Oʻzbekiston Respublikasi Vazirlar Mahkamasining 05.05.2022 y. 235-son "Oʻzbekiston Respublikasi Vazirlar Mahkamasi apparatining Mahalla va nuroniylarni qoʻllab-quvvatlash masalalari boʻlimi toʻgʻrisidagi nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
05.05.2022 y.
N 235
OʻZBEKISTON RESPUBLIKASI
VAZIRLAR MAHKAMASI APPARATINING
MAHALLA VA NURONIYLARNI QOʻLLAB-QUVVATLASh
MASALALARI BOʻLIMI TOʻGʻRISIDAGI
NIZOMNI TASDIQLASh HAQIDA
Oʻzbekiston Respublikasi Prezidentining "Oila va хotin-qizlar bilan ishlash, mahalla va nuroniylarni qoʻllab-quvvatlash tizimini takomillashtirish chora-tadbirlari toʻgʻrisida" 2022 yil 1 martdagi PF-81-son Farmoni, "Mahalla va nuroniylarni qoʻllab-quvvatlash vazirligi faoliyatini tashkil etish toʻgʻrisida" 2022 yil 1 martdagi PQ-147-son, "Oʻzbekiston Respublikasi Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida" 2022 yil 6 apreldagi PQ-195-son qarorlari hamda Vazirlar Mahkamasining "Oʻzbekiston Respublikasi Vazirlar Mahkamasi apparatining tarkibiy boʻlinmalari tuzilmasini tasdiqlash toʻgʻrisida" 2022 yil 22 fevraldagi 85-son qaroriga muvofiq Vazirlar Mahkamasi QAROR QILADI:
1. Oʻzbekiston Respublikasi Vazirlar Mahkamasi apparatining Mahalla va nuroniylarni qoʻllab-quvvatlash masalalari boʻlimi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Vazirlar Mahkamasi apparatining Mahalla va nuroniylarni qoʻllab-quvvatlash masalalari boʻlimi mudiri bir hafta muddatda boʻlim mudiri va bosh mutaхassislarining funksional vazifalari taqsimoti tasdiqlanishini ta’minlasin.
3. Mazkur qarorning bajarilishini nazorat qilish Vazirlar Mahkamasi apparatining Mahalla va nuroniylarni qoʻllab-quvvatlash masalalari boʻlimiga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2022 yil 6 may