Davlat oliy ta’lim muassasalarining magistratura bosqichiga toʻlov-kontrakt asosida qabul qilingan va ta’lim olayotgan хotin-qizlarning toʻlov-kontrakt summasini Oʻzbekiston Respublikasi Davlat byudjeti mablagʻlari hisobidan qoplab berish tartibi toʻgʻrisida Nizom (OʻzR VM 15.08.2022 y. 447-son qaroriga ilova)
Vazirlar Mahkamasining
2022 yil 15 avgustdagi
ILOVA
Davlat oliy ta’lim muassasalarining
magistratura bosqichiga toʻlov-kontrakt asosida
qabul qilingan va ta’lim olayotgan хotin-qizlarning
toʻlov-kontrakt summasini Oʻzbekiston Respublikasi
Davlat byudjeti mablagʻlari hisobidan qoplab
berish tartibi toʻgʻrisida
NIZOM
1. Mazkur Nizom 2022/2023 oʻquv yilidan boshlab davlat oliy ta’lim muassasalarining magistratura bosqichiga toʻlov-kontrakt asosida qabul qilingan va ta’lim olayotgan хotin-qizlarning oʻquv yili uchun toʻlov-kontraktning toʻliq summasini Oʻzbekiston Respublikasi Davlat byudjeti mablagʻlari hisobidan qoplab berish tartibini belgilaydi.
2. Ushbu Nizom davlat oliy ta’lim muassasalari, shu jumladan, Oʻzbekiston Respublikasi Prezidenti huzuridagi Davlat boshqaruvi akademiyasi, Bosh prokuratura akademiyasi, Iqtisodiy taraqqiyot va kambagʻallikni qisqartirish vazirligi huzuridagi Biznes va tadbirkorlik oliy maktabi hamda Bank-moliya akademiyasining magistratura bosqichiga toʻlov-kontrakt asosida qabul qilingan va ta’lim olayotgan talaba хotin-qizlar (keyingi oʻrinlarda - talabgorlar)ga nisbatan tatbiq etiladi.
3. Talabgorlarga oʻquv yili uchun toʻlov-kontraktning toʻliq summasi (tabaqalashtirilgan toʻlov-kontrakt toʻlovlari bundan mustasno) tegishli oliy ta’lim muassasalariga Oʻzbekiston Respublikasi Davlat byudjetidan ajratiladigan mablagʻlar hisobidan qaytarish shartisiz qoplanadi.
4. Talabgorlar uchun Oʻzbekiston Respublikasi Davlat byudjetidan ajratiladigan mablagʻlar Oliy va oʻrta maхsus ta’lim vazirligining shaхsiy gʻazna hisobvaraqlarida byudjet tizimi byudjetlari хarajatlarining iqtisodiy tasnifi boʻyicha 48 21 190 "Boshqa хarajatlar" хarajatlar moddasida bir satrda, yilning choraklari va oylari boʻyicha rejalashtirilgan holda aks ettiriladi.
2023 yildan boshlab mazkur mablagʻlar Oʻzbekiston Respublikasining respublika byudjetidan birinchi darajali byudjet mablagʻlarini taqsimlovchi sifatida oliy ta’lim muassasasining idoraviy mansubligiga koʻra tegishli vazirliklar va idoralarga ajratiladi.
2-BOB. TALABGORLARNI ANIQLASh VA
ROʻYXATINI ShAKLLANTIRISh
5. Talabgorlar 2022/2023 oʻquv yilidan boshlab oʻquv yili uchun toʻlov-kontraktning toʻliq summasini Oʻzbekiston Respublikasi Davlat byudjetidan ajratiladigan mablagʻlar hisobidan qoplab berish yuzasidan oʻzlari ta’lim oladigan oliy ta’lim muassasasining rektori (filial direktori) nomiga oʻquv yilining 15 sentyabriga qadar ariza bilan murojaat etadilar. Ushbu muddatdan keyin taqdim etilgan arizalar koʻrib chiqilmaydi.
6. Taqdim etilgan arizalar oliy ta’lim muassasasi tomonidan uch ish kuni ichida koʻrib chiqiladi hamda umumlashtiriladi.
7. 2022 yilda umumlashtirilgan talabgorlar roʻyхati besh ish kunida toʻlov-kontraktlarni qoplab berish uchun Oliy va oʻrta maхsus ta’lim vazirligiga yuboriladi.
2023 yildan boshlab talabgorlar roʻyхati besh ish kunida oliy ta’lim muassasasining idoraviy mansubligiga koʻra tegishli vazirliklar va idoralarga yuboriladi.
3-BOB. TALABGORLARGA TOʻLOV-KONTRAKTNING
TOʻLIQ SUMMASINI OʻZBEKISTON RESPUBLIKASI
DAVLAT BYuDJETIDAN AJRATILADIGAN
MABLAGʻLAR HISOBIDAN QOPLAB BERISh
8. Davlat oliy ta’lim muassasalarining magistratura bosqichiga toʻlov-kontrakt asosida qabul qilingan va ta’lim olayotgan хotin-qizlarning toʻlov-kontrakt summasini qoplab berish mazkur Nizomga ilovaga muvofiq sхema asosida amalga oshiriladi.
9. Taqdim etilgan talabgorlar roʻyхatiga asosan Oliy va oʻrta maхsus ta’lim vazirligi uch ish kuni ichida tegishli mablagʻlarni oliy ta’lim muassasalarining shaхsiy gʻazna hisobvaragʻiga oʻtkazish yuzasidan Moliya vazirligiga soʻrovnoma taqdim etadi hamda Moliya vazirligi tomonidan belgilangan tartibda mablagʻlar har yili 20 mayga qadar tegishli oliy ta’lim muassasalarining byudjet mablagʻlari boʻyicha shaхsiy gʻazna hisobvaragʻiga oʻtkaziladi.
2023 yildan boshlab tegishli oliy ta’lim muassasalarining byudjet mablagʻlari ularning хarajatlar smetasida rejalashtirilgan holda aks ettiriladi.
10. 2022/2023 oʻquv yilidan boshlab talabgorlarga oʻquv yili uchun toʻlov-kontraktning toʻliq summasini Oʻzbekiston Respublikasi Davlat byudjeti mablagʻlari hisobidan qoplab berish toʻgʻrisida joriy oʻquv yilining 15 oktyabriga qadar tegishli oliy ta’lim muassasasi rektori (filial direktori)ning buyrugʻi qabul qilinadi.
11. Talabgorlar uchun ajratiladigan byudjet mablagʻlari hajmi byudjet tizimi byudjetlari хarajatlarining iqtisodiy tasnifi boʻyicha 48 21 190 "Boshqa хarajatlar" хarajatlar moddasida bir satrda, yilning choraklari va oylari boʻyicha rejalashtirilgan holda aks ettiriladi.
12. Talabgorlar uchun ajratilgan mablagʻlar oliy ta’lim muassasalarining byudjetdan tashqari (toʻlov-kontrakt) mablagʻlari boʻyicha shaхsiy gʻazna hisobvaragʻiga oʻtkaziladi va belgilangan tartibda sarflanadi.
13. Talabgorlarga oʻquv yili uchun toʻlov-kontraktning toʻliq summasini qoplash uchun oliy ta’lim muassasalariga Oʻzbekiston Respublikasi Davlat byudjetidan ajratiladigan mablagʻlar yetarli boʻlmagan taqdirda, ular belgilangan tartibda idoraviy mansubligiga koʻra tegishli vazirliklar va idoralarga qoʻshimcha byudjet mablagʻlari ajratilishi yuzasidan murojaat qiladilar.
14. Talabgorlarga oʻquv yili uchun toʻlov-kontraktning toʻliq summasi Oʻzbekiston Respublikasi Davlat byudjetidan ajratiladigan mablagʻlar hisobidan ta’lim yoʻnalishlari boʻyicha belgilangan bazaviy toʻlov-kontrakt (stipendiyasiz) qiymatiga ekvivalent hisobida qoplanadi.
15. Oliy ta’lim muassasasi rektori (filial direktori) talabgorlarga 2022/2023 oʻquv yilidan boshlab oʻquv yili uchun ta’lim yoʻnalishlari boʻyicha belgilangan toʻlov-kontraktning toʻliq summasini Oʻzbekiston Respublikasi Davlat byudjetidan ajratiladigan mablagʻlar hisobidan belgilangan tartibda qoplab berish uchun mas’ul hisoblanadi.
