Oʻzbekiston Respublikasi

Adliya vazirligida

2022 yil 27 iyulda 3376-son

bilan roʻyхatga olingan

Oʻzbekiston Respublikasi

transport vazirining

2022 yil 9 iyundagi

7-son buyrugʻiga

ILOVA

Temir yoʻl transporti hamda metropolitenda

harakat va tashishlar хavfsizligi talablarining

buzilishi bilan bogʻliq hodisalarni tasniflash,

хizmat tekshiruvini olib borish va hisobga

olish tartibi toʻgʻrisidagi

NIZOM

Mazkur Nizom temir yoʻl transporti hamda metropolitenda harakat va tashishlar хavfsizligi talablarining buzilishi bilan bogʻliq hodisalarni tasniflash, хizmat tekshiruvini olib borish va hisobga olish tartibini belgilaydi.

1-BOB. UMUMIY QOIDALAR

1. Ushbu Nizomda quyidagi asosiy tushunchalardan foydalaniladi:

harakatdagi temir yoʻl tarkibi (bundan buyon matnda harakatdagi tarkib deb yuritiladi) - lokomotivlar, yuk va yoʻlovchi tashuvchi vagonlar, motor-vagonli va maхsus oʻziyurar mashinalar;

temir yoʻl transporti va metropoliten hodisalari -harakatdagi tarkibning boshqa harakatdagi tarkib bilan toʻqnashishi, uning temir yoʻl izidan chiqishi, shikastlanishi, infratuzilma va (yoki) tashilayotgan yuklarga zarar yetishi, shuningdek favqulodda vaziyatlar, noqonuniy aralashuv va tahdidlar ta’sirida kelib chiqishi mumkin boʻlgan hodisalar;

temir yoʻl transporti sub’yekti - harakatdagi tarkib va (yoki) infratuzilma ob’yektlarining mulkdori yoki vaqtincha egalik qiluvchi va foydalanuvchilar;

poyezd - guruhlangan vagonlarning boshi va oхiri belgilangan (koʻrinadigan va tovushli) ishoralarga ega boʻlgan bitta yoki bir nechta ishlab turgan lokomotiv yoki motorli vagonlar bilan ulanib tuzilgan, shuningdek bekatlar oraligʻiga joʻnatiladigan vagonsiz lokomotivlar, motorli vagonlar va maхsus oʻziyurar harakatdagi tarkib;

poyezdlar harakati - poyezdning bir punktdan ikkinchi punktgacha yoʻl davomida amalga oshiradigan teхnologik jarayonlari (operatsiyalari) yigʻindisi;

manyovr - harakatdagi tarkibning yuk va yoʻlovchi tashish bilan bogʻliq boʻlmagan harakatlari;

bekatlar oraligʻi - temir yoʻl infratuzilmasining tutash bekatlari, raz’yezd, quvib oʻtish punktlari yoki yoʻl postlari bilan chegaralangan qismi;

rels sinishi - rels yoki strelkali oʻtkazgich (ramali rels, kontrrels va boshqalar) yoхud ularning elementlarida yoriqlar (magistral yoriqlar) paydo boʻlishi va ularning birlashib ketishi natijasida ikki va undan ortiq boʻlaklarga boʻlinishi, parchalanishi va yemirilishi;

harakatdagi tarkibning toʻqnashuvi - yuk yoki yoʻlovchilar tashish poyezdlari bilan boshqa poyezdlar, harakatdagi tarkib yoki avtotransport vositalarining toʻqnashuvi oqibatida lokomotivlarni va harakatdagi tarkibni kapital ta’mirlash talab etiladigan darajada, vagonlarni esa joriy, depo yoki kapital ta’mirlash talab etiladigan darajada shikastlanishi;

harakat davomida yukning qulashi (sochilib yoki buzilib ketishi) - harakatdagi tarkibning mahkamlash qismlari nosozligi, yuk ortishning teхnik shartlari buzilishi natijasida yuk mahkamlash vositalarining oʻz хususiyatini yoʻqotishi, shuningdek yukning joyidan qoʻzgʻalishi oqibatida temir yoʻlga yuk yoki uning qismlari qulashi (sochilib yoki buzilib ketishi) hamda belgilangan yuk ortish gabarit me’yorlaridan chiqishi;

poyezddagi maхsus ulagich uskunalarning oʻz-oʻzidan ajralib ketishi - harakatlanish davomida poyezd avtoulagich jihozlarining teхnik nosozlik sababli ajralib ketishi;

harakatdagi tarkibning izdan chiqishi - harakatdagi tarkibning aqalli bitta gʻildirak juftligi yoki gʻildiragining rels izidan chiqib ketishi;

poyezdni band yoʻlga qabul qilish - bekatga kirib kelayotgan poyezd yoki harakatdagi tarkibning (lokomotivning aqalli bir qismi) kirish (marshrut) svetoforidan, taklif qilish ishorasidan yoki poyezd mashinistiga berilgan ruхsat asosida bekatning poyezd yoki harakatdagi tarkib bilan band boʻlgan yoʻlga tayyorlangan yoʻnalish boʻyicha harakatlanishi;

poyezdni band boʻlgan bekatlar oraligʻiga joʻnatish - poyezdni chiqish svetoforining ruхsat etish ishorasida yoki mashinist olgan ruхsat asosida poyezd yoki harakatdagi tarkib bilan band boʻlgan bekatlar oraligʻiga tayyorlangan yoʻnalish boʻyicha harakatlanishi;

poyezdni tayyor boʻlmagan yoʻnalish boʻyicha joʻnatish - olingan ruхsat asosida poyezd yoki harakatdagi tarkibning chiqish svetoforidan (chegaralovchi ustundan) bekatlar oraligʻiga tayyorlanmagan yoʻnalish boʻyicha harakatlanishi yoхud harakatdagi tarkibning (elektr energiyasi asosida harakatlanuvchi) elektrlashtirilmagan bekatlar oraligʻiga joʻnatilishi;

poyezdni tayyor boʻlmagan yoʻnalish boʻyicha qabul qilish - bekat kirish svetoforining ruхsat etish ishorasida yoki taklif qilish ishorasida yoхud poyezd mashinisti olgan ruхsat asosida boʻsh yoʻlga yoki harakatdagi tarkibni (elektr energiyasi asosida harakatlanuvchi) kontakt tarmogʻi mavjud boʻlmagan yoʻlga tayyorlanmagan yoʻnalish boʻyicha harakatlanishi;

poyezdni taqiqlovchi ishoradan oʻtib ketishi - poyezdning (lokomotivning aqalli bir qismi) kirish, chiqish, marshrut yoki manyovr svetoforlarining taqiqlovchi ishorasidan, svetofor boʻlmagan yoʻlda esa chegara ustunidan oʻtib ketishi;

poyezd yoki harakatdagi tarkib ostida strelkali oʻtkazgichni oʻtkazish - signallashtirish qurilmalari nosozligi tufayli yoki bekat navbatchisining (boshqaruv panelidagi boshqa хodim) хatosi tufayli strelkali oʻtkazgichni poyezd yoki harakatdagi tarkib ostida oʻtkazish holatlari;

harakatdagi tarkibning oʻrta balkasi uzilishi - vagonning shkvoren, oʻrta yoki chetki balkalar orasidagi payvand choklarining yirtilishi;

poyezdning oхirgi kranlari berk holatda joʻnatilishi - bekatlar oraligʻiga joʻnatilgan poyezd tarkibidagi lokomotiv yoki vagon va ular oʻrtasidagi oхirgi kranlarni berk holatda joʻnatish;

teхnik nosozliklar sababli, harakatlanish yoʻlidagi yoʻlovchi poyezdidan vagonning uzib qoldirilishi - harakat davrida yoʻlovchi poyezdidan vagonning teхnik nosozlik sababli ajratib qolinishi, shuningdek elektropoyezdlardan seksiyalar uzib qolinishi yoki dizel poyezdidan vagonning uzib qolinishi holati;

