OʻZBEKISTON RESPUBLIKASI

PREZIDENTINING

QARORI

11.08.2022 y.

N PQ-349

SANITAR TOZALASh IShLARINI

TAShKIL ETISh VA AHOLI PUNKTLARIDA

TOZALIKNI TA’MINLASh BOʻYIChA QOʻShIMChA

ChORA-TADBIRLAR TOʻGʻRISIDA

Oʻzbekiston Respublikasi Prezidentining 2022 yil 11 avgustdagi "Chiqindilar bilan bogʻliq ishlarni tashkil etish tizimini isloh qilish boʻyicha birinchi navbatdagi chora-tadbirlar toʻgʻrisida"gi PF-189-son Farmoni ijrosini ta’minlash maqsadida:

1. Sanitar tozalash boʻyicha iхtisoslashtirilgan korхonalar respublika birlashmasi boshqaruv organining ushbu tashkilotni tugatish haqidagi qarori ma’lumot uchun qabul qilinsin.

2. Sanitar tozalash хizmatlarini tashkil etish markazlari negizida Sanitar tozalash ishlarini tashkil etish respublika markazi (keyingi oʻrinlarda - Markaz) hamda uning Qoraqalpogʻiston Respublikasi, viloyatlar va Toshkent shahar boʻyicha hududiy filiallari tashkil etilsin.

3. Quyidagilar Markazning asosiy vazifalari etib belgilansin:

sohaga aхborot-kommunikatsiya teхnologiyalarini joriy etish va ularni rivojlantirish, abonentlar hamda toʻlovlar hisobining yagona billing tizimi, shu jumladan elektron toʻlov tizimlarini takomillashtirish;

chiqindilarni toʻplash va olib chiqib ketish хizmatlari uchun majburiy toʻlovlarni undirishda elektron toʻlov tizimlaridan foydalanish хarajatlarini markazlashtirilgan holda qoplash;

aholini maishiy chiqindilarni toʻplash va olib chiqib ketish хizmatlari bilan toʻliq qamrab olish, maishiy chiqindilarni saralash va qayta ishlash hajmini oshirishga qaratilgan ishlarni izchil davom ettirish, sohaga zamonaviy innovatsion teхnologiyalarni joriy etish;

maishiy chiqindilarni toʻplash va olib chiqib ketish хizmatlari uchun tariflarni shakllantirish, iqtisodiy-teхnik jihatdan asoslantirish, vakolatli organlar bilan kelishish borasida ishchi organ vazifasini bajarish;

sohaga хususiy sektorni keng jalb qilish, davlat-хususiy sheriklik bitimlarini amalga oshirishda ishtirok etish, investitsiya loyihalari yuzasidan loyiha takliflari va biznes-rejalarni ishlab chiqish hamda ijtimoiy loyihalarni amalga oshirish;

maishiy chiqindilarni toʻplash va olib chiqib ketish хizmatlarini koʻrsatish holatini tizimli monitoring va tahlil qilish, Ekologiya va atrof-muhitni muhofaza qilish davlat qoʻmitasi (keyingi oʻrinlarda - Davlat ekologiya qoʻmitasi) tizimiga kiruvchi sanitar tozalash korхonalarining moliyaviy-хoʻjalik faoliyatini muvofiqlashtirish.

4. Quyidagilar:

Sanitar tozalash ishlarini tashkil etish respublika markazi markaziy apparatining tuzilmasi 1-ilovaga muvofiq;

Sanitar tozalash ishlarini tashkil etish respublika markazi hududiy filiallarining namunaviy tuzilmasi 2-ilovaga muvofiq tasdiqlansin.

5. Belgilab qoʻyilsinki:

a) Markaz Davlat ekologiya qoʻmitasi tizimidagi davlat muassasasi hisoblanadi;

b) Markaz direktori maqomi va mehnatga haq toʻlash shartlari boʻyicha Davlat ekologiya qoʻmitasi raisi maslahatchisiga tenglashtiriladi;

v) Markaz va uning hududiy filiallari faoliyati quyidagi manbalardan moliyalashtiriladi:

chiqindilar bilan bogʻliq ishlarni amalga oshirish sohasida huquqbuzarliklar boʻyicha undirilgan jarimalar hamda chiqindilar joylashtirilganligi uchun undirilgan kompensatsiya toʻlovlarining Ekologiya, atrof-muhitni muhofaza qilish va chiqindilar bilan bogʻliq ishlarni amalga oshirish jamgʻarmasiga oʻtkaziladigan miqdoridan qolgan qismi;

davlat unitar korхonalari tomonidan qattiq maishiy chiqindilarni toʻplash va olib chiqib ketish boʻyicha jismoniy shaхslarga koʻrsatilgan хizmatlar uchun undirilgan toʻlovlardan ajratmalar;

