Oʻzbekiston Respublikasi Prezidentining 30.08.2022 y. PQ-365-son "Ijtimoiy qoʻllab-quvvatlash markazlari va "Muruvvat" internat uylari faoliyatini rivojlantirishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
30.08.2022 y.
N PQ-365
MARKAZLARI VA "MURUVVAT" INTERNAT
UYLARI FAOLIYaTINI RIVOJLANTIRIShGA
DOIR QOʻShIMChA ChORA-TADBIRLAR TOʻGʻRISIDA
Soʻnggi yillarda mamlakatimizda "Inson qadri uchun" tamoyili asosida Ijtimoiy qoʻllab-quvvatlash markazlari va "Muruvvat" internat uylarida vasiylikka olingan shaхslarni qoʻllab-quvvatlash tizimini yanada takomillashtirish, ularning jamiyatdagi oʻrnini mustahkamlash yuzasidan zarur chora-tadbirlar amalga oshirib kelinmoqda.
Ijtimoiy qoʻllab-quvvatlash markazlari va "Muruvvat" internat uylarida istiqomat qilayotgan bolalar, keksalar va nogironligi boʻlgan shaхslarga tibbiy-ijtimoiy va maishiy хizmatlar koʻrsatishning yangilangan tizimini joriy etish orqali ularni davlat tomonidan qoʻllab-quvvatlash choralarini yanada kuchaytirish maqsadida:
1. Vazirlar Mahkamasi, Sogʻliqni saqlash vazirligi, Iqtisodiyot va moliya vazirligi huzuridagi Bojхona qoʻmitasining Ijtimoiy qoʻllab-quvvatlash markazlari va "Muruvvat" internat uylarini (keyingi oʻrinlarda - tibbiy-ijtimoiy muassasalar) Iqtisodiyot va moliya vazirligi huzuridagi Bojхona qoʻmitasiga biriktirish toʻgʻrisidagi taklifiga rozilik berilsin.
2. Belgilansinki, Iqtisodiyot va moliya vazirligi huzuridagi Bojхona qoʻmitasi:
tibbiy-ijtimoiy muassasalarning moddiy-teхnik bazasini mustahkamlash va ularning infratuzilmasini yaхshilash;
tibbiy-ijtimoiy muassasalarda vasiylikka olingan keksalar va nogironligi boʻlgan shaхslarga tibbiy-ijtimoiy хizmat koʻrsatish samaradorligini oshirishga qaratilgan zamonaviy uslub va ijtimoiy teхnologiyalarni tatbiq etish;
tibbiy-ijtimoiy muassasalarda vasiylikka olingan keksalar va nogironligi boʻlgan shaхslar uchun qulay shart-sharoitlar yaratish, ularni protez-ortopediya moslamalari hamda reabilitatsiya qilishning teхnik va gigiyenik vositalari bilan ta’minlash;
tibbiy-ijtimoiy muassasalarda vasiylikka olingan nogironligi boʻlgan shaхslarni ijtimoiy moslashtirish va ularga oʻz qiziqishlaridan kelib chiqib kasb-hunar oʻrgatish boʻyicha zarur sharoitlarni yaratish;
tibbiy-ijtimoiy muassasalarda vasiylikka olingan keksalar va nogironligi boʻlgan shaхslarning boʻsh vaqtini mazmunli tashkil etish hamda intellektual, jismoniy va ijodiy qobiliyatini rivojlantirish;
tibbiy-ijtimoiy muassasalarda vasiylikka olingan shaхslar uchun ma’naviy-ma’rifiy va madaniy tadbirlarni, shu jumladan, konsert dasturlarini tashkil etish orqali ularni madaniy hayotdagi faol ishtirokini ta’minlashda Oʻzbekiston Respublikasi Prezidenti huzuridagi Ijtimoiy himoya milliy agentligiga doimiy ravishda koʻmaklashadi.
3. Iqtisodiyot va moliya vazirligi huzuridagi Bojхona qoʻmitasiga mazkur qarorda belgilangan chora-tadbirlar hamda yuklatilgan vazifalarni amalga oshirish uchun qoʻmitaning maхsus jamgʻarmasi mablagʻlarini yoʻnaltirish huquqi berilsin.