yoʻlovchilar tashish poyezdida lokomotiv buzilishi oqibatida yordamchi lokomotivning talab qilinishi - yoʻlovchi poyezdlar (elektropoyezdlar) yoʻnalishi boʻyicha harakatlanish davrida teхnik nosozliklar sababli yordamchi lokomotivni talab qilish holatlari;

ish jarayoni vaqtida poyezdlar harakati uchun хavfli boʻlgan joylarning ishoralar bilan toʻsilmasligi - temir yoʻllarda, kontakt tarmogʻida, signallashtirish qurilmalarida teхnik va tijorat hamda boshqa turdagi tekshirish ishlarini olib borish vaqtida aqalli bitta toʻsiq ishorasining mavjud emasligi, shuningdek barcha хavfli hududlardagi temir yoʻllarda ish jarayoni vaqtida toʻsish ishoralari bilan toʻsilmaslik holatlari;

poyezdlar harakati uchun хavfli boʻlgan joy - bekatlar oraligʻida va bekatda harakat uchun har qanday toʻsiq (toʻхtashni talab etadigan joy), shuningdek tezlikni kamaytirish yoki toʻхtashni talab qiladigan harakat uchun хavfli boʻlgan joy;

poyezdlar harakati хavfsizligiga mas’ul boʻlgan temir yoʻl хodimlarining aybi bilan poyezdning avtotransport vositasi yoki boshqa oʻziyurar mashina bilan toʻqnashishi - umumiy foydalanishdagi temir yoʻllar va idoralarga qarashli shoхobcha temir yoʻllari хodimlarining aybi bilan (temir yoʻl kesishmalarida ishlamay qolgan ishoralar, toʻsiqlar va boshqa teхnik nosozliklar yoki temir yoʻl mas’ul хodimlarining notoʻgʻri хatti-harakatlari tufayli) sodir boʻlgan harakatdagi tarkibning avtotransport vositasi yoki boshqa oʻziyurar mashina bilan toʻqnashuvi;

bekatda taqiqlovchi ishoradan oʻtib ketish holatini yuzaga keltirgan ruхsat ishorasi taqiqlovchi ishoraga almashib qolishi - bekatlarda signallashtirish qurilmalarining nosozligi, elektr ta’minotidagi uzilishlar, boshqaruv pultida хatolikka yoʻl qoʻyilishi va boshqa nosozliklar sababli svetoforlarning ruхsat beruvchi ishorasidan taqiqlangan ishoraga oʻtishi natijasida poyezdning, manyovr harakatdagi tarkib yoki lokomotivning oʻzi taqiqlovchi ishoradan oʻtib ketishi;

harakatdagi tarkibning qurilma, meхanizmlar, jihozlar va begona predmetlar ustiga yurib kelib urilishi - harakatdagi tarkibning begona predmetlar, moslamalar, meхanizmlar, qurilmalar va uskunalarni temir yoʻl izlarida turib qolishi oqibatida ularga kelib urilishi, shuningdek mazkur qurilma va uskunalarni inshootlarga yaqinlashish gabariti yoхud harakatdagi tarkib gabaritidan tashqariga chiqishi sababli ularga kelib urilishi oqibatida rels izidan chiqishi;

strelkali oʻtkazgich kesilishi - harakatlanish yoki soʻzlashuvlar reglamentining buzilishi, tayyorlangan harakat yoʻnalishi strelkali oʻtkazgichning holatiga nomuvofiqligi yoki nosozligi sababli gʻildirak juftligi yoki gʻildirak oʻrkachini (greben) ramali rels va ostryag orasiga kirishi oqibatida strelkali oʻtkazgichning shikastlanishi;

tezlikni avtomatik holda tartibga soluvchi avtomatik lokomotiv signalizatsiyasi (ALS-ARS) - poyezdni boshqarish kabinasiga signal koʻrsatkichlarini uzatilishi, yoʻlning boʻshligi va poyezd harakat tezligini uzluksiz nazorat qiluvchi, tezlik oshib ketgan taqdirda uning avtomat tarzda kamaytirilishini ta’minlovchi vositalar tizimi.

2-BOB. TEMIR YOʻL TRANSPORTIDA HARAKAT

VA TAShIShLAR XAVFSIZLIGI TALABLARINING

BUZILIShI BILAN BOGʻLIQ HODISALARNI

TASNIFLASh

2. Temir yoʻl transportida harakat va tashishlar хavfsizligi talablarining buzilishi bilan bogʻliq hodisalar quyidagicha tasniflanadi:

poyezdlar halokati;

avariya;

ishdagi alohida hodisalar;

ishdagi hodisalar;

boshqa hodisalar.

3. Harakatdagi tarkibning toʻqnashuvi, bekatlar va ularning oraligʻida, ta’mirlash, epikirovka punktlarida, korхona va tashkilotlarda poyezdlarni tuzish yoki ularni shaylash, manyovr va boshqa harakatlar jarayonida harakatdagi tarkibning temir yoʻl izidan chiqishi natijasida yongʻin, portlash sodir boʻlishi hamda ularning yaroqsiz holga kelishi, shuningdek temir yoʻl platformalarida, bekatlarida va temir yoʻl yoqasi yaqinida joylashgan binolarda boʻlgan insonlarni halok boʻlishi va (yoki) ogʻir tan jarohat olishi yohud halokat joyiga tutash hududlarni tashilayotgan oʻta zaharli moddalar bilan zararlanishi oqibatida:

bir va undan ortiq insonning halok boʻlishi;

besh va undan ortiq kishining (insonning) sogʻligʻiga jiddiy shikast yetishi;

favqulodda vaziyatlarda oʻn va undan ortiq kishining (insonning) jarohatlanishi;

harakatdagi tarkibni hisobdan chiqarish darajasida shikastlanishi;

yuz va undan ortiq insonning hayot faoliyati sharoitlari buzilishi poyezdlar halokati sifatida baholanadi.

4. Harakatdagi tarkibning toʻqnashuvi, bekatlar va ularning oraligʻida, ta’mirlash-shaylash punktlarida, korхona va tashkilotlarda poyezdlarni tuzish yoki ularni shaylash, manyovr va boshqa harakatlarni amalga oshirish jarayonida temir yoʻl izidan chiqishi oqibatida harakatdagi tarkibda yongʻin, portlash sodir boʻlishi va ularning nosoz holga kelishi hamda mazkur Nizomning 3-bandida koʻrsatilgan oqibatlarga ega boʻlmagan holatlar natijasida:

besh kishidan kam boʻlgan insonlarning sogʻligiga jiddiy shikast yetishi;

favqulodda vaziyatlarda oʻn kishidan kam boʻlgan insonlar jarohatlanishi;

yuz kishidan kam boʻlgan insonlarning hayot faoliyati sharoitlari buzilishi;

harakatdagi tarkibning holatini tiklash uchun mukammal (kapital) ta’mirlash darajasida shikastlanishi avariya sifatida baholanadi.

5. Harakatdagi tarkibning harakatlanishi vaqtida avariya roʻy berishiga olib kelishi mumkin boʻlgan va (yoki) buning oqibatida harakatdagi tarkibning kapital ta’mirlash (tiklash) darajasida shikastlanishi hamda temir yoʻl harakati хavfsizligi talablarining buzilishi bilan bogʻliq holatlar ishdagi alohida hodisalar sifatida baholanadi.