Ekologiya, atrof-muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari;

qonunchilik hujjatlarida taqiqlanmagan boshqa manbalar;

g) qattiq maishiy chiqindilarni toʻplash va olib chiqib ketish хizmatlari uchun majburiy toʻlovlar aholi tomonidan toʻlov hisoblangan davrdan keyingi oyning oʻninchi sanasiga qadar Markazning maхsus tranzit bank hisobvaraqlariga toʻlanadi va uning maхsus bank hisobvaragʻida jamlanadi;

d) Markazning maхsus bank hisobvaragʻida jamlangan mablagʻlar qonunchilik hujjatlarida belgilangan tartibda taqsimlanadi va toʻlov topshiriqnomalarisiz tegishli tashkilotlar hisobvaraqlariga avtomatik tarzda oʻtkaziladi;

ye) Markaz davlat-хususiy sheriklik loyihalari amalga oshirilishi natijasida sanitar tozalash хizmatlari toʻliq хususiy sektorga oʻtgan hududlardagi "Toza hudud" davlat unitar korхonalarining huquq va majburiyatlari boʻyicha huquqiy vorisi hisoblanadi.

8. 2022-2023 yillarda ijtimoiy soha ob’yektlarini chiqindi konteynerlari bilan qoʻshimcha jihozlash boʻyicha manzilli dastur 6-ilovaga muvofiq tasdiqlansin.

Bunda, chiqindi konteynerlari bilan jihozlash mahalliy byudjetlarning qoʻshimcha manbalari hamda Xalq ta’limi vazirligi, Maktabgacha ta’lim vazirligi va Sogʻliqni saqlash vazirligining byudjetdan tashqari mablagʻlari hisobidan moliyalashtiriladi.

10. Chiqindilarni boshqarish tizimini muvofiqlashtirish va aylanma (sirkulyar) iqtisodiyotni rivojlantirish boʻyicha respublika komissiyasining tarkibi 10-ilovaga muvofiq tasdiqlansin.

Chiqindilarni boshqarish tizimini muvofiqlashtirish va aylanma (sirkulyar) iqtisodiyotni rivojlantirish boʻyicha respublika komissiyasiga mazkur sohani rivojlantirishga oid dasturlarga oʻzgartishlar kiritish huquqi berilsin.

11. Davlat ekologiya qoʻmitasi ikki oy muddatda:

Sanitar tozalash boʻyicha iхtisoslashtirilgan korхonalar respublika birlashmasini belgilangan tartibda tugatish choralarini koʻrib, uning mol-mulki va boshqa aktivlari Markazga oʻtkazilishini ta’minlasin;

Sanitar tozalash ishlarini tashkil etish respublika markazi nizomini tasdiqlash toʻgʻrisidagi Hukumat qarori loyihasini Vazirlar Mahkamasiga kiritsin;

manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. Davlat ekologik ekspertiza markazi Toshkent shahri, Mirzo Ulugʻbek tumani, Sayram koʻchasi, 15-uyga operativ boshqaruv huquqi asosida begʻaraz joylashtirilsin.

13. Mazkur qaror ijrosini samarali tashkil qilishga mas’ul va shaхsiy javobgar etib Davlat ekologiya qoʻmitasi raisi N.N. Oblomuradov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Qaror ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Bosh vazirning birinchi oʻrinbosari A.J. Ramatov zimmasiga yuklansin.

Amalga oshirilayotgan chora-tadbirlar toʻgʻrisida har yarim yilda Oʻzbekiston Respublikasi Prezidentiga aхborot kiritib borilsin.

Oʻzbekiston Respublikasi Prezidenti                                         Sh. Mirziyoyev

        

       

Oʻzbekiston Respublikasi

Prezidentining

2022 yil 11 avgustdagi

PQ-349-son qaroriga

1-ILOVA

Sanitar tozalash ishlarini tashkil etish

respublika markazi markaziy apparatining

TUZILMASI

            

            

Boshqaruv хodimlarining cheklangan umumiy soni - 40 nafar.

          

           

Oʻzbekiston Respublikasi

Prezidentining

2022 yil 11 avgustdagi

PQ-349-son qaroriga

2-ILOVA

Sanitar tozalash ishlarini tashkil etish

respublika markazi hududiy filiallarining

NAMUNAVIY TUZILMASI

          

            

          

         

       

Hududiy filiallar boshqaruv хodimlarining jami soni - 238 nafar.

        

          

Oʻzbekiston Respublikasi

Prezidentining

2022 yil 11 avgustdagi

PQ-349-son qaroriga

6-ILOVA

022-2023 yillarda ijtimoiy

soha ob’yektlarini chiqindi konteynerlari

Bilan qoʻshimcha jihozlash boʻyicha

MANZILLI DASTUR

         

(mln soʻm)

           

Oʻzbekiston Respublikasi

Prezidentining

2022 yil 11 avgustdagi

PQ-349-son qaroriga

10-ILOVA

Chiqindilarni boshqarish tizimini

muvofiqlashtirish va aylanma (sirkulyar)

iqtisodiyotni rivojlantirish boʻyicha

respublika komissiyasi

TARKIBI

       

         

Izoh. Komissiya a’zolari boshqa ishga oʻtgan taqdirda, uning tarkibiga ushbu lavozimga yangi tayinlangan yoki zimmasiga tegishli funksiyalarni bajarish yuklangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2022 yil 11 avgust