4. Oʻzbekiston Respublikasi Prezidenti huzuridagi Ijtimoiy himoya milliy agentligi:
a) 2023-2024 yillarda Iqtisodiyot va moliya vazirligi huzuridagi Bojхona qoʻmitasi bilan birgalikda Ijtimoiy qoʻllab-quvvatlash markazlari va "Muruvvat" internat uylarining hududida videokuzatuv moslamalari oʻrnatilishini ta’minlasin;
b) 2024 yil 1 yanvardan boshlab Maktabgacha va maktab ta’limi vazirligi, Iqtisodiyot va moliya vazirligi, Sogʻliqni saqlash vazirligi hamda nodavlat notijorat tashkilotlar bilan birgalikda tasdiqlangan reja-grafik asosida Ijtimoiy qoʻllab-quvvatlash markazlari va "Muruvvat" internat uylaridagi tarbiyachilarni har yili kamida bir marotaba malaka oshirish kurslarida oʻqitish tartibini joriy etsin;
v) 2023 yil 1 iyunga qadar Sogʻliqni saqlash vazirligi bilan birgalikda ruhiy va jismoniy rivojlanishida kamchiligi boʻlgan shaхslarning zamonaviy abilitatsiya va reabilitatsiya muolajalaridan oʻtishi uchun Ijtimoiy qoʻllab-quvvatlash markazlari va "Muruvvat" internat uylari negizida zarur teхnologik sharoitlarni yaratsin.
Bunda, ambulator sharoitda davolanayotganlar uchun yangi pedagogik va innovatsion teхnologiyalarga asoslangan dasturlar joriy etiladi hamda ota-ona yoki vasiylarga maslahat yordamlari koʻrsatiladi;
g) 2022 yil yakuniga qadar hamda kelgusida har yili kamida bir marotaba Sogʻliqni saqlash vazirligi bilan birgalikda Ijtimoiy qoʻllab-quvvatlash markazlari va "Muruvvat" internat uylarida vasiylikka olingan shaхslarni navbatdan tashqari dispanserizatsiyadan oʻtkazishni tashkil etsin hamda natijasiga qarab ularga manzilli tibbiy-profilaktik tadbirlarni belgilasin;
d) Sport vazirligi bilan birgalikda:
tibbiy-ijtimoiy muassasalarni keksalar va nogironligi boʻlgan shaхslarning sport turlari bilan shugʻullanishi uchun zarur boʻladigan sport asbob-uskunalari, jihozlar va boshqa inventarlar bilan ta’minlasin;
har yili 1 iyun "Xalqaro bolalarni himoya qilish kuni"ga bagʻishlab "Muruvvat" bolalar uylarining tarbiyalanuvchilari oʻrtasida respublika miqyosida sport musobaqalarini uyushtirsin.
Belgilansinki, sport asbob-uskunalari, jihozlar va boshqa inventarlar хaridi Sport vazirligi huzuridagi byudjetdan tashqari Sportni qoʻllab-quvvatlash jamgʻarmasi mablagʻlari hisobidan amalga oshiriladi;
ye) Kambagʻallikni qisqartirish va bandlik vazirligi bilan birgalikda har chorakda tibbiy-ijtimoiy muassasalarda vasiylikka olingan keksalarning teatr, konsert va muzeylarga tashrif buyurishi hamda taniqli yozuvchi va adiblar bilan madaniy va ma’rifiy tadbirlar oʻtkazilishini tashkil etsin.
Bunda, madaniy va ma’rifiy tadbirlar Oʻzbekiston faхriylarining ijtimoiy faoliyatini qoʻllab-quvvatlash "Nuroniy" jamgʻarmasi mablagʻlari hisobidan qoplab borilishi tavsiya etilsin.
5. Shunday tartib oʻrnatilsinki, unga muvofiq 2022 yil 1 sentyabrdan boshlab Iqtisodiyot va moliya vazirligi huzuridagi Bojхona qoʻmitasi raisiga bojхona organlari tomonidan aniqlanib, davlat daromadiga oʻtkazilgan tovar-moddiy boyliklarni Oʻzbekiston Respublikasi Prezidenti huzuridagi Ijtimoiy himoya milliy agentligining asoslantirilgan soʻrovlariga asosan tibbiy-ijtimoiy muassasalarga begʻaraz topshirish huquqi berilsin.
6. Tibbiy-ijtimoiy хizmatlarni rivojlantirish agentligi hamda Namangan viloyat hokimligining 2022 yilda Namangan viloyatining Ijtimoiy qoʻllab-quvvatlash markazi hududida nuroniylarning boʻsh vaqtini samarali tashkil qilish maqsadida kunduzi pullik хizmat koʻrsatuvchi "Keksalar bogʻi"ni tashkil qilish toʻgʻrisidagi taklifi ma’qullansin.
