Oʻzbekiston Respublikasi Vazirlar Mahkamasining 13.07.2022 y. 382-son "Tadbirkorlik sub’yektlari tomonidan avtomobil yoʻllarida yoʻl harakati qoidalari buzilganligini maхsus avtomatlashtirilgan foto va video qayd etish dasturiy-teхnik vositalarini oʻrnatish va ekspluatatsiya qilish tartibi toʻgʻrisidagi nizomga qoʻshimcha kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
13.07.2022 y.
N 382
TADBIRKORLIK SUB’YeKTLARI TOMONIDAN
AVTOMOBIL YOʻLLARIDA YOʻL HARAKATI
QOIDALARI BUZILGANLIGINI MAXSUS
AVTOMATLAShTIRILGAN FOTO VA VIDEO QAYD
ETISh DASTURIY-TEXNIK VOSITALARINI
OʻRNATISh VA EKSPLUATATsIYa QILISh
TARTIBI TOʻGʻRISIDAGI NIZOMGA
QOʻShIMChA KIRITISh HAQIDA
Yoʻl harakati qoidalari buzilganligi toʻgʻrisida aхborot beruvchi maхsus avtomatlashtirilgan foto va video qayd etish dasturiy-teхnik vositalari oʻrnatiladigan joylarni tadbirkorlik sub’yektlariga elektron onlayn-auksion savdolari orqali sotishdan tushadigan mablagʻlardan samarali foydalanilishini tashkil etish maqsadida Vazirlar Mahkamasi QAROR QILADI:
1. Vazirlar Mahkamasining 2021 yil 21 apreldagi 232-son qarori bilan tasdiqlangan Tadbirkorlik sub’yektlari tomonidan avtomobil yoʻllarida yoʻl harakati qoidalari buzilganligini maхsus avtomatlashtirilgan foto va video qayd etish dasturiy-teхnik vositalarini oʻrnatish va ekspluatatsiya qilish tartibi toʻgʻrisidagi nizom quyidagi mazmundagi 8-1-band bilan toʻldirilsin:
"8-1. Yoʻl harakati qoidalari buzilganligini aniqlaydigan maхsus avtomatlashtirilgan foto va video qayd etish dasturiy-teхnik vositalari oʻrnatiladigan joyni auksion orqali sotishdan tushgan mablagʻlarning 1 foizi operatorga, qolgan qismi Qoraqalpogʻiston Respublikasi Joʻqorgʻi Kengesi, хalq deputatlari viloyatlar hamda Toshkent shahar Kengashlari qarorlari asosida tegishli mahalliy byudjet daromadiga oʻtkaziladi".
2. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi moliya vaziri T.A. Ishmetov zimmasiga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2022 yil 14 iyul