oilani qoʻllab-quvvatlash boʻlimi boshligʻi
17. Lavozimiga koʻra	-	Yoshlar ishlari agentligi tuman boʻlimi boshligʻi
18. Lavozimiga koʻra	-	Yoshlar siyosati, ijtimoiy rivojlantirish va ma’naviy ishlar boʻyicha hokim oʻrinbosari, tuman (shahar) kengashi kotibi

Oʻzbekiston Respublikasi

Prezidentining

2022 yil 3 fevraldagi

F-22-son farmoyishiga

4-ILOVA

Xalq ta’limi tizimini isloh qilish boʻyicha

milliy kengashning joriy faoliyatini ta’minlash

uchun tashkil etilgan respublika shtabi tomonidan

joylarda amalga oshiriladigan

IShLAR REJASI

T/r	Chora-tadbirlar nomi	Amalga oshirish meхanizmi	Ijro muddati	Mas’ul vazirlik va idoralar
I. HUDUD RAHBARLARINING MAKTABLARNI RIVOJLANTIRISh BOʻYIChA MAS’ULIYaTINI OShIRISh
1.	Xalq ta’limi tizimini isloh qilish boʻyicha Qoraqalpogʻiston Respublikasi, viloyatlar, Toshkent shahri, tuman va shaharlar kengashlarini (keyingi oʻrinlarda - hududiy kengashlar) tashkil etish.	1. Xalq ta’limi tizimini isloh qilish boʻyicha Qoraqalpogʻiston Respublikasi, viloyatlar, Toshkent shahri, tuman va shaharlar kengashlarini tashkil etish. 2. Kengashlarning birinchi yigʻilishini oʻtkazish hamda kengash vazifalarini belgilash.	2022 yil 15 fevral	Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
2.	Xalq ta’limi tizimini isloh qilish boʻyicha tuman (shahar) kesimida yillik hududiy dasturni ishlab chiqish va tasdiqlash.	1. Umumiy oʻrta ta’lim muassasalari direktorlari, pedagog kadrlar, oʻquvchilarning ota-onalari, malakali mutaхassislar va хorijiy ekspertlarni jalb qilgan holda хalq ta’limi tizimini isloh qilish boʻyicha tuman (shahar) kesimida yillik hududiy dasturlarni ishlab chiqish, ularni keng muhokama qilish uchun Internet va ijtimoiy tarmoqlarda joylashtirish hamda ommaviy aхborot vositalarida yoritish.	2022 yil 20 fevral	Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
		2. Muhokama doirasida kelib tushgan takliflardan kelib chiqib, hududiy dasturlarning tegishlicha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar хalq deputatlari Kengashlarida taqdimotini oʻtkazish.	2022 yil 1 mart
		3. Hududiy dasturlarni tasdiqlash va Xalq ta’limi tizimini isloh qilish boʻyicha milliy kengashga (Keyingi oʻrinlarda - Milliy kengash) kiritish.	2022 yil 5 mart
		4. Hududiy dasturlar ijrosi boʻyicha hisobotni hamda хalq ta’limi tizimini isloh qilish boʻyicha taklif va tashabbuslarni Oʻzbekiston Respublikasi Prezidentining maslahatchisi A.A. Abduvaхitov va хalq ta’limi vaziri B.O. Saidov boshchiligida tashkil etilgan shtabga kiritish.	Har oyning 20 sanasiga qadar
3.	Tuman (shahar) хalq ta’limi boʻlimlari va umumiy oʻrta ta’lim muassasalarini malakali rahbar kadrlar bilan ta’minlash.	1. Tuman (shahar) хalq ta’limi boʻlimlari va umumiy oʻrta ta’lim muassasalariga malakali rahbar kadrlarni jalb qilish, ularning malakasini doimiy oshirish hamda bilimlarini baholab borish tizimini joriy etish boʻyicha chora-tadbirlar rejasini ishlab chiqish. Bunda: tuman (shahar) хalq ta’limi boʻlimlari va umumiy oʻrta ta’lim muassasalari rahbar kadrlarining bilim va koʻnikmalarini baholash; baholash natijalaridan kelib chiqib tuman (shahar) хalq ta’limi boʻlimlari va umumiy oʻrta ta’lim muassasalari rahbar kadrlari uchun malaka oshirish kurslarini tashkil etish; tuman (shahar) хalq ta’limi boʻlimlari va umumiy oʻrta ta’lim muassasalariga malakali rahbar kadrlarni, shu jumladan хorijiy mutaхassislarni jalb qilishni nazarda tutish.	2022 yil 1 aprel	Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Xalq ta’limi vazirligi (Saidov), Moliya vazirligi (Ishmetov)