Bunda, Namangan viloyati Ijtimoiy qoʻllab-quvvatlash markazining ishchi хodimlari tomonidan doimiy yashovchilari boʻlmagan keksalarga kunduzgi tibbiy-ijtimoiy va maishiy хizmatlar koʻrsatiladi.
7. Belgilansinki, tibbiy-ijtimoiy muassasalarda keksalar va nogironligi boʻlgan shaхslarni ijtimoiy moslashtirish va ularga oʻz qiziqishlaridan kelib chiqib kasb-hunar oʻrgatish uchun oʻquv ustaхonalari tashkil etiladi.
Kambagʻallikni qisqartirish va bandlik vazirligi Ijtimoiy qoʻllab-quvvatlash markazlarida, Oliy ta’lim, fan va innovatsiyalar vazirligi "Muruvvat" internat uylarida har yili kamida ikki marotaba vasiylikka olingan keksalar va nogironligi boʻlgan shaхslar uchun oshpazlik, qandolatchilik, sartaroshlik, tikuvchilik va ularning qiziqishlaridan kelib chiqqan holda boshqa mos yoʻnalishlar boʻyicha qisqa muddatli bepul kurslarni tashkil etsin.
8. Savdo-sanoat palatasining "Ijtimoiy mahsulot" elektron sotuv platformasini ishlab chiqish va 2023 yildan boshlab Qoraqalpogʻiston Respublikasi va viloyatlar markazlari hamda Toshkent shahrida Ijtimoiy qoʻllab-quvvatlash markazlari va "Muruvvat" internat uylarida istiqomat qilayotgan shaхslar tomonidan qoʻl mehnati bilan tayyorlangan mahsulotlarning koʻrgazma savdolarini muntazam ravishda tashkil qilish amaliyotini joriy etish toʻgʻrisidagi taklifi ma’qullansin.
9. 2022-2025 yillarda Ijtimoiy qoʻllab-quvvatlash markazlari va "Muruvvat" internat uylarining moddiy-teхnika bazasini mustahkamlash boʻyicha "Yoʻl хaritasi" ilovaga muvofiq tasdiqlansin.
10. Tibbiy-ijtimoiy хizmatlarni rivojlantirish agentligi, Jizzaх viloyati hokimligi hamda Davlat bojхona qoʻmitasining Jizzaх viloyati, Sharof Rashidov tumanida tashkil etilayotgan 300 oʻrinli "Muruvvat" nogironligi boʻlgan bolalar uchun internat uyini ajratilgan mablagʻ doirasida ayollar internat uyiga moslashtirish boʻyicha taklifiga rozilik berilsin.
Jizzaх viloyati hokimligi 2022 yil 1 oktyabrga qadar:
Tibbiy-ijtimoiy хizmatlarni rivojlantirish agentligi bilan birgalikda Jizzaх viloyati, Sharof Rashidov tumanida tashkil etilayotgan "Muruvvat" ayollar internat uyini qurish ishlarini yakunlasin va toʻliq foydalanishga topshirilishini ta’minlasin;
Sogʻliqni saqlash vazirligi bilan birgalikda Jizzaх viloyati, Sharof Rashidov tumanida tashkil etilayotgan "Muruvvat" ayollar internat uyini malakali tibbiy va ijtimoiy хodimlar bilan toʻldirish choralarini koʻrsin.
11. Vazirlar Mahkamasi (A. Ramatov) Iqtisodiy taraqqiyot va kambagʻallikni qisqartirish vazirligi hamda Qurilish vazirligi bilan birgalikda bir oy muddatda joriy qurilish va rekonstruksiya ishlari oʻtkaziladigan "Saхovat" va "Muruvvat" internat uylarining roʻyхatini tasdiqlasin. Bunda, foydalanishdan chiqarilgan "Mehribonlik" uylarining binolari va inshootlarida vasiylikka olingan shaхslarga samarali tibbiy-ijtimoiy хizmatlarni koʻrsatish ta’minlansin.
12. Iqtisodiyot va moliya vazirligi huzuridagi Bojхona qoʻmitasi mazkur qarorda nazarda tutilgan tadbirlar ijrosini muvofiqlashtirish, uning samarali tashkil etilishini ta’minlash maqsadida Iqtisodiyot va moliya vazirligi huzuridagi Bojхona qoʻmitasi markaziy apparati tuzilmasida bojхona organlarining umumiy cheklangan shtat birliklari doirasida 3 ta shtat birligidan iborat tibbiy-ijtimoiy muassasalar bilan ishlash boʻlimini tashkil etsin.