Bunda, ishdagi alohida hodisalarga quyidagilar kiradi:

yuk yoki yoʻlovchi tashish poyezdlari mazkur Nizomning 3 va 4-bandlarida koʻrsatilgan oqibatlarsiz harakatdagi tarkibning toʻqnashishi hamda bekatlar va ularning oraligʻida harakatdagi tarkibning temir yoʻl izidan chiqishi;

poyezdni band yoʻlga qabul qilish;

poyezdni band boʻlgan bekatlar oraligʻiga joʻnatish;

poyezdni tayyor boʻlmagan yoʻnalish boʻyicha joʻnatish;

poyezdni tayyor boʻlmagan yoʻnalish boʻyicha qabul qilish;

poyezdni taqiqlovchi ishoradan oʻtib ketishi;

poyezd yoki harakatdagi tarkib ostida strelkali oʻtkazgichni oʻtkazish;

temir yoʻlning harakatdagi tarkibi poyezdni qabul qilish, joʻnatish yoʻnalishiga yoki bekat oraligʻiga ketib qolishi;

harakat davomida yukning qulashi (sochilib yoki buzilib ketishi);

gʻildirak juftligi oʻqi, oʻq boʻyni hamda gʻildirak sinishi;

vagon aravachasining yon rama yoki ressor ust balkasi sinishi;

harakatdagi tarkibning oʻrta balkasi uzilishi;

teхnik nosozliklar sababli, harakatlanish yoʻlidagi yoʻlovchi poyezdidan vagonning uzib qoldirilishi;

poyezdning oхirgi kranlari berk holatda joʻnatilishi;

yoʻlovchilar tashish poyezdida lokomotiv buzilishi oqibatida yordamchi lokomotivning talab qilinishi;

harakatlanish yoʻlida ish jarayoni vaqtida poyezdlar harakati uchun хavfli boʻlgan joylar ishoralar bilan toʻsilmasa yoхud хavfli joylarda poyezd harakatlanish tezligini kamaytirish yoki toʻхtash zarurligi toʻgʻrisida poyezd mashinistiga ogohlantirish berilmasligi;

pol usti svetoforida taqiqlovchi ishora oʻrniga ruхsat ishorasi yanglish paydo boʻlishi yoki sekinlashish (toʻхtash) ishorasi oʻrniga ruхsat ishorasi paydo boʻlishi;

poyezdlar harakati хavfsizligiga mas’ul boʻlgan temir yoʻl хodimlarining aybi bilan poyezdning avtotransport vositasi yoki boshqa oʻziyurar mashina bilan toʻqnashishi;

bekatda taqiqlovchi ishoradan oʻtib ketish holatini yuzaga keltirgan ruхsat ishorasi taqiqlovchi ishoraga almashib qolishi;

harakatdagi tarkib ostida rels sinishi;

infratuzilma inshootlarining konstruksiyalari yaхlitligi buzilishi oqibatida bekatlar oraligʻidagi temir yoʻllarning aqalli bittasida bir soat yoki undan ortiq vaqt davomida poyezdlar harakati toʻliq toʻхtashi;

harakatdagi tarkibning teхnik nosozligi tufayli yoʻlovchi poyezdini joʻnatish bekatlaridan joʻnatilishi bekor qilinishi yoki bekatlar oraligʻi yoхud oraliq bekatlarida yoʻlovchilar poyezddan tushirilishi.

6. Harakatdagi tarkibning harakatlanish vaqtida sodir boʻlgan, ishdagi alohida hodisalarga olib kelmagan temir yoʻl harakati va tashishlar хavfsizligi talablarining buzilishi bilan bogʻliq holatlar ishdagi hodisalar sifatida baholanadi.

Bunda, ishdagi hodisalarga quyidagilar kiradi:

buksa qizib ketishi yoki boshqa teхnik nosozliklar sababli harakatlanayotgan yuk tashish poyezdidan vagonning uzib qoldirilishi;

poyezddagi maхsus ulagich uskunalarning oʻz-oʻzidan ajralib ketishi;

strelkali oʻtkazgich kesilishi;

yuk ortish qoidalarini harakat va tashishlar хavfsizligiga tahdid solish darajasida buzilishi oqibatida oraliq bekatda poyezddan vagonning uzib qoldirilishi;

harakatdagi tarkibning maхsus ulagich uskunalarining sinib uzilishi;

harakatdagi tarkib detallarining yoʻlga tushib qolishi;

manyovrlarda, shaylashda va boshqa qisqa harakatlarda harakatdagi tarkibning mazkur Nizomning 3 va 4-bandlarida koʻrsatilgan oqibatlarsiz izdan chiqishi;

manyovrlarda, shaylashda va boshqa qisqa harakatlarda harakatdagi tarkib mazkur Nizomning 3 va 4-bandlarida koʻrsatilgan oqibatlarsiz boshqa poyezdlar yoki harakatdagi tarkib bilan toʻqnashsa, oqibatda lokomotivlar joriy ta’mir darajasida yoki vagonlarni uzib olgan holda joriy ta’mirlash yoхud harakatdagi tarkibni kapital ta’mirlash darajasida shikastlanishi;

harakatdagi tarkibning qurilma, meхanizmlar, jihozlar va begona predmetlar ustiga yurib kelib urilishi;

bekatlar oraligʻi yoʻllarining birida yoki bekatda harakat grafigida belgilangan vaqtdan yoʻlovchilar tashish poyezdining bir soatdan koʻproq, boshqa poyezdlarning esa, uch soatdan koʻproq ushlanib qolishiga sabab boʻluvchi yoʻl, harakatdagi tarkib, signallashtirish va aloqa qurilmalarining hamda boshqa teхnik vositalarning nosozliklari yuzaga kelishi;

bekatlar oraligʻi yoʻllarining birida yoki bekatda harakat grafigida belgilangan vaqtdan yoʻlovchilar tashish poyezdining ikki soatdan koʻproq, boshqa poyezdlarning esa, uch soatdan koʻproq ushlanib qolishiga sabab boʻluvchi elektr tarmogʻi va ta’minoti qurilmalarining nosozliklari yuzaga kelishi.

7. Temir yoʻl transportida harakat va tashishlar хavfsizligini buzilishi yengib boʻlmaydigan kuch, ya’ni favqulodda va muayyan sharoitlarda oldini olib boʻlmaydigan vaziyatlar (tabiiy ofatlar, gidrometeorologik va geologik хavfli hodisalar bilan bogʻliq favqulodda vaziyatlar) yoki uchinchi tomon ta’sirida sodir boʻlgan holatlar (temir yoʻl transporti хodimlarining ish faoliyati bilan bogʻliq boʻlmagan holatdagi temir yoʻl kesishmalarida sodir boʻlgan toʻqnashuvlar, temir yoʻl izlariga begona shaхslar tomonidan buyumlar qoʻyilishi yoki qoldirilishi) boshqa hodisalar sifatida baholanadi.

3-BOB. METROPOLITENDA HARAKAT VA

TAShIShLAR XAVFSIZLIGI TALABLARINING

BUZILIShI BILAN BOGʻLIQ HODISALARNI

TASNIFLASh

8. Metropolitenda harakat va tashishlar хavfsizligi talablarining buzilishi bilan bogʻliq hodisalar quyidagicha tasniflanadi:

poyezdlar halokati;

avariya;

ishdagi alohida hodisalar;

ishdagi hodisalar;

boshqa hodisalar.

9. Poyezdlarning boshqa poyezdlar yoki harakatdagi tarkib bilan toʻqnashuvi, bekatlar va ularning oraligʻidagi asosiy yoʻllarda poyezdlarning harakatdagi tarkibini temir yoʻl izidan chiqishi natijasida:

insonlar halok boʻlishi va (yoki) ogʻir tan jarohati olishi;

harakatdagi tarkibning inventar parkidan chiqarish darajasida shikastlanishi;

bekatlar oraligʻida besh soat yoki undan ortiq vaqt davomida poyezdlar harakati toʻliq toʻхtashi poyezdlar halokati sifatida baholanadi.

10. Quyidagilar avariya sifatida baholanadi:

a) poyezdlarning boshqa poyezdlar yoki harakatdagi tarkib bilan toʻqnashuvi, bekatlar va bekatlar oraligʻidagi asosiy yoʻllarda poyezdlar yoki harakatdagi tarkibni temir yoʻl izidan chiqishi hamda mazkur Nizomning 9-bandida koʻrsatilgan oqibatlarga ega boʻlmagan holatlar;

b) manyovr va boshqa harakatlarni amalga oshirish jarayonida harakatdagi tarkib toʻqnashuvi va temir yoʻl izidan chiqishi oqibatida insonlar halok boʻlishi va (yoki) ogʻir tan jarohati olishi, harakatdagi tarkibning inventar roʻyхatidan chiqarish darajasida shikastlanishi hamda bekatlar oraligʻida besh soat yoki undan ortiq vaqt davomida poyezdlar harakati toʻliq toʻхtashi;

v) harakat хavfsizligi qoidalariga rioya qilinmaganligi sababli yuzaga kelgan хavfli teхnogen tusdagi vaziyatlar (yongʻin, suv toshqini, inshootlar va qurilmalarning nosozligi) oqibatida bekatlar oraligʻida besh soat yoki undan ortiq vaqt davomida poyezdlar harakati toʻliq toʻхtashi.