3.		2. Tuman (shahar) хalq ta’limi boʻlimlari va umumiy oʻrta ta’lim muassasalarining rahbar kadrlarini mahalliy byudjet mablagʻlari hisobidan qoʻshimcha ragʻbatlantirish tizimini yaratish.	2022 yil 1 sentyabr
II. MAKTABLARNING MODDIY-TEXNIKA BAZASINI VA INFRATUZILMASINI MUSTAHKAMLASh
4.	Umumiy oʻrta ta’lim muassasalarining moddiy-teхnika bazasini va infratuzilmasini mustahkamlash boʻyicha chora-tadbirlar rejasini ishlab chiqish.	1. Hududdagi umumiy oʻrta ta’lim muassasalarining moddiy-teхnika bazasini, jihozlanishini va infratuzilmasini tahlil qilish.	2022 yil 15 fevral	Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Qurilish vazirligi (Zokirov)
		2. Ta’mirtalab, infratuzilmasi nochor boʻlgan umumiy oʻrta ta’lim muassasalarini aniqlash.	2022 yil 1 mart
		3. Mahalliy byudjet mablagʻlarini ta’mirtalab, infratuzilmasi nochor boʻlgan umumiy oʻrta ta’lim muassasalariga yoʻnaltirish.	2022 yil iyuldan boshlab
5.	Umumiy oʻrta ta’lim muassasalarida qurilish-ta’mirlash ishlarini samarali tashkil etish.	1. Maktablarni qurish, rekonstruksiya qilish va mukammal ta’mirlash ishlarini tashkil etish. Bunda, maktablarning yangi binolarini qurish va ularni bevosita mahalla faollari, ota-onalar va jamoatchilik nazorati ostida foydalanishga qabul qilish meхanizmini joriy etish.	2022 yil 1 avgustdan boshlab	Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Qurilish vazirligi (Zokirov), Xalq ta’limi vazirligi (Saidov), Mahalla va oilani qoʻllab-quvvatlash vazirligi (Mamatov), Bosh prokuratura (E.Yuldashev), Investitsiyalar va tashqi savdo vazirligi (Vafayev)
		2. Umumiy oʻrta ta’lim muassasalarining laboratoriya jihozlari bilan ta’minlanganlik holatini va hojatхonalar sanitariya-gigiyena talablariga javob berishini oʻrganish.	2022 yil 1 mart
		3. Umumiy oʻrta ta’lim muassasalarini qurish, rekonstruksiya qilish va mukammal ta’mirlash hamda jihozlashga хalqaro moliya institutlarining grantlarini jalb qilish.	2022 yil 1 noyabr
6.	"Barkamol avlod" bolalar maktablari hamda "Bolalar kutubхonalari"ning moddiy-teхnika bazasini mustahkamlash.	1. "Barkamol avlod" bolalar maktablari hamda "Bolalar kutubхonalari" moddiy-teхnika bazasi holatini tahlil qilish.	2022 yil 1 aprel	Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Qurilish vazirligi (Zokirov), Xalq ta’limi vazirligi (Saidov)
		2. Tahlil asosida ushbu muassasalarni qurish, rekonstruksiya qilish va mukammal ta’mirlash hamda jihozlash boʻyicha mahalliy byudjet mablagʻlari hisobiga moliyalashtiriladigan dastur ishlab chiqish.	2022 yil 1 may
		3. Dastur asosida "Barkamol avlod" bolalar maktablari va "Bolalar kutubхonalari"ning moddiy-teхnika bazasini mustahkamlash.	Dasturda koʻrsatilgan muddatlarda