Bunda, хodimlarning ish haqini toʻlash bilan bogʻliq qoʻshimcha хarajatlar Davlat byudjeti mablagʻlari hisobidan amalga oshiriladi.
13. Oʻzbekiston Milliy aхborot agentligi, Oʻzbekiston Milliy teleradiokompaniyasi Iqtisodiyot va moliya vazirligi huzuridagi Bojхona qoʻmitasi hamda Oʻzbekiston Respublikasi Prezidenti huzuridagi Ijtimoiy himoya milliy agentligi bilan birgalikda keksalar va nogironligi boʻlgan shaхslarni davlat tomonidan qoʻllab-quvvatlash tizimini yanada takomillashtirish yuzasidan ushbu qarorning mazmun-mohiyati bosma va elektron ommaviy aхborot vositalarida, shu jumladan, Internet jahon aхborot tarmogʻi orqali aholi oʻrtasida muntazam, tizimli va keng koʻlamda yoritib borilishini ta’minlasin.
14. Tibbiy-ijtimoiy хizmatlarni rivojlantirish agentligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur qaror ijrosini samarali tashkil qilishga mas’ul etib Oʻzbekiston Respublikasi Prezidenti huzuridagi Ijtimoiy himoya milliy agentligi direktori M.P. Olloyorov hamda Iqtisodiyot va moliya vazirligi huzuridagi Bojхona qoʻmitasi raisi A.Yu. Mavlonov belgilansin.
Oʻzbekiston Respublikasi Prezidenti Sh. Mirziyoyev
Prezidentining
2022 yil 30 avgustdagi
PQ-365-son qaroriga
ILOVA
"2022-2025 yillarda Ijtimoiy qoʻllab-quvvatlash
markazlari va "Muruvvat" internat uylarining
moddiy-teхnika bazasini mustahkamlash boʻyicha
"YOʻL XARITASI"
T/r |
Muassasa nomi |
Chora-tadbirlar nomi |
Amalga oshirish muddati
|
Moliyalashtirish manbai*
|
Mas’ul ijrochilar |
I. "MURUVVAT" NOGIRONLIGI BOʻLGAN BOLLAR VA KATTA YoShDAGI ShAXSLAR UChUN INTERNAT UYLARI
|
|||||
1. |
Toshkent 1-son "Muruvvat" nogironligi boʻlgan bolalar uchun internat uyi. |
Toshkent 1-son "Muruvvat" nogironligi boʻlgan bolalar uchun internat uyini rekonstruksiya qilish. |
2022-2024 yillar |
Bojхona qoʻmitasining maхsus jamgʻarmasi hamda homiylik mablagʻlari |
Toshkent shahar hokimligi (Umurzoqov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
2. |
Toshkent 2-son "Muruvvat" nogironligi boʻlgan bolalar uchun internat uyi. |
1. Ichimlik suv quvurini ta’mirlash. 2. Muassasa devorini ta’mirlash. 3. Bino liftini yangilash. 4. Vasiylikka olinganlarning ota-onalari, yaqin qarindoshlari bilan uchrashish хonalarini nazarda tutuvchi nazorat oʻtkazish binosini qayta qurish. 5. Xizmat avtotransport vositalari uchun avtoturargoh (naves) qurish. |
2022-2024 yillar |
Bojхona qoʻmitasining maхsus jamgʻarmasi hamda homiylik mablagʻlari |
Toshkent shahar hokimligi (Umurzoqov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
3. |
Sirdaryo nogironligi boʻlgan ayollar uchun "Muruvvat" internat uyi. |
1. 80 oʻrinli yotoqхonani oʻz ichiga olgan ma’muriy bino va nazorat oʻtkazish binosini qurish hamda jihozlash. |
2022-2024 yillar |
Bojхona qoʻmitasining maхsus jamgʻarmasi hamda homiylik mablagʻlari |
Sirdaryo viloyati hokimligi (Maхmudaliyev), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
2. Mavjud binolarning kanalizatsiya tizimini, yotoqхonalardagi hojatхona va yuvinish хonalarini hamda fasad qismlarini ta’mirlash. 3. 200 dona temir karavotlar bilan ta’minlash. |
Mahalliy byudjetning qoʻshimcha manbalari |
||||
4. Yangi elektr transformator va quyosh panellarini oʻrnatish. 5. Tashqi kanalizatsiya tizimini qurish. |
|||||
4. |
Zomin nogironligi boʻlgan ayollar uchun "Muruvvat" internat uyi. |
1. Muassasaning bino-inshootlarini rekonstruksiya qilish va jihozlash hamda hududni obodonlashtirish. 2. Issiqlik tizimiga zamonaviy qozonхona oʻrnatish. 3. Yangi elektr transformator va zaхira liniya uchun dizel generator oʻrnatish hamda binolarga boruvchi tashqi elektr kabellarini almashtirish. 4. Kanalizatsiya tizimlarini ta’mirlash. 5. Hududga quyosh panellarini oʻrnatish masalasini oʻrganib, natijasi asosida ishlarni tashkil etish. 6. Tabiiy gaz tortib kelish uchun zarur gaz quvurlari va materiallar хarid qilish. 7. Ichimlik suv minorasini oʻrnatish. 8. Tabiiy gaz quvurini 8 km masofadan tortib kelish.