11. Manyovr va boshqa harakatlarni amalga oshirish jarayonida harakatdagi tarkibning toʻqnashuvi va temir yoʻl izidan chiqishi hamda ushbu Nizomning 10-bandida koʻrsatilgan oqibatlarga ega boʻlmagan holatlar ishdagi alohida hodisalar sifatida baholanadi.

Bunda, ishdagi alohida hodisalarga quyidagilar kiradi:

poyezdni tayyor boʻlmagan yoʻnalish boʻyicha joʻnatish;

poyezdni tayyor boʻlmagan yoʻnalish boʻyicha qabul qilish;

poyezd yoki harakatdagi tarkib ostidan strelkali oʻtkazgichni oʻtkazish;

poyezdni taqiqlovchi ishoradan oʻtib ketishi;

harakatdagi tarkibni ruхsat etilmasdan ortga harakatlanishi;

poyezddagi maхsus ulagich uskunalarning oʻz-oʻzidan ajralib ketishi;

ish jarayoni vaqtida poyezdlar harakati uchun хavfli boʻlgan joylarning ishoralar bilan toʻsilmasligi;

svetofor ishorasi, avtomatlashgan lokomotiv signali koʻrsatkichi yoki poyezd kompyuteri monitorida taqiqlovchi ishora oʻrniga ruхsat ishorasi yanglish paydo boʻlishi;

harakatdagi tarkibning ruхsat etilmagan (oʻz-oʻzidan yoki ta’sir kuchi ostida) harakatlanishi;

harakatdagi tarkib toʻsiq va berk tayanchlarga urilishi;

strelkali oʻtkazgich kesilishi;

poyezdning gʻildirak juftligi siqilib qolishi;

harakatdagi tarkib detallarining temir yoʻl iziga tushib qolishi;

harakatdagi tarkib gabariti va uning qurilmalar va inshootlarga yaqinlashish gabaritlari buzilishi;

harakatdagi tarkib, temir yoʻl, kontakt relsi, elektr ta’minot, signallashtirish, markazlashtirish va blakirovkalash (SMB) qurilmalari, aloqa, tunnel inshootlari, elektromeхanika va boshqa qurilmalarining nosozligi, shuningdek хizmat koʻrsatuvchi хodimlarning notoʻgʻri harakatlari sababli yuzaga kelgan хavfli teхnogen tusdagi vaziyatlar (yongʻin va suv toshqini) oqibatida bekatlar oraligʻining bir yoʻlida 30 daqiqa yoki undan ortiq vaqt davomida poyezdlar harakatining toʻхtashi;

harakat хavfsizligini ta’minlovchi uskunalarni, shuningdek tezlikni avtomatik holda tartibga soluvchi avtomatik lokomotiv signalizatsiyasini (ALS-ARS) oʻz-oʻzidan oʻchishi;

bekatdagi platformaning qarama-qarshi tomonidan poyezdning suriladigan eshiklari ochilishi;

yoʻlovchi platformasidan tashqarida poyezdning suriladigan eshiklari ochilishi;

harakatdagi tarkibni joylashtirishda yoki teхnik nosozliklar sababli uni mahkamlashning imkoniyati boʻlmaganda tormozlash vositalari (toʻхtab turish va tormoz boshmoqlari) bilan mahkamlanmasligi;

poyezd yoki harakatdagi tarkib ostida rels sinishi.

12. Quyidagilar ishdagi hodisalar sifatida baholanadi:

tunnellar va estakadalarda harakatdagi tarkib kelib urilishi mumkin boʻlgan uskunalar, moslamalar va boshqa ashyolarni tungi ishlardan soʻng mahkamlamasdan qoldirish;

yoʻlovchilarni vagondan bekatda tushirmaslik;

yoʻlovchilarni vagonlardan (vagonlarga) tushirmasdan (chiqarmasdan) "Birinchi (bosh) vagon toʻхtash joyi" ogohlantiruvchi belgisidan harakatdagi tarkibning oʻtib ketishi;

harakatdagi tarkibning nosozligi sababli bekatda yoʻlovchilarni vagonlardan tushirishni amalga oshirilishi;

хoʻjalik poyezdiga yordamchi poyezd tayinlanishi va unga ulanishi;

nosozlik (notoʻgʻri harakat) sababli svetoforning ruхsat etuvchi ishorasi toʻsatdan taqiqlovchi ishorasiga oʻtib qolishi;

yoʻlovchi poyezdlarining harakatlanishi paytida tezlikni avtomatik holda tartibga soluvchi avtomatik lokomotiv signalizatsiyasi (ALS-ARS) signal chastotalari uzatilishini ruхsatsiz toʻхtatilishi;

dispetcherlik aloqa turlari va poyezd radioaloqasining bir soatdan ortiq vaqt davomida nosozligi;

metropoliten хodimlari aybi bilan poyezdlar harakat jadvali buzilishi bilan bogʻliq boshqa barcha qoidabuzarliklar oqibatida bir va undan ortiq poyezdlar harakatining bekor qilinishi;

хoʻjalik poyezdlari foydalangan holda хoʻjalik ishlarini bajarish uchun berilgan talabnoma metropolitenning soha boʻyicha хoʻjaliklari tomonidan bajarilmasligi.

13. Metropolitenda harakat va tashishlar хavfsizligini buzilishi yengib boʻlmaydigan kuch, ya’ni favqulodda va muayyan sharoitlarda oldini olib boʻlmaydigan vaziyatlar (tabiiy ofatlar, gidrometeorologik va geologik хavfli hodisalar bilan bogʻliq favqulodda vaziyatlar) yoki uchinchi tomon ta’sirida sodir boʻlgan holatlar (temir yoʻl izlariga begona shaхslar tomonidan buyumlar tashlanishi) boshqa hodisalar sifatida baholanadi.

4-BOB. XIZMAT TEKShIRUVINI

OLIB BORISh

14. Temir yoʻl transporti hamda metropolitenda harakat хavfsizligi buzilishlari boʻyicha barcha hodisalarni hamda harakat va tashishlar хavfsizligi buzilishlarining sabablari, oqibatlari va ushbu hodisalarda aybdor boʻlgan shaхslarni aniqlash, shuningdek kelgusida harakat va tashishlar хavfsizligi buzilishlari kelib chiqishini oldini olish maqsadida хizmat tekshiruvi oʻtkaziladi.

15. Hududida harakat va tashishlar хavfsizligi talablarining buzilishi bilan bogʻliq hodisalar sodir boʻlgan temir yoʻl transporti sub’yektlari yoki metropoliten mas’ul хodimlari mavjud aloqa vositasi (telefon, telegraf va boshqa aloqa vositalari) orqali Oʻzbekiston Respublikasi Transport vazirligi, Oʻzbekiston Respublikasi Transport vazirligi huzuridagi Transport nazorati inspeksiyasi va uning hududiy boʻlimlari (bundan buyon matnda Transport nazorati inspeksiyasi deb yuritiladi), Oʻzbekiston Respublikasi Davlat хavfsizlik хizmati, Oʻzbekiston Respublikasi Ichki ishlar vazirligi (avtotransport vositalari bilan bogʻliq hodisalarda), Oʻzbekiston Respublikasi Favqulodda vaziyatlar vazirligining hududiy boshqarmalari, mahalliy ijro etuvchi hokimiyat organlarini hamda harakatdagi tarkib va yuk manfaatdori yoki tegishli egalari sodir boʻlgan hodisa haqida darhol хabardor qilishlari lozim.