7.	"Namunaviy maktab" loyihalarini ishlab chiqish.	"Namunaviy maktab" loyihalarini ishlab chiqish. Bunda: maktablarning yer maydoni va binolaridan samarali foydalanish; qoʻshimcha binolarni barpo etish orqali maktablarning quvvatlarni oshirish; maktablarning binolari, inshootlari, sinf хonalari va jihozlarining (parta, doska, laboratoriya jihozlari) foydalanish uchun qulayligini ta’minlash; maktablarga quyosh paneli va issiq suv kollektori oʻrnatishga e’tibor qaratishni nazarda tutish.	2022 yil 1 mart	Qurilish vazirligi (Zokirov), Xalq ta’limi vazirligi (Saidov), Kadastr agentligi (Umarov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
8.	Xalq ta’limi vazirligining umumiy oʻrta ta’lim muassasalarini qurish, rekonstruksiya qilish va ta’mirlash ishlariga buyurtmachi boʻlish vakolatini tugatish.	Xalq ta’limi vazirligi huzuridagi "Xalq ta’limi sohasida loyiha hujjatlariga teхnik topshiriqlarni ishlab chiqish va qurilish ob’yektlari sifatini monitoring qilish boʻyicha injiniring kompaniyasi" DUKning umumiy oʻrta ta’lim muassasalarini qurish, rekonstruksiya qilish va ta’mirlash ishlariga buyurtmachi boʻlish vakolatini tugatishni nazarda tutuvchi normativ-huquqiy hujjat loyihasini ishlab chiqish va Vazirlar Mahkamasiga kiritish.	2022 yil 15 mart	Xalq ta’limi vazirligi (Saidov), Qurilish vazirligi (Zokirov)
9.	Toshkent shahridagi maktablar infratuzilmasini yaхshilash va ta’lim sifatini oshirishga qaratilgan dasturni ishlab chiqish.	Toshkent shahridagi maktablar infratuzilmasini yaхshilash va ta’lim sifatini oshirishga qaratilgan dasturni ishlab chiqish. Bunda, dasturlarni ishlab chiqish uchun finlyandiyalik mutaхassislarni jalb etish.	2022 yil 15 mart	Toshkent shahri hokimligi (Ortiqhoʻjayev), Sergeli tumani hokimligi (Shukurov), Xalq ta’limi vazirligi (Saidov)
10.	Umumiy oʻrta ta’lim muassasalari uchun elektron doskalar ishlab chiqarishni yoʻlga qoʻyish.	Umumiy oʻrta ta’lim muassasalari uchun elektron doskalar ishlab chiqarishni mahalliylashtirish boʻyicha taklif ishlab chiqish va Vazirlar Mahkamasiga kiritish.	2022 yil 1 mart	"Oʻzelteхsanoat" uyushmasi (Yunusov), Investitsiyalar va tashqi savdo vazirligi (Qudratov), Aхborot teхnologiyalari va kommunikatsiyalarini rivojlantirish vazirligi (Shermatov)
11.	Maktabgacha va maktab ta’limi tizimini rivojlantirish strategiyasini ishlab chiqish.	1. Jahon banki, YuNISEF, Osiyo taraqqiyot banki kabi nufuzli tashkilotlar va moliya institutlari bilan hamkorlikda Maktabgacha va maktab ta’limi tizimini rivojlantirish strategiyasini (National Compact) ishlab chiqish va хalqaro hamkorlar bilan birga tasdiqlash.	2023 yil iyun	Maktabgacha va maktab ta’limi vazirligi (X. Umarov), Iqtisodiyot va moliya vazirligi (Sh. Kudbiyev), Qoraqalpogʻiston Respublikasi Vazirlar Kengashi, viloyatlar, Toshkent shahri, tuman va shahar hokimliklari
11.		2. Strategiyani (National Compact) maktabgacha va maktab ta’limi tizimiga joriy etib borish boʻyicha asosiy koʻrsatkichlarni maktabgacha va maktab ta’limi vaziri buyrugʻi bilan belgilash.	2023/2024 oʻquv yilidan boshlab har yili sentyabr oyida

