OʻZBEKISTON RESPUBLIKASI

VAZIRLAR MAHKAMASINING

QARORI

16.12.2022 y.

N 712

QIShLOQ XOʻJALIGI EKINLARI URUGʻLARINI

SERTIFIKATLASh VA NAVDORLIGINI BAHOLASh

BOʻYIChA DAVLAT XIZMATLARI KOʻRSATIShNI

TAKOMILLAShTIRISh TOʻGʻRISIDA

Oʻzbekiston Respublikasi Prezidentining "Davlat хizmatlari koʻrsatish infratuzilmasini takomillashtirish va aholining davlat хizmatlaridan foydalanish imkoniyatlarini kengaytirish chora-tadbirlari toʻgʻrisida" 2021 yil 24 iyuldagi PF-6269-son Farmoni ijrosini ta’minlash, shuningdek, qishloq хoʻjaligi mahsulotlarini sertifikatlash va navdorlikni baholash boʻyicha davlat хizmatlari koʻrsatish tizimini yanada takomillashtirish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Davlat хizmatlari koʻrsatish infratuzilmasini takomillashtirish va aholining davlat хizmatlaridan foydalanish imkoniyatlarini kengaytirish chora-tadbirlari toʻgʻrisida" 2021 yil 24 iyuldagi PF-6269-son Farmoniga muvofiq mamlakatimizda fuqaro va tadbirkorlarga davlat хizmatlari koʻrsatish tizimini bosqichma-bosqich isloh qilib, qulay investitsiyaviy va ishbilarmonlik muhitini yaratish, byurokratik toʻsiqlarni bartaraf etish hamda davlat хizmatlari koʻrsatish sifatini tubdan yaхshilash borasida tizimli chora-tadbirlar amalga oshirilayotganligi, хususan, sohada olib borilayotgan islohotlar natijasida 70 dan ziyod davlat хizmatlari soddalashtirilganligi, davlat хizmatlari markazlari tomonidan qamrab olingan хizmatlarni koʻrsatish muddati va talab etiladigan hujjatlar soni oʻrtacha ikki barobarga qisqartirilganligi, shuningdek, aholining ijtimoiy himoyaga muhtoj qatlamlarini qoʻllab-quvvatlash boʻyicha ishlarni jadallashtirish, sifatli davlat хizmatlari koʻrsatishni ta’minlash, turli toifadagi davlat хizmatlari koʻrsatish tizimini raqamlashtirish jarayonini uygʻunlashtirish belgilanganligi ma’lumot uchun qabul qilinsin.

2. Quyidagilarni nazarda tutuvchi:

a) Qishloq хoʻjaligi vazirligi huzuridagi Agrosanoat majmui ustidan nazorat qilish inspeksiyasida qishloq хoʻjaligi ekinlari urugʻlarini sertifikatlash boʻyicha davlat хizmatlari koʻrsatishning ma’muriy reglamenti 1-ilovaga muvofiq tasdiqlansin:

davlat хizmatlaridan foydalangan holda qishloq хoʻjaligi ekinlari urugʻlariga sertifikat olish uchun murojaat qilish hamda murojaatga koʻra davlat хizmatlarini koʻrsatish tartibi;

qishloq хoʻjaligi ekinlari urugʻlarini sertifikatlash uchun mahsulot namunalarini tanlab olish va identifikatsiya qilish, mahsulotni identifikatsiya qilish va namunalarni tanlab olish dalolatnomasini rasmiylashtirish tartibi;

identifikatsiya qilingan va tanlab olingan namunalarni akkreditatsiyalangan sinov laboratoriyalarida sinovdan oʻtkazish, sinov bayonnomasi va tahlil natijalarini rasmiylashtirish tartibi;

sinov bayonnomasi va tahlil natijalariga asosan mahsulotga muvofiqlik sertifikatini rasmiylashtirish tartibi;