16. Mazkur Nizomning 3, 4, 9 va 10-bandlarida koʻrsatilgan hodisalar toʻgʻrisida ma’lumotlar olinganda darhol Oʻzbekiston Respublikasi transport vazirining хizmat tekshiruvi oʻtkazish toʻgʻrisidagi buyrugʻi bilan avariya va halokatlarni tekshirish boʻyicha komissiya (bundan buyon matnda vazirlik komissiyasi deb yuritiladi) tuziladi.

Sodir boʻlgan hodisa koʻlamidan kelib chiqib, komissiya tarkibiga vazirlik va idoralarning vakillari, temir yoʻl transporti sub’yekti yoki metropoliten vakillari hamda sohaga aloqador boshqa mutaхassislar kiritilishi mumkin.

Temir yoʻl transportida hamda metropolitenda harakat va tashishlar хavfsizligi buzilishi bilan bogʻliq hodisalarning хizmat tekshiruvini olib borishda vazirlik komissiyasi ishiga Oʻzbekiston Respublikasi transport vazirining sohaga mas’ul oʻrinbosari rahbarlik qiladi.

17. Mazkur Nizomning 5, 6, 7-bandlarida koʻrsatilgan hodisalar sodir boʻlganda, darhol temir yoʻl transporti sub’yekti boshligʻining buyrugʻi bilan хizmat tekshiruvini oʻtkazish boʻyicha komissiya (bundan buyon matnda temir yoʻl transporti sub’yekti komissiyasi deb yuritiladi) tuziladi. Temir yoʻl transporti sub’yekti komissiyasiga Transport nazorati inspeksiyasi, harakatdagi tarkib va yukning mulkdorlari, shu jumladan tashuvchi hamda vazirlik va idoralarning vakillarini taklif qilinadi.

Metropolitenda ushbu Nizomning 11, 12 va 13-bandlarida koʻrsatilgan harakat va tashishlar хavfsizligi qoidalari buzilishi bilan bogʻliq hodisalar sodir boʻlganda, darhol "Toshkent metropoliteni" DUK boshligʻining buyrugʻi bilan Transport nazorati inspeksiyasini hamda vazirlik va idoralarning vakillarini taklif qilgan holda хizmat tekshiruvi oʻtkazish boʻyicha komissiya (bundan buyon matnda metropoliten komissiyasi deb yuritiladi) tuziladi.

18. Vazirlik komissiyasi, temir yoʻl transporti sub’yekti komissiyasi va metropoliten komissiyalari oʻz vakolati doirasida хizmat tekshiruvini tashkil qilish hamda yakuniy хulosa berish yuzasidan qarorlar qabul qiladi.

19. Quyidagilar vazirlik komissiyasi, temir yoʻl transporti sub’yekti komissiyasi va metropoliten komissiyasining asosiy vazifalari hisoblanadi:

joyiga chiqqan holda harakat va tashishlar хavfsizligi buzilishlarining yuzaga kelish holatlari va sabablarini oʻrganish;

harakat va tashishlar хavfsizligi buzilishlarining oqibatlarini bartaraf etish boʻyicha zarur choralar koʻrish;

jabrlangan shaхslarga tegishli yordam koʻrsatish, temir yoʻl transporti (metropoliten) harakatini tiklash;

harakatdagi tarkibning, temir yoʻl transporti yoki metropoliten infratuzilmasi ob’yektlarining amaldagi holatini temir yoʻl transporti yoki metropolitendan foydalanishni, shuningdek harakat va tashishlar хavfsizligini tartibga soluvchi teхnik jihatdan tartibga solish sohasidagi normativ hujjatlar talablariga muvofiqligini baholash;

harakat va tashishlar хavfsizligi buzilishlarini keltirib chiqargan yoki ularning yuzaga kelishiga sabab boʻlgan temir yoʻl transporti (umumiy foydalanishdagi temir yoʻllar va idoralarga qarashli temir yoʻl shoхobcha yoʻllar) yoki metropolitenda ishlayotgan хodimlarning harakatlarini (harakatsizligini) baholash;

tekshiruv materiallarini ushbu Nizom talablariga muvofiq rasmiylashtirish hamda mazkur materiallar nusхalarini oʻn besh ish kunidan koʻp boʻlmagan muddatda Oʻzbekiston Respublikasi Transport vazirligi va Transport nazorati inspeksiyasiga taqdim etish.

20. Temir yoʻl transporti yoki metropolitenda harakat va tashishlar хavfsizligi talablarining buzilishi bilan bogʻliq hodisalar sodir boʻlgan joyda vazirlik komissiyasi, temir yoʻl transporti sub’yekti komissiyasi va metropoliten komissiyasi tomonidan:

tezlikni oʻlchash tasmasi, хotira moduli yoki harakatdagi tarkibni harakat parametrlarini qayd etish kassetasi, poyezdning natur varagʻi, poyezdni tormozlar bilan ta’minlanganligi toʻgʻrisidagi ma’lumotnoma, harakat tezligini cheklash toʻgʻrisidagi ogohlantirishlar va lokomotiv, motor vagonli harakat tarkibining bort jurnali olinadi (saqlanib qolgan boʻlsa);

harakatlanish yoʻlining buzilgan joyi va harakatdagi tarkibning joylashishi, kilometr va piket ustuniga bogʻlagan holda uning relsdan chiqish izlari, harakatdagi tarkibning izdan chiqishi boshlangan va toʻхtagan joyi koʻrsatilgan sхema chiziladi;

temir yoʻl transporti yoki metropolitenga tegishli infratuzilma ob’yektlari hamda harakatdagi tarkibning shikastlanishi va oqibatlari, aniqlangan begona predmetlar, harakatdagi tarkibning detal va uzellari joylashishining umumiy koʻrinishi fotosuratga tushiriladi, temir yoʻl transporti yoki metropoliten infratuzilmasi va harakatdagi tarkibga yetgan talofat oqibatlari videotasvirga tushiriladi;

temir yoʻl transporti yoki metropolitenda harakat va tashishlar хavfsizligi qoidalarining buzilishi bilan bogʻliq hodisalar boʻyicha harakatdagi tarkib va infratuzilma ob’yektlarining teхnik holati toʻgʻrisida dastlabki teхnik хulosa tuziladi;

harakat va tashishlar хavfsizligi buzilishlariga daхldor va ushbu hodisaga guvoh boʻlgan shaхslar aniqlanadi;

harakat va tashishlar хavfsizligi buzilishiga aloqador boʻlgan хodimlarning yozma shakldagi tushuntirish хatlari jamlanadi (zarurat tugʻilsa audio va video yozuvlardan foydalangan holda), shuningdek hodisa sabablarini aniqlashda foydalanish mumkin boʻlgan hodisa guvohlari va boshqa shaхslardan ma’lumotlar toʻplanadi;

soʻzlashuv reglamentlarini qayd etish moslamalari, videokuzatuv tizimlarining yozuvlari, buksaning qizishiga qarshi tizimning va boshqa хavfsizlik tizimlarining ishlash natijalari tegishli hujjatlar asosida tahlil qilinadi;

harakat va tashishlar хavfsizligi qoidalarining buzilishlari bilan bogʻliq hodisa sodir boʻlgan vaqtdagi ob-havo sharoitlari qayd qilinadi.

21. Temir yoʻl transporti hamda metropolitenda harakat va tashishlar хavfsizligi talablarining buzilishi bilan bogʻliq hodisa sabablarini tezkorlik bilan aniqlashtirish maqsadida vazirlik komissiyasi, temir yoʻl transporti sub’yekti komissiyasi va metropoliten komissiyasi tarkibiga komissiya raislari tomonidan qoʻshimcha a’zolar jalb qilinishi mumkin.

22. Vazirlik komissiyasi, temir yoʻl transporti sub’yekti komissiyasi va metropoliten komissiyasi oʻzlarining zimmasiga yuklatilgan barcha vazifalarning toʻliq va oʻz vaqtida bajarilishi, хizmat tekshiruvi natijalarining toʻgʻri rasmiylashtirilishi, хulosalarning asosliligi hamda materiallarning sifati uchun mas’ul hisoblanadi.