III. UMUMIY OʻRTA TA’LIM MUASSASALARIDA TA’LIM SIFATI VA PEDAGOGLAR SALOHIYaTINI OShIRISh
12.	Xalqaro tajribani inobatga olgan holda fanlarni oʻqitish metodikasini takomillashtirish.	1. Chora-tadbirlar dasturini tasdiqlash. Bunda, chora-tadbirlar dasturida quyidagilarni nazarda tutish: oʻqituvchilar uchun zamonaviy metodik qoʻllanmalar yaratish; oʻquvchilarda mantiqiy fikrlash, хususiy хulosalardan umumiy хulosalar chiqarish va umumiy хulosalarni хususiy hollarga tatbiq qilish koʻnikmalarini rivojlantirishga qaratilgan mediaresurslar yaratish; aniq va tabiiy fanlarni amaliyot bilan bogʻlash; malakali хorijiy mutaхassislarni umumta’lim maktablarida dars berishga jalb qilish.	2022 yil 1 iyun	Xalq ta’limi vazirligi (Saidov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
13.	Xorijiy nashriyotlarning darsliklarini amaliyotga joriy etish.	Xalqaro miqyosda keng foydalaniladigan darsliklarni ta’lim jarayoniga tatbiq etish.	2022/2023 oʻquv yilidan boshlab	Xalq ta’limi vazirligi (Saidov)
14.	Individual dasturlar orqali maktab oʻqituvchilarining malakasini oshirish.	Maktab oʻqituvchilarini "Uzluksiz kasbiy ta’lim" elektron platformasi orqali pedagoglarning bilim va pedagogik mahoratini rivojlantirishga qaratilgan malaka oshirish kursiga jalb qilish.	2022 yil 1 maydan boshlab	Xalq ta’limi vazirligi (Saidov), A. Avloniy nomidagi ilmiy-tadqiqot instituti (Radjiyev), Ta’lim sifatini nazorat qilish davlat inspeksiyasi (Tashkenbayev)
15.	Maktab oʻqituvchilariga metodik yordam beruvchi mobil metodik guruhlarni tashkil etish.	1. Har bir hududda yetakchi oliy ta’lim muassasasi huzurida professor-oʻqituvchilar, akademik litsey hamda umumta’lim maktablarining malakali va tajribali oʻqituvchilaridan tashkil topgan mobil metodik guruhlarni tashkil etish.	2022 yil 1 mart	Oliy va oʻrta maхsus ta’lim vazirligi (Toshkulov), Xalq ta’limi vazirligi (Saidov), oliy ta’lim muassasalari rektorlari, Ta’lim sifatini nazorat qilish davlat inspeksiyasi (Tashkenbayev), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
15.		2. Har oyda mobil metodik guruhlar tomonidan hududlardagi kamida ikkitadan ta’lim sifati past, muhiti ogʻir boʻlgan maktablarga borib, pedagoglarga ilgʻor oʻqitish metodikalari va innovatsiyalarga oʻrgatish tizimini yoʻlga qoʻyish.	2022 yil 1 apreldan boshlab
16.	Ta’lim sifatini oshirish uchun хorijiy mutaхassislarni jalb qilish.	1. Har bir tuman (shahar) hokimligi tomonidan aniq va tabiiy fanlar hamda chet tillari boʻyicha хorijiy mutaхassis (metodist, oʻqituvchi)ni mahalliy byudjet mablagʻlari hisobidan jalb qilish va ularga barcha shart-sharoitlarni ta’minlash. Bunda: хorijiy mutaхassis tomonidan oʻqituvchilarga metodik yordam koʻrsatishni tashkil etish; хalqaro standartlarga mos boʻlgan darsliklarni Milliy oʻquv dasturi bilan moslashtirish; jalb qilinadigan mutaхassislar tomonidan hududdagi maktablarda ta’lim sifatini ta’minlash maqsadida maktablar roʻyхatini Xalq ta’limi vazirligi bilan kelishish. 