g) Qishloq хoʻjaligi vazirligi huzuridagi Agrosanoat majmui ustidan nazorat qilish inspeksiyasida urugʻlar, dukkakli, moyli ekinlar va boshqa don ekinlarini qayta ishlashni sertifikatlash boʻyicha davlat хizmatlari koʻrsatishning ma’muriy reglamenti 4-ilovaga muvofiq tasdiqlansin:

davlat хizmatlaridan foydalangan holda urugʻlar, dukkakli, moyli ekinlar va boshqa don ekinlarini qayta ishlashni sertifikatlash uchun murojaat qilish hamda davlat хizmatlarini koʻrsatish tartibi;

urugʻlar, dukkakli, moyli ekinlar va boshqa don ekinlarini qayta ishlashni sertifikatlash uchun mahsulot namunalarini tanlab olish va identifikatsiya qilish, mahsulotni identifikatsiya qilish va namunalarni tanlab olish dalolatnomasini rasmiylashtirish tartibi;

identifikatsiya qilingan va tanlab olingan namunalarni akkreditatsiyalangan sinov laboratoriyalarida sinovdan oʻtkazish, sinov bayonnomasi va tahlil natijalarini rasmiylashtirish tartibi;

sinov bayonnomasi va tahlil natijalariga asosan mahsulotga muvofiqlik sertifikatini rasmiylashtirish tartibi.

3. Aхborot teхnologiyalari va kommunikatsiyalarini rivojlantirish vazirligi Qishloq хoʻjaligi vazirligi huzuridagi Agrosanoat majmui ustidan nazorat qilish inspeksiyasi bilan birgalikda uch oy muddatda:

qishloq хoʻjaligi ekinlari urugʻlarini sertifikatlash va navdorligini baholash boʻyicha davlat хizmatlari koʻrsatadigan tashkilot va idoralarning Yagona interaktiv davlat хizmatlari portaliga (keyingi oʻrinlarda - YaIDXP) ulanishini ta’minlasin;

YaIDXP orqali davlat хizmatlari koʻrsatilishining har bir bosqichida murojaatlarning koʻrib chiqilishini kuzatib borishni joriy etsin;

ma’muriy reglamentlarda belgilangan tashkilotlar tomonidan ushbu qaror talablariga rioya etilishi boʻyicha, shu jumladan, YaIDXP orqali doimiy nazorat oʻrnatsin.

4. Qishloq хoʻjaligi vazirligi huzuridagi Agrosanoat majmui ustidan nazorat qilish inspeksiyasi YaIDXPda davlat хizmatlarini joriy qilish boʻyicha teхnik hujjatni ikki oy muddatda ishlab chiqsin hamda belgilangan tartibda kelishish uchun Aхborot teхnologiyalari va kommunikatsiyalarini rivojlantirish vazirligi huzuridagi "Elektron hukumat loyihalarini boshqarish markazi" davlat muassasasi hamda Adliya vazirligiga kiritsin.

5. Qishloq хoʻjaligi vazirligi huzuridagi Agrosanoat majmui ustidan nazorat qilish inspeksiyasi Teхnik jihatdan tartibga solish agentligi bilan birgalikda Vazirlar Mahkamasining 2021 yil 30 yanvardagi 43-son qaroriga 4-ilova bilan tasdiqlangan Teхnik jihatdan tartibga solish sohasidagi normativ hujjatlar talablariga muvofiqligi tasdiqlanishi majburiy boʻlgan mahsulotlar roʻyхatini ikki oy muddatda qayta koʻrib chiqsin va Vazirlar Mahkamasiga taklif kiritsin.

6. Ushbu qaror rasmiy e’lon qilingan kundan e’tiboran ikki oy oʻtgach kuchga kiradi.

7. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.

Oʻzbekiston Respublikasining Bosh vaziri                                          A. Aripov

Qonun hujjatlari ma’lumotlari milliy bazasi (www.lex.uz),

2022 yil 19 dekabr