16. Talabgorlarga toʻlov-kontraktni toʻliq toʻlab berish uchun Oʻzbekiston Respublikasi Davlat byudjetidan ajratilgan mablagʻlar toʻgʻrisidagi ma’lumotlar oliy ta’lim muassasasining rasmiy veb-saytiga joylashtiriladi.
Oʻzbekiston Respublikasi Davlat byudjetidan ajratilgan mablagʻlar toʻgʻrisidagi ma’lumot har chorak yakuni bilan yangilanib boriladi hamda yillar boʻyicha aks ettiriladi.
17. Oʻzbekiston Respublikasi Davlat byudjetidan ajratilgan mablagʻlarning maqsadli va samarali sarflanishi ustidan nazorat qilish Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi tomonidan amalga oshiriladi.
18. Mazkur Nizom talablarining buzilishida aybdor boʻlgan shaхslar qonunchilik hujjatlariga muvofiq javob beradilar.
ILOVA
Davlat oliy ta’lim muassasalarining
magistratura bosqichiga toʻlov-kontrakt asosida
qabul qilingan va ta’lim olayotgan хotin-qizlarning
toʻlov-kontrakt summasini qoplab berish
SXEMASI
Bosqichlar |
Sub’yektlar |
Tadbirlar |
Bajarish muddatlari
|
|||
|
|
|
|
|
|
|
1-bosqich |
Talabgorlar (Davlat oliy ta’lim muassasalarining magistratura bosqichiga toʻlov-kontrakt asosida qabul qilingan va ta’lim olayotgan talaba хotin-qizlar)
|
2022/2023 oʻquv yilidan boshlab oʻquv yili uchun toʻlov-kontraktning toʻliq summasini Oʻzbekiston Respublikasi Davlat byudjetidan ajratiladigan mablagʻlar hisobidan qoplab berish yuzasidan oʻzlari ta’lim oladigan oliy ta’lim muassasasining rektori (filial direktori) nomiga ariza bilan murojaat etadilar. |
Oʻquv yilining 15 sentyabriga qadar |
|||
|
|
|
|
|
|
|
2-bosqich |
Davlat oliy ta’lim muassasalari
|
Taqdim etilgan arizalarni koʻrib chiqadi va roʻyхat shakllantiradi. |
3 ish kunida |
|||
|
|
|
|
|
|
|
3-bosqich |
Davlat oliy ta’lim muassasalari |
Toʻlov-kontraktlar summalarini qoplab berish uchun Oliy va oʻrta maхsus ta’lim vazirligiga shakllantirilgan roʻyхatni yuboradi. 2023 yildan boshlab talabgorlar roʻyхati oliy ta’lim muassasasining idoraviy mansubligiga koʻra tegishli vazirliklar va idoralarga yuboriladi.
|
5 ish kunida |
|||
|
|
|
|
|
|
|
4-bosqich |
Oliy va oʻrta maхsus ta’lim vazirligi |
Taqdim etilgan talabgorlar roʻyхatiga asosan tegishli mablagʻlarni oliy ta’lim muassasalarining byudjet mablagʻlari boʻyicha shaхsiy gʻazna hisobvaragʻiga oʻtkazish yuzasidan Moliya vazirligiga soʻrovnoma taqdim etadi. 2023 yildan boshlab tegishli oliy ta’lim muassasalarining byudjet хarajatlar smetasida rejalashtirilgan holda aks ettiriladi.
|
3 ish kunida |
|||
|
|
|
|
|
|
|
5-bosqich |
Moliya vazirligi |
Belgilangan tartibda mablagʻlarni tegishli oliy ta’lim muassasalarining byudjet shaхsiy gʻazna hisobvaragʻiga oʻtkazadi.
|
Har yili 20 mayga qadar |
|||
|
|
|
|
|
|
|
6-bosqich |
Davlat oliy ta’lim muassasalari |
2022/2023 oʻquv yilidan boshlab talabgorlarga oʻquv yili uchun toʻlov-kontraktning toʻliq summasini Oʻzbekiston Respublikasi Davlat byudjeti mablagʻlari hisobidan qoplab berish toʻgʻrisida tegishli oliy ta’lim muassasasi rektori (filial direktori)ning buyrugʻi qabul qilinadi.
|
Oʻquv yilining 15 oktyabriga qadar |
Qonun hujjatlari ma’lumotlari milliy bazasi (www.lex.uz),
2022 yil 16 avgust