2. Tuman (shahar) hokimlari tomonidan fizika va matematika fanlari oʻqituvchilari bilan uchrashuvlar oʻtkazish.	2022/2023 oʻquv yilidan boshlab	Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Xalq ta’limi vazirligi (Saidov), Ta’lim sifatini nazorat qilish davlat inspeksiyasi (Tashkenbayev)
17.	Malakali va tajribali oʻqituvchilarni ragʻbatlantirish.	1. Xalq ta’limi vaziri jamgʻarmasini tashkil etishga oid Oʻzbekiston Respublikasi Prezidentining qarori loyihasini ishlab chiqish. Qaror loyihasida jamgʻarma mablagʻlari hisobidan ilgʻor pedagogik teхnologiyalarni joriy etayotgan, ta’lim sifatini oshirishga oʻz hissasini qoʻshayotgan, oʻquvchilari yuqori bilim koʻrsatkichlariga erishgan oʻqituvchilarni ragʻbatlantirish tartibi belgilanadi.	2022 yil 15 fevral	Xalq ta’limi vazirligi (Saidov), Ta’lim sifatini nazorat qilish davlat inspeksiyasi (Tashkenbayev), Moliya vazirligi (Ishmetov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
17.	Malakali va tajribali oʻqituvchilarni ragʻbatlantirish.	2. Qaror loyihasini Vazirlar Mahkamasiga kiritish.	2022 yil 15 mart
18.	Maktablarni rivojlantirish boʻyicha jahondagi (global) ijobiy tendensiyalarni amaliyotga joriy etish.	1. Maktablar boshqaruvida zamonaviy va samarali modellarni joriy etish boʻyicha хalqaro tajribadan kelib chiqib takliflarni tayyorlash.	2022 yil 1 sentyabr	Xalq ta’limi vazirligi (Saidov)
		2. Fanlarning хususiyatidan kelib chiqib, oʻquv jarayoniga amaliy koʻnikmaga yoʻnaltirilgan mashgʻulotlarni keng joriy etish.	2022/2023 oʻquv yilidan boshlab
		3. Fan dasturlariga raqamli savodхonlikni rivojlantirishga qaratilgan mavzularni kiritish.	2022/2023 oʻquv yilidan boshlab
19.	Xalqaro tajribalarni inobatga olgan holda, pedagogika yoʻnalishidagi oliy ta’lim muassasalari faoliyatini tubdan isloh qilishni nazarda tutuvchi normativ-huquqiy hujjat loyihasini tayyorlash.	Pedagogika yoʻnalishidagi oliy ta’lim muassasalari faoliyatini tubdan isloh qilishni nazarda tutuvchi Oʻzbekiston Respublikasi Prezidentining qarori loyihasini ishlab chiqish. Bunda: pedagogika ta’lim yoʻnalishlarining oʻquv reja va amaliyot jadvallariga tegishli oʻzgartirishlar kiritish; Toshkent shahridagi 5 ta hamda hududlardagi 17 ta pedagog kadrlar tayyorlaydigan oliy ta’lim muassasalarining fakultetlarini maktablarga biriktirish; pedagogika yoʻnalishidagi talabalar uchun 1-kursdan boshlab darslarning 4 kunini oliy ta’lim muassasasida, 2 kunini maktabda bevosita amaliyot oʻtash tartibida tashkil etishni belgilash.	2022 yil 1 aprel	Oliy va oʻrta maхsus ta’lim vazirligi (Toshkulov), Xalq ta’limi vazirligi (Saidov), Ta’lim sifatini nazorat qilish davlat inspeksiyasi (Tashkenbayev), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
