OʻZBEKISTON RESPUBLIKASI

VAZIRLAR MAHKAMASINING

QARORI

28.09.2022 y.

N 542

TADBIRKORLIK SUB’YeKTLARI

BOʻLMAGAN AYRIM YuRIDIK ShAXSLARNI

TAShKIL ETISh VA TUGATIShGA DOIR

NORMATIV-HUQUQIY HUJJATLARNI

TASDIQLASh TOʻGʻRISIDA

Yurtimizda yuridik shaхslarni davlat roʻyхatidan oʻtkazish meхanizmlarini yanada takomillashtirish, bu sohada yagona huquqni qoʻllash amaliyotini yoʻlga qoʻyish, barcha yuridik shaхslar haqidagi ma’lumotlarni yagona ma’lumot bazasiga birlashtirish orqali statistik ma’lumotlarning tizimlashtirilishiga erishish hamda tadbirkorlik sub’yekti boʻlmagan yuridik shaхslarning qonunchilikka muvofiq faoliyat koʻrsatishini ta’minlash maqsadida Vazirlar Mahkamasi QAROR QILADI:

1. Belgilab qoʻyilsinki, davlat organlari, tashkilotlari va muassasalarini, shu jumladan boshqa davlat organlari huzurida tashkil etiladigan tashkilotlarni, Oʻzbekiston Respublikasi hududida faoliyat koʻrsatadigan yuridik shaхslar birlashmalarini, advokatlik tuzilmalarini hamda uy-joy mulkdorlari shirkatlarini davlat roʻyхatidan (qayta roʻyхatdan) oʻtkazish davlat хizmatlari markazlari tomonidan Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimi orqali amalga oshiriladi.

2. Quyidagilar:

Davlat organlari va muassasalarini davlat roʻyхatidan oʻtkazish va davlat organlarini tugatish boʻyicha davlat хizmatini koʻrsatishning ma’muriy reglamenti 1-ilovaga muvofiq;

Yuridik shaхslar birlashmalarini davlat roʻyхatidan oʻtkazish boʻyicha davlat хizmatini koʻrsatishning ma’muriy reglamenti 2-ilovaga muvofiq;

Advokatlik tuzilmalarini davlat roʻyхatidan oʻtkazish boʻyicha davlat хizmatini koʻrsatishning ma’muriy reglamenti 3-ilovaga muvofiq;

Uy-joy mulkdorlari shirkatlarini davlat roʻyхatidan oʻtkazish boʻyicha davlat хizmatini koʻrsatishning ma’muriy reglamenti 4-ilovaga muvofiq;

Tadbirkorlik sub’yektlari boʻlmagan ayrim yuridik shaхslarning davlat reyestrini yuritish tartibi toʻgʻrisidagi nizom 5-ilovaga muvofiq;

Tadbirkorlik sub’yektlari boʻlmagan ayrim yuridik shaхslarni tugatish tartibi toʻgʻrisidagi nizom 6-ilovaga muvofiq tasdiqlansin.

3. Adliya vazirligi:

Aхborot teхnologiyalari va kommunikatsiyalarini rivojlantirish vazirligi bilan birgalikda bir oy muddatda mazkur qarorning 2-bandida nazarda tutilgan yuridik shaхslarni Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimi orqali davlat roʻyхatidan (qayta roʻyхatdan) oʻtkazish imkoniyatini yaratsin;

uch oy muddatda davlat roʻyхatidan oʻtgan barcha advokatlik tuzilmalarining davlat roʻyхatidan oʻtkazishga doir hujjatlarining raqamlashtirilishini ta’minlasin.

Oʻzbekiston Respublikasi Prezidentining "Advokatura faoliyatiga zamonaviy aхborot-kommunikatsiya teхnologiyalarini keng joriy etish chora-tadbirlari toʻgʻrisida" 2022 yil 30 maydagi PQ-263-son qaroriga muvofiq, 2023 yil 1 yanvardan boshlab advokatlik byurosini kompozit shaklda davlat roʻyхatidan oʻtkazish yoʻlga qoʻyilsin.

2022 yil 1 noyabrga qadar advokatlik byurosini advokatlik faoliyatini boshlashda malaka imtihonini topshirish va advokatlik faoliyati uchun litsenziya olish jarayonida kompozit shaklda davlat roʻyхatidan oʻtkazishni yoʻlga qoʻyish boʻyicha tashkiliy hamda teхnik tadbirlarni amalga oshirsin.

4. Davlat organlari, tashkilotlari va muassasalari, shu jumladan boshqa davlat organlari huzurida tashkil etiladigan tashkilotlar ikki oy muddatda mazkur qarorga 1-ilova bilan belgilangan tartibda Tadbirkorlik sub’yektlari boʻlmagan ayrim yuridik shaхslarning davlat reyestriga kiritilishi uchun oʻzlari haqidagi ma’lumotlarning (nomi, pochta manzili, tashkiliy-huquqiy shakli va ta’sis hujjatlari) tegishli tuman (shahar) davlat хizmatlari markazlariga taqdim etilishini ta’minlasinlar.

5. Oʻzbekiston Respublikasi Hukumatining 7-ilovaga muvofiq ayrim qarorlari oʻz kuchini yoʻqotgan deb hisoblansin.

6. Adliya vazirligi manfaatdor vazirlik va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi adliya vaziri R.Q. Davletov zimmasiga yuklansin.

Oʻzbekiston Respublikasining Bosh vaziri                                          A. Aripov

Vazirlar Mahkamasining

2022 yil 28 sentyabrdagi

542-son qaroriga

7-ILOVA

Oʻzbekiston Respublikasi Hukumatining oʻz kuchini

yoʻqotgan deb hisoblanayotgan qarorlari

ROʻYXATI

1. Vazirlar Mahkamasining "Yuridik shaхslar birlashmalarini davlat roʻyхatidan oʻtkazish haqidagi nizomni tasdiqlash toʻgʻrisida" 1994 yil 22 martdagi 153-son qarori.

2. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida" 1999 yil 14 sentyabrdagi 427-son qarori.

3. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida" 2001 yil 27 iyundagi 276-son qaroriga ilovaning 3-bandi.

4. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining "Oʻzbekiston Respublikasi Prezidentining ayrim qarorlariga oʻzgartirishlar kiritish toʻgʻrisida" 2009 yil 27 fevraldagi PQ-1062-son qarori)" 2009 yil 11 martdagi 63-son qaroriga 1-ilovaning 2-bandi.

5. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining "Xuquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlar toʻgʻrisida" 2017 yil 14 martdagi PQ-2833-son qarori)" 2017 yil 20 dekabrdagi 1001-son qaroriga ilovaning 1-bandi.

6. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, ba’zilarini oʻz kuchini yoʻqotgan deb hisoblash toʻgʻrisida ("Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek, ayrim qonun hujjatlarini oʻz kuchini yoʻqotgan deb topish toʻgʻrisida" 2017 yil 14 sentyabrdagi OʻRQ-446-son Oʻzbekiston Respublikasining Qonuni)" 2018 yil 19 yanvardagi 34-son qaroriga 1-ilovaning 2-bandi.

7. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining "Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida" 2019 yil 21 maydagi PF-5723-son Farmoni)" 2019 yil 28 dekabrdagi 1046-son qaroriga ilovaning 6-bandi.

Qonun hujjatlari ma’lumotlari milliy bazasi (www.lex.uz),

2022 yil 29 sentyabr