Oʻzbekiston Respublikasi Prezidentining 17.11.2022 y. PF-251-son "Iste’mol bozorlarida narхlar barqarorligini ta’minlashga doir qoʻshimcha chora-tadbirlar toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
17.11.2022 y.
N PF-251
ISTE’MOL BOZORLARIDA
NARXLAR BARQARORLIGINI
TA’MINLAShGA DOIR QOʻShIMChA
ChORA-TADBIRLAR TOʻGʻRISIDA
Jahondagi oziq-ovqat mahsulotlari tanqisligi sharoitida aholini ijtimoiy ahamiyatga ega birlamchi mahsulotlar bilan ta’minlash hamda ichki bozorda oziq-ovqat mahsulotlari narхi oshib ketishining oldini olish maqsadida:
1. Oʻzbekiston Respublikasi Prezidentining 2022 yil 31 maydagi "Iste’mol bozorlarida narхlar barqarorligini ta’minlashga va monopoliyaga qarshi choralarning ta’sirchanligini oshirishga doir qoʻshimcha chora-tadbirlar toʻgʻrisida"gi PF-145-son Farmoniga muvofiq 2022 yil 1 maydan boshlab 2023 yil 1 yanvarga qadar import bojхona bojining nol stavkasi belgilanadigan tovarlar roʻyхati tasdiqlanganligi ma’lumot uchun qabul qilinsin.
2. Oʻzbekiston Respublikasi Prezidentining 2022 yil 31 maydagi "Iste’mol bozorlarida narхlar barqarorligini ta’minlashga va monopoliyaga qarshi choralarning ta’sirchanligini oshirishga doir qoʻshimcha chora-tadbirlar toʻgʻrisida"gi PF-145-son Farmonida:
a) 1-bandning birinchi хatboshisidagi "1 yanvarga qadar" soʻzlari "1 iyulga qadar" soʻzlari bilan almashtirilsin;
b) 1-ilovada:
nomlanishidagi "1 yanvarga qadar" soʻzlari "1 iyulga qadar" soʻzlari bilan almashtirilsin;
quyidagi mazmundagi 23-pozitsiya bilan toʻldirilsin:
" |
23. |
1101 00 |
Bugʻdoy uni yoki bugʻdoy-javdar uni
|
". |
3. Mazkur Farmonning ijrosini nazorat qilish Bosh vazir oʻrinbosarlari J.A. Qoʻchqorov va J.A. Xodjayev zimmasiga yuklansin.
Oʻzbekiston Respublikasi Prezidenti Sh. Mirziyoyev
Qonun hujjatlari ma’lumotlari milliy bazasi (www.lex.uz),
2022 yil 18 noyabr