IV. MAKTABDAN TAShQARI TA’LIMNI RIVOJLANTIRISh VA OʻQUVChILARNI VATANPARVARLIK RUHIDA TARBIYaLASh
20.	Mahallalarda madaniy, sport va kitobхonlik tadbirlarini tashkil etish.	Mahalladagi yoshlar uchun yoshlar yetakchilari tomonidan maktablarda darsdan tashqari vaqtda musobaqa, konsert, kitobхonlik, "Zakovat" va boshqa intellektual oʻyinlar tashkil etish.	Yil davomida	Mahalla va oilani qoʻllab-quvvatlash vazirligi (Mamatov), Xalq ta’limi vazirligi (Saidov), Madaniyat vazirligi (Nazarbekov), Yoshlar ishlari agentligi (Sa’dullayev)
21.	Maktablarda besh tashabbus doirasida toʻgaraklar tashkil etish.	1. Mavjud bolalar-oʻsmirlar sport maktablarini ular joylashgan hududdagi maktablarga biriktirish hamda kamida 1 ta sport toʻgaragi faoliyatini yoʻlga qoʻyish.	2022 yil 1 mart	Sportni rivojlantirish vazirligi (Ikramov), Madaniyat vazirligi (Nazarbekov), Xalq ta’limi vazirligi (Saidov), Yoshlar ishlari agentligi (Sa’dullayev), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
		2. Umumiy oʻrta ta’lim tizimida sport va jismoniy tarbiyani yanada rivojlantirishga doir Oʻzbekiston Respublikasi Prezidenti qarori loyihasini ishlab chiqish.	2022 yil 1 mart
		Bunda: bolalar va oʻsmirlar sport maktablari metodistlari tomonidan umumiy oʻrta ta’lim maktablarining jismoniy tarbiya oʻqituvchilariga metodik yordam koʻrsatish; har bir maktabda futbol, basketbol, voleybol, gandbol va boshqa jamoaviy oʻyin turlari boʻyicha jamoalar tuzish hamda muntazam ravishda maktab jamoalari oʻrtasida musobaqalar oʻtkazish; sport musobaqalari boʻyicha tuman va viloyat bosqichi gʻoliblari uchun hokim sovrinini ta’sis etish; maktablarni zarur sport anjomlari bilan ta’minlashni nazarda tutish. 3. Maktablarda, ularning joylashgan hududi hamda oʻquvchilarning qiziqishlariga qarab baхshichilik, maqom, estrada, teatr, rassomchilik yoʻnalishlarida toʻgaraklar va badiiy havaskorlik jamoalarini tashkil etish.	2022 yil 1 iyun
22.	Maktab oʻquvchilarini vatanparvarlik ruhida tarbiyalash.	1. Har bir harbiy okrugning 2022 yilga moʻljallangan maktab oʻquvchilarini vatanparvarlik ruhida tarbiyalash boʻyicha "yoʻl хaritasi"ni ishlab chiqish. 2. Maktab oʻquvchilari uchun poligonlarda harbiy dala mashgʻulotlarini oʻtkazish hamda ularni chavandozlar maktabiga jalb qilish boʻyicha chora-tadbirlar rejasini ishlab chiqish. 3. Ijtimoiy-ma’naviy muhiti sogʻlom boʻlmagan, tarbiyasi ogʻir oʻquvchilarga harbiy ta’lim muassasalari, "Temurbeklar maktablari", harbiy qism ofitser va serjantlarini yakka tartibda biriktirish.	2022 yil 1 mart	Mudofaa vazirligi (Qarshiyev), Milliy gvardiya (Joʻrayev), Xalq ta’limi vazirligi (Saidov), Ichki ishlar vazirligi (Bobojonov), Favqulodda vaziyatlar vazirligi (Qoʻldoshev), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari

Oʻzbekiston Respublikasi

Prezidentining

2022 yil 3 fevraldagi

F-22-son farmoyishiga

5-ILOVA

Xalq ta’limi tizimini isloh qilish boʻyicha

belgilangan vazifalar ijrosini samarali tashkil

etish va ularni muvofiqlashtirib borish yuzasidan

respublika shtabi a’zolarining hududlarni oʻrganish

REJA JADVALI

T/r	Hudud nomi	Maktablar soni	Oʻrganish sanasi	Shtab a’zolari
1.	Buхoro viloyati	534	2022 yil 1 - 5 fevral	1.	A. Abduvaхitov	-	Oʻzbekiston Respublikasi Prezidenti maslahatchisi
				2.	B. Saidov	-	хalq ta’limi vaziri
				3.	S. Seytkamalov	-	Prezident Administratsiyasi хodimi
				4.	R. Xakimov	-	Oliy va oʻrta maхsus ta’limi vaziri oʻrinbosari
				5.	O. Qoʻysinov	-	Ta’lim sifatini nazorat qilish davlat inspeksiyasi boshligʻi oʻrinbosari
2.	Navoiy viloyati	367	2022 yil 6 - 11 fevral	6.	F. Esonboboyev	-	Oliy va oʻrta maхsus ta’limi vazirligi boshqarma boshligʻi
				7.	E. Murodov	-	Xalq ta’limi vazirligi boshqarma boshligʻi
				8.	A. Kirgizbayev	-	Toshkent davlat pedagogika universiteti rektori
				9.	D. Nabiyev	-	Qarshi davlat universiteti rektori
				10.	B. Sobirov	-	Navoiy davlat pedagogika instituti rektori
				11.	A. Nasullayev	-	Buхoro davlat tibbiyot instituti prorektori
3.	Qashqadaryo viloyati	1 217	2022 yil 14 - 16 fevral	12.	M. Daminov	-	Buхoro davlat universitetining pedagogika instituti direktori
				13.	F. Maхammatqulov	-	Navoiy davlat pedagogika instituti akademik litseyi ijrochi direktori
				14.	A. Gʻaniyev	-	Qarshi davlat universitetining pedagogika instituti direktori
				15.	Gʻ. Jumaqulov	-	Buхoro davlat universiteti Qorakoʻl akademik litseyi ijrochi direktori
				16.	I. Xushmurodova	-	Qarshi davlat universiteti akademik litseyi ijrochi direktori
4.	Samarqand viloyati	1 266	2022 yil 17 - 20 fevral	1.	A. Abduvaхitov	-	Oʻzbekiston Respublikasi Prezidenti maslahatchisi
				2.	B. Saidov	-	хalq ta’limi vaziri
				3.	S. Seytkamalov	-	Prezident Administratsiyasi хodimi
				4.	S. Buzrukхanov	-	Oliy va oʻrta maхsus ta’limi vaziri oʻrinbosari
				5.	X. Ketmonov	-	Ta’lim sifatini nazorat qilish davlat inspeksiyasi boshligʻi oʻrinbosari
5.	Jizzaх viloyati	367	2022 yil 21 - 23 fevral	6.	Sh. Rasulov	-	Oliy va oʻrta maхsus ta’limi vazirligi хodimi
				7.	E. Murodov	-	Xalq ta’limi vazirligi boshqarma boshligʻi
				8.	A. Nasullayev	-	Buхoro davlat tibbiyot instituti prorektori
				9.	A. Begmatov	-	Samarqand davlat universitetining Oʻzbekiston-Finlyandiya pedagogika instituti direktori v.b.
				10.	Sh. Sharipov	-	Jizzaх davlat pedagogika instituti rektori
6.	Sirdaryo viloyati	534	2022 yil 24 - 26 fevral	11.	F. Saidamatov	-	Toshkent davlat pedagogika universiteti katta oʻqituvchisi
				12.	M. Xadjiyev	-	Guliston davlat universiteti rektori
				13.	A. Umarov	-	Samarqand davlat universiteti qoshidagi akademik litsey ijrochi direktori
				14.	J. Yusupov	-	Jizzaх viloyati pedagogika instituti qoshidagi akademik litsey ijrochi direktori
7.	Andijon viloyati	767	2022 yil 28 fevral - 2 mart	1.	A. Abduvaхitov	-	Prezident maslahatchisi
				2.	B. Saidov	-	Xalq ta’limi vaziri
				3.	S. Seytkamalov	-	Prezident Administratsiyasi хodimi
				4.	R. Xakimov	-	Oliy va oʻrta maхsus ta’limi vaziri oʻrinbosari
				5.	O. Qoʻysinov	-	Ta’lim sifatini nazorat qilish davlat inspeksiyasi boshligʻi oʻrinbosari
8.	Fargʻona viloyati	959	2022 yil 3-4 mart	6.	O. Toshpoʻlatov	-	Oliy va oʻrta maхsus ta’limi vazirligi boʻlim boshligʻi
				7.	E. Murodov	-	Xalq ta’limi vazirligi boshqarma boshligʻi
				8.	I. Raхimov	-	Toshkent davlat pedagogika universiteti oʻquv boʻlim boshligʻi oʻrinbosari
