Oʻzbekiston Respublikasi Prezidentining 27.05.2022 y. PF-142-son "Qashqadaryo viloyati tarkibida koʻkdala tumani tashkil etilishi munosabati bilan sud tizimini takomillashtirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
27.05.2022 y.
N PF-142
QAShQADARYo VILOYaTI TARKIBIDA KOʻKDALA
TUMANI TAShKIL ETILIShI MUNOSABATI
BILAN SUD TIZIMINI TAKOMILLAShTIRISh
ChORA-TADBIRLARI TOʻGʻRISIDA
Qashqadaryo viloyati Chiroqchi tumanining chegaralari oʻzgartirilishi hamda Qashqadaryo viloyati tarkibida Koʻkdala tumani tashkil etilishi munosabati bilan Oʻzbekiston Respublikasining "Sudlar toʻgʻrisida"gi Qonunining 89-moddasiga asosan:
1. Qashqadaryo viloyatida Jinoyat ishlari boʻyicha Koʻkdala tuman sudi tashkil etilsin.
2. Fuqarolik ishlari boʻyicha Chiroqchi tuman sudi hamda Chiroqchi tuman iqtisodiy sudi oʻzlarining mavjud shtat birliklari doirasida tegishincha Fuqarolik ishlari boʻyicha Chiroqchi tumanlararo sudi hamda Chiroqchi tumanlararo iqtisodiy sudi etib qayta tashkil etilsin.
Qashqadaryo viloyati Koʻkdala tumani Fuqarolik ishlari boʻyicha Chiroqchi tumanlararo sudi, Chiroqchi tumanlararo iqtisodiy sudi va Qarshi tumanlararo ma’muriy sudining yurisdiksiya hududiga kiritilsin.
3. Oliy sud va Moliya vazirligining Jinoyat ishlari boʻyicha Chiroqchi tuman sudining bitta sudya va bitta sudya yordamchisi shtat birliklarini Jinoyat ishlari boʻyicha Koʻkdala tuman sudiga oʻtkazish toʻgʻrisidagi taklifi ma’qullansin.
4. Oliy sud Moliya vazirligi bilan birgalikda ikki hafta muddatda tegishli sudlarning shtatlar jadvaliga oʻzgartirishlar kiritsin.
5. Qashqadaryo viloyati hokimligi Oliy sud bilan birgalikda yangidan tashkil etilayotgan Jinoyat ishlari boʻyicha Koʻkdala tuman sudining joylashtirilishini ta’minlasin.
6. Oʻzbekiston Respublikasi Prezidentining ayrim farmonlariga ilovaga muvofiq qoʻshimcha va oʻzgartirishlar kiritilsin.
7. Mazkur Farmonning ijrosini nazorat qilish Oʻzbekiston Respublikasi Prezidenti maslahatchisi B.D. Islamov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2022 yil 27 maydagi
PF-142-son Farmoniga
ILOVA
Oʻzbekiston Respublikasi Prezidentining
ayrim farmonlariga kiritilayotgan
qoʻshimcha va oʻzgartirishlar
1. Oʻzbekiston Respublikasi Prezidentining 2004 yil 20 fevraldagi PF-3400-son Farmoni bilan tasdiqlangan Oʻzbekiston Respublikasi jinoyat ishlari boʻyicha tuman (shahar) sudlarining tuzilmasida "Qashqadaryo viloyati" boʻlimi "Chiroqchi" soʻzidan keyin "Koʻkdala" soʻzi bilan toʻldirilsin.
2. Oʻzbekiston Respublikasi Prezidentining 2020 yil 24 iyuldagi "Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida"gi PF-6034-son Farmonida:
a) 10-ilovaning "Qashqadaryo viloyati" boʻlimi quyidagi tahrirda bayon etilsin:
Qashqadaryo viloyati |
|
Gʻuzor tumanlararo sudi |
Dehqonobod tumani Gʻuzor tumani |
Qarshi tumanlararo sudi |
Qarshi shahar Qarshi tumani Nishon tumani |
Koson tumanlararo sudi |
Koson tumani Muborak tumani |
Kasbi tumanlararo sudi |
Kasbi tumani Mirishkor tumani |
Chiroqchi tumanlararo sudi |
Chiroqchi tumani Koʻkdala tumani |
Shahrisabz tumanlararo sudi |
Shahrisabz shahar Kitob tumani Shahrisabz tumani |
Yakkabogʻ tumanlararo sudi |
Qamashi tumani Yakkabogʻ tumani |
b) 11-ilovaning "Qashqadaryo viloyati" boʻlimi quyidagi tahrirda bayon etilsin:
Qashqadaryo viloyati |
|
Gʻuzor tumanlararo sudi |
Dehqonobod tumani Gʻuzor tumani |
Qarshi tumanlararo sudi |
Qarshi shahar Qarshi tumani Nishon tumani |
Koson tumanlararo sudi |
Koson tumani Muborak tumani |
Kasbi tumanlararo sudi |
Kasbi tumani Mirishkor tumani |
Chiroqchi tumanlararo sudi |
Chiroqchi tumani Koʻkdala tumani |
Shahrisabz tumanlararo sudi |
Shahrisabz shahar Kitob tumani Shahrisabz tumani |
Yakkabogʻ tumanlararo sudi |
Qamashi tumani Yakkabogʻ tumani |
Qonun hujjatlari ma’lumotlari milliy bazasi (www.lex.uz),
2022 yil 27 may