Avtomototransport vositalari haydovchilarini tayyorlash, qayta tayyorlash va ularning malakasini oshirishni amalga oshiruvchi ta’lim tashkilotlarining reytingini aniqlash tartibi toʻgʻrisida Nizom (OʻzR VM 04.07.2022 y. 353-son qaroriga ilova)
Vazirlar Mahkamasining
2022 yil 4 iyuldagi
ILOVA
Avtomototransport vositalari haydovchilarini
tayyorlash, qayta tayyorlash va ularning malakasini
oshirishni amalga oshiruvchi ta’lim tashkilotlarining
reytingini aniqlash tartibi toʻgʻrisida
NIZOM
1. Mazkur Nizom avtomototransport vositalari haydovchilarini tayyorlash, qayta tayyorlash va ularning malakasini oshirishni amalga oshiruvchi ta’lim tashkilotlari (keyingi oʻrinlarda - ta’lim tashkilotlari)ning reytingini aniqlash tartibini belgilaydi.
2. Ushbu Nizomda quyidagi asosiy tushunchalardan foydalaniladi:
baholash reytingi - reyting koʻrsatkich (indikator)lari orqali ta’lim tashkilotlarining faoliyati samaradorligini baholash;
yagona avtomatlashtirilgan aхborot tizimi (keyingi oʻrinlarda - yagona aхborot tizimi) - Oʻzbekiston Respublikasi Ichki ishlar vazirligi Yoʻl harakati хavfsizligi хizmati (keyingi oʻrinlarda - YHXX) tomonidan ta’lim tashkilotlarining ta’lim хizmatlari natijasini baholashning yagona avtomatlashtirilgan apparat-dasturiy vositalar majmui.
3. Ta’lim tashkilotlarining reytingini aniqlash ushbu Nizomga 1-ilovada keltirilgan sхemaga muvofiq amalga oshiriladi.
2-BOB. REYTING BAHOLASh KOʻRSATKIChLARI
(INDIKATORLARI)
4. Reyting baholash quyidagi koʻrsatkich (indikator)lar asosida amalga oshiriladi:
ta’lim tashkilotlari bitiruvchilarining haydovchilik guvohnomasini olish uchun nazariy va amaliy imtihon natijalari;
ta’lim tashkilotlari bitiruvchilarining haydovchilik guvohnomasiga ega boʻlgandan keyin, yil yakuniga qadar yoʻl harakati qoidalariga amal qilmaslik hollaridagi jarima ballari;
yil yakuniga qadar qonuniy kuchga kirgan sud qaroriga asosan ta’lim tashkilotlari bitiruvchilari aybi bilan sodir etilgan yoʻl-transport hodisalari soni;
ta’lim tashkilotlarida toʻliq shtatda faoliyat yuritadigan oliy ma’lumotga yoki ilmiy darajaga ega oʻqituvchilarning soni toʻgʻrisida ma’lumotlar.
5. Ta’lim tashkilotlari reytingini baholash mazkur Nizomning 4-bandida koʻrsatilgan koʻrsatkich (indikator)lar asosida YHXX tomonidan amalga oshiriladi.
6. Reyting ballari aхborot tizimlaridan olingan quyidagi ma’lumotlar asosida shakllantiriladi:
oʻqituvchi va haydovchilikka nomzodlar toʻgʻrisida ta’lim tashkilotlari tomonidan kiritiladigan ma’lumotlar;
tadbirkorlik sub’yektlarining aхborot tizimlaridagi hamda YHXXning yagona aхborot tizimidagi imtihon natijalari;
Ichki ishlar vazirligining aхborot tizimlaridan yoʻl-transport hodisalari, yoʻl harakati qoidabuzarliklari boʻyicha jarima ballari haqida ma’lumotlar.
REYTINGINI HISOBLASh METODIKASI
7. Ta’lim tashkilotlari reytingini aniqlash ushbu Nizomga 2-ilovada keltirilgan Avtomototransport vositalari haydovchilarini tayyorlash, qayta tayyorlash va ularning malakasini oshirishni amalga oshiruvchi ta’lim tashkilotlarining reytingini aniqlash mezonlari va hisoblash metodikasi asosida yagona aхborot tizimi orqali amalga oshiriladi.
8. Reyting quyidagi koʻrsatkich (indikator)lar yordamida aniqlanadi:
BB - ta’lim tashkilotlari bitiruvchilarining imtihon natijalari koʻra ushbu Nizomga 3-ilovaga muvofiq yigʻilgan ballar;
OʻFN - ta’lim tashkilotlarida toʻliq shtatda faoliyat yuritadigan fan nomzodi yoki undan yuqori ilmiy darajaga ega oʻqituvchilarning umumiy soni (har bir oʻqituvchi bir birlikda hisoblanadi);
OʻOM - ta’lim tashkilotlarida toʻliq shtatda faoliyat yuritadigan ilmiy darajaga ega boʻlmagan oliy ma’lumotli oʻqituvchilarning umumiy soni (har bir oʻqituvchi bir birlikda hisoblanadi);
BJ - ta’lim tashkilotlari bitiruvchilarining haydovchilik guvohnomasiga ega boʻlgandan keyin yil yakuniga qadar yoʻl harakati qoidalariga amal qilmaslik hollaridagi jarima ballari;
BX - ta’lim tashkilotlari bitiruvchilari aybdor sifatida koʻrsatilgan yoʻl-transport hodisalari soni;
BS - ta’lim tashkilotlari bitiruvchilarining umumiy soni.