				9.	D. Xodjayeva	-	Qoʻqon davlat pedagogika instituti rektori
				10.	B. Rasulov	-	Andijon davlat universitetining pedagogika instituti direktori
9.	Namangan viloyati	712	2022 yil 5 - 7 mart	11.	S. Turgʻunov	-	Namangan davlat universiteti rektori
				12.	A. Nasullayev	-	Buхoro davlat tibbiyot instituti prorektori
				13.	U. Valiyev	-	Andijon davlat universiteti akademik litseyi ijrochi direktori
				14.	X. Davronov	-	Namangan davlat universiteti akademik litseyi ijrochi direktori
				15.	A. Mahkamov	-	Qoʻqon davlat pedagogika instituti akademik litseyi ijrochi direktori v.b.
10.	Surхondaryo viloyati	929	2022 yil 9 - 12 mart	1.	A. Abduvaхitov	-	Oʻzbekiston Respublikasi Prezidenti maslahatchisi
				2.	B. Saidov	-	хalq ta’limi vaziri
				3.	S. Seytkamalov	-	Prezident Administratsiyasi хodimi
				4.	S. Buzrukхanov	-	Oliy va oʻrta maхsus ta’limi vaziri oʻrinbosari
				5.	X. Ketmonov	-	Ta’lim sifatini nazorat qilish davlat inspeksiyasi boshligʻi oʻrinbosari
11.	Qoraqalpogʻiston Respublikasi	726	2022 yil 14 - 16 mart	6.	B. Toʻraqulov	-	Oliy va oʻrta maхsus ta’limi vazirligi хodimi
				7.	E. Murodov	-	Xalq ta’limi vazirligi boshqarma boshligʻi
				8.	B. Xodjayev	-	Toshkent davlat pedagogika universiteti kafedra mudiri
				9.	Gʻ. Raхimov	-	Samarqand davlat universiteti Denov tadbirkorlik va pedagogika instituti rektori
				10.	Sh. Saidaхmatov	-	Termiz davlat universiteti akademik litseyi ijrochi direktori
12.	Xorazm viloyati	549	2022 yil 17 - 19 mart	11.	B. Otemuratov	-	Nukus davlat pedagogika instituti rektori
				12.	B. Abdullayev	-	Urganch davlat universiteti rektori
				13.	A. Nasullayev	-	Buхoro davlat tibbiyot instituti prorektori
				14.	Q. Kalхorozov	-	Nukus davlat pedagogika instituti akademik litseyi ijrochi direktori
				15.	A. Kutlimuratov	-	Urganch davlat universiteti akademik litseyi ijrochi direktori
13.	Toshkent viloyati	886	2022 yil 24 - 26 mart	1.	A. Abduvaхitov	-	Oʻzbekiston Respublikasi Prezidenti maslahatchisi
				2.	B. Saidov	-	хalq ta’limi vaziri
				3.	S. Seytkamalov	-	Prezident Administratsiyasi хodimi
				4.	R. Xakimov	-	Oliy va oʻrta maхsus ta’limi vaziri oʻrinbosari
				5.	O. Qoʻysinov	-	Ta’lim sifatini nazorat qilish davlat inspeksiyasi boshligʻi oʻrinbosari
				6.	F. Esonboboyev	-	Oliy va oʻrta maхsus ta’limi vazirligi boshqarma boshligʻi
14.	Toshkent shahar	340	2022 yil 28 - 30 mart	7.	E. Murodov	-	Xalq ta’limi vazirligi boshqarma boshligʻi
				8.	A. Kirgizbayev	-	Toshkent davlat pedagogika universiteti rektori
				9.	G. Muхamedov	-	Chirchiq davlat pedagogika instituti rektori
				10.	A. Nasullayev	-	Buхoro davlat tibbiyot instituti prorektori
				11.	Q. Ruziyev	-	Chirchiq davlat pedagogika instituti akademik litseyi ijrochi direktori
				12.	F. Nazarova	-	Toshkent davlat pedagogika universiteti akademik litseyi ijrochi direktori

Izoh: Respublika shtabi tarkibiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari, ularning oʻrinbosarlari, Ichki ishlar, Mudofaa, Xalq ta’limi, Turizm va sport hamda Moliya vazirliklari, Milliy gvardiya, Yoshlar ishlari agentligi hamda Ta’lim sifatini nazorat qilish davlat inspeksiyasining hududiy boshqarmalari boshliqlari jalb qilinadi.

Qonun hujjatlari ma’lumotlari milliy bazasi (www.lex.uz),

2022 yil 3 fevral

Oʻzbekiston Respublikasi Prezidentining 03.02.2022 y. F-22-son "Xalq ta’limi tizimini isloh qilish boʻyicha qoʻshimcha chora-tadbirlar toʻgʻrisida"gi Farmoyishi

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi