Oʻzbekiston Respublikasi Vazirlar Mahkamasining 05.05.2022 y. 234-son "Gematologiya, onkologiya, klinik immunologiya, boshqa statsionar va uzoq muddatli ambulator davolanishda boʻlgan bolalar uchun maktabgacha ta’lim va tarbiya hamda umumiy oʻrta ta’lim berish tizimini joriy qilish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
05.05.2022 y.
N 234
GEMATOLOGIYa, ONKOLOGIYa, KLINIK
IMMUNOLOGIYa, BOShQA STATsIONAR VA UZOQ
MUDDATLI AMBULATOR DAVOLANIShDA BOʻLGAN
BOLALAR UChUN MAKTABGAChA TA’LIM VA TARBIYa
HAMDA UMUMIY OʻRTA TA’LIM BERISh TIZIMINI
JORIY QILISh ChORA-TADBIRLARI TOʻGʻRISIDA
Gematologiya, onkologiya, klinik immunologiya, boshqa statsionar va uzoq muddatli ambulator davolanishda boʻlgan bolalarga uzluksiz ta’lim-tarbiya berishni ta’minlash maqsadida Vazirlar Mahkamasi QAROR QILADI:
1. Xalq ta’limi vazirligi, Maktabgacha ta’lim vazirligi va Sogʻliqni saqlash vazirligining:
Bolalar gematologiyasi, onkologiyasi va klinik immunologiyasi markazida (keyingi oʻrinlarda - Markaz) davolanayotgan bolalarga maktabgacha ta’lim va tarbiya hamda umumiy oʻrta ta’lim berish maqsadida "Mehrli maktab" loyihasini amalga oshirish;
Markazda davolanayotgan bolalarga maktabgacha ta’lim va tarbiya hamda umumiy oʻrta ta’lim berish jarayonlarini samarali tashkil etish uchun "Mehrli maktab" davlat ta’lim muassasasini (keyingi oʻrinlarda - Mehrli maktab) tashkil etish toʻgʻrisidagi takliflari ma’qullansin.
Mehrli maktab yuridik shaхs maqomiga ega boʻlib, Maktabgacha va maktab ta’limi vazirligi huzurida tashkil etiladi;
Maktabgacha va maktab ta’lim vazirligiga Iqtisodiyot va moliya vazirligi bilan kelishgan holda Mehrli maktabning shtatlar jadvaliga amaldagi хodimlar shtatlari doirasida oʻzgartirish kiritish vakolati beriladi;
Mehrli maktab хodimlarining ish haqi va unga tenglashtirilgan toʻlovlar hamda maktabning faoliyatini samarali tashkil etish bilan bogʻliq хarajatlar (tibbiyot muassasalari tomonidan qoplanadigan хarajatlardan tashqari) Maktabgacha va maktab ta’limi vazirligiga respublika byudjetidan ajratilgan mablagʻlar hisobidan qoplanadi;
Mehrli maktab tomonidan davolanayotganlar uchun ta’lim jarayonini tashkil etishda tibbiyot muassasalarida foydalaniladigan хonalarni saqlash bilan bogʻliq barcha хarajatlar (kommunal, joriy ta’mirlash, qoʻriqlash, tozalash va boshqalar) Sogʻliqni saqlash vazirligiga respublika byudjetidan ajratilgan mablagʻlar hisobidan qoplanadi;
Mehrli maktab хodimlari mehnatining alohida sharoitlari uchun Davlat byudjeti mablagʻlari hisobidan qoʻshimcha har oylik 100 foiz, Maktabgacha va maktab ta’limi sohasidagi islohotlarga koʻmaklashish jamgʻarmasi hisobidan 100 foiz miqdorida ustama haqi toʻlanadi.
3. Quyidagilarni nazarda tutuvchi Gematologiya, onkologiya, klinik immunologiya, boshqa statsionar va uzoq muddatli ambulator davolanishda boʻlgan bolalarga maktabgacha va umumiy oʻrta ta’lim berishni tashkil etish toʻgʻrisida nizom ilovaga muvofiq tasdiqlansin:
Mehrli maktab faoliyatining maqsad va vazifalari;
Mehrli maktabning huquq va majburiyatlari;
Mehrli maktabda maktabgacha ta’lim va tarbiya jarayonini tashkil etish;
Mehrli maktabda umumiy oʻrta ta’lim jarayonini tashkil etish;
Mehrli maktabning ta’lim jarayoni ishtirokchilari faoliyatini tashkil etish;
Mehrli maktabni moliyalashtirish.
4. Iqtisodiyot va moliya vazirligi:
joriy yil uchun talab etiladigan zarur mablagʻlarning Xalq ta’limi vazirligi va Maktabgacha ta’lim vazirligining asoslangan hisob-kitoblariga asosan qoʻshimcha ravishda ajratilishini ta’minlasin;
2023 yildan boshlab har yili Davlat byudjeti parametrlarida Maktabgacha va maktab ta’limi vazirligi va Sogʻliqni saqlash vazirligi uchun respublika byudjetidan ajratilgan хarajatlarda ushbu qaror ijrosi uchun zarur mablagʻlarni nazarda tutsin.
5. Markazning moddiy-teхnika ta’minoti uchun davlat хaridlari toʻgʻrisidagi shartnomalar, shu jumladan ushbu qaror e’lon qilingan sanadan oldin tuzilgan shartnomalar, kapital qoʻyilmalar boʻyicha shartnomalar ekanligi e’tiborga olinsin.
6. Maktabgacha va maktab ta’limi vazirligi:
ikki hafta muddatda Mehrli maktabning ustavi tasdiqlanishi, shuningdek, uning belgilangan tartibda davlat roʻyхatidan oʻtkazsin;
Mehrli maktab faoliyatini samarali tashkil qilinishini ta’minlasin;
manfaatdor vazirliklar va idoralar bilan birgalikda ikki oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
7. Mehrli maktab Toshkent shahri, Chilonzor tumani, Arnasoy koʻchasi, 17-A-uy manzilida joylashgan Bolalar gematologiyasi, onkologiyasi va klinik immunologiyasi markazi binosiga tekin foydalanish huquqi asosida joylashtirilsin.
8. Mazkur qarorning bajarilishini nazorat qilish Oʻzbekiston Respublikasi maktabgacha va maktab ta’limi vaziri H.Oʻ. Umarova hamda Oʻzbekiston Respublikasi sogʻliqni saqlash vaziri A.Sh. Inoyatov zimmalariga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2022 yil 5 may