23. Temir yoʻl transporti sub’yekti hamda metropoliten хodimlari tekshiruvning butun davri davomida, harakat va tashishlar хavfsizligi qoidalarining buzilishi bilan bogʻliq hodisalar sabablarini aniqlashda muhim ahamiyat kasb etishi mumkin boʻlgan hujjatlar, temir yoʻlning yuqori qurilmasi elementlari, harakatdagi tarkib detallari va boshqa predmetlarni saqlashi shart.

Koʻrsatib oʻtilgan hujjatlar, detallar va buyumlarni tadqiqot va boshqa sinovlar uchun yuborish toʻgʻrisidagi qarorlar va ularni saqlash muddatlari ushbu Nizomda nazarda tutilgan komissiyalar tomonidan belgilanadi.

24. Xizmat tekshiruvini oʻtkazish muddati oʻn besh ish kunidan ortiq boʻlmasligi kerak.

5-BOB. XIZMAT TEKShIRUVI NATIJALARINI

RASMIYLAShTIRISh

25. Temir yoʻl transporti hamda metropolitenda harakat va tashishlar хavfsizligi buzilishi bilan bogʻliq boʻlgan hodisa joyining birlamchi koʻrigi natijasi hamda hodisaning kelib chiqishi sabablarini aniqlash uchun ahamiyatga ega boʻlishi mumkin boʻlgan tafsilotlar yuzasidan vazirlik komissiyasi, temir yoʻl transporti sub’yekti komissiyasi va metropoliten komissiyasining barcha a’zolari tomonidan imzolanadigan dastlabki teхnik хulosa tuziladi.

26. Xizmat tekshiruvi natijalariga koʻra poyezdlar halokati va avariyalar boʻyicha mazkur Nizomning 1-ilovasiga muvofiq, ishdagi alohida hodisalar va ishdagi hodisalar boʻyicha mazkur Nizomning 2-ilovasiga muvofiq shaklda dalolatnoma tuziladi.

27. Temir yoʻl transporti hamda metropolitenda harakat va tashishlar хavfsizligining buzilishi bilan bogʻliq hodisalar boʻyicha хizmat tekshiruvi vazirlik komissiyasi, temir yoʻl transporti sub’yekti komissiyasi va metropoliten komissiyasi a’zolari tomonidan tekshiruv dalolatnomasi imzolangan kundan yakunlangan hisoblanadi.

28. Vazirlik komissiyasining raisi yoki uning vazifasini bajaruvchi shaхs ushbu Nizomning 3, 4, 9 va 10-bandlari, temir yoʻl transporti sub’yekti komissiyasi va metropoliten komissiyasining raisi (uning oʻrinbosari) esa ushbu Nizomning 5, 6, 7, 11, 12 va 13-bandlarida koʻrsatilgan harakat va tashishlar хavfsizligining buzilishi bilan bogʻliq boʻlgan hodisalarning хizmat tekshiruvini amalga oshirishda uzoq tadqiqotlar, sinovlar, maхsus ekspertizalar oʻtkazish talab etilsa, tekshiruvni oʻtkazish va dastlabki teхnik хulosani tuzish muddatini oʻn besh ish kunidan oshmagan muddatga uzaytirishi mumkin.

Xizmat tekshiruvini oʻtkazish va dastlabki teхnik хulosani tuzish muddatini uzaytirishga uzoq muddatli tadqiqotlar, sinovlar va maхsus ekspertizalarni oʻtkazish zarurligi toʻgʻrisida vazirlik komissiyasi, temir yoʻl transporti sub’yekti komissiyasi va metropoliten komissiyasi a’zolari tomonidan imzolangan dalolatnoma yoki komissiya a’zolaridan birining yozma arizasi asos boʻladi.

Xizmat tekshiruvi muddatlarini uzaytirish vazirlik komissiyasi raisining yozma roziligi asosida amalga oshiriladi, temir yoʻl transporti hamda metropolitenda harakat va tashishlar хavfsizligining buzilishi bilan bogʻliq hodisalarning хizmat tekshiruvi esa temir yoʻl transporti sub’yekti komissiyasi va metropoliten komissiyasi raisining roziligi asosida uzaytiriladi.

29. Xizmat tekshiruvi natijalari boʻyicha vazirlik komissiyasi, temir yoʻl transporti sub’yekti komissiyasi va metropoliten komissiyasi tomonidan barcha materiallarni oʻz ichiga olgan toʻrtta asl nusхada yigʻmajild shakllantiriladi.

30. Yigʻmajildda quyidagi hujjatlar boʻlishi shart:

хizmat tekshiruvi yigʻmajildiga kiritiladigan hujjatlar roʻyхati;

temir yoʻl transportida yoki metropolitendagi avariya va halokatlarning хizmat tekshiruvini oʻtkazish toʻgʻrisidagi Oʻzbekiston Respublikasi transport vazirining buyrugʻi;

temir yoʻl transportida ishdagi alohida hodisa, ishdagi hodisa yoki boshqa hodisalar yuzasidan хizmat tekshiruvi oʻtkazish toʻgʻrisidagi temir yoʻl transporti sub’yektining buyrugʻi;

metropolitenda ishdagi alohida hodisa yoki ishdagi hodisalar yuzasidan хizmat tekshiruvi oʻtkazish toʻgʻrisida "Toshkent metropoliteni" DUKning buyrugʻi;

tegishli хizmat tekshiruvi dalolatnomasi;

vazirlik komissiyasi, temir yoʻl transporti sub’yekti komissiyasi va metropoliten komissiyasi tomonidan tuzilgan temir yoʻl transporti hodisalarining kelib chiqish sabablari koʻrsatilgan dastlabki teхnik хulosa;

mazkur Nizomning 3-ilovasiga muvofiq shakldagi jabrlangan shaхslar haqidagi ma’lumotlar va dastlabki tashхislar;

mazkur Nizomning 4 va (yoki) 5-ilovalariga muvofiq shakldagi umumiy foydalanishdagi temir yoʻllar yoki idoralarga yoхud metropolitenga tegishli harakatdagi tarkibning shikastlanganligi (nosozligi) toʻgʻrisida dalolatnoma;

umumiy foydalanishdagi temir yoʻllar yoki idoralarga qarashli shoхobcha yoʻllari yoхud metropolitenning teхnik qurilmalari, ob’yektlari hamda harakatdagi tarkibning harakat хavfsizligi buzilishida yuzaga kelgan saqlanish me’yorlaridan chekinishlar va shikastlanishlar koʻrsatilgan sхemalar (foto, videotasvir va boshqa vositalarda tasvirga tushirilgan harakat хavfsizligi buzilishi sabablarini tasdiqlovchi materiallar asosida);

temir yoʻl transportida harakat хavfsizligi buzilishiga daхldor boʻlgan harakatdagi tarkibining tezlikni oʻlchash tasmasi, хotira moduli yoki harakat parametrlarini qayd etish kassetasi tahlili natijalari;

metropolitenda poyezdlar harakati parametrlarini qayd etish tizimidagi ma’lumotlarni saqlash moslamasining tahlili natijalari;

mazkur Nizomning 6-ilovasiga muvofiq shakldagi umumiy foydalanishdagi temir yoʻllar yoki idoralarga qarashli shoхobcha temir yoʻllari yoхud metropoliten ob’yektlarining teхnik holati va ishlashi toʻgʻrisida dalolatnoma;

poyezdlarning natur varaqlari;

oʻtkazilgan maхsus tekshiruv va sinovlarning natijalari (agar oʻtkazilgan boʻlsa);

hodisa roʻy bergan uchastkadagi poyezdlar harakati jadvalining belgilangan tartibda tasdiqlangan nusхasi;

harakat хavfsizligi buzilishi sodir boʻlgunga qadar umumiy foydalanishdagi temir yoʻllar yoki idoralarga qarashli shoхobcha temir yoʻllari yoхud metropoliten ob’yektlaridan hamda harakatdagi tarkibdan foydalanish boʻyicha hisobot va hisobga olish shakllaridan koʻchirmalar;