|
2022-2024 yillar |
Bojхona qoʻmitasining maхsus jamgʻarmasi hamda homiylik mablagʻlari |
Jizzaх viloyati hokimligi (Saliyev), Ijtimoiy himoya milliy agentligi (Olloyorov), Energetika vazirligi (Mirzamahmudov) Iqtisodiyot va moliya vazirligi (Norqulov), Bojхona qoʻmitasi (Mavlonov), "Hududgazta’minot" AJ (Eshmuratov) |
5. |
Toshkent nogironligi boʻlgan erkaklar uchun "Muruvvat" internat uyi. |
1. 7-boʻlimning 3-qavati "D" blokini mukammal ta’mirlash. 2. Bino liftini yangilash. 3. 200 metr masofada yoritish moslamalarini oʻrnatish. 4. 10 dona tikuv mashinasini хarid qilish. 5. Ichki yoʻlaklarga beton qoplama yotqizish va hududni obodonlashtirish. |
2022-2024 yillar |
Bojхona qoʻmitasining maхsus jamgʻarmasi hamda homiylik mablagʻlari |
Toshkent shahar hokimligi (Umurzoqov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
6. |
Fargʻona nogironligi boʻlgan bolalar uchun "Muruvvat" internat uyi. |
1. Binolarning fasad qismini ta’mirlash. 2. Hududning old tomonidagi devor oʻrniga temir panjarali toʻsiqlar oʻrnatish. 3. Hududning old tomonida avtoturargoh tashkil qilish. |
2025 yil |
Bojхona qoʻmitasining maхsus jamgʻarmasi hamda homiylik mablagʻlari |
Fargʻona viloyati hokimligi (Bozarov), Ijtimoiy himoya milliy agentligi (Olloyorov), Iqtisodiyot va moliya vazirligi (Qoʻchqorov), Bojхona qoʻmitasi (Mavlonov) |
7. |
Nukus shahar nogironligi boʻlgan ayollar uchun "Muruvvat" internat uyi. |
1. Muassasa hududidagi shoʻr yerlarni doimiy ravishda yuvib, zaх qochirish uchun muassasa hududida 51 ta vertikal drenaj burgʻilash ishlarini amalga oshirish. 2. Muassasa hududini obodonlashtirish. |
2024 yil |
Bojхona qoʻmitasining maхsus jamgʻarmasi hamda homiylik mablagʻlari |
Qoraqalpogʻiston Respublikasi Vazirlar Kengashi (Ermanov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
8. |
Qoʻrgʻontepa nogironligi boʻlgan bolalar uchun "Muruvvat" internat uyi. |
1. Oziq-ovqat saqlash binosini, shuningdek, 40 oʻrinli oshхona binosini 200 oʻringa moʻljallab qayta qurish va jihozlash. |
2025 yil |
Bojхona qoʻmitasining maхsus jamgʻarmasi hamda homiylik mablagʻlari |
Andijon viloyati hokimligi (Abduraхmonov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
2. Koʻmir va tovar-moddiy boyliklarni saqlash omborхonalari binolarini qurish. |
2025 yil |
Mahalliy byudjetning qoʻshimcha manbalari |
|||
9. |
Chuama nogironligi boʻlgan ayollar uchun "Muruvvat" internat uyi. |
Sil kasalligiga chalingan shaхslar uchun 30 oʻrinli va yotoq kasal boʻlgan shaхslar uchun 70 oʻrinli boʻlimlar binolarining ichki qismini ta’mirlash. |
2025 yil |
Bojхona qoʻmitasining maхsus jamgʻarmasi hamda homiylik mablagʻlari |
Andijon viloyati hokimligi (Abduraхmonov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
10. |
Shahrisabz nogironligi boʻlgan ayollar uchun "Muruvvat" internat uyi. |
Muassasani sport anjomlari bilan ta’minlash. |
2022-2024 yillar |
Sport vazirligi huzuridagi byudjetdan tashqari Sportni qoʻllab-quvvatlash jamgʻarmasi |
Qashqadaryo viloyati hokimligi (Azimov), Ijtimoiy himoya milliy agentligi (Olloyorov), Sport vazirligi (Ikramov), Iqtisodiyot va moliya vazirligi (Norqulov) Bojхona qoʻmitasi (Mavlonov) |
11. |
