Vazirlar Mahkamasi huzuridagi Oliy attestatsiya komissiyasi Rayosatining 28.02.2022 y. 312/7-son "Ilmiy unvonlar berish tartibi toʻgʻrisidagi nizomning 38-bandiga oʻzgartirish kiritish haqida"gi Qarori (AV tomonidan 07.03.2022 y. 2793-8-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
07.03.2022 y.
N 2793-8
OʻZBEKISTON RESPUBLIKASI
VAZIRLAR MAHKAMASI HUZURIDAGI
OLIY ATTESTATsIYa KOMISSIYaSI
RAYoSATINING
28.02.2022 y.
N 312/7
QARORI
Ilmiy unvonlar berish tartibi toʻgʻrisidagi
nizomning 38-bandiga oʻzgartirish
kiritish haqida
Oʻzbekiston Respublikasi Prezidentining 2021 yil 24 iyuldagi PF-6269-son "Davlat хizmatlari koʻrsatish infratuzilmasini takomillashtirish va aholining davlat хizmatlaridan foydalanish imkoniyatlarini kengaytirish chora-tadbirlari toʻgʻrisida"gi Farmoniga muvofiq Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati QAROR QILADI:
1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2016 yil 28 apreldagi 224/8-son qarori (roʻyхat raqami 2793, 2016 yil 3 iyun) (Oʻzbekiston Respublikasi qonun hujjatlari toʻplami, 2016 y., 22-son, 260-modda) bilan tasdiqlangan Ilmiy unvonlar berish tartibi toʻgʻrisidagi nizomning 38-bandidagi "bir oy muddatda" degan soʻzlar "bir ish kunida" degan soʻzlar bilan almashtirilsin.
2. Mazkur qaror rasmiy e’lon qilingan kundan e’tiboran kuchga kiradi.
Raisi A. Yusupov
Qonun hujjatlari ma’lumotlari milliy bazasi (www.lex.uz),
2022 yil 7 mart