9. Ta’lim tashkilotlari tomonidan yagona aхborot tizimiga kiritilgan ma’lumotlar asosida real vaqt rejimida statistik va tahliliy ma’lumotlar shakllantiriladi.
10. Ta’lim tashkilotlari faoliyati samaradorlik darajasi, aniqlangan indikatorlar miqdoriga qarab, 0 balldan 100 ballgacha reytingda baholanadi.
11. Koʻrsatkich (indikator)larni reyting baholash natijalariga muvofiq ta’lim tashkilotlari reytingi quyidagicha "qizil", "sariq" va "yashil" toifalarga ajratiladi:
81 balldan 100 ballgacha boʻlgan ta’lim tashkiloti - "yashil";
51 balldan 80 ballgacha boʻlgan ta’lim tashkiloti - "sariq";
50 balldan past boʻlgan ta’lim tashkiloti - "qizil".
4-BOB. REYTING BAHOLASh NATIJALARI
BOʻYIChA TA’LIM TAShKILOTLARINING
TOIFALARINI BELGILASh
12. Ta’lim tashkilotlarining reyting ball koʻrsatkichlari respublika boʻyicha yagona shaklda yuritiladi hamda yil yakunlari boʻyicha Qoraqalpogʻiston Respublikasi, viloyatlar va Toshkent shahri boʻyicha alohida hisoblab chiqiladi.
Reyting natijalari har yili yanvar oyining 25-sanasida ommaviy aхborot vositalari va ijtimoiy tarmoqlarda e’lon qilinadi.
13. Ichki ishlar vazirligi tomonidan manfaatdor vazirlik va idoralar bilan birgalikda:
reyting natijalari boʻyicha faoliyat samaradorligi darajasi "yashil" deb topilgan ta’lim tashkilotlarining ijobiy ish tajribasi ommaviy aхborot vositalarida va ijtimoiy tarmoqlar orqali keng jamoatchilikka yetkazib boriladi;
"yashil" toifadagi ta’lim tashkilotlarining ijobiy ish tajribasini boshqa ta’lim tashkilotlariga joriy etish va ommalashtirish boʻyicha seminar-treninglar tashkil etish choralari koʻriladi.
14. Reyting natijalariga koʻra "yashil", "sariq" va "qizil" toifalarga kiruvchi ta’lim tashkilotlariga ushbu Nizomga 4-ilovada koʻrsatilgan namunadagi "farqlovchi belgi (logotip)" beriladi.
Bunda, "farqlovchi belgi (logotip)" ta’lim tashkiloti binosining old kirish qismiga va avtotransport vositalarining old/orqa oynasiga majburiy oʻrnatiladi.
Mazkur farqlovchi belgilar qat’iy hisobda turadi va reyting natijalaridan kelib chiqib ta’lim tashkilotlariga beriladi.
15. Ushbu Nizom talablarini buzishda aybdor shaхslar qonunchilik hujjatlarida belgilangan tartibda javob beradilar.
1-ILOVA
Avtomototransport vositalari haydovchilarini
tayyorlash, qayta tayyorlash va ularning malakasini
oshirishni amalga oshiruvchi ta’lim tashkilotlarining
reytingini aniqlash
SXEMASI
Bosqichlar |
Mas’ul organlar |
Tadbirlar |
Muddatlar |
|||
|
|
|
|
|
|
|
1-bosqich |
Ta’lim tashkilotlari |
Yagona avtomatlashtirilgan aхborot tizimiga ma’lumotlarni kiritadi.
|
Kunbay asosida |
|||
|
|
|
|
|
|
|
2-bosqich |
YHXX |
Yagona avtomatlashtirilgan aхborot tizimi orqali ta’lim tashkilotlarining imtihon natijalari hamda yoʻl-transport hodisalari, yoʻl harakati qoidabuzarliklari boʻyicha jarima ballari haqida ma’lumotlarni oladi.
|
Onlayn (real vaqt) rejimida |
|||
|
|
|
|
|
|
|
3-bosqich |
YHXX |
Reyting natijalariga koʻra ta’lim tashkilotlarini toifalarga ajratadi. |
Har yillik hisobot davri yakunidan keyingi oyning 25-sanasiga qadar
|
|||
|
|
|
|
|
|
|
4-bosqich |
YHXX |
Ta’lim tashkilotlarining ijobiy ish tajribasini boshqa ta’lim tashkilotlariga joriy etadi hamda reyting natijalarini ommaviy aхborot vositalarida yoritib boradi.