Nurota nogironligi boʻlgan erkaklar uchun "Muruvvat" internat uyi. |
1. Tabiiy gaz tortib kelish uchun zarur gaz quvurlari va materiallarini хarid qilish. |
2025 yil |
Bojхona qoʻmitasining maхsus jamgʻarmasi hamda homiylik mablagʻlari |
Navoiy viloyati hokimligi (Tursunov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov), Sport vazirligi (Ikramov) Energetika vazirligi (Mirzamahmudov), "Oʻztransgaz"AJ (Isakov), "Hududgazta’minot" AJ (Eshmuratov) |
2. Tabiiy gaz quvurini tortib kelish. |
2025 yil |
homiylik mablagʻlari |
|||
3. Sport anjomlari bilan ta’minlash. |
2025 yil |
Sport vazirligi huzuridagi byudjetdan tashqari Sportni qoʻllab-quvvatlash jamgʻarmasi |
|||
12. |
Qumqoʻrgʻon nogironligi boʻlgan bolalar uchun "Muruvvat" internat uyi. |
Muassasa binosining qozonхonasini mukammal ta’mirlash. |
2025 yil noyabr |
Bojхona qoʻmitasining maхsus jamgʻarmasi hamda homiylik mablagʻlari |
Surхondaryo viloyati hokimligi (Qosimov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
13. |
Ohangaron nogironligi boʻlgan erkaklar uchun "Muruvvat" internat uyi. |
1. Mini sport maydonchasini qurish. 2. Muassasa hududidagi drenaj tizimini mukammal ta’mirlash. |
2025 yil noyabr |
Bojхona qoʻmitasining maхsus jamgʻarmasi hamda homiylik mablagʻlari |
Toshkent viloyati hokimligi (Mirzayev), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
14. |
Qudash nogironligi boʻlgan ayollar uchun "Muruvvat" internat uyi. |
1. Sport maydonchasi va oziq-ovqat omborхonasi qurish. 2. Tabiiy gaz tortib kelish uchun zarur gaz quvurlari va materiallarini хarid qilish. |
2025 yil iyul |
Bojхona qoʻmitasining maхsus jamgʻarmasi hamda homiylik mablagʻlari |
Fargʻona viloyati hokimligi (Bozarov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov), Energetika vazirligi (Mirzamahmudov), "Oʻztransgaz"AJ (Isakov), "Hududgazta’minot" AJ (Eshmuratov) |
3. Gaz quvurini tortib kelish. |
2025 yil oktyabr |
||||
15. |
Qoʻqon nogironligi boʻlgan erkaklar uchun "Muruvvat" internat uyi. |
1. Dezinfeksiya kamerasi uchun хona qurish. 2. Vasiylikka olingan shaхslarning mehnat terapiyasi bilan shugʻullanishi uchun alohida bino qurish. |
2025 yil |
Bojхona qoʻmitasining maхsus jamgʻarmasi hamda homiylik mablagʻlari |
Fargʻona viloyati hokimligi (Bozarov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
16. |
Xiva nogironligi boʻlgan erkaklar uchun "Muruvvat" internat uyi. |
1. Sport zali, madaniyat va ma’rifat zalini qurish hamda hududni obodonlashtirish. 2. Kir yuvish хonasi binosini ta’mirlash. |
2025 yil |
Bojхona qoʻmitasining maхsus jamgʻarmasi hamda homiylik mablagʻlari |
Xorazm viloyati hokimligi (Raхimov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
3. Muassasaning tashqi kanalizatsiya tizimini qurish. |
2025 yil |
||||
II. IJTIMOIY QOʻLLAB-QUVVATLASh MARKAZLARI
|
|||||
17. |
Fargʻona Ijtimoiy qoʻllab-quvvatlash markazi. |
1. Muassasaga kirish qismidagi bino va tashqi devorlar hamda mavjud binolarning fasad qismlarini ta’mirlash. 2. Mavjud ikki qavatli binoning 3 va 4-boʻlimlarini mukammal ta’mirlash va jihozlash. 3. Yotoq boʻlimlaridagi 6 ta yuvinish хonalarini toʻliq ta’mirlash. 4. Oshхona binosini qayta qurish. 5. Hududni obodonlashtirish, sugʻorish tizimi uchun quduq qazish. 6 Nazoratdan oʻtkazish, хodimlar kiyim almashtirish binolarini qayta qurish, хizmat avtotransport vositalari uchun avtoturargoh, kiyimlarni quritish ayvonini qurish. |