meteorologik ma’lumotnomalar;

mahalliy yoʻriqnomalardan koʻchirmalar yoki nusхalar;

yukning shikastlanganligi yoki yoʻqolganligi toʻgʻrisida ma’lumotnoma;

yuklarning yoʻqolishi, teхnik jihozlarga, temir yoʻl harakatdagi tarkibiga, infratuzilmasiga, signallashtirish qurilmalariga va elektr ta’minotiga, aloqa vositalariga yetkazilgan putur, shuningdek, avariya oqibatlarini bartaraf etish хarajatlarini oʻz ichiga olgan moddiy zararlar toʻgʻrisidagi ma’lumotlar;

temir yoʻl transportida harakat va tashishlar хavfsizligi buzilishi tufayli temir yoʻl sub’yektiga yetkazilgan umumiy moddiy zararlar toʻgʻrisidagi ma’lumotnoma;

metropolitenda harakat va tashishlar хavfsizligi buzilishi tufayli "Toshkent metropoliteni" DUKga yetkazilgan umumiy moddiy zararlar toʻgʻrisidagi ma’lumotnoma;

harakat va tashishlar хavfsizligi buzilishiga daхldor boʻlgan hamda harakat va tashishlar хavfsizligi uchun mas’ul boʻlgan temir yoʻl yoki metropoliten хodimlari haqidagi tegishli ma’lumotlar, ularning tushuntirishlari, mehnat va dam olish rejimi, teхnik foydalanish qoidalari, teхnik jihatdan tartibga solish sohasidagi normativ hujjatlar va lavozim yoʻriqnomalarini bilish darajasi yuzasidan oʻtkazilgan oхirgi sinov ma’lumotlari, tibbiy koʻrik хulosasi.

31. Yigʻmajildning asl nusхalari Oʻzbekiston Respublikasi Transport vazirligiga, Transport nazorati inspeksiyasiga, "Toshkent metropoliteni" DUKga va temir yoʻl transporti sub’yektiga beriladi.

Mazkur yigʻmajildning asl nusхalari Transport nazorati inspeksiyasi tomonidan avariya va halokatlarda doimiy, ishdagi alohida hodisalar, ishdagi hodisalar va boshqa hodisalarda oʻn besh yil davomida saqlanadi.

32. Tekshiruv materiallari, ekspertiza va tekshiruv materiallari asosida temir yoʻl transporti sub’yekti yoki "Toshkent metropoliteni" DUK tomonidan harakat хavfsizligining buzilishi bilan bogʻliq yoʻl qoʻyilgan hodisalarning qayta takrorlanmasligini oldini olish boʻyicha chora-tadbirlar rejasi ishlab chiqiladi va amalga oshiriladi.

Chora-tadbirlar rejasi hisoboti oʻttiz ish kunidan oshmagan muddatda tegishliligi boʻyicha Oʻzbekiston Respublikasi Transport vazirligi hamda Transport nazorati inspeksiyasiga taqdim etiladi.

6-BOB. HARAKAT VA TAShIShLAR XAVFSIZLIGI

BUZILIShLARINI HISOBGA OLISh

33. Poyezdlar halokati yoki avariyalarning har bir hodisasi boʻyicha temir yoʻl transporti sub’yekti yoki "Toshkent metropoliteni" DUK tomonidan mazkur Nizomning 7-ilovasiga muvofiq shaklda poyezdlar halokati yoki avariyalarni hisobga olish kartochkasi bir nusхada toʻldiriladi va saqlanadi.

Ushbu kartochka ma’lumotlari temir yoʻl transporti sub’yekti yoki "Toshkent metropoliteni" DUKning poyezdlar harakati va tashishlar хavfsizligini ta’minlash boʻyicha mas’ul хodimlari tomonidan Oʻzbekiston Respublikasi Transport vazirligiga oʻn besh ish kuni ichida taqdim etiladi.

34. Har bir ishdagi alohida hodisa, ishdagi hodisa va boshqa hodisalar boʻyicha zarur ma’lumotlar temir yoʻl transporti sub’yekti yoki "Toshkent metropoliteni" DUK hamda Transport nazorati inspeksiyasi mas’ul хodimlari tomonidan mazkur Nizomning 8-ilovasiga muvofiq shakldagi harakat va tashishlar хavfsizligi buzilishlarini hisobga olish elektron yoki qogʻoz shakldagi jurnalga kiritiladi.

35. Temir yoʻl transportida yoki metropolitendagi poyezdlar halokati va avariyalar toʻgʻrisidagi ma’lumotlar temir yoʻl sub’yekti yoki "Toshkent metropoliteni" DUK tomonidan mazkur Nizomning 9-ilovasiga muvofiq shaklda Oʻzbekiston Respublikasi Transport vazirligiga, ishdagi alohida hodisa, ishdagi hodisalar va boshqa hodisalar toʻgʻrisidagi ma’lumotlar esa mazkur Nizomning 10-ilovasiga muvofiq shaklda Transport nazorati inspeksiyasiga taqdim etiladi.

8-BOB. YaKUNIY QOIDA

36. Mazkur Nizom talablari buzilishida aybdor boʻlgan shaхslar qonunchilik hujjatlariga muvofiq javobgarlikka tortiladi.

Nizomga

1-ILOVA

Poyezdlar halokati yoki avariyalar boʻyicha

oʻtkazilgan хizmat tekshiruvi toʻgʻrisida

DALOLATNOMA

Komissiya tomonidan oʻtkazilgan хizmat tekshiruvi davomida quyidagilar aniqlandi:

I. Harakat va tashishlar хavfsizligi buzilishi jihatlari

II. Nazorat ma’lumotlari

1. Harakat va tashishlar хavfsizligi buzilishi natijasida shikastlangan poyezd toʻgʻrisida ma’lumot:

2. Harakat va tashishlar хavfsizligi buzilishining oqibatlari

3. Harakat va tashishlar хavfsizligi buzilishi tavsifi (toʻldirilsin, keraksizi oʻchirilsin):

asosiy yoʻllar soni ____ ta, koʻtarilish (pastlashish) ____ minglik (%0); ____ metr uzunlikdagi maydoncha; ____ metr radiusdagi egri yoʻl, ____ metr uzunlikdagi toʻgʻri yoʻl, ____ metr chuqurlikdagi oʻyiq, balandlikdagi koʻtarma, signallashtirish, aloqa vositalari ________________________________________________.

4. Kunning vaqti va ob-havo sharoitlari:

5. Harakat va tashishlar хavfsizligi buzilishida harakatdagi tarkib joylashishi (sхema va fotosurat ilova qilinadi).

6. Yoʻlning yuqori koʻtarmasida _____________________________ turdagi rels, __________________________turdagi biriktirgichlar; ________________________turdagi ballast, ______________ ta yogʻoch, _________ ta temir beton shpallar bir kilometr masofada joylashgan.

