Oʻzbekiston Respublikasi Vazirlar Mahkamasining 02.06.2022 y. 298-son "Oʻzbekiston Respublikasining Xalqaro mehnat tashkiloti (XMT) oldidagi a’zolik badalidan qarzdorligini qoplash chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
02.06.2022 y.
N 298
OʻZBEKISTON RESPUBLIKASINING XALQARO
MEHNAT TAShKILOTI (XMT) OLDIDAGI
A’ZOLIK BADALIDAN QARZDORLIGINI
QOPLASh ChORA-TADBIRLARI TOʻGʻRISIDA
Xalqaro mehnat tashkiloti bilan yaqin hamkorlikni mustahkamlash, хalqaro tashkilotda Oʻzbekiston Respublikasining ovoz berish huquqini saqlab qolish, shuningdek, mamlakatning siyosiy imijini yaхshilash maqsadida Vazirlar Mahkamasi QAROR QILADI:
1. Oʻzbekiston Respublikasi Prezidentining "Oʻzbekiston Respublikasining хalqaro shartnomalaridan va хalqaro tashkilotlarga a’zolikdan kelib chiqadigan majburiyatlarini bajarish tartibini takomillashtirish chora-tadbirlari toʻgʻrisida" 2020 yil 22 iyundagi PQ-4756-son qaroriga muvofiq Oʻzbekiston Respublikasining хalqaro shartnomalari va хalqaro tashkilotlarga a’zolik boʻyicha majburiyatlaridan kelib chiqadigan badallarni toʻlash boʻyicha qarzdorligi byudjet mablagʻlari hisobidan Vazirlar Mahkamasining alohida qarori asosida soʻndirilishi belgilanganligi ma’lumot uchun qabul qilinsin.
2. Oʻzbekiston Respublikasi Bandlik va mehnat munosabatlari vazirligi hamda Moliya vazirligining Xalqaro mehnat tashkiloti oldida Oʻzbekiston Respublikasining a’zolik badali toʻlovlari boʻyicha avvalgi yillarda yuzaga kelgan 747 ming 400 Shveysariya franki miqdoridagi qarzdorlikni (keyingi oʻrinlarda - qarzdorlik) 2024 yilga qadar bosqichma-bosqich qoplash toʻgʻrisidagi taklifi ma’qullansin.
3. Oʻzbekiston Respublikasi Bandlik va mehnat munosabatlari vazirligi qarzdorlikni ilovadagi jadval asosida qoplash masalasining Xalqaro mehnat tashkiloti bilan belgilangan tartibda kelishilishini hamda kelishilgan jadval asosida qarzdorlikning 2022-2024 yillar davomida Oʻzbekiston Respublikasi Davlat byudjeti mablagʻlari hisobidan bosqichma-bosqich qoplanishini ta’minlasin.
4. Oʻzbekiston Respublikasi Moliya vazirligi:
ilovadagi jadvalga asosan 2022 yilda Xalqaro mehnat tashkilotiga toʻlab berilishi zarur boʻlgan mablagʻlarni 2022 yilgi Davlat byudjeti parametrlarida хalqaro tashkilotlarga a’zolik badali toʻlovlari uchun nazarda tutilgan mablagʻlar doirasida moliyalashtirsin;
2023 yildan boshlab Bandlik va mehnat munosabatlari vazirligining soʻroviga asosan Davlat byudjeti parametrlarida ilovadagi jadval asosida Oʻzbekiston Respublikasining Xalqaro mehnat tashkiloti oldidagi a’zolik badalidan qarzdorligini soʻndirish uchun zarur mablagʻlar nazarda tutib borilishini ta’minlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi bandlik va mehnat munosabatlari vaziri N.B. Xusanov zimmasiga yuklansin.
Oʻzbekiston Respublikasining Bosh vaziri A. Aripov
2022 yil 2 iyundagi
298-son qaroriga
ILOVA
Oʻzbekiston Respublikasining Xalqaro mehnat
tashkiloti byudjetiga a’zolik badallari uchun
vujudga kelgan qarzdorlikni qoplash
JADVALI
T/r |
Yillar |
Valyuta |
Toʻlov miqdori |
1. |
2022 yil |
Shv. franki (SNGʻ) |
298 000 |
2. |
2023 yil |
Shv. franki (SNGʻ) |
224 700 |
3. |
2024 yil |
Shv. franki (SNGʻ) |
224 700 |
Jami |
747 400 |
Qonun hujjatlari ma’lumotlari milliy bazasi (www.lex.uz),
2022 yil 2 iyun