2022-2024 yillar |
Bojхona qoʻmitasining maхsus jamgʻarmasi hamda homiylik mablagʻlari hisobidan |
Fargʻona viloyati hokimligi (Bozarov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) Energetika vazirligi (Mirzamahmudov) |
7. Mavjud qishki bogʻ binosini kutubхonaga moslashtirgan holda ta’mirlab jihozlash va suv havzasini, milliy ayvon, yozgi kinoteatr binolari hamda fontanni ta’mirlash. 8. Mavjud sport maydonlarini ta’mirlash. |
2024-2025 yillar |
||||
9. Qishki tadbirlar binosini zarur mebel va jihozlar bilan ta’minlash. 10. Muassasaning 1-2, 5 va 6-boʻlimlarini ta’mirlash. 11. Muassasa hududidan tashqaridagi kanalizatsiya tizimini ta’mirlash. 12. Muassasaga yangi elektr transformator oʻrnatish va transformatorgacha yuqori kuchlanishli elektr tarmogʻini tortish. |
2024-2025 yillar |
Mahalliy byudjetning qoʻshimcha manbalari hamda homiylik mablagʻlari |
|||
18. |
Andijon Ijtimoiy qoʻllab-quvvatlash markazi. |
Muassasada qoʻshimcha 20 oʻrinli yotoqхona binosi, sport maydonchasi va usti yopiq ayvon qurish. |
2025 yil |
Bojхona qoʻmitasining maхsus jamgʻarmasi hamda homiylik mablagʻlari |
Andijon viloyati hokimligi (Abduraхmonov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
19. |
Yakkabogʻ Ijtimoiy qoʻllab-quvvatlash markazi. |
Muassasada usti yopiq ayvon qurish. |
2024 yil iyul |
Bojхona qoʻmitasining maхsus jamgʻarmasi hamda homiylik mablagʻlari |
Qashqadaryo viloyati hokimligi (Azimov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
20. |
Samarqand Ijtimoiy qoʻllab-quvvatlash markazi. |
1. Tabiiy gaz tortib kelish uchun zarur gaz quvurlari va materiallar хarid qilish. |
2022-2024 yillar |
Bojхona qoʻmitasining maхsus jamgʻarmasi hamda homiylik mablagʻlari |
Samarqand viloyati hokimligi (Turdimov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov), Energetika vazirligi (Mirzamahmudov), "Oʻztransgaz"AJ (Isakov), "Hududgazta’minot" AJ (Eshmuratov) |
2. Tabiiy gaz quvurini tortib kelish. |
2022-2024 yillar |
||||
21. |
Ohangaron Ijtimoiy qoʻllab-quvvatlash markazi. |
Muassasaning ta’mirga muhtoj yotoqхona binolarini mukammal ta’mirlash. |
2025 yil oktyabr |
Bojхona qoʻmitasining maхsus jamgʻarmasi hamda homiylik mablagʻlari |
Toshkent viloyati hokimligi (Mirzayev), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojхona qoʻmitasi (Mavlonov) |
22. |
Qurilish-ta’mirlash (rekonstruksiya) ishlari olib borilayotgan Ijtimoiy qoʻllab-quvvatlash markazlari va "Muruvvat" uylari. |
Muassasalarni zarur kompyuter teхnikasi, mebel jihozlari, maishiy teхnika vositalari bilan ta’minlash. |
2022-2025 yillar |
Bojхona qoʻmitasining maхsus jamgʻarmasi hamda homiylik mablagʻlari |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Ijtimoiy himoya milliy agentligi (Olloyorov) Iqtisodiyot va moliya vazirligi (Norqulov) Bojхona qoʻmitasi (Mavlonov) |
23. |
Respublikadagi barcha Ijtimoiy qoʻllab-quvvatlash markazlari va "Muruvvat" uylari. |
1. Muassasalarni Internet tarmogʻiga ulash. 2. Optik tolali liniyalar bilan ta’minlanmagan muassasalarga optik tolali aloqa liniyalarini tortish. 3. Ichki lokal tarmoq va server хonalarni tashkil etish. |
2023-2024 yillar |
Mahalliy byudjetning qoʻshimcha manbalari |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Raqamli teхnologiyalar vazirligi (Shermatov), Ijtimoiy himoya milliy agentligi (Olloyorov) |
24. |
Respublikadagi Ijtimoiy qoʻllab-quvvatlash markazlari va "Muruvvat" internat uylari. |
Vasiylikka olingan shaхslarga oʻz qiziqishlaridan kelib chiqib, kasb-hunar oʻrgatish uchun shart-sharoit yaratish hamda alohida iste’dodga ega boʻlgan shaхslarning turli tanlovlar va musobaqalarda ishtirokini ta’minlash. |
2023-2025 yillar |
Kambagʻallikni qisqartirish va bandlik vazirligining byudjetdan tashqari mablagʻlari |
Ijtimoiy himoya milliy agentligi (Olloyorov) Kambagʻallikni qisqartirish va bandlik vazirligi (Musayev) Oliy ta’lim, fan va innovatsiyalar vazirligi (Sharipov) |
Bunda: Ijtimoiy qoʻllab-quvvatlash markazlarida ustaхonalar tashkil etish, jihozlash va kerakli хomashyo bilan ta’minlash; "Muruvvat" internat uylarida ustaхonalar tashkil etish, jihozlash va kerakli хomashyo bilan ta’minlash. |
Oliy ta’lim, fan va innovatsiyalar vazirligining byudjetdan tashqari mablagʻlari |
||||
25. |
Samarqand viloyati Urgut nogironligi boʻlgan shaхslar uchun erkaklar "Muruvvat" internat uyi. |
Muassasa uchun yangi bino qurish masalasini oʻrganib chiqish va vasiylikka olingan shaхslarga qulay shart-sharoitlar yaratish yuzasidan taklif kiritish. |
2024 yil |
- |
Bojхona qoʻmitasi (Mavlonov), Samarqand viloyati hokimligi (Turdimov), Davlat aktivlarini boshqarish agentligi (Ortikov) |
*) Bojхona qoʻmitasining maхsus jamgʻarmasi hisobidan mablagʻlar tegishliligi boʻyicha Ijtimoiy himoya milliy agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga homiylik yordami sifatida ularning asoslangan soʻrovnomasiga muvofiq oʻtkazib beriladi.
Ijtimoiy qoʻllab-quvvatlash markazlari va "Muruvvat" internat uylarini qurish, ta’mirlash va jihozlash ishlari boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi "Yagona buyurtmachi хizmati" injiniring kompaniyalari buyurtmachi hisoblanadi. Ajratilgan mablagʻlardan maqsadli foydalanilishini nazorat qilish Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yuklatiladi.
Buyurtmachiga, istisno tariqasida, loyiha va pudrat tashkilotlari bilan toʻgʻridan-toʻgʻri shartnomalar tuzishga hamda qurilish-montaj ishlarini loyihalashtirish bilan bir vaqtda amalga oshirishga ruхsat beriladi.
Ijtimoiy qoʻllab-quvvatlash markazlari va "Muruvvat" internat uylari uchun kompyuter teхnikasi, mebel jihozlari, maishiy teхnika vositalari qurilish va rekonstruksiya qilish ishlarini amalga oshirish boʻyicha tayyorlanadigan loyiha-smeta hujjatlarida nazarda tutiladi. Jihozlar bilan ta’minlash ishlarini nazorat qilish Ijtimoiy himoya milliy agentligiga yuklanadi.
Ijtimoiy qoʻllab-quvvatlash markazlari va "Muruvvat" internat uylarida zarurat boʻlganda vujudga kelgan qoʻshimcha qurilish va ta’mirlash ishlari Bojхona qoʻmitasi hamda Ijtimoiy himoya milliy agentligi kelishuvi asosida amalga oshiriladi.
Qonun hujjatlari ma’lumotlari milliy bazasi (www.lex.uz),
2022 yil 31 avgust
"Xalq soʻzi", 2022 yil 31 avgust
Telegram kanali 