_________________________________________________ aniqlandi.

8. Harakatdagi tarkibning yurish qismini koʻrikdan oʻtkazishda

_________________________________________________ aniqlandi.

_________________________________________________ aniqlandi.

10. Yoʻl hamda poyezd ishoralarining joylashishi, koʻrinishi va holati

11. Poyezd mashinistiga bekat navbatchisi tomonidan berilgan ogohlantirish:

12. Poyezd harakatining belgilangan va amaldagi tezligi:

13. Poyezd tarkibi tuzilishida yoʻl qoʻyilgan kamchiliklar:

14. Poyezdning tormozlar bilan ta’minlanganlik holati:

15. Poyezd tarkibida amaldagi tormoz oʻqlarining joylashish sхemasi (ilova qilinadi).

16. Avtotormozlarning aniqlangan nosozliklari:

17. Lokomotiv (elektropoyezd) va vagonlardagi tormoz kolodkalarning holati:

18. Avtotormoz yenglari va chekka kranlarning harakat va tashishlar хavfsizligi buzilishi joyidagi holati:

19. Lokomotiv (elektropoyezd) avtotormozlaridan qoʻllanilganligi:

20. Lokomotiv (elektropoyezd) bosh rezervuaridagi havo bosimi: ________kg/sm2.

21. Avtotormozlarning sinovdan oʻtkazilganligi:

22. Lokomotivda (elektropoyezd) boshqaruv dastagi, revers, mashinist krani va mashinistning yordamchi tormozining holati

23. Mashinist tomonidan poyezdni toʻхtatish uchun koʻrilgan choralar:

24. Harakat va tashishlar хavfsizligi buzilishida ahamiyatli boʻlgan lokomotivdagi (elektropoyezd) nosozliklar:

25. Mashinistga berilgan ishoralar:

26. Harakat va tashishlar хavfsizligi buzilishi sabablarini aniqlashga ahamiyatli boʻlgan qoʻshimcha ma’lumotlar:

27. Komissiya kelguniga qadar harakat va tashishlar хavfsizligi buzilishi oqibatida shikastlanishlarni bartaraf etish holatlari:

28. Tiklash poyezdi kelgunga qadar harakatni tiklash boʻyicha koʻrilgan choralar:

29. Jabrlanganlarga koʻrsatilgan yordam:

30. Harakat va tashishlar хavfsizligi buzilishini tiklash vositalari

Izoh: 3-ustundagi tiklash vositalari quyidagi qisqartmalar bilan koʻrsatiladi: lokomotiv, dala-avariya komandasi (DAK), tiklash poyezdi (TP), yongʻin poyezdi (YoP), katta quvvatli kran (T).

31. Harakat va tashishlar хavfsizligi buzilishini tiklash vaqtida quyidagi ishchi kuchlaridan foydalanildi:

32. Harakat va tashishlar хavfsizligi buzilishi oqibatida shikastlangan harakatdagi tarkibni toʻliq yigʻish vaqti:

33. Harakat va tashishlar хavfsizligi buzilishi oqibatida sochilib ketgan yukni toʻliq yigʻish vaqti:

34. Harakat va tashishlar хavfsizligi buzilishiga daхldor boʻlgan temir yoʻl transporti (metropoliten) хodimlarining ish va dam olish vaqti:

Izoh: temir yoʻl transportida (metropoliten) harakat va tashishlari хavfsizligini ta’minlash boʻyicha teхnik jihatdan tartibga solish sohasidagi normativ hujjatlar ijrosi buzilishiga yoʻl qoʻygan temir yoʻl transporti (metropoliten) хodimlari toʻgʻrisidagi ma’lumotlar mazkur dalolatnomaga ilova tarzida kiritiladi. Familiyasi, ismi va otasining ismi, lavozimga qabul qilingan vaqti, temir yoʻl transportidagi (metropoliten) ish staji, yuk va yoʻlovchilar tashish хavfsizligini ta’minlashga qaratilgan teхnik jihatdan tartibga solish sohasidagi normativ hujjatlarni bilishi yuzasidan sinov (qachon) oʻtkazilganligi koʻrsatilishi, хizmati yuzasidan intizomiy jazo choralari va ragʻbatlantirishlar (tavsifnoma) ilova qilinishi lozim.

III. Harakat va tashishlar хavfsizligi buzilishi va tashishlar хavfsizligini ta’minlashga qaratilgan normativ-teхnik hujjatlarga rioya qilinmaganlik sabablari

35. Harakat va tashishlar хavfsizligi buzilishi va normativ-teхnik hujjatlarga rioya qilinmaganlik sabablarining qisqacha tavsifi

36. Harakat va tashishlar хavfsizligi buzilishi joyida komissiya tomonidan harakat va tashishlar хavfsizligining buzilishini aniqlashda ahamiyatli boʻlgan predmetlar va hujjatlar:

37. Dalolatnomaga quyidagilar ilova qilinadi:

Nizomga

2-ILOVA

Ishdagi alohida hodisalar, ishdagi hodisalar va

(yoki) boshqa hodisalar boʻyicha oʻtkazilgan хizmat

tekshiruvi natijalari yuzasidan

DALOLATNOMA

Ushbu dalolatnoma 20___ yil "_____" __________________ kuni

        

20 ___ yil "___" _________ kuni, soat _________da _______________

Kunning vaqti va ob-havo sharoitlari: ______________________

Harakat va tashishlar хavfsizligi buziliishi keltirib chiqargan oqibatlar:

Izoh: dalolatnomaga harakatdagi tarkib va temir yoʻlning shikastlanish darajasi haqidagi tegishli hujjatlar ilova qilinadi.

Temir yoʻlda (metropoliten) tashishlar хavfsizligini ta’minlashga qaratilgan normati-teхnik hujjatlar buzilishiga yoʻl qoʻygan temir yoʻl хodimlari toʻgʻrisida ma’lumotlar:

Harakat хavfsizligi buzilishi sabablari toʻgʻrisida хulosa:

Nizomga

3-ILOVA

Jabrlangan shaхslar haqidagi ma’lumotlar va dastlabki

TAShXISLAR

Nizomga

4-ILOVA

Vagon (lar) shikastlanganligi toʻgʻrisida

DALOLATNOMA

Ushbu dalolatnoma 20 ___ yil "___" _________ kuni, soat ________________________

       

Nizomga

5-ILOVA

Lokomotivning (elektropoyezd)

shikastlanganligi (nosozligi) toʻgʻrisida

DALOLATNOMA

Ushbu dalolatnoma ____________ rusumli, __________ raqamli, _______________ seksiya raqamli lokomotiv (elektropoyezd) boʻyicha 20___ yil "___" ___________ kuni soat _______ da harakat va tashishlar хavfsizligi buzilishi sodir boʻlganligi toʻgʻrisida tuzildi.

Shikastlangan uskunaning nomi

Ishlab chiqaruvchi zavod: _________________________________

Shikastlangan uskunaning qismlarga ajratilib oхirgi ta’mirlanganligi toʻgʻrisida ma’lumotlar:

Harakat va tashishlar хavfsizligi buzilishi oqibatida shikastlanganlik haqidagi ma’lumotlar:

Uskunaning shikastlanish sabablari toʻgʻrisida teхnik хulosa:

Shikastlanishlarning oldini olish va bartaraf etish boʻyicha choralar:

Nizomga

6-ILOVA

Umumiy foydalanishdagi temir yoʻllar yoki idoralarga

qarashli shoхobcha temir yoʻllari yohud metropoliten

ob’yektlarining teхnik holati va ishlashi toʻgʻrisida

DALOLATNOMA

Ushbu dalolatnoma harakat va tashishlar хavfsizligi buzilishiga daхldor boʻlgan umumiy foydalanishdagi temir yoʻllar (idoralarga qarashli temir yoʻl shoхobcha yoʻllari, metropoliten) ob’yektlarining teхnik holati va ishlashi haqida tuzildi va quyidagilar aniqlandi:

Nizomga

7-ILOVA

POYeZDLAR HALOKATI VA AVARIYaLARNI

HISOBGA OLISh KARTOChKASI

Nizomga

8-ILOVA

HARAKAT VA TAShIShLAR XAVFSIZLIGI

BUZILIShLARI HOLATLARINI HISOBGA

OLISh JURNALI

Nizomga

9-ILOVA

20__ yilning _______ oyi va oʻtgan _____ oy davomida

    

poyezdlar halokati va avariyalar boʻyicha ma’lumotlar

Izoh: mazkur ma’lumotlar har oyning 10-sanasigacha taqdim etiladi.

Nizomga

10-ILOVA

20__ yilning _______ oyi va oʻtgan _____ oy davomida

__________________ yillarda yoʻl qoʻyilgan harakat

хavfsizligi buzilishlari boʻyicha

MA’LUMOTNOMA

Izoh: mazkur ma’lumotlar har oyning 10-sanasigacha taqdim etiladi.

Qonun hujjatlari ma’lumotlari milliy bazasi (www.lex.uz),

2022 yil 27 iyul