|
Har yillik hisobot davri yakunidan keyingi oyning 30-sanasiga qadar |
|||
2-ILOVA
Avtomototransport vositalari haydovchilarini
tayyorlash, qayta tayyorlash va ularning malakasini
oshirishni amalga oshiruvchi ta’lim tashkilotlarining
reytingini aniqlash mezonlari va hisoblash
METODIKASI
T/r |
Indikator nomi |
Ball |
Indikatorlar uchun ballarni hisoblash metodikasi
|
1. |
BB - ta’lim tashki-lotlari bitiruvchilar-ning imtihon natija-lariga koʻra ushbu Nizomning 3-ilovasiga muvofiq yigʻilgan ballari; |
30 ball |
Ta’lim tashkilotlari bitiruvchilarining sifat (salohiyati) quyidagi formula orqali aniqlanadi: I1= BB - ta’lim tashkilotlari bitiruvchilarning imtihon natijalari ballari. BS - ta’lim tashkilotlari bitiruvchilarining umumiy soni.
|
2. |
Ta’lim tashkilot-larida oʻqituvchilar-ning sifat (salohiyat) koʻrsatkichlari. |
10 ball |
Oʻqituvchilarning sifat (salohiyat) koʻrsatkichi quyidagi formula orqali aniqlanadi: I2= OʻFN - ta’lim tashkilotlarida toʻliq shtatda faoliyat yuritadigan fan nomzodi yoki undan yuqori ilmiy darajaga ega oʻqituvchilarning umumiy soni. OʻOM - ta’lim tashkilotlarida toʻliq shtatda faoliyat yuritadigan oliy ma’lumotga ega boʻlgan oʻqituvchilar soni; UOʻS - ta’lim tashkilotlarida toʻliq shtatda faoliyatadigan oʻqituvchilarning umumiy soni
|
3. |
BJ - ta’lim tashki-lotlari bitiruvchilar-ning haydovchilik guvohnomasiga ega boʻlgandan keyin yil yakuniga qadar yoʻl harakati qoidalariga amal qilmaslik holatlaridagi jarima ballari. |
30 ball |
Ta’lim tashkilotlari bitiruvchilarining yoʻl harakati qoidalariga amal qilish koʻrsatkichlari quyidagi formula orqali aniqlanadi: I3= BJ - ta’lim tashkilotlari bitiruvchilarning haydovchilik guvohnomasiga ega boʻlgandan keyin yil yakuniga qadar yoʻl harakati qoidalariga amal qilmaslik holatlaridagi jarima ballari BS - ta’lim tashkilotlari bitiruvchilarining umumiy soni.
|
4. |
BX - ta’lim tashki-lotlari bitiruvchi-larining aybdor sifatida koʻrsatilgan yoʻl transport hodisalari soni. |
30 ball |
Ta’lim tashkilotlari bitiruvchilarining aybdor sifatida koʻrsatilgan yoʻl transport hodisalaridagi ishtiroki jarima ballari quyidagi formula orqali aniqlanadi: I4= BH - ta’lim tashkilotlari bitiruvchilarining aybdor sifatida koʻrsatilgan yoʻl transport hodisalari soni. BS - ta’lim tashkilotlari bitiruvchilarining umumiy soni.
|
Umumiy ball
|
100 |
3-ILOVA
Ta’lim tashkilotlari bitiruvchilarining imtihon
natijalariga koʻra yigʻilgan ballar
JADVALI
Ta’lim tashkilotlari bitiruvchilarning imtihon natijalari |
Yigʻiladigan ball miqdori
|
I. Nazariy imtihonlar boʻyicha
|
|
Birinchi urinishda muvaffaqiyatli topshirsa
|
1 |
Ikkinchi urinishda muvaffaqiyatli topshirsa
|
0,8 |
Uchinchi urinishda muvaffaqiyatli topshirsa
|
0,6 |
Toʻrtinchi va undan koʻp martada muvaffaqiyatli topshirsa
|
0,4 |
II. Amaliy imtihonlar boʻyicha
|
|
Birinchi urinishda muvaffaqiyatli topshirsa
|
1 |
Ikkinchi urinishda muvaffaqiyatli topshirsa
|
0,8 |
Uchinchi urinishda muvaffaqiyatli topshirsa
|
0,6 |
Toʻrtinchi va undan koʻp urinishda muvaffaqiyatli topshirsa
|
0,4 |
4-ILOVA
Reyting natijalariga koʻra "yashil", "sariq" va
"qizil" toifalarga kiruvchi ta’lim tashkilotlariga
beriladigan "farqlovchi belgi (logotip)"lar
namunalari
Qonun hujjatlari ma’lumotlari milliy bazasi (www.lex.uz),
2022 yil 5 iyul